MLKM
我是MLKM。
留言  留言給此旅遊家
  遊記數目 29
  上載相片 536
  上載影片 1
最近分享過的旅程
2012法國摩納哥之旅
國家/地點: 法國, 摩納哥
旅程日期: 2012-08-19 至 2012-08-27
2011維也納三日遊
國家/地點: 奧地利
旅程日期: 2011-10-30 至 2011-11-01
2011德國漫步
國家/地點: 德國
廣州五日食多過玩之旅
國家/地點: 中國
旅程日期: 2011-07-28 至 2011-08-01
蘇杭上海八日遊
國家/地點: 中國
旅程日期: 2010-09-04 至 2010-09-11
德國紐倫堡聖誕市場
國家/地點: 德國
旅程日期: 2010-12-20 至 2010-12-21
廣州為食兩日遊
國家/地點: 中國
旅程日期: 2009-07-16 至 2009-07-17
廣州蓮花山半日遊
國家/地點: 中國
旅程日期: 2009-06-24
共找到 29 篇遊記, 正顯示第 1 至 10 篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-28
由呢度搭車去摩納哥
由呢度搭車去摩納哥
住宅屋頂種滿樹
住宅屋頂種滿樹
大教堂
大教堂
城市綠化充足
城市綠化充足

第八日, 我地要向摩納哥進發. 搭巴士要去到一個泊滿豪華遊艇, 叫Le Port的碼頭邊, 搭100號線. 由於摩納哥實在太吸引了, 架架巴士爆曬棚, 等咗好耐先等到架無咁滿既塞到我地四個入去. 車程大約40分鐘, 車費每人只需1€, 同尼斯市內一樣. 全程無查證件無關卡咩都無, 唔講你唔會知自己已經去咗第個國家. 落車要0係Casino站, 因為摩納哥唔係總站, 架巴士要繼續去0架.

參觀時段: 早上
評分: 值得去4  
摩納哥海景 笑臉2012-09-28
由水族館影出去可以見到摩納哥人的屋頂小花園好漂亮
由水族館影出去可以見到摩納哥人的屋頂小花園好漂亮
睇完市景, 來個海景如何?
參觀時段: 早上
評分: 值得去4  
經典賭場 哭臉2012-09-28
賭場正門
賭場正門
賭場旁的一列名店
賭場旁的一列名店
Hotel de Paris, 位於賭場旁的著名酒店
Hotel de Paris, 位於賭場旁的著名酒店
賭場旁邊的差館
賭場旁邊的差館
賭場對開
賭場對開

著名既賭場Casino Monte Carlo位於半山腰, 由我地落車的巴士站行上去好快就到. 賭場及其周邊建築典雅有格調, 給人的感覺十分有氣派.

0係摩納哥, 賭場唔係隨便入的, 先要貢獻每人10€入場費. 齋賺門票都賺到笑, 話之你入去後賭唔賭. 呢10€只供閣下於某幾個廳流連, 如果想入另一d賭廳又或想出露臺坐下, 磅多10€吖唔該. 賭場內唔准影相, 裝修係典型的賭場式華貴, 面積唔大. 講靚講豪講地方大都及唔上澳門d賭場. 所以如果唔係真係想玩番兩手既話, 0係門外影張相就得喇, 無謂浪費10€. 我地用咗40€來感受何謂the legend of casino, 感受完, 其實係覺得有少少搵笨的.

參觀時段: 下午
入場價錢: 每人10歐元
評分: 值得去2  

由賭場出來就嚟咗呢間Café de Paris食晏. 呢間餐廳名氣甚響, 因為佢位於賭場及著名酒店Hotel de Paris旁邊, 正正是摩納哥的心臟地帶, 地點一流. 由於我地旁邊台食客不停眼望望, 搞到我地唔多好意思影相, so無相睇.

呢度既menu走大包圍路線, 由法式到意式甚至印度咖哩雞都有得食. 我叫咗個beef stew, 係用茄汁燜的牛肉粒. 牛肉肉質好鞋下, 調味則不錯, 燜得幾香, 鹹淡適度. 比較特別係會跟一碟通心粉, 俾客人自己加入煲中. 索咗汁的通粉比牛肉更好吃.

當麵癡家母搵唔到中式或日式麵的時候, 意式麵一樣照殺可也. 佢叫咗份香草番茄意粉, 聽佢講意粉味道尚可, 佢鍾意個汁帶點點胡椒的香辣. 只係意粉煮得過腍無咩嚼頭. 而且可能呢味係餐牌上的廉價食物(大約10幾€), 配料少得可憐. 阿媽話除咗一粒番茄外, 深海尋寶咁由面摷到底都摷唔到d咩了. 

家父同細佬就點咗份香草燒雞. 雞肉腍得來無味又唔香口, 好似燒好攤凍再叮返熱咁. 埋單150€左右, 唔算平, 雖知我地無點前菜及海鮮類貴價食物. 最重要係貴得嚟無咩好食. 地點就夠曬正, 室內裝修也相當優雅. 如果純粹只係想飲杯咖啡, to see and to be seen, 都不妨一到的. 想品嚐美食既話搵過第間好過.

每人消費: 約35歐元 (午餐)
評分: 味道2   服務3   環境5   衛生4   抵食2
無得入呀! 2012-09-28
王宮正面
王宮正面
大門旁邊兩個三角頂小屋內有士兵站崗
大門旁邊兩個三角頂小屋內有士兵站崗
王宮側面
王宮側面

食完飯後我地行番落山搭巴士去王宮. 王宮坐落於山上, 外觀似座城堡, 佔地唔大, 但望落幾有氣勢的. 可惜當日有王室成員在內, 所以唔允許參觀, 令我地超級失望.

參觀時段: 下午
睇魚仔 ok喇2012-09-28
全館年紀最大的生物: 成5張幾的鰻魚
全館年紀最大的生物: 成5張幾的鰻魚
一條條豎立0係沙中的魚仔
一條條豎立0係沙中的魚仔
化石
化石
各式標本
各式標本

我地0係王宮外流連時聽見旁邊幾個內地同胞話有個水族館, 王宮無得入咪入水族館打發時間囉, 一於跟埋去. 門票盛惠每人14€, 肉赤. 家父最愛動物, 平時0係屋企成日睇動物紀錄片, 自然睇得興致勃勃, 不過我地覺得呢度似乎無咩珍貴品種. 唯一較特別既係第3張相中條鰻魚, 0係60年代已經被人發現--咁佢咪起碼過咗50大壽?

水族館下層睇生魚, 上層就睇死魚, 展示咗唔少海洋生物的化石及標本. 再上一層係餐廳及露臺, 由此可以影到整個摩納哥的全景.

大多數人來摩納哥都會抱住一種獵奇心態, 想來見識下呢個小國的富貴. 摩納哥的碼頭泊滿私家遊艇, 高尚住宅林立, 可以睇得出係個富裕的地方. 但僅此而已, 唔會好似杜拜咁有令人嘩然的炫富事物. 而遊客只會去遊客區, 撞口撞面都係見番遊客, 亦唔會睇得到摩納哥本國人的生活係點. 而我認為即使唔係打算來開眼界, 摩納哥都值得一遊的, 畢竟此處市容整潔, 綠化充足, 環境是十分舒適的. 前提是唔好期望可以睇到d咩超特別的景點囉.

評分: 值得去3  
康城影展大樓
康城影展大樓
沙灘旁的promenade,右邊就係沙灘
沙灘旁的promenade,右邊就係沙灘
遠眺影展大樓
遠眺影展大樓
舊城區
舊城區

第九日, 我地既目的地係康城, Cannes. 康城離尼斯其實唔遠, 但我地搭既200號線巴士係左兜右兜型, 結果兜咗2個鐘先到. 車費每人1€, 都幾抵的.

去康城, 人人第一時間梗係去睇康城影展的大本營喇. 該建築正式名稱為Palais des Festivals et des Congres. 老老實實, 呢棟大樓外表上睇嚟超普通, 只係一間規模較大的電影院. 遊人唔准入內(唓!), 外面樓梯有條應該一排無清潔的紅地毯, 以及幾個扮明星的街頭藝人, 專同遊客合照的. 戲院旁邊的展館有展覽, 但唔0岩睇, 所以我地無入去. 講完. 所有野唔使三分鐘睇曬.

電影院對面是名牌街, 街後是一條promenade, 聽講呢條promenade係抄尼斯我地日日行過的果條呢. 再後就係海灘. 康城既沙灘的確係"沙"灘, 真係沙來的, 雖然沙質麻麻地同香港差唔多. 海水望落似乎比尼斯更清澈. 想游水, 二揀一既話呢度睇落好過尼斯.

