Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 117
  上載相片 4013
  上載影片 3
最近分享過的旅程
2018年聖誕遊東京
國家/地點: 日本
旅程日期: 2018-12-23 至 2018-12-28
2019瑪麗皇后二號郵輪八天遊
國家/地點: 新加坡, 越南
旅程日期: 2019-03-05 至 2019-03-12
2018台灣四天美食之旅
國家/地點: 台灣
旅程日期: 2018-11-23 至 2018-11-26
2018美加探親兩週遊
國家/地點: 加拿大, 美國
旅程日期: 2018-03-27 至 2018-04-07
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
2014Crystal郵輪東瀛遊 (中國, 日本)
(旅程日期: 2014-02-10 至 2014-02-22 ,  旅程性質: 飲食購物)
發表日期: 2014-06-09

四年前肥肥家族曾經去過東京睇櫻花,而兩年前就乘坐超豪華o既Crystal Serenity郵輪暢遊歐洲多過地區,兩次旅遊o既靚景同美食到而家小肥都仍然歷歷在目;坐完郵輪河時,大家其實都已經開始幻想緊如果兩個trip可以合二為一再玩多次就正囉!今次真係比我地恨到,2014年初,Crystal Serenity郵輪咁啱就有航線由橫濱(Yokohama)黎香港,我地當然係第一時間組團兼報名啦

由於橫濱離東京唔遠,大肥爸爸就提議大家先飛去東京玩幾日,然後再坐車去橫濱上船。哈,好在大肥咁爛玩,因為咁啱就喺上船前兩日,東京落大雪,世界各地來往東京有多班航機都受到延誤,部份更被取消添;如果我地冇計劃到預鬆三日時間去東京玩,而係等到上船嗰日先飛往橫濱,就算我地唔走船,恐怕情況都會幾狼狽吓,所以大家都好感激大肥有此特別安排

210日(多雲):Crystal Serenity Day #1 Yokohama橫濱

上船當日,我地朝早喺東京凱悅酒店九樓個Hyatt Regency Club度食早餐同辦理check-out手續,一個地方搞掂哂,唔洗上上落落,夠哂輕鬆、簡易、快捷。我地大約十一點半離開酒店,乘坐巴士前往橫濱「大さん橋」(英語拼音:Osanbashi)郵輪碼頭,全程兩個鐘頭有找。

到達橫濱「大さん橋」郵輪碼頭,辦理好登船手續後都差不多成一點半,因為大家都肚餓,所以第一時間就去咗Crystal Dining Room度醫肚!食完晏,我地就上房安頓好自己o既行李,然後再出發去市中心「濕平」。「濕」到咁上吓就返上船Happy Hour,一邊飲酒,一邊聽音樂,直到八點半再入Dining Room食晚餐。

巴士上可看到大さん橋碼頭之指示牌
巴士上可看到大さん橋碼頭之指示牌
到達大さん橋郵輪碼頭
到達大さん橋郵輪碼頭
到達大さん橋郵輪碼頭:Crystal Serenity
到達大さん橋郵輪碼頭:Crystal Serenity
大さん橋郵輪碼頭室內
大さん橋郵輪碼頭室內
大さん橋郵輪碼頭室內
大さん橋郵輪碼頭室內
大さん橋碼頭之迷你木雕模型
大さん橋碼頭之迷你木雕模型
Crystal Serenity所提供之免費穿梭巴士服務
Crystal Serenity所提供之免費穿梭巴士服務
Crystal Serenity停泊於大さん橋郵輪碼頭(夜照)
Crystal Serenity停泊於大さん橋郵輪碼頭(夜照)

早上十一點半前,酒店為我地預訂o既巴士已經喺門口等緊我地。帶上白色手套o既司機叔叔非常有禮地向我地十個人鞠躬問好,並為我地續一安放好共二十多件行李上車。見司機叔叔以英語同我地對答頗有困難,XO仔就自薦同佢以簡單o既日語溝通,仲機坐上車頭;得悉唔洗講太多英文,叔叔當堂輕鬆哂,其感激之情亦全寫於面上,更一邊開車,一邊向我地介紹沿途o既不同地標。我地當日架巴士由酒店出發,到橫濱「大さん」橋郵輪碼頭,只係遇上輕微o既擠塞,全程都係個幾鐘頭,收費為35,000日元+ 900日元稅,一切順順利利,團友們都覺得價錢合理

我地架巴士一到達橫濱「大さん橋」郵輪碼頭o既落客區,已經有幾位臉帶笑容o既哥哥姐姐帶埋推車黎迎接我地,並幫忙搬運又大又細o既行李,其中有兩位更可用流利o既國語溝通,團友們都覺得深受歡迎!不收小費o既服務生不但帶領客人辦理手續,而且仲一直陪同客人,直到Crystal收妥所有行李為止,服務細心周到。

「大さん橋」碼頭圍繞住大堂有幾間商店,中央設有服務中心,旅客可免費索取不同資料,如不同巴士路線之詳情,購物指南,地圖,postcards,旅遊wifi咭等,所有工作人員除咗友善,亦好樂於助人。碼頭上層為觀光層,遊客可24小時觀看橫濱海岸景色;嘻嘻,小肥同哥哥都有走上去玩,仲拍下多張相片,細佬覺得最靚都係郵輪Crystal Serenity張夜照。

橫濱市政府非常好客,特別喺「大さん橋」碼頭提供免費穿梭巴士服務,由早上八點半到傍晚六點半,接送郵輪搭客來橫濱市中心;車程約二十分鐘,每半個鐘頭一班。最感動就係橫濱市政府更派人駐守橫濱市中心及「大さん橋」碼頭兩個站作嚮導

推介項目: 觀光層,迷你木雕模型
評分: 值得去4  
Crystal Dining Room營業時間
Crystal Dining Room營業時間
2月10日之午餐,郵輪位置為日本橫濱/東京
2月10日之午餐,郵輪位置為日本橫濱/東京
餐前香檳:歡迎光臨Crystal Serenity
餐前香檳:歡迎光臨Crystal Serenity
“Ebi Mayo”
“Ebi Mayo”
Cream of Zucchini
Cream of Zucchini
Spaghetti Pasta – Bolognese Sauce & Parmesan
Spaghetti Pasta – Bolognese Sauce & Parmesan
Ice-Cream Sundae "Mint Julip"
Ice-Cream Sundae "Mint Julip"
2月10日:午餐餐牌
2月10日:午餐餐牌

闊別兩年,Crystal Dining Room依然高雅潔亮,豪華舒適,而且不失嗰種好似置身於屋企o既溫暖感。肥肥家族對Crystal郵輪其中一個最深刻o既印象就係其超級和藹可親、幽默灰諧o既船員,尤其係餐廳入面o既各級人員,我地所感受到o既溫暖感之泉源。今次我地十個人被分成兩長枱,每張枱都有兩位服務生,即係話我地有四位;佢地分別係名網球星祖高域o既同鄉Zoran,英國代表Lloyd,來自Croatia的Angela 及Zdravko。因為幾位姨媽姨丈們將於數月後前往Croatia觀光旅遊,得悉Angela,Zdravko及Zoran母語同為Serbo-Croatian時,XO仔就好學地叫佢地每日教一兩句常用o既字句,好等姨媽姨丈們去到Croatia都可以對答兩嘴(真係用心良苦!);三位老師二話不說就開始授徒,第一課為 “Dobar Dan”,即「午安」!

Crystal Serenity上o既膳食出名質高又美味,兩年前喺歐洲同兩年後喺日本,水準仍能保持高超,真係難得:

廚師推介之“Ebi Mayo” – Japanese Style Fried Shrimp Tossed in a Creamy Honey Sauce: 炸蝦細細隻,一口一隻易入口,外層o既炸皮香脆,內層o既蝦肉爽口彈牙,配上甜甜o既忌廉蜜糖醬更覺香甜野味!

廚師推介之Cream of Zucchini with Parsley-Lemon Pesto & Whole Wheat Croutons:忌廉湯一啲都唔溜,味道又唔會話好,當中o既香草檸檬味輕輕刺激味蕾,飲落幾醒神!

Spaghetti Pasta – Bolognese Sauce & Parmesan:記得Crystal每日都會烹調出不同款色o既意大利粉,當日o既肉醬意粉其實係小肥由細到大都好鍾意食o既其中一款,當然係唔會錯過啦!意粉彈牙,肉醬味香甜又夠肉,食得細佬好滿足。

Ice-Cream Sundae "Mint Julip" - Mint Chocolate Chip Ice-cream:自從驗出有脂肪肝,XO仔已經停咗冇食雪糕,不過既然自己放緊假,理應放開懷抱,盡情享受,所以就決定比自己任性一次,喺Crystal郵輪上大喝大吃!小肥最愛吃薄荷朱古力脆脆雪糕,仲要加忌廉,清香甜滑溜,正呀

推介菜式: “Ebi Mayo”,Cream of Zucchini,Spaghetti Bolognese,Ice-Cream Sundae "Mint Julip"
評分: 味道5   服務5   環境5   衛生5   抵食5
8樓附露台之廂房
8樓附露台之廂房
8樓附露台之廂房
8樓附露台之廂房
8樓附露台之廂房
8樓附露台之廂房
8樓廂房外之露台
8樓廂房外之露台
8樓廂房露台望出大さん橋碼頭
8樓廂房露台望出大さん橋碼頭
Stewardess: Lalchungi
Stewardess: Lalchungi

今次Crystal Serenity東瀛遊每間附陽台廂房原價每位為USD 15,490,因為我地於推廣期內購票,除咗可即享買一送一之外,更可額外慳USD 1,000!此外,所有舊搭客亦可享有Crystal家族折扣,如於出發前指定日期內全數付清又再加奬賞,結果我地每人大約比咗USD 6,000,船上o既所有食物,酒水,服務費等全包,同我地去歐洲時差不多,不過旅程最抵就係唔洗買機票返香港,因為郵輪o既終站就係香港

我地今次o既八樓廂房同上次o既九樓廂房無異,無論係間隔大小,都係一模一樣,寬敞舒適,應有盡有!就連負責為我地執房嗰位妹妹仔都同上次一樣,真係有緣;因為大家都彼此得,感覺份外親切。妹妹仔叫Lalchungi,佢話自己對我地成班客人印象都好深刻,因為我地「仁慈謙厚」!佢仲話知道小肥於上一次乘搭Crystal後為佢寫咗份好好o既評價,雖然評價並無例明客人之名稱,但從內容上,佢清楚感覺到係我寫,所以一直記於心中,希望有一日能夠親口道謝。知悉Crystal有認真閱讀自己所寫o既評價,亦有向船員公開表揚及鼓勵,XO仔亦深感安慰
每晚價錢: 500美元 (雙人房)
評分: 設備5   服務5   環境5   衛生5   抵住5
地上印有地圖
地上印有地圖
精美Hello Kitty情人節朱古力
精美Hello Kitty情人節朱古力
精美情人節朱古力
精美情人節朱古力
Sogo 食物部
Sogo 食物部
Sogo抵買日本清酒
Sogo抵買日本清酒
Sogo 食物部
Sogo 食物部
Sogo 食物部之生果三文治?!
Sogo 食物部之生果三文治?!
精美情人節朱古力之戰利品
精美情人節朱古力之戰利品

因為我地會喺横濱停留兩日,上船當日食完午餐又只剩餘兩個多小時活動時間,所以團友們都同意先坐橫濱市政府所提供免費穿梭巴士服務,到横濱市中心o既Sogo行街,第二日先到其他景點暢遊。

情人節將近,Sogo食物層B2每個角落都擺滿精美o既情人節朱古力,當中亦不乏OL心頭好之一o既Hello Kitty;嘻嘻,咁多選擇,小肥當然有揀返份比女朋友以作補祝之用啦!正當小肥同哥哥買情人節朱古力o既同時,長輩們原來去咗試日本清酒。據佢地所講,啲sake價格比香港同美國平多多聲,真係可以用「超抵」兩個字黎形容,而且酒商絕不吝嗇,雖然我地一行十人,但係每款清酒都比我地試哂,仲要杯杯滿,結果我地都好識做地買咗兩枝上船飲!
推介項目: 情人節朱古力,日本清酒
參觀時段: 下午
評分: 值得去4  
2月10日Bon Voyage晚餐,停泊於日本橫濱/東京
2月10日Bon Voyage晚餐,停泊於日本橫濱/東京
服務生為Zoran及Angela
服務生為Zoran及Angela
Crystal Cruises Bon Voyage 餐碟
Crystal Cruises Bon Voyage 餐碟
Today's Drink Special: Rising Sun
Today's Drink Special: Rising Sun
Crab Chowder – Sweet Corn, Butternut Squash & Peas
Crab Chowder – Sweet Corn, Butternut Squash & Peas
Pork “Tonkatsu”
Pork “Tonkatsu”
Nougatine w/ Vanilla Yogurt
Nougatine w/ Vanilla Yogurt
Nougatine w/ Vanilla Yogurt
Nougatine w/ Vanilla Yogurt

同兩年前遊歐洲時一樣,上船第一個晚餐名為“Bon Voyage Dinner”,用o既同樣都係嗰套橙色o既Bon Voyage餐具,感覺一啲都唔陌生,環境格調仍依舊高雅舒適。唯一不同之處就係親切o既服務生同時化身成為語文老師,每次見面都會有新課題,每餐最少會教XO仔一個新語句,當晚就學咗句“Dobar Vecher”,即“Good Evening”。

如上文提到,我地喺Crystal Serenity郵輪上o既所有膳食餐飲都已經係比哂錢,就連小費都包埋,所以小肥點食物時都唔會話特別留力,不過第一晚可以話係整個旅程中最保守o既一日啦,因為頭盤、主菜、甜品都只係各選一

Today’s Drink Special - “Rising Sun”(Gordon’s Gin, Orange Curacao, Angostura Bitters, Fresh Orange Juice, Fresh Lemon Sour & Soda Water):以橙汁為主材o既雞尾酒外表猶如太陽升起時那麼橙黃艷麗,而味道亦如陽光般清新醒神,個名真係改得非常貼切!

廚師推介之Crab Chowder – Sweet Corn, Butternut Squash & Peas:蟹肉同粟米乃crab chowder之精髓,兩者香甜濃郁,無得彈!

Pork “Tonkatsu” – Panko Crusted, Crisp Fried Pork Cutlet, Traditional Garnish, Japanese Rice & Tonkatsu Sauce:小肥喺Crystal Dining Room食過咁多餐真係從未投訴過食物唔好食,不過今次真係對個炸豬扒有少少失望!雖然豬扒夠薄,但係就一啲肥都冇,故此肉質偏乾偏嚡,整體唔夠鬆化。

廚師推介之Nougatine – Nougat Mousse w/ Simple Vanilla Yogurt:Nougatine外層為薄薄o既朱古力脆,內層為香滑o既nougat mousse,配上簡單o既雲尼拿乳酪,可令本身頗甜o既nougat mousse更加易入口,感覺冇咁溜。

推介菜式: Crab Chowder,Nougatine
評分: 味道4   服務5   環境5   衛生5   抵食5
  0 個留言    |  加入你的留言
發表日期: 2014-07-15

211日(多雲):Crystal Serenity Day #2 Yokohama橫濱

唔計小肥兩兄弟在內,團友們o既平均年齡為六十有多,故此我地o既旅遊活動大多以購物及飲食為主。小肥一早睇過旅遊書,知道橫濱有多個商場及百貨公司,絕對適合男女老幼「濕平」,所以特意安排大家喺橫濱o既第二朝早食過早餐後,先乘搭免費穿梭巴士前往横浜駅附近行街。買到咁上下,我地就去咗全日本最大o既唐人街度食午餐。

單看旅遊書上所印o既相片,橫濱o既觀光熱點當中最具吸引力o既係兩間同麵有關o既博物館,一間係「カップヌードルミュージアム」(杯麵博物館Cupnoodles Museum),另外一間係「新横浜ラーメン博物館」(新橫濱拉麵博物館Shinyokohama Raumen Museum)。因為我地逗留喺橫濱o既時間有限,兩者o既主題又差不多,醫飽個肚之後,我地最終就選擇咗去離「大さん橋」郵輪碼頭較近o既「杯麵博物館」度遊覽。

我地大約五點鐘左右返上船,飲咗個下午茶就各自回房穿上救生衣,為當日所有Crystal搭客必需參與o既緊急集合演習作出準備。演習完畢就落去Crystal Dining Room進食晚餐,並為姨丈牛一慶祝一番

當晚十時正,Crystal Serenity正式起航向大板出發!

Lido Café
Lido Café
Lido Café
Lido Café
Lido Café Breakfast Buffet
Lido Café Breakfast Buffet
Lido Café Breakfast Buffet
Lido Café Breakfast Buffet
Lido Café Breakfast Buffet
Lido Café Breakfast Buffet

距離我地上次坐Crystal Serenity郵輪只有兩年時間,不過12oLido Café經過裝修過後,外貌潮咗不少!其間隔冇乜大改變,同樣闊落舒適,只係枱櫈新淨咗,感覺更為輕鬆寫意,衛生潔亮。
同行o既四位姨媽姨丈曾經多次乘坐Crystal Serenity,郵輪上o既服務生好多都認得佢地,當中包括多位主守喺12o既菲律賓藉哥哥,BenjaminMaxNatRaymond等。佢地不但和藹可親,做事亦極為上心及細心,而且對於客人o既不同喜好都會一一記住,我地團員十人對此非常感激,亦非常滿意

同之前一樣,Lido Café個早餐為自助式,每日都會提供新鮮焗製o既麵包糕點,當中XO仔最為欣賞唔係太大件o既朱古力croissants,每朝起碼食兩、三隻其外皮香脆,包心鬆軟,甜而不膩,美味可口!團友們口味不同,但大家食早餐時似乎都愛食蛋,只係食法不同,好在Lido Café有個即叫即煮oomelet counter,任佢地點選荷包蛋奄列、淨煎蛋白、炒蛋等。其實自助餐有一個好處,就係食客可自選食材,隨意組合,自製新菜式家中兩位姨媽就最鍾意喺粥入面加隻半生熟蛋同其他配料,自製窩蛋粥,可能小肥冇乜創意,所以真係覺得姨媽們好有頭腦
推介菜式: Chocolate croissants,waffles,pancakes,french toasts,雞粥,各式蛋品
評分: 味道5   服務5   環境5   衛生5   抵食5
購物集中地 笑臉2014-07-15
横浜駅
横浜駅
横浜駅
横浜駅
横浜駅
横浜駅
横浜駅
横浜駅
横浜駅
横浜駅
高島屋退稅櫃檯
高島屋退稅櫃檯
酒品陳列
酒品陳列
於「東急ハンズ」(Tokyu Hands)購物之戰利品
於「東急ハンズ」(Tokyu Hands)購物之戰利品

食完早餐,我地就乘坐橫濱市政府所安排o既免費穿梭巴士到達橫濱市中心o既横浜駅,即橫濱地鐡站。我地早一日已經行過横浜駅東口(東邊出口)o Sogo,所以第二次去横浜駅就去咗西口oUniqlo,高島屋,同More's

大肥爸爸喺巴士上離遠見到高島屋,對眼當然係發哂光啦,第一時間就沖咗入去搵佢啲加加加大碼睡衣,更將店內僅有o既四套買哂,真係好誇張!橫濱高島屋同東京嗰間一樣,有自己o既退稅櫃檯,手續亦非常簡易快捷,客人唔洗識講日文,只需出示護照及單據,服務生就會計算及即場退還現金,兼且送上護身符紀念品一份,小肥買野真係從來都冇買得咁好開心架

高島屋及More's同屬百貨公司,不過後者風格較為時尚,主要售賣潮興服飾精品,客路主要為年輕一輩。More's眾多商店中亦不乏適合我地o既團友們,其設於五至七樓o既名生活雜貨店「東急ハンズ」(Tokyu Hands更加係我地各人都有所收穫o既一間店舖
推介項目: 高島屋,Sogo,More's,Uniqlo
參觀時段: 早上
評分: 值得去5  
横滨中华街朝陽門
横滨中华街朝陽門
横滨中华街上海路
横滨中华街上海路
横滨中华街
横滨中华街
横滨中华街
横滨中华街
横滨中华街
横滨中华街
横滨中华街
横滨中华街

據友人所講,日本眾多Chinatown當中以橫濱嗰個最大,去橫濱旅遊點都要去一次橫横滨中华街先叫做去過橫濱wor。横滨中华街被五扇大閘門包圍,分別為「天長門」、「地久門」、「延平門」、「善隣門」及「朝陽門」。横滨中华街啲街名中有條「上海路」同「香港路」,亦有多間廣東及上海中華料理餐館,似乎日本人對香港同上海特別有好感

可能因為我地係中國人啦,而且大多曾經或仍然居於加美,見過不少唐人街,所以去到横滨中华街一啲都唔覺得有乜特別囉,其實仲有少少覺得浪費時間添
參觀時段: 下午
評分: 值得去1  
皮蛋?!
皮蛋?!
豬耳
豬耳
北京填鴨
北京填鴨
叉燒
叉燒

團友們都係第一次黎橫濱,對横滨中华街並不熟識,所以就求其揀咗間門口有條隊,但又唔算話好長o既華福飯店,入去食午餐。

華福飯店外觀同美國嗰啲唐人街o既中菜館無異,室內外都係以紅色同黃色為主,正門有屏風,三層o既樓面排滿密麻麻o既大、中、小圓枱,當日坐滿人客,感覺十分擠迫。飯店主要做廣東點心放題,餐具飲品全為自助式,唔知係食客o既問題定係服務生清潔功夫不足,衛生欠奉,食物方面更頗為驚嚇

皮蛋:唔知係貧血,定亦或係營養不良呢,如相所示,皮蛋個心為黃色,而且勁實,味道怪怪,根本唔係嗰回事,當真恐怖得很

豬耳:豬耳又涷又硬,一啲麻油味都冇,失敗過失敗!

