Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 117
  上載相片 4013
  上載影片 3
最近分享過的旅程
2018年聖誕遊東京
國家/地點: 日本
旅程日期: 2018-12-23 至 2018-12-28
2019瑪麗皇后二號郵輪八天遊
國家/地點: 新加坡, 越南
旅程日期: 2019-03-05 至 2019-03-12
2018台灣四天美食之旅
國家/地點: 台灣
旅程日期: 2018-11-23 至 2018-11-26
2018美加探親兩週遊
國家/地點: 加拿大, 美國
旅程日期: 2018-03-27 至 2018-04-07
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
共找到 117 篇遊記, 正顯示第 61 至 70 篇遊記
2015台北怒食三天遊 (台灣)
(旅程日期: 2015-11-18 至 2015-11-21 ,  旅程性質: 飲食購物)
 整個旅程  (共4篇遊記)
 分享至Facebook 
發表日期: 2016-05-31

居美o既姨媽們已經好多年冇去過台灣,每次返港都總會聽到佢地話要搵個週末飛轉台北,探望幾位親友長輩,順便吃喝玩樂一番。眼見自己仲有大假未放,XO仔就襯聖誕旺季未到,與三位姨媽組織小團輕遊台北,食個夠本,買到盡興

 

1118日(

由於台北離香港極近,好多人都會揀喺週末短遊;為咗要避開人群,今次我地一行六人就決定週三乘早機出發。可能實在太早啦,大隊喺food court食完早餐後大姨媽居然一度遺失手提行李,未飛已造成小恐慌,好在結果都搵得返,總算有驚無險。。。

長榮航空膳食真係幾驚嚇,幸好一落機,表妹相熟o既司機哥哥即送上小驚喜,每人一杯冰凍o既台灣特飲波霸奶茶,方才可以頂到有飯食。今次入住「台北寒舍艾美酒店」,其實係姨媽從旅行社所推介o既不同機票加酒店套餐中選出。由於酒店要兩點後先有房,我地又租咗半日車,時間實在有少少卡啦,故離開機場第一站就去咗超閃旅遊書介紹o既「金品茶語」食小籠包醫肚

為怕第一日行程過於緊湊,XO仔特意安排晚餐喺酒店附近一家「STAY By Yannick Alléno」度食西餐。喺酒店安頓好行李及稍作休息後,飯前大家就喺側旁新設o既商場逛街購物。食飽飽就慢慢散步返酒店,等待明日再戰。
恐怖飛機餐 哭臉2016-05-31
長榮航空BR852上的午餐
長榮航空BR852上的午餐
茄汁魚柳飯
茄汁魚柳飯

姨媽所揀選o既機票連酒店套餐每位五千多,包咗「長榮航空」來回台灣經濟客位機票,及「台北寒舍艾美酒店」三晚房間。

長榮航空經濟艙位同其他航空公司感覺冇乜大分別,洗手間o既衛生度都係差不多,只可以話係屬正常,空中小姐o既態度則不甚友善,誠懇欠奉

BR852航班朝早十一點三離開香港,下午一時抵達台北桃園機場,包有午餐一份。午餐人人一樣,都係食「茄汁魚柳飯」,加一杯水、咖啡或茶、及燕麥爆米花一包。如相所示,「茄汁魚柳飯」外觀並不吸引,飯粒過硬,茄汁魚柳又酸又嚡,西蘭花同紅蘿蔔片淡而無味,萬聖節都過咗啦,唔洗咁恐怖掛

 

評分: 味道1   服務1   環境3   衛生3   抵食2
金品茶語門面、卡片、廣告及指示牌
金品茶語門面、卡片、廣告及指示牌
地下為商店,一樓餐廳全為合併式方形散座,簡潔舒適
地下為商店,一樓餐廳全為合併式方形散座,簡潔舒適
貴妃美人茶及、餐牌、調味醬油及餐具
貴妃美人茶及、餐牌、調味醬油及餐具
餐牌
餐牌
小籠包(NT 120/六隻)
小籠包(NT 120/六隻)
紅燒牛肉麵(NT 180)
紅燒牛肉麵(NT 180)
菜肉雲吞麵(NT 160)
菜肉雲吞麵(NT 160)
皮蛋豆腐(NT60)
皮蛋豆腐(NT60)

去台灣旅遊,如果唔食過小籠包個心一定會唔安樂,但係要光顧幾間名店或老字號都必定要排隊,坐得又唔係話特別舒服,所以今次台北一行,決意一試超閃旅遊書推介o既「金品茶語

有司機哥哥黎機場接機,我地不需費神,坐車直達,不過食店喺四周均有廣告及指示牌,地方一啲都唔難搵。

兩層高o既「金品茶語」地下為商店,售賣多款茶葉及茶具,送禮自用都適合。一樓o既餐廳全為合併式o既方形散座,簡潔舒適,人多人少喺度嘆茶都一樣咁自在。

橙黃色o既餐牌不但有多款小食菜餚,茶品款式都一樣咁豐富,凍飲、熱飲齊備,紅、綠、奶茶,應有盡有,就連時尚o既茶味雞尾酒都有得飲,果真係令XO仔眼界大開!始終自己及同行o既長輩對茶應知唔深,結果都係等年輕友善o既哥哥仔介紹,先叫咗壺「貴妃美人茶」,一邊呷茶,一邊食點心同湯麵。

1)      皮蛋豆腐(NT60):白雪雪o既豆腐嫩滑非常,半流心o既皮蛋亦好夠溏心,一淡一濃可真為絕配。

2)      小籠包(NT 120/六隻):熱辣辣o既小籠包皮薄餡軟嫩,睇相可能會覺得唔係好夠湯,不過食落就知湯足且清甜,毫不溜滯,食落好健康,每人一粒真係唔多夠喉

3)      蟹黃湯包(NT 175/六隻):淨睇相真係未必分得出,不過蟹黃湯包其實即係多咗蟹黃味o既小籠包,同樣係皮薄餡靚,一行六人都覺得蟹黃湯包更為鮮美香濃,故亦選此為追加點心。

4)      紅燒牛肉麵(NT 180):碗中o既牛肉全部都係牛展,每片都好軟腍,麵條則軟滑易入口,加上湯底少辣惹味,極之討好。

5)      菜肉雲吞麵(NT 160):相比起下,碗菜肉雲吞麵味道就較為清淡,幸好菜肉雲吞皮光肉滑,唔夠味可以簡單撈入紅燒牛肉麵o既湯自行加以調味。

金品茶語」環境幽靜舒適,個人覺得地方好坐過市內其他名牌小籠包店多多聲。此外,服務生友善客套,點心及麵品不含味精,健康美味,價廉物美,真係好多謝旅遊書咁好介紹
每人消費: 約200新台幣 (午餐)
評分: 味道4   服務4   環境5   衛生4   抵食5
台北寒舍艾美酒店Le Meridien Taipei
台北寒舍艾美酒店Le Meridien Taipei
台北寒舍艾美酒店之門面及大堂
台北寒舍艾美酒店之門面及大堂
台北寒舍艾美酒店大堂之藝術品
台北寒舍艾美酒店大堂之藝術品
台北寒舍艾美酒店雙人房間
台北寒舍艾美酒店雙人房間
台北寒舍艾美酒店雙人房間及浴室
台北寒舍艾美酒店雙人房間及浴室
台北寒舍艾美酒店雙人房間浴室
台北寒舍艾美酒店雙人房間浴室
台北寒舍艾美酒店雙人房間浴室
台北寒舍艾美酒店雙人房間浴室
每天有Nespresso咖啡供應
每天有Nespresso咖啡供應

姨媽所揀o既「台北寒舍艾美酒店」屬五星級酒店,六人抵達酒店門前,於大大o既停車場落車,步入樓底極高o既大堂,已感氣派十足

大堂o既地磚及牆身大多都用上雲石鋪設,中間夾雜咗鏡子令視覺上更為光猛寬敞,四周可見趣緻o既藝術品及彩色吊燈裝飾,華麗中不失時代感。

我地六個人入住三間雙人房,小肥同媽咪一組。每間房都有兩張大牀,四杯Nespresso咖啡,冷氣足,而且所有野都好電子化,就連廁所都用上日式暖椅款式,可真係超豪華!洗手間與房間以透明玻璃窗分隔,真係夠哂新潮。大大o既浴室除咗有個靚座廁之外,客人仲可選擇淋浴或浸於大缸內享受香薰浴添,大家都好滿意!
評分: 設備5   服務5   環境5   衛生5   抵住3
STAY by Yannick Alleno
STAY by Yannick Alleno
Pierre Peters Blanc de Blancs(NT 4,700)
Pierre Peters Blanc de Blancs(NT 4,700)
珍饌盛選(NT 2,988   10%)
珍饌盛選(NT 2,988 10%)
松露宴餐牌
松露宴餐牌
麵包籃
麵包籃
白松露培根水波蛋
白松露培根水波蛋
晚市套餐
晚市套餐
法式精緻小點、咖啡及單據
法式精緻小點、咖啡及單據

出咗名愛飲好食o既堂細佬近年因工作關係已遷往台北居住,去到新環境,其飲食習慣都係差唔多,一樣愛到處覓食,其中「STAY by Yannick Alléno」就係一家令佢常掛喺口邊o既西餐廳。

STAY」o既裝修極富時代感,大堂小廳內o既散座都用上厚墊梳化櫈,故仍不失高雅舒適。現今食肆都潮興有個開放式廚房,「STAY」都唔例外,不過就只係搬咗個色彩繽紛o既甜品創作空間出黎,成個科學實驗室咁,都幾得意。

步入門前一刻已留意到門外o既廣告牌正推廣緊兩款白松露宴,埋位細看餐牌就明白兩者有何區別。「珍饌盛選」為六道菜,主菜為松露意粉,包有四克白松露,價錢為NT 2,988 + 10%;「極上盛選」則有七道菜,另加多咗一味波菜帶子,主菜為牛膝,包有十克白松露,價錢為NT 9,800 + 10%。XO仔身為松露迷一名,對松露意粉更加係情有獨中,故唔洗多諗即決定要一嚐前者o既六道菜「珍饌盛選」松露宴

食西餐時家人都總愛飲番兩杯,當晚就開咗枝香檳配佳餚。由於六人所點選o既菜式數目及項目都有所不同,單憑溫婉o既服務生呈上食物o既次序,已睇得出廚房對西餐禮儀都甚為講究,各部門互相都好有默契

1)      麵包籃:籃中合共有三款麵包,每三人一籃,即每人有三件。為怕引起食物過敏反應,小肥出門時都會盡量揀食自己知道屬安全o既白麵包及牛角包;暖手o既白麵包極之鬆脆,牛角包亦香軟非常。

2)      主廚精選小點:各人o既晚餐同由三款的骰o既小食作序。最左為「巴馬臣芝士蕃茄」,由兩片又薄又脆o既巴馬臣芝士夾住四方形o既蕃茄啫喱,咸咸酸酸都幾醒胃;個人覺得中間件「三文魚班戟」雖則夠軟熟,不過就好似有少少腥;最右嗰件「鵝肝車厘子」以車厘子包實一小件鵝肝,方便客人可一口過食落肚,概念其實好好,不過如果車厘子可以去埋皮,相信效果會更好。

3)      白松露培根水波蛋:離遠已聞到清幽o既松露香,腦海已唱出「魅力是無法擋,紅唇在為你張。。。」,當真令人精神為之一振。如相所示,雞蛋實屬流心,連同蛋底o既煙肉忌廉醬及麵包脆脆一齊食,入口更覺香脆軟滑,可真謂完美

4)      白松露南瓜濃湯:南瓜濃湯香滑甜美,濃而不溜,輕輕灑上幾塊白松露薄片已夠芬芳,盡顯簡單美。

5)      白松露細扁麵:形似浸緊松露泡泡浴o既意粉麵條煙韌彈牙,第一口細嚐時很是清香輕巧,不過其松露味越食越濃郁,味蕾上o既精靈彷彿慢慢地被喚醒,極為精彩細膩

6)      法式精緻小點:甜品小點同開胃小食一樣合共有三款,跟餐茶及咖啡上。先上枱有兩款蛋糕仔,即橙黃色o既「熱情果歌劇院蛋糕」(Passionfruit Opera Cake)及深啡色o既「朱古力撻」。「熱情果歌劇院蛋糕」清涼微甜,「朱古力撻」則香脆醇濃,雖說兩者無論喺顏色、口感定味道上都好大o既對比,食落卻又能互相輝映,妙哉!接著妹妹仔就小心翼翼地呈上一條上面插有多枝波板糖o既大擀麵棍。原來波板糖全為棉花糖,分別為黃色o既菠蘿味、橙黃色o既熱情果味及深紅色o既紅梅味;每條同為甜中帶酸,都幾消滯吓。

7)      白松露巧克力焦糖卷:以金箔及松露點綴o既兩條朱古力卷外層脆卜卜,內裡o既朱古力焦糖餡心則柔滑清甜,足以帶出淡薄o既松露香,甜而不膩,剛好為松露宴劃上一個完美o既句號。

感激堂細老o既精心推介,XO仔得以於訪台首晚親臨又潮又高級o既「STAY by Yannick Alléno」,享用咗一頓豐盛美味o既白松露美饌。幾位姨媽表妹對餐店美觀高質o既菜式讚口不絕之餘,大家更於過去幾個月介紹咗不少往台北旅遊o既親友幫襯,個個食完仲要有讚冇彈,真係好難得!
推介菜式: 巴馬臣芝士蕃茄,鵝肝車厘子,白松露培根水波蛋,白松露南瓜濃湯,白松露細扁麵,熱情果歌劇院蛋糕,朱古力撻,白松露巧克力焦糖卷
每人消費: 約4300新台幣 (晚餐)
評分: 味道4   服務5   環境4   衛生5   抵食4
  0 個留言    |  加入你的留言
2015北海道火車地鐡自遊五天行 (日本)
(旅程日期: 2015-10-21 至 2015-10-25 ,  旅程性質: 觀光攝影, 飲食購物, 消閒度假)
 整個旅程  (共5篇遊記)
 分享至Facebook 
發表日期: 2016-04-19

1025日(小雪):千歲

是次北海道之旅黎到尾聲,八人由天晴玩到落雨,到達新千歲機場仲落埋雪添,果真係天有不測之風雲!

