晚飯前特登到Darling Harbour行下，因為出發前做過功課，聽聞Darling Harbour附近呢間Blackbird既食物質素唔錯，一如試下。

星期日既Sydney較香港平靜得多，睇黎消費主意係澳洲並唔受歡迎，一般鋪頭唔會特別晏關門，食肆都無咩人幫襯。Blackbird位於二樓，雖然見樓下有好多食海鮮既餐廳，見到人地既seafood platter好似好好味，不過我都決定忠於我既選擇。

被安排坐好後，我地先叫杯野飲，酒係澳洲可能好平（甚至係必需品），兩杯drink都好大杯！！由於口不停，全程成日食野，我地只order一個appetizer及一個main course。個炸魷魚好好味，尤其係個汁，辣辣地，真係開胃，魷魚本身都新鮮。Reef & beef，包括一塊牛扒同一雙大蝦，兩者質素OK，可能食材本身唔差，無咩失手，但亦無驚喜。

係Blackbird望出去見到Darling Harbour呢個內灣，我地係度諗究竟香港有無類似既地方，最後既結論係無，硬要講的話，可能係尖東既海滂，不過望既都係維港但欣賞維港仲有好多更好既選擇，而且我估以家尖東海滂既食肆都搵到強國人士既足跡，我地仲可以安安靜靜咁一邊食飯一邊欣賞維港嗎？