叉燒:叉燒又瘦又乾又硬又涷,毫無叉燒應有o既甜味,個人覺得好難再差囉

北京填鴨:片皮鴨夠就夠瘦,不過就好乾好硬,又唔夠熱,用黎呃外國人就得

炒雜菜:碟炒菜落得太多油,入口肥淋淋,唔掂!

華福飯店午市放題一口價1980日圓,飲品另計,餐廳不但環境唔舒服,食物質素欠佳,就算服務生識講國語都冇用,因為華福飯店喺各方面都唔合格!我地其實叫咗好多其他食品,當中無一值得推介,故上文並冇續一詳列。雖然啲野唔好食,但係我地全部清哂,因為姐姐仔收碟時話食客不可浪費食物,如有浪費,必需繳付罰款
每人消費: 約1980日圓
評分: 味道1   服務1   環境1   衛生1   抵食1
安藤百福発明記念館Cupnoodles Museum
安藤百福発明記念館Cupnoodles Museum
創造思考廳Creative Thinking Boxes
創造思考廳Creative Thinking Boxes
百福研究小屋Momofuku's Work Shed
百福研究小屋Momofuku's Work Shed
百福研究小屋Momofuku's Work Shed(1958年)
百福研究小屋Momofuku's Work Shed(1958年)
速食麵歷史方塊展覽廳Instant Noodles History Cube
速食麵歷史方塊展覽廳Instant Noodles History Cube
安藤百福歷史廳The Momofuku Ando Story
安藤百福歷史廳The Momofuku Ando Story
安藤百福発明記念館Cupnoodles Museum
安藤百福発明記念館Cupnoodles Museum
Noodles Bazaar麵條街
Noodles Bazaar麵條街

小肥同哥哥由細到大都極愛吃公仔麵,所以一睇到旅遊書介紹橫濱有兩間同麵有關o既博物館時,已經立心最少要去其中一間度參觀

我地喺横滨中华街食完晏,就喺大街度乘搭市內每人只需支付100日圓o既「赤い靴」(Akai Kutsu「紅鞋」)巴士往World Porters購物中心,再步行約五至十分鐘,到達「安藤百福発明記念館」(「杯麵博物館」Cupnoodles Museum)。「安藤百福発明記念館」咖啡色o既外表平凡,一啲都唔起眼,好容易會錯過,所以細佬建議大家去前先上網睇睇啲相,認一認。

博物館共五層,開放時間為上午十時至下午六時,觀館者必需於下午五時前進館,成人入場費為500日圓。請留意,個人覺得一個鐘頭o既觀覽時間係絕對唔夠,起碼要預兩個鐘頭,而且最好朝早去參觀,大家睇咗小肥以下詳盡o既報導就自然會明白點解

1)入口處設於被稱為「一樓」o既地面,為最底層。正門轉右為精品店;直入大堂中央為售票部;大堂左手邊展放住一個有兩個人咁高o既超級大型合味道杯麵,成功謀殺遊客們不少菲林

2)二樓為展廳,共分開五大區域,但必需為持票者先可進入:

a)      展廳o既第一個區域為「速食麵歷史方塊展覽廳」(Instant Noodles History Cube),展示出來自世界各地三千多種o既即食麵,並以各款o既初售日期舖排成即食麵o既歷史演變過程;唔講真係唔知原來第一包公仔麵就係一九五八年安藤百福先生研製出o既「雞湯拉麵」!團友們一路順序睇都認得出好多食過o既麵品,當中更勾起不少回憶,大家一邊睇一邊講,睇展覽睇得小肥咁輕鬆都係第一次

b)      展廳o既第二個區域為「百福電影廳」(Momofuku Theater),係一間迷你電影院,循環地播放一套有關即食麵o既歷史動畫,當中大部分為博物館主角安藤百福先生o既創作生涯,包括佢喺自己間研究小屋發現麵條要先經炸製先可造成即食效果,為何要以叉食用,如何將麵餅放入杯內等。動畫有趣生動,又夠簡短,連最怕歷史o既XO仔都唔覺悶,真係好難得!此外,雖然動畫全為日文,但不懂日語o既哥哥都話好易明,絕對值得一睇。

c)       展廳o既第三個區域為安藤百福先生於一九五八年成功研製出第一個即食麵o既工作室「百福研究小屋」(Momofuku's Work Shed)複本。小屋門外擺放有假麵餅,屋內有個大炸鑊、書枱、少許餐具等,就連掛牆月曆都係一九五八年嗰頁,製作非常認真!

d)      展廳o既第四個區域為「創造思考廳」(Creative Thinking Boxes),入面有六間房,觀賞者可以一邊睇、一邊玩,運用唔同角度思考,從活動當中了解百福先生o既創作思維,都幾得意架。

e)      展廳o既第五個區域為「安藤百福廳歷史」(The Momofuku Ando Story),係一幅五十八米長o既牆,以文字及圖片敘述出安藤百福先生o既一生及其世界性o既影響力。單從佢研製即食麵o既過程中,其實已經可以睇得出其不屈不撓o既精神,但當睇到佢於二千零五年,以九十歲高齡,成功研造出太空即食麵時,大家更可肯定佢o既創作思維並無因年紀而減弱,真係令人欽佩

3)三樓為「工廠層」,設有兩間不同形式o既製麵工作坊(博物館稱為「工廠」),拱參觀者親自製作即食麵,攞返屋企細嚐,或留作紀念:

a)      「雞湯拉麵工廠」(Chicken Ramen Factory):參觀者可因應年齡,支付300或500日圓,參加雞湯拉麵製麵班,由揉搓麵粉開始,續個步驟自製出雞湯杯麵。雞湯杯麵製作過程長達九十分鐘,每日只有八班,時間分別為10:15,11:00,11:45,13:15,14:00,14:45,15:30,16:15。因製麵班深受本地兒童及遊客歡迎,博物館亦有提供電話及互聯網上預約服務;如果人數夠多,仲可以申請開私人班添,所以日本好多不同區o既學校都會組團去橫濱旅遊,參觀「安藤百福発明記念館」,並為學生預約製麵私人堂。

b)      「我的合味道工廠」(My CUPNOODLES Factory):參館者可付300日圓購物一合味道杯,為杯加以設計,並加入麵餅及自選調味料,製作出獨一無二o既合味道杯麵。

4)記念館四樓分開兩部份,一部份係為小朋友而設o既「合味道遊樂區」(300日圓可玩30分鐘),另一部份係老小咸宜o既「麵條街」(Noodles Bazaar)。食客可於「麵條街」以每半碗300日圓,食盡安藤百福先生於意大利、哈薩克斯坦、中國、韓國、越南、泰國、馬來西亞及印尼親嚐過o既拉麵口味,哈哈,似乎早、午、晚訪館都唔會餓親

5)據小冊子所講,第五層為特別活動大廳及The Ando Foundation,普通觀訪者應該不準進入。

雖然我地喺「安藤百福発明記念館」只係逗留個半鐘頭,但係每一分鐘都好豐富好新奇,博物館所選用o既不同展覽方式令小肥眼界大開之餘,亦穫益良多,更留下極深刻o既印象,成年人僅需繳付500日圓真係抵到爛呀
推介項目: 可預約自製雞湯杯麵,Noodles Bazaar,Cupnoodles Park,《百福電視》的CG動畫片
入場價錢: 每人500日圓
其他消費: 自製雞湯杯麵加500日圓,可以300日圓食半碗不同口味o既麵
評分: 值得去5  
2月11日晚餐,停泊於日本橫濱/東京
2月11日晚餐,停泊於日本橫濱/東京
Giuseppe Caesar Salad
Giuseppe Caesar Salad
Giuseppe Caesar Salad
Giuseppe Caesar Salad
Chicken Broth with Semolina Quenelles
Chicken Broth with Semolina Quenelles
Tortiglioni Pasta alla Primavera
Tortiglioni Pasta alla Primavera
Braised Veal Cheeks
Braised Veal Cheeks
Today's Drink Special: Cherry Blossom
Today's Drink Special: Cherry Blossom

兩年前坐Crystal碰巧係二姨媽生日,今次坐Crystal咁啱就輪到大姨丈生日,兩次Crystal Dining Room都預備咗個生日蛋糕比壽星仔同壽星女,仲成班人一齊大聲高歌,氣氛真係好好,可以喺郵輪上慶生真係開心!見我地影相同吹蠟燭講咗幾次one, two, three,老師就順勢教我地用Croatian由一數到五,真係好有意思:“Jedan”, “Dva”, “Tri”, “Chetiri”, “Pet”。

飯前當然係要飲杯雞尾酒,碰杯慶祝姨丈牛一快樂啦

Today’s Drink Special – Japan’s National Treasure “Cherry Blossom”(Cherry Heering Liqueur, Courvoisier VSOP, Triple Sec, Fresh Orange Juice & Grenadine):Crystal用酒一啲都唔吝嗇,第一口Cherry Blossom已經嚐到好幾款濃烈o既甜酒味,好在有橙汁同冰塊中和,飲落先冇咁“keng”,不過飲完一杯都已經有少少醉意

我地坐底冇耐,Crystal Dining Room入面負責我地嗰區o既Giuseppe經理已經擺定架部,準備即場為我地拌製凱撒沙律,莫非此乃慶祝姨丈生日o既前奏部分?!Giuseppe叔叔非常風趣幽默,一邊拌製沙律,亦不忘同我地講佢喺屋企煮餸時o既大小趣事,嘻嘻,真係老得幾可愛

Giuseppe Caesar Salad:見Giuseppe叔叔咁有誠意,親自下廚,小肥又點會唔賞面食返一份呢?!Crystal所用o既蔬菜新鮮翠綠,沙律中o既croutons好夠卜卜脆,沙律醬味道又唔會過濃,好好味!

Chicken Broth with Semolina Quenelles(食客於落單時可指明要“low sodium”) :雞湯好清,雖則話係low sodium,但味道又唔係特別淡;湯入面本身冇乜味o既Semolina Quenelles煙煙韌韌都唔錯。

Tortiglioni Pasta alla Primavera – Fresh Vegetables, Mushrooms, Cream Sauce & Italian Parsley:Crystal個廚房煮意粉真係有一手,無論係邊種麵條,加入邊款醬汁,個效果都永無甩拖。依道Tortiglioni雖然係用忌廉汁煮製,但一啲都唔溜,食落更覺清新,加上意粉軟腍得黎又不失煙韌,好出色

廚師推介之Braised Veal Cheeks – Red Wine Lentils & Crisp Shallots:依味牛仔面珠墩原本係頭盤,不過媽咪話可以好滯,所以提議小肥轉做主菜黎食,乖仔當然照做啦!XO仔第一次食牛仔面珠墩,質感腍到好似入口即溶咁,濃味亦同時直達味蕾,好特別,不過就如媽媽所講,食完真係頗滯。

我地當晚o既甜品當然係姨丈最愛o既朱古力味生日蛋糕啦!從當晚姨丈o既笑容,大家都可以感受到佢真係甜在心頭喺度再一次祝姨丈生日快樂!

推介菜式: “Cherry Blossom”,Giuseppe Caesar Salad,Chicken Broth with Semolina Quenelles,Tortiglioni Pasta alla Primavera,Braised Veal Cheeks
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2014-07-24

212日(多雲):Crystal Serenity Day #3 At Sea

我地今次Crystal Serenity郵輪東瀛遊共有三天“At Sea”,即全天於海中渡過,而離開橫濱翌日就係是次郵輪河o既第一日“At Sea”。

嗰朝早我地八點半先喺Crystal Dining Room享用早餐,然後就各自各去自由活動:大肥爸爸去咗打橋牌、媽咪去咗做按摩、auntie去咗洗頭扮靚靚、姨媽姨丈同小肥兩兄弟就去咗做運動。十二點再約返喺十二樓會合食午餐。

當日Crystal安排比搭客o既午間節目非常豐富,不過我地大多選擇遊戲性質o既活動

13:30 - 大肥爸爸同姨媽姨丈去咗十二樓Palm Court度學American Style Waltz Variations,而媽咪、小肥及兩位靚靚auntie就參加咗船上o既打麻雀活動。Crystal所提供o既麻雀配套極為簡陋,只有薄薄o既美式麻雀套裝,一套廣東牌或者台灣牌都冇,就連枱櫈都只係用Prego餐廳內o既餐桌及餐椅,文化欠奉,故我地四個人一致裁定唔合格!雖則如此,但係我地隔離枱嗰啲西人婆婆卻玩得純熟自然,興奮投入

14:00 - 打咗二十分鐘麻雀,我地四人邦就同其他團友喺郵輪上o既賭場會合。團員中有四個參加咗拉老虎機比賽,一個參加咗21點比賽,其餘五個就做啦啦隊,可惜我地全軍覆沒,連安慰奬都冇

15:45 - Bingo時間,參加者同拉老虎機嗰啲年紀相約,大多為公公婆婆級,小肥同哥哥係最後生嗰兩個。記得以前細細個玩Bingo係每人買幾張Bingo咭,慢慢對號碼,但原來Bingo早已被電腦化,而家玩Bingo興租部Bingo機,玩家唔再需要對號碼,只需等部機叫,通知勝出者,再經工作人員核實,遊戲好快就結束,一啲都唔刺激!

遊戲過後,大家個肚都開始叫,所以就過咗去Bistro食下午茶加Happy Hour,六點左右再各自各返上房為Formal Night裝身。

19:00 - 團友們喺Galaxy Lounge集合聽Michael Bell先生表演唱歌。

19:45 - 聽完歌就上咗去12樓Palm Court參加Captain’s Welcome Party,同船長會面及影相留念。

20:00 - 喺雞尾酒會逗留咗約十五分鐘,我地就落返去五樓,排隊等Crystal郵輪上o既專業攝影師幫我地影靚相。喺郵輪影相雖然最平嗰張相都要12.5美金,不過客人並無必要買下攝影師所拍下o既每一幅相片,唔滿意可以第二個formal night再影過,唔鍾意更可以一幅都唔要。

20:30 - 喺郵輪上o既Formal Night,Crystal Dining Room都必定有特別菜式,當晚Gala Welcome Dinner亦不例外,有多款海鮮及靚酒,食到我地個個都攬住個肚

豪華版早餐 笑臉2014-07-24
早餐餐牌
早餐餐牌
早餐餐牌
早餐餐牌
Crisp Classic Belgium Waffles
Crisp Classic Belgium Waffles
Buttermilk Pancakes with Banana
Buttermilk Pancakes with Banana
Egg White Omelet
Egg White Omelet
Chicken Congee
Chicken Congee

Crystal郵輪上食早餐共有五個選擇,分別為5oCrystal Dining Room6oThe Bistro12oLido Café12oTastes,以及自己房間oRoom Service。其實五個地點所食到o既食物都差唔多,只係形式環境、及開放時間不同我地早一日去過oLido Café為自助餐,而第三日去oCrystal Dining Room就全程有服務生侍候,食物全為即叫即煮,就連果汁都係即叫即渣,係五個地方當中最豪華,食物亦最為新鮮熱辣o既早餐選擇。

睡眠充足oXO仔胃口特別好,所以就叫咗兩款心頭好,wafflepancake

Waffles, Crisp Classic Belgium Waffle with Fresh Fruit, Whipped Cream & Real Maple Syrup:嘩,圓形owaffle面積不但大過小肥個頭,而且仲好厚身,長輩們都不禁大叫誇張!巨型owaffle外脆內軟,而且好夠熱,配上忌廉楓糖漿及鮮甜爽脆o既生果,簡直係完美呀!

Pancakes, Buttermilk Pancakes with Banana:班戟未上枱已經聞到香噴噴o既香蕉味,食落更覺熱辣辣o既班戟質感鬆軟,塗上忌廉、牛油、蜜糖、果醬加以調味,整體香甜軟滑,十分美味

推介菜式: Waffles,Pancakes,Egg White Omelet,Chicken Congee
評分: 味道5   服務5   環境5   衛生5   抵食5
鬼佬中菜 笑臉2014-07-24
午餐餐牌
午餐餐牌
Fried Chicken Noodle
Fried Chicken Noodle
Potstickers
Potstickers
郵輪前往大阪
郵輪前往大阪
2月12日多雲
2月12日多雲
2月12日多雲
2月12日多雲

喺Crystal郵輪上食午餐比起食早餐有更多o既選擇,食物種類亦較多元化。除咗Crystal Dining Room提供o既高級西餐及The Bistro提供o既自助餐之外,十二樓有四間互通o既室內餐飲部,包括自助式o既Lido Café,雪糕吧Scoops Ice Cream Bar,同埋即叫即煮o既Tastes及Trident Bar & Grill。

我地當日坐喺Tastes與Lido Café交界,食盡四區o既菜餚。Tastes內o既座位全為有瓦遮頭,一半為玻璃窗頂,好日就陽光普照,陰天亦可睇到烏雲,聽到雨水滴滴答答聲,襯上藤式枱櫈好有沙灘feel,感覺分外輕鬆寫意

服務生並無因舒適o既環境而變得懶散,當中令我地印象最深刻就係同時主守喺Tastes同Trident Grill & Bars區域o既Alvin哥哥。菲律賓藉o既Alvin不但態度和藹友善,儘管我地只係路過,每次見面都必定會同我地打招呼問好,做事更加係勤奮盡責,而且毫不計較,見到客人有任何需要,就算唔係其工作範圍內之瑣碎事,佢都會自動自覺地幫忙輔助,細心體貼得很

Tastes只有兩頁o既餐牌,菜式包括沙律、三文治、pizza、意粉、炒麵及鍋貼,用油不多,亦較為健康,全部即叫即煮,保證新鮮衛生。飲品方面就同船上其他餐廳一樣,要乜有乜,酒品汽水全包!

Potstickers:Potstickers其實係煎製o既鍋貼,不過唔知點解會用蒸籠上,估計係外籍廚員不懂蒸籠之實際用途,只係覺得個籠好有中國色彩因而選用為承載之器皿。鍋貼唔係好油,層皮又唔會話太厚,肉餡軟嫩唔肥膩,豉油同醋另上,尚算有文化。離開咗香港差不多一個禮拜終於可以食得到中式食品其實都已經好開心,要求自然唔高,小肥一口氣仲食咗三籠添!

