在溫哥華搭灰狗係同火車及另一間巴士公司(Pacific Coast)分享同一個車站,幾有趣, 他們的車站都是一式一樣的無論這個所謂總站定還是waterfront站, 不過由於這個總站正在維修, 外牆搭滿鐵枝鋼架, 我們最初來買票時找不到入口,找了一轉才將它找出來, 雖說由溫哥華到卡加利好像只是過隔離個省咁,但搭巴士就係要15~16小時,搭火車重離譜叫妳搭至”愛民頓”再轉VAN仔形嘅巴士去啦咁話,價錢重貴多幾十添,
第一次在加國坐灰狗才知道這裡嘅灰狗重兼埋做速遞,真係識得資源増值喎,可能由於這緣故,中途分站很多,兩個鐘頭停一停嚟嘈醒妳, 係咁上落貨同簽簿全程起碼嘥一粒鍾啦, 中途(大概凌晨03:00 ~04:00)有個大站重會趕晒D客人落車,因為保安理由喎,在車站內呆等半個鍾才放番妳上車, 還有一樣留意到原來加國人民都幾”心急”下架, 當我們在總站等上巴士時,重有成45分鐘先開車他們已經攞定行李企定定排隊等上車, 又見過有次搭船過北溫時有乘客一上船唔坐低就企定喺另一邊門口等衝閘落船! 我重以為呢D嘢香港人先做添,原來加拿大人都如是,
而喺今次旅程我們試過不少這裡超市的外賣食物,因為有時要坐長途車啦,又或者想慳d使啦, 不過大部份味道都不錯, 尤其係壽司雖然全部都係”賓賓”整嘅, 口味重要係唔多正宗嗰隻, 大部份味道似加洲卷,內餡都係Mayo撈三文魚,烟三文魚,罐頭吞拿魚啦, 有時買貴少少會有隻蝦咁,亦有買過些沙律, 都唔錯嘅, 買健康嘅飽就會”貴”買唔健康嘅飽就會”平”幾諷刺下,

06/Oct. 幾經辛苦在卡加利的灰狗車站乘的士前往唐人街撞正落雨,溫度急轉直下條街只得兩,三度加埋刮風,打咗個電話即轉入一個小商場搵食,個商場雖則唔大但一入去就發覺街頭播粵曲,街中間播緊”秋官同阿姐個賣唱會”商場口有間日式料理店重做埋”all u can eat lunch”呢度有番咁上下大間的日式餐廳似乎都會有呢種營業模式,但我地無諗住食壽司,所以繼續行,行至成個商場最尾尾,見有家韓國料理店喎, 佢地個午餐嘅套餐-豬肉湯飯好扺只係做$6.90,不過我地無叫呢個午餐,
反而叫咗個二人套餐Cambo for two, 先上嘅係日式塩水烚枝豆, OK嘅味道, 再上的係韓式辣醬跟羅馬生菜當係沙律又幾特色喎,不過個辣醬吃多了的話會覺得幾辣下所以用水份充足嘅羅馬生菜去中和一下都係一個合情合理嘅設計, 又幾好味喎個海鮮豆腐鍋份量尤其大,重有少少辣味添,喺咁凍天氣食啱晒,鍋的豆腐質地很滑不過豆味就無啦, 海鮮也用了不少,有蝦同帶子粒粒,這豆腐鍋有滑滑豆腐配合有咬口嘅海鮮粒粒一軟一硬正正是我們亞洲世界裏講的陰陽之道?! 韓式鐵板牛肉肉味夠, 配炒嘅蘑菇片蘑菇味重,蔥亦炒到剛剛好熟沒有過頭好味道, 米飯亦唔太差, 有時真係店都不可以貌相喎, 估唔到在卡加利會巧遇韓國廚藝界高手,雖然再沒有甜品之類但我俩已經吃得飽飽的,有足夠能量同外面的冷風冷雨格鬥了,

