店內差不多全店滿座, 牆上掛滿是什麼什麼獎狀之類的, 待應不特別多所以個個都幾忙下咁不過服務態度還是可以的, 忙碌之中亦不忘沖茶沖水等動作, 大部份大枱客人似乎都係熟客, 待應們跟那些客人都有講有笑, 看來這店幾受街坊戲重, 老外客人也不少喎,起碼有一半数是洋人, 當日食的點心如下:

蝦腸粉- 腸粉皮麻麻,太厚且不夠烟韌,還好彩蝦肉新鮮夠肉質爽脆,唔似得有些油樓用水沖蝦身至脆,但這樣做只有口感而蝦味全無最終要靠雞粉補救,

义燒飽- 飽皮又係麻麻地,但內餡的义燒就好多下,餡的獻汁調得較杰身太座話睇落蓮蓉餡,

海鮮鳳眼餃- 個蒸籠似乎特別d是銀色的,不過亦有可能係用晒竹嘅蒸籠咪用銀色囉, 同樣地餃皮做得麻麻不夠烟韌,而放在頂嘅蝦仁就可能無醃過所以只有蝦的原味,而內餡則是一些用蝦肉做嘅塡充物, 比較失敗的一個點心,

山竹牛肉球- 有三大粒尺碼係小時候在茶樓食到的那種大碼裝, 口感夠爽滑但牛肉味就欠奉了, 付上的喼汁有點怪-帶咸味嘅喼汁!影響咗成個點心嘅味道

皮蛋瘦肉粥- 中碼,粥底是沒有落味精那種,瘦肉是手撕的那種,而皮蛋竟打撈很久才有数粒,使唔使咁少呀, 感覺這碗粥很家庭feel,食完會飽肚那種,

金蒜鮮蝦春卷- 最後點的點心亦是最後才來,一看顏色很對辨(金黃色),一咬下去感覺到溫度還幾高下雖未至燙咀但足以證明係即叫即炸,顏色亦證明不是番炸的貨色,蒜香味在咀裏亂竄,一時間蒜香夾雜蝦肉嘅觧味同時再有咬碎春卷皮嘅口感,完全係呢餐飲茶的焦點所在,可能這裏嘅強項係”炸物”都唔定, 吃過這幾條美味嘅春卷後, 都可算係劃上完滿嘅句號了,最後埋單加紙28蚊,

這裡員工很友善, 亦有免費無線上網, 公家廚房有大量其他旅客用剩品資可供運用,所以租金雖然有點貴,但如果能充分利用設備的話,對背包友來說還是可以的,

好久沒有到這類型嘅水族館, 除了魚類之外,這裡還有豐富嘅亞熱帶雨林展示館, 品種繁多的青蛙,水母館看得入神了,因為在機場一落機已經看到這水族館擺放嘅水母缸,印象深刻

由於街市內食餐費用高昂, 於是乎我們去到街上去, 在比較近入口那邊找到了”Tony’s Fish & Oyster Cafe”擺明賣海鮮為主, 呀事頭兩公婆你講廣東話嘅人仕, 但係事頭兩公婆都要在開放式廚房內落手落腳,好投入下嗰隻, 唔似香港d事頭只會坐喺收銀機旁邊收錢, 反而係外籍女待應負責收銀找錢等工作, 兩點都重好旺場, 我們點:半打生蠔$13.99, 沒太咸海水,蠔肉爽夾滑, 一份Cod fish & chips魚肉似是沒有怎樣人工修飾過,魚肉味不重而稍稍結實,配他他汁都已經好好味, 炸衣剛好一層簿衣, 但油膩感就多少都會有架啦,因為係Lunch Set 有一個小杯周打魚湯送嘅,在這裡似乎”湯”都是這麼少的,對於飲大量湯水嘅中國人來說實在”不是味兒”,當然這裡嘅周打魚湯唔會好似港式荼記咁開生粉水俾妳飲啦, 湯渣有魚肉粒,蜆仔肉,蝦粒,薯仔粒, 再叫咗半份Caesar Salad $7.99羅馬生菜夠爽脆惜烟肉粒同帕馬遜芝士碎欠奉,沙律汁都係現成即用嘅貨,
雖然係咁但我估計咁樣食比在pulbic market內熟食檔食平易而且生蠔可以只食半打,見裡面市場嘅海鮮檔係一打計嘅價錢,即使買亦唔知有否汁醬伴食?