正當一眾團友決定留喺酒店食早餐,小肥就再一次光顧「Ishiya Café」,決意一嚐名甜品「白い恋人蛋卷」做早餐。見時間多的是,食完就慢慢行返去酒店,會合團友一齊乘坐JR火車前往機場。

去到機場,姨媽們第一站就係要去買鱈場蟹做手信,姨丈則跟隨一團嬸嬸行咗去排隊買名芝士撻。哈,好彩姨丈走咗去買撻俾大家食,因為原來早咗到機場係冇得早啲辦理登機手續o既,結果我地邊食邊等。如果大家同我地一樣搭下午航班,又預鬆咗時間,不妨喺新千歲機場四周購物及遊覽後先去櫃檯度排隊。

喺機場買完最後幾輪手信,再食多餐海膽、蟹肉壽司飯,八人就乘坐香港航空HX693 航班飛回香港。
Ishiya Cafe
Ishiya Cafe
雪櫃
雪櫃
收銀處
收銀處
畫
靚燈
靚燈
咖啡
咖啡
白いロールケーキドリンクセット(800円)
白いロールケーキドリンクセット(800円)
白いロールケーキドリンクセット(800円)
白いロールケーキドリンクセット(800円)

早一日已經喺「Ishiya Café」食過人氣早餐超厚班戟,再一次黎目標亦定好為名甜品「白い恋人蛋卷」,由於對餐店環境都好熟識,所以一到步即上前落單並揀好個靚位坐

白い恋人蛋卷」單售594円,如果連飲品叫個「白いロールケーキドリンクセット」(譯:Shiroi Roll Cake Drink Set)套餐則為800円,因曾經聽講過咖啡有助消脂,小肥當然係揀有咖啡飲o既套餐啦

白い恋人蛋卷」真身同餐牌上o既圖片及廚窗內o既模型果真為十成相似!雪白色o既蛋卷不但美觀吸引,質感更加係又鬆又軟綿綿,就連入面o既忌廉都一樣芳香微甜幼滑,配上伴碟o既士多啤梨同雲尼拿雪糕食真係正爆
推介菜式: 白い恋人蛋卷,白いロールケーキドリンクセット
每人消費: 約800日圓 (早餐)
評分: 味道5   服務5   環境5   衛生5   抵食5
自由席車卡經常爆滿
自由席車卡經常爆滿
列車路線圖
列車路線圖
車卡內指示
車卡內指示

由於抵達日本當日由新千歲機場乘搭JR列車到札幌時,無論係購買指定席車票或找尋月台都一樣咁簡易方便,所以離開札幌嗰日,小肥就大安旨意諗住朝早買飛都唔遲,點知原來大錯特錯!去到售票處排隊時,抬頭一望已發覺即日前往新千歲機場o既所有列車o既指定席都已爆滿,八人最終唯有坐自由席車廂去機場。

如相所示,其實JR列車o既自由席同港鐵車卡差不多,除咗有座位,亦有企位。企喺度o既搭客要企穩之餘,仲要確保行李唔好轆黎轆去,以免影響到其他人,真係可以幾狼狽架

有過今次喺北海道搭JR咁多班車o既經驗,細佬可以話俾大家知,有得揀一定要加310円坐「頭等指定席U-Seat」,尤其係當手持行李時,因為指定席o既座位更為舒適,車廂前後亦有鐵架供乘客擺放大件細件o既行李,唔洗同人喺自由席迫,同爭位坐咁辛苦。
推介項目: 頭等指定席U-Seat
參觀時段: 早上
入場價錢: 每人1070日圓
評分: 值得去5  
北海道きたれん
北海道きたれん
新鮮海產
新鮮海產
冰鮮海產
冰鮮海產
冰鮮蟹
冰鮮蟹
店長先生即場打箱,變成行李
店長先生即場打箱,變成行李
鱈場蟹
鱈場蟹
毛蟹
毛蟹
打箱每盒另收300円,憑旅遊書仲可享九折優惠
打箱每盒另收300円,憑旅遊書仲可享九折優惠

港人愛遊北海道其中一個原因就係為咗要怒食海鮮,除咗魚生之外,要數人氣王當然係唔少得蟹啦!同其他海產一樣,蟹都分季節食,十月期間就以食鱈場蟹同毛蟹為主。屋企人中真係冇乜邊個唔食蟹,所以出發前長輩們已打算以蟹做手信。嘻嘻,多得細佬有本旅遊天書在手,八人抵達機場後即鎖定書中所介紹o既海產專門店「北海道きたれん」(譯音:Hokkaido Kitaren)為目標,為求要買到靚蟹返港。

商店「北海道きたれん」位於機場國內線大樓二樓,因手持門面相片,問路都容易好多。行到埋去店舖,店長一眼就認得出小肥手上o既超閃旅遊書,眼睛發亮o既同時,臉上亦充滿笑容,並熱情地推介店內不同產品。得知我地有意購買蟹隻回港,佢仲好詳盡地講解魚缸內o既活蟹必需要到港後兩小時內烹煮,二十四小時內食先可確保新鮮;而藏於冰雪內o既原隻熟蟹其實係捕獲後立即烚熟,返港後只要保持雪藏,四十八小時內食其味道都會一樣咁鮮。店長唔係好識講英文,不過店內有位精通普通話o既姐姐仔即場翻譯,大家溝通上絕冇問題。主婦們經過一輪商討後,最終決定聽取建議,購買已預先烚熟o既毛蟹同鱈場蟹各兩隻,並交由店長先生代為揀選及包裝。

店長先生非常落力,不但親自招呼客人,推銷海產,就連包裝、入箱等粗重功夫都落手落腳做埋,其手勢純熟精巧,大家對佢都非常之有信心!蟹隻售價比香港已經平好多,憑旅遊書仲可享九折優惠,雖然打箱每盒要另收300円,但係大家都話以機場價計可真謂超抵
推介項目: 毛蟹,鱈場蟹
參觀時段: 早上
評分: 值得去5  
Kinotoya
Kinotoya
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻
芝士撻食用方法
芝士撻食用方法
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻
「焼きたてチーズタルト」芝士撻

正當小肥陪伴幾位主婦去買蟹時,姨丈就獨自走咗去巡視其他店舖,當發現大樓內居然有條人龍買芝士撻,有少少肚餓o既佢就排埋一份。哈,咁啱企喺佢前面位嬸嬸原來又係準備返香港喎,二人同聲同氣,好自然地就傾起偈上黎。與嬸嬸閒聊間,姨丈知悉「Kinotoya」原來喺香港銅鑼灣Sogo都設有分店,嬸嬸都有排過隊去買,記得當時仲等咗成個鐘先有得食,故當見到新千歲機場條隊唔係太長時,諗都唔洗諗就要一試日本鮮焗o既版本。

八人中有兩位唔食芝士,每盒「焼きたてチーズタルト」(譯名:Freshly Baked Cheese Tart)芝士撻剛好為半打,1,080円一盒,啱啱好每人有一件,平均每件180円。新鮮焗製o既芝士撻屬半流心,外層為曲奇餅皮,香脆鬆化,芝士餡心軟滑輕巧,食完成件都唔覺溜滯,美味又抵食,唔怪得知喺香港分店門外長期都打哂蛇餅囉
推介菜式: 焼きたてチーズタルト
每人消費: 約180日圓 (其他)
評分: 味道4   服務4   環境4   衛生4   抵食5
高質海鮮丼 笑臉2016-04-19
きたみなと(Kitaminato)
きたみなと(Kitaminato)
梅酒(550円)
梅酒(550円)
生海膽丼(2,860円)
生海膽丼(2,860円)
蟹丼(2,040円)
蟹丼(2,040円)
烏冬
烏冬
炸蝦(640円)
炸蝦(640円)
炸雞翼(670円)
炸雞翼(670円)
燒豬扒丼(1,210円)
燒豬扒丼(1,210円)

辦妥好登機手續,將行李寄哂艙後,大隊都急不及待要搵野食。行返去國內線大樓三樓兜咗個圈,眼見大家都有不同喜好o既食品,團長就決定行入去舖位超大,陳列架上擺放出最多日菜模型o既「きたみなと」(譯音:Kitaminato)。

午餐時間,店舖已坐滿食客,和藹可親o既嬸嬸就安排八人入座一間大榻榻米房內,每邊有張四人枱,私隱度高,地方又闊落,仲冇最低消費添,雖然要除鞋,不過都冇人投訴。

餐牌圖文並茂,日英對照,簡單易明,同服務生講唔掂都可以用手指指出。可能成朝都忙於搬運行李,突然飯癮起,所以一口氣就叫咗幾個招牌海鮮丼黎分

1)      生海膽丼(2,860円):如相所示,飯面佈滿金黃色o既海膽,美艷吸睛,入口更覺鮮味溢滿口腔,香軟濃郁,超正!

2)      蟹丼(2,040円):蟹丼亦為一絕,蟹肉份量同海膽丼一樣咁足,雪白幼嫩,高質清香,新鮮甜美,冇得頂呀!喺機場食二千円一碗,價錢真係算合理架啦。

3)      燒豬扒丼(1,210円):熱食o既燒豬扒丼新鮮熱辣,香口脆薄,惹味可口,同樣咁掂當!

4)      炸雞翼(670円):炸雞翼其實似燒雞翼多啲,皮層香脆,肉質嫩滑,送酒一流。

5)      炸蝦(640円):反而炸蝦就唔係咁得啦,雖然蝦隻炸得好夠乾身,但其炸漿過厚,蝦隻又唔得爽脆,屬失色之作也。

推介菜式: 蟹丼,生海膽丼,炸雞翼,燒豬扒丼,梅酒
每人消費: 約1800日圓 (午餐)
評分: 味道4   服務5   環境5   衛生5   抵食4
Royce Chocolate World
Royce Chocolate World
Magical Road
Magical Road
哆啦A夢空中樂園SKY PARK
哆啦A夢空中樂園SKY PARK
哆啦A夢DIY工作坊
哆啦A夢DIY工作坊
哆啦A夢波子汽水味軟雪糕
哆啦A夢波子汽水味軟雪糕
哆啦A夢精品店
哆啦A夢精品店
哆啦A夢空中樂園SKY PARK
哆啦A夢空中樂園SKY PARK
新千歲機場離境排長龍
新千歲機場離境排長龍

酒店正常退房時間為中午時份,不過肥肥家族有位心急大少,去親旅行都會食完早餐就去機場,每次都必定有足夠時間加料買手信零食、慢用午餐、及四周探索。雖則今次有旅遊書在手,一早更預咗要暢遊新千歲機場內幾個觀光景點,但因未能掌握出境所需時間,故亦只能快速喺門外拍照留念,未能久留玩樂

大家要先留意一點,喺日本北海道新千歲機場內,各大航空公司要根據航班出發時間輪流用大堂內少量o既櫃台為搭客辦理登機手續,亦即係話如果太早去到絕對有機會要等好耐;加上下午離境區人龍頗長,輪候時間冇一個鐘都起碼大半個鐘,故小弟建議大家盡量揀坐夜機,朝早同下午可以盡情喺機場食個夠同玩到顛先佗佗佻佻地走。

由於自己未有足夠時間喺各景點逗留,實難作出詳述評論,喺度只好簡單列出兩個主景點及其吸引之處作吧:

1)      Royce’ Chocolate World(www.royce.com/contents/world) - 此乃名朱古力品牌Royce所建立o既博物館、朱古力工場、及大型朱古力店,各區同為免費入場;有得睇、有得玩、仲有得食,店內更有多款限定紀念品及糖果款式,絕不能錯過,最少要喺度留一個鐘頭。

2)      哆啦A夢空中樂園SKY PARK(http://www.new-chitose-airport.jp/tw/doraemon/) - 相信哆啦A夢由「叮噹」時代開始已經陪伴住不少香港人長大,XO仔都係其中一個,所以當喺新千歲機場發現到處都有「圓圈加一點,圓圈加一點,下面畫枝波板糖再畫個呼拉圈。。。」o既影子時,感覺分外親切。機場內o既哆啦A夢主題公園除咗有小型遊樂場同精品店之外,園內亦設有益智o既圖書館、哆啦A夢紀念手藝品DIY工作坊、多部貼紙相機、夾公仔機等。如果大家唔夠時間入去主題咖啡室度坐,記緊行過門前都要一試粉藍色o既波子汽水味軟雪糕呀!

推介項目: Royce’ Chocolate World,哆啦A夢空中樂園SKY PARK,波子汽水味軟雪糕
參觀時段: 全日
評分: 值得去5  
小雪
小雪
香港航空 HX693商務座位
香港航空 HX693商務座位
餐牌
餐牌
火腿片配粟米告士羅沙律
火腿片配粟米告士羅沙律
成個餐最好食係個包
成個餐最好食係個包
恐怖扒雞配蕃茄汁配薯仔及西式時菜
恐怖扒雞配蕃茄汁配薯仔及西式時菜
熱咖啡
熱咖啡
日式和菓子
日式和菓子

八人乘搭香港航空HX693返港,窗外雖然落住小雪,幸好航班都只係稍微有延誤,安排十分妥當

航機下午四點多起飛,晚上九點左右抵港,飛行時間約六個鐘頭,包有晚餐服務。客機商務機艙同黎o既時候一模一樣,都係咁闊落舒適,空中小姐同樣客套有禮,唯一最大分別就係食物質素遠遠不及第一程咁好

1)      餐包:鬆軟暖手o既餐包可以話係整餐之最。

2)      頭盤之「火腿片配粟米告士羅沙律」:軟薄o既火腿片尚算香濃,不過帶點酸味o既粟米沙律就唔係咁啱細佬口味啦!

3)      主菜之「扒雞配蕃茄汁配薯仔及西式時菜」:主菜雞扒不但偏嚡同乾,個蕃茄汁仲要又咸又酸;雖然隔幾日就到鬼節,不過都唔洗咁恐怖掛。。。

4)      甜品之「日式和菓子」:和菓子o既綠茶味外層頗為清香,不過入面o既紅豆蓉就好似過甜咗少少,唔係小肥杯茶囉。

 

每人消費: 約6850港元 (晚餐)
評分: 味道2   服務4   環境5   衛生4   抵食5
  0 個留言    |  加入你的留言
2015北海道火車地鐡自遊五天行 (日本)
(旅程日期: 2015-10-21 至 2015-10-25 ,  旅程性質: 觀光攝影, 飲食購物, 消閒度假)
 整個旅程  (共5篇遊記)
 分享至Facebook 
發表日期: 2016-03-11

1024日(小雨):札幌

今次北海道之旅頭三日都天清氣朗,咁啱細佬又編排好天晴o既日子去哂最遠同較多戶外走動o既觀光地點,到第四日落出雨時,大家都可以留返喺札幌,好佗佻地慢慢食、慢慢行、同慢慢睇

札幌地鐵極之方便,每人手持一張一日乘車券就可以全日任搭唔嬲。八人朝早先喺生產「白い恋人」o既北海道名朱古力廠「石屋製菓」開設o既「Ishiya Café」度食咗個人氣早餐,接著就起行去其主題公園「白い恋人パーク」(譯音:Shiroi Koibito Park)。喺公園玩咗一個早上後,就返回酒店附間一家專門食蟹o既「かに本家」(譯音:Kani Honke)食咗個全蟹宴午餐。

午後剩餘o既時間大家都忙於購物,行到攰先坐低飲咗個下午茶。由於XO仔晚上已準備好獨自參加探戈舞會,安頓好長輩們食壽司晚餐後,自己就簡單食咗個熱狗就去咗跳舞,盡興後先返回酒店
Ishiya Cafe
Ishiya Cafe
大廳內合併式o既方形散枱
大廳內合併式o既方形散枱
拍窗一列獨立高櫈位
拍窗一列獨立高櫈位
日文餐牌
日文餐牌
包點及熱飲
包點及熱飲
超厚班戟(864円)
超厚班戟(864円)
Medium Cafe Guanduja(411円)
Medium Cafe Guanduja(411円)
自助餐具及器皿回收處
自助餐具及器皿回收處