Fried Chicken Noodle如相所示,外國人炒麵煮出黎o既效果同佢地煮意粉極為相似,麵條咬落質感亦同樣為al dente。喺用料方面,佢地加插咗較大塊o既雞柳、較粗o既菜絲,以及灑上芝麻粒,A貨炒麵絕不比正貨差,只係感覺西化咗,而且冇咁油膩,更可稱得上為健康美味。

推介菜式: Potstickers,Fried Chicken Noodle
評分: 味道5   服務5   環境5   衛生5   抵食5
超正熱狗 笑臉2014-07-24
The Trident Bar & Grill - 菲律賓藉大廚Andres哥哥
The Trident Bar & Grill - 菲律賓藉大廚Andres哥哥
The Trident Bar & Grill自選配料及調味料
The Trident Bar & Grill自選配料及調味料
The Trident Bar & Grill
The Trident Bar & Grill
The Trident Bar & Grill旁o既Scoops Ice Cream Bar
The Trident Bar & Grill旁o既Scoops Ice Cream Bar

Trident Bar & Grill就喺Tastes隔離,兩區之枱櫈無異,只係服務生同食物不同。Trident有個開放式廚房,入面嗰位菲律賓藉大廚Andres哥哥負責煮製漢堡包、熱狗、薯條等美式食品。大多食客都會直接於烤爐前排隊點取食物,自加配料,但食客其實亦可向服務生落單。Andres哥哥雖然身兼數職,又要煮又要接單,正式忙得氹氹轉,但佢每日都會笑臉迎人,間中仲同食客講吓笑,而且記性超強,居然可以記得哂我地十個人不同o既喜好

Hot Dog烘過o既麵包外脆內軟,腸仔彈牙野味,加上鮮甜多汁o既生洋蔥粒同蕃茄醬,整體變得更加爽脆醒胃,新鮮熱辣煮出黎o既熱狗當真特別好食

French Fries幼長o既薯條香脆軟嫩,炸得好夠乾身,食落一啲都唔覺油膩,可以話係小肥食過最美味o既薯條

推介菜式: Hot Dog,Cheese Burger,French Fries
評分: 味道5   服務5   環境5   衛生5   抵食5
2月12日Gala Welcome Dinner,郵輪向大阪進發
2月12日Gala Welcome Dinner,郵輪向大阪進發
航海二十週年餐碟
航海二十週年餐碟
Blackened Yellow Fin Tuna Carpaccio
Blackened Yellow Fin Tuna Carpaccio
Cream of Wild Mushroom Soup – Brioche Croutons
Cream of Wild Mushroom Soup – Brioche Croutons
Rigatoni Pasta
Rigatoni Pasta
Tempura Shrimp Salad
Tempura Shrimp Salad
Broiled Fresh Maine Lobster, Sauce Hollandaise
Broiled Fresh Maine Lobster, Sauce Hollandaise
Giuseppe Banana Foster with Vanilla Ice Cream
Giuseppe Banana Foster with Vanilla Ice Cream

喺郵輪上有兩晚為formal night,賓客必需穿著較隆重o既服飾進膳,Crystal Dining Room係絕不招待穿牛仔褲及波鞋者。第一晚formal名為Gala Welcome Dinner,客人好多都會順理成章地盛裝出席船長為歡迎搭客o既雞尾酒會,女士們打扮得花枝招展,男士們亦唔弱,出動西裝禮服,衣香鬓影,非常熱鬧

當晚我地兩圍枱o既女士們都好有驚喜,因為負責我地枱嗰位英藉肥哥哥Lloyd好有紳士風度地護送幾位進場入座,感覺猶如貴賓般,佢地都有少少受寵若驚。當老師Zdravko用英語向我地問好時,好學o既XO仔就順勢問佢Croatian點講,佢就教咗以下兩句新句:“Kakusi”(你好嗎?)及 “Dobro”(好好)。

Crystal對客人出席晚宴有衣著規限,相對地,佢地於formal night所提供o既佳餚美酒質量亦有所提升:

Blackened Yellow Fin Tuna Carpaccio – White Truffle Oil & Lemon-Caper Aioli:以松露油點綴o既Aioli醬蒜味香濃,陣陣檸檬香又醒胃提神,塗上吞拿魚薄片感覺既清新又野味,真係一絕

Cream of Wild Mushroom Soup – Brioche Croutons:蘑菇湯香滑唔溜,灑喺面半腍半脆o既croutons令口感更為豐富,簡單可口。

Rigatoni Pasta – Plum Tomatoes, King Crab Meat, Roasted Squash, Garlic Confit & Fresh Basil, Drizzled with Lemon Oil:每晚喺Crystal Dining Room食晚餐,小肥都好期待大廚所煮製o既意粉,當晚Gala Welcome Dinner師傅專登選用新鮮皇帝蟹肉為主材,當然係冇令細佬失望啦!煙韌o既麵條,配上鮮甜o既蟹肉及野味醒神o既醬汁,果真無懈可擊

Tempura Shrimp Salad – Mixed Lettuce, Yuzu-Anchovy Dressing, Parmesan Shavings, Baby Tomatoes, Mandarins & Marinated Cucumber:Crystal煮日式豬扒雖然唔係好得,不過炸天婦羅卻又唔錯bor,件蝦天婦羅層外皮又薄又脆,而且毫不油膩,蝦身又夠爽口彈牙,XO仔都覺得有少少驚喜。

Broiled Fresh Maine Lobster – Sauce Hollandaise, Cauliflower-Chive Risotto & Snow Peas:意外地,龍蝦肉一啲都唔嚡,質感爽中帶嫩,味道鮮甜香口,無得彈!

廚師推介之Apple Crumble Tart with Vanilla Ice Cream – Red Wine Lentils & Crisp Shallots:記得細細個嗰陣時,靚靚媽咪最愛於家中焗製apple crumble,不過可能功夫多啦,佢都好耐冇整lu,所以見到餐牌上此道甜品例明為廚師推介時,未到叫甜品小肥已經同Zoran老師預留定一份,希望懷緬一番。Crystal個apple crumble又熱又鬆脆,蘋果味清甜,加埋雲尼拿雪糕一齊食增添軟滑感,同媽咪以前整嗰啲真係有得fight

Giuseppe Special之Banana Foster with Vanilla Ice Cream:Gala Welcome Dinner屬特別日子,Giuseppe叔叔又有新搞作,就係即場烹調banana foster,但礙於郵輪上有新管制,佢只能喺廚房內點火,再不能於餐廳內表演火焰效果,嘻嘻,不過佢都好搞鬼地擺咗個舖士比我影咗幅相。Banana foster酒味撲鼻,香醇甜美,輕輕以朱古力醉點綴,配上雲尼拿雪糕,依味甜品簡真係超級美味!

老師們見XO仔每日都好勤力地複習新學o既語句,當晚臨走前仲贈多學生一句 “Laku Noch”,即「晚安」
推介菜式: Blackened Yellow Fin Tuna Carpaccio,Cream of Wild Mushroom Soup,Rigatoni Pasta,Tempura Shrimp Salad,Broiled Fresh Maine Lobster,Apple Crumble Tart with Vanilla Ice Cream,Banana Foster with Vanilla Ice Cream
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2014-08-05

213日(多雲):Crystal Serenity Day #4 Osaka大阪

郵輪河首站為大阪,哥哥一大清早,六點都未夠就叫醒細佬起身睇Crystal Serenity泊岸!爛訓豬XO仔影完相當然係上返張牀啦,因為距離同團友們喺Lido Café集合o既八點仲有個幾鐘。

我地一行十人,食完自助早餐就一齊落船,乘搭Crystal安排o既免費旅遊巴士往大阪市中心o既心斎橋區(Shinsaibashi)進行瘋狂購物!雖然喺嗰區只係逗留咗一個上午同半個下午,而且有大半商店我地都未行得到,但係我地四點半坐回程巴士返上船時,各人都滿載而歸;眼見我地拎住咁多野,其他搭客都不禁望多兩眼!

肥肥家族最愛遊日本,因為除咗有靚景睇,同勁多o既購物熱點之外,市內市外都有好多美食天堂隱藏於超級市場o既最底層,我地每次經過都例必購買多盒魚生作下午茶或於Happy Hour時段作送酒之用!嘻嘻,今次喺大阪,上回程巴士前,我地就走咗入去巴士站附近o既大丸度買咗幾盒返上船食,oishii desu nee!

我地喺The Bistro食完頓豐富o既魚生下午茶後就各自回房間梳洗休息,整頓戰利品,七點半鐘再約返落去五樓Crystal Dining Room旁o既Crystal Cove度Happy Hour。嘩,班女士們真係快手,轉個頭已經換上新衫,靚盡全場!正當大家一邊飲酒及讚美女團友時,Crystal Cove個舞池突然出現咗多位日藉工作人員,忙碌地set場,原來大阪市為歡迎及歡送一眾Crystal搭客,當晚特別安排咗約三十分鐘o既餘興節目。表演完畢後,正好係晚飯時間,我地就直接走咗入去Crystal Dining Room用膳。由於跟住嗰日將會喺郵輪上渡過,唔需要早起身,所以食完飯,我地成班就上咗去十二樓o既Palm Court度欣賞The Crystal Sextet現場彈奏音樂,一邊飲酒,一邊跳舞,玩到凌晨十二點半先盡興而

大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山摩天輪
大阪天保山摩天輪
Crystal Serenity停泊於大阪天保山郵輪碼頭
Crystal Serenity停泊於大阪天保山郵輪碼頭
大阪天保山郵輪碼頭之夜景
大阪天保山郵輪碼頭之夜景
大阪天保山郵輪碼頭之夜景
大阪天保山郵輪碼頭之夜景
大阪天保山摩天輪之夜景
大阪天保山摩天輪之夜景

Crystal Serenity郵輪清晨六點十五分停泊喺天保山郵輪碼頭,小肥同哥哥六點前已經步出露台,一邊感受海風,一邊拍下靚景,更不禁地唱起「晨早起牀,清新開朗」,感覺舒暢寫意!

郵輪碼頭旁有個非常顯眼o既摩天輪,據說此乃世界聞名o天保山摩天輪,乘客可以盡情欣賞大阪海陸空o既景色,極受本地人及遊客歡迎。好可惜,我地去得唔合時,摩天輪因進行維修工程而暫停運作,故此我地未能登上
推介項目: 天保山摩天輪
參觀時段: 早上
評分: 值得去3  
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街之315日元店
Crysta长堀地下商店街之315日元店
Crysta长堀地下商店街之315日元店
Crysta长堀地下商店街之315日元店
心斎橋筋商店街
心斎橋筋商店街
心斎橋筋商店街
心斎橋筋商店街
心斎橋筋商店街之心斎橋
心斎橋筋商店街之心斎橋

Crystal所安排o既免費旅遊巴士由天保山碼頭開出,來往大阪市中心最有名o既購物地區心斎橋區(Shinsaibashi),車程大約四十分鐘。一落車大家已經可以清楚見到Crysta地下街」(日文為「Crysta长堀」,讀音為Crysta Nagahori o既指示牌,導遊先生介紹話此乃全日本最大o既地下商店街,連接住三個地鐡站,只要沿住Crysta长堀」一直走,於心斎橋駅上地面就會到達心齋橋筋地面商店街,地面同地底不但有商店,而且有多間食肆,絕對適合不同性別、年齡、階層o既人士。

Crysta地下街」眾多商店當中,女士們於3 coins店內買得最興奮,因為每樣貨品連稅o既售價均為315日元,大多以BB野同精品為主。此外,除咗購買衣褲鞋襪之外,我地就連藥房都唔放過,買咗多盒凝固膠布膏及防靜電噴霧,真係幾誇張!單憑我地十個人都買到停唔到手就已經知道Crysta地下街」及「心齋橋筋商店街有幾好行。
推介項目: 315日元店,藥房
參觀時段: 早上
評分: 值得去4  
簡單午餐 笑臉2014-08-05
饂飩の四國
饂飩の四國
饂飩の四國
饂飩の四國
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
四國沙律(500日元)
四國沙律(500日元)
雜錦天婦羅(630日元)
雜錦天婦羅(630日元)
炸雞(600日元)
炸雞(600日元)

心齋橋筋商店街中原來都有大型o既百貨公司,其中一間就係曾經出現過喺香港o既大丸,見到都令人幾懷念。大丸百貨公司內雖然並無大肥所穿著o既加加加大碼睡衣,不過就有幾間auntie們及媽咪極喜愛o既日本名牌服裝店。售貨員真係好識做,見女士們嫌款式唔夠多,仲好心到將其中一間離大丸不遠o既旗艦店地址同地圖印出,好讓佢地可以盡情慢慢挑選!為咗要善用僅餘o既時間濕平,姨媽們決定留喺大丸頂層覓食,好隨便地揀咗間有湯麵食o既「饂飩の四國」就行咗入去,而鱔王二姨丈同大肥爸爸就走咗去食燒鱔套餐。

「饂飩の四國」同一般百貨公司內o既日本料理一樣,門面有不同菜式o既陳列,地方簡潔企理。服務生雖然英語水平有限,但餐牌有英文譯本及插圖,加上小肥又略懂日文,溝通都冇乜大問題

每月精選午餐之「如月御膳」(1,380日元,已含稅):午市套餐好豐富,每份包天婦羅、溫泉蛋、有味飯、麵豉湯、烏冬、兩款醃菜及蘿蔔,1,380日元真係幾抵食。溫泉蛋香甜滑溜,醃菜及蘿蔔野味醒胃,天婦羅香脆美味,配上熱辣辣o既有味飯同烏冬,非常暖胃飽肚
推介菜式: 每月精選午餐之「如月御膳」,雜錦天婦羅
每人消費: 約1380日圓 (午餐)
評分: 味道4   服務4   環境4   衛生3   抵食4
名牌購物區 笑臉2014-08-05
路經蘋果商店
路經蘋果商店
路經LV
路經LV
Issey Miyake
Issey Miyake
Issey Miyake
Issey Miyake
Issey Miyake
Issey Miyake
Issey Miyake
Issey Miyake
食完午餐,我地根據大丸百貨公司售貨員所提供o既地圖慢慢行去日本名牌子Issey Miyake置於大阪o既旗艦店;途經不少外國名牌商店,如蘋果及LV,好明顯嗰區係貴人一等o既名牌購物區。媽咪及一眾auntie喺此家Issey Miyake逗留近兩個小時,成功買下多件靚衫,當然亦不忘買番幾件比好姊妹們作手信!因價格相比起香港之售價便宜近兩成,女士們集齊戰利品又合資格成為VIP會員而享有額外優惠,加上收銀員自動幫客人辦妥推稅手續,媽咪、姨媽們及auntie買得異常高興,大讚價廉物美,抵到要買完再加料添
參觀時段: 下午
評分: 值得去5  
日式開酒儀式
日式開酒儀式
日式開酒儀式
日式開酒儀式
Rick為表演作出介紹
Rick為表演作出介紹
大阪市代表致詞
大阪市代表致詞
大阪四人acappella演唱
大阪四人acappella演唱
日式開酒儀式
日式開酒儀式
蜜瓜蝦串
蜜瓜蝦串
Midori Sour + 蜜瓜蝦串
Midori Sour + 蜜瓜蝦串

Crystal Cove位於Crystal Dining Room及郵輪大堂之側旁,屬酒吧區域,好多時有駐郵輪o既鋼琴家John Mentis先生演奏,亦有The Astoria Strings弦樂四重奏樂團表演。坐上舒適o既梳化椅上,襯上柔和o既燈光,感覺極之羅曼蒂克,同時亦覺輕鬆優閒!Crystal Cove 開放時間為早上十時至凌晨十二時半,全天供應各式飲品,為保持有新鮮感,廚房每天更推出不同款式o既小食,好有心思!當日所炮製o既蜜瓜蝦串無論係味道,定亦或係外表,都同是日特飲之Midori Sour非常匹配。

蜜瓜蝦串:大蝦爽脆野味,蜜瓜香甜清爽。

Today’s Drink SpecialMidori Sour – Midori Liquer and Fresh Lemon Sour:雞尾酒甜中帶酸,檸檬味又唔會過火,醒神又醒胃。雞尾酒就好比女士們身上穿上o既Issey Miyake新衫般精彩,味道則猶如我地欣賞佢地o既眼光

正當大家好寫意地嘆酒時,突然有多位日藉工作人員忙碌地於Crystal Cove內之水池旁布置,擺放大木酒桶、木錘仔及木製o既日式清酒杯盒。搞咗大約十五分鐘,我地位Cruise Director,Rick叔叔就解釋話大阪市為歡迎Crystal搭客光臨而準備咗一個簡單而隆重o既開酒儀式,更特意邀請市內一隊acappella組合上船為大家獻唱。三女一男組成o既組合,歌聲動聽之餘,亦懂得搞氣氛,令在場人士都驚喜萬分,亦贏取觀眾熱烈o既掌聲

評分: 味道5   服務5   環境5   衛生5   抵食5
簡單美 笑臉2014-08-05
2月13日晚餐,停泊於日本大阪
2月13日晚餐,停泊於日本大阪
靚靚餐碟
靚靚餐碟
Shrimp Gyoza
Shrimp Gyoza
Wagyu Beef Salad
Wagyu Beef Salad
Giuseppe Special Pasta – Spaghetti Aglio e Olio
Giuseppe Special Pasta – Spaghetti Aglio e Olio
Braised Beef Short Ribs
Braised Beef Short Ribs
廚師推介之Chocolate & Hazelnut
廚師推介之Chocolate & Hazelnut
Giuseppe Special之Crêpe Suzette
Giuseppe Special之Crêpe Suzette

為配合郵輪停泊於日本海域,Crystal個廚房專登加插咗幾款日式食品於餐牌內,以供搭客品嚐。

廚師推介之Shrimp Gyoza – Pan Fried Japanese Dumplings with Pomegranate-Ponzu Dipping Sauce:如相所示,橫睇掂睇,所謂「日式煎蝦雲吞」,其實係我地中國人o既蒸蝦餃!Hmmm… 真係唔知原來蝦餃係日菜黎bor?!哈哈,西人誤將中國人o既食品作為日本料理,大家都只能一笑置之。平心論,蝦餃做得幾唔錯,因外皮唔會過厚,個蝦餡又夠爽脆幼嫩,小肥最欣賞係伴碟o既甜酸汁,果味香濃得黎好醒胃,配搭好獨特。

Wagyu Beef Salad – Mixed Lettuce, Creamy Peppercorn Dressing, Grilled Vegetables & Fried Onion Rings:雖然菜牌例明此乃和牛沙律,但碟中o既和牛塊一啲都唔肥,食落質感鬆軟,好健康。

大肥爸爸對意大利粉頗為抗拒,唯獨愛吃以蒜片及橄欖油煮成o既Spaghetti Aglio e Olio。由於喺郵輪上食咗咁多餐都未有見到餐牌上提供此款意粉,大肥就同Giuseppe叔叔粗略提及自己對意粉o既特別癖好,點知Giuseppe叔叔二話不說就攞齊架生,即場為大肥烹調美食,逗得佢笑不攏嘴

Giuseppe Special Pasta – Spaghetti Aglio e Olio:Giuseppe叔叔簡單地以蒜片、橄欖油及蔥花炒製意粉,手勢純熟,更因應食客對辣味不同之喜好調校椒絲份量及味道。Giuseppe特製意粉水準絕不比Crystal Dining Room廚房所煮製o既意粉遜色,新鮮熱辣o既Spaghetti Aglio e Olio除咗毫不油膩,麵條好夠al dente,香濃o既蒜味加上微辣o既調味恰到好處,簡直就係完美呀

廚師推介之Chef Franz’s Wiener Schnitzel – Breaded and Deep Veal Cutlet, Traditional Garnish, and a Warm Fingerling Potato Salad: Wiener Schnitzel好夠薄,以麵包糠酥炸o既外層香脆,內層o既牛仔肉好夠肉汁,又唔會因過熟而變得韌,唔錯。

Braised Beef Short Ribs – Cabernet Sauvignon Sauce, Horseradish-Mashed Potatoes, Sautéed Spinach:西式紅燒牛仔骨肉質鬆軟,面層塗上質感粗嚡o既香草粉末不但令口感更加豐富,同時亦為味蕾增添陣陣清香,複雜得幾得意。

Giuseppe SpecialCrêpe Suzette:到咗甜品時間大家先知原來Giuseppe叔叔一早預備咗要整甜品Crêpe Suzette。雖然取消哂所有火焰鏡頭,但Crêpe Suzette上枱時仍不失醇濃o既酒香,果真香味撲鼻!軟薄o既班戟喺口中散發出橙香,甜味停留喺口腔之際,酒香及橙香直達鼻腔,感覺極為清新,爽呀

講真大家都估唔到Giuseppe叔叔一把年紀,居然可以煮得一手好餸,意粉、甜品樣樣精,令人嘆為觀止!閒談中佢更透露自己係家中o既大廚,最怕太太喺佢個廚房度搗亂,搞笑非常

當日晚餐以Giuseppe叔叔所烹調o既兩款美食最令團友們心醉,主婦們更贈咗句「盡顯簡單美」以作形容,XO仔亦唔執輸,學咗句 “Voro Dobro”,黎讚賞食物有多麼「美味」

推介菜式: Shrimp Gyoza,Wagyu Beef Salad,Spaghetti Aglio e Olio,Wiener Schnitzel,Braised Beef Short Ribs,Crêpe Suzette
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2014-09-10

214日(多雲):Crystal Serenity Day #5 At Sea情人節

郵輪河第二日o既 “At Sea” 碰巧係情人節,雖然全於海中心渡過,但氣氛有增無減!Crystal除咗悉心佈置郵輪每一個角落之外,更安排咗一連串o既特備節目及多款應節美食與搭客一同慶祝,真係花盡心思!我地由朝早十一點飲到凌晨十二點,由五樓玩到十二樓,無論係大人定細路,單身者亦或係有情人,大家都玩得咁開心盡興!

