今日又一早起身, 要揸車去藍山, 過左大概兩個鐘黎到一個叫做Leura既小鎮。可能地勢比CBD高加上仲未中午, 天陰有少少雨不過空氣好好, 好舒服。

Leura係一個揸車去藍山近乎必經之路, 小鎮都幾細, 只有一條大街, 不過兩旁所開既各樣店舖都非常精緻及有品味, 趁仲有少少時間我地就去位於大街一間比較大既Deli食個早餐。

一打開門, 左邊係擺賣乾貨既地方, 有不同既意粉, 果醬, 零食等等, 右邊就係賣各式沙律, 麵包, 小食既take-away, 再入少少就係堂食既地方, 一室用上綠色為主調, 正中擺放一大張木檯, 有少少綠蘋果做裝飾, 感覺唔錯。

再望出去, 嘩, 不得了, 景觀超好。原來堂食地方既盡頭係一個有玻璃窗既大露台伸延出去, 好似建築係個森林上面, 好開揚。

早餐我地要各左個煙三文魚牛角包及芝士菠菜蘑菇奄列配法式麵包。牛角包先到, 正想食既時候發覺原來三文魚同個包都有烘熱, 暖暖地之餘有少少脆邊, 而且仲有side salad, 坦白講真係有d感動, 大家係香港叫個三文魚牛角包你只會期望分別食到一兩片啱啱係雪櫃另出黎既煙三文魚, 再放係早已整好既凍牛角包上, 我地對普通餐廳既食物「唔敢」有太多既要求, 因為我地更怕失望。所以當我見到餐廳對呢d較易整既食物卻肯花心思去加工既,除左暖之外, 又配有side salad, 真係好窩心。

芝士菠菜蘑菇奄列配法式麵包都好好食, 夠哂份量, 係呢個環境食有誠意既早餐再加一杯正咖啡, 感覺真好。

終於黎到 fish market 啦, 聽過好多人話呢度有好多海鮮, 又平又新鮮, 香港既雜誌<新假期>仲點名話Doyles係人生中必食, 哈哈, 又試下係咪真先。

Doyles位於主入口既第一間舖, 係右邊, 有個細counter仔做take-away, 裡面就係堂食, 一場黎到, 當然想試多幾間唔同舖頭, 所以只係買走左半隻芝士龍蝦。

賣相非常吸引, 用叉切開見d肉都算厚身, 一啖食落, 好重忌廉, 滑滑地, 芝士份量無想像中咁多, 蝦既味道已經唔係好食得出, 不過質地爽口, 唔錯唔錯, 係唔夠熱囉！

另一樣我好想係fish market食既海鮮就係蠔, 行均成個場都好似得Nicholas Seafood 有得賣, 有個亞裔女子係門口擺檔兼幫手執 order。當日有兩款蠔可供選擇, 有本地既Sydney rock同Tasmania 。

兩款蠔既size都好細, 有少少失望呀, 唔知係咪非養殖所以細隻d呢？我地每款要左半打, 坐低試試。識員只俾左好多檸檬我地,  無其他sauce, 我地絕無問題, 不過一向食蠔要點sauce 既人士就要留意喇！

Sydney rock 比Tasmania大隻少少, 味道較咸, Tasmania我就覺得好食好多, 比較甜身, 可惜兩者既新鮮度麻麻, 另我有個印象, 係Fish market 食海鮮都唔係d人講得咁好。

淨係食半隻龍蝦加一打生蠔, 我地又點會夠呢！行黎行去, 睇黎睇去, 都唔知叫咩好。最後買左1kg已烚熟既大蝦。有好多隻, 而且仲有跟sauce 。

蝦既size都好大, 好似好唔真實, 食左兩隻我已經有頂胃既感覺。攪笑既係size 咁大, 連條蝦腸都粗d, 我頂唔順, 一定要拎走佢, 哈哈。 新鮮程度都可以接受, 只不過擹檔擺放既方式有d奇怪, 將已烚熟同生既蝦左右並排, 雖然中間有塊膠板相隔, 始終有d唔知點咁。

總括以言, fish market既野都係新鮮既, 而且好多魚, 蝦, 蟹等等都好大隻, food counter內所有野我覺得都好貴, 本身澳洲既生活指數已經比香港高, 加上「食海鮮」呢個活動本身都唔平, 而且間間餐廳提供既食物煮法相似, 無太大驚喜, 除非你唔買已煮好個d, 買新鮮既, 叫餐廳幫你即刻煮, 任何中/西式煮法佢地都識。如果你極度瘋狂愛「食海鮮」, 又唔介意俾錢, fish market 會係你既選擇。

如我所願去完動物園之後, 仲有少少時間可以去Paddington 行下, 之前去Bondi 既時候已經路過, 眼見有好多小店, 可惜今日下午黎到, 大部份又就黎關門, 唉~

呢個時候, 肚有d痛, 唔知係咪朝早食得太多海鮮(?), 見到有 Max Brenner 既分店, 呢個緊急既時候, 朱古力獎門人確係我既救星！

今次order左我上次見到好吸引既麵包卷, 叫Chocolate cinnamon babka , 仲淋上朱古力sauce,  質感鬆軟, 暖暖地, 而且帶少少肉桂味, 唔錯唔錯。

另外叫多杯drink, 就係見人成日飲既frappe, 老公揀左Cappuccino 味, 可惜呢個可能係 ice shake, 對我黎講太多冰, 好凍, 麻麻地好飲。

係Paddington呢間分店就比CBD人少, 間隔又四正D, 比較好坐, 食完野仲可以去舖內既零售小角落睇下, 有好多款唔同既朱古力產品, 仲有特別既杯售賣, 例如 frappe 杯, 上次飲 suckao隻杯等等都可以買走, 我見仲有一本cook book, 包含仲好多朱古力做甜品既食譜, 好有趣呀~

