Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 117
  上載相片 4013
  上載影片 3
最近分享過的旅程
2018年聖誕遊東京
國家/地點: 日本
旅程日期: 2018-12-23 至 2018-12-28
2019瑪麗皇后二號郵輪八天遊
國家/地點: 新加坡, 越南
旅程日期: 2019-03-05 至 2019-03-12
2018台灣四天美食之旅
國家/地點: 台灣
旅程日期: 2018-11-23 至 2018-11-26
2018美加探親兩週遊
國家/地點: 加拿大, 美國
旅程日期: 2018-03-27 至 2018-04-07
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
2016鑽石公主郵輪東瀛遊 (日本, 俄羅斯)
(旅程日期: 2016-08-30 至 2016-09-09 ,  旅程性質: 飲食購物)
發表日期: 2016-10-11

自從坐過超級豪華o既「水晶號」渡假之後,家人彷彿已獨愛上郵輪式旅遊。無他o既,郵輪河除咗可以喺船上享用美酒佳餚,更可一次過遊覽多個城市,又唔洗擔心要重複收拾行李、轉換酒店等,當真節省不少氣力同時間。2016年初,聽到親友極力推薦「鑽石公主號」郵輪其中一條北海道航線後,家人就立即組團兼訂位,規劃八、九月o既東瀛遊。

830日():鑽石公主郵輪河前夕 Yokohama橫濱

「鑽石公主號」定於八月三十一日黃昏由橫濱出發,環繞北海道一周後,於九月九日返回橫濱。肥肥家族與親友一行十二人早一日就喺香港出發,乘搭暑假新增之航班HX 610直飛東京成田機場,到步後即轉乘巴士前往橫濱,於酒店「橫濱灣喜來登酒店及觀景塔」留宿一宵。

大隊抵達酒店時已經係午夜時份,雖然飛機上有晚餐供應,不過質素麻麻,又早食,喺機場坐完個幾鐘頭車後個個肚仔都打行哂鼓,所以喺酒店辦妥好手續後,我地就行咗去間營業至深夜o既居酒屋度醫肚,旅程第一晚經已玩到凌晨先返房休息
香港航空貴賓室「紫荊堂」
香港航空貴賓室「紫荊堂」
香港航空貴賓室「紫荊堂」
香港航空貴賓室「紫荊堂」
香港航空貴賓室「紫荊堂」
香港航空貴賓室「紫荊堂」
住好啲懷舊磅重機
住好啲懷舊磅重機
紀念咭仔證明旅行前有幾fat
紀念咭仔證明旅行前有幾fat
紫荊堂自助餐
紫荊堂自助餐
必吃鮮製雞蛋仔
必吃鮮製雞蛋仔
即叫即煮項目
即叫即煮項目

舊年去札幌時,與家人首次搭過港航空後便一坐上癮,所以一收到風港航於暑假成功增設往返東京之航線,商務位仲要平過另外一間航空公司o既特選經濟客艙,大肥爸爸諗都唔洗諗即決定選搭港航空

多得哥哥再三提點,知悉港航空o既搭客可以喺中環機場快線站辦理手續,將行李寄艙後,就可輕便地乘坐機鐵直達香港國際機場,同行六十五歲以上o既團友們更可尊享半價優惠,又抵又方便!由於手續簡易,地勤人員效率高,我地又預鬆咗時間,所以全體人員就應邀前往航空公司o既貴賓室「紫荊堂」,享用午膳並稍作休息

離開出境檢查大堂不遠,藏於地下室o既「紫荊堂」光猛寬敞,接待處o既玻璃趟門印著香港靚景,感覺高雅大方,當真令身為港人o既XO仔十分驕傲。貴賓室面積廣,其中分開有梳化區、向窗獨立座、電腦區、用餐區等,各有各舒適。

我地咁多個人步入「紫荊堂」正門即由多位友善好客o既靚姐姐接待。佢地不但協助各人入座,更會主動講解廳內所提供之設備及餐飲,招呼十分周到!設施中最搞鬼o既必選大廳中央嗰座「住好啲」懷舊磅重機,原來真係郁得架,我地一人玩咗次,玩完仲有張紀念咭仔證明旅行前有幾fat添

除咗有得玩,貴賓室當然唔少得自助餐區域。既然假期已經開始咗,大家就先向酒品埋手,襯太陽仍在高掛時先飲兩杯輕鬆吓!自選食物中有個唔係咁受歡迎o既凍肉及沙律吧;熱食中蕃薯uncle同小肥一樣最愛咖哩牛腩,蝦餃就一般啦;女士們每人要咗即叫即煮o既車仔麵同雲吞湯米粉,大家都話好夠熱,且唔油,都唔錯。最有驚喜就一定係個鮮製雞蛋仔,熱辣香脆,鬆化輕巧,雖然落單後要等成幾個字先有得食,不過絕對值得等!大家要留意,雞蛋仔煮製時間約十五至二十分鐘,供應時間每日限定中午12點至傍晚6點。

同行眾多長輩都係首次乘搭港航空,其實訂飛時都唔係咁有信心,擔心平野唔會有好野。哈,點知未上機前,淨係喺港航貴賓室「紫荊堂」短短逗留咗四十五分鐘,享用過特色美食酒品、見證過港航優質o既服務之後,竟然足以令眾人放下心頭大石,期待即將展開o既空中旅程

推介菜式: 咖哩牛腩,雞蛋仔
評分: 味道4   服務5   環境5   衛生5   抵食5
香港航空HX610之商務位
香港航空HX610之商務位
餐牌
餐牌
餐牌
餐牌
香檳
香檳
頭盤日式冷麵及烤雞胸片伴菠蘿芒果沙沙
頭盤日式冷麵及烤雞胸片伴菠蘿芒果沙沙
烤雞胸片伴菠蘿芒果沙沙
烤雞胸片伴菠蘿芒果沙沙
日式冷麵
日式冷麵
日式炸雞配蜜糖芥末薑汁配日本飯及季節時菜
日式炸雞配蜜糖芥末薑汁配日本飯及季節時菜

今次乘坐香港航空前往東京經旅行社購買商務位,來回機票優惠價HKD 5,536除咗可以享用上述所提及到o紫荊堂之外飛機上亦有晚餐提供,餐飲中不酒水,暑假旺季黎講真係好抵

當日香港航空HX610 機預定下午三點半起飛,用上商務艙一、二、一排列o既新飛機型號,獨立座位空間足,乾企理十分舒適,上機時長輩們仲每人影咗幅相留念好滿意飛行期間冷氣唔多夠,當XO仔想調時先發現原來新機冇咗啲手調冷氣風口,咁唯有向空中小姐提出睇吓可唔可以開大啲個冷氣啦,點知佢好抱咁話已經開到最大,見到細佬真係滴哂汗,佢都好客氣咁話不如俾杯冰水我幫降一降溫,態度極之誠懇體貼。

航班飛行時間約四個半鐘頭,起飛後大約一個鐘頭後就有晚飯食,亦即香港時間四點半(東京時間五點半),真係好早,不過搭客有要求絕對可以遲啲食,只係主菜選擇應該會少咗。點選食物時,由於機內室溫對細佬黎講實在過高,小肥就好唔客氣咁要齊冰水同香檳作餐前飲品,主菜就揀食「日式炸雞配蜜糖芥末薑汁配日本飯及季節時菜」。

晚餐由頭盤日式冷麵烤雞胸片伴菠蘿芒果沙沙作序。雞胸片容偏嚡同乾,飛機餐上o雞胸薄片亦正是如此,幸好個菠蘿芒果沙沙尚算清新醒胃,日式冷麵又夠清涼甜美,成功挽回不少食物分。主菜日式炸雞配蜜糖芥末薑汁只可以話係中規中矩,因炸雞皮層過厚,即使雞肉軟嫩都難以補

肥肥家族遊日本,坐飛機首選香港航空商務座,因其獨立座椅闊落舒適,機艙服務態度友善誠懇而且價廉抵坐,唯一新機空調不足,有待改善。個人覺得港航晚餐質當真不及其早餐法式烤多士配鮮忌廉及藍梅醬」(上次食過出色,建議其實可將如此美味o既「法式烤多士長期列入餐牌供搭客選擇,成為港航標記後更可當作免費宣傳,可謂雙贏
每人消費: 約5536港元 (其他)
評分: 味道3   服務5   環境4   衛生5   抵食5
酒店客戶可以4,000円獨享巴士加的士套票
酒店客戶可以4,000円獨享巴士加的士套票
酒店客戶可以4,000円獨享巴士加的士套票;長者則可以半價購買巴士車飛
酒店客戶可以4,000円獨享巴士加的士套票;長者則可以半價購買巴士車飛
巴士站
巴士站
巴士
巴士
橫濱灣喜來登酒店及觀景塔大堂
橫濱灣喜來登酒店及觀景塔大堂
橫濱灣喜來登酒店及觀景塔
橫濱灣喜來登酒店及觀景塔
雙人房
雙人房
雙人房
雙人房

「鑽石公主號」郵輪定於橫濱出發,為安全起,一行十二人早一晚就經已先抵橫濱,喺市中心一家最多團友可以賺取酒店分數o既「橫濱灣喜來登酒店及觀景塔」(Yokohama Bay Sheraton Hotel & Towers)度過一晚夜。

始終人多容易混亂,故XO仔一早已做足功課,了解過由東京成田機場前往酒店o不同方法,包括的士巴士火車等。多得酒店職員Mikami小姐o提點並耐心地跟小肥多月來以電郵通訊,團長最終決定以最簡單及便o先搭九十分鐘巴士前往橫濱城市航空總站」(Yokohama City Air Terminal - YCAT),然後再轉乘的士去酒店酒店客戶可以4,000円獨享巴士加的士之套票優,六十五歲或以上o長者則可憑護以半價2,000円購買巴士車票;由於每張套票包咗一架的士,以長者優淨買巴士飛o團友剛好可搭順風的士一齊去酒店,非常順利

位於市中心o既「橫濱灣喜來登酒店及觀景塔只需步行五至十分鐘就有購物中心及多間食肆地點真係好方便。酒店房間同洗手間一樣咁大咁潔淨,各部門o職員落力有禮,又樂於幫助客人,每間雙人房每晚21,500絕對住得過!
每晚價錢: 21500日圓 (雙人房)
評分: 設備5   服務5   環境5   衛生5   抵住5
NIJYU-MARU 横浜本店
NIJYU-MARU 横浜本店
餐牌及單據
餐牌及單據
生啤
生啤
炸雞軟骨(499円)
炸雞軟骨(499円)
炸雞軟骨(499円)
炸雞軟骨(499円)
炒飯(699円)
炒飯(699円)
櫻花蝦拉麵(499円)
櫻花蝦拉麵(499円)
其他食物
其他食物

由於喺飛機上,下午五點前已經食完晚餐,一直到午夜十二點到達酒店都未有再進食,喺巴士上大家已決意安頓好行李後就要馬上外出覓食。手持地圖行出街外,十二人就好求其地行咗入去一家營業至深宵o既「NIJYU-MARU」居酒屋,食到凌晨兩點先返回酒店

居酒屋佔用面積全層,望落開揚寬廣。食客都係後生一族,全店就只有我地一班外國人。講真服務唔算差,叔叔同姐姐仔都冇話黑面,只係明顯冇平時見慣嗰啲服務生咁殷勤友善,幸好小肥可以勉強用簡單o既日文對答,電子落單又夠簡易,起碼溝通上冇乜大問題。

電子及紙造餐牌均附有彩圖,亦有清楚列明價格,長輩們睇完就講出想食o既菜式飲品,包括小食、刺身、飯麵等等,再交由細佬續一入機點菜。咁多款食物中,小食以大路o既蕃茄(299円)同枝豆(299円)最穩陣,帶子刺身(499円)平得黎亦好合格,炒飯(699円)同櫻花蝦拉麵(499円)都唔錯,最美味必選兩款香脆惹味o既炸雞(399円)及炸雞軟骨(499円),送酒一流!當中其實亦有唔係咁得o既牛肉飯(499円)同炸芝士(399円),不過睇在價錢份上,個人覺得冇野可以投訴囉
推介菜式: 蕃茄,炒飯,枝豆,櫻花蝦拉麵,炸雞,炸雞軟骨
每人消費: 約1720日圓
評分: 味道3   服務3   環境3   衛生3   抵食4
  0 個留言    |  加入你的留言
發表日期: 2016-10-28

831日():鑽石公主郵輪東瀛遊第一日Yokohama 橫濱

由於日本受到颱風「獅子山」襲擊,海上強勁o既風浪影響到「鑽石公主」郵輪於8月31日遲咗泊岸,我地o既郵輪河亦因而有所延誤,當日登船時間由原定o既中午時份押後為下午四時。幸好今次入住o既「橫濱灣喜來登酒店及觀景塔」(Yokohama Bay Sheraton Hotel & Towers)位置方便,乘搭電梯往下即通往地下街,連駁住多間商場,向上經行人天橋又可直達「高島屋」,要購物覓食真係話都冇咁易

既然區內四周都係食肆,酒店早餐連加一又要成差不多5,000円一位,朝早起牀大隊就先喺大堂集合,一齊行去地下街度搵咗間咖啡屋歇腳。食完個簡單o既早餐後,部分團友先去「東急ハンズ横浜店」(Tokyu Hands Yokohama Shop)濕咗陣平,然後先返房收拾行裝,趕及中午前辦理退房手續。

愛情電影就玩「向左走,向右走」,肥肥家族當日則玩「向下走,向上走」,早上向下行完地下街,下午就向上經行人天橋通往日本名百貨公司「高島屋」,食晏同行街街,多咗個四個鐘頭眨吓眼就過咗。下午四點正,團友十二人就分乘三架的士往橫濱「大さん橋」郵輪碼頭登船。郵輪結果要到晚上用餐時間,即八點過後方才起航,向北海道進發。

大肥爸爸給予「鑽石公主」號(Diamond Princess)第一句評語可謂一針見血,真係「最怕貨比貨」!「鑽石公主」同之前肥肥家族搭過o既「水晶平靜」號(Crystal Serenity)無論係房間配套、船上設施、服務質素、膳食質量、娛樂項目等,各方面都明顯更為遜色,當真為天壤之別,詳情就等細佬喺接著落黎o既遊記度慢慢敘述。

Oslo Coffee
Oslo Coffee
早餐餐牌
早餐餐牌
飲品餐牌
飲品餐牌
特色咖啡
特色咖啡
A餐之北欧ワッフル(500円可配「King」或「Queen」特色咖啡)
A餐之北欧ワッフル(500円可配「King」或「Queen」特色咖啡)
C餐之ノルウェースモークサーモンサラダのワッフルサンド(600円可配「King」或「Queen」)
C餐之ノルウェースモークサーモンサラダのワッフルサンド(600円可配「King」或「Queen」)
B餐之ハム&デンマークチーズのワッフルサンド(500円可配「King」或「Queen」特色咖啡)
B餐之ハム&デンマークチーズのワッフルサンド(500円可配「King」或「Queen」特色咖啡)
單據
單據

由「橫濱灣喜來登酒店及觀景塔」(Yokohama Bay Sheraton Hotel & Towers)行經電梯通往地下街,路程只需幾分鐘,當真夠哂方便。始終對區內o既咖啡室唔係咁熟識,團長就求其行咗入去最近o既「Oslo Coffee」度食早餐。

Oslo Coffee」簡潔企理,卡位配有厚墊梳化櫈,餐桌上更設有傳呼服務生o既按鈕,滿座時都唔怕搵唔到伙計落單

早餐時段,店子只有兩頁餐牌,一頁為單點飲品項目,另一頁則為三款食物連咖啡o既套餐。套餐及散叫飲品o既單價其實只係相差一百円左右,咁梗係叫套餐抵好多啦,我地就每樣叫咗幾客黎分,飲品就清一色要哂特色咖啡。「Oslo」o既特色咖啡共有三款,分別為藍色印o既「King」、紅色印o既「Queen」及金色印o既「Royal」,飲齋啡o既團友就簡單地以對應o既性別黎揀選啡品,而肥肥家族四人就叫齊哂三個色,好等小肥可以續一試試。

1)      特色咖啡「King」(500円/杯):代表男士或皇帝o既「King」齋啡呷落甘香,係三款中最濃厚o既一杯。

2)      特色咖啡「Queen」(500円/杯):代表女士或皇后o既「Queen」齋啡則帶有果香及微微酸味。

3)      特色咖啡「Royal」(700円/杯):最後不分性別,只代表皇室o既「Royal歐蕾咖啡奶香豐厚幼滑,亦為好啡一杯!