Happy Valentine's Day!
Happy Valentine's Day!
Happy Valentine's Day!
Happy Valentine's Day!
The Galaxy Orchestra & Friends
The Galaxy Orchestra & Friends
Happy Valentine's Day!
Happy Valentine's Day!
Happy Valentine's Day!
Happy Valentine's Day!
情人節朱古力
情人節朱古力
情人節蛋糕
情人節蛋糕
情人節蛋糕
情人節蛋糕

Crystal o既工作人員一早就以紅色、粉紅色及白色o既氣球佈置郵輪五樓同六樓o既大堂,到處可見新鮮o既紅玫瑰,以及寫上「情人節快樂」obanner,五樓水池前方更擺放一個以情人節做主題o既攝影佈景,搭客可自行或給專業攝影師拍照。雖然並無情人於身旁,但此乃XO仔一生人中感覺最有氣氛o既一個情人節

早上十一點鐘,懶訓豬XO仔起牀不到半小時,服務生已經開始派發粉紅色香檳情人節朱古力,嘻嘻,細佬當然係唔會執輸,即使團友未到齊,一於先飲為敬!十一點十五分,駐船o既樂The Galaxy Orchestra聯同多位嘉賓,特別於大堂演奏多首經典情歌;乘客們雖然大部份都年過七旬,但其投入情度絕不比年輕一輩玩樂時遜色,大家聽歌之餘,興起時亦大顯舞技,郵輪充滿咗歡樂o既笑聲
推介菜式: 粉紅色香檳,情人節朱古力
評分: 味道5   服務5   環境5   衛生5   抵食5
午餐繼續飲 笑臉2014-09-10
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes Menu
Crystal Serenity - Tastes Menu
Crystal Serenity - Tastes Menu
Crystal Serenity - Tastes Menu
Today's Drink Special: Perfect Love
Today's Drink Special: Perfect Love
Stir-Fry Egg Noodles
Stir-Fry Egg Noodles
Pizza Margherita
Pizza Margherita

喺五至六樓大堂玩咗大約一個鐘,空肚飲咗幾個round香檳,大家都覺得係時候食午餐。因為大家都想感受下陽光,所以就走咗上去十二樓有天窗o既Tastes度食炒麵同pizza。

服務生Alvin哥哥一見到我地行近,隨即熱情地向我地揮手問好,更立刻為我地安排兩張鄰近o既大枱,好快就為各人送上飲品,效率極高

因為大家都準備一點半去上跳舞堂學Bolero,而且三點半又有個情人節下午茶,所以都唔咁食得太多,小肥同媽咪就分咗個薄餅炒麵。

Today's Drink Special “Perfect Love”, Apricot Brandy, Peach Schnapps, Fresh Lemon Sour, & Grenadine:情人節特飲名為 “Perfect Love”,聽完個名我地每人都叫咗杯!“Perfect Love” 味道超甜,酒精含量極高,第一口已教人醉倒,有意思得很

Pizza Margherita:每一客pizza都係即叫即焗,保證新鮮熱辣,餡料包括蘑菇、芝士及火腿,正合XO仔心意。相中塊pizza賣相雖然唔係好吸引,但味道卻出奇地美味,可能因為薄餅唔油、唔太厚,餡又唔多所致,一個人都好容易食得哂
推介菜式: Today's Drink Special “Perfect Love”,Pizza Margherita,Stir-Fry Egg Noodles
評分: 味道5   服務5   環境5   衛生5   抵食5
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah

Crystal其實都幾識做生意,除咗為賓客安排咗一連串餘興節目之外,於「情人節At Sea日」亦不忘推廣郵輪上不同級數o既套房,早上十一時至傍晚六時於各層開放各級套房供搭客參觀。

當日上完一個鐘頭舞蹈班後,眼見未到下午茶時間,團友們都好興緻勃勃地話要去睇下啲高級套房有幾高級,順便可以當做運動咁話,結果我地由八樓睇到十樓,一邊行o既時候其中幾位團有手上仍然持有酒杯,實行行到邊,飲到邊

我地本身住緊喺八樓o既 “Deluxe Stateroom With Verandah”,高一級為十樓有一個較大o既客廳及多咗個衣帽間o既 “Penthouse With Verandah”。而再高一級就係以上八幅圖所示o既 “Penthouse Suite With Verandah”,清楚顯示出房間面積差不多係 “Deluxe Stateroom With Verandah” o既兩陪,除咗有個加大碼o既客廳及衣帽間之外,房內原來多咗個梳妝台,洗手間內增設多一個座廁,花灑範圍亦更廣,豪華
評分: 設備5   服務5   環境5   衛生5   抵住3
Crystal Serenity - Palm Court
Crystal Serenity - Palm Court
Crystal Serenity - Palm Court Afternoon Tea Menu
Crystal Serenity - Palm Court Afternoon Tea Menu
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time

位於十二樓oPalm Court有個大舞池,每逢 “At Sea都會用作為跳舞班o既教室。舞池後面有個舞台,傍晚開始,另外一隊駐郵輪o既樂隊 “Crystal Sextet” 都會分段彈奏音樂。每日下午三點半至四點半,Palm Court就會變成一個高級下午茶及茶舞聚點;由於搭客者中有不少單身女士,Crystal專登聘請多位花甲舞男 “Ambassador Hosts”,於Palm CourtCrystal Cove及其他派對中陪伴佢地跳舞,所以Palm Court茶舞時間都頗為熱鬧。

情人節當日,Crystal非常應節地以朱古力及心形圖案做主題,喺Palm Court搞咗個Valentine’s Day Chocolate Tea Time,造出多款甜到入心o既朱古力甜品、心形曲奇及點心作茶點。此外,Crystal亦邀請咗全女班oThe Astoria Strings拉奏出舒情o既樂曲,極之羅曼蒂克

評分: 味道5   服務5   環境5   衛生5   抵食5
2月14日晚餐,Valentine’s Day Dinner,郵輪向長崎進發
2月14日晚餐,Valentine’s Day Dinner,郵輪向長崎進發
情人節朱古力
情人節朱古力
Lobster Salad
Lobster Salad
Tagliatelle Pasta “Prince of Naples”
Tagliatelle Pasta “Prince of Naples”
Chilled Fresh Oysters
Chilled Fresh Oysters
Steak Diane
Steak Diane
Cauliflower & Arugula Soup
Cauliflower & Arugula Soup
Giuseppe Special之Peach Flambé with Ice-Cream
Giuseppe Special之Peach Flambé with Ice-Cream

下午茶完畢,大家自由活動咗幾個鐘頭後,七點就喺Galaxy Lounge集合睇情人節show “Romantic Remedy”,表演者載歌載舞,很是精彩!

睇完show好快就到晚飯時間,Crystal Dining Room門外已排滿男生為女賓客帶領入座,每位更獲贈鮮紅色玫瑰花一朵,同佢地臉上o既笑容一樣咁燦爛。餐桌上除咗擺放住女士們o既鮮花,話名係Valentine’s Day Dinner又點可以少咗朱古力呢?桌上亦放有多粒心形糖果及唇形朱古力加以點綴,氣氛極之濃烈!

當晚情人節晚餐o既菜式大多為海鮮,不過都有牛扒食,亦有水飲。俗語有云:「有情飲水飽」,當Zoran問XO仔想飲乜野時,細佬就非常好學地問佢家鄉啲人點講「水」、「唔該」、及「多謝」,老師好爽快地授徒三句:“Voda”(「水」)、 “Malim”( 「唔該」“Please”) 及 “Huala”( 「多謝」Thank you)。

Lobster Salad – Basil, Mango & Hearts of Palm:頭盤o既龍蝦沙律,龍蝦份量足,撈入甜甜o既芒果、伴碟o既蔬菜、蛋塊及沙律醬一齊食,整體非常香滑爽脆。

Chilled Fresh Oysters – Yuzu Mignonette or Cocktail Sauce:大大隻生蠔鮮甜肥美,點上兩款酸酸甜甜o既醬汁同樣美味豐厚,開胃醒神

Tagliatelle Pasta “Prince of Naples” – Fresh Tomato, Porcine Mushroom & Bolognese Sauces:“Prince of Naples” 意粉煙煙韌韌,雖則伴有鮮蕃茄蓉,因肉醬味濃,所以其甜味比酸味重。

Steak Diane – Grilled Black Angus Filet Steak, Wild Mushrooms, Pommes Duchess & Armagnac Flavored Green Peppercorn Sauce:厚厚o既牛扒剛剛好四成熟,肉味香濃,一啲肥膏都冇,而且一啲都唔韌,連同伴碟o既野菌一齊食,味道更覺野味。

Giuseppe Special之Peach Flambé with Ice-Cream:情人熱戀時都會被形容為「打得火熱」,情人o既節日Giuseppe叔叔就以一道「火焰香桃」贈興,真係好貼切。香桃酒味濃郁,軟腍甜美,有朱古力及雲尼拿雪糕作陪襯,既香脆,又軟滑,

Super Happy Valentine’s Day!!!

推介菜式: Lobster Salad,Chilled Fresh Oysters,Tagliatelle Pasta “Prince of Naples”,Steak Diane,Peach Flambé with Ice-Cream
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2014-12-22

215日(多雲):Crystal Serenity Day #6 Nagasaki長崎

Crystal郵輪停泊於日本o既最後一站為長崎(Nagasaki);一講起長崎,團友們都異口同聲話一定要去市內最具代表性o既「長崎原爆資料館」(The Nagasaki Atomic Bomb Museum)。眼見市內除咗原子彈博物館之外,亦有不少歷史文物及觀光點,自行遊覽又較為繁複費時,所以團長就決定索性參加Crystal所安排o既Panoramic Nagasaki Tour,有旅遊巴坐,唔洗咁頻撲,又有導遊講解,一舉多得。

Panoramic Nagasaki Tour朝早八點半出發,全程約四小時,當大隊返回郵輪都差不多成一點鐘。由於所有搭客必需於下午三至五時,與入境主任進行面談,長輩們都唔想再出去逛,然後又趕返碼頭,最後只有小肥同哥哥二人乘坐穿梭巴士出市中心,為東瀛購物作最後衝刺;購物o既同時當然亦不忘於超市買下超正魚生與團友們分享啦!


辦妥好離境手續,食完頂級魚生,話咁快Crystal Serenity就起航往上海進發。可能因為住嗰日唔洗早起身啦,喺Galaxy Lounge度睇完場視覺表演「iLuminate」,食完頓豐富o既晚餐之後,大伙兒都意猶未盡,結果就去咗Stardust聽鋼琴獨奏,再上頂樓繼續飲酒跳舞

Nagasaki Atomic Bomb Museum長崎原爆資料館
Nagasaki Atomic Bomb Museum長崎原爆資料館
Nagasaki Atomic Bomb Museum長崎原爆資料館
Nagasaki Atomic Bomb Museum長崎原爆資料館
Nagasaki Atomic Bomb Museum長崎原爆資料館
Nagasaki Atomic Bomb Museum長崎原爆資料館
長崎在1945年8月9日早上11:02受到原子彈的攻擊
長崎在1945年8月9日早上11:02受到原子彈的攻擊
原子彈的威力
原子彈的威力
發射原子彈前之戰爭歷史
發射原子彈前之戰爭歷史
原子彈模型
原子彈模型
連鶴 A String of Thousand Cranes
連鶴 A String of Thousand Cranes

Panoramic Nagasaki Tour首站為「長崎原爆資料館」(The Nagasaki Atomic Bomb Museum),即團友們最想到之景點。喺旅遊巴上,導遊小姐已經開始講解有關原子彈爆發o既歷史及戰後一啲感人故事,亦提醒大家於館內可能會睇到一啲令人情緒不安o既照片,好讓大家步入館前先收拾心情。

進入館內必先經過一條螺旋形o既樓梯,其白色o既牆身以千鶴摺紙「連鶴」(A String of Thousand Cranes)圍繞住,係由一位荷蘭摺紙藝術家Manno Ori先生以一張長達150米o既紙所手摺而成。相信好多人都有摺過紙鶴,但係此「連鶴」後面其實係有一個非常感人o既故主角係一位名叫佐佐木禎子(Sadako Sasakio小女孩。據導遊小姐所講,木禎子係原子彈爆炸事件中其中一位受害者,遇襲時僅僅兩歲,爆炸威力強大令小女孩從家中飛出窗外,卻又出奇地仍然生還,而且表面無任何傷痕,看似健康地成長。奈何木禎子於十二歲時,身體突然產生外皮紅腫、出現紫色斑點等異狀,經診斷後証實因受到當年原子彈輻射感染而患上血癌。木禎子並無因此而放棄,因為佢深信日本相傳多年o既一個「千鶴傳說」會實現人間,只要佢誠心摺上一千隻紙鶴,神靈就會為佢實現康復o既願望。因為嗰個時代摺紙為奢侈品,木禎子只好用剩餘o既藥紙及其他廢紙摺紙鶴,亦感染到周邊其他病患者一齊摺,可惜當佢摺完第一千隻紙鶴後,奇蹟並未有發生,並不久離開人世,但其堅毅之心卻得以流傳,感動世人。

原子彈博物館內除咗圖文並茂地講述原子彈爆發前後o既歷史、長崎市重建o既過程、原子武器o既研製及其帶黎o既悲慘禍害之外,當中亦展覽出多件被破壞o既建築遺迹,如停頓於案發時間十一點零二分o既牆鐘、瓦片、骸骨、原子彈模型等。看畢,大家都抱著沉重o既心情沉默離去。

參觀時段: 早上
入場價錢: 每人160日圓
評分: 值得去5  
平和祈念像 Peace Statue
平和祈念像 Peace Statue
平和祈念像 Peace Statue
平和祈念像 Peace Statue
「折鶴之塔」
「折鶴之塔」
「折鶴之塔」
「折鶴之塔」
平和祈念像 Peace Statue
平和祈念像 Peace Statue
和平紀念碑
和平紀念碑

離開原子彈博物館,導遊小姐就帶領團隊行去鄰近o既「平和祈念像」。平和祈念像(Peace Statue)十米高,其祥和之臉孔象徵著慈悲,緊閉o既雙眼意味著為死難者祈禱冥福。看似簡單o既雕像其實隱藏著多層意義:高舉o既右手正指向原子武器o既威脅,平舉o既左手代表永世和平,打坐o既右腳反映沈思冥想,伸展o既左腳表現出其請救世人之主動性。

平和祈念像旁有個祈福塔「折鶴之塔」,其金鶴頂部同佐佐木禎子o既「千鶴故事」相連,因為當年木禎子臥病在床時,其好友正正就係摺咗一隻金紙鶴送贈祝福佢,並給其敘述「千鶴傳說」。塔內多隻七彩紙鶴全為供奉死難者之祭品。

參觀時段: 早上
評分: 值得去5  
"A Call" from Bulgaria (1980)
"A Call" from Bulgaria (1980)
"Hymn to Life" from Italy (1987)
"Hymn to Life" from Italy (1987)
"Joy of Life" from Czechoslovakia (1980)
"Joy of Life" from Czechoslovakia (1980)
"Monument of People's Friendship" (1981)
"Monument of People's Friendship" (1981)
"Statue of Peace" from Russia (1985)
"Statue of Peace" from Russia (1985)
美國送贈之櫻花
美國送贈之櫻花
「長崎の鐘」及「原爆殉難者之碑」
「長崎の鐘」及「原爆殉難者之碑」
「長崎の鐘」及「原爆殉難者之碑」
「長崎の鐘」及「原爆殉難者之碑」

平和祈念像位於「平和公園」內之「願望區域」(願いのゾーンZone of Hopes),顧名思義係象徵住和平與希望。從祈念像沿住公園一直行,會經過多國送贈之和平紀念碑,故此廣場又名「平和祈念像地区」(Peace Symbols Zone)。

廣場內有幾多個紀念碑就唔係好清楚,以上相片亦只係一小部份。當中喺「長崎の鐘」及「原爆殉難者之碑」旁,有位大叔不斷用日文講話,更聲稱自己為原子彈爆炸後其中一位生還者,記得當年只係搵乾淨水飲已經夠艱辛,能夠活到現在實屬僥倖,亦不介意與旅客們擁抱握手,希望為大家帶來幸運。

參觀時段: 早上
評分: 值得去5  
和平之泉 笑臉2014-12-22
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace
平和の泉 Fountain of Peace

和平紀念碑廣場尾端有一個噴水池,係得到國內及國外多方o既贊助建造而成,名為「平和の泉」(讀音:Heiwaa no Izumi;Fountain of Peace)。受到原子彈突擊後,受難者好多都因缺水而渴死,噴水池內o既水正好用作獻祭給其之用,滋潤在天之靈。此外,泉水噴射出黎o既形態猶如和平白鴿拍翼飛翔,亦與長崎港口之鶴鳥外形相稱(長崎港又名「鶴之港」),雙重意義。

和平之泉正前方有一塊石碑,上面刻有由九歲女受害者山口幸子所寫o既日記中o既一節:

「のどが乾いてたまりませんでした。水にはあぶらのようなものが一面に浮いていました。どうしても水が欲しくて、とうとう油の浮いたまま飲みました。」

"I was thirsty beyond endurance. There was something oily on the surface of the water, but I wanted water so badly that I drank it just as it was."

意思大概係:「口渴至再也無法忍受了。水面上浮有一層看似油的物質。奈何太渴求水了,即使有油浮於水面也得喝下去。」

參觀時段: 早上
評分: 值得去5  
長崎刑務所 Nagasaki Prison
長崎刑務所 Nagasaki Prison
長崎刑務所 Nagasaki Prison
長崎刑務所 Nagasaki Prison
長崎刑務所 Nagasaki Prison
長崎刑務所 Nagasaki Prison
長崎刑務所 Nagasaki Prison
長崎刑務所 Nagasaki Prison
被爆者之店
被爆者之店
被爆者之店
被爆者之店
被爆者之店
被爆者之店

平和公園四周都可見到一啲建築物o既遺跡,行近睇先知原來原子彈爆炸當時,該地為長崎監獄o既支所「長崎刑務所浦上刑務支所」,因被炸到粉碎,獄內所有職員、監犯、疑犯無一幸免,遺下o既只有地基、矮牆及鋼筋等。牆身現作圍牆之用,頂部就種上花草作為裝飾。

平和公園附近就只有一間售賣手信o既「被爆者の店」,位於長崎監獄圍牆側邊,入面不但有各式各樣o既手信、精品、書籍等,更有即飲酒品、即食熱點及蛋糕,歡迎試食,服務生亦落力友善,團友們都買得勁開心

推介項目: 被爆者の店
參觀時段: 早上
評分: 值得去5  
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
長崎新地中華街 Nagasaki Shinchi Chinatown
據悉,「長崎新地中華街」(Nagasaki Shinchi Chinatown)係日本國內最老o既唐人街,因為建立當年,日本只允許中國喺長崎港進行貿易買賣,而所有中國商人必需居住於唐人街內,入夜時分更不能外出,非常嚴謹。今非昔比,而家o既長崎中華街絕對開放,到處除咗可以嚐到中菜美食之外,中國節日之氣氛亦為濃烈,每年中秋花燈晚會例必人山人海,極為熱鬧!