之後我地沿著海岸邊行, 漸漸行到去舊城區. 地理位置相近, 所以無論尼斯, 康城定摩納哥的建築風格與自然風光都差唔多. 0係一個小山坡上我地遇到個英國旅行團, 個導遊指住山下的房屋講邊座邊個名人住過, 我地0係旁邊又聽埋一份.

參觀時段: 早上
評分: 值得去2  

呢間亦係我於網上搵到的知名甜點店. 買咗兩件cakes, 左邊係檸檬mousse cake, 外面包裹著一層紅莓醬, 粉紅色嬌艷非常. 右邊係菠蘿mousse cake. 蛋糕鬆軟, 紅莓檸檬味加埋原來幾夾的, 連我呢d絕不愛任何類型berries的人都覺得好吃. 而菠蘿味則夠天然, 酸甜合度. 兩款蛋糕都很清新討好, 連上面裝飾的朱古力片都香濃美味. 將來如果我會重遊康城的話, Jean Luc Pelé就係唯一的理由.

食完後我地就搭巴士離開, 整個康城之旅只係用咗約3, 4個鐘左右. 因為我地又唔係咩影癡, 而且當見過尼斯同摩納哥後就會覺得康城與呢兩個城市十分雷同.

到咗第二朝, 亦即是旅程的第十日, 起身後大家就執野check out, 搭飛機去巴黎再轉機返香港. 雖然我地去既城市如巴黎尼斯等, 都係浪漫逍遙適合兩口子度假的, 但同屋企人嚟一樣可以玩得好開心. 雖然呢, 有d景點我真係覺得幾把鬼下. 好, 我會努力賺錢, 爭取出年繼續同家人去旅行!

評分: 味道5   服務4   環境5   衛生4   抵食3
  0 個留言    |  加入你的留言
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-27
無沙的沙灘 ok喇2012-09-27
呢張及第二張係尋日傍晚影的, 天色較暗.
呢張及第二張係尋日傍晚影的, 天色較暗.

第六日, 朝早起身後去酒店餐廳食早餐. 內容都係最基本的麵包, 果醬, 生果, cereal之類. 選擇唔多, 味道普普通通無驚喜無驚嚇咁囉. Service你就靠自己喇, 侍應手腳非常慢的.

食飽飽後去海灘散步, 老土d叫踏浪. 藍天白雲, 尼斯有; 椰林樹影, 尼斯有(棕櫚樹都算椰樹啩?); 水清沙幼, sorry無噃. 呢度海水水質一般, 唔算清澈, 講到沙幼? 有鬼沙咩, 全部係石仔, 有d直情拳頭咁大, 行上去"銀"腳既. 好彩我地亦唔志在游水, 所以都無所謂的.

參觀時段: 早上
評分: 值得去2  
呢條小巷都算幾靚的
呢條小巷都算幾靚的
唔記得咗係咩建築物
唔記得咗係咩建築物
Cours Saleya
Cours Saleya

沿住岸邊的promenade直行就行到去舊城區. 尼斯舊城區其實唔係幾靚. 街道尚算乾淨, 但唔少房屋墻上都有污漬就有d令人反胃. 況且整體既建築亦無咩特色.

跟住我地行到一個叫Cours Saleya既市集. 呢度賣鮮花為主, 另外亦有蔬果, 香料等. 阿媽買咗樽rose jam帶返香港. 呢個市集十分熱鬧, 而且滿有歐洲風情, 可以一來. 

參觀時段: 早上
評分: 值得去3  
中上水準 笑臉2012-09-27
正

中午我地去咗Chez Freddy食野. 呢間餐廳網上好多人推薦, 名氣不小的. 地點就0係Cours Saleya市集旁.

生蠔: 有6隻, 我地大家分食. 海水味非常濃, 但可能當時未係季節, 所以蠔身偏瘦, 而且無咩鮮味.

海鮮鍋: 有青口, 蜆, 魚, 蝦, 薯仔, 一鑊熟. 個容器好得意, 下面係用來放空殼的. 食材新鮮, 味道自然唔差得去邊, 入面既薯仔索咗海鮮汁十分美味. 可惜貝類唔夠之前食過的咁肥美. 份量唔少, 再加埋薯條, 女仔來講一個人真係食唔曬.

阿爸唔跟我地點海鮮鍋, 要咗個燒鱸魚. 試咗少少, 皮脆魚香但肉唔夠嫩, 鞋咗d.

Overall來講呢間店都吃得過的, 雖然無前一日唔記得名果間咁好.

評分: 味道4   服務3   環境4   衛生3   抵食3
睇夜景 笑臉2012-09-27
山上有瀑布及觀景台
山上有瀑布及觀景台
呢個角度望出去是幾漂亮的
呢個角度望出去是幾漂亮的
海邊靚過舊城區
海邊靚過舊城區
舊城區
舊城區
日落的一瞬
日落的一瞬
夜景
夜景

食完飯後我地返酒店休息, 跟住就出來上山頂. 尼斯面積唔大, 所有地方行都行到去. 山上有個人工瀑布, 風涼水冷係個欣賞夜景既好去處. 講燈火璀燦就梗及唔上我地山頂喇. 始終呢度唔係咩國際大都會, 無得比較既. 一家人0係上面吹風兼吹水, 都好耐無試過咁溫馨了.

參觀時段: 晚間
評分: 值得去4  
甜咗d 笑臉2012-09-27

上山前買咗Lac Chocolatier既蛋糕0係山頂食. 兩件分別係咖啡千層蛋糕及檸檬慕絲蛋糕. 前者咖啡味香濃, 蛋糕本身就實淨咗少少, 唔夠鬆軟; 後者既mousse就好滑. 兩件餅味道比較甜, 論味道係今次旅程中最遜色的, 不過仍算好味的.

4條友由日落睇到華燈初上, 餵完蚊後終於落山, 去Café de Turin食晚飯. 呢間餐廳我地之後會重臨, 食評請留意後面.

評分: 味道4   服務3   環境4   衛生3   抵食4
呢類熱帶植物, 香港成日見, 無咩特別
呢類熱帶植物, 香港成日見, 無咩特別
錦鯉池
錦鯉池
難道法國都有放生烏龜既習慣?
難道法國都有放生烏龜既習慣?
唔係塑像, 係一隻活生生的Flamingo
唔係塑像, 係一隻活生生的Flamingo
覺唔覺佢瞪住你既時候個心有d寒?
覺唔覺佢瞪住你既時候個心有d寒?
遊人可以行入去餵呢班鴨仔
遊人可以行入去餵呢班鴨仔

第七日我地去Phoenix Park. 呢個係一個有植物有動物既大公園, 兼有個好小兒科既音樂噴泉. 入場費係以旅遊區來講平到你唔信既2€! 嚟呢度你唔好期望有咩睇, 入來relax下, 訓下草地餵下鴨仔就得. 其實好多人來尼斯都係想咁樣放鬆下0者, 公園環境係十分清靜舒服的. 如果係第d月份嚟, 天氣無咁熱既話會更好. 我地當時係日日陽光普照的35度或以上.

印象最難忘的係果隻白色貓頭鷹, 你行去邊佢就擰個頭啤你啤到邊, 你都咪話, 個心真係有少少怯0架. 班鴨仔就好可愛, 完全唔怕人, 一入去就圍住你等你餵, 畢竟0係香港都好少同呢d非寵物類動物接觸, 幾好玩的.

0係巴黎我地行街食野為主, 嚟到尼斯就想放鬆下. 所以每日都係周圍行下坐下, 去海灘曬下太陽吹下海風, 話咁易又過一日.

參觀時段: 早上
入場價錢: 每人2歐元
評分: 值得去4  
咁既顏色, 你估d蝦蟹仙遊咗幾耐?
咁既顏色, 你估d蝦蟹仙遊咗幾耐?

中午我地又去返尋日去過的Café de Turin食飯.  呢間餐廳都是幾十年老字號了, 我地尋日來吃晚餐時覺得佢既海鮮盤除咗鹹咗少少外, 味道都唔錯. 所以今日打算來個翻兜. 兩位老人家一排無食中菜, 周身唔聚財, 走咗去搵中餐廳打救. 呢餐變咗得我同細佬兩個人食.