食完下午茶又閒逛左一陣, 晚餐又食唔落, 記得係Woollahra區有一間高級精肉店, 係雜誌同旅遊書得知兩年前舖頭特意花左成好多錢裝修, 刻意擺脫傳統肉店既形象, 而且仲攞左個best in retail既室內設計獎項。

揸車前立即打開旅遊書, 嘩, 不得了, 7點關門, 我地只有15分鐘既時間, 真係分秒必爭, 拿拿聲去, 快快手泊車 (好彩附近有車位), 去到既時候係6:55pm!!! 係澳洲旅遊, 真係要適應下佢地個時間表。

Anyway, 入到舖頭, 燈光帶少少紅色, 右邊有一個有鎖大凍櫃, 裡面擺賣左好多唔同既菜色, 方便人買走, 除左肉類之外, 仲有前菜同甜品, 大部份需要返屋企加熱或加工。所以我地就只選擇左唔洗加熱既take-away, 店員話有好靚既牛扒同燒雞 (其實可能只賣淨呢d, 唉), 一如試試啦。牛扒要左幾百克,  燒雞要左半隻 (我見佢地好似唔賣半隻架, 我問佢, 好彩佢又賣俾我, 我估可能賣唔晒都係唔要, 不如賣半隻俾我, 哈哈), 最後仲要左4粒用鴨油煮既薯仔。

返到B&B, 雖然已經凍左, 不過都好好食, 個牛扒有肉味, 唔似和牛肉味較薄,  肉質帶少少咬口, 我最鐘意佢外層既黑胡椒, 調味剛好。

燒雞都唔錯, 肉質唔算太淋,  調味亦到位, 薯仔有驚喜, 鴨油有香味, 薯仔皮脆脆地, 呢一餐好唔錯呀!

今日揸車黎hunter valley, 經過差唔多3個幾小時既車程我地第一站去左McGuigan Winery, 參加左個winery tour, 諗住可以係佢隔離個間<Cheese Room>參觀之餘又買下芝士當午餐, 好可惜Cheese Room個日不設參觀只可以買芝士, 我見芝士既種類唔算多又唔太特別, 最後我地決定去餐廳食晏。 

係Hunter Valley個本guidebook見到有介紹呢間Goldfish, 距離唔遠又可以對住個vineyard 食飯, 感覺應該唔錯。 去到門口, 幾乎一個人客都無, 但隔離個間日本sushi 同 pizza 餐廳就比較多人, 入到去bar裡面終於見到個waitress 姐姐。

餐廳有個lunch promotion, AUD45可以係前菜及主菜內任揀三款+兩杯酒精飲品, 似乎啱哂我地個胃納兼荷包。前菜叫左兩款, 包括Kingfish Carpaccio with a scattered citrus同Dried hot beer beef with sriacha dipping sauce。

魚既Carpaccio我未試過, 估唔到又幾好食, 配埋帶少少酸既汁, 好開胃。個dried beef 真係炸到好乾又真係好辣, 但係味道好好味, 呢兩個頭盤原全做到叫人開胃, 正！係澳洲又點可以唔食炸魚/海鮮呢, 呢個Seafood hot plate有數款海鮮, 有炸帶子, 食得出帶子味, 係個炸皮有少少唔係好上身, 炸墨魚亦唔錯, 炸蝦同炸魚就用吉列既方法 (即係有麵包糠係面), 都幾好食而且份量都幾大, 食完好滿足！

唯一既唔好處, 就係有蒼蠅, 一路食有三兩隻一齊join, 而且張檯好多屍骸呀！可能位近vineyard, 少不免會有呢個情況, 不過都可以接受既~

去完Hunter Valley已經好攰, 好彩之前check定呢間pizza舖唔算好早收工, 出返黎仲有野好食。Lucio Pizzeria係我係澳洲既大報SMH度搵到既, 話說係「最好食既pizza」, 一場黎到又點可以錯過呢？位置都幾好搵, 係CBD內既Palmer Street, 有一個少少既露天廣場, 有3間不同既餐廳, 以Lucio就係最開邊, 而且另外兩間餐廳毫無人氣, 所以幾易搵。

由於我地唔算太肚餓, 只叫左一個前菜加一款pizza, 前菜係一個用Parma ham 包住無花果既warm salad再加少少parsley, 無記錯的話個汁係用Gorgonzola芝士做既, 帶少少咸香。

呢款Pizza叫做Filetto, 包含左好幾個我鐘意既材料, 有cherry tomato, prosciutto, rocket同mozzarella & parmesan 芝士, 一次過可以滿足哂我。批底係那不勒斯既style, 比較chewy, 厚薄其實幾適中, 不過如果你唔肚餓的話,  都幾飽~ 所有材料都好新鮮, 即叫即整, 確實係間誠意小店！

係澳洲我一日裡面最期待既一餐就係早餐,  最期待既節目就係去café食早餐, 本地人去café食早餐我覺得就好似香港人去食茶餐廳一樣。不過人地既心思就多好多, 一般黎講地方大d (香港本身太細, 租金又貴, 無計), 裝修有品味d (香港舊式既冰室仲叫做有d集體回憶, 唔舊唔新既就好污衊, 太新既又無人情味, 唉) , 人家出品有心思又健康。我地既早餐幾時先可以好似人地咁呢？

話說回來, 呢間bakery café 又係從雜誌<飲食男女>得知, 出名造酸種飽包, 我年紀輕d既時候唔係好識欣賞又或者個時仲未遇到啱自己口味既sour dough,  唔記得幾時開始我慢慢會食酸種飽包, 造得好的話確實別有一番風味。

聽講呢間bakery café所造既酸種飽包係店主從美國三藩市學藝再帶返黎悉尼, 口啤慢慢建立直到以家個工場大到可以為市中心其他既café提供飽包。

我地靠GPS系統帶路揸車黎到另外一個住宅區 Alexandria, Sonoma 既位置確實有d難搵, 沿路都有唔少路牌指引。café隔離有一間好大既工場, 可惜我地應該太遲去到, 見唔到工人造麵包既情況。Café面積都幾大, 樓底高, 用上黑色做主調, 加上冷氣充足, 係一個避開澳洲夏天猛烈陽光既好地方。

