搜尋:
遊記日期:    發表日期:    
 
簡介形式      文章形式
共找到 115 篇遊記, 正顯示第 51 至 60 篇遊記
MLKM
29篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-27
居高臨下 ok喇2012-09-27
由我間酒店房望出去近在咫尺的Tour Montparnasse
由我間酒店房望出去近在咫尺的Tour Montparnasse
搭多張夜景
搭多張夜景
在塔的室內區域下望
在塔的室內區域下望
頂層的露天天台
頂層的露天天台

第四日一早, 去咗位於酒店隔離既Tour Montparnasse. 呢座建築物號稱全巴黎最高, 堅定流就無從稽考喇. 門票每位13€, 0係酒店度都有得賣而且價錢更平, 10€就搞掂.

遊客嚟呢棟大廈只係為咗俯瞰巴黎全景. 呢度遊人相對較少, 如果嫌上鐵塔又貴又排隊排到海枯石爛既話呢度不失為一個好選擇. 同鐵塔一樣呢度都有間餐廳, 可以一邊食晚飯一邊欣賞巴黎夜景, 不過網上探子回報話食物味道不過爾爾, 所以我地無嚟吃.


參觀時段: 早上
入場價錢: 每人10歐元
評分: 值得去3  
搶眼非常的Moulin Rouge
搶眼非常的Moulin Rouge
上Sacre Coeur的主要道路
上Sacre Coeur的主要道路
Sacre Coeur
Sacre Coeur
山上望下來
山上望下來

由Tour Montparnasse落嚟後我地去咗紅磨坊, Moulin Rouge. 求其0係外面影張相證明到此一遊過就OK喇. 一來對表演興趣唔大, 二來入場費唔平, 唔包晚餐, 齋睇show都要約莫100€一位(唔知有無記錯).

之後大家去咗Sacre Coeur, 聖心教堂. 呢度離Moulin Rouge好近, 只係相距一個地鐵站. 教堂位處一個叫Montmatre的小山坡上, 未有鐵塔之前呢度係全巴黎最高既地方嚟0架.

第二張相中條斜路就係通往聖心教堂之路. 我地由地鐵站一上來, 即時嚇咗一跳: 撞鬼咯咁多人既? 家陣趁墟咩? 著實令我憶起內地旅遊景點既盛況.   

之前提過我地對教堂無咩認識, 所以入內行個圈, 睇咗一陣就走. 而且入面唔准影相. 反而外邊仲多野睇, 有個日本人表演唱歌, 又有個黑人徒手爬上電燈柱, 猿猴咁兩手抓住上面, 然後用膝頭及雙腳輪流頂波! 精彩. 而且坐0係外面草地休息都幾舒服的.

另外想講下教堂外邊有好多黑人, 一見遊客經過就綁條彩繩0係人手上, 跟住就梗係要你磅水喇. 我一行過就有條友拉住我隻手想綁條繩落去, 我梗唔制喇, 豈有此理信唔信阿姐我告你非禮吖嗱. 即刻掙脫咗繼續行. 旁邊有個十幾歲既台灣男仔就無咁醒, 傻傻下任人綁咗條彩帶, 俾咗2€對方竟然仲嫌少. 後來佢點甩身就唔知喇.

由教堂出來後我地去咗Galerie Lafayette, 呢, 即時大名鼎鼎既名牌集中地老佛爺. 同一條街上仲有同老佛爺一樣既百貨公司Au Printemps, 都係賣名牌為主的. 老實講呢兩間公司人多到似街市, 要買名牌既話去Rue St. Honore行得仲舒服. 不過如果時間無多既話呢度都算係shopping好去處, 因為牌子夠多夠集中, 而且兩間公司位處的街上仲有無數時裝店可供選擇.

參觀時段: 下午
入場價錢: 每人0歐元
正門, 影得朦咗
正門, 影得朦咗
富麗堂皇
富麗堂皇
四大頭盤
四大頭盤
四大頭盤之鴨肝
四大頭盤之鴨肝
燒羊腿
燒羊腿
燒鴨胸
燒鴨胸
朱古力柚子mousse
朱古力柚子mousse
熱情果白朱古力慕絲蛋糕
熱情果白朱古力慕絲蛋糕

行咗一陣我地就開始去食晚飯. 呢間餐廳叫Le Train Bleu, 位於火車站Gare du Lyon裏邊, 好易搵, 亦都係一間百年老字號了, Mr. Bean電影版都0係度取過景呢. 環境超靚, 金碧輝煌到差 d以為自己坐0係凡爾賽宮享受晚宴.

先來麵包. 侍應拎住一籃麵包俾我地揀, 有原味, 黑麥同橄欖麵包三款. 我要咗原味既, 之前講過法國餐廳既麵包都偏乾硬, 呢度既亦不例外. 但麵粉味係幾香的.

頭盤方面, 我要咗佢地自家製既煙三文魚. 三文魚肥美可口, 但就唔算驚為天人. 配上的兩件鬆餅我覺得同煙三文魚唔係咁夾. 旁邊仲有用煙三文魚加奶油打成既souffle, 放0係一塊薄脆上面, 呢個就好好味, 豐腴鮮美.

細佬叫咗青蘆筍凍湯, 佢話夠滑味道又夠清新. 阿媽就點咗鴨肝醬. 鴨肝醬幼滑, 而仍然食得出粒粒鴨肝的口感. 中間夾咗一層杧果茸, 食起嚟無咁膩.  旁邊配上燒菠蘿粒及淋上蜜糖既waffle. 兩樣都好味但後者同鴨肝唔多夾, 我地一致認為怪怪地咁.

阿爸叫咗個咩頭盤我地無人記得, 包括佢自己. 好似係個裏面係蘑菇餡既酥皮圓球, 旁邊仲放上一片燒香咗既煙肉. 只記得佢食既時候都讚幾好味的.

主菜兩老都要咗燒羊腿, 我地兩個就點咗燒鴨胸. 侍應推來一架車, 揭開蓋後一隻壯觀的羊腿誘人地呈現在眼前. 侍應由羊腿上切三片下來, 就係一份了. 羊腿非常好味, 七分熟, 鮮嫩多汁. 有應有的羊騷味但又未至於太過分, 很合兩老心意. 配上的是加咗blue cheese的薯茸, 好吃.

燒鴨胸用既係嫩鴨, 同樣燒得七八分熟, 吃起來軟嫩無渣, yummy!  旁邊同樣配上薯茸, 不過係無加cheese的版本. 卷起成筒狀的青瓜片內係炸脆的麵包小粒, 帶有濃濃的芝士香, 好得意.

食完兩道菜後大家都相當飽了, 不過都試咗兩份甜品. 一份係朱古力及柚子mousse , 一濃甜一微酸加起來恰到好處. 另一道係熱情果白朱古力mousse cake配熱帶水果沙律. 蛋糕濕潤鬆軟, 味道清新輕巧, 唔錯.

呢餐消費大約240€. 我0係網上訂位, 有八折, 未折前大約300€左右. 唔算平, 但巴黎呢d旅遊城市消費肯定偏高, 只要一家人吃得滿意就好. 今次比之前L´absinthe果餐貴大概50€, 但今次大家食得開心得多. 

每人消費: 約60歐元 (晚餐)
評分: 味道5   服務4   環境5   衛生3   抵食3
包裝華貴
包裝華貴
正

第五日. 之前一日0係Au Printemps買咗件cake, 留返做今日既早餐. 細細件要成7,90€, 唔平呀. 間店叫Café Pouchkine, 買呢件係因為睇中佢話有茉莉味, 查實有鬼咩, 只係朱古力蛋糕夾一層梅子果醬. 味道都唔錯, 今次旅程我食過既法國cakes水準都好好. 唯一係外層塊朱古力片唔夠香滑, 唔係就perfect喇.

評分: 味道5   服務5   環境5   衛生4   抵食3
洗手間
洗手間
洗手間
洗手間
窗外民居的萬國旗
窗外民居的萬國旗

之後大家執行李去機場, 去下一站, 尼斯. 機程大約個半鐘左右. 到達後由於我地唔識點去酒店, so搭的士去, 用咗38€. 但原來如果搭巴士既話機場出市區每人只需4€, 路程亦並唔算遠. 而尼斯市區內巴士車費一律每人每程1€.

呢間酒店119 €一晚, 包早餐. 位於市區內, 交通方便. 房間比巴黎的Hotel Le M寬敞d, 顏色亦較colorful, 衛生程度都令人滿意的. 兩間酒店相同既係soap之類同樣無得refill, 唔相同既係Hotel Le M 牙刷要問先有, 呢間直情問都無, 要自己去買.

抵唔抵住我唔知, 但至少我訂房果段時間以3星酒店來講呢間算較平的了.

Btw, 尼斯的物價比巴黎有過之而無不及. 巴黎既水蜜桃1kg售2€, 尼斯就賣到4, 5€. 超市的日用品亦相對上較貴.

每晚價錢: 119歐元 (雙人房)
評分: 設備3   服務2   環境3   衛生3   抵住4
又食青口 笑臉2012-09-27
煙三文魚沙律
煙三文魚沙律
白酒汁青口, 正!
白酒汁青口, 正!
左邊白色太陽傘處就係本餐廳了
左邊白色太陽傘處就係本餐廳了

Check in後一家人出去周圍行下, 見到呢間餐廳好似OK咁就坐低咗. 父母對巴黎食過既青口念念不忘, 而家嚟到海邊近水樓台當然要大吃特吃. 我地要咗白酒汁, 番茄汁等唔同調味既青口, 同0係巴黎食過的既一樣咁肥嫩無渣.

另外仲點咗個煙三文魚沙律做前菜, 三文魚肥美, 不過d蝦仔就好鹹.

推介菜式: 又食青口
評分: 味道4   服務3   環境4   衛生4   抵食3
  0 個留言    |  加入你的留言
MLKM
29篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-19

第三日繼續去shopping, 唔記得邊區, 總之係地鐵站St.Sulpice落車. 呢度鋪頭唔多, 亦唔係咩超級名牌, 但就無咩遊客同你逼, 聽講係本地人鍾意來買衫的地方.

行咗一陣, 忽然擡頭見到有間Pierre Herme, 大喜過望, 立即衝咗入去. 呢間係我既心水必試甜點店.

我要咗佢地最著名既Ispahan, 係個巨型的Macaron, 裏面夾著raspberries & 荔枝味cream. 荔枝味清香得來夠天然, 唔會太假及太濃烈. 我向來唔食raspberry, 但呢d raspberries完全唔酸, 配上荔枝味竟然產生十分美味的化學作用, 而且juicy的果肉中和咗cream略帶厚重的口感, 誇d講簡直好味到無法形容!

另一款唔知叫咩名, 係個日裔sales姐姐話好食的. 係朱古力榛子蛋糕, 都幾好味但唔算特別. 相比起Ispahan當然失色得多.

之後我0係尼斯都見到Pierre Herme分店, 但該店只得macarons及少量糖果出售, 無Ispahan賣.

下面分數打咗5分, 全部係俾Ispahan既.