黎到日本主要都係食、買、,所以訂酒店都專登唔要早餐,一早已計劃好其中一朝要去同「白い恋人」有關o既「Ishiya Café」度食人氣早餐之超厚班戟。

「Ishiya Café」位於大通地鐵閘口旁,對上班一族尤其方便,難怪面積咁廣,店內更設有間可容納十二人o既吸煙房。至於非吸煙區就有拍窗一列獨立高櫈位、大廳內合併式o既方形散枱、及門外地下街旁o既圓枱散座,氣氛輕鬆自在

咖啡室屬半自助式經營,食物可從雪櫃中提取或點選,如有需要可向服務生索取英語餐牌,食客落好單就會取得號碼牌,揀好位坐,等食物準備好就會有位靚女姐姐續一呈上。餐具及清水可於收銀處個雪櫃隔離攞,食後亦請各位客人自行退回器皿及棄掉垃圾。

團友對早餐o既要求各有不同,不過大多都係要熱飲同包點。XO仔既然係為咗特厚班戟而黎,當然係要點夠兩份同大家分享啦!人氣班戟每客864円,一客兩件,每件雖然同様厚身,入口卻鬆軟非常,新鮮熱辣,配埋杯香濃o既熱朱古力咖啡做早餐,結果每人一千円有找,肯定抵食又好味過食酒店啲自助早餐多多聲呀!
推介菜式: 特厚班戟
每人消費: 約640日圓 (早餐)
評分: 味道5   服務5   環境5   衛生5   抵食5
週末一日乘車券(520円)
週末一日乘車券(520円)
大通車站內指示清晰
大通車站內指示清晰
大通車站內指示清晰
大通車站內指示清晰
宮の沢車站內可見仔細地圖
宮の沢車站內可見仔細地圖
宮の沢車站內有前往白い恋人公園的指示
宮の沢車站內有前往白い恋人公園的指示
宮の沢車站內有前往白い恋人公園的指示
宮の沢車站內有前往白い恋人公園的指示
宮の沢車站內有前往白い恋人公園的指示
宮の沢車站內有前往白い恋人公園的指示
喺札幌搭地鐵比東京簡易得多,除咗線路少啲,指示亦更為清晰。由於每程最低消費為200円,如果週末或假日會以地鐵代步,又最少會搭上三程車,大家不妨好似我地咁,買張一日乘車券,520円就可以搭足一日。
參觀時段: 全日
入場價錢: 每人520日圓
評分: 值得去5  
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
白い恋人パーク
必買白い恋人蛋糕!
必買白い恋人蛋糕!

北海道名朱古力夾心餅乾「白い恋人」真係食唔少,黎到原產地當然係要一遊其主題公園「白い恋人パーク」(譯音:Shiroi Koibito Park)啦

公園離地鐵站只需步行八分鐘左右就到,街道上四周都可見指示牌,不過由於當日雨勢漸大,大肥手持o既GPS又帶錯路,結果八人就跳咗上兩架的士,三分鐘即到,就連最懶o既大肥爸爸都覺得有點兒過份。可能的士司機已接載過不少迷路o既遊客,故態度仍能保持客套有禮。

「白い恋人パーク」外型好似個城堡咁,外牆有靚花鐵欄及紅葉大樹圍繞,壯觀宏偉。鐵欄後面又有溫室又有花園,處處可以聞到花香,睇到嬌艷o既花卉。

如要參觀工廠及「白い恋人」生產過程就必需繳付成人六百円一位o既入場費。除咗有得睇,當然係有得食啦!園內有個朱古力吧「チョコレートラウンジ」(譯音:Chocolate Lounge),提供精美蛋糕、芭菲甜品、朱古力特飲等,食早餐同下午茶去就最啱。如果時間有限,又想一試園內製甜點飲品,其實仲可以去外賣店「テイクアウトコーナー」(譯音:Takeout Counter)及雪糕屋「ソフトクリームハウス」 (譯音:Soft Cream House)買軟雪糕或朱古力特飲,一邊行一邊食。

主題公園當然唔少得商店啦!除咗可以買到著名o既「白い恋人」餅乾之外,亦可選購多款糖果、蛋糕、朱古力等,二樓仲有一系列精緻o既文具及紀念品添,不容錯過

參觀時段: 早上
入場價錢: 每人600日圓
評分: 值得去5  
白い恋人公園四周可見紅葉
白い恋人公園四周可見紅葉
紅葉
紅葉
紅葉
紅葉
紅葉
紅葉
紅葉
紅葉
紅葉
紅葉
紅葉結滿果實
紅葉結滿果實
紅葉結滿果實
紅葉結滿果實
遊客春天夏天去北海道都愛賞花觀薰衣草田,八人到訪時剛巧踏入秋季,應為紅葉盛放時,可惜早一日喺富良野卻未能一睹滿山染紅。真係冇諗到大家居然會喺前往及離開「白い恋人公園」途中,喺街道上可以見到壯麗o既紅葉,並發現到原來躲於紅葉下有多粒細小o既紅色果實,總算有幸見識過
參觀時段: 早上
評分: 值得去4  
かに本家(譯音:Kani Honke)
かに本家(譯音:Kani Honke)
四周可見真蟹同假蟹
四周可見真蟹同假蟹
廂房及服務生松本嬸嬸
廂房及服務生松本嬸嬸
滿枱是蟹的餐牌及餐具
滿枱是蟹的餐牌及餐具
散叫清酒及蟹肉壽司
散叫清酒及蟹肉壽司
兩款蟹宴均有的豆腐前菜、刺身、沙律及甜品
兩款蟹宴均有的豆腐前菜、刺身、沙律及甜品
大雪會席(5,050yen)
大雪會席(5,050yen)
日高會席(4,000yen)
日高會席(4,000yen)

應契妹友人推介,喺札幌特意訂座一試離酒店極近o既食蟹專門店「かに本家」(譯音:Kani Honke)。

「かに本家」獨佔整座大廈,離遠都可以望到大廈頂上o既招牌,不難找到。食店大堂為接待及候座處,腳下綠色o既地毯,配上兩旁o既活蟹水池、木造o既橫樑及傢俬,大自然氣息濃烈,悠閒寫意。店內不設散座,每層只有不同大小o既tatami廂房,故食客乘搭升降機上樓前必先除鞋。

每間房都有專人招待,我地房內位松本嬸嬸英語水評不高,只可跟小肥以簡單o既日語溝通。嬸嬸喺言語間跟細佬o既對答可以話係佢最客氣o既表現,口中不斷用上敬語,因為除咗跟大家打招呼o既第一刻叫做有啲笑容之外,其黑面o既表情及不耐煩之態度實在差劣,就連呈上食物時亦極為急速及嘈吵,砰砰彭彭,當真令全枱人都極度不滿。雖則如此,但因不知嬸嬸家中是否有不愉快事情發生,或之前是否受到其他食客惡意對待,八人最終決定不作出投訴,以免喺如此經濟不境o既狀況下打爛人地個飯碗。

店子乃蟹肉專門店,午市套餐當然全為蟹宴,全體人當日就主攻款色較多o既「大雪會席」(連稅每客5,050円)及「日高會席」(連稅每客4,000円)。由於兩款蟹宴中有四樣食品相同,靚靚媽咪胃口又細,XO仔結果試勻哂所有菜式。綜合各人意見,對男士黎講一個套餐絕對夠飽,不過女士們就覺得可以兩個人分一客。此外,蟹肉菜式雖屬優質,當中以刺身、蟹蓋、及蟹粥最為甜美,但前菜、沙律、同甜品就頗為失色;前菜大多唔夠調味,甜品則如相所示,唔好睇又唔好食。「日高會席」中有一味叫「奶汁烤蟹肉」,其味道香濃得黎過於溜滯,八個人分三客好勉強先食得哂,所以個人會見議大家可以三人分兩客套餐為標準去點選食物。

全蟹宴午餐平均每人五千円有找,食物優質飽肚,原本真係幾抵食,不過整頓午膳要受到松本嬸嬸不甚禮貌之對待,真係食龍肉都背脊骨落,故在此亦不能不狠狠扣下分數,以示不滿。
每人消費: 約4704日圓 (午餐)
評分: 味道3   服務1   環境4   衛生4   抵食3
Sapporo Sweets Cafe
Sapporo Sweets Cafe
Sapporo Sweets Cafe
Sapporo Sweets Cafe
蛋糕雪櫃
蛋糕雪櫃
吊燈
吊燈
蛋糕下午茶餐每客756円
蛋糕下午茶餐每客756円
朱古力蛋糕
朱古力蛋糕
士多啤梨蛋糕
士多啤梨蛋糕
Iced Cafe Latte(600円)
Iced Cafe Latte(600円)

喺日本真係唔洗驚會餓親,有商店o既地方就好容易搵到有甜品食o既地方,就連地下街亦不例外,「Sapporo Sweets Café」就係其中一間。

咖啡屋以紅、白色裝潢,簡潔明亮,感覺甜得黎坐下一刻已想點食士多啤梨同忌廉。年輕o既店員面帶笑容,且溫文儒雅。

媽咪三姊妹每人單點咖啡一杯,見連蛋糕都只係加百幾円,XO仔同Auntie R就每人叫咗客精選蛋糕下午茶餐。我地專登叫咗兩件唔同口味o既蛋糕黎分,一件朱古力,另一件士多啤梨;前者糕身似布朗尼般濕潤厚身,後者則鬆軟幼滑,兩者同屬微甜可口。有靚蛋糕食,又有好咖啡飲,每人一千円有找真係抵
每人消費: 約673日圓 (下午茶)
評分: 味道4   服務4   環境4   衛生4   抵食5
danish Barデニッシュバー
danish Barデニッシュバー
danish Barデニッシュバー
danish Barデニッシュバー
デニッシュドッグ(Danish Dog)
デニッシュドッグ(Danish Dog)
デニッシュドッグ(Danish Dog)
デニッシュドッグ(Danish Dog)

跳舞激的話絕對可算為劇烈運動o既一種,故跳前不適過量進食,小肥因晚上準備參加探戈舞會,所以就選擇咗兩小時前簡單咁喺車站入面一間外賣小食店「danish Barデニッシュバー」度買咗條熱狗做晚餐

一分錢一分貨,二百円一條酥皮熱狗不但中間條腸仔偏幼,就連層酥皮麵包都薄身過人,不過起碼味道唔差,而且一啲都唔油膩,只係食完成條都仲幾肚餓吓,個人覺得有點兒過份輕巧囉。
每人消費: 約200日圓
評分: 味道3   服務3   環境3   衛生3   抵食3
地下鉄「大通西18丁目」駅
地下鉄「大通西18丁目」駅
地下鉄「大通西18丁目」駅4番出口
地下鉄「大通西18丁目」駅4番出口
阿根廷探戈舞會通告牌
阿根廷探戈舞會通告牌
阿根廷探戈舞會會場門牌
阿根廷探戈舞會會場門牌

XO仔近年愛上阿根廷探戈,學藝快將有四年,自覺外遊都應該去見識吓唔同國家o既舞會,所以今次去北海道前,已一早打聽過札幌o既舞會詳情。得知市內跳舞人數不多,亦只有週五晚一場舞會,細佬就特意抽空出席。

舞會於舞蹈室舉行,一群十多人可真係超級友善,見到生面口o既小肥,在場人士不但續一上前自我介紹,並興致勃勃地閒聊及送上酒品及小食,好客非常!小圈子相處極之融洽,歡樂笑聲滿場,暖意洋溢,細佬感到極度受歡迎,道別後其中三人更陪同前往地鐵站,實在令小弟感激不已!真係好希望他朝一眾新朋友來港旅遊,XO仔可以同一本地一班跳舞發燒好友回敬佢地親切o既禮待
參觀時段: 晚間
入場價錢: 每人2500日圓
評分: 值得去4  
  0 個留言    |  加入你的留言
2015北海道火車地鐡自遊五天行 (日本)
(旅程日期: 2015-10-21 至 2015-10-25 ,  旅程性質: 觀光攝影, 飲食購物, 消閒度假)
 整個旅程  (共5篇遊記)
 分享至Facebook 
發表日期: 2016-02-25

1023日(天晴):富良野

深知早一日喺小樽o既行程對年長o既團友們黎講會有啲勞累,所以第三日小肥就專登編排去遠少少o既富良野度賞花觀葉,順便吸取大自然o既靈氣

朝早八點離開酒店,到達富良野已差不多係午飯時間,所以八人就直接行咗去離火車站只有五分鐘路程o既「くまげら」(譯音:Kumagera)度食晏。食完個超正o既生和牛丼後,大家就決定晚餐再返轉頭試埋佢個和牛火鍋。

嘩,淡季o既富良野可以用鳥無人煙黎形容,街道上真係人影都冇隻。由於旅遊景點都隔得好遠,我地結果都只係行咗去較近o既市集「Furano Marche」買手信,跟住就搭車去上富良野度賞花。

往返札幌o既列車班次唔多,八人飯後就喺車站旁邊o既咖啡屋「我夢舍樂」度一邊飲咖啡,一邊等火車。

節奏超慢o既富良野一日遊剛好給予團友們回氣o既機會,為接住忙碌o既一天作好準備

JR 車票及時刻表
JR 車票及時刻表
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站
JR北海道 富良野車站

由札幌搭JR火車去富良野中途必需轉車,中轉站可選旭川或滝川,XO仔都係應售票姐姐推薦先揀後者滝川。由於來回都要坐成兩個幾鐘頭車,晨早八點出發都可以喺車廂度眠一眠,總算唔係太辛苦。

富良野車站比起札幌站真係細好多,不過站內卻又擺出更多歡迎光臨o既字句及公仔,就連梯級都劃出富良野最具代表性o既薰衣草園,極為可愛!

坐火車原本其實真係幾佗佻,不過回程時卻因只有三分鐘轉駁列車時間,年長o既團友們都顯得急躁不安,幸好大家有驚無險,剛剛好趕得切
入場價錢: 每人8720日圓
評分: 值得去3  
くまげら
くまげら
くまげら
くまげら
くまげら
くまげら
超甜富良野粟米(500円/一條)
超甜富良野粟米(500円/一條)
燒熊肉(1,800円),鹿肉(2,650円),牛腸(700円)
燒熊肉(1,800円),鹿肉(2,650円),牛腸(700円)
富良野生和牛丼(1,980円)
富良野生和牛丼(1,980円)
酒蒸生蠔(1,100円/三隻)
酒蒸生蠔(1,100円/三隻)
雪みつ(500円)
雪みつ(500円)

餐廳「くまげら」(譯音:Kumagera)以富良野市鳥「黑啄木鳥」起名,除咗餐牌及咭片上可見其黑色啄木鳥o既標誌之外,店內亦有不少雀鳥公仔。食店雖離富良野JR車站不遠,但其躲於住宅區內o既門面於白天並不明顯,外牆底部以石仔砌成,頂部則被攀藤圍繞,行近啲睇先發覺藤上結有葡萄果實,即攀藤乃葡萄樹也。店子室內一樣極富大自然氣味,其中一間廂房以石仔建出圍牆,天花又用上樹枝裝飾,就連餐桌都用上木同磚造出,果真獨一無二。上網查看過資料,得知店主刻意用上市內最具代表性o既一點一滴去裝潢四周,菜式亦用上各種富良野特產烹調,務求食客可盡情享受富良野o既一切,有意思得很

餐館睇落似屬家庭式經營,服務生英語能力有限,好彩餐牌有中又有英,講唔通點菜都可以用手指指出。原本大家主要都係想食鎮店生和牛丼,但當睇到有熊肉同鹿肉食時,就算叫一客八個人其實每人都只係有一小件,價錢一啲都唔貴,好奇心就驅使小肥每樣叫咗一客黎試:

1) 富良野生和牛丼(1,980円):鮮紅色o既生和牛薄片香軟嫩滑,簡單淋上甜甜o既醬油加白飯黎食果真係極品,一人一碗都絕對可以再encore。

2) 燒熊肉定食(1,800円):深色o既燒熊肉賣相唔係好得,食落又嚡又韌,不吃也吧。

3) 燒鹿肉定食(2,650円):燒鹿肉同燒熊肉一樣唔好睇又唔好食。

4) 富良野粟米(500円/一條):鮮黃色o既粟米又爽又甜又多汁,超正!