當我們去完親戚處回到”城”裡見重有差不多兩個小時才是灰狗開車時間,於是乎便在附近隨便一家”CAFE”開我們的下午茶了,店座落於一間藝術中心內部,採開放式吧枱形式, 店名”De Ville Luxury Coffee & Pastries” 店內陳設光潔明亮之餘亦有鮮艷色彩嘅餐具帶起現代感覺, 坐位亦有吧枱高櫈, 普通木櫈同梳化適隨專便,
我們要了一份”Panini sandwich”這種三文治在B.C.隨處可見, 大部份一樣樣只是餡料稍為作一點改變, 今次我們要的是大路選擇-ham /cheese,這間cafe的做法是三文治之外還有一堆baby菠菜沙律伴碟除了美觀客人亦會覺得花這加紙8元多花得稍為值得, 不過講句公道話,好多時我們在香港即使花同樣價錢得到的只是個半滿的Panini, 由飽至內餡都是收貨收一半, 多的是, 鬼叫香港d租金咁貴,俾多條菜都要計住計住啦,講番這三文治,雖然是烘熱了但請注意不是被壓扁了的那種,底層鋪了一層碎嘅手切橄欖茸少少酸酸咸咸嘅味道,再放上一疊簿切火腿,唔係幾片嗰隻喎,上面還有莎樂美香腸片及芝士用熱烤爐輕輕一夾,芝士溶化後同腸/火腿變得水乳交融, 一啖咬下去麵飽麵飽散成粉點狀在口裏,芝士火腿跟住就來,這個Panini足足7~8”長,吃得我們超滿足耶,

另外還要了件Lemon Cake 這牛油蛋糕質地鬆軟,裏面嘅Poppy seed也挺多, 甜度當然是當地的甜度了, 以我們來說稍稍過了頭,以他們來說很正常不過

飲品:我要了杯意大利泡沫咖啡, 在這裡只要到新式嘅咖啡店叫這類型嘅咖啡,她們嘅拉花一般都是很專業的, 似乎在這裡要在咖啡店嘅咖啡機面前討飯吃,這拉花技術是少不了, 所以如果香港人想來這裡當個調咖啡師的話真的要好好修煉一下因為這裡的咖啡師個個似乎都技藝不凡,當然我在這裡也試過要一杯意大利泡沫咖啡但居然沒有拉花只有一團泡,因為她是一個年紀比較大嘅印度大嬸,太座要的是一壺茶, 那茶壺份量也不少呢就這樣悠閒地看着外面嘅景物, 渡過了個多小時, 跟着又要上路了 

由於街市內食餐費用高昂, 於是乎我們去到街上去, 在比較近入口那邊找到了”Tony’s Fish & Oyster Cafe”擺明賣海鮮為主, 呀事頭兩公婆你講廣東話嘅人仕, 但係事頭兩公婆都要在開放式廚房內落手落腳,好投入下嗰隻, 唔似香港d事頭只會坐喺收銀機旁邊收錢, 反而係外籍女待應負責收銀找錢等工作, 兩點都重好旺場, 我們點:半打生蠔$13.99, 沒太咸海水,蠔肉爽夾滑, 一份Cod fish & chips魚肉似是沒有怎樣人工修飾過,魚肉味不重而稍稍結實,配他他汁都已經好好味, 炸衣剛好一層簿衣, 但油膩感就多少都會有架啦,因為係Lunch Set 有一個小杯周打魚湯送嘅,在這裡似乎”湯”都是這麼少的,對於飲大量湯水嘅中國人來說實在”不是味兒”,當然這裡嘅周打魚湯唔會好似港式荼記咁開生粉水俾妳飲啦, 湯渣有魚肉粒,蜆仔肉,蝦粒,薯仔粒, 再叫咗半份Caesar Salad $7.99羅馬生菜夠爽脆惜烟肉粒同帕馬遜芝士碎欠奉,沙律汁都係現成即用嘅貨,
雖然係咁但我估計咁樣食比在pulbic market內熟食檔食平易而且生蠔可以只食半打,見裡面市場嘅海鮮檔係一打計嘅價錢,即使買亦唔知有否汁醬伴食?