4)      A餐之「北欧ワッフル」(500円可配「King」或「Queen」特色咖啡;加200円可轉配「Royal歐蕾咖啡):圓形o既北歐窩夫香脆鬆巧,500円有兩件加杯靚咖啡,絕對超值!

5)      B餐之「ハム&デンマークチーズのワッフルサンド」(500円可配「King」或「Queen」特色咖啡;加200円可轉配「Royal歐蕾咖啡):熱食o既芝士火腿窩夫三文治外層兩塊窩夫軟腍帶甜,夾住o既芝士火腿濃熱辣,一個人食哂一份都幾飽肚。

6)      C餐之「ノルウェースモークサーモンサラダのワッフルサンド」(600円可配「King」或「Queen」特色咖啡;加200円可轉配「Royal歐蕾咖啡):凍食o既挪威煙三文魚沙律窩夫三文治腍中帶脆,濕潤惹味,都幾得意。

「Oslo Coffee」環境服務同為合格之列,早餐價廉物美,九個人成張單六千円有找,好采團長夠精明,冇揀留喺酒店食個每人要成五千円o既自助早餐,結果幫大家慳番唔少盤川!
推介菜式: King,Royal,北欧ワッフル,ハム&デンマークチーズのワッフルサンド
每人消費: 約635日圓 (早餐)
評分: 味道4   服務4   環境4   衛生4   抵食5
横浜高島屋Takashimaya Yokohama
横浜高島屋Takashimaya Yokohama
旅客可憑護照取得九五折咭,優惠適用於全國o既「高島屋」
旅客可憑護照取得九五折咭,優惠適用於全國o既「高島屋」
遊客購物有折又可退稅
遊客購物有折又可退稅

橫濱灣喜來登酒店及觀景塔Yokohama Bay Sheraton Hotel & Towers)二樓可直出行人天橋,步行兩分鐘即抵日本名百貨公司高島屋」(Takashimaya)。旅客可憑護照取得九五折咭,優惠適於全國o既「高島屋非常廣泛此外於商內購物滿5,000円或以上亦可享即日辦理退稅手續。

由於郵輪河受颱風影響,延誤咗四個鐘頭,團友們就臨時決定喺高島屋狂購多輪,其間午餐時間就喺八樓餐廳層覓食。
推介項目: 購物
參觀時段: 下午
評分: 值得去4  
八起庵Hachikian
八起庵Hachikian
親子丼推介
親子丼推介
餐桌
餐桌
熱茶及凍湯
熱茶及凍湯
親子雞丼とミニ鴨なんば(2,376円)
親子雞丼とミニ鴨なんば(2,376円)
ミニ軍雞丼とミニつくぬうどんのセット(2,376円)
ミニ軍雞丼とミニつくぬうどんのセット(2,376円)
綠茶雪糕加紅豆
綠茶雪糕加紅豆
單據
單據

高島屋八樓餐廳層有多間食肆,當中不乏中韓料理,唔洗多諗黎到日本就當然係揀食日本餐啦,團長就帶行咗入去一家專門食雞料理o既「八起庵

八起庵地方整潔企理面積都唔細,不過午飯時間實在繁忙,一行十二人只好分開坐。疑似店主夫人o嬸嬸雖然忙得團團轉,但其臉上仍能保持笑容態度溫婉,效亦頗高。

由於餐於午飯時間未有提散叫餐牌上o雞鍋料理,我地就叫咗啲雞丼同午市丼麵套餐黎分。午餐可選o雞造菜式中,除咗平時常見以雞肉)混入生雞蛋)及滑蛋o既「親子丼之外,店子亦有煮出同為親子組合o咖哩飯烏冬等當中部份更用上相傳有皇家血脈o東京軍雞煮出,選擇極多。

親子雞丼とミニ鴨なんば2,376円):熱辣辣o親子雞丼內含滑蛋生蛋,令丼物整體質感柔潤滑溜。墊底o飯粒飽滿軟熟,雞肉幼嫩中帶有彈性,甜甜o調味亦極之討好。套餐中o迷你鴨烏冬一樣咁好味湯底清香微甜烏冬麵條煙韌軟滑,鴨肉都好軟腍。

上網查過,原來八起庵京都名店,更為雞料理專家雞丼簡單美味,午市套餐豐富又抵食,唔怪得知中午前已座無虛席,掂呀!
推介菜式: 親子雞丼,親子雞丼とミニ鴨なんば
每人消費: 約1818日圓 (午餐)
評分: 味道5   服務5   環境5   衛生5   抵食5
Diamond Princess 鑽石公主郵輪
Diamond Princess 鑽石公主郵輪
十四樓之陽台廂房
十四樓之陽台廂房
十四樓之陽台廂房
十四樓之陽台廂房
十四樓之陽台廂房:浴室
十四樓之陽台廂房:浴室
十四樓之陽台廂房:衣櫃
十四樓之陽台廂房:衣櫃
郵輪日報
郵輪日報
郵輪日報
郵輪日報
橫濱日落靚景
橫濱日落靚景

「鑽石公主」(Diamond Princess)載客量為二千七百多人,比起肥肥家族之前坐過僅可乘載一千多人o既「水晶平靜」號(Crystal Serenity)大成倍幾兩倍,相機都要離開好遠先影得哂成隻船。公主郵輪雖大,但論及豪華度、舒適度、服務質素、娛樂項目選擇等等,真係冇得同水晶號fight。

是次郵輪河我地同樣係入住有陽台o既廂房。廂房位於十四樓高層,個景就夠靚,可惜間房由地毯到傢俬、浴室到陽台、衣櫃到雪櫃,設計同用料都給予住客一個殘舊o既感覺,當真絕不豪華!室外溫度平均已高達攝氏三十幾,點知室內冷氣開到最大一啲涼意都冇,夜晚黑瞓覺唔蓋被都出哂汗,日日真係好似焗桑拿咁,怕熱o既小肥真係幾辛苦

郵輪搭客多,淨係飯廳都有五個之多,另外仲有三個要額外俾錢先去得o既主題餐廳。每天不同o既娛樂項目詳情可參閱郵輪日報,早上及中午可揀上跳舞班、運動堂,不時亦有遊戲節目送出禮品,最受歡迎梗係Bingo啦!入夜有得睇表演、聽現場奏樂、唱K、同跳舞等;表演好唔好睇就見仁見智,細佬只可以講句唔係自己杯茶囉。出到公海雖然可以拉機測試吓有冇賭運,不過啲電子化老虎機唔再有銀仔跌落黎嗰啲叮叮聲,氣氛差好遠,個人覺得一啲都唔好玩
每晚價錢: 200美元 (其他)
評分: 設備2   服務2   環境2   衛生3   抵住2
Santa Fe Dining Room
Santa Fe Dining Room
Santa Fe Dining Room
Santa Fe Dining Room
廚師推介項目
廚師推介項目
試酒活動報名表、牛油、蘑菇湯、麵包
試酒活動報名表、牛油、蘑菇湯、麵包
Crispy Hand-Rolled Vegetable Spring Rolls with Hoisin-Peanut Dip, Lemongrass, Cilantro
Crispy Hand-Rolled Vegetable Spring Rolls with Hoisin-Peanut Dip, Lemongrass, Cilantro
Red Snapper Mojito Ceviche with Mint, Mango, Avocado and a Splash of Rum
Red Snapper Mojito Ceviche with Mint, Mango, Avocado and a Splash of Rum
Slow-Roasted Corn-Fed Prime Rib, Rosemary Jus, and Horseradish Cream, with Corn-on-the-cob, Char-grilled Tomato, Baked Idaho Potato
Slow-Roasted Corn-Fed Prime Rib, Rosemary Jus, and Horseradish Cream, with Corn-on-the-cob, Char-grilled Tomato, Baked Idaho Potato
甜品
甜品

「鑽石公主」o既五個飯廳分別係「International Dining Room」 、「Pacific Moon Dining Room」 、「Santa Fe Dining Room」 、「Savoy Dining Room」 及「Vivaldi Dining Room」,均分有傍晚五點半及晚上七點四十五分兩輪;客人可於購票時或上船前於網上預訂晚膳時間,地點則由船公司編排。據悉,咁多個廳入面最大嗰張餐枱都只係可以容納到十個人,團友十二人唯有分開兩張六人枱坐,排位就晚晚轉,以確保聯誼時可以保持新鮮感

我地被安排入座o既「Santa Fe Dining Room」環境優雅,燈光柔和,闊落o既椅櫈都好舒適。負責兩張枱o既服務生黎自唔同組,因有比較下,年輕落力又友善o既Jerome同拍檔明顯於各方面都略勝一籌。食物方面任叫任點,於用餐時間內更可無限添加,不過質素只可以話中規中矩:

1)      Crispy Hand-Rolled Vegetable Spring Rolls with Hoisin-Peanut Dip, Lemongrass, Cilantro:頭盤齋春卷每人只有一細條,細佬嗰件走咗海鮮花生醬,相中所示為哥哥完整嗰客。齋春卷炸得好夠乾巧鬆脆,齋菜餡料都好爽,唔點醬食都好夠味,外國廚黎講已做得相當唔錯。

2)      Red Snapper Mojito Ceviche with Mint, Mango, Avocado and a Splash of Rum:醃魚味道奇酸,幸好份量只有一小杯,否則恐怕平時最怕浪費食物o既XO仔都要食剩野。

3)      廚師推介之Cream of Porcini Mushroom Soup, Velvety Cream soup, Flavor-Heightened with Tarragon:蘑菇湯只屬和暖,飲落稀得黎好咸,估計係因落得唔夠忌廉所致,作為廚師推介真係唔多掂囉

4)      廚師推介之Slow-Roasted Corn-Fed Prime Rib, Rosemary Jus, and Horseradish Cream, with Corn-on-the-cob, Char-grilled Tomato, Baked Idaho Potato:三成熟o既牛扒肉質香腍鬆軟,份量又足,可以話係「Santa Fe Dining Room」於全程郵輪河入面煮得最出色o既一道主菜!

5)      廚師推介之Milky Chocolate-Hazelnut Soufflé with Amaretto Sabayon:朱古力味梳乎厘偏乾同韌,食落似蛋糕多過梳乎厘,並非廚師o既小肥絕不推介。

有別於「水晶號」o既餐飲全包計劃,「公主號」o既晚餐只包有清水及普通餐茶,所有酒品、果汁、汽水及特色咖啡等都要額外收費。點好菜後,食物雖然係續道上枱,無奈速度猶如閃電般,效率可以形容為好高,但感覺有啲似趕客咁,級數當堂大減。此外,餸菜o既賣相難以稱得上為精美,份量較少,味道亦只可以話係普普通通,未能令人嘩然讚嘆,當真令人極為失望
評分: 味道3   服務4   環境4   衛生4   抵食3
  0 個留言    |  加入你的留言
發表日期: 2016-11-03

91日():鑽石公主郵輪東瀛遊第二日 At Sea

通常郵輪河於開船後翌日都會係「At Sea」日,即全日喺海中渡過,今次「鑽石公主東瀛遊」亦是如此。深知接著落黎成個星期都要早起,XO仔就襯依日咁空閒瞓耐少少,中午時份先起身同班團友喺十四樓個「Horizon Court」度會合,食個自助式早午餐。

飯後我地有幾個爛賭鬼去拉機、其他人就去咗學跳舞、做gym等等,總知各有各忙,中途大約三點三就再集合一齊去六樓個「International Dining Room」度嘆下午茶。

當晚o既晚餐為「Captain’s Welcome Dinner」,喺指定餐廳用膳要跟隨服裝指引,亦即不能穿著短褲、牛仔褲、波鞋等便服,搭客都會襯機著靚啲,排隊搵駐船o既專業攝影師拍番幾輯靚相。平心而論,晚餐美味程度只可以話係比一般好少少,反而女士們o既盛裝打扮就贏得不少途人及服務生o既讚賞,逗得佢地十分高興

同遊o既長輩雖然個個年過六、七旬,但係佢地真係精力旺盛,首個晚上暢飲完幾輪,大隊仲上咗去十八樓個disco包場跳舞,玩到盡興先返房休息,勁爆

特飲及酒品全部都要額外加錢購買
特飲及酒品全部都要額外加錢購買
麵包區、水果區
麵包區、水果區
湯區
湯區
沙律區
沙律區
熱食區
熱食區
自助午餐
自助午餐
日本料理
日本料理
甜品區
甜品區

位於郵輪十四樓o既「Horizon Court晚都係食自助餐咖啡廳o格局全為室內座位,寬開揚,當中近窗位有海境睇所以最搶手。

同晚飯o五間餐廳一樣,自助餐只提供凍熱開水及普通咖啡同茶,特飲及酒品全部都要額外加錢購買飲得多最抵就要買套票套票價係因不同組合以定。食物區則分成麵包區水果區湯區沙律區熱食區甜品區等等。個人覺得麵包同水果屬正常湯品只可以話唔啱細佬口味囉沙律材料雖則唔少,不過望落去就唔多新鮮,加上最基本o凱撒沙律都冇,真教人失望。熱食選擇都幾多吓,可惜如相所示,貴多唔係咁貴精,質素可真為偏低

因為船上過半人客為日本人,自助菜式中都有好多日本料理,包括麵豉湯、自製飯團、漬物、冷麵等,最受我地歡迎o既當然係即叫即煮o既中華拉麵區啦!清湯底o既湯麵熱辣芳香,拉麵煙韌彈牙,簡單美味
評分: 味道3   服務3   環境4   衛生4   抵食2
International Dining Room
International Dining Room
下午茶樣品
下午茶樣品
餐桌
餐桌
餐桌
餐桌
餐具
餐具
靚茶
靚茶
下午茶
下午茶
檸檬蛋糕
檸檬蛋糕

晚飯五間主餐廳中,只有International Dining Room提供埋服o餐及下午茶。廳內o裝修比較傳統樸實,厚墊o椅櫈都好舒適,不過真係估唔到下午茶時間居要搭枱,座位先到先得。此外服務果真油麻地,樓面伙計唔係黑面就木口木面,感唔多歡迎食客之餘,做起野上黎仲耍呢弄重,態度毫不專業

擺放喺門口o三層下午茶樣品睇落就幾high,不過原來個架只係裝飾而已。埋位一刻先選餐茶,茶品款式全放於木盒中,係唯一雅o一環。輪到食物上枱時,先發覺所有糕點都係成盤由黑面神托出及分派,雖然咁做係可減低浪費食物o機會,但同時亦降格不少。小弟愚見,餐廳可以每張枱上都放出吉空o三層架,當服務生呈上食物俾大家揀選時可以將小點都放上架上,到集齊好自選食物後,再等客人慢慢嘆個下午茶。