小肥最感驚奇o既就係見到街上所有「福」字全被倒掛,嘻嘻,真係估唔到日本人都識「福到」!
 
參觀時段: 早上
評分: 值得去2  
長崎駅 Nagasaki Station
長崎駅 Nagasaki Station
長崎駅 Nagasaki Station
長崎駅 Nagasaki Station
長崎駅 Nagasaki Station
長崎駅 Nagasaki Station
長崎電車
長崎電車
長崎電車
長崎電車
長崎電車
長崎電車
長崎電車站
長崎電車站
喺旅遊巴上除咗經過當地o既唐人街之外,街上不時都會見到單層電車,其綠黃色o既外表就好似日本卡通片入面嗰啲咁,滴骰簡單。長崎電車每年o既盈利非常穩定,係日本唯一一間未減線o既電車公司,其中之一個大站就設於長崎車站門前正中央位置。
參觀時段: 早上
評分: 值得去3  
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
超大茶壺(堅野黎架!)
超大茶壺(堅野黎架!)
長崎マリア館Nagasaki Kanko Centre Maria Kan
長崎マリア館Nagasaki Kanko Centre Maria Kan
親子丼
親子丼
蘿蔔,麵豉湯
蘿蔔,麵豉湯

我地當日所參加o既Panoramic Nagasaki Tour其實仲有一個景點Glover Garden,但係由於長輩們實在無力再行斜坡,行到半路大隊就決定隨便搵間快餐店食碗拉麵或者飯物,稍作休息及充飢,而最愛旅遊o既哥哥則獨自一人繼續觀光

大家都係第一次黎長崎,只好單憑商店門外之食物圖片而選擇用餐地點,結果就行咗入去一家叫「長崎マリア館」(Nagasaki Maria Kan)o既餐館入面。共兩層o既Maria Kan,地舖係一間大形手信店,地牢則改建成飯堂式o既中華料理餐廳,面積同樣咁大,地方亦覺簡潔衛生,但貼滿長崎照片及雪糕口味之牆身及紅色吊燈就較為俗套。當日除咗我地七個人之外,就只有一班日藉後生仔女,侍應姐姐雖然不懂以英語同我地溝通,但仍落力地為我地服務,給予熱茶熱水及附有圖片o既餐牌。

小肥叫咗一碗傳統日式中華料理丼物「親子丼」,即滑蛋雞肉飯,順道就考考團友們知唔知個餸名o既來由。哈,有「人肉百科全書」之稱o既大肥爸爸最愛搶答,其他人都未聽清楚個問題已經答出「蛋為雞之子也,雞為蛋之父或母親也」,真係恭喜佢答中冇奬

親子丼套餐包有麵豉湯一碗及黃色醃蘿蔔一小碟,冇影到餐牌,不過記得一千日元有找,好似900日元咁上吓,屬正常日本價。外出天氣寒冷,第一口滑蛋熱飯暖至入心,就算雞肉有少少乾都只係懂得欣賞啲飯粒有幾香同幾軟熟,大肥更於五分鍾內食哂成大碗飯,真係誇張。

每人消費: 約1000日圓 (午餐)
評分: 味道3   服務3   環境3   衛生3   抵食3
長崎手信街 笑臉2014-12-22
カステラ神社
カステラ神社
長崎甘
長崎甘
長崎甘
長崎甘
和泉屋蜂蜜蛋糕
和泉屋蜂蜜蛋糕
長崎甘
長崎甘
超正果汁蜜!
超正果汁蜜!
超正果汁蜜!
超正果汁蜜!

由巴士停車場步行往Glover Garden景點嗰條斜坡名為Glover-Dori,兩邊全為售賣長崎土產及精品之商戶,係區內著名o既手信街。團友八人並未有買下生果,大多集中購買Hello Kitty X長崎之精品及糕點小食。

其中一間店舖名為「カステラ神社」,「カステラ」讀音為「ka-su-te-ra」,係長崎特產蜂蜜蛋糕之名稱,「カステラ神社」等同「蜂蜜蛋糕神社」,個名改得夠搞鬼,夠突出!

不過喺咁寒冷o既天氣下,最懂得做生意o既一家就係「杉養蜂園」(http://www.0038.co.jp/ec/);店內兩位姐姐不斷向途人免費派發熱飲,並推介飲品乃其自家釀製之果汁蜜簡單地以開水沖製而成。除咗冬天可熱飲、夏天可涷飲之外,果汁蜜可用作煮食用之調味品,例如調製果涷、雞尾酒、淋上刨冰、班戟等、甚至煮製排骨都一樣得!見佢地咁落力推銷,出名耳仔軟o既小肥一口氣更買下八款口味中之三款,每款各三枝,(嘻嘻,寓意「三三不盡,六六無窮,長長久久」),個人覺得,當中以「柚子味蜂蜜」(Yuzu Citron Honey)及「櫻桃味蜂蜜」(Acerola & Honey)汁製熱飲最為美味,絕對值得一試!

推介項目: 「杉養蜂園」果汁蜜
參觀時段: 早上
評分: 值得去5  
文明堂総本店
文明堂総本店
カステラ的由來
カステラ的由來
長崎蜂蜜蛋糕カステラ
長崎蜂蜜蛋糕カステラ
長崎蜂蜜蛋糕カステラ
長崎蜂蜜蛋糕カステラ
長崎蜂蜜蛋糕カステラ
長崎蜂蜜蛋糕カステラ
長崎蜂蜜蛋糕カステラ
長崎蜂蜜蛋糕カステラ
文明堂蜂蜜蛋糕カステラ
文明堂蜂蜜蛋糕カステラ
文明堂蜂蜜蛋糕カステラ
文明堂蜂蜜蛋糕カステラ

上文提到「カステラ」(讀音為「ka-su-te-ra」)為長崎特產之蜂蜜蛋糕,由於售賣此款蛋糕之商店實在太多,故小肥喺離港前已經做足資料收集功夫,知道港人大多愛吃「文明堂」品牌,更鎖定此家為目標店,購買手信。

創立於1900年o既「文明堂」係百年老字號,其蛋糕以高質及貴價為名,材料亦只用日本雞蛋「南蛮卵」、全國最嚴選o既純天然麥芽糖漿、頂級麵粉及糖粒,全為信心之保證。

據盒面所講,長崎蛋糕「カステラ」其實係十六世紀由一位葡萄牙傳教士引入長崎,「文明堂」門外亦貼有字句,講解蛋糕源於西班牙一個歷史王國Castile(西班牙文為「Castilla」),當時日本人以Castile之葡萄牙文「Castela」取名成「カステラ」(「ka-su-te-ra」)。因為清香甜美o既蛋糕深得長崎居民愛帶,故此亦試作模仿焗製,及後此味異國風味更逐漸演變成長崎特色土產。

雖然カステラ多被稱為「蜂蜜蛋糕」,但其實烤製過程當中並未有加入任何蜂蜜,原材料只有雞蛋、麵粉、砂糖及麥芽糖,味道則極似蜂蜜而已。

推介項目: カステラ
參觀時段: 早上
評分: 值得去5  
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心
長崎市中心

Panoramic Nagasaki Tour散隊後,小肥就同哥哥乘坐Crystal所安排o既免費穿梭巴士出長崎市中心逛街濕平。

相比起之前去過o既東京、橫濱同大阪,長崎市中心人流較少,街上所見到o既旅客好似全部都喺同我地同船o既。此外,到處都掛上「長崎燈會」o既紅燈籠,真係差啲以為自己仲係喺新地中華街。市內最受歡迎o既店舖似乎就係一百日元店「Daiso」及日本特有o既博采彈珠機店Pachinko,而外國品牌o既店舖看似為絕跡,感覺唔多潮囉。不過好在市內有不少超級市場,要購買新鮮魚生並不太難,而且價錢比其他城市更為便宜

推介項目: 購買新鮮魚生
參觀時段: 下午
評分: 值得去5  
鼓舞歡送 笑臉2014-12-22
長崎女神大橋
長崎女神大橋
小朋友們挨涷打鼓歡送郵輪
小朋友們挨涷打鼓歡送郵輪
小朋友們挨涷打鼓歡送郵輪
小朋友們挨涷打鼓歡送郵輪
長崎女神大橋
長崎女神大橋
長崎女神大橋
長崎女神大橋

所有乘坐郵輪離開日本境o既搭客都必需正面與入境主任面談,辦理申報及離境手續。地點就位於碼頭,步行不需五分鐘,計埋輪候時間,全程約十至十五分鐘,簡易快捷

郵輪預定傍晚六時駛離長崎鶴之港,下午五時半已有大批小朋友聚集船旁練習排出不同陣形,大約五時五十分更加插練鼓環節,搭客紛紛步出陽台觀看究竟。原來佢地係為歡送郵輪及到訪之旅客跳出鼓舞,準六時正式開始表演。眼見小朋友們雖然要挨涷,仍落力地打鼓跳舞,觀賞o既乘客都不斷拍掌歡呼以作鼓勵

評分: 值得去5  
Happy Hour 笑臉2014-12-22
Crystal Cove
Crystal Cove
Crystal Cove
Crystal Cove
Crystal Cove
Crystal Cove
Crystal Cove
Crystal Cove
小食
小食
小食
小食
Bellini
Bellini

喺郵輪上,每每歡樂時光一到,團友們好自然就會聚於Crystal Cove,先嘆返一、兩杯雞尾酒,離開長崎當晚亦不例外

Today’s Drink SpecialJapanese Slippers – Sauza Silver Tequila, Midori Liquer, & Fresh Lime Juice:可能綠色o既雞尾酒內有兩種不同o既酒品,酸酸甜甜o既青檸檬味下之酒精第一口已直達鼻樑,精神為之一振!

推介菜式: Japanese Slippers,Bellini
評分: 味道5   服務5   環境5   衛生5   抵食5
輕盈晚餐 笑臉2014-12-22
2月15日晚餐,郵輪向上海進發
2月15日晚餐,郵輪向上海進發
餐具
餐具
Chicken Consommé with Wild Rice Fritter
Chicken Consommé with Wild Rice Fritter
Tempura Fried, Rare Ahi Tuna Roll
Tempura Fried, Rare Ahi Tuna Roll
廚師推介之Japanese Bouillabaisse
廚師推介之Japanese Bouillabaisse
Banana Flambé
Banana Flambé

郵輪駛離日本,Crystal個廚房除咗提供一啲傳統o既西餐菜式,如牛扒,煎魚等之外,繼續試玩西日fusion,並烹調出幾道又西又日o既美食。

Chicken Consommé with Wild Rice Fritter (Low Sodium):Crystal非常注重搭客o既健康,只要食客提出要求,所有食物均可以low sodium造出。此味清雞湯毫不油膩,雖然屬少鹽,但清香o既雞味無減,加上日式飯粒點綴,令腸胃更加實在

Tempura Fried, Rare Ahi Tuna Roll – Mixed Lettuce with Cocktail Tomatoes, Nashi Pear, Cucumber, Carrot, Daikon & Pickled Ginger, Drizzled with Sesame-Lime Aioli: 伴碟o既沙律用料新鮮爽脆,主角天婦羅吞拿魚卷更為一絕!卷物中之吞拿魚餡鮮香軟嫩,其薄薄o既炸皮又夠鬆脆,點上秘製o既芝麻青檸醬汁更覺醒胃美味

廚師推介之Japanese Bouillabaisse – Lobster, Salmon, Shrimp, Scallops, Clams & Mussels, Red Miso-Shellfish Broth, Vegetables, Shiitake & Soba Noodles:海鮮大雜會味道香濃而不太咸,龍蝦肉一啲都唔嚡唔老、蜆肉鮮甜、蝦身爽脆、三文魚同帶子同樣鮮嫩,底層o既蕎麥麵索滿湯汁,香濃入味,好一味西日混血兒!

Banana Flambé:甜品中之香蕉軟腍易入口,而且酒味香醇甜美,簡單配上朱古力碎及雲尼拿雪糕已教人醉倒

當晚離開餐廳前,老師們贈咗小肥一句「Vitimo Se Casnie」,意思為「See u later!」

 

推介菜式: Chicken Consommé with Wild Rice Fritter,Tempura Fried, Rare Ahi Tuna Roll,Japanese Bouillabaisse ,Banana Flambé
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2015-01-05

216日(多雲):Crystal Serenity Day #7 At Sea

郵輪駛離長崎鶴港翌日係旅途o既第三日“At Sea”,Crystal當然係為搭客排滿咗精彩節目及活動啦!

小肥十一點起身,剛好教啱時間食Sunday Brunch,下午則忙著學跳舞、學攝影、玩老虎機。入夜就更加精彩,Happy Hour過後我地先欣賞咗場歌舞表演,跟住就參加咗個為舊搭客舉行o既雞尾酒會。於Prego享用完一頓豐盛o既意大利晚餐後,換上裝備,活力充沛o既團友們又再勁跳rock & roll!

全晚高潮位就發生於特備節目「‘50s & ‘60s Sock Hop」中,當全場最肥o既大肥爸爸同靚靚媽咪攜手贏取扭腰舞比賽冠軍其實大肥o既勝利得來不易,因為除咗輸蝕在其巨大o既身形之外,跳到中途對鞋已經出咗事,比賽結束時鞋底仲甩埋添,哈哈,蝦碌得黎總算有個happy ending

爵士星期天 笑臉2015-01-05
Crystal Plaza
Crystal Plaza
Crystal Plaza
Crystal Plaza
Sunday Jazz Performances
Sunday Jazz Performances
Sunday Jazz Performances
Sunday Jazz Performances
冰雕
冰雕
冰雕
冰雕
冰雕
冰雕
冰雕
冰雕
難得At Sea當天為星期日,Crystal就喺大堂搞咗個大型Sunday Brunch,並安排駐郵輪樂隊Galaxy Orchestra及鋼琴師John Mentis先生於Crystal Cove位置奏出一連串o既爵士樂,輕快悅耳,繞樑三日搭客大飽耳福之餘,Crystal Plaza四周都可見氣球、鮮花及漂亮冰雕,大家亦享盡眼福
評分: 味道5   服務5   環境5   衛生5   抵食5
Sunday Jazz Brunch Buffet
Sunday Jazz Brunch Buffet
Sunday Jazz Brunch Buffet
Sunday Jazz Brunch Buffet
Sunday Jazz Brunch Buffet:麵包區
Sunday Jazz Brunch Buffet:麵包區
Sunday Jazz Brunch Buffet:冷盤區
Sunday Jazz Brunch Buffet:冷盤區
Sunday Jazz Brunch Buffet: Chocolate Fondue
Sunday Jazz Brunch Buffet: Chocolate Fondue
Sunday Jazz Brunch Buffet:Mimosa
Sunday Jazz Brunch Buffet:Mimosa
Sunday Jazz Brunch Buffet:超正Gravlax
Sunday Jazz Brunch Buffet:超正Gravlax
Sunday Jazz Brunch Buffet:Pesto Pasta
Sunday Jazz Brunch Buffet:Pesto Pasta

Sunday Jazz Brunch Buffet所提供o既菜式琳琅滿目,麵包、沙律、芝士、意粉、蝦山、冷盤、熱食等各有一個專區,食物圍繞住Crystal Plaza擺放,中間有靚靚冰雕作裝飾,視覺效果頗為壯觀!每個區域都有幾位服務生駐守,負責增添食物、保持整潔衛生、幫忙食客夾取食物及護送往餐桌,服務非常貼身!客人可隨意選擇於Crystal Main Dining RoomCrystal Cove或六樓咖啡室用膳,氣氛輕鬆。

自助餐十一點半正式開始,但十一點三左右,水吧已不斷斟出橙味香檳雞尾酒「Mimosa」,清新爽甜。眾多冷盤中,小肥獨愛三味海鮮菜式:爽脆o既Jumbo Shrimp、味濃刺激o既Lobster Shooter及鮮嫩幼滑o既Gravlax。熱食方面,XO仔主攻即叫即切o既牛扒、即叫即煮o既奄列意大利粉,貪食物夠新鮮熱辣!甜品就最健康啦,細佬選擇咗食生果,嘻嘻,不過係Chocolate Fondue嗰隻,亦即「打朱古力邊爐」,個人覺得朱古力味菠蘿、芒果及桃最為美味!

推介菜式: Jumbo Shrimp,Lobster Shooter,Gravlax,牛扒,奄列,Pesto意粉,Chocolate Fondue
評分: 味道5   服務5   環境5   衛生5   抵食5
郵輪已駛離長崎,正前往上海
郵輪已駛離長崎,正前往上海
郵輪已駛離長崎,正前往上海
郵輪已駛離長崎,正前往上海
Crystal Serenity Promenade Deck 7
Crystal Serenity Promenade Deck 7
Crystal Serenity Promenade Deck 7
Crystal Serenity Promenade Deck 7
Crystal Serenity Promenade Deck 7
Crystal Serenity Promenade Deck 7
Crystal Serenity Promenade Deck 7
Crystal Serenity Promenade Deck 7
郵輪已駛離長崎,正前往上海
郵輪已駛離長崎,正前往上海
郵輪已駛離長崎,正前往上海
郵輪已駛離長崎,正前往上海

雖然小肥所寫o既郵輪遊記及上載o既相片中,大多講述吃喝玩樂,但其實團友們極度注重健康,每天必定抽空於外出步行約一小時,一邊運動,一邊吸收新鮮空氣

Crystal Serenity不但房間配套豪華齊全、餐飲豐富美味、娛興節目精彩多元化,郵輪上其實亦建有健身室及多項戶外設施讓搭客做不同室內外運動,如打網球、打高爾夫球、游水等。團友八人主要為七旬長輩,並不適宜做太多劇烈運動,為咗要增進血液循環及強身健體,大家就選擇咗以最簡單o既步行作每天適量o既運動。Crystal真係周到,將郵輪七樓定名為「Promenade Deck」,盡量空置甲板,好讓乘客圍繞郵輪步行或跑步,並於牆身貼上每天步行方向、牆鐘同圓周資料,以便計算里程及時間。

推介項目: 步行,跑步
參觀時段: 下午
評分: 值得去5  
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
The Beatles: From the Cavern to the Rooftops
郵輪每一晚都會有兩場歌舞表演,搭客可因應晚飯時間選擇觀賞場次,而今個旅程中最爆場o既一晚就係「Beatles之夜」。小肥年紀輕,對Beatles認識唔深,整晚都只係認得兩首歌,於座位中當然係靜靜欣賞,但係場內其他觀眾,包括同行之長輩團友們,就非常入,不時同聲和唱,興起時更企高拍掌伴舞,熱烈程度與年青人無異
評分: 味道5   服務5   環境5   衛生5   抵食5
Crystal Society Pre-Dinner Cocktail
Crystal Society Pre-Dinner Cocktail
表揚日籍女乘客第三百次乘坐Crystal郵輪
表揚日籍女乘客第三百次乘坐Crystal郵輪
表揚日籍女乘客第三百次乘坐Crystal郵輪
表揚日籍女乘客第三百次乘坐Crystal郵輪

只要完整地搭乘Crystal一次長達七日或以上o既郵輪河,每位新搭客都會自動成Crystal Societyo一份子,會籍並無任何費用,並可終生受用。會員除咗可享有特價船票及房間升級優惠之外,Crystal於每一個航程都會舉辦雞尾酒會,報告郵輪公司新動向及表揚搭次率最高oCrystal粉絲。

今次係肥肥家族第二次坐Crystal Serenity,故亦有幸被邀請出席「Crystal Society Pre-Dinner Cocktail」。是次雞尾酒會中,Crystal非常隆重其事地請哂全船o既高級職員上,包括船長,表揚Crystal有史而來最捧場o既日籍女乘客第三百次乘坐Crystal郵輪,並頒奬、獻花、祝酒及合照,大家情緒都好高昂,不斷歡呼拍掌。

評分: 味道5   服務5   環境5   衛生5   抵食5
Prego 餐牌
Prego 餐牌
Prego:Fritto Misto di Pesce, Crispy Fried Calamari
Prego:Fritto Misto di Pesce, Crispy Fried Calamari
Prego:Signature Cream Soup of  Italian Mushrooms
Prego:Signature Cream Soup of Italian Mushrooms
Prego:Carpaccio of Black Angus Beef
Prego:Carpaccio of Black Angus Beef
Prego:Spaghetti "Pescatore"
Prego:Spaghetti "Pescatore"
Prego:Roasted Rack of Baby Lamb
Prego:Roasted Rack of Baby Lamb
Prego:Lemon Zest Soufflé with Strawberry Sauce
Prego:Lemon Zest Soufflé with Strawberry Sauce
Prego:King Crabmeat Salad
Prego:King Crabmeat Salad

Crystal Serenity有兩間主題餐廳,分別為日本料理「Silk Road」及意大利餐廳「Prego」。記得第一次搭郵輪時,只要預先訂座,乘客可無限次於主題餐廳進食,但係今次就改咗例,每位客人只可以免費於各餐廳用膳一次,如果要食多一次必需繳付美金三十元人頭費;哥哥估計此舉可能係因為郵輪收到好多初次搭客投訴未能成功訂座所致。

Prego無論係裝修定餐單都冇變,唯一不同o既就係唔見咗之前o既「Daryl Picasso」,Carpaccio上冇咗佢以橄欖油繪畫出o既獨特圖案。今次換上經理Earnesto全程招待,從其名牌上得知佢原來同Zdravko老師係同鄉,小肥當然係要show吓quali同佢講翻兩句鄉下話啦,頓時令佢O哂嘴,氣氛亦唔再拘束!