今次我叫左一份dried fruit sour dough 多士另加牛油及果醬, 兩片乾果酸麵包上佈滿不同乾果, 烘得好脆, 其實都有少少硬, 不過仍可接受, 自家製的藍莓果醬好食, 可惜甜左少少。另外一份早餐係黎至café 既summer men, 名字無記低, 大概係羊奶芝士奄列配蕃茄及酸麵包。奄列既質感有別一般既出品, 羊奶芝士跟雞蛋充分混合, 切開後可見到一個個細窿仔, 好有趣, 真係唔知點煮, 小蕃茄依舊咁新鮮。

咖啡的水準又係不用懷疑地好飲，好一個旱餐呢。

食過早餐後我地到Rozelle 區閒逛, 可惜個 flea market 無咩特別, 只係一個小地方俾區內人市將自己唔再鐘意既舊物拎黎擺賣, 我見無咩尋寶機會, 不於都係食下野好過, 哈哈~

糕餅師Adriano Zumbo 係澳洲甚至全球有播MasterChef既地方都爆紅, 佢意想不到既配搭, 大膽既用色都係佢signature, 黎佢既café 絕對係此旅程既其中一個亮點。

Adriano 係附近有兩間分店, 一間係Rozelle 另一間係Balmain, 兩區其實好近, Rozelle 區係一間有位坐既小café, Balmain店就只做take-away。我當然想好好坐底, 慢慢品嚐啦, 所以就先去café 。Café 既位置唔算好搵, 無左 GPS都唔知點算, 牆外有一大幅graffiti, 色彩好繽紛, 十分配合佢既風格,  入內發現店舖超細, 只有6至8個bar 檯式既坐位, 原來入面有個大工場, 用作樓面既地方變得好少。去counter 一睇, 好失望呀, 因為mini-cake 已經賣完, 只有macron, muffin同其他pastries, 唯有只攻 macrons啦~

Order左6件, 有情人節限定既雲尼嗱味, 外層包有朱古力既emo-macron, 美綠味, 青檸配薄荷味, 以及店員推介既海鹽焦糖味。

雲尼嗱味好真, 外型係心情 , 睇到都心甜, emo-macron可以揀公仔樣, 味道要咬開朱古力先知, 可惜我地食唔出係咩味, 美綠味好有創意而且造得好真, 材質既比例十分精準, 青檸配薄荷味好有驚喜, 好夾, 好清新, 至於係香港都成日食到既海鹽焦糖味反而變得無特別。整體既口感中規中矩, 無chewy既感覺又無一咬即散既弊病, 好在唔係好甜。

係心有不甘既心情下, 我叫老公車我去Adriano係Balmain既店, 澳洲既café同takeaway (或者賣食物既店舖) 一般都收下午4點, 好險我地4點前去到, 好彩仲有mini-cake賣。

食得太多, 太密, 我驚會食壞肚皮, 所以只揀左兩款買走。”Grandma’s soap” 名字得意, 外層一抹淡紫色, 好靘, 原來係薰衣草味既忌廉, 裡面係藍莓批而且仲有少少杏仁cream。藍莓批有好多藍莓粒粒, 酸酸地, 中和面層忌廉既甜味, 其他方面無大印象。

另外一個外型好似雪人既叫 "Ssnowmanorr”; 外層係 coconut crunch, 外面係荔枝加茶味既custard, 荔枝加茶味原來好夾而且唔係好甜, 幾清新。試完澳洲餅神既出品, 我發覺原來香港既甜魔好有福氣, 有好多比Adriano更好既選擇, 而且澳洲既糕餅一般size 較大, 我地兩個人都食唔哂, 有少少浪費, 可能晚餐食得太飽喇。

晚飯前特登到Darling Harbour行下，因為出發前做過功課，聽聞Darling Harbour附近呢間Blackbird既食物質素唔錯，一如試下。

星期日既Sydney較香港平靜得多，睇黎消費主意係澳洲並唔受歡迎，一般鋪頭唔會特別晏關門，食肆都無咩人幫襯。Blackbird位於二樓，雖然見樓下有好多食海鮮既餐廳，見到人地既seafood platter好似好好味，不過我都決定忠於我既選擇。

被安排坐好後，我地先叫杯野飲，酒係澳洲可能好平（甚至係必需品），兩杯drink都好大杯！！由於口不停，全程成日食野，我地只order一個appetizer及一個main course。個炸魷魚好好味，尤其係個汁，辣辣地，真係開胃，魷魚本身都新鮮。Reef & beef，包括一塊牛扒同一雙大蝦，兩者質素OK，可能食材本身唔差，無咩失手，但亦無驚喜。

係Blackbird望出去見到Darling Harbour呢個內灣，我地係度諗究竟香港有無類似既地方，最後既結論係無，硬要講的話，可能係尖東既海滂，不過望既都係維港但欣賞維港仲有好多更好既選擇，而且我估以家尖東海滂既食肆都搵到強國人士既足跡，我地仲可以安安靜靜咁一邊食飯一邊欣賞維港嗎？

 

第二日去Bondi區, 首先去住完宅區搵早餐食。呢度真係好靚, 好舒服, 好開揚, 真係無咩見過咁長既海岸線, 可以係度住, 我估人都開心D正面D～

M Deli 係我係類似"悉尼open rice" 既website搵到, 係一個小斜坡上, cafe 出面有好多小檯小櫈, 有人帶小狗黎一齊食早餐, 好多人, 好熱鬧~

好彩係cafe入面仲有位, 係cashier位置order食物, 拎走啤仔隨後侍應會幫手奉上～ Cashier個counter 櫃內有好多款色既三文治同麵包, 最適合我呢D麵包精！！