我又叫番上次食過的海鮮盤, 但今次一擺上嚟令我超失望. 首先隻蟹, 大家睇相都見到隻蟹係瘀黑色的, 唔係前一晚的紅潤鮮艷. Lunch價錢較平所以差D? No, 我兩次都係點同一味, 俾既價錢一樣, 約30€左右. 所有lunch的食物質素都咁差? 又唔係, 隔籬枱個海鮮盤的海鮮色澤光潤, 比我的新鮮得多. 味道方面亦較第一餐失色, 蟹肉超鹹, 雖然上次都偏鹹, 但至少入得到口, 今次則簡直鹹到吞唔落. 蝦既顏色亦比上次更暗啞, 又鹹, 同隻蟹一樣都好似用鹽水烚過咁. 海螺雖然唔鹹, 不過咬落好腥, 完全唔係新鮮貨.

細佬就點咗生蠔. 生蠔分normal or special, 兩款都有3個size可供選擇. 細佬揀咗special中最大的一款, 20,90€6隻. 我地一家少食生蠔, 所以都唔知係咩品種. 生蠔看上去都足夠新鮮的, 味道據細佬講蠔身肥美, 但同樣地極鹹.

而細佬食過生蠔後返到酒店開始覺得唔舒服, 嘔咗一陣. 好在嘔完後無事. 係咪同Café de Turin的食物有關我唔知, 但為免掃興, 我都係唔建議各位來呢度食.

每人消費: 約30歐元 (午餐)
評分: 味道2   服務3   環境3   衛生3   抵食1
  0 個留言    |  加入你的留言
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-27
居高臨下 ok喇2012-09-27
由我間酒店房望出去近在咫尺的Tour Montparnasse
由我間酒店房望出去近在咫尺的Tour Montparnasse
搭多張夜景
搭多張夜景
在塔的室內區域下望
在塔的室內區域下望
頂層的露天天台
頂層的露天天台

第四日一早, 去咗位於酒店隔離既Tour Montparnasse. 呢座建築物號稱全巴黎最高, 堅定流就無從稽考喇. 門票每位13€, 0係酒店度都有得賣而且價錢更平, 10€就搞掂.

遊客嚟呢棟大廈只係為咗俯瞰巴黎全景. 呢度遊人相對較少, 如果嫌上鐵塔又貴又排隊排到海枯石爛既話呢度不失為一個好選擇. 同鐵塔一樣呢度都有間餐廳, 可以一邊食晚飯一邊欣賞巴黎夜景, 不過網上探子回報話食物味道不過爾爾, 所以我地無嚟吃.


參觀時段: 早上
入場價錢: 每人10歐元
評分: 值得去3  
搶眼非常的Moulin Rouge
搶眼非常的Moulin Rouge
上Sacre Coeur的主要道路
上Sacre Coeur的主要道路
Sacre Coeur
Sacre Coeur
山上望下來
山上望下來

由Tour Montparnasse落嚟後我地去咗紅磨坊, Moulin Rouge. 求其0係外面影張相證明到此一遊過就OK喇. 一來對表演興趣唔大, 二來入場費唔平, 唔包晚餐, 齋睇show都要約莫100€一位(唔知有無記錯).

之後大家去咗Sacre Coeur, 聖心教堂. 呢度離Moulin Rouge好近, 只係相距一個地鐵站. 教堂位處一個叫Montmatre的小山坡上, 未有鐵塔之前呢度係全巴黎最高既地方嚟0架.

第二張相中條斜路就係通往聖心教堂之路. 我地由地鐵站一上來, 即時嚇咗一跳: 撞鬼咯咁多人既? 家陣趁墟咩? 著實令我憶起內地旅遊景點既盛況.   

之前提過我地對教堂無咩認識, 所以入內行個圈, 睇咗一陣就走. 而且入面唔准影相. 反而外邊仲多野睇, 有個日本人表演唱歌, 又有個黑人徒手爬上電燈柱, 猿猴咁兩手抓住上面, 然後用膝頭及雙腳輪流頂波! 精彩. 而且坐0係外面草地休息都幾舒服的.

另外想講下教堂外邊有好多黑人, 一見遊客經過就綁條彩繩0係人手上, 跟住就梗係要你磅水喇. 我一行過就有條友拉住我隻手想綁條繩落去, 我梗唔制喇, 豈有此理信唔信阿姐我告你非禮吖嗱. 即刻掙脫咗繼續行. 旁邊有個十幾歲既台灣男仔就無咁醒, 傻傻下任人綁咗條彩帶, 俾咗2€對方竟然仲嫌少. 後來佢點甩身就唔知喇.

由教堂出來後我地去咗Galerie Lafayette, 呢, 即時大名鼎鼎既名牌集中地老佛爺. 同一條街上仲有同老佛爺一樣既百貨公司Au Printemps, 都係賣名牌為主的. 老實講呢兩間公司人多到似街市, 要買名牌既話去Rue St. Honore行得仲舒服. 不過如果時間無多既話呢度都算係shopping好去處, 因為牌子夠多夠集中, 而且兩間公司位處的街上仲有無數時裝店可供選擇.

參觀時段: 下午
入場價錢: 每人0歐元
正門, 影得朦咗
正門, 影得朦咗
富麗堂皇
富麗堂皇
四大頭盤
四大頭盤
四大頭盤之鴨肝
四大頭盤之鴨肝
燒羊腿
燒羊腿
燒鴨胸
燒鴨胸
朱古力柚子mousse
朱古力柚子mousse
熱情果白朱古力慕絲蛋糕
熱情果白朱古力慕絲蛋糕

行咗一陣我地就開始去食晚飯. 呢間餐廳叫Le Train Bleu, 位於火車站Gare du Lyon裏邊, 好易搵, 亦都係一間百年老字號了, Mr. Bean電影版都0係度取過景呢. 環境超靚, 金碧輝煌到差 d以為自己坐0係凡爾賽宮享受晚宴.

先來麵包. 侍應拎住一籃麵包俾我地揀, 有原味, 黑麥同橄欖麵包三款. 我要咗原味既, 之前講過法國餐廳既麵包都偏乾硬, 呢度既亦不例外. 但麵粉味係幾香的.

頭盤方面, 我要咗佢地自家製既煙三文魚. 三文魚肥美可口, 但就唔算驚為天人. 配上的兩件鬆餅我覺得同煙三文魚唔係咁夾. 旁邊仲有用煙三文魚加奶油打成既souffle, 放0係一塊薄脆上面, 呢個就好好味, 豐腴鮮美.

細佬叫咗青蘆筍凍湯, 佢話夠滑味道又夠清新. 阿媽就點咗鴨肝醬. 鴨肝醬幼滑, 而仍然食得出粒粒鴨肝的口感. 中間夾咗一層杧果茸, 食起嚟無咁膩.  旁邊配上燒菠蘿粒及淋上蜜糖既waffle. 兩樣都好味但後者同鴨肝唔多夾, 我地一致認為怪怪地咁.

阿爸叫咗個咩頭盤我地無人記得, 包括佢自己. 好似係個裏面係蘑菇餡既酥皮圓球, 旁邊仲放上一片燒香咗既煙肉. 只記得佢食既時候都讚幾好味的.

主菜兩老都要咗燒羊腿, 我地兩個就點咗燒鴨胸. 侍應推來一架車, 揭開蓋後一隻壯觀的羊腿誘人地呈現在眼前. 侍應由羊腿上切三片下來, 就係一份了. 羊腿非常好味, 七分熟, 鮮嫩多汁. 有應有的羊騷味但又未至於太過分, 很合兩老心意. 配上的是加咗blue cheese的薯茸, 好吃.

燒鴨胸用既係嫩鴨, 同樣燒得七八分熟, 吃起來軟嫩無渣, yummy!  旁邊同樣配上薯茸, 不過係無加cheese的版本. 卷起成筒狀的青瓜片內係炸脆的麵包小粒, 帶有濃濃的芝士香, 好得意.

食完兩道菜後大家都相當飽了, 不過都試咗兩份甜品. 一份係朱古力及柚子mousse , 一濃甜一微酸加起來恰到好處. 另一道係熱情果白朱古力mousse cake配熱帶水果沙律. 蛋糕濕潤鬆軟, 味道清新輕巧, 唔錯.

呢餐消費大約240€. 我0係網上訂位, 有八折, 未折前大約300€左右. 唔算平, 但巴黎呢d旅遊城市消費肯定偏高, 只要一家人吃得滿意就好. 今次比之前L´absinthe果餐貴大概50€, 但今次大家食得開心得多. 