在溫哥華搭灰狗係同火車及另一間巴士公司(Pacific Coast)分享同一個車站,幾有趣, 他們的車站都是一式一樣的無論這個所謂總站定還是waterfront站, 不過由於這個總站正在維修, 外牆搭滿鐵枝鋼架, 我們最初來買票時找不到入口,找了一轉才將它找出來, 雖說由溫哥華到卡加利好像只是過隔離個省咁,但搭巴士就係要15~16小時,搭火車重離譜叫妳搭至”愛民頓”再轉VAN仔形嘅巴士去啦咁話,價錢重貴多幾十添,
第一次在加國坐灰狗才知道這裡嘅灰狗重兼埋做速遞,真係識得資源増值喎,可能由於這緣故,中途分站很多,兩個鐘頭停一停嚟嘈醒妳, 係咁上落貨同簽簿全程起碼嘥一粒鍾啦, 中途(大概凌晨03:00 ~04:00)有個大站重會趕晒D客人落車,因為保安理由喎,在車站內呆等半個鍾才放番妳上車, 還有一樣留意到原來加國人民都幾”心急”下架, 當我們在總站等上巴士時,重有成45分鐘先開車他們已經攞定行李企定定排隊等上車, 又見過有次搭船過北溫時有乘客一上船唔坐低就企定喺另一邊門口等衝閘落船! 我重以為呢D嘢香港人先做添,原來加拿大人都如是,
而喺今次旅程我們試過不少這裡超市的外賣食物,因為有時要坐長途車啦,又或者想慳d使啦, 不過大部份味道都不錯, 尤其係壽司雖然全部都係”賓賓”整嘅, 口味重要係唔多正宗嗰隻, 大部份味道似加洲卷,內餡都係Mayo撈三文魚,烟三文魚,罐頭吞拿魚啦, 有時買貴少少會有隻蝦咁,亦有買過些沙律, 都唔錯嘅, 買健康嘅飽就會”貴”買唔健康嘅飽就會”平”幾諷刺下,

06/Oct. 幾經辛苦在卡加利的灰狗車站乘的士前往唐人街撞正落雨,溫度急轉直下條街只得兩,三度加埋刮風,打咗個電話即轉入一個小商場搵食,個商場雖則唔大但一入去就發覺街頭播粵曲,街中間播緊”秋官同阿姐個賣唱會”商場口有間日式料理店重做埋”all u can eat lunch”呢度有番咁上下大間的日式餐廳似乎都會有呢種營業模式,但我地無諗住食壽司,所以繼續行,行至成個商場最尾尾,見有家韓國料理店喎, 佢地個午餐嘅套餐-豬肉湯飯好扺只係做$6.90,不過我地無叫呢個午餐,
反而叫咗個二人套餐Cambo for two, 先上嘅係日式塩水烚枝豆, OK嘅味道, 再上的係韓式辣醬跟羅馬生菜當係沙律又幾特色喎,不過個辣醬吃多了的話會覺得幾辣下所以用水份充足嘅羅馬生菜去中和一下都係一個合情合理嘅設計, 又幾好味喎個海鮮豆腐鍋份量尤其大,重有少少辣味添,喺咁凍天氣食啱晒,鍋的豆腐質地很滑不過豆味就無啦, 海鮮也用了不少,有蝦同帶子粒粒,這豆腐鍋有滑滑豆腐配合有咬口嘅海鮮粒粒一軟一硬正正是我們亞洲世界裏講的陰陽之道?! 韓式鐵板牛肉肉味夠, 配炒嘅蘑菇片蘑菇味重,蔥亦炒到剛剛好熟沒有過頭好味道, 米飯亦唔太差, 有時真係店都不可以貌相喎, 估唔到在卡加利會巧遇韓國廚藝界高手,雖然再沒有甜品之類但我俩已經吃得飽飽的,有足夠能量同外面的冷風冷雨格鬥了,