評分: 味道5   服務4   環境5   衛生5   抵食4
Notre Dame 1
Notre Dame 1
Notre Dame 2
Notre Dame 2
我地坐的遊船
我地坐的遊船
船上影到的鐵塔
船上影到的鐵塔

之後我地去Notre Dame, 巴黎聖母院. 阿爸阿媽上次由於某d原因無嚟過所以今次補番. 條人龍0係聖母院前面兜咗幾個圈, 起碼百幾二百人排緊, 夠曬壯觀, 好彩行得算快. 我地一家都無宗教信仰, 對教堂無感情亦無認識, 純粹係兩老想到此一遊, 參觀咗一陣就出番嚟. 旁邊個側門可以排隊上鐘樓, 照樣打曬蛇餅. 我同細佬上次已經上過, 今次就可免則免喇.

跟住去食咗餐雞肋午飯, 講都無謂. 然後就去遊船河. 有人話過, 塞納河上遊船河係浪漫過浪漫的. 遊船河選擇極多, 不過路線來來去去都係咁上下, 以欣賞兩岸名勝為主. 我地揀咗隻可以隨時上落的船, 循環來回巴黎的8大景點如羅浮宮, 鐵塔, 聖母院等. 20分鐘一班船, 每人15€, 一日內任坐. 如果唔趕時間的話咁樣悠悠閑閑地參觀各個景點其實都幾寫意. 睇完又可以隨時上過船去另一處.

河畔風景係幾優美的. 係咪好浪漫? 唔多覺噃, 可能唔係同另一半嚟既原因啩. 催眠作用就好好, 家母搖下搖下幾乎瞌著咗.

參觀時段: 下午
評分: 值得去4  
好多人排隊
好多人排隊
防空洞
防空洞
炸蝦天婦羅烏冬&紫菜大蝦烏冬
炸蝦天婦羅烏冬&紫菜大蝦烏冬
牛肉湯烏冬&牛丼
牛肉湯烏冬&牛丼

講開家母, 乃是麵癡一名. 兩三日無麵落肚就囉囉攣. 我知巴黎有個日本區, 係日本人聚集既地方. 僑居巴黎既日本人不在少數, 日本菜應該做得正宗啩? 上網一搜, 網上紛紛指日本區有間國虎屋拉麵味道最好. 二話不說, 遊完船河後就嚟開餐.

日本區地點好易搵, 地鐵站Pyramides上來就係. 來到時大約7點零, 巴黎人食晚飯食得較晏, 九點過後先施施然出動, 十點幾十一點等位既叫正常. 所以如果唔想等位既話最好早D食.

國虎屋面積勁細, 上面係一排十個八個靠窗既自修位, 狹隘的地下室就分兩間, 我地坐果間最多得兩步X三步咁大但竟然擺咗四張檯. 味道未知, 不過狹窄的環境就同日本的小麵館非常相似. 差D以為自己身處防空洞躲避緊襲擊.

坐低一睇餐牌, 咦, 款款都係寫Udon而唔係拉麵噃? 明明網上班友實牙實齒話拉麵0架? 唉, 又俾人老點咗. 既來之則安之, 我地分別叫咗炸蝦天婦羅烏冬, 紫菜大蝦烏冬以及牛肉湯烏冬. 家父唔想食麵, 叫咗個牛丼.

呷一口湯底, 清清地, 唔係太鹹, 難道已經為遷就法國人而輕手咗? 味噌味都幾香, 烏冬麵質較硬, 似乎未淥透. 兩碗蝦烏冬只得唔大既蝦各一隻, 隻炸蝦仲要浸咗落碗麵, 影響香脆口感不但止, 而且d粉漿分解得飛快, 在碗中浮浮沉沉一如滿天星, 賣相極差.

阿媽既牛肉烏冬牛肉幾嫩滑, 有肉味. 阿爸亦都話佢碗牛丼既牛肉唔錯. 但飯煮得太濕, 糊pat pat咁. 當然0係拉麵店叫碗飯根本就係運桔, 唔好食都屬意料之內.

撇開想食拉麵點知變烏冬之無奈, 國虎屋既麵的確唔算好味. 奇在無論華人定法國網民都對其讚賞有加. 現代人咩都靠網絡, 有時覺得盡信網不如無網, 信者得救同瀨野指數都係五五波. 不過呢, 講就係咁講, 在下對陌生既事物仍然會揀網上好評較多既, 矛盾0架.

每人消費: 約10歐元 (晚餐)
評分: 味道2   服務3   環境2   衛生2   抵食3
Yummy! 笑臉2012-09-19

行街時買咗Laduree的Macarons 做宵夜, 分別係朱古力, 咖啡, 櫻花同玫瑰味. 8個要大約13€, 好似同Pau Lafayet價錢差唔多? 外皮輕巧, 帶微微杏仁香, 四款中以朱古力最美味, 內裏朱古力餡極香濃又creamy. 咖啡同玫瑰次之, 都好好味, 玫瑰味清幽唔會令人覺得嗒緊香水咁. 櫻花味其實即是車厘子味, 酸酸甜甜咁, 無咩特色. 有人話Laduree既Macarons全巴黎最佳, 我就覺得同香港買到既新鮮Macarons(注意, 係新鮮做既)差唔多. 好味, 但唔需要特意去食.

評分: 味道4   服務4   環境5   衛生4   抵食3
  0 個留言    |  加入你的留言
MLKM
29篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-19
Baguette & Cappuccino
Baguette & Cappuccino

第二日一早, 嚟呢間酒店附近既Café食早餐. 巴黎既餐廳普遍面積較細, 枱與枱之間擺到密質質. 法國人又鍾意坐0係露天位置, 一步之遙就係大馬路, 一邊食飯一邊食塵依然興致勃勃談笑風生.

我叫咗個芝士火腿baguette, 巴黎既baguette全部偏硬偏乾, 傳統都係咁定係我地未食到好既? 唔清楚. 不過份量好大, 每件有我手掌咁長, 我同阿媽分食一份都綽綽有餘. 細佬食牛角包配果醬, 普通味道, 巴黎既牛角包亦唔見得特別好食. 阿爸就唔好彩咯, 叫個火腿炒蛋, 等到天荒地老, 直到我地食完曬都未嚟, 催咗個侍應, 再等20分鐘仍然影都無. 最後唯有唔食埋單走人.

講起巴黎餐廳既service又的確要彈下. 無錯大部分侍應都彬彬有禮, 但一個二個似失魂魚多過乜. 今次呢個完全無用紙筆記低我地既order, 梗係漏單喇. 尋晚Leon de Bruxelles果個就唔記得咗阿爸杯啤酒, 要問先醒番起.  幾乎次次外出進餐都總會發生各類糊塗小事.

仲有, 巴黎除咗一d消費較高的餐廳, 一般餐廳的餐具都唔太衛生. 酒杯蒙滿指紋, 餐刀連水漬都未抹乾淨.

評分: 味道3   服務1   環境4   衛生3   抵食3
迷魂樓梯
迷魂樓梯
個個睇相既人見到墻上既樹葉圖案都問"點解墻上咁多毛"?
個個睇相既人見到墻上既樹葉圖案都問"點解墻上咁多毛"?
凱旋門上鳥瞰香榭麗舍大道
凱旋門上鳥瞰香榭麗舍大道

之後去凱旋門&香榭麗舍大道, 其實已經來過一次, 不過細佬話想上凱旋門睇下, 唉, 陪太子上樓果個咪又係我. 兩位老人家無你咁好氣, 搵間餐廳抖下兼食野好過, 反正阿爸連早餐都未落肚.

由一條旋轉樓梯拾級而上, 轉咗好多個圈, 真係唔索氣都有少少見暈. 差唔多到頂時係個大廳, 有間賣紀念品既商店. 再上幾級就到凱旋門頂, 0係上面可以鳥瞰整個巴黎. 講完, 咪就係咁囉.

落嚟後會合兩老, 開始0係香榭麗舍大道度行下. 雖然呢度擺明做遊客生意, 但有D店鋪售價並唔算貴, 阿媽買咗兩件中等價錢既外套, 質地好靚. 朝早早餐食得晏, so我同細佬都唔餓, 行到接近午後大家就搭地鐵去Angelina飲下午茶.

參觀時段: 早上
評分: 值得去2  
裝修古典
裝修古典
Hot chocolate
Hot chocolate
Mont Blanc
Mont Blanc
被我叉開兼壓扁既Mont Blanc
被我叉開兼壓扁既Mont Blanc
Chocolate Mont Blanc
Chocolate Mont Blanc
士多啤梨撻 & Iced chocolate
士多啤梨撻 & Iced chocolate

我做資料搜集時有兩間Café好想去, 一間係Café de Flore, 當年好多文化藝術界猛人如畢加索都在此打躉. 但今次旅程我地一直都無去過佢附近, 無緣拜訪; 另一間就係Angelina. 此店一樣群星拱照, 比如Coco Chanel就是其常客. 當然亦可能Coco只係貪其就腳, 因為後面就係名店街Rue St. Honore, Chanel總部亦0係附近.

Angelina仍然保留著以前的裝修, 典雅華麗. 此店名物有二, 一為hot chocolate. 濃郁無比的朱古力滑溜非常, 滑進喉嚨後那陣銷魂的香氣在口腔內縈繞不散. 委實是我到目前為止飲過最濃最香既hot chocolate. 我唔相信呢個世上有朱古力迷能夠頂得住這誘惑. 不過味道亦非常甜,  你只可以當佢係一道甜點而唔係飲品. 店內有朱古力粉可供購買, 回家後加入牛奶飲用, 另外仲有瓶裝hot chocolate. 我地買咗好多, 送禮自用皆宜. 不過價錢唔平, 前者要16,50€, 後者要9,50€.

名物二叫Mont Blanc, 即是栗子忌廉撻. 輕盈既蛋白餅上鋪滿cream, 上面再擠滿栗子茸. 栗子茸幼滑又有栗子味, 香甜可口. 但味道同樣偏甜, 千祈唔可以同hot chocolate一齊食, 否則必定甜膩到阿媽都唔認得, 好似我咁.

另外仲有朱古力味既Mont Blanc, 同樣好吃, 但朱古力味太霸道, 將栗子味完全掩蓋, 只可以當做朱古力撻嚟食.

士多啤梨撻味道則清新得多, 用來夾hot chocolate最好. 撻皮比較硬實, 要出d力先叉得開, 好在裏面都幾鬆軟.

除咗hot chocolate 我地仲叫咗iced chocolate, 味道當然無熱飲咁香濃喇.但都十分幼滑可口的.

評分: 味道5   服務4   環境5   衛生3   抵食3
一般般 ok喇2012-09-19
樓梯底...
樓梯底...
龍蝦湯雲吞
龍蝦湯雲吞
Salad
Salad
炸軟殼蟹
炸軟殼蟹
吉列豬肉卷
吉列豬肉卷
吞拿魚沙律
吞拿魚沙律
三款配菜
三款配菜
正常版心太軟, 漏漿果份無影到
正常版心太軟, 漏漿果份無影到

飲完下午茶, 行咗一陣我地就慢慢去食夜晚飯. 餐廳叫L´absinthe, 曾獲得過米芝連推介. 地點比較隔涉, 唔係咁易搵. 內裏係一間歐洲常見既家庭式餐廳, 環境本來都OK的, 但侍應安排我地坐0係樓梯底, 十分局促, 感覺唔係太好.