每人消費: 約60歐元 (晚餐)
評分: 味道5   服務4   環境5   衛生3   抵食3
包裝華貴
包裝華貴
正

第五日. 之前一日0係Au Printemps買咗件cake, 留返做今日既早餐. 細細件要成7,90€, 唔平呀. 間店叫Café Pouchkine, 買呢件係因為睇中佢話有茉莉味, 查實有鬼咩, 只係朱古力蛋糕夾一層梅子果醬. 味道都唔錯, 今次旅程我食過既法國cakes水準都好好. 唯一係外層塊朱古力片唔夠香滑, 唔係就perfect喇.

評分: 味道5   服務5   環境5   衛生4   抵食3
洗手間
洗手間
洗手間
洗手間
窗外民居的萬國旗
窗外民居的萬國旗

之後大家執行李去機場, 去下一站, 尼斯. 機程大約個半鐘左右. 到達後由於我地唔識點去酒店, so搭的士去, 用咗38€. 但原來如果搭巴士既話機場出市區每人只需4€, 路程亦並唔算遠. 而尼斯市區內巴士車費一律每人每程1€.

呢間酒店119 €一晚, 包早餐. 位於市區內, 交通方便. 房間比巴黎的Hotel Le M寬敞d, 顏色亦較colorful, 衛生程度都令人滿意的. 兩間酒店相同既係soap之類同樣無得refill, 唔相同既係Hotel Le M 牙刷要問先有, 呢間直情問都無, 要自己去買.

抵唔抵住我唔知, 但至少我訂房果段時間以3星酒店來講呢間算較平的了.

Btw, 尼斯的物價比巴黎有過之而無不及. 巴黎既水蜜桃1kg售2€, 尼斯就賣到4, 5€. 超市的日用品亦相對上較貴.

每晚價錢: 119歐元 (雙人房)
評分: 設備3   服務2   環境3   衛生3   抵住4
又食青口 笑臉2012-09-27
煙三文魚沙律
煙三文魚沙律
白酒汁青口, 正!
白酒汁青口, 正!
左邊白色太陽傘處就係本餐廳了
左邊白色太陽傘處就係本餐廳了

Check in後一家人出去周圍行下, 見到呢間餐廳好似OK咁就坐低咗. 父母對巴黎食過既青口念念不忘, 而家嚟到海邊近水樓台當然要大吃特吃. 我地要咗白酒汁, 番茄汁等唔同調味既青口, 同0係巴黎食過的既一樣咁肥嫩無渣.

另外仲點咗個煙三文魚沙律做前菜, 三文魚肥美, 不過d蝦仔就好鹹.

推介菜式: 又食青口
評分: 味道4   服務3   環境4   衛生4   抵食3
  0 個留言    |  加入你的留言
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-19

第三日繼續去shopping, 唔記得邊區, 總之係地鐵站St.Sulpice落車. 呢度鋪頭唔多, 亦唔係咩超級名牌, 但就無咩遊客同你逼, 聽講係本地人鍾意來買衫的地方.

行咗一陣, 忽然擡頭見到有間Pierre Herme, 大喜過望, 立即衝咗入去. 呢間係我既心水必試甜點店.

我要咗佢地最著名既Ispahan, 係個巨型的Macaron, 裏面夾著raspberries & 荔枝味cream. 荔枝味清香得來夠天然, 唔會太假及太濃烈. 我向來唔食raspberry, 但呢d raspberries完全唔酸, 配上荔枝味竟然產生十分美味的化學作用, 而且juicy的果肉中和咗cream略帶厚重的口感, 誇d講簡直好味到無法形容!

另一款唔知叫咩名, 係個日裔sales姐姐話好食的. 係朱古力榛子蛋糕, 都幾好味但唔算特別. 相比起Ispahan當然失色得多.

之後我0係尼斯都見到Pierre Herme分店, 但該店只得macarons及少量糖果出售, 無Ispahan賣.

下面分數打咗5分, 全部係俾Ispahan既.

評分: 味道5   服務4   環境5   衛生5   抵食4
Notre Dame 1
Notre Dame 1
Notre Dame 2
Notre Dame 2
我地坐的遊船
我地坐的遊船
船上影到的鐵塔
船上影到的鐵塔

之後我地去Notre Dame, 巴黎聖母院. 阿爸阿媽上次由於某d原因無嚟過所以今次補番. 條人龍0係聖母院前面兜咗幾個圈, 起碼百幾二百人排緊, 夠曬壯觀, 好彩行得算快. 我地一家都無宗教信仰, 對教堂無感情亦無認識, 純粹係兩老想到此一遊, 參觀咗一陣就出番嚟. 旁邊個側門可以排隊上鐘樓, 照樣打曬蛇餅. 我同細佬上次已經上過, 今次就可免則免喇.

跟住去食咗餐雞肋午飯, 講都無謂. 然後就去遊船河. 有人話過, 塞納河上遊船河係浪漫過浪漫的. 遊船河選擇極多, 不過路線來來去去都係咁上下, 以欣賞兩岸名勝為主. 我地揀咗隻可以隨時上落的船, 循環來回巴黎的8大景點如羅浮宮, 鐵塔, 聖母院等. 20分鐘一班船, 每人15€, 一日內任坐. 如果唔趕時間的話咁樣悠悠閑閑地參觀各個景點其實都幾寫意. 睇完又可以隨時上過船去另一處.

河畔風景係幾優美的. 係咪好浪漫? 唔多覺噃, 可能唔係同另一半嚟既原因啩. 催眠作用就好好, 家母搖下搖下幾乎瞌著咗.

參觀時段: 下午
評分: 值得去4  
好多人排隊
好多人排隊
防空洞
防空洞
炸蝦天婦羅烏冬&紫菜大蝦烏冬
炸蝦天婦羅烏冬&紫菜大蝦烏冬
牛肉湯烏冬&牛丼
牛肉湯烏冬&牛丼

講開家母, 乃是麵癡一名. 兩三日無麵落肚就囉囉攣. 我知巴黎有個日本區, 係日本人聚集既地方. 僑居巴黎既日本人不在少數, 日本菜應該做得正宗啩? 上網一搜, 網上紛紛指日本區有間國虎屋拉麵味道最好. 二話不說, 遊完船河後就嚟開餐.

日本區地點好易搵, 地鐵站Pyramides上來就係. 來到時大約7點零, 巴黎人食晚飯食得較晏, 九點過後先施施然出動, 十點幾十一點等位既叫正常. 所以如果唔想等位既話最好早D食.

國虎屋面積勁細, 上面係一排十個八個靠窗既自修位, 狹隘的地下室就分兩間, 我地坐果間最多得兩步X三步咁大但竟然擺咗四張檯. 味道未知, 不過狹窄的環境就同日本的小麵館非常相似. 差D以為自己身處防空洞躲避緊襲擊.

坐低一睇餐牌, 咦, 款款都係寫Udon而唔係拉麵噃? 明明網上班友實牙實齒話拉麵0架? 唉, 又俾人老點咗. 既來之則安之, 我地分別叫咗炸蝦天婦羅烏冬, 紫菜大蝦烏冬以及牛肉湯烏冬. 家父唔想食麵, 叫咗個牛丼.

呷一口湯底, 清清地, 唔係太鹹, 難道已經為遷就法國人而輕手咗? 味噌味都幾香, 烏冬麵質較硬, 似乎未淥透. 兩碗蝦烏冬只得唔大既蝦各一隻, 隻炸蝦仲要浸咗落碗麵, 影響香脆口感不但止, 而且d粉漿分解得飛快, 在碗中浮浮沉沉一如滿天星, 賣相極差.

阿媽既牛肉烏冬牛肉幾嫩滑, 有肉味. 阿爸亦都話佢碗牛丼既牛肉唔錯. 但飯煮得太濕, 糊pat pat咁. 當然0係拉麵店叫碗飯根本就係運桔, 唔好食都屬意料之內.

撇開想食拉麵點知變烏冬之無奈, 國虎屋既麵的確唔算好味. 奇在無論華人定法國網民都對其讚賞有加. 現代人咩都靠網絡, 有時覺得盡信網不如無網, 信者得救同瀨野指數都係五五波. 不過呢, 講就係咁講, 在下對陌生既事物仍然會揀網上好評較多既, 矛盾0架.

每人消費: 約10歐元 (晚餐)
評分: 味道2   服務3   環境2   衛生2   抵食3
Yummy! 笑臉2012-09-19

行街時買咗Laduree的Macarons 做宵夜, 分別係朱古力, 咖啡, 櫻花同玫瑰味. 8個要大約13€, 好似同Pau Lafayet價錢差唔多? 外皮輕巧, 帶微微杏仁香, 四款中以朱古力最美味, 內裏朱古力餡極香濃又creamy. 咖啡同玫瑰次之, 都好好味, 玫瑰味清幽唔會令人覺得嗒緊香水咁. 櫻花味其實即是車厘子味, 酸酸甜甜咁, 無咩特色. 有人話Laduree既Macarons全巴黎最佳, 我就覺得同香港買到既新鮮Macarons(注意, 係新鮮做既)差唔多. 好味, 但唔需要特意去食.