我叫左一個breakfast egg roll及一個tomato & sausage panini (正確名字無記低), 尋日無飲到澳洲既靚咖啡, 早晨時份又點會錯過機會, 黎一個mocha + latte先～

Order後, 侍應立即放底一支tap water加兩隻杯, 真體貼～ 香港都係咁, 就好喇～

Breakfast egg roll 最吸引我既一定係佢個hollandaise sauce, 好味呀, 不過係heavy左少少, 所以配一杯mocha就最正喇～ 澳洲既咖啡我覺得最impressed既係沖調既溫度 (60 - 70度), 暖暖地, 唔似香港一般出品咁熱, 好舒服～

個tomato & sausage panini都唔錯, 少少hot & spicy, 澳洲cafe內售賣既麵包通常都會有跟沙律, 呢個做法令到成個 presentation好好, 而且對食客黎講好體貼～

好食又滿意既早餐 set my good mood for the day~

晚飯時間終於黎到聞名以久既 Pancakes on the Rocks, 因為之前既景點都好快行完而且我地想避開唔排隊, 唯有早d食, 5點半就食晚飯, 唉, 無計啦~

侍應9成係亞洲人, 可見係餐廳做兼職係唔少留學生既選擇, 我估貼士多少少, 收入比較可觀。Menu選擇都幾多, 除左我地一般應為pancake 店要有既甜 pancake, 仲有crepe, 而且又可以用 pancake 配早餐常有既蛋, 煙肉, 腸仔等等。我見有個beef ribs 無食過, 係香港又唔多見有得食, 就叫黎試下，配菜跟薯條我地另外再order左cream cheese 同sweet & sour sauce用黎點。

個 beef ribs 幾好味, 少少軟身, 好易離骨, 可惜bbq醬唔係好夠, 因為太早食飯, 所以甜品都唔可以叫得太大份量但又想試多d花款, 唯有叫個一碟有齊原味(配雲尼嗱雪糕)及朱古力味(配朱古力味雪糕)既pancakes。Pancakes既 size十分適中, 外觀亦好完美, 厚度又剛好, 食落好有質感, 質地鬆軟, 確實名不虛傳, 唯獨原味有缺乏蛋香, 反而朱古力味pancake好有朱古力味, 唔錯唔錯。

呢間CAFE係從雜誌＜飲食男女＞得知, 好彩地址同我地住間B&B好近, 係住宅區Earlwood, 落機後好眼瞓, 休息左一陣就揸車出發。

去到CAFE大概下朝2:30, 無咩人, 剛見到一個亞洲人著得好casual正想走, 澳洲真係好多華人而且好似唔洗做咁，真幸褔～

我地兩個人叫左兩個 lunch, 大蝦意粉＋鴨胸沙律配黑醋汁, 飲品叫左iced coffee & Chai latte～

澳洲的iced coffee係好多cream同ice-cream, 唔太飲到咖啡味， 搞笑既係我地以為其他食緊野既人係顧客, 原來佢地都係侍應, 聽到我地order後就即刻幫我地沖咖啡～我以為Chai latte係有茶味既咖啡, 點知只係一壺茶～

野食等左大概15分鐘就到, 鴨胸沙律仲係微暖, 份量好充足, 有好多塊鴨胸, AD$14 (HK$116) 既價錢係香港一定食唔到，火剪菜好新鮮而且比香港食到既粗壯, 有兩大片軟軟既無花果, 又甜又大舊, 黑醋汁既甜酸好平均, 伴有炸過既蒜片, 好好食～

大蝦意粉(king prawn linguine), 未食只睇賣相已經叫我嘩嘩聲, parmesan cheese用小碗另上, 蕃茄超級新鮮, 仲有好多basil, 好香～ 大蝦都唔錯, 爽口得好真賽, 有別於我地經常食既急涷貨!

Waitress 問我地好唔好食, 我話 "It's better than good, it's great!" 

整體感覺好新鮮、足料、又有誠意～ 好感動, 係香港高昂既租金及各種成本同環境／文化既關係下, 應該唔會用大概一百蚊既價錢食到呢種質素～

Woods Cafe俾左一個好好既印象我, 我認為呢個trip, 應該有啖好食喇！！！！





 

之前係呢度見過其他人分享Max Brenner 既甜品, 好似好好味, 未出發已經好期待。我地係 Woods café 食完「遲黎既午餐」之後就揸車出 CBD四處行下, 去過 QVB, Strand Arcade, Martin Place 等等….泊好車後發覺附近正有一間 Max Brenner既分店位於一楝商業大廈既平台, 咁好既機會又豈能錯過呢！

一入到門口就見到有兩大桶朱古力被攪動, 一桶係 milk chocolate, 另一桶係white chocolate,有兩大條喉管連接到cashier身後既廚房, 喉管身上仲印有 willy wonka 的字樣, 真係有諗頭, 用<朱古力獎門人>做餐廳既主題。

坐低後我走去counter 落 order, 檯面上有好多有蓋既高腳玻璃座擺放左不同款式既朱古力及飽點, 花多眼亂, 一時間唔知點算好, 侍應又好似等左我好耐, 快快手叫左兩份waffle 再另加士多啤梨, 一個chocolate soufflé, 飲品原先想叫 Frappa (我之後先知個名咋, 一時間消化唔到個 menu), 不過最後叫左個 dark chocolate suckao!

等左一陣, 個dark chocolate suckao先上, 有一杯小牛奶, 一堆黑朱古力粒, 有一個好似香薰既陶器下面放有蠟燭, 上面另有一小杯牛奶。玩法就係將朱古力粒放入牛奶裡面, 用蠟燭既熱力將兩者融合, 再用附上既飲管吮飲。幾好玩, 可按自己既喜好加入多少朱古力粒, 要幾黑有幾黑, 唯一既缺點係牛奶太少, 朱古力粒太多, 有d浪費。

Waffle 雖然唔係即製, 不過質素都唔錯, 加上少少溶既牛奶朱古力係面, 好邪惡呀, 士多啤梨出奇既新鮮, 有濃郁既士多啤梨味, 我估係本地出產, 無經過長途既運輸, 確實係好味d。

係已經有d飽滯既情況下, 我地食埋個chocolate soufflé, 一cut開有少少流心, 微暖,整體質感鬆軟, 好食, 流心正中仲放有一小粒白朱古力, 有驚喜。(之後我發現佢有本 cook book, 裡面個食譜都有提到呢個 trick)

我知道 Max Brenner 係澳洲有好多分店, 我仲有野想試食呀, 希望打後既行程有機會再路經啦!!