當我們去完親戚處回到”城”裡見重有差不多兩個小時才是灰狗開車時間,於是乎便在附近隨便一家”CAFE”開我們的下午茶了,店座落於一間藝術中心內部,採開放式吧枱形式, 店名”De Ville Luxury Coffee & Pastries” 店內陳設光潔明亮之餘亦有鮮艷色彩嘅餐具帶起現代感覺, 坐位亦有吧枱高櫈, 普通木櫈同梳化適隨專便,
我們要了一份”Panini sandwich”這種三文治在B.C.隨處可見, 大部份一樣樣只是餡料稍為作一點改變, 今次我們要的是大路選擇-ham /cheese,這間cafe的做法是三文治之外還有一堆baby菠菜沙律伴碟除了美觀客人亦會覺得花這加紙8元多花得稍為值得, 不過講句公道話,好多時我們在香港即使花同樣價錢得到的只是個半滿的Panini, 由飽至內餡都是收貨收一半, 多的是, 鬼叫香港d租金咁貴,俾多條菜都要計住計住啦,講番這三文治,雖然是烘熱了但請注意不是被壓扁了的那種,底層鋪了一層碎嘅手切橄欖茸少少酸酸咸咸嘅味道,再放上一疊簿切火腿,唔係幾片嗰隻喎,上面還有莎樂美香腸片及芝士用熱烤爐輕輕一夾,芝士溶化後同腸/火腿變得水乳交融, 一啖咬下去麵飽麵飽散成粉點狀在口裏,芝士火腿跟住就來,這個Panini足足7~8”長,吃得我們超滿足耶,

另外還要了件Lemon Cake 這牛油蛋糕質地鬆軟,裏面嘅Poppy seed也挺多, 甜度當然是當地的甜度了, 以我們來說稍稍過了頭,以他們來說很正常不過

飲品:我要了杯意大利泡沫咖啡, 在這裡只要到新式嘅咖啡店叫這類型嘅咖啡,她們嘅拉花一般都是很專業的, 似乎在這裡要在咖啡店嘅咖啡機面前討飯吃,這拉花技術是少不了, 所以如果香港人想來這裡當個調咖啡師的話真的要好好修煉一下因為這裡的咖啡師個個似乎都技藝不凡,當然我在這裡也試過要一杯意大利泡沫咖啡但居然沒有拉花只有一團泡,因為她是一個年紀比較大嘅印度大嬸,太座要的是一壺茶, 那茶壺份量也不少呢就這樣悠閒地看着外面嘅景物, 渡過了個多小時, 跟着又要上路了 

行出街口轉角的商場有間叫”Evelyn’s Cafe Bar”的, 叫了一個Egg cheese Panini sandwich , House Coffee & Hot Chocolate
Panini 沒有昨天在Calgary的好食, 但Panini 飽是一樣的咬下去粉在口內散開, 不過朱古力太座話這杯就甜到無朋友嘞, 咖啡是香噴噴的但味道是一般的淡, 開始明白北美人嘅品嚐咖啡方法是用嗅覺而不是味覺的了,口裏渴着水而鼻則飲着咖啡!