既然餐牌冇乜大變動,團長就依舊叫咗最啱口味o既頭盤大家分黎食,而主菜同甜品就各自叫。Prego水準仍然高企,菜式美味程度無減

Fritto Misto di Pesce, Crispy Fried Calamari, Shrimp, Bay Scallops, & Oysters with Aioli:意式炸魷魚海鮮拼盤,香脆惹味,微微加上檸檬汁,特顯鮮味,更覺醒胃,真係百吃不厭!

Carpaccio of Black Angus Beef with Mustard Sauce & Caravaglio Capers:雖然冇咗「Daryl Picasso」揮毫,但生牛肉肉質依然幼嫩, 肉味仍舊香濃!

King Crabmeat Salad – Avocado & Sicilian Orange:蟹肉沙律蔬菜份量唔多,正合小肥心意。蟹肉撈埋牛油果一齊食,質感變得更加香滑,配上橙塊味道則更為鮮甜,正!

Spaghetti "Pescatore" – Tossed with Fresh Tomato Sauce & Assorted Fresh Seafood:喺意大利餐廳食飯又點可以唔食意大利粉呢?!Prego出品o既意粉麵條同郵輪上其他餐廳一樣咁al dente,配料中o既蟹肉同帶子同樣香嫩,醬汁份量剛剛好,唔會太乾、太濕、太杰或者太稀,味道清香而且食落一啲都唔滯,簡直係完美!

Roasted Rack of Baby Lamb with Fresh Herbs New Potatoes, Fennel-Carrot Timbalo & Balsamic Demi-Glaze:Earnesto極力推介之主菜也!因餐廳內燈光較暗,拍照時又未懂得提高exposure,相片有點模糊,但其實羊肉色澤呈粉紅色,肉質香嫩無比,毫無膻味,絕對係正菜之選

Lemon Zest Soufflé with Strawberry Sauce:此道檸味梳乎厘乃Prego鎮店甜品,兩年以黎小肥喺街上都未有再食過,今次當然係要懷舊吓。酸酸甜甜o既梳乎厘清香滑溜,配上士多啤梨汁又能加強消滯之效,個肚當堂冇咁脹,食完覺得好似自己減咗肥咁,真係開心!眼見小肥食哂碟上o既士多啤梨汁,Earnesto就叫細佬下次喺樓下Main Dining Room食飯時,問Zdravko老師攞啲「Yagoda」,即「士多啤梨」做甜品!

推介菜式: Fritto Misto di Pesce,Carpaccio of Black Angus Beef,King Crabmeat Salad,Spaghetti "Pescatore",Roasted Rack of Baby Lamb,Lemon Zest Soufflé
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2015-01-19

217日(陰):Crystal Serenity Day #8 上海

小肥手持回鄉証多年,卻未曾飛往祖國,今次坐郵輪遊日本終於有機會到訪全國主城之一o上海!由於團友們對上海毫不陌生,又能用國語跟當地人溝通,大家決定逗留喺上海o既兩日都以的士代步尋找美食。

Crystal Serenity於朝早八時泊岸,九時開始提供每半小時一o免費穿梭巴士來往碼頭及外灘黃浦公園,但搭客必需於十時半前先跟入境主任進行會面後方能外出,就連持中國護照或回鄉証者都唔例外 

我地團友八人,早上食過自助式早餐後,就乘坐九點半班車前往市中心。當日只有兩個目的,就係去買手信同埋食人氣食品「南翔小籠包」,由於餐館離巴士站只有半小時步行路程,故團長決定健康啲,由黃浦公園一邊行去「南翔饅頭店」,一邊觀賞以其建築物聞名o上海外灘,飯後團員可自行選擇直接打的回巴士站或搭地鐡先購物再回郵輪。 

因穿梭巴士每程約個多鐘頭,加上放工時間路面情況擠塞,我地差不多成七點先返上船。稍作休息,睇咗場超高水準o既平衡體操表演,再於Crystal Dining Room食完餐勁之後,仲有餘力o既肥肥家族決定步行消脂,夠鐘再戰當晚特備節目之buffet宵夜! 

Crystal Serenity停泊於上海吳淞口國際郵輪碼頭
Crystal Serenity停泊於上海吳淞口國際郵輪碼頭
上海吳淞口國際郵輪碼頭
上海吳淞口國際郵輪碼頭
上海吳淞口國際郵輪碼頭:免稅店
上海吳淞口國際郵輪碼頭:免稅店
上海吳淞口國際郵輪碼頭
上海吳淞口國際郵輪碼頭
上海吳淞口國際郵輪碼頭
上海吳淞口國際郵輪碼頭
上海吳淞口國際郵輪碼頭:歡迎「水晶平靜」號(Welcome Crystal Serenity)
上海吳淞口國際郵輪碼頭:歡迎「水晶平靜」號(Welcome Crystal Serenity)
上海吳淞口國際郵輪碼頭:捐款?!再看看英文翻譯?!
上海吳淞口國際郵輪碼頭:捐款?!再看看英文翻譯?!
上海吳淞口國際郵輪碼頭:鞋底消毒?!
上海吳淞口國際郵輪碼頭:鞋底消毒?!
於二零一一年十月建成o上海吳淞口國際郵輪碼頭(Shanghai Wu Songkou International Cruise Terminal)不僅為中國郵輪母港,亦為亞洲最繁忙o既豪華郵輪港口之一。碼頭弧形頂o主樓及兩邊向外側伸展o地面同屬對稱,剛好最多可同一時間接待兩艘郵輪o既搭客;向海直出為郵輪停泊之處,據說就連世界最大o既郵輪都可駛入。

唔知係咪同外出落住微雨同濃厚o迷霧有關,碼頭設有流動走廊通道接駁往入境大樓,旅客不必慌忙蓋頭擔遮。喺走廊抬頭一望,先發現原來「Crystal Serenity」有中文名,叫「水晶平靜」號。整個碼頭比起想像中簡潔半新淨,就上落船隻都有張為「鞋底消毒」o既長地毯,雖然個樣唔係好得,不過個意識算係正面。此外,大樓內設有免稅店及捐錢箱,好明顯係唔會放過任何一個讚錢o既機會
參觀時段: 早上
評分: 值得去3  
外灘黃浦公園:指示牌
外灘黃浦公園:指示牌
外灘黃浦公園:上海市人民英雄纪念塔
外灘黃浦公園:上海市人民英雄纪念塔
外灘黃浦公園:食尚街
外灘黃浦公園:食尚街
外灘黃浦公園:報紙檔
外灘黃浦公園:報紙檔
外灘黃浦公園
外灘黃浦公園
外灘黃浦公園
外灘黃浦公園
外灘黃浦公園
外灘黃浦公園
Crystal安排o既免費穿梭巴士於上海市中心o既臨時站設於外灘黃浦公園內「上海市人民英雄纪念塔」前o既空地。空地旁邊有洗手間同幾間食肆,旅客唔需要喺外面等巴士時吹西北風

讀書時代,XO仔因有學習障礙,歷史科目無一不肥,居然而家年紀大咗,精神先能夠集中,聽取長輩講述上海o既傳說故事,當中最令小肥印象深刻o既就係當佢地提到「華人與狗不得入內」!原來建於十九世紀末o黃浦公園係中國第一個現代化公園,建成後卻不開放給華人享用,直到1928年先允許華人進入。傳說當年公園門外有個刻有「華人與狗不得入內」o既告示牌,但是否屬實,則無從稽考;大肥爸爸話個牌其實喺電影「精武門」都有出現過,戲內其中一幕經典場景正正就係李小龍怒踢及踢碎告示牌,淨聽都覺得精彩
參觀時段: 早上
評分: 值得去3  
上海灘 笑臉2015-01-19
中國光大銀行上海分行
中國光大銀行上海分行
外灘27號(原名怡和洋行大樓)
外灘27號(原名怡和洋行大樓)
中國銀行上海分行
中國銀行上海分行
優秀歷史建築之中山東一路26號:中國農業銀行私人銀行總部
優秀歷史建築之中山東一路26號:中國農業銀行私人銀行總部
優秀歷史建築之中山東一路26號:中國農業銀行私人銀行總部
優秀歷史建築之中山東一路26號:中國農業銀行私人銀行總部
美國友邦保險有限公司上海分公司
美國友邦保險有限公司上海分公司
中國工商銀行上海分行
中國工商銀行上海分行
中國工商銀行上海分行
中國工商銀行上海分行
大肥爸爸個手機每每響起,都會聽到葉麗儀唱出「浪奔、浪流」,就連家中嫲嫲都知道係劇集「上海灘」o既主題曲。小肥年紀輕,未睇過此套電視劇,所以完全冇意識到「上海灘」亦即上海o既外灘

據姨丈所講,外灘係上海主要地標之一,因自開埠以黎,外灘已成為全國o既金融及貿易中心,各國領事館及銀行都棲身在此,比中環對香港更為重要。外灘沿路向海o既一列建築物各具風格特色,故被封號「萬國建築博覽群」,遊客們每經過一幢大廈都可考慮停一停,細閱牆上o既牌,再拍下照片留念。
參觀時段: 早上
評分: 值得去5  
小解站 笑臉2015-01-19
上海半島酒店
上海半島酒店
上海半島酒店
上海半島酒店
外灘「萬國建築博覽群」主要有二十多幢歷史建築,外牆資料牌所示,全部都已被列為「上海市優秀歷史建築」,但當中其實亦有兩座現代建築,「上海半島酒店」就係其中之一。上海半島酒店原址為英國領事館,因地勢問題,酒店設計經過多翻更改才鑊得批淮建造。

團長貪酒店易搵,又近黃浦公園,所以就鎖定半島酒店為集合點,萬一失散就立即前往酒店咖啡室等候。哈哈,而怕公共洗手間不潔o女士們則全程少飲水,有需要如廁都留路經酒店先解決
評分: 設備4   服務3   環境4   衛生4   抵住3
上海和平飯店
上海和平飯店
上海和平飯店
上海和平飯店
上海和平飯店
上海和平飯店
上海和平飯店:原名「沙遜大廈」
上海和平飯店:原名「沙遜大廈」
外灘除咗有現代五星級「上海半島酒店」之外,區內仲有一間歷史更為悠久o既「上海和平飯店」。飯店前身為「沙遜大廈」,舊門牌仍貼於門外,其墨綠色金字塔頂係外灘一個較突出o既標誌。

上海和平飯店係中國國內唯一一間被評為「世界著名飯店」o既酒店,最出名就係其九國特色套房及爵士酒吧,好多名人、國家領導,包括英女王都曾經入住過。聽講爵士酒吧入面有隊老年爵士組合,成員全為八十歲以上o既band友,每晚都會表演一啲經典爵士曲樂,深受遊客歡迎。 
評分: 設備3   服務3   環境3   衛生3   抵住3
上海古城公園
上海古城公園
上海古城公園
上海古城公園
上海古城公園:指示牌
上海古城公園:指示牌
上海古城公園
上海古城公園
上海古城公園
上海古城公園
上海古城公園
上海古城公園
上海古城公園
上海古城公園
上海古城公園
上海古城公園
由外灘步行往豫園「南翔饅頭店」,必先穿過「古城公園」。公園係老城廂地區內第一塊大型綠地,係十多年前為綠化環境而建成,園內大草坪、茶座、咖啡廳、釣魚點等區域供市民休息或進行強身健體o既戶外活動。
入場價錢: 每人0人民幣元
評分: 值得去3  
遍地黃金 哭臉2015-01-19
前往豫園之路牌
前往豫園之路牌
前往豫園之路牌
前往豫園之路牌
上海城隍廟
上海城隍廟
上海豫園:瓦頂亭樓
上海豫園:瓦頂亭樓
上海城隍廟/豫園
上海城隍廟/豫園
「南翔饅頭店」其中一間分店位於鄰近城隍廟o豫園。未踏入豫園,四周地面已有不少啡黃色o既排泄物痕跡,有硬有軟,當真嘔心恐怖

豫園屬明朝建築,園內o既瓦頂亭樓、魚池、木橋等都極俱中國傳統味道。瓦頂亭樓o既簷篷掛有紅燈籠、黃色元寶及紙馬仔;魚池內除咗有魚,上水亦有頗為俗套o既紙公仔。豫園內人山人海,遍地「黃金」,染污鞋底似乎難以避免,小弟亦不想久留! 
參觀時段: 下午
評分: 值得去1  
名過於實 哭臉2015-01-19
南翔饅頭店
南翔饅頭店
南翔饅頭店
南翔饅頭店
南翔饅頭店:餐具
南翔饅頭店:餐具
南翔饅頭店:餐牌
南翔饅頭店:餐牌
蟹黃(鮮肉)小籠(RMB 55/六隻)
蟹黃(鮮肉)小籠(RMB 55/六隻)
蟹粉灌湯包(RMB 35)
蟹粉灌湯包(RMB 35)
蟹粉灌湯包(RMB 35)
蟹粉灌湯包(RMB 35)
勁酸雲耳
勁酸雲耳
郵輪上o既導遊教路,如果要一嚐名小籠包店「南翔饅頭店」,就建議我地去豫園嗰間,因為地點最為方便,由外灘步行不需半小時。小肥未曾到過上海,但成日都會聽到同事提到上海有幾繁榮幾先進,真係完全冇諗過豫園會如上文提到般遍地「黃金」,污穢不堪,衛生欠佳

位於城隍廟九曲橋邊o既「南翔饅頭店」創建於清朝,為餐館之總店,以其小籠包聞名。店舖兩層高,地面為不設座位o既外賣部,價錢較平,門口亦排滿人龍;二樓雅座就分咗平同貴兩邊,相差幾遠就唔知,因為只有貴嗰邊有位。我地八人總算有張大圓枱坐,但枱與枱間之通道狹窄,枱上塊玻璃轉盤又多污漬,開放廚房內o既師傅又冇帶口罩,感覺並不舒適衛生;店內服務生以女為主,無一好客,全為黑面分子,見到佢地都唔開胃,坐下唯有希望食物好食補返條數。

「南翔饅頭店」最出名食小籠包,所以我地當日主攻不同口味o既小籠包及蟹粉灌湯包,不過就認真教人失望啦!小籠包有好多種,我地只係叫咗RMB 35六隻o既「鮮肉小籠」及RMB 55六隻o既「蟹黃(鮮肉)小籠」,價錢明顯比中國好多餐館貴。如相所示,小籠包外皮超厚,咬落更覺皮層偏硬,肉餡不但唔夠軟嫩,而且毫無湯汁,味道一啲都唔出眾,唔講真係分唔出邊啲有蟹黃,邊的係淨肉,大家都覺得喺香港食嗰啲好食得多,莫非上海啲師傅都走哂去香港?!哈,嗰隻「蟹粉灌湯包」仲離譜,皮厚都唔在講,個包入面真係只有味道淡淡o既熱湯同零星蟹膏,一口已飲清,每隻RMB 35真係有搵笨之嫌! 

正當大家諗住喺上海食小籠包理應最正宗最美味時,市內最有名氣o既「南翔饅頭店」居然令肥肥家族及團友們失望萬分!南翔饅頭店不但環境不甚優雅,衛生欠奉,服務生亦不大友善,主打食物更加係質低手勢劣,貴夾唔好食,小肥絕不推介! 
每人消費: 約200人民幣元 (午餐)
評分: 味道1   服務1   環境1   衛生1   抵食1
力學表演 笑臉2015-01-19
A Local Chinese Variety Show
A Local Chinese Variety Show
力學表演
力學表演
力學表演
力學表演
力學表演
力學表演
力學表演
力學表演
力學表演
力學表演
力學表演
力學表演
力學表演
力學表演
《力与美》
離開咗骯髒o既豫園,鞋底於閘口消毒過後,上返郵輪,空氣都頓覺清新得多!XO仔短短逗留上海大半天,印象負面多於正面,幸得Crystal安排一群當地年青人上船演出特備節目,小弟臉上終露笑容,為演出者高呼拍掌

單看外表及身形,表演者應大多為未滿十八歲o既青少年。佢地以「平衡」及「人體力學」為主題,一言不發就以柔軟體操舞出一連串綜合雜技劇。起初細佬都有拍下精彩鏡頭,但中途經工作人員告知,先發現原來咁會影響到台上o表演者,所以就立刻放下相機。當晚最緊張o既環節就係小女孩一邊彎曲身段,以拱橋、倒立等姿態,用身體各大小部位如頭、手、腳等,穩固多件雞蛋、蠟燭、玻璃等易碎道具,做出高難度動作,真係令觀眾手心汗,嘆為觀止

小肥嘗試於網上找尋該團體過往o既演出短片,無奈未有所獲,不過為咗想大家有機會一睹類似表演,所以就收集咗以上一段國內綜藝盛典官方頻道o既影片。
評分: 味道5   服務5   環境5   衛生5   抵食5
2月17日晚餐,停泊於上海
2月17日晚餐,停泊於上海
Jumbo Prawn Cocktail – Roast Pepper Remoulade
Jumbo Prawn Cocktail – Roast Pepper Remoulade
Curried Chicken Lumpia – Mango-Chili Sauce
Curried Chicken Lumpia – Mango-Chili Sauce
Cream of Asparagus & Lemon Croutons
Cream of Asparagus & Lemon Croutons
Giuseppe Special Pasta - Spaghetti Aglio e Olio
Giuseppe Special Pasta - Spaghetti Aglio e Olio
Seared Kurobuta Pork Chop
Seared Kurobuta Pork Chop
Seared Kurobuta Pork Chop
Seared Kurobuta Pork Chop
Chocolate Hazelnut Trifle
Chocolate Hazelnut Trifle
喺「南翔饅頭店」食咗頓貴價而又唔飽肚o既小籠包餐,返到上船因趕住去睇show,又唔夠時間停留於咖啡廳及Crystal Cove酒吧區嘆個下午茶,所以到咗晚飯時間個肚打哂鼓,落到Crystal Main Dining Room一口氣叫咗五道菜,嚇到我幾位「Uchitelj」(即「老師」)O哂嘴,勁搞笑。

廚師推介之Jumbo Prawn Cocktail – Roast Pepper Remoulade:大大隻珍寶蝦清甜爽脆,食完三隻唔多夠,當然係encore啦

Curried Chicken Lumpia – Mango-Chili Sauce:小肥見識少,從未聽過「Lumpia」,要哥哥講解先知原來此乃「菲律賓春卷」,據說係由中國「潤餅」演變出黎,「潤餅」之福建話讀音「Lunpia」同「Lumpia」的確好相似。可能郵輪上有多位菲律賓藉船員教路,個菲律賓春卷炸得好乾爽,一啲都唔油膩,外皮鬆化之餘,惹味o既咖哩雞餡唔會過多,點上酸甜少辣o既醬汁分外提神醒胃,好睇又好食! 