我地有訂位, 因為知呢度都幾旺場, 見到該晚好多walk in 客都無位. 睇餐牌既時候一名侍應拎住塊是日推介既黑板俾我地睇, 鑒於係無人識既法文, 於是我地用英文問佢可唔可以解釋一下. 侍應爽快地"Oui!"咗一聲, 跟住將黑板上的菜式用法文重覆讀一次--全家瀑布汗狂流. 算喇, 唯有食番英文餐牌上既食物穩陣d. 

先來頭盤.  我要咗小龍蝦湯雲吞. 湯味鮮美非常, 龍蝦味超濃郁. 上面打起一層泡沫, 入口輕盈不膩. 雲吞餡係乜我自己都唔記得咗, 因為無咩特殊味道. 只記得係綠色, 可能係菠菜? 反正最美味既係個湯, 其他野都要企埋一邊.

阿媽點既係雜菜沙律. 睇相就知用咗不少不同的菜蔬, 全部切得相當細致. 各式菜蔬都好新鮮, 而且份量十足, 食完都飽咗大半.

阿爸同細佬都點咗炸軟殼蟹. 聽佢地講味道都可以的, 不過不失.

主菜父母都叫咗吉列豬肉卷. 豬肉肉質鬆化, 外面粉漿唔厚, 炸得不油不膩. 下面墊底既薯蓉夠幼滑, 而且混入咗粒粒煙肉, 增添了一點香口.

細佬點咗炭燒墨魚, 墨魚無咩鮮味, 腍腍的似乎唔係太新鮮. 呢味同吉列豬肉卷一樣份量都略顯嬌小, 墨魚只得薄到透光的兩片. 對男士來講就唔多足夠了.

至於我就要咗味凍既主菜, 吞拿魚沙律. 呢款同家母既雜菜沙律一樣, 上面加咗粟米脆片來增加脆脆既口感. 可惜吞拿魚鮮味欠奉, 兼且切得四四方方太大粒, 咬起來唔方便, 有幾粒仲食到有筋.

店方送既配菜有蒜粒炒薯仔, 香口好吃. 另外係炒青瓜粒以及裝在玻璃樽內的炒椰菜絲, 兩味都帶有中菜的味道.

甜品我地要咗兩份心太軟伴咖啡雪葩. 一上枱大家O曬嘴: 其中一份心太軟既朱古力漿流曬出嚟成碟都係, 家下火山爆發呀? 食心太軟就係貪其暖心濕潤效果, 流曬出嚟仲叫咩心太軟? 米芝連人員如果食到件咁既心太軟唔知仲會唔會推介呢度? 蛋糕味道本來都唔錯的, 係流走曬d朱古力漿, 乾乾地咁囉. 咖啡雪葩清香得嚟唔太甜, 好味.

埋單190 €左右. 食物水準比較參差, 唔可以話唔好食, 只不過0係巴黎比佢好既選擇肯定仲有好多.

每人消費: 約45歐元 (晚餐)
評分: 味道3   服務3   環境2   衛生3   抵食2
  0 個留言    |  加入你的留言
MLKM
29篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-15

今次旅行全家出動, 父母加本人兩姐弟. 行程為巴黎-尼斯-摩納哥-康城.

第一站, 先到巴黎. 我地好幾年前已經嚟過一次, 所以有D景點例如鐵塔, 博物館等今次都無再去參觀.

一落機, 首先衝去買車票. 我地買既呢隻叫Passe Navigo Découverte, 可以在一個禮拜內於巴黎市區無限次乘搭地鐵及巴士. 大概18€左右, 另外個卡要收5€, 加埋23€咁上下. 對於我地呢D每日以地鐵為主要交通工具既人來講一定抵過散買車飛. 但有兩點要留意, 一, 張卡要有相, 所以想買既話最好帶埋證件相過去, 唔係到時又要周圍搵地方影相. 二, 呢款車票永遠由星期一開始計算, 由星期一用到星期日. 我地到達時係星期日, 所以我地除咗買呢隻票之外(指明由第二日, 即是星期一開始使用), 仲要買當日出市區既火車票. 假如你星期四先到巴黎, 咁買呢種票就未必化算.

平D會更好 ok喇2012-09-15
酒店外觀
酒店外觀
酒店外邊的街道, 朝早無乜人
酒店外邊的街道, 朝早無乜人
到咗夜晚就燈紅酒綠
到咗夜晚就燈紅酒綠

由機場出到嚟酒店都幾遠下, 搭火車要接近成個鐘. 間酒店叫Hotel Le M, 外觀睇得下o架, 當初訂酒店時就係覺得佢望落唔錯先訂. 但其實間酒店好細, 個大門窄到只容許兩個瘦人並排出入. 房間唔大, 但對亞洲人來講已經足夠. 衛生方面所有野都幾乾凈, 不過就無牙膏牙刷, 要去Lobby問佢攞, 同埋D soap, body lotion等無論你住幾耐都唔會refill.

D工作人員全部非常nice, 呢點抵讚. 不過執房阿姐就好鬼烏龍, 雪櫃入面竟然有罐開咗既酸青瓜, 明顯係上一手留低既, 但居然繼續擺0係度無人拎走. 又有一晚, 返到房後細佬竟然發現床頭有本sudoku填字書, 封面仲有張一條0架佬笑到依牙鬆槓既黑白相! 夜麻麻你都咪話唔驚. 應該係阿姐0係床下底摷返出來又以為係我地既, 笑鬼死.

呢間酒店最大既優勢係地點非常旺, 地鐵出來行唔夠5分鐘就到. 附近食肆酒吧林立, 不過旺得嚟又唔會嘈住你覺覺豬. 而且呢區無咁龍蛇混雜, 相對起華人聚集既十三區又或者紅磨坊附近, 呢度D治安明顯好得多.

大約165 €一晚, 唔算平, 硬件方面亦唔多似四星酒店, 最值錢既睇怕係個地點.

每晚價錢: 165歐元 (雙人房)
評分: 設備2   服務4   環境3   衛生3   抵住2
美味 笑臉2012-09-15
餐廳內
餐廳內
墻上的老照片
墻上的老照片
羊奶芝士沙律
羊奶芝士沙律
肥美可口, 可以既話我想豎多兩隻手指公
肥美可口, 可以既話我想豎多兩隻手指公
實而不華的格仔餅
實而不華的格仔餅
焦糖燉蛋
焦糖燉蛋

去到酒店check in, 入房休息一輪後已經接近黃昏, 開始出動去揾食. 之前我做過功課, 知道呢間Leon de Bruxelles 係專食青口既連鎖店, 咁0岩酒店附近有一間, 梗係要嚟試下.

青口加薯條係比利時國菜, 呢間店標榜自己來自布魯塞爾, 當然主要係賣呢味食物. 青口有好多種不同煮法, 而逢星期日晚, 即是我地去果晚就有青口all you can eat, 每位17,90€, 另包一款甜品. 任食青口就無得揀煮法喇, 只係用水加D洋蔥香草咁煮. 不過依然好好味, 因為D青口非常新鮮嫩滑, 只需要簡單調味已經十分好吃. 而且肥美到不得了, 每隻既肉都有手指公咁大. 單點既話每煲青口有大約400g, 任食的相對上每煲份量較少, 但我地每人食咗兩煲已經飽到行唔郁.

之後仲有甜品, 可以揀雪糕, 格仔餅, 焦糖燉蛋等. 格仔餅熱辣辣, 伴上的朱古力汁香濃美味. 焦糖燉蛋幼滑唔太甜, 兩款都收貨有餘.

我地仲叫咗個羊奶芝士沙律. 芝士充滿騷香, 但得一件芝士一件麵包三塊生菜就收5,60€就唔係咁抵喇.

另外呢度既薯條係無限量refill, 包你食得飽.

每人消費: 約20歐元 (晚餐)
評分: 味道5   服務2   環境3   衛生3   抵食5
  0 個留言    |  加入你的留言
Handsome XO
117篇遊記
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2012-08-31
5月26日(天晴):Crystal Serenity Day #3 之 法國Bordeaux

郵輪準時上午9點抵達Bassens,Bordeaux之港口。我地一行八人,為方便起見,團長一早book左個迷你私人觀光團,乘坐九人車去遊覽酒莊同Saint-Émilion小鎮。因為約好導遊小姐九點半喺郵輪旁會合,我地嗰朝一早8點半就上左去十一樓Lido Cafe先食個自助式早餐。

導遊小姐Lucille非常準時,我地早左十分鐘落船,佢已經喺度等緊我地。開車前,每人先派一本小冊子,粗略地講解當日o既行程,然後就正式出發。Lucille一邊開車,一邊講解好多有關酒莊同紅酒o既野,例如紅酒o既"classification","appellation",酒莊點解叫"Château" 等,完全冇悶場,真係好稱職。

我地第一站去左一間較細o既酒莊,Château Laniote,由幽默友善o既莊主Arnoud de la Filiole先生親自接待,大家都好有驚喜。跟住,Lucile就帶左我地去觀賞Saint-Émilion o既名勝古蹟,Eglise Monolithe及Collegiate Church Cloister。食過午餐,我地再去同區一間大好多o既酒莊,Château de Pressac,參觀。

送我地返上船之前,Lucille當然不忘帶酒客大肥去酒舖入貨啦!今次真係要讚下大肥爸爸,除左有頭腦,佢仲好有細佬心;為免加重小肥搬運行李o既負擔,佢決定所有親朋好友都以紅酒做手信。媽媽一向有品味,所以負責揀一D未出口去香港o既地道紅酒,然後再由酒舖安排速遞送到我地香港屋企。雖然速遞要額外收費,不過總好過去到機楊因行李過重搞到唔知點算好,而且因所有稅款已經自動扣除,仲幫我地慳埋唔少搞手續o既時間添

我地大概五點返上船,剛好Happy Hour,大中小肥先黎幾杯香檳涷啤,而Auntie們就選擇飲咖啡同食蛋糕。下午茶過後,大家稍作休息,六點十就去六樓Galaxy Lounge會合睇show。睇完表演,八點半再落Main Dining Room食餐勁o既
Château Laniote
Château Laniote
Château Laniote:大量紅酒存貨
Château Laniote:大量紅酒存貨
Château Laniote:製酒機器之一
Château Laniote:製酒機器之一
Château Laniote:酒桶
Château Laniote:酒桶
Château Laniote:Saint-Émilion Grand Cru Classé
Château Laniote:Saint-Émilion Grand Cru Classé
Château Laniote:傳統標籤打印機
Château Laniote:傳統標籤打印機
Château Laniote
Château Laniote
Château Laniote
Château Laniote
上文提到,當日Lucille安排左我地先去一間較細o既酒莊,Château Laniote,參觀。何謂細呢?比起其他有最少20hectares葡萄園o既酒莊,Château Laniote只有約5 hectares o既vineyard(葡萄園),每年釀製約1,700樽紅酒。

到達Château Laniote酒莊,第一個驚喜,就係發現負責接待我地o既係該酒莊之莊主Arnoud de la Filiole先生,大家頓時變成貴賓,真係有少少受寵若驚。再者,靚佬Arnoud毫無架子,幽默友善,仲善於玩魔術,逗得同場o既女親友們不知幾高興。佢氹女咁有計,小肥都學倒唔少技倆,當然係喜多過驚啦

