泰藉新娘子所揀選o既「Centara Grand Beach Resort Phuket」屬渡假村酒店，合共有六間室內外o既酒吧及餐廳，腳下就係Karon海灘，住客大多都係熱愛陽光與海灘o既遊客及享愛浪漫o既情侶，難怪賣點為沙灘式黃昏婚禮。

酒店離布吉機場約一個鐘頭車程，可代安排機場接送服務，最多可坐三位乘客o既私家車每程收費1,800泰銖，最多可坐八位乘客o既小巴每程收費2,000泰銖，似乎人多着數得多。大家要留意，路途十分迂迴崎嶇，同XO仔一樣會暈車浪o既朋友記緊上車前要食定暈浪丸，事關細佬食咗藥都差啲要嘔，一上房已經要休息上半個鐘頭。