評分: 味道4   服務4   環境5   衛生4   抵食3
  0 個留言    |  加入你的留言
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-19
Baguette & Cappuccino
Baguette & Cappuccino

第二日一早, 嚟呢間酒店附近既Café食早餐. 巴黎既餐廳普遍面積較細, 枱與枱之間擺到密質質. 法國人又鍾意坐0係露天位置, 一步之遙就係大馬路, 一邊食飯一邊食塵依然興致勃勃談笑風生.

我叫咗個芝士火腿baguette, 巴黎既baguette全部偏硬偏乾, 傳統都係咁定係我地未食到好既? 唔清楚. 不過份量好大, 每件有我手掌咁長, 我同阿媽分食一份都綽綽有餘. 細佬食牛角包配果醬, 普通味道, 巴黎既牛角包亦唔見得特別好食. 阿爸就唔好彩咯, 叫個火腿炒蛋, 等到天荒地老, 直到我地食完曬都未嚟, 催咗個侍應, 再等20分鐘仍然影都無. 最後唯有唔食埋單走人.

講起巴黎餐廳既service又的確要彈下. 無錯大部分侍應都彬彬有禮, 但一個二個似失魂魚多過乜. 今次呢個完全無用紙筆記低我地既order, 梗係漏單喇. 尋晚Leon de Bruxelles果個就唔記得咗阿爸杯啤酒, 要問先醒番起.  幾乎次次外出進餐都總會發生各類糊塗小事.

仲有, 巴黎除咗一d消費較高的餐廳, 一般餐廳的餐具都唔太衛生. 酒杯蒙滿指紋, 餐刀連水漬都未抹乾淨.

評分: 味道3   服務1   環境4   衛生3   抵食3
迷魂樓梯
迷魂樓梯
個個睇相既人見到墻上既樹葉圖案都問"點解墻上咁多毛"?
個個睇相既人見到墻上既樹葉圖案都問"點解墻上咁多毛"?
凱旋門上鳥瞰香榭麗舍大道
凱旋門上鳥瞰香榭麗舍大道

之後去凱旋門&香榭麗舍大道, 其實已經來過一次, 不過細佬話想上凱旋門睇下, 唉, 陪太子上樓果個咪又係我. 兩位老人家無你咁好氣, 搵間餐廳抖下兼食野好過, 反正阿爸連早餐都未落肚.

由一條旋轉樓梯拾級而上, 轉咗好多個圈, 真係唔索氣都有少少見暈. 差唔多到頂時係個大廳, 有間賣紀念品既商店. 再上幾級就到凱旋門頂, 0係上面可以鳥瞰整個巴黎. 講完, 咪就係咁囉.

落嚟後會合兩老, 開始0係香榭麗舍大道度行下. 雖然呢度擺明做遊客生意, 但有D店鋪售價並唔算貴, 阿媽買咗兩件中等價錢既外套, 質地好靚. 朝早早餐食得晏, so我同細佬都唔餓, 行到接近午後大家就搭地鐵去Angelina飲下午茶.

參觀時段: 早上
評分: 值得去2  
裝修古典
裝修古典
Hot chocolate
Hot chocolate
Mont Blanc
Mont Blanc
被我叉開兼壓扁既Mont Blanc
被我叉開兼壓扁既Mont Blanc
Chocolate Mont Blanc
Chocolate Mont Blanc
士多啤梨撻 & Iced chocolate
士多啤梨撻 & Iced chocolate

我做資料搜集時有兩間Café好想去, 一間係Café de Flore, 當年好多文化藝術界猛人如畢加索都在此打躉. 但今次旅程我地一直都無去過佢附近, 無緣拜訪; 另一間就係Angelina. 此店一樣群星拱照, 比如Coco Chanel就是其常客. 當然亦可能Coco只係貪其就腳, 因為後面就係名店街Rue St. Honore, Chanel總部亦0係附近.

Angelina仍然保留著以前的裝修, 典雅華麗. 此店名物有二, 一為hot chocolate. 濃郁無比的朱古力滑溜非常, 滑進喉嚨後那陣銷魂的香氣在口腔內縈繞不散. 委實是我到目前為止飲過最濃最香既hot chocolate. 我唔相信呢個世上有朱古力迷能夠頂得住這誘惑. 不過味道亦非常甜,  你只可以當佢係一道甜點而唔係飲品. 店內有朱古力粉可供購買, 回家後加入牛奶飲用, 另外仲有瓶裝hot chocolate. 我地買咗好多, 送禮自用皆宜. 不過價錢唔平, 前者要16,50€, 後者要9,50€.

名物二叫Mont Blanc, 即是栗子忌廉撻. 輕盈既蛋白餅上鋪滿cream, 上面再擠滿栗子茸. 栗子茸幼滑又有栗子味, 香甜可口. 但味道同樣偏甜, 千祈唔可以同hot chocolate一齊食, 否則必定甜膩到阿媽都唔認得, 好似我咁.

另外仲有朱古力味既Mont Blanc, 同樣好吃, 但朱古力味太霸道, 將栗子味完全掩蓋, 只可以當做朱古力撻嚟食.

士多啤梨撻味道則清新得多, 用來夾hot chocolate最好. 撻皮比較硬實, 要出d力先叉得開, 好在裏面都幾鬆軟.

除咗hot chocolate 我地仲叫咗iced chocolate, 味道當然無熱飲咁香濃喇.但都十分幼滑可口的.

評分: 味道5   服務4   環境5   衛生3   抵食3
一般般 ok喇2012-09-19
樓梯底...
樓梯底...
龍蝦湯雲吞
龍蝦湯雲吞
Salad
Salad
炸軟殼蟹
炸軟殼蟹
吉列豬肉卷
吉列豬肉卷
吞拿魚沙律
吞拿魚沙律
三款配菜
三款配菜
正常版心太軟, 漏漿果份無影到
正常版心太軟, 漏漿果份無影到

飲完下午茶, 行咗一陣我地就慢慢去食夜晚飯. 餐廳叫L´absinthe, 曾獲得過米芝連推介. 地點比較隔涉, 唔係咁易搵. 內裏係一間歐洲常見既家庭式餐廳, 環境本來都OK的, 但侍應安排我地坐0係樓梯底, 十分局促, 感覺唔係太好.

我地有訂位, 因為知呢度都幾旺場, 見到該晚好多walk in 客都無位. 睇餐牌既時候一名侍應拎住塊是日推介既黑板俾我地睇, 鑒於係無人識既法文, 於是我地用英文問佢可唔可以解釋一下. 侍應爽快地"Oui!"咗一聲, 跟住將黑板上的菜式用法文重覆讀一次--全家瀑布汗狂流. 算喇, 唯有食番英文餐牌上既食物穩陣d. 

先來頭盤.  我要咗小龍蝦湯雲吞. 湯味鮮美非常, 龍蝦味超濃郁. 上面打起一層泡沫, 入口輕盈不膩. 雲吞餡係乜我自己都唔記得咗, 因為無咩特殊味道. 只記得係綠色, 可能係菠菜? 反正最美味既係個湯, 其他野都要企埋一邊.

阿媽點既係雜菜沙律. 睇相就知用咗不少不同的菜蔬, 全部切得相當細致. 各式菜蔬都好新鮮, 而且份量十足, 食完都飽咗大半.

阿爸同細佬都點咗炸軟殼蟹. 聽佢地講味道都可以的, 不過不失.

主菜父母都叫咗吉列豬肉卷. 豬肉肉質鬆化, 外面粉漿唔厚, 炸得不油不膩. 下面墊底既薯蓉夠幼滑, 而且混入咗粒粒煙肉, 增添了一點香口.

細佬點咗炭燒墨魚, 墨魚無咩鮮味, 腍腍的似乎唔係太新鮮. 呢味同吉列豬肉卷一樣份量都略顯嬌小, 墨魚只得薄到透光的兩片. 對男士來講就唔多足夠了.

至於我就要咗味凍既主菜, 吞拿魚沙律. 呢款同家母既雜菜沙律一樣, 上面加咗粟米脆片來增加脆脆既口感. 可惜吞拿魚鮮味欠奉, 兼且切得四四方方太大粒, 咬起來唔方便, 有幾粒仲食到有筋.