除左帶我地走遍酒莊不同角落,Arnoud仲預備左一段影片,一邊播放,一邊講解佢地酒莊製酒過程,如幾時播種同收成,處理葡萄o既不同步驟及儀器等,真係好詳盡。據說,酒莊係佢地家族生意,只不過係因為以女系相傳,所以佢地個名同酒莊個名唔一樣。Arnoud仲不停大讚自己個太太,因為佢太太係一位oenologist,即酒學家」,好有來頭架。

想客人買自己出產o既紅酒,最好o既方法就係比大家試味架啦!Arnoud真係好有誠意架,因為佢開左枝2009年(爸爸話係好年份黎架!)o既酒比我地試,仲教我地點睇紅酒,聞酒香,睇「掛杯」等等,平時唔係好飲紅酒o既XO仔真係學左好多野。Arnoud係一位老實商人,佢解釋,2009年係好年,不過D酒未"ready",即未係時候飲,不過大家都可以收藏定。另外,出面D酒舖應該冇哂佢地2005年(亦屬好年份)製釀o既酒,不過如果我地有興趣,可以買酒o既時候,叫售貨員打個電話比佢,佢會留定幾箱比我地,認真唔話得
參觀時段: 早上
評分: 值得去5  
Saint-Émilion:Château Cheval Blanc
Saint-Émilion:Château Cheval Blanc
Saint-Émilion:Château Cheval Blanc
Saint-Émilion:Château Cheval Blanc
Saint-Émilion:Château Cheval Blanc新翼(左手邊白色建築物)
Saint-Émilion:Château Cheval Blanc新翼(左手邊白色建築物)
進入Pomerol區域
進入Pomerol區域
Pomerol:Château Pétrus
Pomerol:Château Pétrus
Pomerol:Château L'Évangile
Pomerol:Château L'Évangile
Pomerol:Vieux Château Certan
Pomerol:Vieux Château Certan
三隻馬都識望過黎影相,真係難得!
三隻馬都識望過黎影相,真係難得!
因為好多酒莊都唔比旅行團帶隊參觀,而且有好多週末又唔開放,再加上我地只係有時間一日之內睇兩三間酒莊,我地當日只可以喺車上遠觀其他酒莊,再等Lucille指出邊幾間係名氣大少少,我地又聽過o既,然後拍照留念。佢都算好人啦,專登喺路中心旁(好在路面冇幾他車輛),即酒莊指示牌附近,停多一陣,等我地影完先再去第二個景點。
參觀時段: 早上
評分: 值得去5  
Macaron始祖店 笑臉2012-08-31
Saint-Émilion鎮
Saint-Émilion鎮
Saint-Émilion鎮:周圍都係酒舖
Saint-Émilion鎮:周圍都係酒舖
Saint-Émilion鎮:周圍都係酒舖
Saint-Émilion鎮:周圍都係酒舖
Saint-Émilion鎮
Saint-Émilion鎮
Saint-Émilion鎮
Saint-Émilion鎮
Saint-Émilion鎮:Macaron餅店
Saint-Émilion鎮:Macaron餅店
Moulierac Fabrique De Macarons:Macaron始祖店
Moulierac Fabrique De Macarons:Macaron始祖店
原始Macarons
原始Macarons
話名係酒鎮,Saint-Émilion鎮內當然有好多酒舖啦!間間賣o既野都唔同,有賣酒,開酒器,酒瓶,酒具,有關酒o既書等,門面同櫥窗都好有特色架,所以每間都吸引倒唔少客人。

Lucille唔講,真係冇人聽過,原來而家好盛行o既甜品macaron原來黎自此鎮!始祖店名叫"Moulierac Fabrique De Macarons"。肥肥一族又點會放過食甜品o既機會呢?我地並冇買市面上周圍都見得倒o既五彩繽紛macarons,不過就試左佢地用最原始嗰個秘方所製成o既淺啡色macarons。個人覺得"原始macarons"外表雖然冇咁花巧,不過因為新鮮製成,食落好夠清甜鬆脆香口,別有一番風味
推介項目: 原始秘製macarons
參觀時段: 早上
評分: 值得去5  
一石教堂 笑臉2012-08-31
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church):UNESCO世界遺產認證
Eglise Monolithe (Monolithic Church):UNESCO世界遺產認證
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church):Chapel
Eglise Monolithe (Monolithic Church):Chapel
Eglise Monolithe (Monolithic Church):Chapel
Eglise Monolithe (Monolithic Church):Chapel
Eglise Monolithe (Monolithic Church):Floor Plan
Eglise Monolithe (Monolithic Church):Floor Plan
Saint-Émilion鎮雖然唔大,不過都有名勝古蹟架!最出名o既就係以一塊limestone(石灰岩)建造而成o既教堂Eglise Monolithe(Monolithic Church)。

入去教堂參觀,導遊必需先取鎖匙,門口更掛有UNESCO世界遺產認證,好堅架!原來依間教堂入面有好多catacombs(陵),唔怪得知咁陰涼啦

小肥只係影左幾幅相,因為入到去先見倒警告話嚴禁攝影,仲話無論有冇閃光燈,拍攝過程都會影響到建築物
參觀時段: 早上
入場價錢: 每人5.50歐元
評分: 值得去5  
Collegiate Church Cloister
Collegiate Church Cloister
Collegiate Church Cloister:法文解說
Collegiate Church Cloister:法文解說
Collegiate Church Cloister:英文解說(冇圖片)
Collegiate Church Cloister:英文解說(冇圖片)
Collegiate Church Cloister
Collegiate Church Cloister
Collegiate Church Cloister
Collegiate Church Cloister
Collegiate Church Cloister
Collegiate Church Cloister
Saint-Émilion另一個旅遊景點就係Collegiate Church Cloisters,一間已荒廢o既修道院之「迴廊」。要友人解釋,先知「迴廊」(Cloister)係修道院用黎分格僧人同外界o既空間,以便靜修wor。小弟見識少,入到去只係覺得好靜,好空曠,同好有古蹟feel。
參觀時段: 早上
入場價錢: 每人5.50歐元
評分: 值得去4  
法式午餐 笑臉2012-08-31
認住隻牛,包唔會去錯
認住隻牛,包唔會去錯
牛之講解圖
牛之講解圖
每日精選
每日精選
法式春卷
法式春卷
燒鴨串
燒鴨串
每人一條法包
每人一條法包
飯後Espresso + 蛋糕仔
飯後Espresso + 蛋糕仔
「神之水滴」法文版
「神之水滴」法文版
上車冇耐,Lucille已經問定我地對午餐有乜要求;因為我地架郵輪好多客人落船觀光,要喺Saint-Émilion鎮內食飯可能會好難搵位。佢話如果我地冇乜野唔食,就建議坐車去遠少少o既餐廳食地道少少o既法國菜。人生路不熟,我地八個人又咁隨和,當然係叫佢渣主意啦

去到門口,入埋餐廳,其實都唔知餐廳個名係乜,要後來上網查,先知原來叫"Le Comptoir de Genès"(講明先:餐廳網頁全部係法文,間餐廳可能唔係依個名架)。印象最深刻就係門口隻大假牛同店內放有全套法文版o既「神之水滴」漫畫。

餐廳入面有個英文非常流利o既阿嬸,不過佢對自己o既哥仔同事態度就唔係幾好啦,淨係聽倒佢不斷呼呼喝喝,真係好吵耳。唔知法國人係咪全部都係咁o既呢,定亦或係佢地唔係好鍾意中國人,除左年紀輕過我o既哥仔外,店內所有人都係黑面神,真係覺得自己唔係好受歡迎囉。

食物方面,因餐牌只有法文版,為免驚動狂燥阿嬸,我地唯有等Lucille續一解釋先作選擇。平心而論,餐廳食物真係好唔錯,味道佳,食材又高質,好難挑剔。小弟所叫o既春卷頭盤,燒鴨串主菜,特濃咖啡,同免費送贈o既canale小蛋糕都好正!
推介菜式: 燒鴨串
每人消費: 約30歐元 (午餐)
評分: 味道5   服務3   環境4   衛生4   抵食3
較大型酒莊 笑臉2012-08-31
Château de Pressac
Château de Pressac
Château de Pressac:42 Hectares of Vineyards
Château de Pressac:42 Hectares of Vineyards
直入禁區
直入禁區
Château de Pressac:Concrete Vat
Château de Pressac:Concrete Vat
Château de Pressac:Wine Barrels
Château de Pressac:Wine Barrels
Château de Pressac:製成品
Château de Pressac:製成品
Château de Pressac:酒莊接待人
Château de Pressac:酒莊接待人
試酒房
試酒房
食完一頓美味o既午餐,Lucille就帶左我地去睇第二間酒莊,Château de Pressac。佢地擁有42 hectares o既葡萄園,係Château Laniote八倍有多,真係唔講得笑。

負責接待我地o既係一位小妹妹,而並非莊主本人。聽佢講解得咁流暢,應該都帶過唔少團。喺佢身上學倒一樣好特別o既野,就係每行葡萄樹前都會種左一束花,原來係用黎確認泥土o既健康度;換句話黎講,如果D花有問題,即代表嗰行葡萄唔健康

妹妹仔講完佢地酒莊o既歷史,葡萄園擴充o既經歷,其土壤,種植及製酒過程後,亦帶我地周圍睇,當然唔少得試酒時間啦!(唔識飲紅酒o既XO仔個人比較喜歡Arnoud比我地試嗰隻酒多D。)

講真嗰句,黎到法國,見倒兩間酒莊都打理得咁乾淨企理,小弟都好放心屋企人飲紅酒
參觀時段: 下午
評分: 值得去4  
百食不厭 笑臉2012-08-31
每日都會有一份菜單貼喺正門
每日都會有一份菜單貼喺正門
5月26日之晚餐,郵輪位置為法國Bordeaux
5月26日之晚餐,郵輪位置為法國Bordeaux
5月26日:晚餐餐牌
5月26日:晚餐餐牌
Crabmeat Tower w/ Melon Carpaccio & Lemon Aioli
Crabmeat Tower w/ Melon Carpaccio & Lemon Aioli
Reginette Pasta "Prince of Naples"
Reginette Pasta "Prince of Naples"
Pan-Seared Veal Scallopine
Pan-Seared Veal Scallopine
Mango Napoleon Slice
Mango Napoleon Slice
Double Fudge Chocolate Bread & Butter Pudding
Double Fudge Chocolate Bread & Butter Pudding
喺Crystal Main Dining Room進膳,享受禮賓式o既待遇,加上晚晚個餐單又夠多元化同精彩,真係百食不厭,XO仔每日都好期待架

嗰晚都唔例外,小弟所揀選o既食物全部都好有水準:
1) Crabmeat Tower with Melon Carpaccio & Lemon Aioli:蟹用鮮甜,薄薄o既生果又夠脆,配搭得好好。

2) Reginette Pasta "Prince of Naples", with Porcine Mushrooms, Bolognes & Tomato Sauces:意粉不但al dente,肉醬好似加左忌廉咁,食落好香滑,加上Porcine菇,整體好完美
 
3) Pan-Seared Veal Scallopine, with a Ragout of Artichokes, Tomatoes, Capers & Fresh Herbs, Served on Capellini Pasta:牛仔肉薄片一D都唔韌,而且夠香口,XO一邊嘆酒,一邊進膳,真係好享受。

4) Double Fudge Chocolate Bread & Butter Pudding with Vanilla Sauce & Rocky Road Ice-Cream:朱古力甜品,鬆軟香甜,一流呀! 