嗜甜oXO仔原本主攻甜品,所以喺頭輪咸點中只係試咗件又乾又硬又嚡o芝士火腿三文治及一件同樣偏乾o既英式鬆餅。由於甜品貨色外表不甚討好,小肥結果只係食咗件超甜o蛋糕仔一件偏乾o泡芙同件普通過普通o朱古力餅乾。整個下午茶除咗杯茶之外,真係唔多high
評分: 味道1   服務1   環境4   衛生3   抵食1
「盛裝晚宴」有服裝限制o既詳情只係喺日報度公佈
「盛裝晚宴」有服裝限制o既詳情只係喺日報度公佈
Captain’s Welcome Dinner 餐牌
Captain’s Welcome Dinner 餐牌
芝士拼盤
芝士拼盤
French Onion Soup with Gruyere Cheese Crouton
French Onion Soup with Gruyere Cheese Crouton
Fafalle alla Rustica - Bow Tie Pasta, Tender Veal, Fresh Basil, Morel Mushrooms, Cream Sauce
Fafalle alla Rustica - Bow Tie Pasta, Tender Veal, Fresh Basil, Morel Mushrooms, Cream Sauce
Shrimp "Daniele"
Shrimp "Daniele"
Bananas Foster Flambe a la mode
Bananas Foster Flambe a la mode
Les petits fours
Les petits fours

團友們坐郵輪o既經驗豐富,所以盡管購票後旅行社同船公司都冇提及過有「Formal Dinner」,即「盛裝晚宴」,各人都一早預備定兩套靚衫以防萬一。果然不出大家所料,首個「At Sea」日o既晚餐就已經係「Captain’s Welcome Dinner」(船長歡迎晚宴),亦即第一個「盛裝晚宴」。

今次所乘o既「鑽石公主」由服務生、電視節目、傳呼廣播到每日一報全部都只用英文同日文兩個語言,而該晚「盛裝晚宴」有服裝限制o既詳情又只係喺日報度公佈,結果就發生咗啲不愉快事件,有好多首次坐郵輪而又唔多懂英文或日文o既旅客喺不知情下未有盛裝出席而被拒諸主餐廳門外。客觀分析,小肥覺得整件事係公主郵輪公司及旅行社o既失當多過係乘客o既錯失,被拒o既食客有怨言當真不難理解。

講返餐飯,「盛裝晚宴」o既餐單理應比平時豐盛,但係「Captain’s Welcome Dinner」可選o既五款主菜中只有虎蝦一味海鮮,似乎船長或大廚唔多歡迎我地!翻閱過兩頁餐牌後,結果XO仔就揀哂廚師推介o既餐湯、虎蝦主菜及甜品,另加多一客招牌意粉間場。

1)      French Onion Soup with Gruyere Cheese Crouton:細佬真係從未飲過咁稀咁淡o既洋蔥湯,不喝也罷!

2)      Fafalle alla Rustica - Bow Tie Pasta, Tender Veal, Fresh Basil, Morel Mushrooms, Cream Sauce:除咗啲牛仔肉偏咗少少嚡之外,蝴蝶粉柔韌有嚼口,個忌廉汁又夠香濃,意粉果然有啲料到。

3)      Shrimp "Daniele" - Broiled Tiger Shrimp, Café de Paris Butter, Broccoli, Vegetable Fried Rice:小肥唔想食飯,所以就向Jerome哥哥要求轉配蘆筍,點知佢仲好客氣地加多隻蝦同雜菜,真係夠哂體貼。虎蝦爽口彈牙,蘆筍亦好脆身,無奈調味欠奉,令菜式失色不少。

4)      Bananas Foster Flambé à la mode:特製香蕉甜品平庸o既外表已證明火焰時間不足,食落亦欠缺香口,幸好香蕉配雪糕好難會出錯,整體尚算合格。
評分: 味道3   服務5   環境4   衛生4   抵食3
Skywalkers Nightclub
Skywalkers Nightclub
Skywalkers Nightclub
Skywalkers Nightclub
Skywalkers Nightclub
Skywalkers Nightclub
Skywalkers Nightclub
Skywalkers Nightclub

小肥同哥哥係全團人中最年輕嗰兩個,不過精力真係難以同年過花甲o多位長輩相比。佢地不單超早起牀,每日做完適量o運動後,早三餐一樣咁食得同飲得,臨瞓前仲有大把貨去大跳的士高,實在令人佩服!

位於「鑽石公主」頂樓o既「Skywalkers Nightclub地方闊落舒,環都好正。我地其實頭六晚都有去蒲不過只有上船嗰晚由DJ Elton哥哥打碟嗰場最正,音樂揀得好,自然地大家都唔捨得離開個舞池,結果當係懶理翌日一早要出動十二人包場玩到一眾服務生要收工先走

落黎嗰幾晚就轉由DJ Yota打碟主題預設為五八十年o的士高之夜,冇錯開頭係多咗人黎探路,不過由於主揀歌唔掂接樂又做得唔協調,氣氛一落千丈,咁即係變相趕客最終搞到我地全體人要玩擺跳以示不滿
評分: 味道3   服務3   環境5   衛生5   抵食3
  0 個留言    |  加入你的留言
發表日期: 2016-11-17

92日():鑽石公主郵輪東瀛遊第三日Kushiro 釧路

由橫濱出發,「鑽石公主」第一個目的地為「釧路」(Kushiro)。釧路係北海道第四大都市,而且係北海道東部最大o既城市,因市內經常起霧,所以又有「霧城」之稱。釧路接近太平洋o既位置有利漁業,故亦好順理成章地成為日本最大o既幾個漁港之一,喺度食海產當真好似食頭啖湯咁新鮮。此外,由於春至夏季o既暖流風向,郊區有好多濕地公園勝地,好多旅客都會專登搭火車去探索一下大自然o既氣息。

雖然「鑽石公主」受颱風影響而遲咗幾個鐘頭起航,結果卻能依照原訂計劃於早上七時到港,證明船長喺掌握時間上控制得好好。因為郵輪只係會停留喺釧路港口六小時,搭客於下午一點半前必需返會碼頭,肥肥家族對大自然風貌及博物館又唔係話十分有興趣,團長就棄選參加郵輪o既貴價濕地及博物館旅行團,而堅決玩自遊行。我地朝早七點半就起行,坐免費穿梭巴士入城。城內主要有兩個值得遊覽o既景點,巴士站就設於其中之一o既「漁人碼頭MOO」旁,從該處步行去另外一點o既「和商市場」都只係需要十五分鐘左右,一個朝早o既時間要遊哂兩個地方話都冇咁易。

中午過後返回船隻,團長就帶隊上去十四樓o既「Trident Grill」度醫肚。喺游泳池旁o既餐廳雖屬快餐店,但其熱狗漢堡包薯條全為即叫即煮,新鮮熱辣又美味,好食過嗰個貴多不貴精o既自助餐多多聲囉!

可能大家朝早實在早起,飯後都要去小休,好少午睡o既小肥就走咗去做運動同打咗陣機,到傍晚時份先再會合長輩們一齊去公主號主題餐廳之一o既「Sabatini’s」度食意大利餐。上滿電o既團友精力充沛,飲完幾輪酒後就去咗頂樓個「Skywalkers Nightclub」度跳舞消脂,玩到盡興至返房。

免費穿梭巴士往返釧路市中心
免費穿梭巴士往返釧路市中心
歡迎光臨釧路市
歡迎光臨釧路市
釧路駅
釧路駅
和商市場
和商市場
行人路牌
行人路牌
行人路牌
行人路牌
藝術品
藝術品
行人路牌
行人路牌

為歡迎鑽石公主o旅客,釧路市特意安排免費穿巴士往返市中心,每二十分鐘一班,都幾密吓。週五早上,城內車不多,十五分鐘唔洗就到站,街道上o途人全部都係郵輪上o旅客,感覺都幾荒涼

市內主要地標除咗有兩個熱點漁人碼頭MOO及「和商市場之外其實仲有釧路駅同兩個博物館五個地點o距離近到連車都唔洗搭,行人路牌數遠比馬路上o的士多明顯遊客都會選擇用雙腿行路。
參觀時段: 早上
和商市場
和商市場
和商市場
和商市場
商店分佈地圖
商店分佈地圖
入口處o既壁報板
入口處o既壁報板
海鮮內臟
海鮮內臟
餐館
餐館
市場中央位置擺放有多張餐桌及椅櫈,座位先到先得
市場中央位置擺放有多張餐桌及椅櫈,座位先到先得
和商市場
和商市場

和商市場離釧路駅只需步行三分鐘,位十分方便。入口處o板上貼有商店分地圖及彩色o,當中最搶眼嗰三個字就係勝手丼」,亦即我地個早餐。如果唔想自己動身動手去揀魚材自製魚生飯,館內後方其實有幾近餐館仔一早都已經開咗門,唔食魚生都可以食碗湯麵或冷麵。

市場中央位有多張餐桌及椅櫈,座位先到先得。場內商店除咗有多款魚鮮海產可選之外,亦有多間售賣海鮮內生果手信精品雜貨等,當中仲有間和服店添,極受外國遊客歡迎。

推介項目: 勝手丼
參觀時段: 早上
評分: 值得去5  
佐藤商店
佐藤商店
勝手丼白飯底分大、中、小三個容量
勝手丼白飯底分大、中、小三個容量
勝手丼白飯底
勝手丼白飯底
超抵魚生
超抵魚生
三文魚籽
三文魚籽
大卜口
大卜口
刺身
刺身
XO勝手丼
XO勝手丼

做好哂資料搜集oXO仔早一晚已預告親友喺釧路將會先前往「和商市場」,食新鮮魚生飯勝手丼做早餐,大家都十分期待

勝手丼」(Katte-don字面上,而勝手則可解作為是但隨便」。據超閃旅書記,話說十多年前喺北海道釧路,有幾個餓著肚子o窮書生好想食魚生飯卻因餐o價格過高而轉場去直接同啲魚檔老提出要求可以低價購下賣剩o魚生,然後再去買碗白飯自砌魚生飯久而久之,魚市場內就越黎越多舖頭散賣白飯同廉價魚生,任客人勝手地(即隨意地)揀選魚生放喺白飯上製出勝手丼」。

場內人群除咗有「鑽石公主」o搭客之外本地人都一樣咁多為免混,團長就分配年長o團友留喺市場中央度霸位而後生嗰幾個就負四周購買魚生

喺「和商市場內,勝手丼個新鮮熱辣o白飯底好多店舖都有賣,主要分大(300円)200円)150円)三個容量,不過最細嗰碗份量都好多吓,我地十二個人分咗六碗細都覺得叫多咗。眾多魚生店o店員其實都非常落力地拉客,小肥就遇上其中一家佐藤商店入面嗰位超級友o肥哥哥眼見細佬要招多位長輩佢一手就送上大托盤擺放已點選咗o刺身見到有啲刺身唔多新鮮仲主動抽出換過真係好老實得知家人想食靚蟹佢仲帶埋XO仔過去隔舖度選購,實在難能可貴

一碟碟及一片片可即食o海鮮單價由50円去到3500円,最平o50円可以食到小碟o海鞘200円可以買到三文魚籽大卜口都只係500円一件海膽最貴嗰板都只售3500円,食完除返條數,平每碗勝手丼只需千幾円就有交易,價當真超抵!正所謂一分錢一分貨,咁平o魚鮮外表梗係唔會好似餐入面啲師切得咁精美不過個人覺得魚生o鮮味尤其突出,自己製作o既「XO勝手丼冇樣睇得黎但就好好味
推介菜式: 勝手丼
每人消費: 約1500日圓 (早餐)
評分: 味道4   服務5   環境3   衛生4   抵食5
佐藤商店
佐藤商店
毛蟹
毛蟹
松葉蟹
松葉蟹
松葉蟹
松葉蟹
毛蟹
毛蟹
松葉蟹
松葉蟹
松葉蟹
松葉蟹

買完魚生小肥就跟住嗰位老實又友善o肥哥哥行咗去隔舖搵佢個靚女朋友買蟹。哈,點知睇返啲相先發現原來蟹店同魚生店同屬佐藤商店旗下,唔怪得知大家friend過打band啦!

靚女姐姐極之客套細心XO仔只懂少少日文,佢就用好簡單o語句推薦當做o三款靚蟹,分別為鱈場蟹松葉蟹毛蟹。續一報上價後,仲話廚房有專人烹煮及處理鮮蟹o服務,食用簡易,叫我地唔洗擔心要拆蟹。細佬因敏好少食蟹,但由於同遊o團友全為蟹痴,埋位報告完畢後就應佢地所求買咗兩隻松葉蟹同兩隻毛蟹大家分。平均每隻4000円左右o靚蟹肉質幼嫩清甜,蟹膏鮮美厚潤,食到成班蟹迷lam lam脷,聽到個單價後更大讚超抵正爆添

喺「和商市場中央位置自助飲食後理應自己清理及收拾餐桌,當我地攞返啲托盤及用具俾佐藤商店o店員時靚女姐姐特意走出黎借上雪白色o濕毛巾,並且教埋我地可以喺邊度清洗自攜o環保餐具,相當客氣
推介菜式: 毛蟹,松葉蟹
每人消費: 約1500日圓 (早餐)
評分: 味道5   服務5   環境3   衛生4   抵食5
(有)むさしや
(有)むさしや
白桃及黃金桃
白桃及黃金桃
提子
提子
哈蜜瓜
哈蜜瓜
哈蜜瓜
哈蜜瓜
單據
單據

正當一眾蟹迷忙於細嚐靚蟹時,小肥就走咗去買生果俾大家飯後食。多間水果店o既產品其實都離不開提子、柿、梨、蘋果、蜜瓜、、西瓜、菠蘿,而且每間o既售價都好畫一,細佬唯有以貎取果,選擇咗喺間門面最光鮮o既「(有)むさしや」(Musashiya)度狂購。

單憑果實之美態及色澤,XO仔買咗兩款同為1000円有四隻o既白桃及黃金桃,前者尚算香腍,不過後者就酸到大肥爸爸不斷高呼「盲眼佬都開眼」,似乎唔單只係人,連果都不可以貎相!