在牛津想吃司康餅的話
The Rose大概做得最好
比起市中心那（偽）五星酒店好吃得多了
每次有新來的／想吃下午茶的朋友必定會帶他們去The Rose
而且feedback也是一致好評

這裏做的司康餅好homey
因為是homemade的賣相不走精緻路線
可是新鮮出爐熱烘烘的超好吃！
外面脆裏面軟
牛油味好香～
（只是有時太容易散開）
配上clotted cream和果醬好吃得不得了

一個cream tea set除了有兩個司康餅外還有茶
一共有十多種
而且每種附有介紹
例如要不要下奶，要泡多久等
很細心喔～

通常我是喝Assam和Ceylon的
最近喝過中國來的Vanilla Tea覺得香草味好濃～
這個推薦！

一個set就只是六鎊多 
水準比起其他貴一點的地方毫不失禮
不過叫cream tea special（十一鎊多）的話就會很飽！
（就算吃得完也會好有罪惡感）
除司康餅外有三文治和一件蛋糕
三文治就很普通啦
檸檬蛋糕吃過算是不錯～

唯一問題是曾經有一個staff態度很差
明明有三鎊多change也不肯找給我們
太過份了吧！（｀m´＃） 

這裡員工很友善, 亦有免費無線上網, 公家廚房有大量其他旅客用剩品資可供運用,所以租金雖然有點貴,但如果能充分利用設備的話,對背包友來說還是可以的,

好久沒有到這類型嘅水族館, 除了魚類之外,這裡還有豐富嘅亞熱帶雨林展示館, 品種繁多的青蛙,水母館看得入神了,因為在機場一落機已經看到這水族館擺放嘅水母缸,印象深刻

店內差不多全店滿座, 牆上掛滿是什麼什麼獎狀之類的, 待應不特別多所以個個都幾忙下咁不過服務態度還是可以的, 忙碌之中亦不忘沖茶沖水等動作, 大部份大枱客人似乎都係熟客, 待應們跟那些客人都有講有笑, 看來這店幾受街坊戲重, 老外客人也不少喎,起碼有一半数是洋人, 當日食的點心如下:

蝦腸粉- 腸粉皮麻麻,太厚且不夠烟韌,還好彩蝦肉新鮮夠肉質爽脆,唔似得有些油樓用水沖蝦身至脆,但這樣做只有口感而蝦味全無最終要靠雞粉補救,

义燒飽- 飽皮又係麻麻地,但內餡的义燒就好多下,餡的獻汁調得較杰身太座話睇落蓮蓉餡,

海鮮鳳眼餃- 個蒸籠似乎特別d是銀色的,不過亦有可能係用晒竹嘅蒸籠咪用銀色囉, 同樣地餃皮做得麻麻不夠烟韌,而放在頂嘅蝦仁就可能無醃過所以只有蝦的原味,而內餡則是一些用蝦肉做嘅塡充物, 比較失敗的一個點心,

山竹牛肉球- 有三大粒尺碼係小時候在茶樓食到的那種大碼裝, 口感夠爽滑但牛肉味就欠奉了, 付上的喼汁有點怪-帶咸味嘅喼汁!影響咗成個點心嘅味道

皮蛋瘦肉粥- 中碼,粥底是沒有落味精那種,瘦肉是手撕的那種,而皮蛋竟打撈很久才有数粒,使唔使咁少呀, 感覺這碗粥很家庭feel,食完會飽肚那種,

金蒜鮮蝦春卷- 最後點的點心亦是最後才來,一看顏色很對辨(金黃色),一咬下去感覺到溫度還幾高下雖未至燙咀但足以證明係即叫即炸,顏色亦證明不是番炸的貨色,蒜香味在咀裏亂竄,一時間蒜香夾雜蝦肉嘅觧味同時再有咬碎春卷皮嘅口感,完全係呢餐飲茶的焦點所在,可能這裏嘅強項係”炸物”都唔定, 吃過這幾條美味嘅春卷後, 都可算係劃上完滿嘅句號了,最後埋單加紙28蚊,