Cream of Asparagus & Lemon Croutons:露荀忌廉湯質感滑溜,一都唔杰,露荀鮮甜,配上檸檬味ocroutons更覺清新脆口。

Giuseppe Special Pasta - Spaghetti Aglio e Olio:因為午餐實在太過驚嚇,大肥特別要求Giuseppe叔叔再一次即場烹製其拿手意粉菜式「Spaghetti Aglio e Olio」。每天在家必為家人炮製美食o既Giuseppe叔叔當然係冇令大家失望啦意粉麵條煙韌彈牙,簡單o既調味足以煮出清香美味o既意大利粉。

Seared Kurobuta Pork Chop – Brioche Bread Pudding, Honey-Champagne Braised Sauerkrut & Caraway Demi Glaze:意外地,厚厚o既黑豚豬扒一啲都唔實,肉質爽脆且肉汁豐富,塗上蜜糖醬汁簡直係一絕! 

Chocolate Hazelnut Trifle – Chocolate Pudding, Spanish Sponge Cake, Vanilla Ice-Cream & Frangelico Foam:食完主菜,老師們清咗張枱就呈上甜品牌,並重點推介朱古力甜品「Chocolate Hazelnut Trifle」。身為朱古力迷o既小肥聽到口水都流哂,又點會唔試呢?!甜品用杯上,杯面有一球雲尼拿雪糕、酒味濃醇o既忌廉泡沫及一塊三角形o既薄片蛋糕,底層則為香滑o既朱古力布丁。喺軟綿綿o既蛋糕上搽上甜美o既布丁、涷涷o既雪糕同滑溜o既忌廉,四位一體於口腔內溶解,感覺好似食緊一件走咗咖啡同朱古力粉末o既tiramisu咁,超正! 
推介菜式: Jumbo Prawn Cocktail,Curried Chicken Lumpia,Cream of Asparagus & Lemon Croutons,Spaghetti Aglio e Olio,Seared Kurobuta Pork Chop,Chocolate Hazelnut Trifle
評分: 味道5   服務5   環境5   衛生5   抵食5
宵夜自助餐 笑臉2015-01-19
芝士區
芝士區
即叫即煮意大利粉
即叫即煮意大利粉
熱食區
熱食區
甜品區
甜品區
唔知係咪有感上海餐飲未必會合搭客口味,Crystal喺上海第一晚特設咗一頓「宵夜自助餐」,肥肥家族亦特意於晚餐後先步行上兩小時消化食物,再落返Crystal Plaza食多餐

一小時o既宵夜自助餐都好豐富架,除咗有芝士、餅乾等甜品及健康o既沙律、水果之外,更有多款肉類、蔬菜及鮮製意粉等熱食,雖然都成十點,但係客人們食慾無減,繼續食牛扒同意粉,真係幾誇張!大肥估計,有部份客人可能於外出用膳,未能接受上海餐飲,故晚上返回郵輪仍餓著肚子,而Crystal搞o既宵夜自助餐就正好填補腸胃o空虛
推介菜式: 牛扒,意粉
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2015-01-27

218日(陰):Crystal Serenity Day #9 上海

團友們曾多次遊上海,亦已參觀過市內大部份o既名勝,小肥兩兄弟又唔係咁有興趣於上海觀光,故此當日行程較為他條簡單,只為一個「食」字

早上起牀,大家各自各進食過自助早餐,十一點半就集合乘坐穿梭巴士出市中心外灘,再轉搭的士前往「上海老站」享用午膳。午餐後即返回郵輪,步行運動上兩小時,嘆咗個下午茶,再經梳洗一翻,Happy Hour未到就已經開始飲酒Crystal原定晚上七時駛離上海港口,但不知為何,歌唱表演完畢後,船隻都未有動靜離開,要等到晚餐中途,大約九點鐘左右先起錨向香港進發。 

大隊喺上海兩日比較hea翌日又為At Sea」日,所以飯後仍精力充沛,毫無欲睡之意;既然冇人想訓,當然係一齊去玩啦!人同行,九點半鐘先去六樓個disco barPulse」度唱K跳舞,到十一點就再轉場上去十二樓Palm Court食宵夜跳交際舞,結果玩到成點幾先捨得返房休息 

徐家匯聖母院舊址
徐家匯聖母院舊址
徐家匯聖母院舊址
徐家匯聖母院舊址
修道院大樓現出租予上海老站
修道院大樓現出租予上海老站
修道院大樓現出租予上海老站
修道院大樓現出租予上海老站
修道院大樓內收藏火車車箱
修道院大樓內收藏火車車箱
修道院大樓內收藏火車車箱
修道院大樓內收藏火車車箱
修道院大樓內收藏火車車箱
修道院大樓內收藏火車車箱
修道院大樓內收藏火車車箱
修道院大樓內收藏火車車箱
由外灘打的往大肥爸爸一位好友推介o「上海老站」車程大約十五分鐘,但大家要留意,據當地導遊先生所講,因為好多的士司機都未必識得「上海老站」,故安全起見,最好就係話去「徐匯區建國賓館」,然後自己行半個街口。

行到去「上海老站」門前,望見其洋化o既建築,感覺完全唔似一個車站,又或者係一間中菜館。哥哥真係細心,指出門外豎立有一個資料牌,解釋「上海老站」餐館前身原為建於1926o「徐家匯聖母院」主樓一部份,現已被列為上海市優秀歷史建築。多年前,自院內o既修女搬遷往浦東唐墓橋天主堂後,此五層高大樓便用作出租之用;現租賃者為「上海老站」餐館,花園內收藏着o兩列火車箱及一節火車頭,聽說全為用餐區域。 
參觀時段: 下午
評分: 值得去3  
上海老站:環境西化
上海老站:環境西化
上海老站:環境西化
上海老站:環境西化
上海老站:環境西化
上海老站:環境西化
上海老站:Q版美食
上海老站:Q版美食
上海老站:電子餐牌
上海老站:電子餐牌
上海老站:生煎包
上海老站:生煎包
家鄉海蜇頭
家鄉海蜇頭
上海老站:香煎藕餅($88)
上海老站:香煎藕餅($88)
「上海老站」處於五層高o歐式修道院內,此座白色洋房雖被區內眾多o現代建築物包圍,但仍相當顯眼。踏入餐廳,必先經過長走廊,觀賞兩邊牆上o既舊照片然後步進大廳。廳寬敞光亮,配上其西式o既吊燈、玻璃窗木門、餐桌等,格調與大樓外觀同樣歐化,四周可尋到留聲機、老式電話、古董鐘、電風扇等懷舊擺設,彷如置身於電影情節中,留聲機播放着「夜上海,夜上海,你是個不夜城。。。」,穿起西裝o梁朝偉與燙髮look張曼玉華麗地起舞。再往內探,就會發現上文提到o既花園及園內o既兩列火車卡及火車頭,既有氣派,與餐廳名字「上海老站」亦非常貼切。

餐室每個角落都散發着古典優雅o既味道,逗留耐啲就會發覺上海老站其實融入咗好多新元素,並無與時脫節。洗手間內除咗有衛生o既座廁之外,走廊亦設有現代化o既食物陳列櫃,最令人喜出望外o既就係中菜館居然全面以電子餐牌點餸,香港都好似未見,果真前衛!自助式落單流程簡易,每道菜式都有圖有字,只需用手指點出餸菜,揀選數量後確認即可。少咗寫單工作,有禮客套o既服務生就投放更多時間斟添茶水、更換熱毛巾及碗碟等功夫,絕無偷懶之餘,亦令食客更覺衛生舒適。 

人多易叫餸,團友十人午餐以食點心及小菜為主,份量較滴骰,所以加加埋埋都叫咗成二十多款菜餚。上海老站所提供o既食品,如小籠包、生煎包、鍋貼、蒜泥青瓜等,外表雖然有點兒粗糙,但味道卻實為美味得帶份精細,食完都覺得神奇。喺上海食上海菜當然要試翻幾味上海名菜啦,當中最值得推介o既就係「清炒河蝦仁」、「清炒鱔糊」(RMB 88)、「蟹粉豆腐」、「蜜汁火方」(RMB118)、「香煎藕餅」(RMB 88)。 

清炒河蝦仁:河蝦雖然未係最細少嗰隻,但勝在蝦身爽脆清甜,有光澤得黎入口一啲都唔油膩。

蟹粉豆腐:嫩滑o既豆腐配上鮮甜幼細o既蟹粉可以話係最受歡迎o既一道,我地十個人總共食咗六客! 

香煎藕餅:蓮藕餅食唔少,不過真係從未見過藕餅會以半球形上碟,亦即每件由小半隻蓮藕所製成。蓮藕餅為煎製,但碟上一滴油都冇,入口只覺蓮藕外層之爽脆及豬肉餡之惹味,毫不油膩,雖不美觀,但仍甚為精湛 
推介菜式: 生煎包,家鄉海蜇頭,香煎藕餅,清炒河蝦仁,清炒鱔糊,蟹粉豆腐,蜜汁火方,蒜泥青瓜
每人消費: 約220人民幣元 (午餐)
評分: 味道4   服務4   環境5   衛生5   抵食4
海鮮宴 笑臉2015-01-27
2月18日Neptune Dinner,郵輪向香港進發
2月18日Neptune Dinner,郵輪向香港進發
Neptune Dinner之精美餐碟
Neptune Dinner之精美餐碟
Scallop Salad
Scallop Salad
廚師推介之Lobster Bisque
廚師推介之Lobster Bisque
Bavette Pasta
Bavette Pasta
Pan-Fried Lump Crab Cake
Pan-Fried Lump Crab Cake
廚師推介之Almond & Chocolate
廚師推介之Almond & Chocolate
「Yagoda」(即「士多啤梨」) Flambé with Vanilla Ice-Cream
「Yagoda」(即「士多啤梨」) Flambé with Vanilla Ice-Cream

雖則Crystal離開上海o既時間有所延誤,但郵輪上一切活動依舊如常,晚餐時段氣氛無減,搭客盡情享用佳餚美饌;當晚o既Neptune Dinner,由精美o既餐碟起已感受到海鮮宴o既魔力

Scallop Salad – Mixed Lettuce, Cherry Tomatoes, Celery, Carrots, Cucumbers, Zucchini & Pomegranate, Tossed in Saffron-Herb Dressing:話明係海鮮宴,沙律頭盤又點會冇海產o既蹤影呢?綠色o既蔬菜份量多,顏色亦夠搶眼,但沙律旁兩隻帶子一啲都唔遜色,又大隻又光滑,入埋口更軟嫩甜滑到不得了,配上伴碟o既神石榴果肉,甜中帶微酸,非常醒胃!

廚師推介之Lobster Bisque – Cognac, Tarragon & Parmesan Palmiers:廚師真係冇介紹錯,龍蝦湯不但龍蝦味鮮甜香濃,就連內裡o既干邑酒味都醇厚撲鼻,喝畢仍齒頰留香,是為奇幻美妙的感官之旅也 

Bavette Pasta – Calamari, Tomatoes, Shallots, Garlic, Italian Parsley & Lemon Oil:海鮮意粉面最少有半打鮮魷,媽咪見狀已覺體內之膽固醇上升,配上酸酸甜甜o既檸油茄醬又出奇地一啲都唔溜唔滯,小肥不消五分鐘已成功清碟,免得佢擔心得血壓標升 

Pan-Fried Lump Crab Cake – Mustard-Chive Remoulade, Fresh Vegetable Slaw & Crisp Potatoes:蟹餅體積比小肥拳頭還要大,份量真係好足!蟹餅o皮層奇脆無比,香脆乾身且唔油膩,餡中o既蟹肉又夠鮮甜,是出色之作! 

廚師推介之Almond & Chocolate – Savarin Shaped Almond Chocolate Cake with Sauce Anglaise, Almond Brittle & Vanilla Ice-Cream:XO仔愛吃朱古力已經係街知巷聞,老師們只需問一句「今天要吃朱古力甜品嗎」就會為細佬安排精選甜品。當晚o既杏仁朱古力蛋糕絕無失場,蛋糕鬆軟甜美,伴碟o既杏仁薄脆又夠卜卜脆,點上雲尼拿雪糕同碟上o既英式忌廉汁更覺涼快!

XO獨有YagodaFlambé with Vanilla Ice-Cream:點選甜品時,小肥提到希望喺朱古力甜品內加插少少「Yagoda」(即「士多啤梨」),Zdravko就問XO想要「Velik」(大)定係「Mali」(細),貪心o既小肥當然係要「Velik」啦!點知老師特意送上唯我獨享之「火焰士多啤梨」,原來所謂「大」係指甜品個size,團友們都不禁嘩聲四起!鮮紅色o既士多啤梨又大又清甜,加上酒香雪糕軟,小肥差點兒感激至流涕! 

推介菜式: Scallop Salad,Lobster Bisque,Bavette Pasta,Pan-Fried Lump Crab Cake,Almond & Chocolate,Strawberry Flambé with Vanilla Ice-Cream
評分: 味道5   服務5   環境5   衛生5   抵食5
K後嘆酒 笑臉2015-01-27
Whiskey Sour
Whiskey Sour
Grilled Ham & Cheese
Grilled Ham & Cheese
食完一頓濃情厚意o既海鮮宴,大家就以歌聲及舞技於郵輪六樓個disco barPulse」度大唱大跳,舒筋活血之際,同時亦舒發情感,可謂身心健康!短短唱K個半小時,肥肥家族各成員每人都唱咗兩首歌;可能小肥年紀輕,中氣十足,聲音宏亮,仲吸引到駐船o歌唱團團長上前自我介紹,並招攬細佬加入歌唱團,與一眾唱歌發燒友合唱。XO仔雖深感榮幸,但因對西方音樂不太熟識,有感閱讀樂譜有相當難度,最終只好婉拒。

跳完disco,唱完K,長輩門仍毫無倦意,大肥爸爸就提議轉場上十二樓Palm Court度一邊飲酒,一邊跳佢最擅長o既交際舞。十二樓原來有宵夜食,有Crystal Sextet奏樂,亦有多位Ambassador Hosts為眾多單身女士們伴舞,大肥同班auntie們玩得都不知幾開心,幾盡興
推介菜式: Grilled Ham & Cheese,Whiskey Sour
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2015-01-30

2月19日(多雲):Crystal Serenity Day #10 之At Sea

全因早一晚玩得太顛,溝酒溝得太勁,加上南中國海波濤洶湧,小肥實在無法九時半起床,參與客席廚師Hans Peter Fink先生o既甜品烹飪班,到餓醒o既時候已經差不多中午。見距離午餐集合時間尚有十分鐘,XO仔就靜靜雞走咗落去Crystal Cove先飲返杯回魂酒,定一定神再上十二樓Lido Café食自助午餐。

話就話休息咗成個上午,但可能海勢不穩,個人精神狀態未為最佳,故午膳後小肥自行於七樓步行運動,兩點鐘再會合團友們一同參加老虎機大賽。比賽中隊友四人都空手而回,拉機心情卻無減,玩多個幾鐘頭後先各有各活動。

郵輪河最後一個「At Sea」日,船長於傍晚舉辦咗個雞尾酒會與搭客會面傾談道別,由Crystal Sextet伴奏音樂,歡迎賓客飲酒跳舞。當晚衣著規定為「formal」,梳洗亦較費時,既然男女老幼都扮咁靚,郵輪上o既專業攝影師又準備咗幾款不同佈景,好多乘客都會襯機影返幾輯相留念,極少會到影樓拍照o既肥肥家族當然係唔會執輸啦!由於加插咗雞尾酒會,Crystal就將晚上o既歌舞節目順延至八點四十五分同十點四十五分兩場;我地八點半食晚飯,睇完第二場表演都已經夜十二點。 

Lido Buffet餐牌
Lido Buffet餐牌
Lido Buffet餐牌
Lido Buffet餐牌
燒乳豬
燒乳豬
菠蘿咖哩雞沙律
菠蘿咖哩雞沙律
中式沙律?!
中式沙律?!
壽司
壽司
冷盤
冷盤
三文魚蕎麥麵
三文魚蕎麥麵
Lido Café每日早午餐時都有自助餐食,環境舖排冇乜大轉變,不過當郵輪於南中國海航駛時個餐單同平時就有少少唔同,廚房特別以亞洲菜為主題,加咗不少中、日、泰等菜式供食客選擇,當中最引人注目o既相信就係牛扒旁邊隻燒乳豬!乳豬賣相有別於一般中菜館所見到嗰啲,講真其實都幾嚇人吓,不過見廚房咁有心思玩燒豬,小肥都試咗一件以作支持及鼓勵。從其外表其實都已經估得到,乳豬外皮較韌且毫不鬆化,意外地肉質卻軟嫩多汁,可說為不幸中之大幸。

多款食物中,肥肥家族最欣賞日本代表o既壽司及三文魚冷麵、泰式牛肉沙律、越式春卷沙律、木瓜蟹肉沙律、同鍋貼。哥哥就大膽啲,試咗兩味較重口味o既「菠蘿咖哩雞沙律燒鴨荔枝沙律」,兩者配搭新穎得黎都好夾,成功擦出美味o既火花
推介菜式: 壽司,三文魚冷麵,泰式牛肉沙律,越式春卷沙律,木瓜蟹肉沙律,鍋貼,菠蘿咖哩雞沙律,燒鴨荔枝沙律
評分: 味道4   服務5   環境5   衛生5   抵食5
南中國海卷起白浪
南中國海卷起白浪
南中國海卷起白浪
南中國海卷起白浪
Crystal Serenity航行於南中國海
Crystal Serenity航行於南中國海
Crystal Serenity航行於南中國海
Crystal Serenity航行於南中國海
是次Crystal Serenity東瀛遊,大海一直猶如郵輪名字「水晶平靜號」般平靜,估唔到黎到第十日,南中國海面不斷卷起白浪,令船隻左搖右擺,跌破房中不少餐具,媽咪三姊妹更不敵巨浪暈船,最終嘔吐收場

XO仔平時坐車都會暈,可以話係經驗豐富,坐船當然必備暈浪丸及暈浪手帶啦!以下為小弟少少o既心得暈浪手帶要二十四小時帶住,上岸都唔好除,而暈浪丸最好就係開船前半小時食第一粒,然後再按盒上指示服用,要注意不同牌子o既食法不同,有啲一日一粒,有啲每四小時一粒,食錯咗除時會有反效果,所以要睇清楚
 
推介項目: 步行,跑步
參觀時段: 下午
評分: 值得去5  
2月19日Captain's Gala Dinner,郵輪向香港進發
2月19日Captain's Gala Dinner,郵輪向香港進發
Captain's Gala Dinner精美餐碟
Captain's Gala Dinner精美餐碟
Baked Oysters
Baked Oysters
The Captain's Salad
The Captain's Salad
72 Hours Prime Beef “Persille”
72 Hours Prime Beef “Persille”
Stir-Fried Lobster
Stir-Fried Lobster
Baked Alaska
Baked Alaska
Dipped Yagoda
Dipped Yagoda
郵輪上各賓客以盛裝進場出席Captain’s Gala Dinner,Crystal個廚房亦以上乘o既美酒佳餚招呼食客,頭盤到甜品,小肥一共食咗八道菜,美味程度不言而喻

Baked Oysters – Caramelized Leeks, Dijon-Grab Glaze & Gruyère Cheese:焗蠔面層o既芝士香濃,入口軟滑,味道鮮甜。如果冇記錯,當晚係整個旅程中第一次見到Main Dining Room個餐牌上有蠔,所以除咗Auntie Y唔食得蠔之外,我地成團人都叫咗黎食 

廚師推介之The Captain's Salad – Selected Salad Bouquet with Cucumbers, Cherry Tomatoes, Nashi Pear, Strawberries, Fresh Hearts of Palm & Creamy Champagne DressingXO仔原本並無打算食沙律,多得哥哥同媽咪極力推介,先初嚐到Captain’s Salad。唔知係咪因為沙律入面多咗甜甜o既生果粒,定亦或係個忌廉沙律醬夠香滑同濃味,感覺不但蔬果新鮮爽脆,簡直係易入口到唔似食緊菜咁 

Oxtail Consommé (Low Sodium) – Aged Sherry, Orzo, Spring Onions & Vegetable Brunoise:牛尾清湯雖然係low sodium,但其濃度不減,清香撲鼻,剛好洗滌腸胃中o既忌廉沙律醬。

Angel Hair Pasta – Tossed with Pesto Genovese, Cannelini Beans, New Potatoes & Bay Scallops:幼條o既天使麵軟嫩,輕輕以香草醬點綴非常清新,但個人就唔多鍾意用薯仔做配料。

72 Hours Prime Beef “Persille” – Dauphine Potato, Wax Beans in Pistachio Pesto & Pinot Noir Demi Glaze:經過慢煮o既牛扒肉質軟腍,肉汁豐富,而且肉味濃厚,無得彈!