每年總要回來好幾次這個令我心醉的海景餐廳，它座落於雪梨環形碼頭對面的建築物之頂層，景觀一流，坐在那裡就像是雪梨著名的歌劇院和大橋與你一起進餐一樣，心情也隨之䦕朗。
這座前海關大樓現已改變成巿區圖書館，外觀建築沒有改變，與以前一樣
那麼宏偉美觀，在大堂加建了一座雪梨巿模形在透明的地坂下，遊客們都爭取機會站在上面拍照，大有大地在我腳下之感。
乘電梯至五樓，門打開迎來的是一張張親切笑臉，這裡劃分為四個區域，有餐前小食飲酒區，貴賓室，室內餐廳大堂，以至最多人訂位的室外陽台（要大概兩個月前才可以訂到，但是要有心理準備，如用餐當天，天氣驟變，風雨交加亦不可以換回大堂，除非他們沒有客人訂位？） 廚房採用開放式，可以看到新鮮食材在廚師手中如何變成佳餚美點。
我每次到來多數選星期日，因可以順道欣賞他們特設的爵士音樂樂隊註場表演，但亦因如此，一般比較多人和嘈吵。
溫馨提示：如要情侶傾訴心事，最好選平曰啦！

在閑話家常當中，我的至愛美食遂一登場啦⋯
 
Garlic naan
它鬆軟甘香，入口又有好香的蒜茸味，好食到停唔到口，每次到來我倆必選之小食
 
Grilled Seafood Platter
加入廚師特有的香草，放入烤架猛火烤焗，外面香氣薫天，𥚃面還保持著肉汁鮮嫩無比，金目鱸非常新鮮，上面的 salsa salad 甜甜酸酸的，有醒胃的作用，帶子係大大隻的帆立貝，七成熟，好鮮甜，下面鋪墊著有薄荷味的靑豆蓉，味道好夾，重有幾隻用大蒜、杏仁醬、香蔥烤的小龍蝦（scampi)
（按：海鮮拼盆分季節的，如果天熱來，將會是白水煮熟，放在冰塊上，食時點沙律醬，本人不太喜歡這種食法）

Roasted lamb loin and braised lamb  
一味羊、用上腰脊肉和肉眼兩部份、兩種煮法，入口汁液四濺, 但一樣嫰滑可口，用菠菜墊底，上面放薄荷䈎碎，食完重想問 ...可否要多兩片？
 
又到甜品時段啦，我蝦子餅係甜魔，甜品不能少，這裡甜品一款賣 AUD18，如兩人食，不如考慮 order 個甜品拼盆，AUD45有齊四種款式，右下角的棗䈶布丁好好味，有些似食聖誕布丁，但又加了果仁在內，再配合埋開心果雪糕，食完真係好開心
個 Dark chocolate terrine 係老公至愛，我比較鐘情於 Mango cheesecake 記得要同 orange sorbet 一起食, 味覺好 fresh, 精神為之一振
 
至此已飲飽食醉了，繼續沈澱於美妙的爵士音樂之中 ......

說來真的有點失禮，到過台灣數次但也未曾到訪鼎泰豐的總店，在香港長居多年又沒有拜訪其分店，來到地球的另一邊，我才真真正正踏入這間店子。

六時到達，不過門外已經聚集了一班在等候的食客，而且當天天氣寒冷，幸好店方有準備暖燈給等位的客人取暖。我們二人大約等了十多分鐘便可以入座，進內先被那一大片的蒸爐佈置牆吸引，加上透明玻璃令廚房一目了然，看起來相當開揚。

熱豆漿(AUD 3)
點菜先每人來杯飲品，豆漿拿上手不算太暖，加上豆味不算突出，水準平平。

西瓜汁(AUD 5.50)
姐姐的飲品味道則過甜，而且未夠冰凍，又是未能令人滿意的一杯。

酸辣湯(單人)(AUD 5.50)
湯品很快便送上，味道不酸不辣，而且湯料不算豐富。

乾扁四季豆(AUD 12.80) 
四季豆炒至香腍入味，加上油份不算很多，吃起來不會令脣邊沾滿油。

小籠包(六隻/八隻)(AUD 8.80/10.80)
來到主角小籠包，每一隻的大小外型都相若，而且湯汁很多，吃起來肉味亦相當突出。難過坐在旁邊的兩位澳洲人，一口氣點了三十二隻小籠包，可知小籠包的地位在澳洲人心目中也是很高的。

排骨蛋炒飯(AUD 13.80)
首先，排骨炸起來不夠香口，賣相更和姐姐早前到訪時的大有不同。其次，飯裡雖然加入了蛋絲，可是味道沒有因此而變好，反而飯粒充滿油益味，令人卻步。 

有時候，當一個人獨立的時候，總會想著和家人一起的時光，何況是我這個總是喜歡跟家人一起行一起吃的人呢！不過，當聽到連最親密的家人發出怨言，指不要和這個家再有關係云云，父母聽到會有甚麼反應？所以，這十多天是令我最珍惜的時間，這天的晚餐也是序幕。

Garlic Bread(complimentary)
闊別香港六個星期，可以再次跟父母來個晚飯，這些時光在你長大後都是罕而珍貴。到達時麵包早已吃完，不過我的碟上放著一件蒜蓉包，是爸爸為我留起的。急急拍了照片後，便拿起麵包。微暖丶香脆，不過牛油太多，吃起來特別覺得膩。