店方送既配菜有蒜粒炒薯仔, 香口好吃. 另外係炒青瓜粒以及裝在玻璃樽內的炒椰菜絲, 兩味都帶有中菜的味道.

甜品我地要咗兩份心太軟伴咖啡雪葩. 一上枱大家O曬嘴: 其中一份心太軟既朱古力漿流曬出嚟成碟都係, 家下火山爆發呀? 食心太軟就係貪其暖心濕潤效果, 流曬出嚟仲叫咩心太軟? 米芝連人員如果食到件咁既心太軟唔知仲會唔會推介呢度? 蛋糕味道本來都唔錯的, 係流走曬d朱古力漿, 乾乾地咁囉. 咖啡雪葩清香得嚟唔太甜, 好味.

埋單190 €左右. 食物水準比較參差, 唔可以話唔好食, 只不過0係巴黎比佢好既選擇肯定仲有好多.

每人消費: 約45歐元 (晚餐)
評分: 味道3   服務3   環境2   衛生3   抵食2
  0 個留言    |  加入你的留言
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-15

今次旅行全家出動, 父母加本人兩姐弟. 行程為巴黎-尼斯-摩納哥-康城.

第一站, 先到巴黎. 我地好幾年前已經嚟過一次, 所以有D景點例如鐵塔, 博物館等今次都無再去參觀.

一落機, 首先衝去買車票. 我地買既呢隻叫Passe Navigo Découverte, 可以在一個禮拜內於巴黎市區無限次乘搭地鐵及巴士. 大概18€左右, 另外個卡要收5€, 加埋23€咁上下. 對於我地呢D每日以地鐵為主要交通工具既人來講一定抵過散買車飛. 但有兩點要留意, 一, 張卡要有相, 所以想買既話最好帶埋證件相過去, 唔係到時又要周圍搵地方影相. 二, 呢款車票永遠由星期一開始計算, 由星期一用到星期日. 我地到達時係星期日, 所以我地除咗買呢隻票之外(指明由第二日, 即是星期一開始使用), 仲要買當日出市區既火車票. 假如你星期四先到巴黎, 咁買呢種票就未必化算.

平D會更好 ok喇2012-09-15
酒店外觀
酒店外觀
酒店外邊的街道, 朝早無乜人
酒店外邊的街道, 朝早無乜人
到咗夜晚就燈紅酒綠
到咗夜晚就燈紅酒綠

由機場出到嚟酒店都幾遠下, 搭火車要接近成個鐘. 間酒店叫Hotel Le M, 外觀睇得下o架, 當初訂酒店時就係覺得佢望落唔錯先訂. 但其實間酒店好細, 個大門窄到只容許兩個瘦人並排出入. 房間唔大, 但對亞洲人來講已經足夠. 衛生方面所有野都幾乾凈, 不過就無牙膏牙刷, 要去Lobby問佢攞, 同埋D soap, body lotion等無論你住幾耐都唔會refill.

D工作人員全部非常nice, 呢點抵讚. 不過執房阿姐就好鬼烏龍, 雪櫃入面竟然有罐開咗既酸青瓜, 明顯係上一手留低既, 但居然繼續擺0係度無人拎走. 又有一晚, 返到房後細佬竟然發現床頭有本sudoku填字書, 封面仲有張一條0架佬笑到依牙鬆槓既黑白相! 夜麻麻你都咪話唔驚. 應該係阿姐0係床下底摷返出來又以為係我地既, 笑鬼死.

呢間酒店最大既優勢係地點非常旺, 地鐵出來行唔夠5分鐘就到. 附近食肆酒吧林立, 不過旺得嚟又唔會嘈住你覺覺豬. 而且呢區無咁龍蛇混雜, 相對起華人聚集既十三區又或者紅磨坊附近, 呢度D治安明顯好得多.

大約165 €一晚, 唔算平, 硬件方面亦唔多似四星酒店, 最值錢既睇怕係個地點.

每晚價錢: 165歐元 (雙人房)
評分: 設備2   服務4   環境3   衛生3   抵住2
美味 笑臉2012-09-15
餐廳內
餐廳內
墻上的老照片
墻上的老照片
羊奶芝士沙律
羊奶芝士沙律
肥美可口, 可以既話我想豎多兩隻手指公
肥美可口, 可以既話我想豎多兩隻手指公
實而不華的格仔餅
實而不華的格仔餅
焦糖燉蛋
焦糖燉蛋

去到酒店check in, 入房休息一輪後已經接近黃昏, 開始出動去揾食. 之前我做過功課, 知道呢間Leon de Bruxelles 係專食青口既連鎖店, 咁0岩酒店附近有一間, 梗係要嚟試下.

青口加薯條係比利時國菜, 呢間店標榜自己來自布魯塞爾, 當然主要係賣呢味食物. 青口有好多種不同煮法, 而逢星期日晚, 即是我地去果晚就有青口all you can eat, 每位17,90€, 另包一款甜品. 任食青口就無得揀煮法喇, 只係用水加D洋蔥香草咁煮. 不過依然好好味, 因為D青口非常新鮮嫩滑, 只需要簡單調味已經十分好吃. 而且肥美到不得了, 每隻既肉都有手指公咁大. 單點既話每煲青口有大約400g, 任食的相對上每煲份量較少, 但我地每人食咗兩煲已經飽到行唔郁.

之後仲有甜品, 可以揀雪糕, 格仔餅, 焦糖燉蛋等. 格仔餅熱辣辣, 伴上的朱古力汁香濃美味. 焦糖燉蛋幼滑唔太甜, 兩款都收貨有餘.

我地仲叫咗個羊奶芝士沙律. 芝士充滿騷香, 但得一件芝士一件麵包三塊生菜就收5,60€就唔係咁抵喇.

另外呢度既薯條係無限量refill, 包你食得飽.

每人消費: 約20歐元 (晚餐)
評分: 味道5   服務2   環境3   衛生3   抵食5
  0 個留言    |  加入你的留言
2011維也納三日遊 (奧地利)
(旅程日期: 2011-10-30 至 2011-11-01 ,  旅程性質: 觀光攝影, 消閒度假)
 整個旅程  (共3篇遊記)
 分享至Facebook 
發表日期: 2012-02-03

今天是在維也納的最後一天, 我們先去Kunsthistorisches Museum吸收歷史文化, 再折返Hofburg去看王室珍藏的寶貝.

又是博物館 笑臉2012-02-03
博物館外觀
博物館外觀
大堂
大堂
雕刻精美的天花
雕刻精美的天花

這家博物館翻譯成中文是歷史藝術博物館, 地點就在Hofburg後面, 非常近. 裏面的藏品以油畫為主, 不少是出自如Rubens, Albrecht Dürer等名家的手筆. 除此之外的展品有各式古代器皿, 雕塑, 硬幣, 又或者是來自古埃及的文物等. 當然它的整個規模都比較小, 不能和羅浮宮, British Museum等相提並論. 個人認為比起前一天我們所參觀的, 這裏的欣賞指數相對較低, 不過如果時間充足的話來看看也不妨.

參觀時段: 早上
評分: 值得去4  
仍是博物館 笑臉2012-02-03
當年的時裝
當年的時裝

之後我們又走了囘去Hofburg, 去看昨天不夠時間看的imperial treasury. 這裏專門陳列屬於當年王室成員的物品, 由價值不菲的王冠珠寶到日常穿戴的服飾, 乃至BB睡的搖籃都有. 當中較為特別的是最尾張相中的那件展品, 成個洗手盆咁大, 由貝殼雕琢而成, 聞說下方有天然紋理呈現Jesus一字. 之不過我們橫看豎看倒轉來看, 始終什麽都看不到.

參觀時段: 下午
評分: 值得去4  
甜美的句號 笑臉2012-02-03

午餐下午四點才吃, 普通貨色, 不必詳談. 食完後我們去了Konditorei Demel. 這是一間Cafe, 是維也納著名甜點Sacher Cake的兩間元祖店之一, 另一間則是Hotel Sacher. 我們選擇這間是貪其比較就腳. 本來想坐下來飲咖啡食件餅的, 但全部坐滿了人, 我們等了很久都無位. 看看時間已經不早, 我們還要趕火車, 唯有買了帶走. 相片是囘到德國宿舍才拍的.

蛋糕的外表樸素無華, 咬一口, 朱古力味香濃, 糕身較為實淨, 不過質地不算很乾. 朱古力面層下塗有一層薄薄的黃梅果醬, 夾雜著清新的果味令蛋糕吃起來沒那麽單調. 畢竟人家系出名門, 小小一件就要3,70€. 味道老實說比在香港吃到的甜得多, 吃的時候配上一杯清茶就最好.