要喺市場入面食西瓜同蜜瓜依啲咁大o既水果真係好有難度,幸好「(有)むさしや」有售已預先切好o既蜜瓜件蜜瓜又甜又滑又多汁,食得輕鬆又乾淨,每份380円真係一啲都唔貴。

經過多輪巡,咁多款生果中最受顧客歡迎o既好明顯係兩款青色同深紫色o既提子,眼見售貨員添完再添都估佢係好野,深知家人對深紫色o既巨峰提子甜得有啲假o既味道有少少抗拒,小弟就決定一試差不多係人都買o既青提子。山梨產o既青提子大大粒,就算食完啲咁甜o既蜜瓜都不減其清新及爽甜,好味到平時唔多食生果o既團友們都食完再食,1280円一大串實屬超值之選,冇得頂呀
推介菜式: 提子,白桃
每人消費: 約369日圓 (早餐)
評分: 味道5   服務5   環境5   衛生5   抵食5
蛋形長春園 ok喇2016-11-17
蛋形玻璃屋 EGG
蛋形玻璃屋 EGG
EGG - Ever Green Garden
EGG - Ever Green Garden
EGG - Ever Green Garden
EGG - Ever Green Garden
漁人碼頭MOO
漁人碼頭MOO
長春園
長春園
長春園
長春園
長春園
長春園
長形流水位及表演
長形流水位及表演

食完個咁豐盛o既早餐後,大隊就慢慢行返巴士站嗰邊。途中見到巴士站隔離有個蛋形o既玻璃屋,所以就行埋去睇,原來建築物名為長春園「Ever Green Garden」,英文縮寫咁啱就係「EGG」,即「蛋」,真係有趣

免費入場o既長春園因有溫度管制,故一年四季都能保持葉綠花香。場內不斷播出雀鳥叫聲,中央有個長形流水位,不時又會搞啲表演節目,都幾有氣氛架。有一點大家要留意,因部份地面用上大小不一o既石塊砌成,感覺大自然得黎其實可以幾危險吓
參觀時段: 早上
入場價錢: 每人0日圓
評分: 值得去4  
手信中心 ok喇2016-11-17
漁人碼頭MOO
漁人碼頭MOO
歡迎光臨!
歡迎光臨!
地下手信集中地
地下手信集中地
餐廳
餐廳
水族館
水族館

日本旅遊業興旺,每個城市都不乏購買手信o既廣場,而釧路o既手信中心就設喺市中心o既漁人碼頭「釧路フィッシャーマンズワーフMOO」度。同之前個長春園「EGG」(Ever Green Garden)一樣,「MOO」其實係「Marine Our Oasis」(『海は私達の憩いの場』)o既英文縮寫,因同日文o既「霧」同音,剛好就標記著有「霧城」之稱o既釧路

漁人碼頭合共五層高,其中頭幾層都設有餐廳,人流最多o既地下為手信集中地,售買多款北海道特產,包括糖果、餅乾、海鮮及重口味o既芝士等。上半層有個水族館,再上仲有個啤酒園添,不過因為我地太早去,好多餐店同啤酒園都未開門
參觀時段: 早上
評分: 值得去3  
ベイカフェ風車 Bay Cafe Misuzu
ベイカフェ風車 Bay Cafe Misuzu
ベイカフェ風車 Bay Cafe Misuzu
ベイカフェ風車 Bay Cafe Misuzu
餐牌
餐牌
小風車擺設
小風車擺設
凍咖啡
凍咖啡
單據
單據

由於中午前「MOO漁人碼頭」o既啤酒園未開,等待巴士及團友購物o既時候,大家就決定坐低飲杯。原本諗住唔好行咁遠,就咁幫襯地下其中一家小餐店,無奈吉位唔多,有啲又唔開,正當連團長都覺得有點不知所措時,幸好遇上館內一位懂得講普通話o既靚女大使,多得佢帶路,先識上去樓上一間有景睇o既咖啡屋「ベイカフェ風車」(Bay Café Misuzu)度坐。

分開咗兩邊o既咖啡廳一邊為正常高度o既餐桌散座,另一邊則為高人一等o既吧位。既然十二人都無意點野食,我地就揀坐窗邊兩排面向海o既高櫈,中間嗰行位沿著樓梯升上去,設計令每個位置都可以觀賞到海景,好有諗頭。

餐店以風車起名,四周都可見小風車擺設,的骰可愛。店內只有一位年長o既婆婆駐守,每杯熱咖啡都係由佢喺開放式小廚房內慢慢調製,人多真係做到一腳踢架。婆婆手調o既凍咖啡香滑甘醇,解渴消暑,真係辛苦哂
每人消費: 約480日圓 (其他)
評分: 味道4   服務4   環境4   衛生4   抵食4
釧路嬸嬸代表拉著橫額歡送「鑽石公主」號
釧路嬸嬸代表拉著橫額歡送「鑽石公主」號
郵輪離岸
郵輪離岸
餐牌
餐牌
Trident Grill主理人肥叔叔
Trident Grill主理人肥叔叔
啤酒
啤酒
雙腸薯條
雙腸薯條
漢堡包
漢堡包
漢堡包
漢堡包

返回碼頭時,即見幾位釧路嬸嬸代表拉著橫額歡送「鑽石公主」號o既搭客。郵輪準下午一點半離開釧路港口,從房間o既露台睇完開船後,我地班為食貓就走咗出去同層o既「Trident Grill」度食快餐醫肚

位於游泳池旁o既「Trident Grill」由相中o既肥叔叔一人主理,只提供熱狗漢堡包薯條可選,全為即叫即煮。見咁遲先食晏,小肥一口氣就點哂三味,只係唔要熱狗舊包,點知大廚好客氣地又加返條腸補數

新鮮炸起金黃色o既薯條香脆鬆化唔油膩。兩條香腸爽厚肉汁夠,而且煎得好香口。漢堡包鬆軟帶脆,軟潤可口。三款美食各有千秋,可以話係成隻船上最正午餐之選
推介菜式: 漢堡包,香腸,薯條
評分: 味道5   服務4   環境4   衛生4   抵食5
Sabatini’s 門面及餐牌
Sabatini’s 門面及餐牌
室內環境及麵包小食
室內環境及麵包小食
Calamari Fritti, Crisp Fried Baby Squid in a Cone, Lemon Garlic Dip
Calamari Fritti, Crisp Fried Baby Squid in a Cone, Lemon Garlic Dip
Penne con Brasato di Manzo, Braised Short Rib over Penne, Grana Padano
Penne con Brasato di Manzo, Braised Short Rib over Penne, Grana Padano
Spaghetti allo Scoglio, Langostino, Diver Scallops, Tiger Shrimp, Vongole & Black Mussels in Cherry Tomato Sauce
Spaghetti allo Scoglio, Langostino, Diver Scallops, Tiger Shrimp, Vongole & Black Mussels in Cherry Tomato Sauce
Sabatini’s 其他美食
Sabatini’s 其他美食
Tris d'Aragosta, Lobster Three Ways - Lobster Tail, Lobster Orzotto & Lobster Bisque Sauce
Tris d'Aragosta, Lobster Three Ways - Lobster Tail, Lobster Orzotto & Lobster Bisque Sauce
Espresso Gelato
Espresso Gelato

前幾篇遊記提及過「鑽石公主」郵輪上有幾間要額外俾錢先去得o既主題餐廳,其中一間就係專門食意大利菜o既「Sabatini’s」。

Sabatini’s」門面光鮮開揚,室內裝修用上羅馬圓柱、水池、石獅子等歐味濃烈o既設計,感覺華麗典雅。大廳左邊有個開放式廚房,埋位一刻已見幾位師傅仔忙碌地搓麵粉,估計將用作焗製麵包或意大利粉。廳內o既散座分佈得都幾開,十二人被安排入座中央兩張大圓枱,每六個人一張都好鬆動。

值得一讚再讚o既就係樓面服務生o既態度。佢地身穿白色制服,儀容端莊,唔同級及唔同性別o既咁多位都一樣好有禮貌同極為好客。Auntie Y唔小心倒瀉紅酒喺身,女經理不但第一時間上前親自幫忙清理,更自動提出會為貴客免費乾洗襯衫,係咪好專業呢?!

Sabatini’s」入場費每位29美金,另加15%服務費,可任點兩頁主餐牌及兩頁甜品餐牌上o既項目,酒品特飲同橄欖油則另計。幾款麵包均為大廚敬送之小點。細問下得知頭盤份量都幾大,我地就叫咗幾客黎分,主菜同甜品則各自點選。

1)      Herbed & Spicy Focaccia Grissini – 修長o既麵包條香脆少辣,好醒胃。

2)      Rosemary Flatbread with Air-Cured Parma Prosciutto & Marinated Green and Black Olives火腿薄餅輕巧香濃,每人一細件,份量啱啱好。

3)      Calamari Fritti, Crisp Fried Baby Squid in a Cone, Lemon Garlic Dip – 以筒杯上o既BB魷魚脆巧乾身,點埋另上o既白色檸檬蒜香忌廉醬,效果惹味又清新,個人like爆!

4)      Penne con Brasato di Manzo, Braised Short Rib over Penne, Grana Padano – 意大利餐廳o既意粉果然冇甩拖,長通粉煙韌帶脆,混入肉香潤甜o既牛肉絲,足以發揮簡單美。

5)      Tris d'Aragosta, Lobster Three Ways - Lobster Tail, Lobster Orzotto and Lobster Bisque Sauce – 主菜龍蝦三重奏因視覺效果問題,上枱時必須要連殼上,然後再續一由侍應熟手地即場喺客人面前拆除,其刀法凌厲,直令細佬諗起星爺部「功夫」。白雪雪o既龍蝦肉本身爽脆彈牙,配上燈黃色o既龍蝦汁更能特顯兩者o既鮮濃甜美,互相輝映,美觀又美味!

6)      Espresso Gelato – 甜品特濃咖啡意大利雪糕香濃微甜,食完兩球都唔覺溜。

總結,比起晚餐僅僅合格o既「鑽石公主」主餐廳,「Sabatini’s」無論係喺環境、服務、食物質素等各方面都顯著地更為優勝!小肥在此可預告俾大家知,「Sabatini’s」係整架郵輪上管理得最好,而菜式亦為最有水準o既餐廳
每人消費: 約34美元 (晚餐)
評分: 味道4   服務5   環境5   衛生5   抵食4
  0 個留言    |  加入你的留言
發表日期: 2016-12-13

93日(多雲):鑽石公主郵輪東瀛遊第四日Shiretoko Peninsula知床半島

對上兩次郵輪河「水晶號」都會喺每一個站停泊半日至兩日,好讓旅客上岸遊玩一番,今次「鑽石公主號」就有少少唔同,因為其中一站為只可以從郵輪上遠觀o既世界遺產「知床半島」(Shiretoko Peninsula),聽落好似有啲新鮮神秘感,不過感覺其實同「At Sea」日無異。

從「公主日報」得知船隻將於下午三時喺「知床半島」區域慢駛及現場廣播,團友們就約好中午時份先去「鑽石公主」另外一間主題餐廳「Kai Sushi」度食日本料理作午餐,然後一齊上去甲板霸定個靚位睇半島靚景。

吹完幾個鐘頭唔知係西北定東北風之後,幾位長輩都有感頭痛不適,眼見個景冇乜料到,團長就提議自由活動一陣,傍晚歡樂時光再喺酒吧「Wheelhouse Bar」度會合,飲到夠鐘先去主餐廳度食晚飯。飯後o既的士高舞聚就冇開頭嗰兩晚咁過癮啦,儘管我地中途採取罷跳以示不滿,個DJ都毫無意識要為音樂作出調整,結果大隊飲完一即起身離開,返回房間休息。

Kai Sushi
Kai Sushi
壽司吧
壽司吧
壽司定食
壽司定食
沙律
沙律
熱烏冬
熱烏冬
壽司定食
壽司定食
綠茶雪糕配紅豆
綠茶雪糕配紅豆
午市定食
午市定食

鑽石公主o主題餐廳中,除咗有早一晚試過o意大利代表「Sabatini’s」之外,當中亦有一間亞洲代表Kai Sushi主理日式料理有別於船上其他主題餐Kai Sushi不但提晚餐而且仲做埋午市不過由於魚生價格難,以劃一固定收費任客人進食絕對有機會蝕大本,故此埋單係按所點選o餐飲計算。

Kai Sushi間隔開揚,門口先有多張半梳化合式散座,直入中間一條So,左邊手有個壽司吧及一列吧位十二人當日被安排入座後方最近窗o位置,好夠光猛。服務生態度良好,無奈人手有啲不足,效率就唔係咁高。

餐店午市以做定食為主,主菜可選壽司刺身魚生飯海鮮丼燒雞燒魚等等,全部都包有沙律麵豉湯熱烏冬或凍蕎麥麵及甜品。小肥好大路地點咗客壽司定食,講真唔難食,但論賣相及質素,碟上八件壽司實難跟岸上o壽司屋比較,配角o沙律麵豉湯都過得去,最好味反而係碗簡單o熱烏冬同甜品綠茶雪糕配紅豆
推介菜式: 熱烏冬,綠茶雪糕配紅豆
每人消費: 約30美元 (午餐)
評分: 味道3   服務3   環境4   衛生4   抵食3
天空佈滿雲霧
天空佈滿雲霧
天空佈滿雲霧
天空佈滿雲霧
「海巫」牌啤酒買四送一
「海巫」牌啤酒買四送一
「海巫」牌啤酒買四送一
「海巫」牌啤酒買四送一
雞尾酒
雞尾酒
天空佈滿雲霧
天空佈滿雲霧
天空佈滿雲霧
天空佈滿雲霧

食完晏大隊就上咗去頂樓等睇靚景。團友們都懶理天空佈滿雲霧,一見到有酒吧就行咗埋去搵酒飲。埋到即見阿拉斯加「海巫牌啤酒買四送一,五枝都只係USD 15 uncle一口氣就要咗一set老友記分享,女士們就各自點咗幾杯雞尾酒。

Tradewinds Bar本身有瓦遮頭,圍繞住弧形o酒吧有多個吧位,側邊暗藏o吸煙區長期都坐滿煙民,好彩啲煙好快就吹走煙味唔算過份。甲板層中央有個大螢光幕,不時都會播放電影,好天o日子,左右兩旁o沙灘椅都會好快俾人霸哂,不過其實吧前幾個露天高櫈先至係睇戲o最佳位置。酒保只有一人態度時好時壞,都幾難捉摸,唔知係咪因為睇得戲多影響情緒呢?!

每人消費: 約10美元 (其他)
評分: 味道3   服務2   環境4   衛生3   抵食3
知床半島簡介
知床半島簡介
從「公主日報」得知船隻將於下午三時喺「知床半島」區域慢駛及現場廣播
從「公主日報」得知船隻將於下午三時喺「知床半島」區域慢駛及現場廣播
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
知床半島 Shiretoko Peninsula
天色已由多雲漸變蔚藍
天色已由多雲漸變蔚藍

知床半島」(Shiretoko Peninsula北海道東北部o既半島,島名來自阿伊努語(Ainuo「シレトク」(sir-etok),意思為地球的盡頭」。,此地乃北半球內可見浮冰最南o位置,故2005年正式被列為世界自然遺產之一

鑽石公主到達知床半島區域時,天色已由多雲漸變蔚藍被雲層包,從郵輪上遠觀都只係睇得出知床半島o山形廣播收音又唔係咁清晰,又冇浮冰睇結果大家吹完幾陣風,影咗幾幅相就決定解散,自由活動過後歡樂時光再匯合。
參觀時段: 下午
Wheelhouse Bar
Wheelhouse Bar

晚飯前,嗜杯中物o幾位長輩決定喺船上一間有歌聽o既「Wheelhouse Bar歡度良辰。

式設o酒吧寬開揚,厚墊梳化椅櫈舒大方,年輕o侍應亦極為落力友善,酒品全為熟識o品牌,正價合理,每日更設有買一送一歡樂時光優惠,不難吸引酒客。

酒吧o環境氣氛本來都唔錯,可惜駐場o男女二人合唱組合歌喉實在麻麻,男方獨唱時還可以不過女低音經走音,喺唔夠冷氣o下都可以令到細佬打哂冷震,真係越聽越驚嚇,結果仲被佢嚇走埋添,唔怪得知Wheelhouse Bar最旺場o時刻往往都係佢地兩個休息o

每人消費: 約15美元 (其他)
評分: 味道3   服務4   環境5   衛生5   抵食4
意日晚匯 ok喇2016-12-13
公主意大利晚餐餐牌
公主意大利晚餐餐牌
買酒送酒杯
買酒送酒杯
Iced Peach Bellini Soup, Peach Puree & Sparkling Prosecco
Iced Peach Bellini Soup, Peach Puree & Sparkling Prosecco
餐廳經理親自烹調意大利粉
餐廳經理親自烹調意大利粉
Penne with Garlic & Tomato Sauce
Penne with Garlic & Tomato Sauce
Ebi Furai, Panko-Coated Shrimp with Sweet & Sour Sauce
Ebi Furai, Panko-Coated Shrimp with Sweet & Sour Sauce
Miso Soup
Miso Soup
Tiramisu, Espresso, Zabaglione Cream, Bittersweet Cocoa
Tiramisu, Espresso, Zabaglione Cream, Bittersweet Cocoa

晚餐返回主餐廳「Santa Fe Dining Room」用膳,餐牌上雖列明當晚主題為「公主意大利晚餐」,不過湯品及主菜均見日本料理菜式,似乎有離題之嫌。除咗多款意大利佳餚可選之外,特別的主題原來係有特別的項目配襯返架;其中要額外俾錢先可享用o既有一系列意大利酒品,而免費任食o既就有由餐廳經理親自烹調o既意大利粉。

1)      Iced Peach Bellini Soup, Peach Puree & Sparkling Prosecco – 微涼o既凍湯汽酒製出,其桃味芳香甜美,用飲管啜飲更覺清新,只係一小杯o既份量未免吝嗇咗少少

2)      Penne with Garlic & Tomato Sauce - 經理叔叔煮出o既意粉偏咗少少硬,個人覺得可以再熟少少,幸好蒜香濃郁,調味到位,成功挽回不少分數。

3)      Ebi Furai, Panko-Coated Shrimp with Sweet & Sour Sauce – 深啡色o既炸蝦外皮層炸漿又厚又硬,內裡o既蝦隻如何爽脆都難以補救,實屬敗筆之作。

4)      Miso Soup – 麵豉湯淡而無味,好似開粉落多咗水咁,唔掂!