Scallops(AUD 19)
帶子本身相當鮮甜，經過微微的烤過，配上加入了椰菜花的醬汁，清新的帶子加添幾分美味。然而帶子的爽嫩彈牙依然保持，製作的功夫絕不能忽視。

Char-grilled Chicken Salad (AUD 27)
加入蜜糖令整個沙拉吃起來甜甜的，雞肉燒得不過火，吃起來肉汁依然。不過旁邊的生菜製作有點馬虎，吃起來尚算新鮮。

Garlic Mushroom (AUD 12)
蒜蓉蘑菇的調味也相當足夠，加上充足的香草，是一客不錯的前菜。
 
Hurricane's beef burger (AUD 19)
漢堡送上的時候，上層的麵包分開，相當厚身的漢堡全收在眼內，令人食指大動。漢堡用上百分百的牛肉，切開時肉質粉嫩動人，表面塗上自家製的醬汁。因為食量不大，我們當然不會一人獨吃，所以把漢堡分好之後也能用叉刀輕易進食。牛肉漢堡雖然不算肉汁豐滿，不過牛肉的香味噗鼻，而且自家製的醬汁把整個漢堡的味道提升，更有層次。麵包是經過烘焗，香脆鬆軟，一口漢堡加上一條厚切薯條，西餐就是要這樣盡情的吃！

Mussel (AUD 17)
一客有五隻青口，浸在香滑的蒜蓉忌廉醬，為新鮮的青口添上幾分美味。青口爽嫩，加上每一隻也相當肥美，新鮮美味。拿起旁邊的麵包，醮上蒜蓉忌廉醬，又是另一款惹味的麵包。

Hurricane's Pork ribs (AUD 39.90)
家人來到悉尼的十二天，我們便先後拜訪過兩次。第一次所點的是半份牛肋骨半份雞，而第二次則是全份豬肋骨。作為這店的名物，質素當然是比任何的餐廳要更好，這方面絕不會令食客失望。肋骨燒得相當透徹，自製的醬汁也塗得相當均勻，加上表面帶一點焦，令人吃不停口。全份的肋骨比半份的更精采，中間長長的直骨其實被很多肉纏繞著，只吃這骨上的肉也足以令你吃飽！
至於燒雞胸肉，這方面的火喉似乎控制得不太好，雞肉吃起來較乾身，而且雞味也不濃。
薯條是粗身的類別，好吃得令人不能停口呢！

Grilled Chicken Breast (AUD 28)
至於這件雞胸肉，吃起來跟剛才提及過的沙拉中的雞胸肉其實沒兩樣，只是份量的差別而已。


總括兩天晚上的經驗，這一家的肋骨的確是名不虛傳，只不過真的要找上幾個朋友才能到這邊吃晚飯呢！ 

提起西班牙菜，總是不會離開海鮮，而且每一款菜式也會加入不同的調味料，絕對適合喜愛食物多元化的顧客。西班牙人熱情是眾所周知的事實，踏入小店便可以感受到道地的西班牙風情。店內的裝潢丶音樂或是侍應，都可以令你感受到他們對客人的那份熱情。開放式的廚房擺放著不同的酒杯，加上石磚的襯托，客人吃得特別開懷。

Pan al Ajo(AUD 3) 
先來一客蒜蓉包，蒜蓉和牛油同樣塗得滿滿的，而且烘得外脆內軟。 

Vieiras en Azafran(AUD 13)
新鮮的帶子淋上由香草和忌廉混合而成的醬汁，帶子粒雖小但彈牙爽口。

Gambas al Ajillo-Peeled king prawns in sizzling garlic oil and chilli (AUD 13)
七隻小蝦浸在滾油中，蒜蓉香味一直傳到鼻子裡。小蝦新鮮彈牙，加上橄欖油提升蝦本身的味道，是一道很不錯的Tapas。

Ibiza(AUD 15/small)
這店的薄餅都是用上正宗的薄餅烤爐而成，絕對不是普通的焗爐如此隨便。薄餅的份量不及一般的多，可是味道並不遜色。加入雞肉丶洋蔥丶乾蓄茄等材料，加上豐富的芝士層，味道相當豐富。薄餅的邊位是微微帶脆，而且不會因烤得過火而有焦。

Oven baked beef lasagne topped with mozzarella (AUD 13) 
千層麵表面舖著一層厚厚的芝士，送上的時候還在吱吱響叫，芝士層上還有氣泡的出現。大家都毫不客氣一下子把芝士和千層麵一併切開，可以看到每一層都有相當多的肉醬，惹味無窮。不過略嫌那層麵粉層過厚，吃起來沒有那麼暢快。 

Tortilla Española-Omelette with potato and onion (AUD 8)
這客墨西哥玉米粉薄烙餅是姐姐上一次到訪時最深刻的菜式之一，不過這次的水準似乎令人相當失望。表層煎得太過火，吃起來也有燒焦的味道。幸好餡料的份量相當多，每一口也能吃到滿滿的薯仔和洋蔥。

Paella Valenciana-Saffron rice with chicken and seafood (AUD 24/pp)
這二人份的西班牙炒飯可不是二人能完成的份量，我們五人經過一輪的食物洗禮，要把它清空更是難上加難。炒飯是帶咬口，不是濕至軟腍腍的類別。海鮮有青口丶蝦丶硯，每一樣也是新鮮入味，加上各種椒類，味道更豐富。我一口，妹妹一口，姐姐又一口，爸爸媽媽看見我們都一人一口炒飯，他們也加入了我們的行列。就這樣，我們五人一人一口把整個炒飯消滅了。