這次去維也納決定得十分倉促, 應該遺漏了不少值得去看的地方. 希望以後, 最好是夏天能再來一次, 細細領略她另一個季節的美態.

每人消費: 約4歐元 (下午茶)
評分: 味道3   服務3   環境4   衛生4   抵食3
  0 個留言    |  加入你的留言
2011維也納三日遊 (奧地利)
(旅程日期: 2011-10-30 至 2011-11-01 ,  旅程性質: 觀光攝影, 消閒度假)
 整個旅程  (共3篇遊記)
 分享至Facebook 
發表日期: 2012-02-03

第二天我們去參觀維也納最著名的景點,Schönbrunn美泉宮,以及Hofburg裏的Sissi Museum& Silver chamber. 

美而無泉 笑臉2012-02-03
睇下幾多人?
睇下幾多人?
迷宫
迷宫

Schönbrunn美泉宮是世界上第二大的巴洛克式建築群,僅次於法國的凡爾賽宮.在德文中schön是美麗, 而brunn則是噴泉的意思. 聞說美泉宮有千幾個房間,開放予公眾參觀的大約有40幾間. 

一去到, 大家先被條人龍嚇一跳, 心想今次大鑊,不知道要排多久呢? 但原來條隊伍走得很快, 排了大概15分鐘,再每人貢獻10,50€就進去了. 

這裏的遊人是想象得到的多. 幸好這裏空間夠大, 分散開後倒也不太嘈吵擠逼. 整座王宮由室內到花園都和凡爾賽宮一脈相承, 相似度達80%, 典型巴洛克風格的華麗堂皇. 可惜我們來的時候已是深秋, 大部分花草都被移走了, 如果夏天繁花盛放的話看上去會美麗有生氣得多.

沿著花園一直往後面走, 在花園的中心位置會見到一座大型噴泉. 亦由於臨近冬季的關係, 王宮內所有噴泉都被抽乾了水, 遺憾之至. 這座噴泉的左右兩邊均是林蔭小道, 左邊盡頭又是一座噴泉, 上面豎立著一支方尖碑, 望過去顯得很有氣勢.

在大噴泉的右邊有兩個用灌木修剪而成的迷宮. 裏面也不複雜, 我們摸了幾分鐘就摸到了終點. 想想以前宮裏的貴婦小姐, 無聊時只能玩這些玩意, 其實很悲哀.

參觀時段: 早上
入場價錢: 每人10歐元
評分: 值得去5  
Gloriette 笑臉2012-02-03

再往後走, 花園的盡頭是個小山坡, 上面有個凱旋門, 名為Gloriette. 站在上頭可以把整座王宮甚至維也納的市容盡收眼底.

參觀時段: 早上
評分: 值得去5  

宮內還有好幾個獨立的小花園, 像這個Kronprinzengarten, 譯成中文就是王儲花園的意思.

接著我們開始往囘走, 入王宮裏面參觀. 宮內禁止拍照, 所以無影到相. 內裏清一色巴洛克式的金碧輝煌, 很漂亮很氣派. 開放給遊人參觀的有寢室, 起居室, 桌球房等, 還有個抄足凡爾賽宮的鏡廳, 規模當然是縮水版. 

在美泉宮內遊覽我很難不把它拿來和它的大佬凡爾賽宮比較. 結論是我對美泉宮較有好感. 別的不說, 至少宮內一切整潔企理. 想當年我去凡爾賽宮參觀, 他們的鏡廳簡直是一絕, 每塊鏡, 每座吊燈都蒙滿了塵. 那一刻我真的有被人揾笨的感覺, 這就是大名鼎鼎的鏡廳? 大家都是賺遊客錢, 美泉宮就比較敬業, 工作人員也都友善有禮, 不像凡爾賽宮的愛理不理.

參觀時段: 早上
評分: 值得去5  
普普通通 ok喇2012-02-03
燒羊架
燒羊架
燒海鱸魚
燒海鱸魚

由美泉宮出來也是時候吃午飯了. 我們沒什麽心水, 漫無目的地進了這家, 覺得它的氣氛不錯, 幾熱鬧, 就坐了下來.

我和同事H叫了燒羊架. 羊架很嫩滑juicy, 加上那個充滿迷迭香香氣的汁, 絕配. 墊底的薯茸也幼滑又滿有奶香.

同事A就沒那麽好彩了. 她點了燒海鱸魚, 魚本身沒問題, 問題出在個cream sauce, 淡茂茂卻又偏甜, 很古怪. 反而旁邊沾滿蜜糖的燒薯仔又甜又粉, 比主菜更好吃.

評分: 味道3   服務3   環境4   衛生4   抵食4
多謝主席! 笑臉2012-02-03
Hofburg的日...
Hofburg的日...
...與夜
...與夜
博物館外的Sissi剪影
博物館外的Sissi剪影
左邊是香水樽, 右邊是加熱後用來捲頭髮的工具
左邊是香水樽, 右邊是加熱後用來捲頭髮的工具
Sissi用过的假髮
Sissi用过的假髮
還見到了鳳凰衛視的記者來採訪
還見到了鳳凰衛視的記者來採訪

吃完午餐後我們開始去Hofburg. Hofburg以前是王宮, 如今其中一部份成為了總統府, 其他的則開放予人參觀. 我們去的那天恰好胡錦濤到訪, 外面警衛森嚴, 很多人以為成個Hofburg都被封鎖, 離遠望望就掉頭鬆人. 我們睬你都傻, 千山萬水來到無得參觀咪好戇居? 昂然直入, 捉住個工作人員問清楚後就知道其實關閉的只是Hofburg的某部份, 其他的都照常開放. 因為如此, 當天遊客稀少, 我們也樂得清靜, 真係想唔多謝主席都唔得.

首先參觀的是Sissi Museum. Sissi, 也就是人盡皆知的茜茜公主, 無數電影和文學作品都是以她為藍本. 這個博物館就是講述她的生平, 陳列品包括她各個時期的照片, 她曾經使用過的物品等等. 我只顧著看, 相反而無影到幾張. 或者大家可以從尾二那張相中的玻璃倒影, 模糊地看一看茜茜公主的風貌.

參觀時段: 下午
評分: 值得去3  
眼花繚亂 笑臉2012-02-03
摺成各種動物形狀的餐巾
摺成各種動物形狀的餐巾

然後大家開始轉戰Silver chamber. 裏面收藏的是當年奧地利王室使用過的餐桌用品, 比如瓷器, 各色金銀餐具等, 琳瑯滿目. 聽館內的講解說, 當時有位王室成員太熱衷於收藏這些矜貴餐具, 不停地買, 買到國庫幾乎空虛, 正一敗家仔.

第3張相中金光耀眼, 包括蠟燭臺, 餐桌裝飾品等的那套, 只會在當時最高級的國宴才拿出來使用. 第6和第7張相中那些摺成各種花款的餐巾, 聽說如今全世界只得兩個人識摺, 咁誇張?

參觀時段: 下午
評分: 值得去5  
好大件扒! 笑臉2012-02-03
毫不花巧的豬扒
毫不花巧的豬扒

由博物館出來三人都饑腸轆轆, 開始要去揾食了. 這家Figlmüller我們指定要來吃, 因為維也納最出名的食物是炸豬扒, 這家店正正就是做炸豬扒做得最好的餐廳之一.

我們等了大概10分鐘就可以入座. 每人都是叫一份炸豬扒. 一捧上來三人同時嘩了一聲: 件扒不止大過隻碟, 直情大過我塊面. 試一口, 粉漿上得很薄, 很香脆. 豬扒本身也很薄, 肉質嫩滑鬆化, 沒有一絲粗鞋. 我在德國吃到的紅肉, 不管如何烹調, 總是鞋烚烚的居多(我想奧地利也差不多), 這裏能做到肉嫩又juicy, 很難得的了. 不過始終都是一大塊肉, 除了一角檸檬外什麽配菜也沒有, 食到最後都會覺得有少少漏, 吃時最好叫個沙律來解膩.

每人消費: 約20歐元 (晚餐)
評分: 味道4   服務4   環境3   衛生4   抵食4
  0 個留言    |  加入你的留言
2011維也納三日遊 (奧地利)
(旅程日期: 2011-10-30 至 2011-11-01 ,  旅程性質: 觀光攝影, 消閒度假)
 整個旅程  (共3篇遊記)
 分享至Facebook 
發表日期: 2012-02-02

仍然是在德國出trip的日子. 有鑒於上幾個星期都只是在德國境內,  講得再確切些只是在巴伐利亞州內轉來轉去, 今次趁臨回港前有多幾天空閑時間, 大家決定的起心肝去遠d, 去維也納. 至於奧地利的其他城市, 時間有限, 唯有放棄.