天海餐廳，最吸引人的應該是餐廳的裝飾，還原了老北京的風情，店內的服務員都是穿長馬褂的店小二打扮，手拿大麻布，服務態度當然也很北方大爺的啊~

“沒吃過波士頓龍蝦就如沒去過波士頓” 這是朋友的忠告。

外國的生活沒有香港那般夜夜笙歌, 還沒有九時, 大部分的商店經已打烊, 街頭業已冷清, 沒有多少處落腳之地, 沒頭沒腦地撞進了Legal Sea Foods, 食物故之然沒有香港人那末花巧, 龍蝦的選擇聊聊可數, 很快的決定了要Loster Roll。

份量是為外國而設的, 冷盤的龍蝦配合著沙拉醬, 薯條是剛出油的, 熱呼呼的, 一凍一熱, 卻合拍得出奇, 還有清新的沙拉下膩, 飽餐一頓後, 輕呷一口檸檬汁, 實在是悏意得很。

淺嚐過龍蝦的濃郁, 便很想嘗試一下生蠔的清淡, 遊歷之間, 不過日已西沉, 還是在Quincy Market找個落腳點。

金髮的侍應笑容燦爛可人, 叫人無可抗拒地進入Salty Dog的地庫。

木製的枱椅有一抺海洋氣息, 彩藍的色調也教人心曠神怡。

 點了半打生蠔, 還有一個配合我身分的小薯, 最後來一杯冰凍的檸檬汁, 簡直是享受。

生蠔稱不上肥美, 但入口充滿了咸味, 感覺異常新鮮, 就彷似用鹽烹調似的, 仔細問明了待應, 原來這是海水天然而成, 頓感世界的奧妙。

涼涼的檸檬汁為滿足和快慰寫上了句號, 流浪在清冷的夜色中, 就如脫胎換骨一般。

慕名而來, 因為每本旅遊書都介紹此店, 位於Charlestown的Olives, 位置嚴重失利, 最近的地鐵站也要走十數分鐘, 但遠渡而來, 又豈可不品嚐一下以證其實。

寒風中走過大橋, 吹得頭髮也亂了, 一口氣衝進和暖的餐廳, 感覺是截然不同, 恍若踱進幻境中的小屋。 開放的廚房, 優雅的佈置, 古典的陳設, 在黃澄澄的燈映下, 像是訴說著一段又一段的心曲, 偶爾在玻璃漏瀉而入的斜暉, 與室內的空氣共舞, 交織出一縷又一縷的情愫。

在感動之中坐了下來, 茫茫然有點不知所措, 侍應便友善地介紹著著名餐飲, 猶豫良久才點了菜。

頭盤是生蠔, 如之前一般, 不是肥美的, 也沒有海水的味道, 淡淡的鮮味和著醬料的味道, 沒有意外的感覺。

主菜是鱒魚配意大利飯, 賣相是平實的, 但當我嚐到第一口意大利飯之時, 我深深明白到為可它得到不同旅遊作者的青睞, 那醬汁濃中帶淡, 清而有味, 稀稠融合, 簡直有相逢恨晚之感。 再啖一口那鱒魚, 外表粗糙的它, 內裡竟幼滑得如脫了殼的雞蛋, 入口即溶, 將我的心淡化淨盡。

在日落的餘温下踱過大橋, 暖洋洋的心, 和滿足的腸胃是一脈相承的。

初嚐了波士頓龍蝦巻, 心癢難當, 忐忑輾轉要多嚐一遍, 在燦爛陽光下走訪, 要找一處好的落腳地。

在Quincy Market這個美食大熔爐裡挑了一個座位, 這裡食物的款式較多, 花多眼亂, 猶豫不決, 友善的女侍應禮貌的建議, 才終於點好了菜。

菜端上來, 當然誇張得令我瞠目結舌, 心想如何消化這般大的龍蝦, 但垂涎欲滴, 顧不了那麼多, 還是大快朵頤罷。

擰下了蝦鋏, 肥美的蝦肉擠擁出來, 點了芝士醬, 爽肉膩油, 齒頰留香, 鮮美彈牙, 令人回味無窮。