我地八個人都食到好飽,所以飯後一齊去左七樓出面,繞船步行,行左大約半個鐘頭先各自返房/活動。 
評分: 味道5   服務5   環境5   衛生5   抵食5
  0 個留言    |  加入你的留言
豪玩豪食地中海郵輪假期(意大利、西班牙,法國、北非) (法國, 西班牙, 意大利, 突尼斯)
旅程性質: 觀光攝影, 飲食購物, 消閒度假
 整個旅程  (共1篇遊記)
 分享至Facebook 
發表日期: 2012-06-26

香港飛瑞士再轉乘旅遊巴士到米蘭 Genoa Pier, Milan (一共花去 18 小時), 四月份的地中海,海象平穩、碧海藍天、陽光燦爛(一日約16小時的陽光)正好是郵輪假期的黃金時間,所以只見各大小郵輪、遊艇、風帆、都齊集於這個優美的海岬準備出海。

MSC Cruises 的 煇煌號 Splendida 正在等候歡迎我們,只見各人雙手掛滿行李,攜家帶眷的準備登船,在領隊悉心安排下,好順利便登船和分配好房間,房間非常寬闊舒適,開揚光猛大露臺遙望地中海美景,滿意度爆燈。

煇煌號 首航於 2009年7月,排水量是 133,500 噸 ,總載有 4,600 人,而乘客與服務員的比例是 2.47。

有別於東地中海島嶼的旖旎風光探索,今次西地中海所走的路線多半是大港口、大城市,所以將會是重點觀賞其文化藝術之旅。

安頓好一切後就開始這個 豪玩豪食 地中海 之旅了,四周探索一下環境,眼見船上設備充足,想玩乜都有,只要將所有帶來的東西放入衣櫃,未來的七日只要隨身攜帶一張咭便可以在船上吃喝玩樂了。

當第一步踏進這艘擁有義大利血統的郵輪時,已經做好心理準備,意大利南部的海產美食將源源不絕的供應在眼前,首先要面對的就是一日五餐的嚴峻考驗,希望回程時不要變成一條凸肚金魚就好了!
Okay, are you ready ?   I am 。。。

因編幅有限,只能奉上幾張郵輪上精要照片,其餘的未能一一詳盡於此,請諒!
評分: 值得去5  
第一站是民謠、美食之鄉 那不勒斯 Naples ,這裡到處也是教堂、古堡、宮殿、博物館、壁畫,還記得姐姐拍拖時整天在唱機播放著的 「歸來吧,蘇迪多」 似乎又在耳邊響起!

短短只逗留一天,只能掛一漏萬了,所以我們選擇去 Sorrento day tour, 一個由石灰岩堆積而成,滿佈橄欖樹和檸檬樹,風景如畫的海灣,街道非常之狹窄, 旅遊巴穿插其中,總是感覺將要碰上牆壁一樣,十分驚心動魄。

Piazza Tasso 開始沿途而下,見到十五世紀的 SedilDominova, 大教堂,San Francesco's Church, 和美麗的 Marina Grande harbour。還記得電影 俠盜梭羅 嘛?就是在這個雋妙海灣上拍攝的喔!

各人在自由活動時,都爭取時間買點當地著名手信,如檸檬酒,果醬,橄欖油、手工精緻的木雕或皮革製品等。(我和老公各買到一件款式新穎、手工精緻而價廉的皮衣,可謂收穫甚豐)
評分: 值得去5  
一覺醒來,已經到達義大利半島這隻靴子最南端的 西西里島 Sicily,地埋所在它處於歐洲與非洲的交會點,身份有點曖昧,正因如此她才可以散發出自己獨特的文化。

今次郵輪停泊於近北邊的首府 巴勒摩 Palermo,由於曆年來不同國籍的征服者來了又走,經過多少朝代改變的洗禮磨合,建築均具其獨特風格,例如:Piazza Pretoria, Palazzo Peale, Palatine Chapel, Monreale, Dumo, Massimo, 充分展現其多元文化風格特色。

著名已久的諾曼式建築,內裡包涵著羅馬式的外牆格局、阿拉伯伊斯蘭風格的走廊和雕梁畫棟、與及令人目炫的拜占庭黃金鑲嵌壁畫,此等建築在這裡比比皆是。
今天跟隨旅行團的領隊作一天悠長而舒適的漫步巿區之旅
評分: 值得去4  

這裡曾經是法國屬地的北非國家 Tunisia,帶著濃厚的法國風情,多處名城與歷史遺址被列入世界文化遺跡名錄之內,一直以來備受歐洲人青睞,使它成為北非地區最受歡迎的旅遊國家。

滿以為可以上岸親身體會它攝人心魄之處,十分可惜因當地政變關係,今天的行程被迫取消,改為海上親子同樂日,有點兒沒趣但也只好隨遇而安。

今天節目是飲飲食食, 跳舞和睇 show
評分: 值得去3  
帕爾馬大教堂
帕爾馬大教堂
Plaza de Toros 鬥牛場
Plaza de Toros 鬥牛場
Plaza de Toros 鬥牛場
Plaza de Toros 鬥牛場
Plaza de Toros 鬥牛場
Plaza de Toros 鬥牛場

終於到達景色怡人,有歐洲夏威夷美譽的 帕爾馬 Palma ,這樣一個度假天堂每年要接待千萬以上的遊客。

安排了巿區漫遊一天,去感受一下她的文化氣息,著名景點有:可從其高點飽覽全島嶼的貝爾維古堡 Castell de Bellver, 而內部的塔樓、護城河、拱門、迴廊各具特色。

還有用了為期四個世紀而建成的 帕爾馬大教堂 外觀宏偉非常,其彩繪玫瑰窗戶、主殿、鐘樓等也是聞名於世的哥德式建築作品。加上建築奇才高第 Gaudi 為它後期改做,更能令它成為舉世矚目的焦點所在地。
此外還有建於公元 1230年 的 Gothic Cathedral , 與及 Plaza de Toros 鬥牛場 也是具有十分觀賞價值的。

又或者自由自在的在這個老城區逛逛,滿眼皆是一棵棵排列整齊的參天大樹、用卵石鋪成的狹窄小巷、設計精緻的商店酒吧、豪華的私人別墅、穿梭於遊艇之間的獨木舟、更不時也有小販向你兜售畫上當地旖旎風光的油畫,那種氣氛令你猛然發覺自己正正身處於一個舒適逸樂的度假天堂,怎不叫人陶醉?
評分: 值得去4  
聖家大教堂 Sagrada Familia
聖家大教堂 Sagrada Familia
聖家大教堂 Sagrada Familia
聖家大教堂 Sagrada Familia
西班牙的地鐵
西班牙的地鐵
哥倫布塔
哥倫布塔
Paella, Tapas,   Sangria
Paella, Tapas, Sangria
 蘭布拉大道
蘭布拉大道

一覺醒來,今天的心情要算是最興奮了,因為終於能夠親身見證我心儀的建築大師 高第 Gaudi 的精心傑作,西班牙 巴塞隆那,聖家大教堂 Sagrada Familia,它是於 1298年 開始建築,直至現在仍然在興建中,根據 Jordi 現任建築師所說,還要二十年左右才能全部完工。從 誕生之門 走向 死亡之門 就像經歷了人生必經之路!

此外還有 Casa Mila, Park Guell, Casa Batllo, 實為一次非常之震撼的的人生經驗。
領隊特別帶我們遊西班牙的地鐵,在地鐵站內還經歷了人生的第一次 (親眼目睹團友被三名扒手半偷半搶式的打荷包)

另外還有著名的 哥倫布塔,漫步 蘭布拉大道,並且在此的戶外餐廳吃午餐,嚐試當地的地道美食 Paella 和 Tapas 再來一杯土產 fruity punch of Sangria

回程前還加插當地巿集血拼一番,血拼什麼? 並非 L 字頭或者 C 字頭的手袋,而是即剝即食的鮮蝦海產,香港來的領隊與團友對即剝即食有點懷疑?但經我再三保證沒有問題底下,也就乖乖就範了。

而對領隊重點推介的 Parma ham 各人更是趨之若鶩喔! 結果每個團友都滿載而歸,皆大歡喜。
評分: 值得去5  
聖母加德大教堂
聖母加德大教堂
聖母加德大教堂
聖母加德大教堂
俯瞰整個馬賽巿容
俯瞰整個馬賽巿容
告別晚宴
告別晚宴

行程走到這裡已經接近尾聲了,今早來到 法國的馬賽,好一個充滿異國風情的藝術港口,乘坐旅遊巴登上聖母加德大教堂,居高臨下俯瞰整個馬賽巿容、港灣,著實叫人心矌神怡。

再到碼頭上閒逛,看著小販售賣著名的 馬賽魚湯、特色手工藝製品,咖啡店內的客人恬靜地把弄著手中的小茶匙,就好像告訴我們時間已經停止了,不再需要為生活而忙碌哪!

返回郵輪參加告別晚宴,船上所有廚師蜂擁而出,向所有乘客致敬,如此這般好一個 8 天、7 夜、4 國、8 座城市的地中海之旅 又接近尾聲了!
評分: 值得去4  
名店集中地 米蘭
名店集中地 米蘭

早餐後被安排離船,被帶到名店集中地 米蘭,(因只預備了兩小時午飯及自由活動時間)
可憐團友在饑喝交迫底下連番血拼, 到最後各人也筋疲力盡地爬上旅遊車向機場出發。
評分: 值得去4  
  0 個留言    |  加入你的留言
chocolatemuimui
4篇遊記
2011德法之旅 (法國, 德國)
(旅程日期: 2011-07-14 至 2011-07-24 ,  旅程性質: 飲食購物, 消閒度假)
 整個旅程  (共4篇遊記)
 分享至Facebook 
發表日期: 2012-02-05
聖米歇爾山 > 巴黎歌劇院 > Amorino > 晚餐 L’Absinthe > 艾菲爾鐵塔
早上起來打開窗,沒有人的小路,很寧靜
早上起來打開窗,沒有人的小路,很寧靜
沒有人的小路,很寧靜
沒有人的小路,很寧靜
往山上走
往山上走
環境真的很舒適
環境真的很舒適
漸露曙光
漸露曙光
環境真的很舒適
環境真的很舒適
早上寧靜的聖米歇爾山
早上寧靜的聖米歇爾山
原本打算想在四時多起來去看日出,但太累了,打消了看日出的計劃,結果七時才醒來。打開房間的窗看看,城內街上一個人也沒有,閉上眼感受著,只聽到鳥兒及海鷗在叫,很舒適。趕快梳洗好後,便決定再上山看看。走到街上,跟昨天人頭湧湧、擠滿虧遊客的情況相比,這一刻只有我們在漫步著,一片寧靜,令人十分享受。而早上的景色更漂亮,天色十分清,這才是令人最嚮往的聖米歇爾山,若有機會再來,下次要再早點去看日出。
評分: 值得去5  
用餐環境舒適
用餐環境舒適
還有海景
還有海景
自助早餐,食物豐富
自助早餐,食物豐富
自助早餐,食物豐富
自助早餐,食物豐富
每樣都吃一點
每樣都吃一點
最愛吃朱古力牛角酥,吃了三個
最愛吃朱古力牛角酥,吃了三個
離開了
離開了
一早乘巴士回Rennes
一早乘巴士回Rennes
下山後,便回酒店吃早餐,是訂房套餐已包括在內。坐在窗旁,望著海景下用餐,份外寫意。早餐是自助形式供應,食物內容比在巴黎所住Hotstel更豐富,除了各式Cereals,亦有朱古力牛角酥、芝士、火腿、乳酪及生果等。