燒排骨
燒排骨
燒雞
燒雞
豬肉串燒
豬肉串燒

由德國坐火車出發, 用了5個幾鐘, 在下午到達了維也納. 到酒店check-in, 安頓好後一行三人就出去食飯. 行下行下, 隨意地入了這家Wienerwald.

燒排骨: 我叫的. 非常香口, 肉質鬆化唔韌, 好味.

燒雞: 隻雞油脂豐厚, 肥美無比. 如果早50年經濟唔好時肯定當佢係寶, 只不過今時今日食兩啖就覺得漏. 肉質極腍, 腍到無咬口, 皮又不夠脆.

豬肉串燒: 淡而無味, 沒有豬肉本身應有的肉味, 燒烤的炭火香亦同樣欠奉. 旁邊的薯條上枱時已經腍晒, 好難食.

好彩我時運高, 點了味最好吃的.

評分: 味道3   服務3   環境4   衛生4   抵食3

吃完後一眾人等去了Stephansdom參觀. 這座建於14世紀的教堂是奧地利最重要的哥德式建築之一. 教堂內講明不准影相, 但人人照影如儀, 我都搏懵影埋一份. 只不過呢, 老老實實, 對我這種沒有宗教信仰又不懂欣賞的人來講, 座座教堂咪又係差唔多?

參觀時段: 下午
評分: 值得去3  
城市掠影 笑臉2012-02-02
估下這是什麼地方?
估下這是什麼地方?
繼續估
繼續估
後面那個圓頂是Hofburg, 我們之後會去參觀
後面那個圓頂是Hofburg, 我們之後會去參觀

由Stephansdom出來, 天色已經逐漸變暗,我們就在市中心到處閑逛. 維也納的建築和德國十分相似, 不同的是比較之下, 維也納顯得更典雅華麗. 舉個例子, 猜到上面頭兩張照片是個什麽所在了嗎? 開估,是一間H&M.這是我見過最漂亮的一間H&M, 是一棟外墻鋪滿雲石的古老房屋,裏面仍保持著舊日的裝潢.實木樓梯, 璀燦的水晶吊燈, 還有那部金光閃閃的lift, 請留意這裏不是LV, Versace, 而只是H&M.維也納的雍容氣派,可見一斑. 只不過店內人來人往, 我也不好意思到處影相, 就只得這兩張. 

在街上走著, 我覺得維也納每個角落都猶如浪漫愛情片的場景一般.街頭藝人演奏著古典音樂, 身畔不時有馬車蹄聲得得地經過,一切都那麽悠然和令人沉醉――突然間,同事A身邊的一匹馬馬有三急,毫無預兆地就在她旁邊撒啦啦開始小便, 嚇到A田雞一樣由左邊極速跳到右邊,笑到我們肚痛.給這個浪漫的夜晚加添了一點娛樂.

第一天的行程就此完結,晚上草草吃了點東西, 回酒店覺覺豬.

參觀時段: 晚間
評分: 值得去4  
  0 個留言    |  加入你的留言
2011德國漫步 (德國)
旅程性質: 觀光攝影
 整個旅程  (共3篇遊記)
 分享至Facebook 
發表日期: 2012-01-31

2011-10-02: 2011德國漫遊三部曲之最終囘. 目的地是大名鼎鼎的慕尼黑啤酒節.

由紐倫堡出發, 火車預計在個幾鐘後到達慕尼黑. 我們早了20分鐘去到火車站, 諗住實冇死, 點知想搭的那班車竟然已經塞到沙甸魚一樣滿. 無計可施之下我們唯有搭另一班要開成3個幾鐘先到, 但同樣爆晒棚的慢車.

點心拼盤
點心拼盤

到慕尼黑後基本上不用問路, 隨著同車的人群走就可以去到啤酒節. 不過之前我們要先去醫肚.

這家餐廳我們是在當地的華文報紙看到廣告後決定摸來的. 位置方便, 去啤酒節只需要步行10 分鐘左右. 它主打是火鍋, 也可以散叫其他菜式. 我們原本都打算烚下烚下, 但因為搭了班慢車到達後時間已經不早, 唯有快快吃點東西就算, 結果就此瀨野.

同事叫了個點心拼盤, 說很久沒吃點心要一慰思鄉之情. 可惜食第一啖就知唔對路: 小籠包有陣雪味, 明顯是翻蒸的急凍貨, 蝦餃皮厚而不透明, 餡料裏面竟然有黃芽白.

之後的菜式只有麻婆豆腐比較似樣, 麻辣適度又夠香. 羊腩煲調味也可以, 但吃著幾塊都韌得過份. 椒絲腐乳通菜, 菜太老, 蒜茸太多, 最搞笑是成碟菜條條都無切斷, 吃起來非常麻煩.

全間餐廳只有我們是點菜, 其他客人全部清一色打邊爐. 十幾€一位不限時任食, 肥牛滿佈雪花, 大蝦扇貝等看上去都相當新鮮. 所以看來千錯萬錯, 都只是我們選擇錯, 因此我還是給它一個OK的.

評分: 味道2   服務4   環境4   衛生4   抵食3
飲勝! 笑臉2012-01-31
第一個進去的帳篷
第一個進去的帳篷
逼爆晒
逼爆晒
在另一個帳篷買的啤酒
在另一個帳篷買的啤酒
心型甜餅, 女孩子喜歡買來掛在胸前
心型甜餅, 女孩子喜歡買來掛在胸前
有各種機動遊戲玩
有各種機動遊戲玩
請留意右邊, 有live music伴奏的機動遊戲
請留意右邊, 有live music伴奏的機動遊戲
在第二個帳篷裏面拍的, 人人情緒高漲

食完飯後大家戰意高昂, 開始浩浩蕩蕩向啤酒節進發. 啤酒節場地非常大, 人非常多. 我從未在德國任何一個地方見過這麽多人, 看來啤酒節的確是德國的全民盛事. 遊客如我們固然不少, 但德國人起碼佔了過半數, 男男女女都穿上傳統服裝周圍走.

啤酒節其實就是一個大型的嘉年華會. 每個啤酒牌子都搭起了一個大帳篷, 比如Paulaner, 盧雲堡等. 人們坐在裏面喝啤酒吃東西, 聽樂隊演奏, 聞歌起舞. 我們去的時候是大約下午三點左右, 每個帳篷都已經客滿, 不讓人進去了. 第一個帳篷是Paulaner的, 我們趁人不覺溜了進去, 看見裏面沒位置, 連企都無地方企, 逛了一圈又溜了出來.

第二個帳篷也是Paulaner, 一樣是趁守門人員沒注意時竄進去的. 這間同樣無得坐, 所有桌子全被人預訂了, 但至少二樓有個地方讓我們站站, 凴欄東張西望一番. 我買了一杯啤酒, 7€, 平時在餐廳飲, 同是0,5L的只要大概3, 4€, 貴了足足一倍. 杯啤酒早已預先斟好, 已經無晒泡,個bartender拎把餐刀放入啤酒度攪兩攪,攪起d泡就遞俾我,好笑. 不過來到啤酒節, 唔飲番杯你夠膽同人講話自己嚟過?

在裏面喝喝酒, 看樂隊表演, 玩了個零鐘左右就出來繼續走. 外面的攤檔主要是賣食物, 鹹豬手, 香腸, 棉花糖之類, 再就是售賣紀念品的.還有很多機動遊戲, 過山車, 摩天輪等等, 務求一家大細都有野玩. 最過癮是最尾張相中的旋轉咖啡杯(還是啤酒杯? 不記得了), 居然有live music以古典音樂來伴奏, 問你驚未! 感覺立即優雅得多. 我們什麽都沒玩, 單看條人龍已經嚇到縮晒沙,別說玩,買枝水都排成十幾二十人. 由於人實在太多, 我們以蝸牛般的速度前進,行完一圈後都差唔多夠鐘去搭火車返歸. 

啤酒節給我的印像是非常熱鬧,也極有德國的傳統特色.雖然吃的東西未必o岩心水, 玩的對我們來說又太小兒科. 但那種全民投入的狂歡氣氛的確無可比擬,蘭桂坊那個所謂的啤酒節不用說,自然無法與之相提並論.有機會夏天來德國的話, 很應該來啤酒節親身感受一下. 

參觀時段: 下午
評分: 值得去4  
  0 個留言    |  加入你的留言