5)      Tiramisu, Espresso, Zabaglione Cream, Bittersweet Cocoa – 傳統意大利甜品Tiramisu質感好夠軟滑,而且唔會過甜,不過如果可以混入多啲酒,效果應更佳。

評分: 味道3   服務5   環境4   衛生4   抵食3
  0 個留言    |  加入你的留言
發表日期: 2017-01-03

94日():鑽石公主郵輪東瀛遊第五日Korsakov 科爾薩科夫

繼早一日喺海中心遠觀過世界自然遺產「知床半島」後,「鑽石公主」即往北航行,與日本暫別,並於俄羅斯最大o既島嶼「庫頁島」(Sakhalin Island)附近o既海域停泊咗大半日。

由於俄國入境深嚴,新法例好多限制,據悉市內治安又唔係咁好,未有參加岸上觀光團o既旅客好多都情願留返喺郵輪上,團友十二人中亦僅有五個夠膽短遊小鎮「科爾薩科夫」(Korsakov)半小時。五人當中最驚青都應該要數年紀最輕o既小肥,不過好好彩,落咗船後居然俾蕃薯Uncle搵到兩個同為香港遊客o既「森湯」壯漢作伴及保鑣,總算無驚無險

中午時份大隊喺十四樓度會合食自助午餐,然後就睇大肥爸爸學跳舞,三點再轉場去咗歡樂時光有買一送一優惠o既「Wheelhouse Bar」輕鬆度過,飲吓傾吓就夠鐘去船上另一間主題餐廳「Sterling Steakhouse」鋸扒食晚飯。扒房o既牛扒只可以話係一般,反而啲海鮮菜式更為精巧,似乎有少少諷刺囉
鑽石公主
鑽石公主
鑽石公主
鑽石公主
救生艇
救生艇
鑽石公主
鑽石公主
鑽石公主
鑽石公主
鑽石公主
鑽石公主
鑽石公主
鑽石公主
鑽石公主
鑽石公主

估計因庫頁島岸邊水位過淺,碼頭位置容納唔到大郵輪,鑽石公主號只好停泊於離岸o水域,靠救生艇接載遊客往返船隻。

蕃薯Uncle真係有藝術細胞,佢唔提到真係冇諗過可以從救生艇喺海上為鑽石公主拍下大特寫,八幅相中第一幅就係蕃薯Uncle幅傑,簡單得黎係咪好有美感呢?!可小肥點換角度都學唔到唔怪得知讀美術堂最叻嗰個學期都只係攞個C啦。。。
參觀時段: 早上
歡迎字句
歡迎字句
市鎮靜寂無人
市鎮靜寂無人
科爾薩科夫 Korsakov
科爾薩科夫 Korsakov
壽司店
壽司店
韓風襲俄
韓風襲俄
公園廣場
公園廣場
銅像
銅像
銅像
銅像

上到「科爾薩科夫」(Korsakov岸邊時大約係朝早十點半,市鎮靜寂無人,就連車都唔多架,比起之前感覺都幾了無人煙o「釧路市」更為荒蕪,就唔洗出動到「森湯」兩位壯漢保鑣,五人喺街道上打橫行都絕對唔會有人理。

沿住條大路一直走經過零o店舖簡陋又唔吸引,雖則全部都係開緊門做生意,不過店員態度懶散,聽到有聲都唔會話伸個頭出黎睇吓有咩客人,冷漠得恐怖!如相所示其中一間服裝店門外貼出韓星海報,真係估唔到韓風早已吹到去俄羅斯喎,果然犀利!除咗商店之外,當中就只有一間餐廳,仲要係食壽司,係咪有啲幾匪夷所思呢?!

七人結果行到去一個公園廣場,同啲鮮花及銅像影咗幾幅「到此一遊o團體相後,就決定打道回郵輪,Hea爆!(因場內有字o牌全為俄文,其實影咗相都唔知上面乜。)
參觀時段: 早上
評分: 值得去1  
庫頁島海岸(Sakhalin Island)
庫頁島海岸(Sakhalin Island)
庫頁島海岸(Sakhalin Island)
庫頁島海岸(Sakhalin Island)
庫頁島海岸(Sakhalin Island)
庫頁島海岸(Sakhalin Island)
庫頁島海岸(Sakhalin Island)
庫頁島海岸(Sakhalin Island)
朝早喺「科爾薩科夫」鎮內兜圈時,天色一直都係多雲灰暗,但食過午餐後卻又漸變天晴。鑽石公主開離俄國時o藍天實在美妙,黃日落時o海洋景色亦一樣怡人搞到細佬都忍唔住要影返幾幅相留念,順便練習一吓自己o拍攝技巧
Sterling Steakhouse
Sterling Steakhouse
牛扒模型
牛扒模型
酒
頭盤
頭盤
Black & Blue Onion Soup, Fresh Thyme, Jack Daniels, Roquefort Crust
Black & Blue Onion Soup, Fresh Thyme, Jack Daniels, Roquefort Crust
牛扒
牛扒
Pan-Roasted Chilean Sea Bass, Champagne Mousseline with Leek & Mushroom Ragout
Pan-Roasted Chilean Sea Bass, Champagne Mousseline with Leek & Mushroom Ragout
甜品
甜品

今次郵輪河中,我地只係試咗船上其中三間主題餐廳,當中意大利代表「Sabatini’s」無可置疑係團友們o既最愛,日本代表「Kai Sushi」只可以話係勉強合格,而當晚最後去試o既「Sterling Steakhouse」水準則剛剛喺兩者之間,不過問題係扒房o既海鮮菜式居然遠比主角牛扒出色,實在令人費解

「Sterling Steakhouse」門外接待處旁擺放出餐牌、酒品及食物o既模型供食客參考。入內高級西餐廳o既格局比起主餐廳更為雅致大方。窗邊排出o既二至四人散座個景最靚,不過中央o既六至八人大枱都好寬敞闊落,問題係其中有某幾個服務生o既態度就真係唔係咁友善啦

同意大利餐室「Sabatini’s」一樣,扒房o既入場費為每位29美金,另加15%服務費,基本上可任點兩頁餐牌上o既項目,要點和牛及龍蝦等貴價菜就有附加費,酒品亦為另計。由於大家都想試多幾味不同o既頭盤及牛扒,睇到餐牌上所列出o既份量都幾勁吓,團長就決定點幾款黎分,等最後甜品先各自叫。

1)      Black Tiger Prawn and Papaya Salpicon with Mustard Seed Aioli 虎蝦爽脆惹味,墊底o既木瓜沙律又夠清甜爽潤,係三款頭盤中最正o既一味

2)      Carpaccio of Kobe Beef with Wakame Salad, Ponzu-Soy Dressing and Extra Virgin Olive Oil (另加 USD 10 !!!) – 淨睇相都應該睇得出,生食o既神戶和牛片薄就夠薄,不過一啲肥都唔見,入口又唔香,仲要額外俾錢先有得食,個人覺得有搵笨之嫌

3)      Black and Blue Onion Soup, Fresh Thyme, Jack Daniels, Roquefort Crust洋蔥湯新鮮滾熱辣,飲落香濃甜美。

4)      Porterhouse, the Best of Filet & Sirloin Grilled on the Bone - 22 ounces, 620grams – 厚切o既牛扒無論係牛柳嗰邊定係西冷嗰邊肉質都好韌,細佬只可以講一句「份量勁唔代表質量高」

5)      Côte de Boeuf (for two), Traditional Bone-in-Rib-Eye-Cut - 22 ounces, 620grams –Côte de Boeuf同Porterhouse一樣厚身肉韌,絕對唔啱XO仔口味。

6)      Pan-Roasted Chilean Sea Bass, Champagne Mousseline with Leek and Mushroom Ragout – 反而個鱸魚煎得比牛扒出色得多,其金黃色o既外皮香口脆薄,白雪雪o既魚肉又夠鮮嫩幼滑,冇得頂呀

「Sterling Steakhouse」環境確係相當唔錯,不過服務生o既態度就有啲參差,即使有幾位較為好客o既哥哥仔樂意主動為我地分配食物,其黑面神同事o既存在足以令氣氛有點緊張,加上牛扒屬油麻地貨色,仲要額外俾錢先有得黎食,真係唔多值囉!
每人消費: 約40美元 (晚餐)
評分: 味道3   服務2   環境5   衛生5   抵食1
  0 個留言    |  加入你的留言
發表日期: 2017-02-10

95日():鑽石公主郵輪東瀛遊第六日Otaru 小樽

其實一年前已跟家人去過北海道,當時單靠火車及地鐡自遊行咗五日,記得印象最深刻就係「小樽」(Otaru)。「小樽」o既購物熱店,觀光景點及餐廳食肆位置都好集中,有咗上一次o既經驗後要規劃是次小樽一天遊亦簡單得多

同上次一樣,我地主要都係以雙腿及散策循環巴士往返不同地點。由於行程都幾緊密吓,大隊朝早八點半就出發,買完頭輪手信後即喺市內名店「LeTao」嘆杯熱朱古力及超人氣芝士蛋糕做早餐,然後就由街尾開始掃起,由音樂盒博物館到試酒場,由皮革店到蜂蜜專門店,去到邊買到邊,買到差不多夠鐘就喺附近o既巴士站度上車去壽司街間「旭壽司」狂食魚生

可能早上行得都幾多路吓,長輩們都話飯後想飲杯咖啡先再繼續逛,無奈壽司屋並無咖啡供應,團友們只好順住條路搵,咁好彩行咗一分鐘就俾我地發現到一家細小o既家庭式茶屋「茶房おこばち Okobachi Café」。喺小屋內休息咗一個鐘頭左右,十二人又再次起行去運河嗰邊睇景,喺免稅店買咗第N輪手信後就慢慢行去「北之漁場」豪食即燒活鱈場蟹做下午茶。

食完個豐盛o既下午茶,幾位較年長o既團友就由大肥爸爸帶領下,搭巴士返回郵輪。其餘八人則襯歡樂時光喺附近一家隱蔽o既小酒吧「Nikka Bar Rita」度飲咗round限量版威士忌,緊住再去觀賞運河o既夜景,之後仲要食多碗巨型拉麵後方才趕回「鑽石公主」,可謂玩到盡呀

小樽散策巴士小冊子
小樽散策巴士小冊子
小樽散策巴士一日乘車券解說
小樽散策巴士一日乘車券解說
小樽散策巴士專線往返碼頭時間表
小樽散策巴士專線往返碼頭時間表
小樽散策巴士專線往返碼頭時間表
小樽散策巴士專線往返碼頭時間表
小樽散策巴士路線圖
小樽散策巴士路線圖
小樽散策巴士一日乘車券
小樽散策巴士一日乘車券
小樽散策巴士站
小樽散策巴士站
小樽散策巴士
小樽散策巴士

舊年有份搭過「小樽散策巴士」o既家人都讚巴士乾淨好坐,短程車都幫忙慳返唔少腳骨力,所以上岸時一發現巴士公司特意為「鑽石公主」o既旅客增設一天循環巴士專線往返碼頭,心諗來回已經440円,坐多兩程足以歸本有餘,小肥就立刻購下十二張750円o既「一日乘車券」。

一張「一日乘車券」不但可以於即日內任搭「小樽市內線」,憑卷更可於合作商戶享有購物及餐飲優惠,好多景點o既入場費都一樣有得減,減吓減吓就會發覺慳咗好多,絕對化算!
推介項目: 小樽散策巴士一日乘車券
參觀時段: 全日
入場價錢: 每人750日圓
評分: 值得去5  
LeTao Tea Salon
LeTao Tea Salon
LeTao Tea Salon
LeTao Tea Salon
餐牌
餐牌
熱朱古力
熱朱古力
Chocolat Double 朱古力芝士蛋糕
Chocolat Double 朱古力芝士蛋糕
熱朱古力
熱朱古力
Fromage Double 芝士蛋糕
Fromage Double 芝士蛋糕
Chocolat Double 朱古力芝士蛋糕
Chocolat Double 朱古力芝士蛋糕

LeTaoo芝士蛋糕特濃朱古力實在令人一試難忘為求可以食到最新鮮o糕點XO仔專登揀喺此店食早餐。

兩層高o既「LeTao地下為商店,樓上為咖啡茶室,有專𨋢上落。十二人為當日首批客人,唔洗等位即可入座中央張大枱。闊別一年,木造o裝潢傢俱一樣乾淨企理,樓面年輕o妹妹仔依然友善有禮。

團友飲食口味各有不同,不過未黎過o長輩都應細佬推介,試咗個招牌芝士蛋糕Fromage Double做早餐。雙層芝士蛋糕鬆軟輕,微甜潤原味朱古力味均得到眾人讚賞

飲品方面,咖啡及紅茶幫全部都叫咗個972o蛋糕套餐。(翻查舊相先知套餐一年前為862円,睇黎日元跌價,多做遊生意o既「LeTao都懂得以加價作為應對措施喎。)其餘同小肥一樣係朱古力迷o就當然係點飲連杯都特別靚o熱朱古力啦!熱朱古力柔滑醇濃,甘香味美,要飲真係要飲成壺先滿足。

旅途完結後先知原來LeTao」將十月正式抵港,於中環IFC首間分店。新店起步階段只售賣人氣芝士蛋糕朱古力及多款甜點,當真希望遲啲會擴埋咖啡屋哦

推介菜式: 芝士蛋糕,熱朱古力
每人消費: 約1000日圓 (早餐)
評分: 味道5   服務5   環境4   衛生5   抵食5
小樽蒸気時計
小樽蒸気時計
蒸気時計物語
蒸気時計物語
小樽蒸気時計的英文解說
小樽蒸気時計的英文解說
煤氣鎮(Gastown District)
煤氣鎮(Gastown District)
溫哥華市
溫哥華市
小樽市
小樽市

享用完豐富o芝士蛋糕熱朱古力做早餐後,十二人就由街尾間小樽音盒堂開始行起。喺紅綠燈口等過馬路時,突然聽到似火車聲o蒸氣聲,方才發現原來音盒堂門前有個高高o「蒸気時計喺度噴緊白煙

細閱側旁o「蒸気時計物語知悉世界上第一個蒸氣時計乃一九七七年由加拿大鐘錶專家Raymond Saunders先生於溫哥華o煤氣鎮Gastown District內所建造而成。小樽市內此座位於心形交差點o「蒸気時計1.55.5每十五分鐘都會響起音樂及五次汽笛聲,並噴出白煙,因同為Saunders先生於平成六年即西一九九四年)六月二十五日所建成,故兩座蒸氣時計又被稱為有姊
推介項目: 每十五分鐘都會響起音樂及五次汽笛聲,並噴出白煙
參觀時段: 早上
入場價錢: 每人0日圓
評分: 值得去5  
音樂盒專家 笑臉2017-02-10
小樽オルゴール堂 本館
小樽オルゴール堂 本館
小矮人及旋轉木馬音樂盒
小矮人及旋轉木馬音樂盒
招財貓
招財貓
傳統音樂盒
傳統音樂盒
玻璃音樂盒
玻璃音樂盒
壽司音樂盒
壽司音樂盒
壽司音樂盒
壽司音樂盒
壽司音樂盒
壽司音樂盒