新鮮焗起的朱古力牛角酥最為吸引,拿上手已傳來陣陣牛油香,入口酥鬆,朱古力味不會太甜,吃了一件都不覺膩,最後吃了三個才滿足。還吃了乳酪及Cereals,十分飽肚及滿足。吃過早餐,便要離開這裡了,實在有點依依不捨,要趕乘9:30am的巴士回Rennes車站,希望有機會再來聖米歇爾山,看看潮漲城堡於湖水的倒影及日出吧。


評分: 味道4   服務3   環境4   衛生3   抵食3
巴黎歌劇院 笑臉2012-02-05
 巴黎歌劇院
巴黎歌劇院
 巴黎歌劇院
巴黎歌劇院
 巴黎歌劇院
巴黎歌劇院
歌劇院的華麗長廊
歌劇院的華麗長廊
歌劇院的華麗長廊
歌劇院的華麗長廊
在歌劇院看巴黎市
在歌劇院看巴黎市
從Rennes回到巴黎,先到巴黎加尼葉歌劇院,加尼葉歌劇院通常稱為巴黎歌劇院。它在Saint-Honore街的附近,很多百貨公司在左右。這座豪華的歌劇院是在19世紀建成的,是貴族及資產家的社交場所。一走進內,建築風格華麗,金箔的牆紙、白色的大理石階梯、金銀浮雕及雕刻、多盞大型水晶吊燈,真的古典又優雅。
評分: 值得去5  
Amorino
Amorino
Amorino
Amorino
選了最大杯裝!
選了最大杯裝!
多款味道選擇
多款味道選擇
好吃的雪糕
好吃的雪糕
一吃愛上了
一吃愛上了
離開歌劇院不久,便來到Amorino,一間來法國的自家品牌售賣Gelato的專門店,價錢由3.5Euro起,可選雪糕脆筒或杯裝。我就選了最大杯的份量,9Euro,可選多款味道,直至杯載滿雪糕為止。如果選擇雪糕筒的話,店員更會把雪糕砌成玫瑰花的形狀,很漂亮的。

雪糕味道眾多,每款都相當吸引,例如有榛子、朱古力、開心果等等,雪糕入口軟滑,味道香濃,質感帶點挺實,十分好吃。老實說,比起在香港的,十分抵吃!質素、味道及份量都很好,可惜我在巴黎最後一天才遇上它,否則每天都要來吃。

評分: 味道5   服務3   環境3   衛生3   抵食4
L’Absinthe 笑臉2012-02-05
店內裝飾
店內裝飾
Baby Tomatoes Stuffed with Fresh Lobster
Baby Tomatoes Stuffed with Fresh Lobster
Small Crab (Crunchy),Iceberg Lettuce
Small Crab (Crunchy),Iceberg Lettuce
Raw Steak Tartare “Home Made”
Raw Steak Tartare “Home Made”
Fileted Chicken Breast
Fileted Chicken Breast
Baby Potatoes,Summer Vegetables
Baby Potatoes,Summer Vegetables
 Chocolate Custard Cream
Chocolate Custard Cream
Thin Apricot Tart,Cheesecake Ice Cream
Thin Apricot Tart,Cheesecake Ice Cream
吃過雪糕後,回Hostel稍作休息,但不幸的事情發生了,就是Hostel停電!他們說會努力維修,希望在晚上前能恢復電力供應。這一刻,很擔心,但又擔心不來,不是我們可以控制的事。最後一晚在巴黎,決定要好好的吃一頓豐富的法國大餐,到了由米芝蓮二星廚另開的餐廳L’Absinthe吃晚餐。晚餐價錢是40Euro,包前菜、主菜及甜品,比預料中的便宜。餐廳環境不錯,紅磚牆上,掛了有一個很大的圓鐘作裝飾,加上木地板、木桌椅,讓人感覺舒適。點餐後,少不了的是指定的法包,差不多每天都吃硬法包,吃到有點怕,不想再吃。

先來的前菜,Baby Tomatoes Stuffed with Fresh Lobster,Pistou & Fresh Herbs。三隻小型的蕃茄內釀滿了新鮮的龍蝦肉,份量不少,鮮甜而爽口的龍蝦肉與酸甜的蕃茄一同入口,加上清新的菜,微微帶甘。再配上由蒜頭、橄欖油及Basil調製成的Pistou醬汁,把鮮味提升,叫人回味。另一款前菜是Small Crab (Crunchy) with Iceberg Lettuce。蟹炸得香脆,炸漿夠薄,入口不會糊粉。口感吃下有點像吃炸軟殼蟹,帶點微辣,用生菜包著來吃,減卻一點油膩感,吃著十分滋味。

主菜方面,有Filleted Chicken Breast,雞胸肉表面烤得焦黃,但雞皮則不太脆口,雞肉入口嫩滑,十分鮮味,加上青色的是青瓜乳酪醬,酸酸的,有點像吃印度雞。另一款Raw Steak Tartare “Home Made”,這個生牛肉比雞肉的更吸引。多片薄薄的生牛肉鋪在底,上面有不少的火箭菜及車厘茄,牛肉入口即融,肉味比想像中濃郁,而火箭菜甘而不苦澀,很好吃。配菜還有Baby Potatoes及Summer Vegetables,烤薯仔味道帶鹹,但口感一般,薯仔不夠軟綿,而後者的蔬菜充滿洋蔥味,不合我的口味。

最後的甜品,Thin Apricot Tart,Cheesecake Ice Cream,杏撻的撻皮十分香酥鬆脆,帶著濃郁的牛油芳香,上面放了數片香甜的杏桃及少許雜莓,賣相吸引。加上一球芝士蛋糕味雪糕,芝士味道不算十分突出,帶點微甜,冰凍的雪糕與熱烘烘的酥撻在口內交融,感覺不錯。還有兩小杯Chocolate Custard Cream,朱古力忌廉十分幼滑,質感濃稠,帶點挺實。入口可可味十分濃醇,微甜下再滲出甘味,十分誘人,兩小杯真的太小了。

吃過豐富的晚餐後,十分滿足,然後便到艾菲爾鐵塔拍夜景了。
每人消費: 約50歐元 (晚餐)
評分: 味道4   服務3   環境4   衛生3   抵食3
艾菲爾鐵塔 笑臉2012-02-05
晚上十時,終於閃燈了
晚上十時,終於閃燈了
晚飯過後,又再來到艾菲爾鐵塔下拍夜景。悠閒地坐在草地上等待著,到晚上十時,鐵塔終於虎燈了!很美的巴黎鐵塔!

評分: 值得去5  
  1 個留言    |  加入你的留言
chocolatemuimui
4篇遊記
2011德法之旅 (法國, 德國)
(旅程日期: 2011-07-14 至 2011-07-24 ,  旅程性質: 飲食購物, 消閒度假)
 整個旅程  (共4篇遊記)
 分享至Facebook 
發表日期: 2012-02-05
第八天
巴黎 > 聖米歇爾山

早餐Laduree chocolate cake
早餐Laduree chocolate cake
Rennes站轉乘巴士
Rennes站轉乘巴士
每天只有數班車來往
每天只有數班車來往
在車站附近買了梨撻來吃
在車站附近買了梨撻來吃
11:30am開車了
11:30am開車了
聖米歇爾山!非常宏偉壯觀!藍天白雲!好靚!
聖米歇爾山!非常宏偉壯觀!藍天白雲!好靚!
聖米歇爾山!
聖米歇爾山!
聖米歇爾山!
聖米歇爾山!

由最初計劃行程時,看到不少朋友及旅遊書都推介要到聖米歇爾山Mont Saint Michel,是法國著名的旅遊勝地,亦是教徒的朝聖之地,更被列入世界文化遺產。它位於法國諾曼第附近的花崗石小島,四週比大片沙岸包圍,潮退時遠看像一座平原上的山丘,而潮漲時整個島被海水包圍,景致壯觀。而入夜後,整座城堡於湖水的倒影,更是令人讚嘆不已,絕對是值得到訪的地方。

於是便決定要把它列入行程之內,因為前往聖米歇爾山的車不多,每天只有數班巴士由往返雷恩Rennes,若要看夜景,便要在城堡內住一個晚上。來到整個旅程叫人最期待的一天,一早便坐Metro到Montparnasse站,乘8:05am的TGV火車往Rennes站。上車後,先吃早餐,是昨天買的Laduree甜品Chocolate Cake。蛋糕是由朱古力蛋糕夾著慕斯組成,濃郁的朱古力味,甘醇而不會很甜,中間還有些脆脆,增添口感。一大清早便有甜品吃,把我從喚醒來。

大概10:30am到達Rennes站,準備轉乘由11:30am開往聖米歇爾山的巴士,車費每人8.6Euro。購了車票後,時間尚早,便在附近逛逛,看到其中一間餅店,便往內看看,多款甜品擺放在凍櫃內,賣相吸引,還有陣陣香氣撲鼻。這刻在想,法國到處也有甜點,即使是一間小小的餅店,所製作的質素也很不錯。這是不是他們的日常主糧食,等同我們在香港到麵包店買個豬仔包來作早餐?若果是的話,那真的太幸福了。結果,抵受不住買了一件梨撻來吃,1.8Euro。店舖的名字沒有記下,梨撻的餡料比較甜溜,梨蓉軟稔,那撻皮更是十分好吃,很重牛油香,而且十分鬆脆,比起香港很多甜品店也弄得好,吃得很滿足。

11:30am準時開車,大概1:00pm便到達目的地。來到後,山峰就在眼前,整個島有如城堡般宏偉,在藍天白雲映襯下,美得有如圖畫。若想把整個聖米歇爾山的全景拍下,便要沿連接小島與陸地的公路往外走出一點。

評分: 值得去5  
島內的小路
島內的小路
La Mere Poulard Restaurant
La Mere Poulard Restaurant
製作奄列中
製作奄列中
製作奄列中,將蛋充分打至膨脹起泡
製作奄列中,將蛋充分打至膨脹起泡
放入以柴生火的爐內煎
放入以柴生火的爐內煎
上碟後奄列仍然充滿蛋泡
上碟後奄列仍然充滿蛋泡
上碟後奄列仍然充滿蛋泡
上碟後奄列仍然充滿蛋泡
往島內唯一的一條小路走,到處都擠滿遊客,左右店鋪林立,感覺有點像到台灣的九份,但很有特玩。往前一點走,不久便看見傳說中La Mere Poulard Restaurant要港幣幾百元一個的蛋奄列,真的想知此奄列有何的矜貴。