大家食完正爆o既富良野生和牛丼都大感意猶未盡,外出天氣寒冷,餐牌上o既和牛火鍋實在吸引,所以未離開已決定夜晚黑再返黎食多餐,仲即場訂埋位添
推介菜式: 富良野生和牛丼,富良野粟米
每人消費: 約2966日圓 (午餐)
評分: 味道4   服務5   環境5   衛生5   抵食5
Furano Marche
Furano Marche
Furano Marche
Furano Marche
Furano Marche內的南瓜車
Furano Marche內的南瓜車
富良野五条通り
富良野五条通り
富良野五条通り
富良野五条通り
踏入秋季,繁花不再盛放,頂多只有紅葉睇,賞花勝地富良野亦進入淡季,街道上一個人都冇,真係幾驚嚇架。唯一叫做有人流o既就只有中央o既市集廣場「Furano Marche」。靜寂o既廣場有雪糕店、有咖啡店、亦有商店,不過當中最吸睛可算係晚上會著燈o既南瓜車。
參觀時段: 下午
評分: 值得去3  
Flower Land
Flower Land
薰衣草
薰衣草
Flower Land 溫室
Flower Land 溫室
Flower Land 溫室
Flower Land 溫室
薰衣草軟雪糕(200円)
薰衣草軟雪糕(200円)
薰衣草軟雪糕(200円)
薰衣草軟雪糕(200円)
富良野大熊
富良野大熊
富良野鹿
富良野鹿

大多人去北海道都會以自駕代步,由於觀花好地點分隔得都幾開,自己揸車的而且確更為方便。因團友中未有人有國際車牌,一行八個人又最少要有兩個做柴可夫,適奉淡季估計去一個較近o既景點「Flower Land」(富良野花園)都已足夠,所以今次就棄選租車,喺火車站門口搭的士就算

果然不出所料,花田上花朵不多,只有溫室內可見多盆色彩艷麗o既小花,幸好有緣一睹薰衣草,總算不枉此行。溫室旁o既商店售賣多款紀念品,當中大多同花有關,不過亦有好多其他富良野土產,如薰衣草朱古力、洋蔥湯、馬油、粟米糖、店中仲有兩隻大熊同鹿公仔陪旅客影相,大家都叫做有啲收穫啦。店子另一邊為食堂,免費送贈熱薯俾客人,不過要用牛油或飲野就要俾錢買。最引人注目o既應該係粉紫色o既薰衣草軟雪糕,甜筒單售200円,薰衣草喺口腔內溶化,微甜清香,清新又涼快,爽呀!
推介項目: 薰衣草軟雪糕
參觀時段: 下午
入場價錢: 每人0日圓
評分: 值得去4  
車票
車票
JR上富良野車站
JR上富良野車站
JR上富良野車站
JR上富良野車站
JR北海道海報
JR北海道海報
上富良野景色
上富良野景色
上富良野景色
上富良野景色
正當大家以為JR富良野車站比JR札幌站更為簡陋,去埋JR上富良野車站就會知道點先算係荒蕪o既車站。JR上富良野車站細小o既售票處及候車室只有牆上JR公司o既海報裝潢,簡單過簡單。列車軌道亦只有來回兩條,等車時仲好似細個睇過嗰啲日本卡通片中咁聽到烏鴉叫,感覺真係幾荒涼
參觀時段: 下午
入場價錢: 每人720日圓
評分: 值得去3  
くまげら
くまげら
くまげら
くまげら
中英對照餐牌:富良野和牛菜式
中英對照餐牌:富良野和牛菜式
富良野和牛涮涮鍋(3,900円)
富良野和牛涮涮鍋(3,900円)
芝士豆腐(500円)
芝士豆腐(500円)
富良野和牛牛舌(2,900円)
富良野和牛牛舌(2,900円)
富良野和牛牛排 (4,300円)
富良野和牛牛排 (4,300円)
生魷魚(1,500円)
生魷魚(1,500円)

晚上返回「くまげら」,店子有燈光照明下明亮及起眼得多,六點左右已坐滿客人。話明晚餐係要黎食埋其他富良野和牛菜式,一坐底就立刻叫齊和牛火鍋、和牛牛排、和牛牛舌,另加兩款推介小食:

1) 富良野和牛涮涮鍋(3,900円):用作打邊爐o既生和牛片明顯不及午餐丼物中o既生和牛鮮紅,但勝在白色o既油脂分佈均勻,煮熟咗一樣咁香軟幼嫩,生熟兩吃同樣出色

2) 富良野和牛牛舌(2,900円):和牛牛舌切得好夠薄,軟腍美味。

3) 富良野和牛牛排 (4,300円):單睇相片可能會覺得和牛牛排賣相麻麻,但入口卻又並非過份油膩,肉質軟熟得黎極富肉香。

4) 生魷魚(1,500円):可能因為食咗成日肉,魷魚食落去特別爽脆鮮甜
推介菜式: 富良野和牛涮涮鍋,富良野和牛牛舌,富良野和牛牛排,生魷魚
每人消費: 約3840日圓 (晚餐)
評分: 味道5   服務5   環境5   衛生5   抵食5
我夢舎楽
我夢舎楽
我夢舎楽
我夢舎楽
我夢舎楽
我夢舎楽
我夢舎楽
我夢舎楽
我夢舎楽
我夢舎楽
熱茶
熱茶
熱茶計時沙漏
熱茶計時沙漏
熱咖啡
熱咖啡

飯後距離乘坐列車仍有成個鐘,行經車站旁邊o既咖啡屋「我夢舎楽」時就決定走上去飲返杯咖啡消下滯

小店位於二樓,必需行上樓梯。店內貼滿屋主鬍鬚叔叔多年o既照片,包括一家幾口o既幸福靚相、年輕時留長頭髮o既時髦相,歲月留下o既足印很是精彩。「我夢舎楽」就好似一間溫馨小舍咁,由鬍鬚叔叔續一手調香濃o既熱咖啡及熱茶招呼旅客,溫情洋溢,令等待o既時間都過得特別快。
推介菜式: 熱咖啡
每人消費: 約400日圓 (宵夜)
評分: 味道5   服務5   環境4   衛生5   抵食5
  0 個留言    |  加入你的留言
2015北海道火車地鐡自遊五天行 (日本)
(旅程日期: 2015-10-21 至 2015-10-25 ,  旅程性質: 觀光攝影, 飲食購物, 消閒度假)
 整個旅程  (共5篇遊記)
 分享至Facebook 
發表日期: 2016-02-16

1022日(天晴):小樽

只有五日遊北海道,年長o既團友們又唔可以過份操勞,所以小肥要好小心去揀選觀光景點、交通工具、用膳餐廳及控制時間。第一日先喺札幌市中心瘋狂購物,第二日就決定搭半個鐘頭JR火車去遠少少o既小樽,貪佢地方夠細,又有條聞名日本海外o既壽司街,景點夠集中,唔想行路都可以跳上循環巴士代步。

為咗要避開上班返學車站o既繁忙時間,八人由酒店隔離o既札幌站乘坐早上九點十三分班JR列車前往小樽。到步後,即轉乘市內o既循環觀光巴士前往最遠o既地標食早餐,然後就慢慢沿住條主街一邊瀏覽、一邊試食、一邊狂購。當日都食得真係夠誇張,中午未到,先喺「北の漁場」即買即食鱈場蟹及壽司小食,跟住就轉場去「壽司街」離巴士站較近o既「旭壽司」度豪食魚生;行到天黑,小肥仲要拉大隊去小樽名芝士蛋糕及朱古力店「LeTao」度嘆返個下午茶先肯離開。喺小樽度過大半日,雖然當中都有哈碌地搭錯車,幸好團友都大感意猶未盡,仲話下次如果再黎一定要過一晚夜添,XO仔總算冇令大家失望。

Starbucks Stellar Place Sapporo
Starbucks Stellar Place Sapporo
Starbucks Stellar Place Sapporo
Starbucks Stellar Place Sapporo
Starbucks Stellar Place Sapporo
Starbucks Stellar Place Sapporo
十月推出之雜莓特飲
十月推出之雜莓特飲
十月推出之雜莓特飲
十月推出之雜莓特飲
十月推出之雜莓特飲
十月推出之雜莓特飲
Fruit Crush & Cream Frappuccino Blended Juice Drink
Fruit Crush & Cream Frappuccino Blended Juice Drink
單據
單據

不知從那天起便戀上士多啤梨特飲,每次去到草莓國日本都會被其紅色o既靚影包圍,甜品店同咖啡店總不乏草莓味產品,淨睇已教人興奮莫名

其實第一日已察覺到札幌日航酒店旁邊o既Stellar Place商場地下有間「星巴克咖啡店」,收銀機旁仲有個火紅色o既廣告牌正在推廣緊鮮果特飲,所以一早已計劃好第二朝早坐火車前要孖大肥一齊嘆返杯雜果凍飲

咖啡店除咗店員有善客套之外,就連客人都一樣咁合作有禮;排隊時服務生已呈上餐牌供食客參閱,顧客睇完仲會自動傳俾排喺後面o既人。年輕o既咖啡師熟手又乾淨,帶哂手套,感覺極之衛生。十月開始推出o既時令雜莓味特飲「Fruit Crush & Cream Frappuccino Blended Juice Drink」顏色鮮美,飲落清新香甜,清爽涼快
推介菜式: Fruit Crush & Cream Frappuccino Blended Juice Drink
每人消費: 約594日圓 (早餐)
評分: 味道5   服務5   環境4   衛生5   抵食4
札幌往小樽來回車票
札幌往小樽來回車票
JR札幌車站一番線月台
JR札幌車站一番線月台
JR小樽車站月台
JR小樽車站月台
JR快速列車內之指定席
JR快速列車內之指定席
列車內手提電話請轉用靜音模式
列車內手提電話請轉用靜音模式

由札幌日航酒店行去JR站只需五至八分鐘,閘口兩邊都有電動售票機供搭客自行購票,如有任何查詢,機旁有位靚女姐姐可以提供協助,不過語言不通唔緊要,因JR公司於西邊出口設有「JR外籍旅客服務處」,入面長期有幾位懂得以外語溝通o既職員駐守。買飛時記緊要先查列車是否有指定席,幾百円絕對抵加錢坐,因繁忙時間有多條線路只設自由席,搵位甚艱難。

其實要遊遍北海道多個城市,坐JR可算最為舒適快捷,由札幌往小樽全程半個鐘左右,去遠啲o既富良野就要兩個幾鐘,其他北海道溫泉熱點都有站,去到邊車站門口都必定有的士,非常方便。長途車好多人都會乘機眠一眠,唔怪得知手提電話喺車廂內必需轉為靜音。
入場價錢: 每人1280日圓
評分: 值得去5  
小樽散策巴士(小樽駅前方)之詢問及購票處
小樽散策巴士(小樽駅前方)之詢問及購票處
小樽散策巴士一日乘車券
小樽散策巴士一日乘車券
小樽散策巴士於小樽駅前方的站
小樽散策巴士於小樽駅前方的站
小樽散策巴士路線圖
小樽散策巴士路線圖
小樽散策巴士
小樽散策巴士
小樽散策巴士
小樽散策巴士
小樽散策巴士之站牌列出時刻表及路線圖
小樽散策巴士之站牌列出時刻表及路線圖
小樽散策巴士
小樽散策巴士

細閱超閃旅遊書得知小樽市觀光點範圍不大,溫馨提示中指出,要節省時間喺一日內去哂咁多地方可選搭「小樽散策巴士」循環巴士線。巴士站及詢問處就喺小樽駅前方,步行一分鐘即達。正如書中提到,不論遠近,巴士每程220円,如果諗住會起碼搭四次的話,當然係購買750円o既「一日乘車券」最為化算啦!編好必到地點及行程大綱,再上網查核過巴士o既時間表,覺得要年長o既團員快速移動只有乘搭循環巴士,所以未出發前已決定以循環觀光巴士代步一日盡遊小樽。

於巴士站詢問處內工作o既嬸嬸只可以話係略懂英語,幸好XO仔事前做足資料搜集,又能用上「下手」(即唔係咁叻)o既日文加手語搭救,先勉強明白對話,叫做抺咗一把汗。原來「一日乘車券」係一張刷刷卡,搭客要自行刷出當日日期,並於每次落車前顯示俾車長過目。

小樽散策觀光巴士外型好似個火車卡咁,上半截為墨綠色、下半截為鮮紅色。單層o既木造座位高身簡潔,撞啱淡季時份冇乜人坐,我地八個人大袋細袋更可以每人霸一行,舒服過坐的士。每個巴士站都有個橙色o既站牌,牌上列有時間表及巴士路線,資料明確,巴士亦超級準時,令旅客可更容易掌握時間及規劃行程。

手持「一日乘車券」於合作商店同餐廳購物或用膳可享額外優惠。此外,乘車券亦包乘搭天狗山線、水族館線、及祝津線,往返小樽駅及其他較遠o既景點,如小樽水族館及天狗山纜車等。當晚最後想試搭其他巴士線返小樽駅時,冇乜方向感o既小肥居然上錯車,好彩及早發現,一個站未到車長又極之好人地俾我地落車,總算逃過一劫。
推介項目: 小樽散策巴士一日乘車券
參觀時段: 全日
入場價錢: 每人750日圓
評分: 值得去5  
銀の鐘1号館
銀の鐘1号館
銀の鐘1号館二樓o既喫茶店
銀の鐘1号館二樓o既喫茶店
餐牌
餐牌
限定飲品附送o既Hello Kitty造型杯陳列櫃
限定飲品附送o既Hello Kitty造型杯陳列櫃
無限添加o既咖啡、紅茶、及清水
無限添加o既咖啡、紅茶、及清水
熱咖啡送雜果蛋糕及Hello Kitty造型杯
熱咖啡送雜果蛋糕及Hello Kitty造型杯
熱咖啡送雜果蛋糕及Hello Kitty造型杯
熱咖啡送雜果蛋糕及Hello Kitty造型杯
熱咖啡送雜果蛋糕及Hello Kitty造型杯
熱咖啡送雜果蛋糕及Hello Kitty造型杯