Stir-Fried Lobster – Szechuan Pepper Sauce, Asian Vegetables & Forbidden Rice:主菜食一份牛扒理應好足夠,但係見到餐牌上o既「Forbidden Rice又唔知係咩來頭,結果就隱唔住叫埋依味四川炒龍蝦。菜式上枱時先知「Forbidden Rice」原來係黑米,講真咁大個仔都未食過,亦都唔知點解英文會譯作「禁米」,只係覺得黑米煮出黎o既飯冇白飯咁香軟。炒龍蝦其實好考功夫,如果一過火就好容易會炒到啲龍蝦肉老哂同嚡哂,真係估唔到Crystal個廚房手勢咁好,炒出黎o既龍蝦肉爽脆彈牙,咬落仲「索索」聲,一啲都唔老唔乾,所謂四川辣醬亦只屬吊味o既少辣,比好多中菜館炒得還要出色 

Baked Alaska – Strawberry & Chocolate Sauce:老師們對小肥o既口味已經瞭如指掌,故不用多說已猜到細佬有意食「火焰雪山」;老師問到,做學生當然係要回答啦,嗰日堂語言課真係簡單,學曉咗「Da」等同「Yes」,而「No」則為「No」。火焰雪山雖然因安全理由不能在餐廳內燃起火焰,但雪山o既蛋白頂面上仍清晰看到啡色o既火焰痕跡,雪山內o既雪糕同蛋糕層次分明,前者軟滑,後者鬆軟,塗上碟上o既士多啤梨及朱古力醬更特顯雪山上o既酒香。

Petit Four - Dipped 「Yagoda」(即「士多啤梨」):繼早一晚o既驚喜甜品Yagoda Flambé,XO仔食完主甜品後又再被問及有否興趣食另一款「Yagoda」,今次小肥好醒地答,「Da,mali,malim」(直譯為「Yes, small please」),嘻嘻,仲贏得Zoran老師讚賞添,以示表揚,所以我地兩枱人全部都有份食!外層包住朱古力薄脆o既士多啤梨同老師份心意一樣咁甜! 

由於返到香港後唔會再喺Crystal Dining Room度進食晚餐,答謝完老師們十天o既授課後,大家都依依不捨地道別,臨離開前當然係要合照留念啦! 
推介菜式: Baked Oysters,The Captain's Salad,Oxtail Consommé,Angel Hair Pasta,72 Hours Prime Beef “Persille”,Stir-Fried Lobster,Baked Alaska,Dipped 「Yagoda」
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2015-02-06

220日(晴):Crystal Serenity Day #11 香港

是次東瀛郵輪河終站為香港,泊岸時間預定為傍晚六時,代表旅程只剩下半天時間於公海讓小肥與姨媽及媽咪攻打老虎機。我地三人並非病態賭徒,喺賭場其實都只係短短逗留咗一、兩個鐘,成績雖未如理想,但都玩得好開心。


當日除咗拉機活動,團友十人朝早都有一齊睇表演,午餐後亦一同上跳舞班,學「American Style Viennese Waltz Variations」。而晚上因肥肥家族要出席兩代好友之飲宴,故船隻到港後便與團友們暫別,相約翌日再見。 

披頭四Encore ok喇2015-02-06
披頭四海報
披頭四海報
披頭四海報
披頭四海報
披頭四海報
披頭四海報
披頭四海報
披頭四海報
The Beatles Celebration is Back!
The Beatles Celebration is Back!
The Beatles Celebration is Back!
The Beatles Celebration is Back!
The Beatles Celebration is Back!
The Beatles Celebration is Back!
The Beatles Celebration is Back!
The Beatles Celebration is Back!

每朝起床,食過早餐,如果船隻仍於海中行駛,太陽未升至頭頂,大家都似乎已經慣性地要嘆返杯morning mimosa或者係其他酒品好好享受Crystal於最後一個航海日再一次請黎深受搭客愛帶oA貨披頭四作最後演出,午餐前喺Crystal Plaza大派Today’s Drink Special之「Beatle-Juice」,襯托返披頭四洋名「Beatles」,有意思得很!

Beatle-Juice」含Malibu Coconut RumLimoncelloBacardi Rum及鮮榨橙汁,酒味酸甜醒胃。唔知係酒精o影響力,定亦或係披頭四o既魔力,歌者奏起音樂不到半分鐘,一眾公公婆婆已紛紛步入舞池與演出者一同跳起勁舞,氣氛澎湃非常

推介菜式: Beatle-Juice
評分: 味道4   服務5   環境5   衛生5   抵食5
好天曬太陽 笑臉2015-02-06
郵輪前往香港
郵輪前往香港
郵輪前往香港
郵輪前往香港
郵輪前往香港:南中國海上的白頭浪
郵輪前往香港:南中國海上的白頭浪
Seahorse Pool + Jacuzzis
Seahorse Pool + Jacuzzis
Jacuzzis + Seahorse Pool
Jacuzzis + Seahorse Pool
郵輪慢慢駛入香港區域:海面平靜
郵輪慢慢駛入香港區域:海面平靜
郵輪慢慢駛入香港區域:海面平靜
郵輪慢慢駛入香港區域:海面平靜
搭客觀賞香港景色
搭客觀賞香港景色
Crystal Serenity十二樓有一個游泳池及兩個Jacuzzi,全天開放,但講明冇救生員,十二歲或以下小童必需要有家長陪同。可能因天氣寒冷,游水及曬太陽人士不多,側旁餐廳又有工作人員出出入入,所以都應該好安全。Jacuzzi內有暖水,不時都會見到啲搭客一邊水療按摩,一邊飲酒,不過場內指引泳客不得在泳池範圍內攜帶玻璃杯,所有飲料必需用膠樽承載,相當合理。

離開上海後,郵輪於南中國海航行,海面卷現白頭浪,浪勢起不定,返港當日係整個旅途最好天o既一日,雖然海上仍有白浪,但天清氣朗,已較早一日平穩得多。小肥兩兄弟朝頭早就襯好天,上咗十二樓個游泳池旁曬咗陣太陽,風勢轉大就轉為散步,欣賞海景。到咗下午賭場關門後,船隻開始慢慢駛進港島區域,哥哥又再提議上去觀賞港色,不久其他乘客亦隨之而上,擠滿船頂。 
參觀時段: 下午
評分: 值得去4  
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
啟德郵輪碼頭
郵輪駛入港口,經過港島多個地區,包括剛剛開幕不久o既啟德郵輪碼頭。銀光閃閃o既新碼頭,修長o既外表光鮮美觀,無奈負面新聞卻多得很,其建築設施錯漏百出,漏水、機件故障樣樣齊,對外交通稀疏,就連商場內多間食肆商店都尚未正式營業。幸好年初旺季已有兩艘較大o既郵輪預定要泊於新啟德碼頭,屬細郵輪o既Crystal Serenity被安排停泊於尖沙咀海運碼頭,同行o既遊客出入都方便得多。
參觀時段: 下午
評分: 值得去3  
迷人港色 笑臉2015-02-06
船兒彎彎入海港
船兒彎彎入海港
船兒彎彎入海港
船兒彎彎入海港
紅磡體育館
紅磡體育館
香港會議展覽中心
香港會議展覽中心
香港文化中心
香港文化中心
船兒彎彎入海港
船兒彎彎入海港
金鐘
金鐘
尖沙咀
尖沙咀

Crystal Serenity駛入香港,大肥就唱出「船兒彎彎入海港。。。」,貼切得黎亦逗得團友們笑聲四起

講真住咗香港咁多年,XO仔從未仔細欣賞過香港聞名o既靚景。今次多得Crystal設計出此道東瀛航線,策劃香港為尾站,團友十人得以遊客身份細看「東方之珠」o既迷人色彩,由下午o既藍天白雲,直至傍晚時份日落西山,經過寂靜o既離島小屋,再達繁華o既市區高樓,親身體驗香港如何贏取美譽。良辰美景喺無酒精o既情況下都足以醉倒觀賞者,難怪甲板上o既旅客越企越多,嘩聲不斷

參觀時段: 下午
評分: 值得去5  
  0 個留言    |  加入你的留言
發表日期: 2015-02-10

221日(晴):Crystal Serenity Days #12香港

即將要與Crystal Serenity道別,XO仔心裡當真有十萬個捨不得!既然香港係自己地頭,早一日亦已觀賞過港島o既迷人景色,我地依班香港代表當然係唔需要上岸觀光啦,決意盡情享受郵輪所提供o既美酒佳餚,實行飲飽食醉

朝早九時起床,大隊先喺Lido Café集合,進食郵輪河最後一個自助早餐。因為團友們分別邀請咗自己居港o既親友上船午膳,早餐後就各有各忙,去約會及接領賓客。我地十幾人除咗喺Crystal Dining Room度食飯之外,XO仔仲好似幫緊Crystal打工咁,續層介紹郵輪o既不同配套及設施。上到Lido Deck見各人開始面露疲態,一班菲藉好友亦客氣地建議大家先嘆返杯咖啡或雞尾酒,食個熱狗或者係雪糕新地後先再上頂樓拍照留念,盡顯Crystal友善好客o既精神 

親友們落船後,太陽亦開始西下,精力茂盛o既小肥先喺七樓步行上個半鐘,Happy Hour與長輩們繼續飲,晚餐時份就轉場往CrystalNobu合作o既日本餐廳「Silk Road」度進餐。餐後小肥抱住依依不捨o既心情由頂樓行到落五樓大堂及餐廳層,再返上房間執拾行李,準備翌日早上告別郵輪。 
生果 + Cereals
生果 + Cereals
每日鮮製包點
每日鮮製包點
新鮮生果
新鮮生果
雞
雞粥
雞粥
早餐熱品
早餐熱品
早餐冷盤及乳酪
早餐冷盤及乳酪
超正牛角包
超正牛角包
喺過去o既十幾日,大家都已習慣咗每朝早要先喺十二樓oLido Café度大吃一頓豐富o既早餐,先有氣力進行觀光活動。Lido Café個自助早餐中西合璧,款式琳琅滿目,熱食包點全為每天新鮮炮製,每日食唔同野都真係話都冇咁易。旅程最後o既一餐姨媽們繼續食雞粥,小肥就主攻屋企不常食得到o既朱古力croissants、鮮榨果汁、鮮果乳酪及芝士蘑菇蛋白奄

哥哥講得無錯,我地返咗屋企後,每朝將會懷念Lido Café個自助早餐! 
推介菜式: 雞粥,朱古力croissants,鮮榨果汁,鮮果乳酪,芝士蘑菇蛋白奄列
評分: 味道5   服務5   環境5   衛生5   抵食5
海運碼頭
海運碼頭
海運碼頭
海運碼頭
海運碼頭
海運碼頭
海運碼頭對面
海運碼頭對面
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭:補充資源
Crystal Serenity停泊於香港尖吵咀海運碼頭:補充資源
海運碼頭內之指示牌
海運碼頭內之指示牌
Crystal Serenity之前停過每一個港口都必定會安排免費穿梭巴士服務,由於尖沙咀海運碼頭就喺市中心,而且一出閘門即能通往海港城,故此Crystal無需喺香港安排穿梭巴士。

搭客一上岸就已經被多間店舖圍繞住,踏足購買天堂如果要去港島其他地區,喺街上搵的士都容易,就算自己截唔到都可以去附近多間酒店求助,方便得很,唔怪得知香港
o既旅遊業咁興旺
參觀時段: 其他
評分: 值得去5  
2月21日之午餐,郵輪位置為香港
2月21日之午餐,郵輪位置為香港
Golden Fried Mushrooms – Lemon Zest Remoulade
Golden Fried Mushrooms – Lemon Zest Remoulade
Vitello Tonnato
Vitello Tonnato
Cream of Green Beans – Lemon Cream & Parsley
Cream of Green Beans – Lemon Cream & Parsley
Sedanini Pasta(Appetizer Size)
Sedanini Pasta(Appetizer Size)
Sedanini Pasta(Main Fare Size)
Sedanini Pasta(Main Fare Size)
Honey-Soy Glazed Chicken Skewers
Honey-Soy Glazed Chicken Skewers
Crisp Calamari
Crisp Calamari
同哥哥一齊旅遊真係好,佢除咗會做足事前資料搜集功課之外,亦會留意當中o既細節。好似今次咁,得知郵輪喺香港將會停泊兩晚,記得Crystal有提供給予岸上o既客人上船參觀o既服務,家中又有親友想體驗一下坐郵輪o既樂趣,所以一得閒就走咗落去大堂個接待處度索取更多資訊,安排親友探訪。原來流程非常簡單,搭客只需於友人訪郵輪前五個工作天內交回填妥o既申請表格,一經批刻,即會收到有關通知,所有費用將直接於搭客戶口內扣除。用膳價錢分早餐(USD 25)、午餐(Crystal Dining Room @ USD 50; Lido Café @ USD 35; Tastes @ USD 35)、下午茶(USD 20)晚餐(Crystal Dining Room @ USD 75; Tastes @ USD 75; Silk Road @ USD 100; Prego @USD 100),另外每位年過二十一歲o既訪客都會被收取USD 20酒水費。

Giuseppe叔叔真係好人,特別為我地十幾人安排咗兩張大圓枱,更請黎Zdravko老師為大家服務。一進場,小肥立刻介紹老師比各親友認識,講述每天得以其授課一句Serbo-Croatian,學懂多句實用詞句,點知老師隨即大讚學生o既語言天份,搞到細佬臉都紅哂,嘻嘻,心裡面當然係暗暗自喜啦

因為郵輪正停泊於香港,當日o既午餐餐牌內亦順理成章地加插咗幾款中菜,如雲吞湯、四川牛肉等,不過我地都冇叫黎食,主要都係食翻西菜美食。

Golden Fried Mushrooms – Lemon Zest Remoulade:酥炸蘑菇用新鮮蘑菇炸製,炸皮乾脆唔油膩,蘑菇軟腍有水份,點上酸酸甜甜oremoulade醬,感覺清新醒胃。

Vitello Tonnato – Thinly Sliced, Pink-Roasted Veal Loin on Tuna Cream Sauce, with Fried Capers & Lemon-Rosemary Oil:如相所示,薄薄o既牛仔肉片同餐牌上所形容一樣,呈粉紅色,肉質超級軟嫩,同碟中味濃o吞拿魚忌廉醬非常匹配。

Cream of Green Beans – Lemon Cream & Parsley:小肥最怕食菜,對豆類更加係極度反感,不過哥哥不斷讚個湯一啲都唔嚡口,異常香滑,故細佬不得不影返幅相,在此略作推介。

Sedanini Pasta – Sautéed Chicken Breast, Fresh Corn, Mushrooms, Cilantro, Tomato & Cream:意粉分兩個size,大小之區別可參照以上圖片。酸甜o既麵條彈牙,醬汁份量剛剛好粘滿意粉,料中雞胸肉塊又唔會太多,粟米粒又能增添一份鮮甜香脆感,簡單美味

Crisp Calamari – Crunchy Lettuce Tossed in Creamy Lemon-Garlic-Chive Dressing, Cherry Tomatoes, Celery, Fennel, White Beans & Chorizo:幼條o既炸魷魚香脆野味,配菜新鮮爽脆,食到魷魚后大姨媽lam lam脷! 
推介菜式: Golden Fried Mushrooms,Vitello Tonnato,Sedanini Pasta,Crisp Calamari
每人消費: 約50美元 (午餐)
評分: 味道5   服務5   環境5   衛生5   抵食5
小籠包小食
小籠包小食
環球貿易廣場
環球貿易廣場
環球貿易廣場
環球貿易廣場
歡樂時光一到,團友們又再一次黎到Crystal Cove度嘆酒,當日o既「Today’s Drink Special 」為「Metropolitan」,襯托返香港為大都會,有意思得很。雞尾酒含Absolut KurantTriple SecFresh Lime Juice,及Cranberry Juice,小肥怕酸所以冇試到,結果都只係叫咗杯mimosa黎飲。

嗰日最有驚喜都可以話係
Crystal Cove所提供o既小食,因為大家都冇諗過郵輪酒吧居然會蒸製小籠包用作送酒之用好在味道都唔差,起碼好食過上海名店「南翔饅頭店」
推介菜式: 小籠包
評分: 味道4   服務5   環境5   衛生5   抵食5
Silk Road
Silk Road
Nobu Sake
Nobu Sake
刺身拼盤
刺身拼盤
天婦羅
天婦羅
和牛卷
和牛卷
熱烏冬
熱烏冬
Petit Fours
Petit Fours
Suntory Whiskey Cappuccino
Suntory Whiskey Cappuccino
Crystal Serenity七樓除咗有意大利餐廳「Prego」之外,對面仲有一間由Nobu先生主理o既西日fusion餐廳「Silk Road」。由於是次東瀛遊前半段每日都可以食到地道o既日式料理,所以團長特意留返最後一晚先食郵輪上o既日本菜。

同2012年比,「Silk Road」牆壁及天花o既裝修有少少變動,不過唔係好明顯。服務生好似同之前一樣,除咗廚師之外,樓面一個日本人都冇。

坐下不久,哥哥仔即送上熱毛巾及酒品,效率好高。見我地同行有十人,經理就提議叫廚房以拼盤形式呈上各式美食,大家可以分黎食,團長亦欣然接受。 

三色頭盤之Sweet & Sour Pork, Croquette, & Cabbage Roll with Crab:經理仍在與團長商量期間,佢o既手下已率先派發每人一份o既送酒小食「三色頭盤」。小食有三,第一味係甜酸豚肉,可能因為係涷食,感覺有少少怪怪。第二味係炸丸子,其炸皮香脆餡心彈牙,輕輕塗上甜甜o既醬油已十分野味!相比起下,第三味o既蟹肉椰菜卷就唔多夠味道啦,加上椰菜本身帶一陣苦澀,小肥唔多啱食囉! 

Wagyuu Roll:此道和牛卷賣相難以同其味道比!外層o既和牛為半生熟,入口即溶,內層o既露荀又夠新鮮爽脆,配上微辣帶甜o既汁液簡直係一絕! 

Sushi Platter:壽司拼盤內有五款壽司,當中吞拿魚壽司及立魚壽司都只屬一般,難以同我地剛於日本食過嗰啲比!其餘三文魚子壽司及鰻魚壽司都可稱得上為高上,不過最美味都係拼盤中央o既鮮蟹肉壽司,鮮甜幼嫩! 

Sashimi Platter:刺身拼盤中o既魚生款式比壽司拼盤多,質量亦顯然地高一XO最欣賞三文魚同蝦,前者油份夠,後者則爽脆鮮甜。 

Assorted Tempura:雜錦天婦羅大多為魚塊及蔬菜,所以小肥都只係食咗一件魚,炸皮香脆乾身,魚肉都好軟嫩,無奈個人第一口已食到骨,所以唔敢再食第二件。 

Fried Kurobuta:炸黑豚最忌係塊豬扒太瘦,如果一啲肥膏都冇,肉質就會又嚡又乾,就算外層炸得幾金黃香脆,都難以彌補黑豚營養不足o既問題

Udon:食完咁多款魚生及炸物,經理就走過黎問我地會唔會有興趣食碗冷麵或熱烏冬,小肥想飲碗熱湯,所以選擇咗要後者。熱烏冬湯底清香濃郁,烏冬麵條彈牙嫩滑。 

Mochi with Red Bean Paste:甜品一o既紅豆糯米糍係是日精選,唔係日日有。糯米糍煙煙韌韌,但絕不黐牙,紅豆餡又唔會過甜,好清。 

Suntory Whiskey Cappuccino:甜品二係小肥上一次黎食過oSuntory Whiskey Cappuccino,底層為咖啡味軟雪糕,面層為whiskey foam,入口香滑,味道則似Irish Coffee般,清新醒神! 
推介菜式: Croquette,Wagyuu Roll,三文魚子壽司,鰻魚壽司,蟹肉壽司,Sashimi Platter,熱烏冬,Mochi with Red Bean Paste,Suntory Whiskey Cappuccino
評分: 味道4   服務5   環境5   衛生5   抵食5
  0 個留言    |  加入你的留言