小樽有音樂盒城之稱,好多遊都會專登黎搵愛o調有心人更會自己動手製出獨一無二o作品,XO仔自問冇乜藝,不過淨係睇同買都已能自得其樂

市內聞名o既「小樽オルゴール堂為音盒設有多座建築物,包物館音樂廳商店工作坊及動物園各場館有著不同意及特色,如果時間容而又對音盒有興趣,當然最好全部去哂,但對半天或一日遊o旅客黎講其實行咗本館及2號館都應該足以購下不少手信及紀念品。

小樽オルゴール堂o本館設於メルヘン交差点」(「堺町交差点」),門前座蒸氣時計每十五分都會響起單憑聲音應最易搵得到堂內o盒聲清脆悅耳陳列於三層o音樂盒琳瑯滿目,個人覺得壽司系列最為搞笑而最精美就要數七彩o列。
推介項目: 購買音樂盒
參觀時段: 早上
入場價錢: 每人0日圓
評分: 值得去5  
小樽商店街 笑臉2017-02-10
小樽地圖 - 堺町通り
小樽地圖 - 堺町通り
小樽オルゴール堂 本館
小樽オルゴール堂 本館
常夜灯
常夜灯
鐘樓
鐘樓
試酒區
試酒區
試酒區
試酒區
限量版威士忌
限量版威士忌
限量版威士忌
限量版威士忌

喺小樽除咗可以買到五花八門o盒之外其實淨係行一條「堺町通り都經已足夠買到成幾車手信

大街兩旁o商店種類繁多,飾皮具雜貨餐具妝品有盡有,當中當食得o糖果乾、糕點等代表。購買零食手信時,個人會主攻小樽或日本限量親友都愛流連於蜂蜜店朱古力店餅舖及酒舖,因各大店舖均設有免試食試飲,早餐唔夠飽都絕對唔洗緊張

小肥一早已預料團友們會買到停唔到手,又深知佢地唔鍾意拖住個喼行街故出發前晚聚時就一人送咗個摺得埋o環保背囊,係咪好醒呢?!
參觀時段: 早上
評分: 值得去5  
旭壽司可愛模型
旭壽司可愛模型
鮮螺刺身
鮮螺刺身
兩吃牡丹蝦壽司
兩吃牡丹蝦壽司
八角刺身
八角刺身
海膽壽司
海膽壽司
旭卷
旭卷
壽司、刺身、小食及雪糕
壽司、刺身、小食及雪糕
免費哈密瓜雪糕券
免費哈密瓜雪糕券

姨媽姨丈們同肥肥家族一年前於小樽初遇「旭壽司後,壽司屋已成為大家再訪小樽o必到之處。記得第一次去「旭壽司時屬非旺季,冇預先訂座都有得坐壽司吧今次細佬早成兩個月前打定長途電話卻未能成功預留壽司吧位,講真都有啲失

十二人準十二時抵達壽司店,即被入座三張鄰近o四人枱。木造o枱櫈乾爽企理,年o服務生都好友善客套,只係年紀最大o婆婆明顯屬火爆之人團友對魚生種一啲都唔陌生壽司全以舉手式點數,刺身及小食則續張枱叫黎分。由於魚材鮮美壽司刺身一樣咁正,個人精選推介脆薄o螺刺身鮮濃o海膽壽司軟嫩o帶子壽司爆於口中o三文魚籽壽司及爽滑o兩吃牡丹蝦壽司因出發前小肥從餐網頁下載及打印咗十二張優惠券,結果全體都有球免費哈密瓜雪糕做甜品,清香微甜,極為討好。

壽司午餐豐高質埋單每人八千幾円,團友都大感物有所值
推介菜式: 牡丹蝦壽司,海膽壽司,三文魚籽壽司,帶子壽司,鮮螺刺身,哈密瓜雪糕
每人消費: 約8700日圓 (午餐)
評分: 味道5   服務4   環境5   衛生5   抵食5
茶房おこばち Sabou OKOBACHI
茶房おこばち Sabou OKOBACHI
茶房おこばち Sabou OKOBACHI
茶房おこばち Sabou OKOBACHI
茶房おこばち Sabou OKOBACHI
茶房おこばち Sabou OKOBACHI
凍水
凍水
餐牌
餐牌
老闆先生手調咖啡
老闆先生手調咖啡
餅乾及糖果
餅乾及糖果
凍咖啡
凍咖啡

食完多款刺身壽司做晏,長輩們都話好想飲杯咖消吓滯可惜壽司屋未有啡提,十二人只好另覓他處哈,就係咁俾我地發現到隔兩個舖位一間家式作業o啡屋「茶房おこばちSabou OKOBACHI」。

只有十多餘座位o既小店就好似人家屋企o既客廳咁,裝潢、間隔、小擺設都流露著無盡o既溫馨。店子由一對中年夫婦開設,正所為「男主外,女主內」,老闆先生自己負責手調咖啡及招待客人,老闆娘大部份時間則躲於小廚房做後勤工作。正因所有凍熱咖啡都要由叔叔一人續杯調製,合共十杯之多真係要花上好多心機同時間。XO仔影完首輪靚相,可能店內冷氣唔夠勁,加上午餐實在食得太多壽司而引發飯氣攻心,居然喺等待期間瞓著咗。短睡片刻後猶如叉咗電,連對眼都好似睜大咗不少,醒來時剛好可享用老先生用心之作。嘩,凍齋啡冰涼幼滑,香濃甘醇,就連免費送贈o既甜餅乾都鬆脆過人,直令眾人都覺得好有意外收穫

老闆兩夫妻忙過後即同小肥閒聊起黎,問及是次旅遊o詳情,團友們是否全為親戚,極之親切友善。知悉長輩大多年過七旬後二人大感驚o同時卻不忘大讚女士們保養有道,仲話睇得出細佬盡腦汁以日文溝通,臨行前更客氣地加送糖果信片及紙扇以示歡迎我地一遊小樽,小小茶房當真溫情洋溢
每人消費: 約500日圓 (下午茶)
評分: 味道5   服務5   環境5   衛生5   抵食5
靚仔壯漢導遊拉人力車
靚仔壯漢導遊拉人力車
小樽運河
小樽運河
小樽運河
小樽運河
小樽観光案內所
小樽観光案內所
鮮紅色大郵筒
鮮紅色大郵筒
地圖
地圖
小樽運河食堂
小樽運河食堂
小樽運河
小樽運河

除咗購物之外,小樽其實都有靚景睇o既,其中一個影相熱點就係「小樽運河」,朝早到夜晚長期都企滿旅客。有心黎觀光但又唔想行太多路o既朋友,不妨考慮乘坐人力車,拉車o既全部都係黑黑實實o既靚仔壯漢導遊,極具睇頭,單喺運河旁邊兜返轉感覺應該都唔錯。

正因「小樽運河」為遊客必到之處,運河中段巧妙地設有一個小型廣場。廣場展示出區內o既地圖、當地o既時間及溫度,中央更設有個旅遊資訊豐富o既「小樽観光案內所」,內有精通多國語言o既旅遊大使親身解答疑問,費用全免。雖則潮流興網上打咭,但相信仍有不少旅遊家保持寄明信片o既習慣,故場內有個非常當眼o既鮮紅色大郵筒,唔知喺運河郵筒所收集o既信件會唔會有特別印章呢?!

為拍下運河日與夜不同o既景色,其中比較爛玩o既八位團友就立心黃昏後要重返運河,等待o既時候就喺附近一帶留連。運河周邊都好容易搵到食肆同免稅店,最集中一定係「小樽運河食堂」及「運河Plaza」,不過其實街道上亦可尋到特色小餐廳同商店o既蹤影,結果我地買完又飲,飲完再食,絕無冷場
推介項目:  靚仔壯漢導遊拉人力車
參觀時段: 全日
入場價錢: 每人0日圓
評分: 值得去4  
北の漁場
北の漁場
燒海鮮
燒海鮮
活鱈場蟹
活鱈場蟹
即燒活鱈場蟹
即燒活鱈場蟹
即燒活鱈場蟹
即燒活鱈場蟹
哈密瓜
哈密瓜
單據
單據

有咗上次遊北海道o既經驗,蟹痴團友都話要再返去「北の漁場」食即燒活鱈場蟹。因深知食店只有鱈場蟹一味值得一嚐再嚐,今次細佬就專登安排大家下午茶時間幫襯,貪其地點離車站不遠夠就腳,店內又唔會咁迫人。

為節省時間,安頓好長輩入座後,XO仔迅即同幾位廚神代表行咗去漁場度買活鱈場蟹,並指明要即燒黎食。兩隻靚蟹一登場,就連年長o既團員都要大玩手機先食,幸好天氣唔係咁凍,蟹肉入口時仍然好夠新鮮熱辣,眾人都食得津津有味,無一不讚。

小肥自知有敏感問題,出外遊埠都會避開唔食蟹,所以就襯大家慢慢品嚐即燒活鱈場蟹時,行咗去附近o既店舖繼續狂購手信。返轉頭時先一齊食橙色o既哈密瓜一解餓氣。餐店預先切成一階階o既哈密瓜又甜又多汁,消暑又解熱,喺日本食生果果然係正爆!

手持「小樽散策巴士一日乘車券」埋單即有九折優惠,單據列出共減咗七千幾円,令人豪食完鱈場蟹做下午茶感覺都仲好抵

推介菜式: 即燒活鱈場蟹,哈密瓜
每人消費: 約6010日圓 (下午茶)
評分: 味道5   服務4   環境4   衛生4   抵食5
小樽出抜小路 Nikka Bar Rita
小樽出抜小路 Nikka Bar Rita
吧位
吧位
高櫈散枱
高櫈散枱
木桶形餐牌
木桶形餐牌
Nikka Whisky
Nikka Whisky
餐牌
餐牌
限量版威士忌
限量版威士忌
限量版威士忌
限量版威士忌

食完咁勁量級o既鱈場蟹下午茶後,大肥爸爸就陪伴疲倦o既親友先返回郵輪休息,而小肥就同其餘仍精力充沛o既蒲友繼續尋歡

團友們嗜杯中物,大多更為威水客,故兩次遊北海道前規劃行徎時,細佬都有諗過要加插一站,去鄰近小樽o既余市度,參觀日本威士忌之父「竹鶴政孝先生」所創辦o既名威士忌廠「余市蒸溜所」(Yoichi Whisky Distillery),無奈兩次都因時間過於緊迫,唔係好夾得到公共交通o既時間表,所以就打消咗念頭。嘻嘻,不過喺互聯網上搜集資料時,卻被XO仔發現「小樽運河」附近有間以此酒廠「日果威士忌」(Nikka Whisky)及其女主人「竹鶴リタ太太」起名o既「Nikka Bar Rita」,緣份就咁引領咗八人一訪小酒吧

酒吧隱藏於迷你美食廣場「小樽出抜小路」(Otaru Denuki Koji)內,雖則外牆貼有酒牌廣告,不過如果唔係手持資訊,相信真係唔會自己行入去光顧。店子酒窖式o既裝潢暗黑神秘,擺設都用上與酒有關o既酒桶、木盒、酒樽等設計,而酒吧o既商標則用上酒廠女主人o既美影,全部都好到題。

店內只有三張四人高櫈散枱及七個吧位,淡季期間型男酒保一人足以應付所有酒客。顧名思義,「Nikka Bar Rita」主要提供威士忌廠所生產之威士忌,包括多款限量版靚酒及威水雞尾酒。由於所有酒品只可堂飲,我地就應型男哥哥推薦,從四款限量品中每人點咗杯合適o既威士忌飲。小肥自知唔係威水酒客,對威士忌認知唔深,難以作出專業品評。單憑酒保為酒廠o既出品及其不同飲用方法之解說,聽後慢慢再細嚐,飲落嗰杯以大舊冰塊浸住o既威士忌又真係幾濃醇香滑喎

據悉,小酒吧都幾受遊客歡迎,當然大部份都係威士忌愛好者,但原來當中都有好多日藉客人係因為睇咗年多前播出o既日劇《マッサン》(中文譯名「阿政與愛莉」)後而黎,明顯為竹鶴先生以編製o既傳記劇集好有感染力。
推介菜式: 限量版威士忌
每人消費: 約1200日圓
評分: 味道5   服務5   環境5   衛生5   抵食5
小樽らーめん問屋 Otaru Ramen Donya
小樽らーめん問屋 Otaru Ramen Donya
開放式廚房及吧位
開放式廚房及吧位
和式四至六人卡位
和式四至六人卡位
餐牌
餐牌
塩味拉麵
塩味拉麵
旨激辛拉麵
旨激辛拉麵
雜菜拉麵
雜菜拉麵
餃子
餃子

黃昏時段於酒吧歡聚,酒後返回「小樽運河」拍下河景夜色,各人肚仔又開始響起雷聲。為方便可於回程前先喺便利店購買樽裝大水,團長就決定喺巴士站附近一家見到有吉位o既「小樽らーめん問屋」(Otaru Ramen Donya)快速食個拉麵做晚餐。

設於停車場旁o既拉麵屋樓底極高,右手邊一排和式四至六人卡位,左邊圍繞住開放式廚房有兩列正常高度o既吧位,右後方位置則有幾張以布簾半掩o既四人半開放式廂房,間隔開揚通爽。可能聽到我地講廣東話o既關係,接待處位姐姐仔都好盡力嘗試用英語對答,不過一知道細佬識講少少日文時,佢即時鬆一口氣,臉上亦展出燦爛o既笑容

眼見餐牌上o既拉麵款式大多都只係幾百円,圖案又唔似好大碗,八人就每人點咗一碗,然後再分咗兩客餃子。嘩,真係估唔到一碗正常份量o既拉麵居然仲大過小肥個頭,其中哥哥所選o既雜菜拉麵さんぱち野菜ラーめん」更加係成座小山丘咁高,實屬勁量級!拉麵專門店出品,果然高水準,拉麵煙韌彈牙,XO仔嗰碗塩味湯底芳香濃郁,盡顯簡單美,連稅一千円有找,絕對超值!「小樽らーめん問屋」o既拉麵雖然出色,不過啲餃子就只可以話係不過不失,唔可以話難食,但又講唔出好食囉,學哥哥話齋,250円有五隻算係好合格架啦。
推介菜式: 塩味拉麵,雜菜拉麵
每人消費: 約1200日圓 (晚餐)
評分: 味道4   服務5   環境4   衛生4   抵食5
靚女跳草裙舞
靚女跳草裙舞
飯後搭乘「小樽散策巴士」返回碼頭後不久,「鑽石公主」號隨即準時地駛離小樽勝納港口。喺房中突然聽見室外響亮o既音樂,小肥就走咗出個露台八吓,原來小樽市特登安排咗一班靚女大跳草裙舞歡送郵輪,其實日本人有陣時都幾熱情架
評分: 值得去3  
  0 個留言    |  加入你的留言
發表日期: 2017-03-03

96日():鑽石公主郵輪東瀛遊第七日Hakodate 函館

「鑽石公主」號喺北海道o既最後一站為道南o既「函館」(Hakodate),可能航行需時,抵港時間為中午十二點正。函館跟之前停過o既釧路一樣同為漁業發達之港口,遊客都愛黎食海鮮,不同之處就係其主要特產為烏賊,故四周都可見烏賊o既影子。

函館既為漁港,郵輪又選擇午飯時間泊岸,我地第一時間即趕去早上營業o既「函館朝市」,為求食到新鮮o既海產。外出落著大雨,幸好市場離「函館駅」步行只需分鐘,恰巧地函館市為「鑽石公主」搭客特設o既免費穿梭巴士正正就停喺「函館駅」旁,夠哂方便。

食完晏,十二人就分三架的士前往旅遊熱店「金森紅磚倉庫」瘋狂購物三小時。直至接近黃昏,天色漸由陰轉晴,大肥爸爸就同兩位怕吹風o既團友先返回船隻休息,其餘九人就再坐的士上「函館山」度觀賞夜景。

