上船之前，黎過Bordeaux o既Uncle H已經極力推介Restaurant Le Savoie比我地，所以嗰朝早第一件事就係同Sybil講叫佢訂定位去嗰度食lunch。

法國人真係好享受大自然，每間餐廳都一定設有露天位置，怕熱o既肥肥一族當然要求坐陰位啦！除左周圍都有靚花，枱上必定有隻酒杯同水杯。Restaurant Le Savoie嗰隻水杯好得意架，相未必睇得清楚，不過佢好似比薩斜塔咁側左一邊。

餐廳提供法文版同英文版餐牌，所以唔識法文唔洗驚。除左散叫，大家可以選擇午市套餐「Le Savoie」（Euro 31）或「Saveur」（Euro 50）。兩款都包頭盤，主菜，甜品，咖啡／茶；細食o既客人可以單叫主菜，或以主菜配頭盤／甜品，唔同配搭收費不同。我地未點好餸，姐姐仔先送上免費贈送o既Amuse Bouche，涼拌蝦及青口加半隻蛋，每人一小碟，開胃美味。

我地九個人試左好多不同菜式，大家都認同餐廳所選用o既食材高質，廚藝有水準，如果有機會返黎Bordeaux都一定會再幫襯。是次推介：

1)      Fraîcheur de Truffe noire sur Raviole de Truffe blanche et ses Médaillons de Homard (Google Translation: Fresh Black Truffle Ravioli on White Truffle & Lobster Medallions)

2)      散叫生蠔

3)      Cassolette d’Œufs de Caille et de Foie Gras sur Crème de Morille (Google Translation: Casserole of Quail Eggs & Foie Gras on Morel Cream)：香滑野味，第一次食，感覺好獨特。

4)      Duo de Gambas décortiquées et de Saint Jacques Plancha au Caramel d’Orange (Google Translation: Duo of Prawns Peeled & de Saint Jacques Plancha Orange Caramel)：大蝦爽甜，帶子嫩滑。

5)      Carpaccio de Homard rôti et parfumé aux Fruits des Iles (Google Translation: Roasted Lobster Carpaccio Flavored with Fruits & Islands)：龍蝦肉鮮甜香脆，一啲都唔嚡，牛油果亦好香滑。

6)      Porcelet confit et rôti au Thym (Google Translation: Square of Roast Suckling Pig Confit & Thyme)

7)      Saint Jacques Plancha glacée au Safran (Pan-Seared Scallops & Pumpkin Ice-Cream) ：帶子嫩滑。

8)      Pigeonneau Rossini désossé au Port (Rossini Boneless Squab at Port)：鴿肉香嫩。

9)      Côtelettes d’Agneau en Crépine de Cèpes et Foie gras (Google Translation: Lamb Chops with Porcini Strainer & Foie Gras)

10)    Goblet of Smooth Milk Mousse on a Strawberry & Rasberry Soup：唔怕酸o既Sybil話好似未攪勻o既啤利奶昔咁wor。

食左差唔多成兩個鐘頭，我地埋單嗰陣時姐姐仔再免費贈送細杯啫喱同canelés，小肥嘆左句，「早知慳啲，個套餐唔要甜品啦！」