以前一直都唔係好鍾意睇書,但係自從開始咗寫食評及遊記後,小肥就留意多咗報紙、雜誌、及網上有關飲食o既文章,就連旅遊書都唔再抗拒。多得自己新增o既閱讀習慣,知悉小樽市內有一間喫茶店「銀の鐘」不但可以一杯o既價錢任飲限定咖啡或茶,飲完仲可以拎埋隻好得意o既Hello Kitty造型杯返屋企作紀念品添。由於家中有不少Hello Kitty小粉絲,眼見八人可以喺度食完早餐,再包走八隻杯做手信,「銀の鐘」就好順理成章地成為小樽一日遊o既首站

「銀の鐘」合共有三間分店,集中於同一個路口,乘坐小樽散策觀光巴士可於離小樽駅站最遠o既「メルヘン交差点」(Merchen Crossroads)站落車,行過馬路即達。請留意,如果有意要Hello Kitty造型杯必需選擇1号館或2号館同設於二樓o既喫茶店。

早上十點半左右,「銀の鐘1号館」o既二樓已擠滿遊客,搵位唔易。店子o既傢俬唔再新淨,又以快餐店自助形式經營,人多時服務生又未趕得及清理,感覺其實唔夠衛生乾淨,加上座位狹窄,對肥人黎講真係唔多舒適。可能收銀姐姐每日應對遊客人數實在太多,連面部肌肉都薑硬埋,難掩其極不耐煩o既表情,直令身為顧客o既小肥感到不受歡迎,今時今日咁o既態度個人覺得喺日本黎講可算係幾震驚

正如書中記載,咖啡、紅茶、及清水屬任飲項目,價錢則由食客所選o既卡通杯型號所定。因媽咪及姨媽都覺得陳列櫃中紫色同粉紅色o既Hello Kitty杯最為吸引,結果就每款要咗四隻。店內更設有一個洗杯區,方便客人清洗靚杯。原來隨每杯咖啡及紅茶仲奉送杯盒及雜果蛋糕一塊,鬆軟香甜

喺「銀の鐘1号館」只需消費620円就有野飲、有蛋糕食、仲有可愛o既Hello Kitty杯送,環境同服務雖然唔係太理想,但咁o既價錢絕對可以接受,直頭係抵玩到極呀
評分: 味道4   服務1   環境2   衛生2   抵食5
LeTao 分店
LeTao 分店
LeTao 分店
LeTao 分店
免費送貨
免費送貨
LeTao 分店
LeTao 分店
LeTao 分店
LeTao 分店
人氣芝士蛋糕
人氣芝士蛋糕
人氣芝士蛋糕
人氣芝士蛋糕
人氣芝士蛋糕
人氣芝士蛋糕

日本最多甜品食,買手信首選當然要揀朱古力啦!「LeTao」朱古力店喺小樽市內居然有成六間分店咁多,來頭認真唔野少

店舖有分蛋糕店、咖啡室、零食店等,各間分店o既主題都有所不同,不過全部都有得免費試食。試啱最好快手買,因為有幾款產品機場分店都冇得賣。除咗朱古力出名,「LeTao」o既芝士蛋糕更加係一絕,其超級軟綿綿,而又夠哂輕巧o既質感同味道真教人一試難忘。由於蛋糕有嚐味限期,亦必需保持冷藏,小肥建議大家可以留待喺新千歲機場先買,店子會代為加以包裝。

唔想拎走唔緊要,因「LeTao」喺周圍附近亦設有間咖啡廳,大家不妨好似我地團人咁,下午茶時間返轉頭嘆返杯咖啡或熱朱古力,再食返兩、三件人氣蛋糕。
推介菜式: 朱古力,芝士蛋糕
評分: 味道5   服務5   環境5   衛生5   抵食5
無從入手 2016-02-16
北菓楼
北菓楼
北菓楼
北菓楼
北菓楼
北菓楼
北菓楼
北菓楼
「妖精の森」年輪蛋糕
「妖精の森」年輪蛋糕
應旅遊書推介行咗入去名泡芙店「北菓楼」,不過入面人頭擁擁,想行前啲去搵野試食都幾艱難。結果未見泡芙或「妖精の森」年輪蛋糕o既真身已全身而退,希望下次有機會再探頭望多兩眼吧!
北の漁場
北の漁場
北の漁場即買即煮鱈場蟹
北の漁場即買即煮鱈場蟹
鱈場蟹刺身
鱈場蟹刺身
燒鱈場蟹
燒鱈場蟹
燒鱈場蟹
燒鱈場蟹
三文魚壽司
三文魚壽司
海膽壽司
海膽壽司
憑「小樽散策巴士一日乘車券」於「北の漁場」用膳可享九折優惠
憑「小樽散策巴士一日乘車券」於「北の漁場」用膳可享九折優惠

一眾長輩最愛食蟹,黎到北海道當然係唔可以放過食鱈場蟹啦!喺小樽市內,除咗有多間糖果店之外,賣海產o既市場都一樣咁多,再一次多得書本介紹,女士們不加思索就鎖定「北の漁場」為目標,入門即搵活生生o既鱈場蟹

可能早餐只食蛋糕同咖啡唔多夠飽啦,見到店子有即買即煮服務,太太們一口氣就買咗兩隻鱈場蟹,一隻生食、一隻燒煮。雖然魚缸上明明貼有「No Photo」,店主叔叔卻自動獻身,擺出拍照模樣,小肥得到特別批准,梗係立即行動,幫兩隻巨蟹影返幅靚相啦

「北の漁場」一邊賣海產食物、另一邊則就做大排檔式食肆,方便不少遊客享用即買靚蟹,真係好有生意頭腦。綜合各人意見,鱈場蟹刺身雖然甜美,但質感遠遠不及燒煮咁幼嫩,而且其鮮味亦冇咁突出,所以建議大家如果有機會試,可以主攻燒鱈場蟹。

大肥懶理XO仔一早已編排好要去壽司街午膳,喺「北の漁場」梗係要叫幾款壽司黎食,結果一如所料,從相片亦可清楚望見,三文魚、吞拿魚壽司等質量只屬一般,真係嘥哂啲quota。幸好埋單前發現原來憑「小樽散策巴士一日乘車券」於「北の漁場」用膳可享九折優惠,總算慳返多少。
推介菜式: 燒鱈場
每人消費: 約6793日圓 (午餐)
評分: 味道4   服務5   環境4   衛生5   抵食5
旭壽司
旭壽司
旭壽司清酒
旭壽司清酒
「幻之鮭」(三文魚)手卷及壽司
「幻之鮭」(三文魚)手卷及壽司
鮑魚刺身
鮑魚刺身
即場生磨芥辣
即場生磨芥辣
三文魚籽壽司
三文魚籽壽司
小樽特產之生Nishin刺身
小樽特產之生Nishin刺身
超正牡丹蝦加生蝦子壽司
超正牡丹蝦加生蝦子壽司

小樽除咗係音樂盒及玻璃之城,其壽司街「小樽寿司屋通り」更加係遊客必到勝地。喺日本o既壽司屋可以話係數之不盡,「小樽寿司屋通り」能夠成為日本全國居民選出為高級壽司十大之一真係一啲都唔簡單,我地當然係不可不試啦!壽司街上有多間店舖,為怕團友行得辛苦,小肥就揀咗一間旅遊書推介,網上又頗有名氣,而且離巴士站最近o既「旭壽司」。

「旭壽司」本店為四層高o既獨立小樓,派頭十足。室內木造o既間隔傳統潔亮,舒適大方,地下分為四至六人散座、小廂房及可坐十多人o既壽司吧;多得大肥爸爸四周搜索,一行八人原本被安排入座兩張四人散座,但最終卻得以入座壽司吧,感覺真係爽好多!XO仔以半帶英語o既日文跟兩位大師傅溝通,逗得大家嘻嘻笑,返到香港上網查看先知師傅乃店主碓井先生及其兒子,二人一啲架子都冇,真係估佢唔到

得知大家同屬好飲愛食之人,師傅首先推介自家品牌o既清酒,魚生方面亦由當地盛產o既魚生續一推薦,並連同即場生磨芥辣呈上:

1)      當中最安全o既有北海道名產三文魚籽壽司及海膽壽司,兩者勻鮮甜濃郁。

2)      而最出眾則為兩件牡丹蝦壽司;第一件牡丹蝦身加綠色蝦子壽司鮮甜爽潤;第二件由小碓井先生即拆蝦頭製出,同樣鮮濃無比,就連平時唔食生蝦o既團友都大讚好味,實屬難得!細問下,得知壽司上o既蝦子呈綠色證明蝦子未經處理過,亦即是師傅常掛於口邊o既「生」(拼音:「name」)。

3)      大家要留意一味叫「Nishin」o既魚生,其刺身味道極為鮮甜,無奈個人舌頭不夠靈巧,喉嚨又不懂吞嚥入面幼少o既魚骨(有啲似鱔入面嗰啲),所以食得較為困難。

4)      三文魚相信大家都食得多,不過細佬都係第一次聽到三文魚都會有證書!原來此種「幻之鮭」只會喺十至十一月出現,每一萬條先會一、兩條o既基因突變三文魚,珍貴非常,其肉質肥美,兼且營養價值高,相傳每個日本人一生都想食一次架!

5)      團友們一致覺得鮑魚刺身雖然爽脆清甜,但質感還是覺得炆煮最好食。

6)      北寄貝其實喺香港都有食,不過真係估唔到喺「旭壽司」食北寄貝壽司,其鮮甜味可以有咁大升幅,直令人拍案叫絕!

非常感激兩位碓井先生咁有耐性同細佬慢慢溝通,仲廣闊咗大家對魚生o既認知,及見識到多款「生」魚生、變種魚、及小樽特產,「旭壽司」真不愧為壽司街名店!
每人消費: 約9550日圓 (午餐)
評分: 味道5   服務5   環境5   衛生5   抵食5
LeTao Tea Salon
LeTao Tea Salon
LeTao Tea Salon
LeTao Tea Salon
864円下午茶餐
864円下午茶餐
熱朱古力
熱朱古力
熱朱古力
熱朱古力
綠茶蛋糕
綠茶蛋糕
芝士蛋糕
芝士蛋糕
鬼節裝飾
鬼節裝飾

「LeTao」喺小樽市內不但有多間商店,就連咖啡室同甜品店都唔少得。下午茶時間一到,為減少大家o既步行路程,細佬就揀咗間門口就有車站o既「LeTao」本店等大家歇一歇,因網上資料顯示其二樓o既咖啡廳有個超抵o既840円芝士蛋糕下午茶餐,相當吸引。如果夾啱時間,大家不妨一試店子每月一次o既蛋糕自助餐,不過要留意因座位有限,顧客必需預先訂座。

裝潢簡潔o既咖啡茶座的確有個下午茶餐,不過售價係864円,估計差額同稅收有關。套餐包有餐牌上o既精選蛋糕一件,及指定咖啡、茶、或橙汁一杯,飲品凍熱同價。因糕點即限量製作,有意一嚐人氣甜點,建議大家早少少去。八人當中食得落甜品o既其實只有三位壯男,所以我地結果都只係叫咗三個餐。為食貓小肥三款試齊,個人始終情迷鬆軟、幼滑、輕盈o既招牌芝士蛋糕。由於跟餐只有三杯飲品,眼見還掂有人都要散叫,「LeTao」又以朱古力起家,細佬就同哥哥個契爺每人叫咗杯熱朱古力黎飲。嘩,二人真係估唔到熱朱古力每人有一壺,不但味道甘香醇厚,套茶具仲要咁美艷,好有驚喜呀

咖啡廳由幾為美少女駐守,全部都咁好笑容,而且對不懂日文o既客人一樣咁好禮貌。入座不久,團友Auntie R即發現遺失電話,XO仔向靚女姐姐求援,佢地幾個仲好好人地為我地打電話到之前去過o既「旭壽司」,並尋回失物,感恩之情絕非筆墨能夠形容
每人消費: 約663日圓 (下午茶)
評分: 味道5   服務5   環境4   衛生5   抵食5
田中酒造
田中酒造
亀甲蔵大吟醸原酒
亀甲蔵大吟醸原酒
亀甲蔵大吟醸原酒
亀甲蔵大吟醸原酒
亀甲蔵大吟醸原酒
亀甲蔵大吟醸原酒
金賞受賞酒「宝川」
金賞受賞酒「宝川」

從互聯網得悉北海道有多間名酒廠,XO仔其實都只係聽過幾間名啤酒同威士忌品牌,因為睇到小樽市內都有啲地道o既日本清酒廠,所以就好奇地帶隊一探地點最方便o既「田中酒造」

可能冇預計過會有外地遊客光顧,店內o既售貨員都唔係好識講英文,幸好店子設有免費試飲,酒品又可簡單用上相方都明白o既「dry」黎形容,結果肥肥家族當然係有所收穫啦!戰利品中有金賞受賞酒「宝川」,亦有店主推介產品「亀甲蔵大吟醸原酒」,兩者各具特色,同屬佳品。
參觀時段: 下午
評分: 值得去5  
牛角
牛角
廣告餐牌
廣告餐牌
牛圖、豬圖、雞圖
牛圖、豬圖、雞圖
牛肉
牛肉
牛肉
牛肉
牛肉
牛肉
牛肉
牛肉
餐牌
餐牌

由於大家都唔想太夜返酒店,所以就改早咗喺傍晚時份返札幌,肚仔仲食得落晚餐o既六位團友就行咗去隔離Stellar Place商場食肆層六樓覓食。行咗一個圈,發現成層都只係得「牛角」一間滿座,且企有人龍,大家就決定排埋一份。

「牛角」乃香港都有分店o既燒肉專門店,大家都預咗食完成身會一陣味,不過真係估唔到其間隔會咁狹窄,坐得咁唔舒服。年輕o既哥哥仔其實面口唔差,態度都好友善吓,不過可能真係實在太過忙碌,未有時間去解答細佬o既疑問,就算想佢呈上食物時重複餸名都好困難,幸好所叫o既全部都係牛肉,唔講都冇乜問題。

咁多款牛肉菜式o既調味其實都差唔多,都惹味帶甜,不過個人覺得除咗牛脷之外,其他肉質都偏韌,如果唔係睇在價錢份上,真係有可能會俾個喊臉佢
每人消費: 約1600日圓 (晚餐)
評分: 味道3   服務4   環境1   衛生3   抵食4
  0 個留言    |  加入你的留言
2015北海道火車地鐡自遊五天行 (日本)
(旅程日期: 2015-10-21 至 2015-10-25 ,  旅程性質: 觀光攝影, 飲食購物, 消閒度假)
 整個旅程  (共5篇遊記)
 分享至Facebook 
發表日期: 2016-01-04

每每有親友離世,心裡總會百感交集,慨嘆人生苦短;既然今日唔知聽日事,可不好好享受人生,閒來多與家人外出旅遊?!