由於下着雨整個上午都泡了湯, 只去了上網約45分鐘, 在加拿大到處都可以免費無線上網的, 可惜我們沒有Notebook, 以前有的都壞掉了, 而在這裏到網吧上網則貴到令人不想上網, 我們都是因為要訂下一目的地(維多利亞)酒店的房才忍痛來上網,還好她們也有些少用來引客的招数,就係要杯任何飲品可以免費上30分鐘網, 算係有番些少着数咁啦,
由於天氣報導話明天轉晴,雖然從早上嘅雨勢來看無法想像明天會有幾晴?但人又來了,無理由唔去自己想去嘅地方觀光架,硬着頭皮同個天賭一舗,參加了一日的哥倫比亞冰川遊,本來我們去報名的是用一間小型巴士的戴乘客觀光的, 這間是包一個三文治件午餐的,但因為是小型巴士已經額滿無位了,不過那店員很友善地幫忙,話另一間巴士公司都是舉辦類似行程,只係沒有午餐供應,同埋坐大巴士嘅分別, 大型嘅景點不變, 於是乎OK, 不過在這裡這種ONE DAY TOUR其實蠻貴的, 每人要加紙150蚊, 明顯係搵遊客錢的了, 但通常都在網上"戚"過有心理準備會沒有那麼"震驚"!
雨一直落至下午, 由於昨天在親戚處給手信她們時忘記了一些小東西沒有放低,所以今天到郵局寄去卡加利, 郵件只是一小包用半個A4嘅紙皮袋入住寄出已經要加紙8元了, 同時間我們做了件在旅途上從來好少做的事, 就係買一張明信片將它寄回香港給自己了, 結果這明信片在我們回港後差不多一星期才到埗, 加拿大 - 真的那麼遠嗎?以前自己試過從加洲寄信回香港, 最快試過四天,最慢一星期, 雨不停地落着,唯有找些室內的觀光點遊覽一下, 所以去了最近嘅
看了好些雀鳥, 山羊, 野牪牛的標本, 雖說是標本但全部都是實物原大展示出來,睇落重幾真實下架, 展覽館有上下兩層除咗動物標本之外還有一個大廳可供人看一些展覽嘅書籍,大廳保持着那30,40年代的風格, 彷彿走進了時光隧道,

我們在Banff Park Museum 一直看至下午差不多三點, 要找點別的, 我們跟書(Lonely Planet)找一間叫”Bruno’s Cafe & Grill”都幾難找下, 終於找到了, 旁邊還有一間少少嘅迴轉壽司, 門口的擺設似一點歐式但一入內裡就變成全美式, 液晶體大營光幕上播放着天氣報導話泰國水浸,其實連續幾日都見天氣報導泰國水浸的情況,都知道情況不妙了, 最近都係天災頻頻唯有自求多福啦, 我們柯打如下:
Bruno Englar Burger CAD$13.29- 飽頂放一片2mm厚嘅醃青瓜用一根牙籤將瓜連漢堡飽插住, 似乎呢個賣相係加拿大獨有嘅, 自己都係在香港嘅”Triple O”第一次見這個樣子嘅Burger, 不過香港嘅Triple O burger印象就麻麻嘞, 這裡嘅burger內餡漢堡成吋厚, 好有肉味而且不乾, 再加上炒過嘅蘑菇片同瑞士芝士溶埋一齊, 這裡嘅漢堡飽也是一咬粉碎那種口感, 非常之”正”嘅一個漢堡,伴碟的還有炸薯條一大堆同一小碗生菜沙律, 雖然價錢係好昂貴,上好的食材配上好的包真的無以上之,
Potato Soup in Bowl CAD$6.49- 薯仔湯是粒粒湯,即是切成細粒粒的薯仔,雜菜,煙肉煮成一個稍微杰身嘅湯而不是打成忌廉狀那種, 但我們柯打的是Bowl size 來的是一個港式茶餐廳套餐用的湯砵, 老實講同預期相差好遠, 估佢唔到嘅少份量, 我地以為”Bowl”喎即係大湯碗啦,無諗過係咁囉,論味道並沒有特別的好或者壞,
由於班夫係遊客區亦係這區嘅大鎮所以物價特別高這個理解,
好奇怪,這裡食嘢好似唔使俾稅咁喎