晚飯時段,九人原本諗住喺市內食埋飯先,無奈各大小餐館全為滿座,大家唯有返上郵輪主餐廳度醫肚。嘻嘻,上船一刻,咁啱撞見一架拉麵車元祖バスラーメン元祖巴士拉麵喺碼頭開檔喎,一向鍾意食拉麵o既幾隻為食鬼就忍唔住偷偷地約咗飯後一齊落去食宵夜;真係估唔到依碗拉麵居然可以成為當日喺函館短留十一小時內最難忘o既一刻
函館市地圖
函館市地圖
函館朝市旁之停車場
函館朝市旁之停車場
函館朝市旁之停車場
函館朝市旁之停車場
函館朝市
函館朝市
函館朝市
函館朝市
函館特產烏賊
函館特產烏賊
函館朝市
函館朝市
烏賊証書
烏賊証書

函館為北海道第一大港口,盛海鮮本地人及遊客都愛於市內規最大o魚市場函館朝市購買及即食魚鮮。

函館朝市位於「函館停車場旁地點方便得很顧名思義,朝市乃朝早營業之市場,場內過三百間室外及室內o店子早上六點就開門冬天時份亦即連太陽爸爸都未開工到中午就陸收工,下午仍開o大多都係餐店食肆。因為無法控郵輪到港時間我地一點左右黎到好多店舖都已關門市場內見得最多就係函館特產o烏賊,有活生生o既,亦有烏賊模型及証書。
參觀時段: 早上
旅遊書推介「道乃家」
旅遊書推介「道乃家」
樓上大廳
樓上大廳
魚生丼餐牌
魚生丼餐牌
かにたっぷりクリームコロッケ(680円)
かにたっぷりクリームコロッケ(680円)
イカフライ (600円)
イカフライ (600円)
イカポッポ焼き(580円)
イカポッポ焼き(580円)
道下丼 (2000円)
道下丼 (2000円)
スペシャルまぐろ丼(2800円)
スペシャルまぐろ丼(2800円)

首次到臨函館,搵食就單靠旅遊書引導,喺函館朝市內一家老字號道乃家」(Michinoya)度午膳

兩層高o食店地下為迫迫o散座十二人好好彩地被安入座樓上大廳空間感更足更舒適,私隱度亦較高。估計餐店為家庭式作業,樓面位嬸嬸應為老闆娘,態度唔算惡劣,但就感覺唔多鍾意招待華人囉

彩色o餐牌圖文並茂簡單易明,唔識日文都絕對可以用手指點菜午市套餐同散叫項目價格一樣親民。個人覺得烏賊菜式只屬一般,反而幾款魚生丼就鮮甜美味得多,誠意推介2,000o人氣道下丼」。
推介菜式: 道下丼
每人消費: 約2668日圓 (午餐)
評分: 味道3   服務3   環境3   衛生3   抵食3
金森紅磚倉庫 Kanamori Red Brick Warehouse
金森紅磚倉庫 Kanamori Red Brick Warehouse
金森紅磚倉庫 Kanamori Red Brick Warehouse
金森紅磚倉庫 Kanamori Red Brick Warehouse
運河
運河
金森紅磚倉庫 Kanamori Red Brick Warehouse
金森紅磚倉庫 Kanamori Red Brick Warehouse
金森洋物館
金森洋物館
金森紅磚倉庫 Kanamori Red Brick Warehouse
金森紅磚倉庫 Kanamori Red Brick Warehouse
金森紅磚倉庫 Kanamori Red Brick Warehouse
金森紅磚倉庫 Kanamori Red Brick Warehouse
海之星教堂 Lila Note Church
海之星教堂 Lila Note Church

遊函館o旅客早上都會選去函館朝市大擦海鮮中午則會轉移往海邊散步及購物。近海除咗有多間有景睇o之外最多人出入o就係中央幾座大型o既「金森紅磚倉庫」。

多年前金森紅磚倉庫的而且確曾為儲存貨物之倉庫,不過經,而家全部都已改建為美食及購物中心。每個倉館都有獨立o名稱,入內o商店食肆都要配合番個主題,例如金森洋物館西化店子售賣來自多國o洋物,包雜貨服裝飾物玩具精品等,多元化得又名「異國夢之店」。其餘函館ヒストリープラザ」(「函館歷史廣場 Hakodate History Plaza」)及「BAY HAKODATE」(「函館灣」)內有歷史展廳教堂工作坊啤酒館等,當中最受肥肥家必選甜品食店一邊試食一邊買手信其實自己都有份。。。),整個下午好似食咗多輪下午茶咁行街o同時不斷補充體力戰利品之多每人一個背囊真係唔多夠載架。
參觀時段: 下午
評分: 值得去5  
函館駅
函館駅
函館駅
函館駅
函館駅
函館駅
函館駅正門前方之藝術品
函館駅正門前方之藝術品
函館駅正門前方之藝術品
函館駅正門前方之藝術品
免費穿梭巴士
免費穿梭巴士
往返碼頭o既穿梭巴士站設於市中心o既「函館駅」旁,車站正門前方有個鮮紅色o既藝術品,當眼易認,係集合o既好地點。車站每天都有大量遊客進出,站內絕不乏手信商店。此外,長期企滿人o既旅遊資訊中心真係好多料;架上擺放出供大眾免費取閱o既旅遊小冊子,資料充裕;櫃檯亦有多位識講多國語言o既旅遊大使為旅客解答疑問及作出援助,首次訪函館都不必慌張
評分: 值得去5  
函館市電
函館市電
函館山空中纜車
函館山空中纜車
黃昏天色
黃昏天色
瞭望台早已企滿遊客
瞭望台早已企滿遊客
函館景色
函館景色
函館景色
函館景色
函館夜景
函館夜景
函館山空中纜車
函館山空中纜車

獲稱為「東方之珠」o既香港擁有亮如明珠o既靚景,參閱過旅遊指南先知原來「函館」同香港一齊並列為「世界三大夜景」之一,而且同時亦為「日本三大夜景」及「北海道三大夜景」之一,來頭咁猛當然要去睇睇啦

正當團友諗住坐的士前往「函館山ロープウェイ」(Mt. Hakodate Ropeway「函館山空中纜車」)搭纜車上「函館山」欣賞靚景時,頭髮灰白o既的士叔叔隨即告知因已接近黃昏時份,纜車站必定擠滿人群,恐怕團中年長o既親友排上個幾鐘頭隊會有感吃力,所以就建議由佢同另外一部六人的士載我地上山,可以節省不少時間之餘,大家又可以舒服啲,可謂一舉兩得

天未黑齊,「函館山」o既瞭望台已企滿遊客等睇日落及夜景。的士叔叔真係叻,深知山上風勢強勁,及已預料太陽落山時間,故亦計好逗留上十五分鐘經已好足夠。「函館山」人山人海,猛風又增加影相難度,好在山頂上有幾位年輕壯漢帶同高梯、射燈等工具,擺好哂陣為旅客捕捉「函館」最靚o既景色,九人得以用五分鐘時間拍下兩張團體靚相,連埋郵費都只係收取2,800円,當真物有所值。結果兩架車照錶收費,來回五十分鐘合共9,000円,計落條數仲抵坐過每人1,200円o既登山纜車,意外地慳咗唔少
參觀時段: 晚間
評分: 值得去4  
Chef's Dinner餐牌
Chef's Dinner餐牌
Chef's Dinner餐牌
Chef's Dinner餐牌
Quail & Venison Terrine - with ginger onion compote, mesclun salad
Quail & Venison Terrine - with ginger onion compote, mesclun salad
Oshizushi
Oshizushi
Strawberry Sorbet
Strawberry Sorbet
Hotate Gai No Kimiyaki
Hotate Gai No Kimiyaki
Lamb Loin Chop, Veal Breast & Chicken Kebab
Lamb Loin Chop, Veal Breast & Chicken Kebab
Petits Fours
Petits Fours

「函館駅」附近餐廳唔多,午市時間想為晚餐預先訂座又唔成功,睇完函館夜色後大隊就約好已返回郵輪o既三位團友於主餐廳集合用餐。由於上船時喺碼頭發現有拉麵車擺檔,我地幾個愛吃湯麵o既為食貓就決意飯後再戰拉麵,當晚「鑽石公主」o既「Chef’s Dinner」(廚師晚餐)亦只能輪為配角,即該晚晚餐之序。

1)      Oshizushi - elegantly pressed prime tuna and salmon sushi:喺西餐廳不時都會食到刺身,食壽司都係第一次。洋化咗o既壽司以甜醬喺碟上繪出花紋,外表新穎雅致,無奈飯中夾入咗青瓜,再混入埋甜醬及山葵食用,組合o既味道好怪囉

2)      Strawberry Sorbet - infused with lemon and wild thyme:上完頭盤同湯,每人都有一球士多啤梨味雪葩,清新又涼快。

3)      Hotate Gai No Kimiyaki - broiled scallops with sweet Japanese wine sauce, mushrooms, & asparagus:因為有下場,小肥就點咗個較為輕盈o既海鮮主菜。輕輕煎過o既五件帶子底面香脆,中心幼嫩,配上帶甜o既清酒汁醬,效果鮮甜香口
推介菜式: Strawberry Sorbet,Hotate Gai No Kimiyaki
評分: 味道4   服務4   環境4   衛生4   抵食4
元祖バスラーメン
元祖バスラーメン
老伯伯喺車尾忙碌地不停煮製拉麵小食
老伯伯喺車尾忙碌地不停煮製拉麵小食
車上散座及老伯伯忙碌開啤酒
車上散座及老伯伯忙碌開啤酒
餐牌及剪報
餐牌及剪報
餐牌
餐牌
細碗版鹽味拉麵(500円)
細碗版鹽味拉麵(500円)
特製拉麵(1,000円)
特製拉麵(1,000円)
盒裝即食元祖バスラーメン
盒裝即食元祖バスラーメン

今次函館一日遊,真係估唔到高潮位居然係臨離港前一刻喺碼頭食嗰碗「元祖バスラーメン」(元祖巴士拉麵!小小o既巴士拉麵檔只有三人主持,屬家庭式作業;老伯伯喺車尾忙碌地不停煮製拉麵小食,巴士上及室外o既食客就交由兩位熟手友善o既姐姐同嬸嬸招待,整晚爆場運作都十分流暢。

我地一行六人剛好坐喺巴士內之散座,應該都算係最元始o既拉麵風味。車上貼有餐牌及剪報介紹「元祖バスラーメン」,食過啱口味更可即場購買盒裝即食拉麵,送禮有特色,自己食都好有意思。小店貴精不貴多,只提供一款炒飯、兩款冷麵、六款拉麵、幾味小食及追加配料,價格100円至1,000円,相當便宜。

人家小本經營,座位不多,大家亦好識做地每人叫咗一碗拉麵黎食,細食o既長輩就揀咗500円o既細碗版鹽味拉麵黎試。XO仔點咗客份量都幾勁o既特製拉麵鹽味湯底香濃而不油膩,拉麵麵條煙韌彈牙,除咗薄薄o既叉燒之外仲伴上大蝦干貝,整體鮮味無窮,1,000円絕對抵食!

由老伯伯大廚掌舵o既「元祖バスラーメン」出品窩心暖胃,其家人齊心合力更顯溫馨,肥肥家族有緣於函館遇上並可一嚐巴士上嘆拉麵o既滋味,確真令人難忘
推介菜式: 特製拉麵,鹽味拉麵
每人消費: 約900日圓 (宵夜)
評分: 味道5   服務5   環境3   衛生5   抵食5
  0 個留言    |  加入你的留言
發表日期: 2017-06-07

97日():鑽石公主郵輪東瀛遊第八日Aomori 青森

離開北海道後,返回橫濱前,「鑽石公主」號先路經本州最北o既「青森」(Aomori),逗留咗大半日。有點好奇怪,XO仔出發前喺書局度買旅遊書時,真係搵唔到任何有關青森o既旅遊指南,結果唯有見步行步。

郵輪早於七點抵達「沖館埠頭」,青森市亦安排好免費穿梭巴士往返市中心及碼頭。團友十二人準九點出發,入城後先喺巴士站旁o既A字塔「青森縣觀光物產館ASPAM」取旅遊資訊,並於頂樓o既瞭望台觀賞青森市o既景色。

由於區內o既食肆大多中午前都未開門,我地只好向著下一個景點蘋果酒廠「A Factory」慢慢進發,邊行邊搵食。行咗大概二十分鐘,終於見到間熟識o既連鎖店「大戶屋」,眼見親友四肢都開始乏力,團長就決定食個簡單o既午餐,補充返啲體力後先去品酒

離餐廳只有八分鐘路程o既蘋果酒廠除咗有蘋果酒飲之外,其實廠內仲有個超級市場同小餐店,其中當然係唔少得有青森名產o既蘋果同蘋果汁啦!好唔好味就見仁見智。。。

青森市內雖則都有不少購物商場及商店,但居然連出名最愛行街o既大姨媽行咗五分鐘後都主動提出要返回船隻休息,明顯啲街唔係咁好行囉!當幾位年長o既親友提早回程時,留下o既愛蒲一族就決意停多站「南大門」,食多round韓式燒肉作頭輪晚餐後,再趕搭巴士返上郵輪會合團友食第二個晚餐。
青森市派出可愛大豬迎賓拍照,提升氣氛 - 「你睇,豬仔黎啦!」
青森市派出可愛大豬迎賓拍照,提升氣氛 - 「你睇,豬仔黎啦!」
青森市免費穿梭巴士服務
青森市免費穿梭巴士服務
青森市免費穿梭巴士服務
青森市免費穿梭巴士服務
鑽石公主停泊於青森市沖館埠頭
鑽石公主停泊於青森市沖館埠頭
對乘客而言,郵輪碼頭可能係落船隻o地方,但對當地人黎講碼頭則為歡及歡送旅客o地點。肥肥家族唔係咁有冒,外遊o目的地主要圍著大路o日本同歐美;近年坐過三次郵輪停泊o城市亦不離此四個國家個人覺得人比較冷,反而日本人就最為熱情,因為日本境內o每一個碼除咗都安排有免穿巴士服務之外,碼頭上更必見歡迎郵輪客o旅遊大使小攤位免費上網服等。青森市都唔例外,派出可愛大豬迎賓拍,提升氣氛;嘻嘻有睇過IQo親友見狀都禁不住要高呼一句「你睇,豬仔黎啦!」成功牽起一段高潮。
入場價錢: 每人0日圓
評分: 值得去3  
青森A字塔 ok喇2017-06-07
青森県観光物産館アスパム(Aomori Tourist Information Center, ASPAM)
青森県観光物産館アスパム(Aomori Tourist Information Center, ASPAM)
青森地圖
青森地圖
歡迎光臨青森:汽水機
歡迎光臨青森:汽水機
青森県観光物産館アスパム(Aomori Tourist Information Center, ASPAM)
青森県観光物産館アスパム(Aomori Tourist Information Center, ASPAM)
青森地圖
青森地圖
青森地標:八甲田丸
青森地標:八甲田丸

細閱網上o資料及於碼頭索取o小冊子得知青森有兩個同A字有關o地標,其中之一個就係外型呈Ao既「青森県観光物産館アスパムAomori Tourist Information Center, ASPAM

ASPAM係青森市中心內o旅客中心入內有多位精通英語及普通話o大使提訊,亦有不少地圖及指南任遊客取閱。除此之外十五層高o既「A字塔仲有表廳、望台等設
參觀時段: 早上
評分: 值得去3  
「ASPAM」C票包有瞭望台入場券及限定飲品一杯
「ASPAM」C票包有瞭望台入場券及限定飲品一杯
青森吉祥物「にゃんごすたー」(Nyango Star)
青森吉祥物「にゃんごすたー」(Nyango Star)
對應景點之解圖
對應景點之解圖
玻璃窗上印出對應景物之解圖
玻璃窗上印出對應景物之解圖
青森景色
青森景色
對應景點之解圖
對應景點之解圖
青森景色
青森景色
飲品售賣機
飲品售賣機