Chocolate and walnut brownie with hot chocolate fudge served with vanilla ice cream (AUD 10)
最後當大家都說很飽的時候，我還是盯著甜品餐牌，最後還是不理胃納叫了一客甜品。等了大概十五分鐘，甜品便用上了。先是被它濃郁的顏色吸引，接著是它香醇朱古力味被牽引著。當我想拿起叉起動之時，發覺甜品的四方八面都有餐叉向著我的甜品衝過來，原來家人味都被它的香味吸引，所以最後這客甜品也是分享吃的。香濃的朱古力醬和蛋糕，加上一粒的胡桃片，和一球大大的雲呢嗱雪糕，令人回味無窮。

一間食店門外總是有長長的人龍，有些食客會因而不敢到訪，亦有食客認為必定要試一次才心息。這次晚飯時間來到Madang，人客不算很多，大約等了十多分鐘便可以入座了。

五人被安排在一張小小的四人枱，人客多這個情況是絕對可以了解。不過當天天氣相當好，不知為何地上佈滿水灘，而且被安排到一個吸煙區。店員從來沒有詢問食客究竟是否願意到吸煙區用餐，結果我們盡快點菜離開，二手煙可不是人人接受得來。

先送上五小碟，製作上相當馬虎，其中只以薯蓉的味道最好，軟滑中帶有蘿蔔的香味。

Beef Belly(AUD 16)
燒烤的肉類最低消費為兩碟，先送上的是牛胃。脂肪分佈平均，而且厚薄得宜，大概一至兩分鐘後便可以進食了。吃起來軟腍有序，不會死韌。


Marinated chicken (AUD 14) 
另外一款肉類則是雞肉，浸在醃料中吸滿了味道。雞肉吃起來不會太粗糙，可是除了醃料外就沒有別的味道了。

Seafood and shallot Korean pancake(AUD 12)
接下來的則是一些傳統的韓式食品，海鮮青蔥薄餅是較薄身，而且海鮮的份量很少。薄餅的另一邊明顯是煎得過火，吃起來焦味突出，很不討好。

Kimchi Soup with pork,tofu,rice cake & vegetables (AUD 38)
最後一個是韓式火鍋，朝鮮泡菜湯底的味道沒有很突出，吃起來不辛不甜。鍋裡的食物更是一團糟，沒有任何一款的食物是能令人有印象，是相當失敗的一個鍋。 

Macaron這甜品真的一吃便會令人上癮，繼Coco和Baroque後，這次拜訪的是悉尼有名的Macaron店Adriano Zumbo。天朗氣清，當然不能浪費這個外出的好機會，所以五人便跳上船到Manly去了。

到達Manly後我也急不及待要把這店找出來，花了數十分鐘也未能看到它的蹤影，心想：「這次不會一場歡喜一場空吧？」正當我失落的時候，便看到對面那小小的牌子寫著Adriano Zumbo。我找到了！

店子不大，我們五人走進去之後餘下的空位不多，所以我們也盡快點好甜品離開了。除了馬卡龍和甜餅外，小店還有售賣麵包等食物。離開之後，我們便到附近的地方坐下吃蛋糕。

Lemon Meringue(AUD 9)
上層的檸檬味蛋白香軟奶滑，而且淡出清幽的檸檬味。相反，下層的千層酥底吃起來又軟又腍，加上毫無味道，家人吃了一兩口便停手了。

Alessia, I like big buns (AUD 9)
香脆的泡芺頂層咬起來相當鬆化，而且吉士吃起來不會太甜，草莓新鮮爽甜。不過泡芺底層被吉士的水份影響受潮，吃起來跟lemon meringue一樣又軟又腍。

Zumbo the Kid (AUD 9)
這件看起來已經令人飽三分的蛋糕，愛甜的我也忌它三分。外層是由朱古力漿和花生醬組成，是一個又甜又膩配搭。紅桑子本來能為整個甜品帶出清新感，可是內層卻又有甜膩的朱古力，加上用上甜度較高的朱古力，吃起來味道相當奇怪。

Sacher's sister Blanca (AUD 8)
白朱古力本來就不太討好，加上梨味和雲呢嗱味，整件蛋糕令人邊吃邊搖頭。



Paimier (AUD 3.50)
蝴蝶酥的大小差不多有兩隻手掌，口感不像一般的鬆脆而是有點煙韌。就算不是新鮮享用，隔一天拿出來翻熱，玉桂味依然令人回味無窮。


 

越接近M的生日，我們便把行程都依據她的喜好來編排。這天，我們便選擇到動物園去。

這兒不是悉尼最大的動物園，不過人流較少，很多動物的體驗區也不用花時間去排隊。 

家人難得來到悉尼旅遊，我們當然不會放過週末外出走走的機會。這天我們選了M最喜愛的戶外活動，騎馬。放下費用之後，便可以到馬場那邊準備上馬了。

第一天到達悉尼時，當我們打算走向Gnome的時候，已經可以感受到這間曾得獎麵包店的人氣，長長的人龍好像從來也不會從門口消息。一向對長長人龍的餐廳都不會抱著要立即一試的心態，畢竟食物的水準不一定要很好而吸引這長長的人龍慕名而至，有時候只是它超值的價錢丶或是附近的地區競爭較少，當然也有例外。

我們二人大約花了十多分鐘排隊，時間不算太長，我們剛好可以在店內找到一張小枱，坐下來慢慢享受食物。姐姐付了錢之後，兩手捧著食物丶號碼牌，今天的午餐看來相當豐富。

Croissant (AUD 2.80)
澳洲總是不會提供熱烘烘的麵包，這次也不例外。冰冷的牛角包外層不是太油膩，內裡鬆軟而且層次感明顯。

馬卡龍真的會一吃便上癮，一星期前到訪Baroque時只餘下一款口味，所以只買了兩件。經過了解，原來到訪的前一天剛好所有賣光，所以另一天只能供應一款。

隔了一個星期，剛好再次經過Baroque，這次口味明顯比上星期多，乾脆每一款來一件好了。

 chai tea infused milk chocolate ganache(AUD 2.50)
第一次到訪的時候只餘下一款口味，不過這款口味似乎也不太適合我倆，或許是因為我們對這種茶味沒有太大好感。不過夾在杏仁餅中間朱古力餡，香滑濃郁，沒有半點過甜的跡象。