我們從Bruno’s cafe 走出來已經四點多, 本來諗住遊蕩一下那條街嘅手信店,買些少手信,但行無兩步個天色又好似好起來, 於是乎同太座決定去一個近近地嘅景點行下,我們走過橋去對面岸嘅”弓河”View Point”走一轉吧, 行下又落兩滴雨,落下又停下,洋人一般都不打傘只會任由雨落於頭上,衣服上,我們都服了他們,所以甚少見他們手上有把傘! 話遠唔遠話近又唔近,行咗差不多40分鐘終於到咗View Point,但可能天氣凍的關係太座要找厠所,本來加國很多地方都有公厠偏偏這附近沒有? Sorry囉, 點算好呢,忽見路的盡頭似有間餐廳在小山丘上,後來才知道那是(菲拉蒙大酒店Fairmont Hotel的其中一翼Waldhaus Pub),上去借囉他們唔會咁無人情味唔借厠所嘅,重有係女士添,應該可以的,正如我們所想的,他們肯借厠所一用, 由於那餐廳在小山丘上,剛剛好望住弓河從山間流出來的出口,而河的對岸是一個高球練習場, 雖說是練習場但面積都幾闊下,整個河谷綠意盎然, 天色漸漸轉光亮, 從這角度看有山,河流,綠草如筃的小草原,很是漂亮的一幅風景畫, 在這小山丘上我們影了好些風景沙龍照呢,時間關係,光線轉弱氣溫也下調了很多,基本上是零度至一度之間, 我們沿河邊再走向橋那邊, 實在很羡慕住這地方嘅居民,他們只要外出走走不用又車又船已經有這麼美麗嘅環境,唔似得香港走到哪裡空氣中的懸浮粒子都是那麼多,當然這也是早二十年我們將香港的工廠移至珠江口的省市,現在就是種什麼因出什麼果的道理, 我們渴望物質但要付出代價跟着來的幾十年的中國都會如是,為了今天每年維持的國民生產值影響的是將來的後代子孫,值得與否讓將來的人自行定論吧

一整天的巴士團, 用的是大巴, 其實整團人還只是座得個1/3

Peyto Glacier- Bow summit聽司機講這是我們今天去看的冰川之中標高(2,115米)比較為高的一個亦由於氣候暖化關係比起上個世紀冰川已經後退了2km,不過現場所見係好似大個收緊水嘅湖,但又似一灘好大灘嘅水, 好似被困在山谷內咁, 如果喺濃冬湖面一些結冰, 那時才有機會見得到這裡嘅冰川,
但話說回來這裡景色也是較為令人眼前一亮的景觀, 果然由於地勢高的關係, 松樹的樹枝上掛了昨晚的霜還未溶化,地面也有一層簿簿的霜, 個個遊客都爭取最有利位置拍照,時間正差不多正午,陽光上至頭頂整個山谷都被照耀着,湖水反射出天上的藍色加上本身的藍綠色份外吸引人,如此藍綠色的水還是頭一趟睇到,

我則要咗”Taste Sri Lanka”的兩餸咖哩, 兩餸係咖哩蘑菇&豬肉, 飯是黃薑飯,要了”辣味”的,果真幾辣下,尤其是食到尾嗰陣, 就咁就食咗在班夫的最後晚餐了,

我們還在超市買了香蕉, 墨西哥卷(Honey Ham Wrap Tortilla)作宵夜,餡餅的內餡有生菜, 火腿,忌廉芝士, Mayo, 其中火腿有好多片好似大贈送咁, 反而忌廉芝士唔多覺得有, 調味OK不過咁多片火腿又點會唔OK呀,包的皮亦沒有放耐咗而變硬