長喺ASPAM地下層攞哂料後,即決定當日只到蘋果酒廠A Factory一個景點享歡樂時光。因早上時間充裕,大多餐廳又要等到中午先開門,我地就上咗去A字塔十三樓個望台度一覽整個城市o風貌。

ASPAM所有入場券都係以自助售票機賣出,共分ABC三款:800oA套票包有瞭望台入場券及電影院戲飛;600oB票只包電影院戲飛;而我地所購o400C票則包有瞭望台入場券及限定飲品一杯。喺瞭望台360°觀賞青森市全景,玻璃窗上印出對應景物o名稱,清晰透徹。十二人嗰朝早仲要包場,毫不拘束,爽呀
參觀時段: 早上
入場價錢: 每人400日圓
評分: 值得去4  
青森夜店通り
青森夜店通り
青森夜店通り
青森夜店通り
往覓食途中,碰巧路經市內之夜店街夜店通り」,眼見白天街上寂靜無人,結果都係忍唔住影咗兩幅相
參觀時段: 早上
入場價錢: 每人0日圓
大戸屋ごはん処(青森)
大戸屋ごはん処(青森)
生啤(498円)
生啤(498円)
チキン唐揚げ(298円)
チキン唐揚げ(298円)
小牛たん + 五殼ご飯(1,360円)
小牛たん + 五殼ご飯(1,360円)
小牛たん
小牛たん
もろみチキン(855円)
もろみチキン(855円)
五殼飯
五殼飯
單據
單據

要喺青森街上搵到啱家人口味o既食肆真係唔容易,十二人結果都係走咗入去一間香港不時都會見到o既「大戸屋ごはん処」。

店子木造o既間隔清爽光猛,簡單樸素。靚女姐姐態度溫婉有禮,見我地一行十二人實難坐埋一齊,故亦非常有善地主動提出安排我地分開坐,起碼唔洗多位長輩喺門外等,最後入座o既XO仔同哥哥就自己坐。

天口咁熱,點食物前當然係要先啤一啤佢啦!小肥兩兄弟比較大食,每人叫咗個包有前菜麵豉燉蛋o既套餐之餘,仲加咗客唐揚炸雞

1)      チキン唐揚げ(298円):一客兩o既唐揚炸雞炸得好乾身脆巧,一啲都唔油膩,肉質亦軟嫩非常,簡單美味。

2)      小牛たん + ご飯(1,360円):牛魔王XO仔點咗個牛脷午餐,配健康o既比想像中冇咁硬,好易入口;個人略嫌牛脷過熟咗少少,所以咬落偏韌,不過單睇價錢1,360円絕對收貨

推介菜式: チキン唐揚げ,五殼ご飯
每人消費: 約1500日圓 (午餐)
評分: 味道3   服務4   環境3   衛生4   抵食3
ねぶた ワラッセ Nebuta House Warasse(睡魔博物館)
ねぶた ワラッセ Nebuta House Warasse(睡魔博物館)
ねぶた ワラッセ Nebuta House Warasse(睡魔博物館)
ねぶた ワラッセ Nebuta House Warasse(睡魔博物館)
ねぶた ワラッセ Nebuta House Warasse(睡魔博物館)
ねぶた ワラッセ Nebuta House Warasse(睡魔博物館)
ねぶた ワラッセ Nebuta House Warasse(睡魔博物館)
ねぶた ワラッセ Nebuta House Warasse(睡魔博物館)

日本好多地方都有歷史悠久o既祭典,有關o既慶祝活動大多都係每年舉辦一次,青森咁大個城市都一樣唔例外,有個聞名o既「睡魔祭」。據悉,於八月舉行o既「青森睡魔祭」都會有熱鬧o既歌舞及大型o既睡魔燈籠遊行,用意係為驅趕炎炎夏日出動妨礙人民工作o既睡魔,祈求五穀豐收

有興趣加深對此祭典認識o既朋友不妨一訪設於離「青森駅」不遠o既「ねぶた ワラッセ Nebuta House Warasse」(睡魔博物館)。火紅色o既博物館內除咗以文字及影片講解「睡魔祭」三百多年o既歷史,更展出多個可觸摸o既睡魔燈籠,觀賞者可理解燈籠製作過程、親身製造燈籠及感受慶典o既氣氛,一個大人o既入場費都只係600円,當真絕對超值
參觀時段: 下午
入場價錢: 每人600日圓
評分: 值得去4  
A-FACTORY
A-FACTORY
A-FACTORY 地下層
A-FACTORY 地下層
青森蘋果汁
青森蘋果汁
青森蘋果
青森蘋果
青森蘋果汽酒
青森蘋果汽酒
蘋果汽酒製作工坊
蘋果汽酒製作工坊
蘋果汽酒試飲吧
蘋果汽酒試飲吧
蘋果汽酒自助試飲吧
蘋果汽酒自助試飲吧

相信一提起青森,大多人都會諗起蘋果同蘋果汁,但其實青森亦盛產蘋果汽酒。市內有名o既超市廣場「A-FACTORY」鄰近睡魔博物館「ねぶた ワラッセ Nebuta House Warasse」,遊客觀賞完博物館如果覺得肚餓或口乾,又想品嚐以青森蘋果製出o既甜品及飲品,「A-FACTORY」真係一個好好o既歇腳點

兩層高o既「A-FACTORY」冷氣充足,地下一邊為超級市場,售賣多款新鮮蔬果、甜點糕餅、果汁汽水、茶葉咖啡、手信紀念品等,另外一邊則有幾間快餐及甜品店圍繞著中央o既自助用餐區。通往上層o既樓梯兩旁及上下方為以玻璃窗分隔o既「蘋果汽酒製作工坊」,環境極之潔淨衛生。一樓樓梯左方為自助式購票試酒區域,右方為開揚o既咖啡店。十二人一同購下可試齊所有酒品o既套票,然後自己埋位後再分成細細杯黎試飲,個人覺得蘋果汽酒清爽得黎主要都係得個甜,唔係好夠酒味。
參觀時段: 下午
評分: 值得去4  
SKIP EGG
SKIP EGG
SKIP EGG
SKIP EGG
食物及飲品餐牌
食物及飲品餐牌
食物及飲品餐牌
食物及飲品餐牌
桌上展出多款甜品西餅
桌上展出多款甜品西餅
Crepe Caramel Salt Banane
Crepe Caramel Salt Banane
Crepes de Chocolate Banane
Crepes de Chocolate Banane
Crepes de Chocolate Banane
Crepes de Chocolate Banane

喺「A-FACTORY」樓上試完蘋果汽酒,大隊就走咗落去地下o既美食廣場中有甜品食o既「SKIP EGG」度嘆咗個下午茶。

小店一眼睇哂,樑上o既黑板寫出日英對照o既食物及飲品餐牌,桌上展出多款甜品西餅,由滿臉笑容o既妹妹仔一人獨自主理

每人點咗杯飲品後,長輩們就分咗幾客甜品,而一向鍾情朱古力又唔想咁易肥o既XO仔就獨食咗一客朱古力香蕉法式可麗餅Crêpes de Chocolate Banane」,結果俾大肥寸咗句「獨食難肥唔等於獨食唔肥架,嘩哈哈!」。熱辣辣o既可麗餅香軟甜美,塗上忌廉能增添鮮滑,簡單伴上朱古力醬香蕉食已夠清新美妙。
推介菜式: Crêpes de Chocolate Banane
每人消費: 約600日圓 (下午茶)
評分: 味道5   服務5   環境5   衛生5   抵食5
南大門
南大門
 韓国風冷奴 (380円)
韓国風冷奴 (380円)
カルビ満喫全種盛(4,980円)
カルビ満喫全種盛(4,980円)
黑毛和牛上カルビ(1,680円)
黑毛和牛上カルビ(1,680円)
よくばり牛タン3点盛 (2,980円)
よくばり牛タン3点盛 (2,980円)
カルビクッパ (780円)
カルビクッパ (780円)
にらたっぷりチチミ (580円)
にらたっぷりチチミ (580円)
超正韓燒靚和牛
超正韓燒靚和牛

由於青森市o既商場當真唔及東京及北海道嗰啲好行,其中幾位團友離開咗「A-FACTORY」就立即返咗上船。太陽未落山,團長就提議留低o既團友早啲喺街上一間門外掛著「歡迎鑽石公主郵輪旅客光臨青森」字句o既「南大門」輕食頭輪晚餐,如果趕得切搭早一班車返碼頭就食多餐

韓式燒肉店環境光鮮寬敞,抽氣都做得唔錯。樓面雖則只有一位姐姐仔忙碌地為全場人服務,其中一枱人仲要係好明顯地飲醉酒想鬧事嗰隻,但其態度仍能保持友善客套,實屬難得

人多好叫餸,八口子就分咗幾款前菜冷盤、以牛隻不同部位組成o既和牛拼盤カルビ満喫全種盛)、牛脷拼盤よくばり牛タン3点盛 )、煎蛋、冷麵及熱湯麵。前菜中以白雪雪o既凍豆腐最滑溜甜美,韓燒和牛每個部位都有其獨特之處,質高味美,香軟可口,仲要唔係貴,大家都食得好開心
推介菜式: 韓国風冷奴,カルビ満喫全種盛,黑毛和牛上カルビ,よくばり牛タン3点盛 ,カルビクッパ,にらたっぷりチチミ
每人消費: 約3800日圓 (晚餐)
評分: 味道4   服務4   環境4   衛生4   抵食4
晚餐餐牌
晚餐餐牌
Kushi Yaki, Japanese eggplant, mushrooms, sea salt
Kushi Yaki, Japanese eggplant, mushrooms, sea salt
Trio of Seafood, Citrus and Avocado
Trio of Seafood, Citrus and Avocado
Hiya-Yakko, fresh tofu
Hiya-Yakko, fresh tofu
Caesar Salad
Caesar Salad
Double Beef Consommé
Double Beef Consommé
Linguine alla Vongole
Linguine alla Vongole
Deep Dish Apple Pie with vanilla anglaise
Deep Dish Apple Pie with vanilla anglaise

返回郵輪後,兩批團友就喺主餐廳集合再食晚餐。因深知「鑽石公主」號餐飲質素較為參差,XO仔同已熟落咗o既哥哥仔點上多道菜時,特別講明全部都只要頭盤份量,希望試多幾款

1)      Kushi Yaki, Japanese eggplant, mushrooms, sea salt:燒茄子及蘑菇質感軟腍,不過調味欠奉,個人覺得好麻麻。

2)      Trio of Seafood, Citrus and Avocado, lobster, shrimp and squid with orange filets, lime-cilantro vinaigrette海鮮三重奏龍蝦肉蝦仔魷魚,酸甜醒胃,清新爽滑

3)      Hiya-Yakko - fresh tofu with ginger, scallions & soy sauce豆腐幼嫩清香,簡單可口。

4)      Caesar Salad凱撒沙律新鮮爽脆,屬安全之選。

5)      Double Beef Consommé, mini choux buns and green onions:牛肉清湯鹽份過多,直頭多到細佬要咪埋眼黎飲。。。

6)      Linguine alla Vongole, noodles with littleneck clams in cream sauce and parsley:唔知係咪煮得太耐定係太過多汁所致呢,意粉麵條食落過腍,而且越食越咸,失敗之作也。

7)      Deep Dish Apple Pie with vanilla anglaise:蘋果批味道清香,伴上雲尼拿雪糕原本係最佳拍檔,無奈蘋果批唔夠熱,就是差一點點。。。
推介菜式: Caesar Salad,Hiya-Yakko,Trio of Seafood
評分: 味道3   服務4   環境4   衛生4   抵食4
  0 個留言    |  加入你的留言
發表日期: 2017-06-21

98日():鑽石公主郵輪東瀛遊第九日At Sea

郵輪河黎到尾聲,上岸前又再係「At Sea」日。眼見大家都早起咗咁多朝四出觀光,團長就俾個機會大家瞓晏啲,各自享受「鑽石公主」提供o既不同服務,包括按摩、健身、購物、拉老虎機等。。。中午先約埋喺十四樓個「Horizon Court」度食自助餐。

午飯過後,大隊就先去咗有歡樂時光優惠o既酒吧度飲咗round,然後就一齊去大玩Bingo。玩咗成個鐘,十二人中只有三個人叫做叫過糊,冇贏都起碼緊張過,玩完就當然係要飲多兩個round啦

由於大家都為晚餐「Captain’s Gala Dinner」盛裝打扮,飯前就相約於郵輪大堂一邊欣賞歌舞表演,一邊搵專業攝影師影團體相。

芝士蛋糕
芝士蛋糕
Croque-en-bouche
Croque-en-bouche
Pistachio Cake
Pistachio Cake
朱古力蛋糕
朱古力蛋糕
朱古力脆皮香蕉
朱古力脆皮香蕉
前幾篇遊記其實都有提及過,個人覺得鑽石公主Horizon Courto自助午餐水準只屬一般不過當日啲甜品真係好有睇頭,所以都想同大家分享吓幾張靚相。一系列造型精緻o甜品中,以老仔作裝o芝士蛋糕最為搞野可惜好睇並不代表好食。。。咁多款甜品居只有朱古力脆皮香能取悅細佬味蕾。。。
推介菜式: 朱古力脆皮香蕉
評分: 味道2   服務5   環境3   衛生4   抵食3
Captain’s Gala Dinner Menu
Captain’s Gala Dinner Menu
Tian of Crab, Scallop and Shrimp
Tian of Crab, Scallop and Shrimp
Ravioli di Vitello in Salsa di Funghi Porcini
Ravioli di Vitello in Salsa di Funghi Porcini
Broiled Lobster Tail and King Prawns
Broiled Lobster Tail and King Prawns
Broiled Lobster Tail and King Prawns
Broiled Lobster Tail and King Prawns
Chocolate Pistachio Dome
Chocolate Pistachio Dome
Baked Alaska
Baked Alaska
Baked Alaska
Baked Alaska

郵輪河第二晚「Formal Dinner」名為「Captain’s Gala Dinner」,菜式明顯比平時豐富,除咗主菜有龍蝦之外,最後甜品上時仲要係由全場o既服務生合作唱歌、跳舞、拍手,圍住個圈咁攞出多份焗雪山,成功牽起一段高潮,好有氣氛。

1)      Tian of Crab, Scallop and Shrimp, duo of caviar, papaya dressing蟹肉帶子蝦沙律鮮嫩軟潤,簡單配上香橙更覺清新。

2)      Ravioli di Vitello in Salsa di Funghi Porcini, veal pasta, porcini mushroom sauce:個人略嫌意大利雲吞過腍偏咸,有少少失望。

3)      Broiled Lobster Tail and King Prawns, grilled asparagus, rice pilaf, lemon butter:每隻龍蝦均連殼上,顏色鮮美,並由哥哥熟手地續一去殼,服務實在周到。龍蝦爽脆彈牙,且鮮甜無比,可以話係「鑽石公主」個廚房咁多餐飯入面煮得最正o既一道主菜!

4)      Baked Alaska:據親友所講,郵輪河都會慣性於結束前一晚o既「Formal Dinner」以此道焗雪山作為甜品。因防火條例不再容許服務生於大堂位置點火,所以雪山上枱時已不再有火焰。帶有強烈酒味o既焗雪山中間為層次分明o既三色雪糕,入口涼快香滑,勁啱細佬口味。
推介菜式: Tian of Crab, Scallop and Shrimp; Broiled Lobster Tail and King Prawns; Baked Alaska
評分: 味道4   服務5   環境4   衛生5   抵食5
  0 個留言    |  加入你的留言