剛有長輩仙遊,靚靚媽咪居於異鄉o既幾位姊妹正式退休後又較為空閒,見幾兄弟姊妹聚少離多,所以就即興地相約一同暢遊大家都未去過o既北海道,希望散散心,輕鬆一吓。為怕跟團行程會過於緊密,膳食大多以自助餐為主,今次旅程就交由XO仔單憑網上資訊及旅遊書,策劃如何盡玩、盡食、盡買

一行八人當中只有小肥一個可以勉強用日文同當地人溝通,分車坐又驚年長o既團友會蕩失路,故整個旅途主要都係靠雙腿、地鐡、及JR火車遊覽札幌、小樽、及富良野。

 

1021日(天晴):札幌

今次o既「2015北海道火車地鐡自遊五天行」一如過往地早機去,晚機返,於重陽節清晨七點正式起行。航機朝早九點起飛,下午三點前已抵達日本新千歲機場。辦妥好入境手續,八人手提輕便o既行李,第一時間就喺機場醫肚,然後先搭JR火車去札幌市中心。

傍晚時份喺酒店安頓好一切,大家已經急不及待要喺附近幾座大型商場大廈度逛街,有細佬喺度,離開前當然係不忘上樓退稅啦!買到商店都要關門,我地先肯前往旅遊書所推薦o既蟹肉拉麵店食用簡單晚餐。飯後慢慢行返去酒店時,經過咖啡店見到有軟雪糕食,食完甜筒再各自回房休息。
香港航空 HX690商務座位
香港航空 HX690商務座位
香港航空 HX690商務座位
香港航空 HX690商務座位
香港航空 HX690商務座位
香港航空 HX690商務座位
石榴汁
石榴汁
早餐餐牌
早餐餐牌
生果加乳酪
生果加乳酪
法式烤多士配鮮忌廉及藍梅醬
法式烤多士配鮮忌廉及藍梅醬
法式烤多士配鮮忌廉及藍梅醬
法式烤多士配鮮忌廉及藍梅醬

XO仔跟隨大隊首次乘坐香港航空,以優惠價HKD 6,850坐商務位,機會難逢之餘,大家更一坐上癮

當日香港航空HX690 航班用上新飛機型號,商務艙新淨潔亮,以一、二、一排列o既座位全為獨立式廂座,私人空間足,椅櫈舒適,除咗有個墊腳位,地下仲多咗個格擺放手提行李,長輩們都非常滿意

坐商務位服務都唔同啲,起飛前除咗每人有一條熱毛巾抹手之外,仲有清甜解渴o既石榴汁同礦泉水飲。

HX690 航班早上九點十五分離開香港,下午三點左右到達日本北海道新千歲機場,飛行時間四個半鐘頭多少少,故機上有早餐供應。早餐每人都有盒裝乳酪、生果拼盤、自選主菜、果汁或汽水、及咖啡或茶,唔夠飽可以食多幾個麵包填肚。唔係好甜o既生果屬一般啦,盒裝乳酪味道都好正常。小肥所揀o既「法式烤多士配鮮忌廉及藍梅醬」意外地好夠新鮮熱辣,而且鬆軟香口,唔知西多係咪空中小姐喺小廚房度即場煎製呢,因為一啲都食唔出係翻叮貨色!另上o既鮮忌廉及藍梅醬獨立包裝,份量剛剛好,感覺極之衛生。

香港航空座位舒適,服務生態度良好有禮,加上飛機餐又幾好食,難怪全團人都話下次坐飛機會首選香港航空
推介菜式: 法式烤多士配鮮忌廉及藍梅醬
每人消費: 約6850港元 (早餐)
評分: 味道4   服務5   環境5   衛生4   抵食5
北国の寿司 花ぶさ(Kitaguni no sushi Hanabusa)
北国の寿司 花ぶさ(Kitaguni no sushi Hanabusa)
壽司吧
壽司吧
廂房變散座
廂房變散座
英文餐牌
英文餐牌
午市壽司套餐「みやび」(4,410円)
午市壽司套餐「みやび」(4,410円)
二色丼(1,940円)
二色丼(1,940円)
碎蔥拖羅手卷
碎蔥拖羅手卷
單據
單據

由於抵達北海道時午飯時間已過,喺機上面大家都只係食咗個簡單o既早餐,所以喺機場攞好哂行李,第一時間就要去搵野食。人生路不熟,最終唯有單靠店舖門面及廚窗內o既食物模型,決定去試全層最大型顯眼o既壽司店「北国の寿司 花ぶさ」(Kitaguni no sushi Hanabusa)。

壽司屋內外裝修都以木為主,傳統潔淨。正門有個大架方便食客連推車存放行李,左旁有個長長o既壽司吧,大堂中央為卡位散座,右手邊則有幾間廂房。日藉服務生友善有禮,英語水評雖然只屬有限公司,幸好餐牌有日有英,遊客可用身體語言搭救,不必擔心。

「いただきます」,肥肥家族唔客氣啦!三人先叫咗客午市壽司套餐「みやび」(Miyabi)黎分,合共有十五件不同款式o既壽司,再加一碗麵豉湯。如相所示,壽司拼盤比餐牌上o既彩圖有過之而無不及,而且用上中至高等食材,當中魷魚、貝類、及牡丹蝦都好爽脆,北海道特產鱈場蟹及毛蟹亦幼嫩非常,XO仔最愛o既海膽鮮甜濃滑,喺機場餐廳賣4,410円(即HK$ 280左右)真係好抵囉!三個人分十五件壽司,平均每人都只係分得五件,大小雙肥邊度夠飽呀,結果當然係每人再追加咗個「碎蔥拖羅手卷」啦!手卷香脆軟嫩肥美,如果唔係俾靚靚媽咪制止,恐怕二人要再打孖黎
推介菜式: 午市壽司套餐「みやび」(Miyabi),碎蔥拖羅手卷
每人消費: 約4400日圓 (午餐)
評分: 味道4   服務4   環境4   衛生5   抵食4
JR "Rapid Airport Liner"
JR "Rapid Airport Liner"
JR "Rapid Airport Liner" 指定席(1,380円/人)
JR "Rapid Airport Liner" 指定席(1,380円/人)
如何前往新千歲機場JR站
如何前往新千歲機場JR站
札幌日航JR Tower酒店雙人房
札幌日航JR Tower酒店雙人房
札幌日航JR Tower酒店雙人房
札幌日航JR Tower酒店雙人房
札幌日航JR Tower酒店雙人房包免費WiFi
札幌日航JR Tower酒店雙人房包免費WiFi
札幌日航JR Tower酒店雙人房
札幌日航JR Tower酒店雙人房
保濕機
保濕機

每次東瀛遊,多種理由下總會由大肥爸爸負責揀選及訂酒店,今次o既「JR Tower Hotel Nikko Sapporo」(札幌日航JR Tower酒店)亦不例外。札幌日航酒店位於札幌市地標JR Tower內,直通札幌地鐡站及札幌JR站,旅客由新千歲機場可以乘坐JR快速列車直達札幌JR站,車程約37分鐘,再步行約五至八分鐘就到酒店,成人車票為1,070円,不過如果唔想同人迫,可以加310円坐「頭等指定席U-Seat」,因數量有限,而且唔係架架車都有,所以建議要預早訂購。

酒店連接多座大型商場,包括Stellar Place、Paseo、大丸等,唔洗行出街已經可以買夠,超級方便。海外遊客於大丸購物可憑即日發票及護照前往商場七樓退回稅款,日航酒店住客更可享有大丸免費送貨回房間之服務,購物輕鬆得多,荷包都輕得快過平時多多倍,團友們二十四小時未到都已花費不少。

酒店雙人雙床房38,000円一晚,洗手間有齊浴缸及花灑,當然少不了暖暖o既日式座廁啦,如廁十分舒適!房內包有免費Wi-Fi、即沖咖啡、茶包、及限量樽裝水。由於札幌天氣乾燥,房內更設有保濕機,個人唯一不滿冷氣溫度唔夠低,開極最凍o既二十度冷氣,室溫仍停留於二十五度不降,唔通酒店老板係前特首啲粉絲?!

每晚價錢: 38000日圓 (雙人房)
評分: 設備4   服務5   環境4   衛生5   抵住4
札幌瑞(しるし)Sapporo Shirushi
札幌瑞(しるし)Sapporo Shirushi
牆上餐牌
牆上餐牌
購買食券機
購買食券機
藝術
藝術
開放式廚房
開放式廚房
自助餐具
自助餐具
梅酒(320円/罐)
梅酒(320円/罐)
毛蟹餡麵 (1,200円/碗)
毛蟹餡麵 (1,200円/碗)

姨媽曾經喺外國o既電視節目度睇到主持人介紹遊客食北海道蟹肉拉麵,所以出發前就叫XO仔探索一吓可以喺邊度食得到。小肥就喺超閃o既旅遊書度搵到間「札幌瑞(しるし)」,見到插圖都十分吸睛,原意當然係想預先訂座啦,點知電話打極都冇人接,網上留言又冇人覆,八人只好碰碰運氣,大膽前往一試。

搵啱咗食店門牌,點知入到去卻人影都冇隻!大家正在惶恐之際,突然有位肥仔哥哥行出黎,出黎了解情況。哥哥仔雖然面上長滿鬍鬚,人品卻極之溫馴客套,睇完彩圖後,佢耐心地為我地解釋店子最近已經轉咗手,經營手法及拉麵款式跟旅遊書上所記載o既都應該唔一樣。新店可以話係半快餐店形式運作,餐桌任坐,搭枱亦屬必然,餐具全為自助式,食客更必先喺自助購買食券機度點選食物及飲品,再交啲食券俾佢,等佢喺開放式廚房慢慢烹製拉麵。

黑色o既牆身配上木枱及摺櫈,感覺有啲似係後生仔o既飯堂,因年紀大o既店主好少室內裝修會揀黑色。只有肥哥哥一人打理,又要兼顧埋煮,地方尚算整潔企理

牆上o既餐牌上所見,只有一款「毛蟹餡麵」合格被稱為蟹肉拉麵,所以每人都叫咗碗,1,200円一碗已經平過香港拉麵街任何一間o既叉燒拉麵。「毛蟹餡麵」湯底香濃,拉麵煙韌有彈性,且份量足,兩塊叉燒都好軟腍,不過就好似唔多覺毛蟹o既蹤影,姨媽估計湯中某幾條幼絲應該就係毛蟹絲,點都好,單睇價錢大家都絕對收貨
推介菜式: 毛蟹餡麵
每人消費: 約1520日圓 (晚餐)
評分: 味道4   服務5   環境4   衛生5   抵食4
上島珈琲店  Ueshima Coffee House
上島珈琲店 Ueshima Coffee House
日本蜜蜂珈琲
日本蜜蜂珈琲
軟雪糕餐牌
軟雪糕餐牌
珈琲軟雪糕
珈琲軟雪糕

原來由狸小路四丁目商店街,即拉麵店位置,可以喺地底一直行返去日航酒店,慢慢行半個鐘都到。沿途經過多間店舖,雖大多已關門,但小肥最愛o既甜品店及零食店就仲好歡迎客人光臨。由於團員中有多位咖啡愛好者,當日又未有飲用咖啡,故行經「上島珈琲店」時,幾位對眼當堂發光

深夜時份飲出名濃度高o既日本咖啡未免會搞到失眠,我地結果就決定簡單食個珈琲軟雪糕甜筒作甜品就算。咖啡店o既軟雪糕香滑微甜,陣陣清柔o既咖啡香停留喺口腔內,極之清新提神
推介菜式: 珈琲軟雪糕
每人消費: 約360日圓
評分: 味道5   服務5   環境5   衛生5   抵食5
  0 個留言    |  加入你的留言
布吉島婚宴三天遊 (泰國)
(旅程日期: 2015-02-11 至 2015-02-13 ,  旅程性質: 旅行結婚)
 整個旅程  (共3篇遊記)
 分享至Facebook 
發表日期: 2015-11-26

婚宴翌日,小肥同哥哥食完自助式早餐後,先同好友及其家人道別,中午時份左右就退咗房,並乘搭酒店安排o既專車前往機場。

由於航班有所延誤,辦理好所有手續後,二人先喺機場每人食咗個杯麵,再留待喺飛機上食晚餐。
港龍獨家調製o既「Dragon Sunrise」雞尾酒
港龍獨家調製o既「Dragon Sunrise」雞尾酒
餐牌
餐牌
餐牌
餐牌
煙鴨胸伴蜜瓜沙律
煙鴨胸伴蜜瓜沙律
煙鴨胸伴蜜瓜沙律
煙鴨胸伴蜜瓜沙律
茄醬燴海鮮配意式扁麵、牛油菠菜及甘筍
茄醬燴海鮮配意式扁麵、牛油菠菜及甘筍
泰式紅咖哩豬配白飯
泰式紅咖哩豬配白飯
Haagen-Dazs 雪糕
Haagen-Dazs 雪糕

記得哥哥曾經講過,普通買雙程機票點都係抵過買單程機票,所以今次回程我地都係搭返港龍航空。飛機座位兩程都同樣舒適,服務生都好友善,飛機餐雖然冇第一程o既早餐咁恐怖,不過真係好希望港龍可以提升一吓膳食質素囉

KA 215 航班正常應傍晚六時左右開離布吉島,但當日不知為何飛機遲咗成個鐘頭先出發,結果要成九點先有晚飯食

餐前小肥同哥哥每先飲咗杯港龍獨家調製o既「Dragon Sunrise」。雞尾酒主材為新鮮石榴汁及檸檬汁,清新、清涼、又易入口,一個人飲三、四杯絕非難事

晚餐由頭盤「煙鴨胸伴蜜瓜沙律」食起,煙鴨胸偏凍同硬,蜜瓜淡而無味,極唔啱細佬口味!主菜方面,哥哥叫咗個「泰式紅咖哩豬配白飯」,XO仔怕會好辣,所以就叫咗個「茄醬燴海鮮配意式扁麵、牛油菠菜及甘筍」。茄醬燴海鮮調味酸多過甜,海鮮中o既魷魚又硬又韌,蝦隻唔得爽脆,加上意粉過乾,如果唔係為咗醫肚,恐怕小肥真係有機會要浪費食物。甜品以名牌Häagen-Dazs 雪糕作結尾,都算航空公司有返啲良心
評分: 味道2   服務3   環境3   衛生2   抵食2
  0 個留言    |  加入你的留言
布吉島婚宴三天遊 (泰國)
(旅程日期: 2015-02-11 至 2015-02-13 ,  旅程性質: 旅行結婚)
 整個旅程  (共3篇遊記)
 分享至Facebook 
發表日期: 2015-11-26

212日(天晴

好友婚宴於傍晚舉行,賓客大多都選擇遲起,為晚宴養精蓄銳,小肥同哥哥都唔例外,早上十點過後先慢條斯理地行去「The Cove」度享用渡假村酒店包咗o既自助早餐。午餐則揀喺酒店另一間餐廳「Mare」度食意大利餐。

沙灘式婚禮黃昏時份開始,觀禮各人以泰國傳統儀式為新人送上祝福,接著有雞尾酒會、火舞表演、及放孔明燈活動,四個鐘後再以宴會廳內o既自助晚餐作終結。
The Cove – Centara Grand Beach Resort Phuket
The Cove – Centara Grand Beach Resort Phuket
麵包區
麵包區
煎蛋、窩夫、同湯麵有服務生即場煮製加熱
煎蛋、窩夫、同湯麵有服務生即場煮製加熱
春卷變餃子?!
春卷變餃子?!
生果區
生果區
湯米
湯米
湯米
湯米
成枱不潔o既餐具都冇人清理
成枱不潔o既餐具都冇人清理

酒店房包咗The Coveo自助早餐小肥同哥哥即連續三餐都喺The Cove用膳,可講句朝早明顯好食過晚黑嗰餐多多聲!