在門外看到他們的製作,將蛋充分打至膨脹起泡,並放入以柴生火的爐內煎,上碟後奄列仍然充滿蛋泡,令人吃下去有著特別的口感,這是此奄列的一大特色。但價值不非,而且吃過的朋友說味道沒有特別,所以最後還沒有去嚐試,還是找其他東西吃作午餐。

Chez Mado Restaurant
Chez Mado Restaurant
每餐必有的硬法包
每餐必有的硬法包
蘋果酒
蘋果酒
沙律
沙律
海鮮拼盤
海鮮拼盤
蝦肉十分爽口及鮮甜
蝦肉十分爽口及鮮甜
鹹的Crêpe,餡料有煙三文魚、芝士、雞蛋及細香蔥
鹹的Crêpe,餡料有煙三文魚、芝士、雞蛋及細香蔥
甜Crêpe是海鹽焦糖味
甜Crêpe是海鹽焦糖味
不吃奄列,吃海鮮作午餐更好,來到Chez Mado Restaurant,這家餐廳就在今晚所住的酒店樓下,午飯時間人很多,幸好能找到座位。我們點了一份海鮮拼盤及Crêperie Lunch Set,另外還點了一杯蘋果酒,果味香濃,酒精味不太強,喝點酒暖暖身也不錯。

先來的是Lunch Set的沙律,有沙律菜、紅菜頭及蘿蔔絲,伴以酸酸的黑醋汁,很開胃。然後是豐富的海鮮拼盤,陣容不及早兩天在Chez Clement的強大,而且價錢相對還要高。各款海鮮的體積相對地細,蟹膏不算十分多,生蠔亦不夠飽滿,但味道還好,很鮮味。而蝦肉及螺肉夠爽口鮮甜,好吃!

吃過海鮮,還有Crêpe,這是法式薄餅,以麥粉、雞蛋、牛奶、奶油等製成再煎來吃,除了鹹食,亦有甜吃的。套餐中,各有一份鹹及甜的Crêpe。先來是鹹味的,鹹吃的是用蕎麥麵粉製成,餡料有煙三文魚、芝士、雞蛋及細香蔥。薄餅皮麥味香濃,表面氣孔外邊香脆,中心近餡料位置餅較為軟稔而不失煙韌口感,口感會較會粗糙。包著的餡料也不少,半融的芝士混著嫩蛋的雞蛋、加上鹹鹹的三文魚肉,吃下去毫不乾身,十分滋味。

甜Crêpe是海鹽焦糖味,這個餅皮的造法跟鹹吃的有點不同,用全麥麵粉製,煎出來是淡黃色的,充滿牛奶及蛋香,質感較為軟稔綿綿的,帶少許韌性。表面淋了焦糖漿再灑上糖霜,薄餅吸滿糖漿十分香甜,若焦糖漿再濃稠一點口感更好。


每人消費: 約20歐元 (午餐)
評分: 味道4   服務3   環境3   衛生3   抵食3
往山上走到Abbaye修道院
往山上走到Abbaye修道院
Abbaye修道院
Abbaye修道院
教堂
教堂
教堂
教堂
迴廊
迴廊
在山上往下看
在山上往下看
潮退時,不少遊客在沙灘上漫步
潮退時,不少遊客在沙灘上漫步
很多旅遊巴士及私家車停泊在入口的停車場內,來這裡的人真的很多
很多旅遊巴士及私家車停泊在入口的停車場內,來這裡的人真的很多
吃飽過後便往山上走,到Abbaye修道院,購票入場9Euro。修道院已有多年歷史,在西元966年已開始建造,起初只是給教徒作祈禱用的小屋,期後經過多次加建擴充及修築,所以融合了各種時代的建築特色。

當中較特別的是哥德式部分,被稱為La Merville驚異。這裡有教堂、鐘樓、迴廊、尖塔及城牆,我最愛迴廊那部份,讓人感覺有點神秘。走到平台,看到整個海的景觀,非常漂亮。由於是潮退,有不少遊客到了下面的沙灘上漫步,但假若是潮漲的話,便不能往下走了。再往左邊看看,有不少旅遊巴士及私家車停泊在入口的停車場內,可見來這裡的人真的很多。
評分: 值得去5  
Le Mouton Blanc
Le Mouton Blanc
Le Mouton Blanc
Le Mouton Blanc
酒店外牆
酒店外牆
房間環境也不錯
房間環境也不錯
遊客真的很多
遊客真的很多
行過Abbaye修道院後,便下山前往酒店Le Mouton Blanc Check-in。酒店島的半山處,臨近聖米迦勒山以及聖米歇爾山修道院。酒店共有兩層,設施不多,但餐廳及小型的咖啡室也有,亦有早餐提供。我們住在一樓套房,環境不錯,打開窗便可看見島上的那條小路。這裡沒有wifi或上網設備,來到後就讓自己好好的輕鬆一下,感受大自然的環境,不要想著上網了。

每晚價錢: 100歐元
評分: 設備4   服務3   環境4   衛生3   抵住3
往城外走
往城外走
坐在橋上遠眺聖米歇爾山,感覺很悠閒寫意
坐在橋上遠眺聖米歇爾山,感覺很悠閒寫意
La Ratisserie
La Ratisserie
朱古力泡芙
朱古力泡芙
朱古力泡芙
朱古力泡芙
甜品拼盤,有士多啤梨慕斯、焦糖燉蛋、Brownie及Floating Island,還有一杯熱咖啡
甜品拼盤,有士多啤梨慕斯、焦糖燉蛋、Brownie及Floating Island,還有一杯熱咖啡
熱朱古力
熱朱古力
環境很舒服
環境很舒服
在酒店安頓後,便出發沿路往城外走,來到超級市場買點簡單食物作晚餐,又再附近的商店買了些餅乾甜點作手信。然後來附近的在橋上,一邊遠眺聖米歇爾山,一邊用餐,感覺很悠閒寫意。

晚餐過後,看看時間,八時還未到,天仍然很光,太陽沒那麼快下山,但身軀已被寒風吃得疆硬,氣溫不足十度,我們抵受不住,保暖便決定去喝點熱飲及吃甜品暖暖身。走到超級市場附近的餐廳,餐廳選擇很多,吃的都是大同小異,隨便選了一間La Ratisserie。餐廳分用餐區及咖啡室,但裝修也是差不多,我們吃甜品的就到咖啡室區那邊去。

看看餐牌,甜品款式十分多,二十多款,令人眼花撩亂,若能通通點來吃便多好,很不容易才挑選兩款出來。甜品未來,先喝一杯熱朱古力,2.5Euro,人在飢寒交迫時,即使是普通的食物都顯得特別美味,雖然胃子不餓,但身體凍得疆硬,嚐一口香甜的熱朱古力,身體變得溫暖起來,這一刻真的感到很滿足。

朱古力泡芙,6.5Euro,三小隻泡芙淋滿熱朱古力漿,再灑上香脆的杏仁片,賣相十分誘人,還未吃已感到它很甜。鬆脆的泡芙夾著中間是幼滑的雲尼拿雪糕,濃醇的朱古力漿與香甜的雪糕在口中交錯,冷熱相融,十分甜美。

小型的甜品拼盤,6.5Euro,有士多啤梨慕斯、焦糖燉蛋、Brownie及Floating Island,還有一杯熱咖啡。士多啤梨慕斯不算十分幼滑,但味道夠酸,合我心意,加上底部的果蓉,令酸甜度更為提升。焦糖燉蛋的面層,焦糖不夠厚身及脆口,但燉蛋滑溜,而且不會太甜。Brownie的餅身不會太乾,但可再濕潤點,朱古力味濃郁,加上夾有不少果仁粒,增添口感。最後的Floating Island,輕柔的蛋白浸在吉士忌廉內,只有吉士的甜,味道只是一般。吃過甜品,身體儲起了不少熱能,應該足以應付晚上漫長的等待。

評分: 味道4   服務3   環境3   衛生3   抵食3
日落了,夕陽晚霞的聖米歇爾山
日落了,夕陽晚霞的聖米歇爾山
日落了
日落了
set好腳架影夜景
set好腳架影夜景
開始天黑了
開始天黑了
等了一夜,終於拍到聖米歇爾山的夜景了!
等了一夜,終於拍到聖米歇爾山的夜景了!
大概九時多便往城堡出前,還到了超級市場買頸巾保暖,否則真的擔心捱不下去。站在大路上,Set好相機腳架,一直在等待,沒有地方可遮掩可擋風,亦沒有椅子可坐下休息,只有站著,靜靜的等待,很寧靜。旁邊也站了不少遊人,同樣也在等待著。晚上十時多,終於日落了,太陽在聖米歇爾山旁緩緩落下,夕陽晚霞,景色真的太美,十分醉人,感覺很浪漫,很想把這一刻停留著。

日落後,天還未完全黑掉,一直等待著,希望能拍下城堡的夜景。可是,一直也有不少私家車從城堡駕駛出來,車頭燈發出的光線令我沒法拍得滿意的照片。直到晚上十二時多,終於沒有車再駛出來了,這一刻終能拍下聖米歇爾山的夜景,很感動,真的很感動。在這裡等了一整夜,寒風吹著,人不停在顫抖,但最後仍能等到,這一夜,叫我沒法忘記,是這旅程叫人最難忘的。

而遺憾的是這天碰不著潮漲,所以湖上的城堡倒影不太多及清晰,假若大家來的時間,要上網查清楚那些日子才是潮漲,這樣便可看到更美的夜景!拍得滿意的照片後,便摸黑走回城內,回酒店休息了。

評分: 值得去5  
  0 個留言    |  加入你的留言
餓底無鎖胃
4篇遊記
★英法雙城休閒遊★ (法國, 英格蘭)
(旅程日期: 2011-09-20 至 2011-09-23 ,  旅程性質: 觀光攝影, 消閒度假)
 整個旅程  (共4篇遊記)
 分享至Facebook 
發表日期: 2012-02-01
來到了最後一日的行程
在巴黎度過了人生第一次的歐洲之遊

法國的首都巴黎一向予人浪漫的感覺
當然要藉此與女朋友仔浪漫一下,上到巴黎鐵塔
看到美麗動人的巴黎夜景,最好是由黃昏登塔,直到晚上,可以見到整個日落的過程。
此刻無價!

此外,到了遊巴黎必到的景點梵爾塞宮,地大宮殿多,需要遊最少大半日,我們沒有足夠時間,於是只遊了一個早上,其後到盧森堡公園,面積較少。同時,聖母院也值得一去,最少也要到門外拍照!

