淨係食半隻龍蝦加一打生蠔, 我地又點會夠呢！行黎行去, 睇黎睇去, 都唔知叫咩好。最後買左1kg已烚熟既大蝦。有好多隻, 而且仲有跟sauce 。

蝦既size都好大, 好似好唔真實, 食左兩隻我已經有頂胃既感覺。攪笑既係size 咁大, 連條蝦腸都粗d, 我頂唔順, 一定要拎走佢, 哈哈。 新鮮程度都可以接受, 只不過擹檔擺放既方式有d奇怪, 將已烚熟同生既蝦左右並排, 雖然中間有塊膠板相隔, 始終有d唔知點咁。

總括以言, fish market既野都係新鮮既, 而且好多魚, 蝦, 蟹等等都好大隻, food counter內所有野我覺得都好貴, 本身澳洲既生活指數已經比香港高, 加上「食海鮮」呢個活動本身都唔平, 而且間間餐廳提供既食物煮法相似, 無太大驚喜, 除非你唔買已煮好個d, 買新鮮既, 叫餐廳幫你即刻煮, 任何中/西式煮法佢地都識。如果你極度瘋狂愛「食海鮮」, 又唔介意俾錢, fish market 會係你既選擇。