泰國盛產生果,不過好奇,餐店所提o果汁中只有橙汁一款為鮮榨,點心明明係春卷,卻有標籤為餃子,製作似乎有啲馬虎。小肥兩個早上都主攻較為安全o乳酪橙汁湯米及咖啡。

自助早餐中窩夫同湯麵有年o務生即場煮製加熱,開頭都見佢地有少少笑容不過到最後大家臉口都變哂,可能接中午時份實太過熱所致啦不過成朝最差o服務可算為樓面,因為差不多到食完一刻都未有伙計自動上前清理不潔o餐具,睇黎唔多講求衛生囉
推介菜式: 乳酪、湯米
評分: 味道3   服務1   環境1   衛生1   抵食3
餐店中央一個大開放式廚房
餐店中央一個大開放式廚房
超級巨爐
超級巨爐
鹽,胡椒,花
鹽,胡椒,花
餐牌
餐牌
麵包籃
麵包籃
Paccheri Pasta(THB 450)
Paccheri Pasta(THB 450)
Fritto di calamaretti e cipolla(THB 380)
Fritto di calamaretti e cipolla(THB 380)
Hawaiian Pizza - Tomato Sauce, Mozzarella, Cooked Ham & Pineapple(THB 420)
Hawaiian Pizza - Tomato Sauce, Mozzarella, Cooked Ham & Pineapple(THB 420)

廿四小時內喺「The Cove」度食齊哂三餐後,小肥同哥哥決定第四餐一定要轉換一吓環境,去同為酒店餐廳o既「Mare」度食午餐。哈,正當二人都估餐店會唔多掂時,反而卻品嚐到一頓輕巧美味o既意大利菜。

「Mare」間隔同對面o既「The Cove」一樣咁開揚通風,不過似乎就冇咁熱,而且冇咁多昆蟲雀鳥飛黎飛去,感覺上衛生涼快得多。餐店中央一個大開放式廚房,旁邊有個超級巨爐,哥哥見到第一個反應就話要叫pizza 食!除咗環境、衛生、食物更為高雅之外,店內o既服務生亦明顯友善客套得多,價錢貴出五成都絕對合理

為怕意菜份量過多,落單由哥哥話事,叫咗個頭盤、意粉、同薄餅黎分:

1)      Complimentary Bread Basket:熱熱地o既麵包皮脆包心軟,新鮮過隔離多多倍。

2)      Hawaiian Pizza - Tomato Sauce, Mozzarella, Cooked Ham & Pineapple(THB 420):夏威夷薄餅比起四份之一張餐桌還要大,面積可稱得上為巨型,幸好只屬薄批,故亦較易入口。夏威夷批外層香脆,餅心o肉餡雖唔及菠蘿份量多,卻勝在濕潤輕巧,唔會好溜。

3)      Paccheri Pasta Sauteed w/ Rock Lobster, Green Asparagus & Sun Dried Tomato (THB 450):海鮮意粉軟腍入味,醬汁又唔會過火,食落都好清新甜美。

4)   Fritto di calamaretti e cipolla - Deep-fried Battered Baby Squid & Onion Rings w/ Yoghurt Garlic Dip & Lemon Slices(THB 380):魷魚同洋蔥圈都炸得好夠乾身香脆,層炸皮剛好厚薄適中,煮得非常之唔錯!
推介菜式: Hawaiian Pizza, Paccheri Pasta, Fritto di calamaretti e cipolla
每人消費: 約900泰銖 (午餐)
評分: 味道4   服務4   環境4   衛生4   抵食4
Lobby Lounge
Lobby Lounge
糕點陳列喺透明玻璃雪櫃入面
糕點陳列喺透明玻璃雪櫃入面
餐牌
餐牌
是日薄荷凍咖啡特飲「Mint Choco Bomb」(THB 160  )
是日薄荷凍咖啡特飲「Mint Choco Bomb」(THB 160 )
大堂座位
大堂座位
大堂座位
大堂座位
Lobby Lounge水吧
Lobby Lounge水吧
是日薄荷凍咖啡特飲「Mint Choco Bomb」(THB 160  )
是日薄荷凍咖啡特飲「Mint Choco Bomb」(THB 160 )

喺渡假村酒店食完就訓,訓包又食,今次手持聖,空閒時間同哥哥都係一邊曬太陽,一邊閱,感覺其實有啲似靜修,不過就多咗個下午茶時間

酒店內除咗多間餐酒吧之外大堂亦設有一個咖啡廳Lobby Lounge」。「Lobby Loungeo水吧位置有幾張高櫈,糕點就陳列喺右旁o玻璃雪櫃入面,咖啡即叫即沖,客人可選擇於大堂內任何梳化椅櫈上享用茶點,望出窗外花草流水隨意又寫意

午後閱讀咗兩個鐘頭左右,XOo咖啡癮又起,所以就同哥哥走咗落去Lobby Lounge嘆返杯是日薄荷凍咖啡特飲Mint Choco Bomb」(THB 160++)。「Mint Choco Bomb內含特濃咖啡朱古力薄荷糖及奶,清新香甜滑溜,大熱天時飲,可真超級涼快
推介菜式: Mint Choco Bomb
評分: 味道5   服務3   環境4   衛生4   抵食4
The Beachcomber Bar – Centara Grand Beach Resort Phuket
The Beachcomber Bar – Centara Grand Beach Resort Phuket
沙灘婚禮
沙灘婚禮
泰式祝福禮之聖水
泰式祝福禮之聖水
二人男子組合唱歌助興
二人男子組合唱歌助興
酒保忙碌地調製雞尾酒
酒保忙碌地調製雞尾酒
三款惹味o既點心
三款惹味o既點心
火圈表演
火圈表演
放孔明燈活動
放孔明燈活動

酒店大堂門外每日都會有個天氣表,除咗可見表上每日都係晴天酷之外,其實仲會列出當日o日落時間,亦即沙婚禮大約何時會舉行。

喜貼寫明結儀式傍晚六時於The Beachcomber Baro沙灘進行,賓客大多都早到十五分鐘拍照及觀賞斜陽西下新郎準時到等候,點知新娘子因裝扮過時,由高爾夫球車送進場時太陽只剩半個咸蛋黃天空一片燈紅。

當日o式婚禮主幕為泰國傳統習俗o祝福禮,由一對新人o父母帶領,先為二人戴上雙喜紗圈,並以金黃o聖具喺佢地o手上淋上聖水,接再由親戚朋友輪流繼續淋聖水,送上祝福。雖好簡單,不過全程需時個幾鐘頭,小肥仲好不幸地成為蚊蟲o目標

泰式淋水禮完咗之後,沙灘旁o既「The Beachcomber Bar內已擺有汽水及酒品供給客人,亦見酒保忙碌地調製雞尾酒。喺沙灘吧內進行o雞尾酒會原來係有娛興節目架,除咗一邊有三款惹味o既點心食之外,漆o上首先有火圈表打響頭炮跟住再由全體都可參與o放孔明燈活動接棒,眾人情緒都好高漲最後就交由二人男子組合唱助興。
評分: 味道3   服務3   環境3   衛生2   抵食3
自助式晚宴 哭臉2015-11-26
收集人情o既大圓箱及紫色禮盒紀念品
收集人情o既大圓箱及紫色禮盒紀念品
自助式晚宴
自助式晚宴
男家席
男家席
朱古力
朱古力
自助式晚宴
自助式晚宴
自助式晚宴
自助式晚宴
結婚蛋糕
結婚蛋糕
結婚蛋糕
結婚蛋糕

一對新人喺沙灘行完禮,放完燈,到臨觀禮o親朋戚友就開始慢行去酒店o宴會廳用膳。

宴會廳正門旁有一對新人o人形紙板公仔客人自行拍。直入有張長枱接待處,桌子中央擺放有一個大圓箱收集人情,坐喺枱後面o伴娘們就負派發紫色禮盒o紀念品。入座前已可清楚睇到晚餐將以自助餐形式進行,因食物全部都係冇遮冇掩咁放喺大堂最入o位置,感覺其實都幾唔衛生

宴會廳四周都可見鮮花擺設,美藉o男家親友合共只有三圍,座設於舞台o左前方,其泰藉o女家親友則多達二十圍,佔領廳房八成面積左右

新郎新娘以熱烈o歌舞跳進會場,氣氛搞得好好。新娘子演講完畢,就邀請賓客享用自助晚餐。嘩,客人同一時間擁出去搶野食,場面極度擠迫混亂,多款熱門食物亦好快一掃而空,XO仔都只係勉強攞咗兩中碟唔多好食o既咸點同甜品,真係幾驚嚇!幸好晚宴設有切餅儀式,蛋糕尚算濕潤清甜,細佬可以食多兩件填飽個肚

婚宴接尾聲o時後新婚夫婦就開始四周邀請賓客上台勁跳熱舞,宴會於歡樂高昂o音樂中結束
評分: 味道1   服務1   環境3   衛生1   抵食1
  0 個留言    |  加入你的留言
布吉島婚宴三天遊 (泰國)
(旅程日期: 2015-02-11 至 2015-02-13 ,  旅程性質: 旅行結婚)
 整個旅程  (共3篇遊記)
 分享至Facebook 
發表日期: 2015-11-06

相交二十多年o既美籍好友喺泰國認識到一生最愛,二人雖定居美國,但為咗要方便雙方好友及親人都能夠一同分享結婚喜悅,結果就擺咗兩次酒,第一次先喺男家地頭美國拉斯維加斯,之後再返新娘子外家布吉島行多次禮,小肥同哥哥當然係選擇咗參加較近o既布吉島婚宴啦!旋風式訪布吉其實可以簡單地以三句形容:第一日飛去。第二日觀禮。第三日飛走。不過最近愛上咗寫作o既XO仔當然係要以三編遊記詳盡地報告啦

211日(天晴

哥哥對旅遊比較熟識,故此飛機票同酒店都全權用由佢負責訂購,小肥都係到出發嗰日先知自己搭港龍航空,同埋入住婚宴所在地「Centara Grand Beach Resort Phuket」酒店。哥哥真係好細心架,由於酒店離機場要坐成個幾鐘頭車,條路仲要迂迴曲折,深知XO仔一定會暈車浪,所以就專登預早一日到步等細佬回一回氣,三日o既所有活動全部留喺酒店內進行。
Fruit Plate   Raspberry Yogurt
Fruit Plate Raspberry Yogurt
Fruit Plate
Fruit Plate
Raspberry Yogurt
Raspberry Yogurt
自選麵包
自選麵包
Assorted Dimsum   Stir-fried Noodles
Assorted Dimsum Stir-fried Noodles
Crepe filled w/ scrambled egg
Crepe filled w/ scrambled egg

港龍航空飛機座位尚算新淨,唯一洗手間同其他航空公司一樣都係難以辟除異味。服務生態度良好有禮,飛機空中膳食則有待改善。

KA 212 航班早上八點五十五分離開香港,到達布吉島機場為當地時間中午時份,全程三個半鐘左右,故飛機上有早餐供應。

早餐每人都包有中碟生果拼盤,當中冇野係特別甜,不過好彩件橙同西柚都唔酸,盒裝乳酪味道正常,包點則只屬和暖,差咗少少熱度。主菜可選西式o既「Crepe filled with scrambled egg」或「中式點心配炒烏冬」,我地兩兄弟剛好每人要咗一份。真係估唔到屬香港公司o既港龍航空,居然未能為搭客提供合格o既點心,如相所示左下角o既綠色蝦鮫皮厚偏乾、左上角o既燒賣極度貧血,真惜食物o既小肥雖然勉強食哂碟內o既食物,但代表香港o既港龍絕對要加強機上中式食物o既要求及監管!
評分: 味道1   服務4   環境3   衛生2   抵食1
Centara Grand Beach Resort Phuket正門
Centara Grand Beach Resort Phuket正門
Centara Grand Beach Resort Phuket大堂
Centara Grand Beach Resort Phuket大堂
Centara Grand Beach Resort Phuket大堂
Centara Grand Beach Resort Phuket大堂
Centara Grand Beach Resort Phuket大堂
Centara Grand Beach Resort Phuket大堂
Centara Grand Beach Resort Phuket
Centara Grand Beach Resort Phuket
Centara Grand Beach Resort Phuket
Centara Grand Beach Resort Phuket
Centara Grand Beach Resort Phuket
Centara Grand Beach Resort Phuket
Centara Grand Beach Resort Phuket:結婚勝地
Centara Grand Beach Resort Phuket:結婚勝地

泰藉新娘子所揀選oCentara Grand Beach Resort Phuket屬渡假村酒店,合共有六間室內外o酒吧及餐,腳下就係Karon海灘,住客大多都係熱愛陽光與海灘o遊客及享愛浪漫o情侶,難怪賣點為沙灘式黃婚禮

酒店離布吉機場約一個鐘頭車程,可代安排機場接送服務,最多可坐三位乘客o私家車每程收費1,800泰銖,最多可坐八位乘客o小巴每程收費2,000泰銖人多着數得多。大家要留意,路途十分迂崎嶇,同XO仔一樣會暈車浪o朋友記緊上車前要食定暈浪丸,事關細佬食咗藥都差啲要嘔,一上房已經要休息上半個鐘頭。

布吉島天氣炎熱得令人透不過氣來,幸好裝修成花林o大堂及房間內都有冷氣。托兩位新人鴻福,小肥同哥哥以特價8,500泰銖入住豪華o既「Deluxe Ocean Facing二人套房,所有稅款及服費都已包含在內。由於到步時身不舒忘記拍照,不過都仲記得房內有兩張超級大牀有半間房咁大o洗手間一個超大o浴缸同一個向海o露枱,地方闊落得都幾誇張。
每晚價錢: 8500泰銖 (雙人房)
評分: 設備3   服務3   環境4   衛生4   抵住2
The Cove – Centara Grand Beach Resort Phuket
The Cove – Centara Grand Beach Resort Phuket
The Cove – Centara Grand Beach Resort Phuket
The Cove – Centara Grand Beach Resort Phuket
Coffee Frappe (THB 170)
Coffee Frappe (THB 170)
Complimentary Bread Basket
Complimentary Bread Basket
香草汁
香草汁
Pineapple Fried Rice - 泰式鳳梨炒飯 (THB 240)
Pineapple Fried Rice - 泰式鳳梨炒飯 (THB 240)
Tom Yam Goong 東陰公湯 (THB 290)
Tom Yam Goong 東陰公湯 (THB 290)
Phad See Aiew泰式炒河粉配牛肉(THB 220)
Phad See Aiew泰式炒河粉配牛肉(THB 220)

哥哥俾小肥喺房度小休片刻,兩點九先一齊行去酒店入面間咖啡室餐廳「The Cove」享用輕鬆午膳。

情人節將近,餐聽門外已經開始見到鮮紅色o既佈置。間隔開揚o既「The Cove」窗門全開,只靠風扇通風,個人覺得唔係好夠涼爽。下午茶時間客人稀疏,反而室內見到唔少細蚊仔、烏蠅同雀仔,感覺唔多衛生,眼見XO仔被蚊針到極不自然,哥哥就解釋話泰國喺咁架啦。