倫敦巴黎的確是度假的好地方!我們日後定必再來個休閒之旅。
速食 ok喇2012-02-01
兩個餐
兩個餐
質素差不多
質素差不多
打開時賣相完整
打開時賣相完整
質素較高
質素較高
早上趕著到梵爾塞宮
於是前往附近吃個麥記早餐

雖然說是早餐,已經過了11時
有薯條和薯塊吃了
味道與香港的無異

這裡的魚柳飽味道較好
麵包較鬆軟

另外,賣相亦比香港的好
打開的飽是完整的,沒有東倒西歪
每人消費: 約4歐元 (早餐)
評分: 味道3   服務3   環境3   衛生3   抵食3
外觀
外觀
很多人排隊買票
很多人排隊買票
裝潢精緻
裝潢精緻
鏡廳
鏡廳
貴麗堂皇
貴麗堂皇
綠化公園
綠化公園
還有個小湖可划船
還有個小湖可划船
似進入了森林
似進入了森林

梵爾賽宮所在地區原來是森林和荒地
1624年
法國國王路易十三買下了這塊荒地
在這裡修建了一座二層的紅磚樓房
用作狩獵的行宮

當時的行宮擁有廿幾間房
一樓為傢具儲藏室和兵器庫
二樓有國王辦公室、寢室、藏衣室、隨從人員臥室等房間

凡爾賽宮宮殿為古典主義風格建築
建築左右對稱,造型輪廓整齊
被稱為是理性美的代表

其內部裝潢得美輪美奐
要仔細地看大約需要大半日

注意的是內裡的公園是分開收費的
但公園地大舒適,值得花多少少錢去一看!

參觀時段: 早上
入場價錢: 每人12歐元
評分: 值得去4  
法國crepes 笑臉2012-02-01
味道恰到好處
味道恰到好處
估不到竟然在梵爾塞宮的公園內遇上了crepes
這個crepe上有朱古力醬
新鮮製作,熱烘烘的薄餅
帶微甜,沾上朱古力醬吃,甜度剛好

女朋友仔好喜歡!
每人消費: 約2歐元 (午餐)
評分: 味道4   服務3   環境3   衛生3   抵食3
休閒散步 ok喇2012-02-01
綠草如茵
綠草如茵
美景
美景
建築物有特色
建築物有特色
自在的散步
自在的散步
湖上有人划船
湖上有人划船
鴨子暢泳
鴨子暢泳
盧森堡公園
位於巴黎拉丁區的中心
包括:盧森堡宮,法國參議院所在地

佔地百頃
有巨大的梧桐大道與圖案的花園、噴泉,以及許多雕像

只在公園內哂太陽,散步亦可消磨大半日了
這就是休閒的生活!
參觀時段: 下午
入場價錢: 每人0英鎊
評分: 值得去3  
多款口味
多款口味
五顏六色,非常吸引
五顏六色,非常吸引
吃了檸檬和開心果味
吃了檸檬和開心果味
路經一家賣gelato的小店
味道款式多

和女朋友仔吃了檸檬味和開心果味
兩款的味道清新宜人
而且近乎本身食物的味道,不做作

莫非近意大利的國家吃的gelato會份外美味?
每人消費: 約3歐元 (午餐)
評分: 味道4   服務3   環境3   衛生3   抵食3
最正既一餐 笑臉2012-02-01
認著佢!
認著佢!
法國麵包
法國麵包
帶子紅蘿蔔
帶子紅蘿蔔
龍利柳薯蓉
龍利柳薯蓉
因為今日趕著去參觀
連食午餐的時間都推遲了

去搭地鐵前,見到這家較平的餐廳吃個午餐
坐在街頭的一張圓檯吃午餐,很有法國風味

法國麵包
來了兩日,第一次吃真正的法包
外表香脆,內裡鬆軟
帶點微暖,很美味

前菜
上面有帶子,下面是紅蘿蔔碎
帶子很鮮味
紅蘿蔔是酸酸的,很開胃!

主菜
點了我最喜歡吃的龍利柳薯蓉
龍利柳極滑
薯蓉富牛油香味,香味泗溢

這餐是是次休閒之旅吃過最美味的!
每人消費: 約12歐元 (午餐)
評分: 味道4   服務3   環境3   衛生3   抵食3
久仰大名! 笑臉2012-02-01
可惜當日天色不佳
可惜當日天色不佳
可見雕功精細
可見雕功精細
院內
院內
可點燈
可點燈
建於1163年的聖母院
歷時400年才完工
精雕精細
尤其是正門三個大拱門上的浮雕

它亦哥德式教堂的代表
一場來到巴黎,一定要一到聖母院
雖然我倆並非教徒,但都覺得值得一去呢

見到不少當地的天主教徙專情過來一趟


參觀時段: 下午
入場價錢: 每人5歐元
評分: 值得去4  
浪漫聖地 笑臉2012-02-01
日景攝人
日景攝人
太陽快要落山了,夕陽無限好!
太陽快要落山了,夕陽無限好!
靚到呢...
靚到呢...
夜景醉人
夜景醉人
鐵塔是巴黎最高的建築物

塔內的一、二樓設有餐廳
第三樓建有觀景台
從塔座到塔頂共有1711級階梯
不知會否有人選擇行上去呢?

在鐵塔最高的觀景台見到巴黎全景
同女朋友仔在黃昏時上去,可以見到夕陽,還有夜景

巴黎的夜景真是份外浪漫!
參觀時段: 晚間
入場價錢: 每人13歐元
評分: 值得去4  
  0 個留言    |  加入你的留言
餓底無鎖胃
4篇遊記
★英法雙城休閒遊★ (法國, 英格蘭)
(旅程日期: 2011-09-20 至 2011-09-23 ,  旅程性質: 觀光攝影, 消閒度假)
 整個旅程  (共4篇遊記)
 分享至Facebook 
發表日期: 2012-01-26
第三日,先和朋友道別,之後就出發到車站上Euro Star了
準備前往巴黎,這個美術文化之都
首到凱旋門和香榭麗舍大道
這條名店街,氣派非凡

之後到了大小皇宮,第一次接觸到當地的美術作品
經過亞歷三大橋後到了奧塞美術館,還有羅浮宮
女朋友中學時修讀美術科,她終於見到了很多著名畫家的真跡,感到嘆為觀止!
晚上的羅浮宮,有另一番的美,大家可在選擇在晚上參觀
我愛保羅 笑臉2012-01-26
Macaron
Macaron
杏仁牛角酥
杏仁牛角酥

Paul這個名已經聽了好陣子
估不到今日上火車前,見到它!

買了個Macaron和杏仁牛角酥吃
Macaron點了朱古力味
蛋白做的餅,很脆,散發出陣陣朱古力的香味
內裡的夾心也很香濃

杏仁牛角酥雖是凍吃
仍然很鬆脆,富香牛油味

聞名不如見面

每人消費: 約3英鎊 (早餐)
評分: 味道4   服務3   環境3   衛生3   抵食3
樹立於香榭麗舍大道
樹立於香榭麗舍大道
精細的雕刻
精細的雕刻
紀錄歷史
紀錄歷史
精緻的浮雕
精緻的浮雕
凱旋門是新古典建築的代表物
建於1836年,它的靈感來自羅馬的凱旋門

凱旋門是紀念拿破崙的凱旋軍事偉業所建的
整座建築描繪所有拿破崙的豐功偉業

它亦是無名士兵之墓-軍事紀念碑
精細的雕刻,加上立體的浮雕
每樣都做得很精緻
是拍照的好地方!
參觀時段: 早上
入場價錢: 每人0歐元
評分: 值得去4  
Leon 笑臉2012-01-26
此乃連鎖店
此乃連鎖店
藍青口
藍青口
奄列
奄列
薯條
薯條
不少到過法國的朋友說一定要吃Leon的藍青口
今日在香榭現舍大道上遇到了他

價格相對外面餐廳便宜,因而吸引不少遊客光顧
點了個藍青口
這個招牌菜又平又美味
藍青口size較大,鮮味,只有簡單的調味料已經吃到藍青口的獨特鮮味
另外點了個奄列和薯條
各式各樣也新鮮美味

Leon在巴黎有很多分店,大家不妨去他的網頁search下!
每人消費: 約10歐元 (午餐)
評分: 味道4   服務3   環境3   衛生3   抵食4
地標街道 笑臉2012-01-26
不少車輛行駛
不少車輛行駛
旁邊很多樹木
旁邊很多樹木
名店
名店
熟口熟面的
熟口熟面的
參觀宏偉壯觀的凱旋門時
正對面就是舉世聞名的-香榭麗舍大道

巴黎 一條舉世著名的大道
位於城市西北部
它被譽為巴黎最美麗的街道
兩邊有戲院,食店,當然不少得名店
港人熟悉的名牌多數都有
女士們可盡情購物!
參觀時段: 下午
入場價錢: 每人0歐元
評分: 值得去4  
外觀美
外觀美
內裡裝修得有氣派
內裡裝修得有氣派
巴黎大小皇宮就位於香榭麗舍大道
行完了香榭麗舍大道,就順便過來參觀

它是為了舉辦1900年世界博覽會所興建的
館內放了不少當地的著名美術品
不過如果想看藝術品的朋友,在巴黎有其他博物館選擇
在門外拍照亦是個好選擇!
參觀時段: 下午
入場價錢: 每人2歐元
評分: 值得去3  
藝術品
藝術品
極美
極美
雕功精細
雕功精細
很有氣派
很有氣派
美景
美景
橋上美景
橋上美景
於1886一1890年建成
當時考慮到不影響兩岸的景觀
所以橋身建造得特別低矮

橋上到處都裝飾著宮燈
有趣的小天使,山泉水澤地的女神,還有飛馬等等
等如看了個藝術展覽一樣
參觀時段: 下午
入場價錢: 每人0歐元
評分: 值得去4  
大掛鐘
大掛鐘
車站改建
車站改建
《在阿爾的臥室》- 梵谷
《在阿爾的臥室》- 梵谷
博物館位於塞納河左岸
和羅浮宮斜對,隔河和杜伊勒里公園相對
是法國巴黎的近代藝術博物館
主要收藏從1848-1914年間的繪畫、雕塑、攝影等作品

這裡是建於1900年的火車站
是從巴黎到奧爾良鐵路的終點,名為奧賽車站

中廊頭上一座十九世紀金碧輝煌的大掛鐘
表現了奧塞火車站,法國當時的富裕
館內放了不少著名畫家作品,如梵谷和畢加索等,都是女朋友的中學時代的"偶像"
參觀時段: 下午
入場價錢: 每人9歐元
評分: 值得去4  
優雅餐廳 笑臉2012-01-26
tap water
tap water
French Fries
French Fries
Carbonara
Carbonara
行完了美術館後
到附近的一家餐廳享用晚餐

由於九月的法國,日長夜短
吃晚餐時,天仍然是光亮的

點了兩個Carbonara Set
先來了French Fries
薯條炸得乾身,不油膩

主菜carbonara上的生雞蛋要撈在意粉內先吃
意粉彈牙,al dente
滿是蛋汁香,口感creamy

百多元的一個餐在巴黎來說算是抵吃了!
每人消費: 約12歐元 (晚餐)
評分: 味道4   服務3   環境3   衛生3   抵食3
黃昏時
黃昏時
從館內影出去
從館內影出去
晚上更美
晚上更美
從高處看
從高處看
精緻的雕塑
精緻的雕塑
看的目的
看的目的
醉人的夜景,美不勝收
醉人的夜景,美不勝收
羅浮宮是現時世界知名博物館
位於巴黎塞納河側邊
它原本是王宮,後來改建為博物館

現在擁有大約40萬件藝術收藏
包括雕塑、繪畫、美術同工藝等等

大家可以選擇晚上入場
一來較便宜,二來晚上的景色較美
參觀時段: 晚間
入場價錢: 每人9歐元
評分: 值得去4  
  0 個留言    |  加入你的留言