Passion fruit /Grand marnier infused dark chocolate /Salted caramel/Pistachio cherry/ Rose buttercream(AUD 2.50)
第二次到訪時一口氣買了五款，用上小盒裝好，這次拿回家的時候也沒有那驚險。 

來到系列的第二篇，已經感覺到macaron的魅力不單是令人吃得快樂這麼簡單，而是被看似簡單的杏仁餅加上不同的口味深深地吸引著。

望著一個又一個圓滑的macaron排在一起，大小不一代表著甜品師傅一手包辦整個甜品，沒有交給機器去代為整作，心思已高出一班。當中以salted caramel 和 rose buttercream這兩款最得我心，它們的味道都是散發著自然的氣色。

Salted caramel的味道沒有很誇張的甜，偶然的鹽味反而為甜品帶來不斷的驚喜，也是這個配搭令我對焦糖這口味只會死甜改觀。Rose buttercream的花味來得特別自然，起碼連我這個不太愛品嚐花味甜品的人也愛上了這個配搭，來多一客也不要緊的!

整體來說這家的macaron比Coco的絕對是高很多班，不過奢侈品還是得偶然吃好了...... 

一家人能圍在一起吃飯，看似易如反掌，可是當自己身處異國，便發現能齊整地坐在一起吃飯並不容易。這天晚上因為要提早到達機場，所以五時多便先來個晚飯，好讓行程不會太趕。由於兩時多才吃畢午飯，大家的肚子還是滿滿的，所以我們也只點了少許食物，減少吃不完而浪費的機會。

點食物後，送上這四小碟，質素明顯比Madang的差一截。泡菜不夠辣不夠入味，後面的大芽好像沒有煮過一樣，淡淡無味。

Kimchi Pork Hot Pot (For 2) (AUD 42)
和食友談話時得知這個是「部隊火鍋」，孤陃寡聞的我又能認識更多了。湯底的辣度對我而言是剛剛好，不過一直沸騰著令我越吃越辣，自己也不知喝了多少杯水了。豬肉是肥瘦相間，不過肥肉的比例很高，沒有太吸引我去吃。放在旁邊的豆腐剛好吸了湯的味道，吃下去帶點辛辣，而且質感相當滑溜。反之，年糕沒有太吸味道，吃起來則較清淡，早知道這個鍋有年糕我們也不會另單點年糕了。
 
Spicy Rice Cake with Seafood (AUD 18)
另外點了一客年糕，吃起來沒有火鍋這般辣，可是卻帶出微微的甜味。輕輕灑上芝麻，為這軟腍的年糕帶點驚喜，也帶出了汁的香味。海鮮微微為整個年糕帶出鮮味，不失為整個菜的引旨。 

Seafood Pancake (AUD 15)
薄餅是過厚多粉的類型，小蝦也只有兩三隻，完全不對版。幸然加入了不少蔬菜，令整個薄餅吃起來也不會太單調，不過還是不太推介這份薄餅。


吃畢晚飯之後，一家人便該收拾好行李到機場去了。爸爸丶媽媽丶妹妹，一路順風。離合只是人生的其中一個鍛煉，每一個人也得捱過。 

The Tea Room所擁有的第一批茶是從東印度運送過來的，在很早的時期已開始成為西方常飲用的茶之一。在十七世紀，Anna和Victoria兩位先後邀請朋友到The Tea Room來個休閒的下午茶，也把高級的英式下午茶和勞動層的下午茶明顯地分成兩種。

Afternoon Tea,在下午較早的時段享用，以優雅高貴的下午茶塔為主，較講求食物的精緻度和美觀。High Tea,則是為了勞動層的工人著想，把午餐和晚餐合併，食物以肉類丶麵包和蛋糕配上熱茶在一天的工作後進食。

The Tea Room 提供最傳統的英式下午茶，不過位於旅遊名勝，價位較高之餘，我們也得早一星期訂位才能塞進候選名單內，可見其受歡迎程度。

Traditional Afternoon Tea(AUD 38/42)
同行的姐姐和友人T選擇了最傳統的下午茶塔，二人份量的下午茶從照片中還是較美，沒有單人份的單調。 

三件蛋糕中，最令人難忘的是中間的朱古力蛋糕，每一口也散發著濃郁的可可味，加上蛋糕相當濕潤，口感更豐富。旁邊的水果撻和杏仁蛋糕，水準只屬平平，撻底也是更韌的款式。

提供蛋沙律和火腿兩款三文治，用上麥包更健康。把蛋混上沙拉醬，吃起來味道豐富，滑溜美味，不錯。不過火腿三文治吃起來較乾身，不太討好。
 
三款小點的印象都不深刻，主要是麵粉製成，味道也沒有特別的起伏，是較沉悶的一欄。 旁邊的菠菜麵包是相當討好的組合，灑上香濃的香草，更添美味。鬆餅是冷冰冰的，加上質感不算鬆軟，吃了一半便放下了。

Gluten Free Afternoon Tea(AUD 38/42)
我則選擇了一款沒有食物用上澱粉質的下午茶塔。

三文治沒有用上普通的麵包，這件「麵包」吃起來相當彈牙，但淡而無味。

兩件小蛋糕沒有麵粉的幫助，吃起來精粹全失。Macaron帶著淡淡的開心果味，是較好的一款。和傳統的一樣用上菠菜，不過外型有點像中式的咖哩角，吃起來沒有味道，只是菠菜的調味較佳。小蛋糕的質感更是越吃越假，而且款式不斷地重複。

杏仁片吃起來甜味十足，香脆美味。外表和香蕉蛋糕大同小異，可是吃起來也是毫無味道。款式再次重覆，令人吃膩了。 

總括而言，價位高可是食物質素只屬一般，不會吸引客人再訪，甚至不會是推介的餐廳之一。