木口木面o既服務生態度懶散,帶位落單樣樣都慢成拍,唔問仲冇碟用添,真係唔多似歡迎食客光臨囉

食物方面,質素尚算合格:

1)      Coffee Frappe – Double Espresso, Vanilla & Whipping Cream (THB 170):咖啡凍飲有飲管提供,不過中間過杰未溶透,所以飲唔到,不過醇濃甜美o既味道非常討好。

2)      Complimentary Bread Basket – 跟香草汁上o既麵包連和暖都唔算,不過免費贈送冇得好講。

3)      Kao Phad Pineapple - Pineapple Fried Rice 泰式鳳梨炒飯 (THB 240):炒飯以新鮮菠蘿殼承載,睇頭十足,估計酒店每日開咁多隻菠蘿,應該屬善用資源之舉。炒飯可以話係素食,用「咖哩蔬生果炒飯」黎形容就最為貼切,因為材料中並無肉類,只有蔬菜同生果,而且調味主材極似咖哩粉。

4)      Tom Yam Goong 東陰公湯 (THB 290) – 湯王哥哥叫咗碗少辣o既東陰公,話湯料質素屬中上。

5)      Phad See Aiew - Stir-fried flat rice noodles with beef 泰式炒河粉配牛肉(THB 220):薄薄o既炒河粉香口惹味,而且一啲都唔油膩,配料中o既蔬菜都已切成小片,好易入口,啱哂細佬口味,唯一入面o既牛肉太厚、太大、食落好韌。
推介菜式: Phad See Aiew, Coffee Frappe, Tom Yam Goong
每人消費: 約650泰銖 (午餐)
評分: 味道3   服務1   環境1   衛生1   抵食1
每天主題不同o既自助晚餐
每天主題不同o既自助晚餐
歌舞表演
歌舞表演
三文魚
三文魚
Surf & Turf BBQ
Surf & Turf BBQ
凱撒沙律
凱撒沙律
燒烤海陸自助晚餐
燒烤海陸自助晚餐
差
甜品
甜品

The Cove每晚都有唔同主題o自助晚餐,當日星期三為Surf & Turf BBQ海陸大餐之夜,大人每位1,100泰銖,不包酒水另收加一服務費,一啲都唔抵食

食飯中途有兩場半個鐘頭o歌舞表演,客氣啲講句,細佬唔係好識欣賞囉!客人唔多服務生人數仲少過表態度同下午時份一樣唔多友善

食物種唔多冇遮冇掩,四周都有蚊飛黎飛去,極不衛生室外設有燒但食物一樣唔夠熱,生果又唔夠甜,芒果同橙仲要勁酸,恐到小肥最終要靠食凱沙律填肚,估計當晚最少輕咗一公斤!
推介菜式: 凱撒沙律
每人消費: 約1500泰銖 (晚餐)
評分: 味道2   服務1   環境1   衛生1   抵食1
  0 個留言    |  加入你的留言
2014Crystal郵輪東瀛遊 (中國, 日本)
(旅程日期: 2014-02-10 至 2014-02-22 ,  旅程性質: 飲食購物)
 整個旅程  (共12篇遊記)
 分享至Facebook 
發表日期: 2015-02-10

221日(晴):Crystal Serenity Days #12香港

即將要與Crystal Serenity道別,XO仔心裡當真有十萬個捨不得!既然香港係自己地頭,早一日亦已觀賞過港島o既迷人景色,我地依班香港代表當然係唔需要上岸觀光啦,決意盡情享受郵輪所提供o既美酒佳餚,實行飲飽食醉

朝早九時起床,大隊先喺Lido Café集合,進食郵輪河最後一個自助早餐。因為團友們分別邀請咗自己居港o既親友上船午膳,早餐後就各有各忙,去約會及接領賓客。我地十幾人除咗喺Crystal Dining Room度食飯之外,XO仔仲好似幫緊Crystal打工咁,續層介紹郵輪o既不同配套及設施。上到Lido Deck見各人開始面露疲態,一班菲藉好友亦客氣地建議大家先嘆返杯咖啡或雞尾酒,食個熱狗或者係雪糕新地後先再上頂樓拍照留念,盡顯Crystal友善好客o既精神 

親友們落船後,太陽亦開始西下,精力茂盛o既小肥先喺七樓步行上個半鐘,Happy Hour與長輩們繼續飲,晚餐時份就轉場往CrystalNobu合作o既日本餐廳「Silk Road」度進餐。餐後小肥抱住依依不捨o既心情由頂樓行到落五樓大堂及餐廳層,再返上房間執拾行李,準備翌日早上告別郵輪。 
生果 + Cereals
生果 + Cereals
每日鮮製包點
每日鮮製包點
新鮮生果
新鮮生果
雞
雞粥
雞粥
早餐熱品
早餐熱品
早餐冷盤及乳酪
早餐冷盤及乳酪
超正牛角包
超正牛角包
喺過去o既十幾日,大家都已習慣咗每朝早要先喺十二樓oLido Café度大吃一頓豐富o既早餐,先有氣力進行觀光活動。Lido Café個自助早餐中西合璧,款式琳琅滿目,熱食包點全為每天新鮮炮製,每日食唔同野都真係話都冇咁易。旅程最後o既一餐姨媽們繼續食雞粥,小肥就主攻屋企不常食得到o既朱古力croissants、鮮榨果汁、鮮果乳酪及芝士蘑菇蛋白奄

哥哥講得無錯,我地返咗屋企後,每朝將會懷念Lido Café個自助早餐! 
推介菜式: 雞粥,朱古力croissants,鮮榨果汁,鮮果乳酪,芝士蘑菇蛋白奄列
評分: 味道5   服務5   環境5   衛生5   抵食5
海運碼頭
海運碼頭
海運碼頭
海運碼頭
海運碼頭
海運碼頭
海運碼頭對面
海運碼頭對面
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭
Crystal Serenity停泊於香港尖吵咀海運碼頭:補充資源
Crystal Serenity停泊於香港尖吵咀海運碼頭:補充資源
海運碼頭內之指示牌
海運碼頭內之指示牌
Crystal Serenity之前停過每一個港口都必定會安排免費穿梭巴士服務,由於尖沙咀海運碼頭就喺市中心,而且一出閘門即能通往海港城,故此Crystal無需喺香港安排穿梭巴士。

搭客一上岸就已經被多間店舖圍繞住,踏足購買天堂如果要去港島其他地區,喺街上搵的士都容易,就算自己截唔到都可以去附近多間酒店求助,方便得很,唔怪得知香港
o既旅遊業咁興旺
參觀時段: 其他
評分: 值得去5  
2月21日之午餐,郵輪位置為香港
2月21日之午餐,郵輪位置為香港
Golden Fried Mushrooms – Lemon Zest Remoulade
Golden Fried Mushrooms – Lemon Zest Remoulade
Vitello Tonnato
Vitello Tonnato
Cream of Green Beans – Lemon Cream & Parsley
Cream of Green Beans – Lemon Cream & Parsley
Sedanini Pasta(Appetizer Size)
Sedanini Pasta(Appetizer Size)
Sedanini Pasta(Main Fare Size)
Sedanini Pasta(Main Fare Size)
Honey-Soy Glazed Chicken Skewers
Honey-Soy Glazed Chicken Skewers
Crisp Calamari
Crisp Calamari
同哥哥一齊旅遊真係好,佢除咗會做足事前資料搜集功課之外,亦會留意當中o既細節。好似今次咁,得知郵輪喺香港將會停泊兩晚,記得Crystal有提供給予岸上o既客人上船參觀o既服務,家中又有親友想體驗一下坐郵輪o既樂趣,所以一得閒就走咗落去大堂個接待處度索取更多資訊,安排親友探訪。原來流程非常簡單,搭客只需於友人訪郵輪前五個工作天內交回填妥o既申請表格,一經批刻,即會收到有關通知,所有費用將直接於搭客戶口內扣除。用膳價錢分早餐(USD 25)、午餐(Crystal Dining Room @ USD 50; Lido Café @ USD 35; Tastes @ USD 35)、下午茶(USD 20)晚餐(Crystal Dining Room @ USD 75; Tastes @ USD 75; Silk Road @ USD 100; Prego @USD 100),另外每位年過二十一歲o既訪客都會被收取USD 20酒水費。

Giuseppe叔叔真係好人,特別為我地十幾人安排咗兩張大圓枱,更請黎Zdravko老師為大家服務。一進場,小肥立刻介紹老師比各親友認識,講述每天得以其授課一句Serbo-Croatian,學懂多句實用詞句,點知老師隨即大讚學生o既語言天份,搞到細佬臉都紅哂,嘻嘻,心裡面當然係暗暗自喜啦

因為郵輪正停泊於香港,當日o既午餐餐牌內亦順理成章地加插咗幾款中菜,如雲吞湯、四川牛肉等,不過我地都冇叫黎食,主要都係食翻西菜美食。

Golden Fried Mushrooms – Lemon Zest Remoulade:酥炸蘑菇用新鮮蘑菇炸製,炸皮乾脆唔油膩,蘑菇軟腍有水份,點上酸酸甜甜oremoulade醬,感覺清新醒胃。

Vitello Tonnato – Thinly Sliced, Pink-Roasted Veal Loin on Tuna Cream Sauce, with Fried Capers & Lemon-Rosemary Oil:如相所示,薄薄o既牛仔肉片同餐牌上所形容一樣,呈粉紅色,肉質超級軟嫩,同碟中味濃o吞拿魚忌廉醬非常匹配。

Cream of Green Beans – Lemon Cream & Parsley:小肥最怕食菜,對豆類更加係極度反感,不過哥哥不斷讚個湯一啲都唔嚡口,異常香滑,故細佬不得不影返幅相,在此略作推介。

Sedanini Pasta – Sautéed Chicken Breast, Fresh Corn, Mushrooms, Cilantro, Tomato & Cream:意粉分兩個size,大小之區別可參照以上圖片。酸甜o既麵條彈牙,醬汁份量剛剛好粘滿意粉,料中雞胸肉塊又唔會太多,粟米粒又能增添一份鮮甜香脆感,簡單美味

Crisp Calamari – Crunchy Lettuce Tossed in Creamy Lemon-Garlic-Chive Dressing, Cherry Tomatoes, Celery, Fennel, White Beans & Chorizo:幼條o既炸魷魚香脆野味,配菜新鮮爽脆,食到魷魚后大姨媽lam lam脷! 
推介菜式: Golden Fried Mushrooms,Vitello Tonnato,Sedanini Pasta,Crisp Calamari
每人消費: 約50美元 (午餐)
評分: 味道5   服務5   環境5   衛生5   抵食5
小籠包小食
小籠包小食
環球貿易廣場
環球貿易廣場
環球貿易廣場
環球貿易廣場
歡樂時光一到,團友們又再一次黎到Crystal Cove度嘆酒,當日o既「Today’s Drink Special 」為「Metropolitan」,襯托返香港為大都會,有意思得很。雞尾酒含Absolut KurantTriple SecFresh Lime Juice,及Cranberry Juice,小肥怕酸所以冇試到,結果都只係叫咗杯mimosa黎飲。

嗰日最有驚喜都可以話係
Crystal Cove所提供o既小食,因為大家都冇諗過郵輪酒吧居然會蒸製小籠包用作送酒之用好在味道都唔差,起碼好食過上海名店「南翔饅頭店」
推介菜式: 小籠包
評分: 味道4   服務5   環境5   衛生5   抵食5
Silk Road
Silk Road
Nobu Sake
Nobu Sake
刺身拼盤
刺身拼盤
天婦羅
天婦羅
和牛卷
和牛卷
熱烏冬
熱烏冬
Petit Fours
Petit Fours
Suntory Whiskey Cappuccino
Suntory Whiskey Cappuccino
Crystal Serenity七樓除咗有意大利餐廳「Prego」之外,對面仲有一間由Nobu先生主理o既西日fusion餐廳「Silk Road」。由於是次東瀛遊前半段每日都可以食到地道o既日式料理,所以團長特意留返最後一晚先食郵輪上o既日本菜。

同2012年比,「Silk Road」牆壁及天花o既裝修有少少變動,不過唔係好明顯。服務生好似同之前一樣,除咗廚師之外,樓面一個日本人都冇。

坐下不久,哥哥仔即送上熱毛巾及酒品,效率好高。見我地同行有十人,經理就提議叫廚房以拼盤形式呈上各式美食,大家可以分黎食,團長亦欣然接受。 

三色頭盤之Sweet & Sour Pork, Croquette, & Cabbage Roll with Crab:經理仍在與團長商量期間,佢o既手下已率先派發每人一份o既送酒小食「三色頭盤」。小食有三,第一味係甜酸豚肉,可能因為係涷食,感覺有少少怪怪。第二味係炸丸子,其炸皮香脆餡心彈牙,輕輕塗上甜甜o既醬油已十分野味!相比起下,第三味o既蟹肉椰菜卷就唔多夠味道啦,加上椰菜本身帶一陣苦澀,小肥唔多啱食囉! 

Wagyuu Roll:此道和牛卷賣相難以同其味道比!外層o既和牛為半生熟,入口即溶,內層o既露荀又夠新鮮爽脆,配上微辣帶甜o既汁液簡直係一絕! 

Sushi Platter:壽司拼盤內有五款壽司,當中吞拿魚壽司及立魚壽司都只屬一般,難以同我地剛於日本食過嗰啲比!其餘三文魚子壽司及鰻魚壽司都可稱得上為高上,不過最美味都係拼盤中央o既鮮蟹肉壽司,鮮甜幼嫩! 

Sashimi Platter:刺身拼盤中o既魚生款式比壽司拼盤多,質量亦顯然地高一XO最欣賞三文魚同蝦,前者油份夠,後者則爽脆鮮甜。 

Assorted Tempura:雜錦天婦羅大多為魚塊及蔬菜,所以小肥都只係食咗一件魚,炸皮香脆乾身,魚肉都好軟嫩,無奈個人第一口已食到骨,所以唔敢再食第二件。 

Fried Kurobuta:炸黑豚最忌係塊豬扒太瘦,如果一啲肥膏都冇,肉質就會又嚡又乾,就算外層炸得幾金黃香脆,都難以彌補黑豚營養不足o既問題

Udon:食完咁多款魚生及炸物,經理就走過黎問我地會唔會有興趣食碗冷麵或熱烏冬,小肥想飲碗熱湯,所以選擇咗要後者。熱烏冬湯底清香濃郁,烏冬麵條彈牙嫩滑。 

Mochi with Red Bean Paste:甜品一o既紅豆糯米糍係是日精選,唔係日日有。糯米糍煙煙韌韌,但絕不黐牙,紅豆餡又唔會過甜,好清。 

Suntory Whiskey Cappuccino:甜品二係小肥上一次黎食過oSuntory Whiskey Cappuccino,底層為咖啡味軟雪糕,面層為whiskey foam,入口香滑,味道則似Irish Coffee般,清新醒神! 
推介菜式: Croquette,Wagyuu Roll,三文魚子壽司,鰻魚壽司,蟹肉壽司,Sashimi Platter,熱烏冬,Mochi with Red Bean Paste,Suntory Whiskey Cappuccino
評分: 味道4   服務5   環境5   衛生5   抵食5
  0 個留言    |  加入你的留言