搜尋:
遊記日期:    發表日期:    
 
簡介形式      文章形式
共找到 235 篇遊記, 正顯示第 111 至 120 篇遊記
澳洲品味之旅 (澳洲)
旅程性質: 觀光攝影, 消閒度假
 整個旅程  (共23篇遊記)
 分享至Facebook 
發表日期: 2012-04-28
Darling Harbour 是雪梨巿著名地標之一,有將她翻譯成達令港、亦有翻譯成情人港,無論你喜歡那一個名字,她都是那麼標致、迷人。

太陽底下,不難看見老、中、青,扶老攜幼的在這裡散步、消閒、敍餐、購物。
而夜幕低垂時你又會見到一雙一對的情人,在月底花蔭下繾綣談心,站在噴泉邊,聽到她發出瀝瀝之聲,彷彿就像愛神丘比特正在細膩地對你傾訴心底話,這一切、一切解析了為何這裡是潮人熱點了
評分: 值得去5  
情人、甜品 笑臉2012-04-28
外賣蛋糕平 $2.50 一件
外賣蛋糕平 $2.50 一件
Chocolate and pistachio nuts thick shake
Chocolate and pistachio nuts thick shake
Waffle with fresh fruit,  Passion temptation
Waffle with fresh fruit, Passion temptation
Passion temptation
Passion temptation
Hot chocolate
Hot chocolate
今天晚上在 Chinatown 吃晚飯,飯後家中的甜魔又喊著要去只有五、六分鐘歩行距離的情人港找甜品食,選擇了 Guylian Belgian Chocolate Cafe, 這裡面積不小,可以坐大概四十人,而且坐位十分寬闊、舒適,眼看櫃內各式各樣的蛋糕、果撻、馬卡龍、朱古力,怎不叫人食指大動呢?

正當我想指向心儀的 Tiramisu,看見 Honey 的笑臉便知他想什麼 ..... 他時常笑我(去不同的地方,食同一樣的食物)好,今次要你跌眼鏡先,於是乎心念一轉指向旁邊的 Passion temptation, 再加一份 Waffle with fresh fruit;
另外再叫了 一杯 Hot chocolate 和一杯 Chocolate and pistachio nuts cream thick shake

Passion temptation AUD15
外面是滑溜溜的百香果慕絲,內面是香氣撲鼻的百香果橙汁奶凍,質感非常軟滑,底層則是朱古力香草蛋糕,加上橙汁脆脆粒圍繞裙邊,頂端還放上白朱古力和金薄各一片,味道甜甜酸酸非常配合,果然沒有選擇錯誤,口感同質感都一流。

Waffle with fresh fruit AUD18
Waffle 烤得非常酥脆,但反而不美,我個人比較喜歡 Max Brenner 的窩夫,質感外酥內軟,脆脆的邊加上煙煙韌韌的內心會好食好多,但生果好新鮮加上 Guylian 的朱古力醬,食的人開心便可以了。

Hot chocolate AUD7.50
榛子朱古力非常濃郁,但又不是太甜,入口好香滑順喉,一大壼可以足夠兩人份量,一人一杯,又或者是甜甜蜜蜜的你一口我一口?適隨專便!

Chocolate and pistachio nuts thick shake large AUD10
Woo .... 又有驚喜了,開心果雪糕又香又甜,加上它獨特的滋味與 Guylian 的朱古力簡直是絕配,好快就被我們瓜分了。

Note:  外賣蛋糕平 $2.50 一件,但體貼的服務員加上舒適的環境,這樣的價錢是值得的
每人消費: 約25澳元 (宵夜)
評分: 味道5   服務5   環境5   衛生5   抵食4
  1 個留言    |  加入你的留言
艾晨yoni
39篇遊記
六天五夜貓本自助行 (澳洲)
(旅程日期: 2012-02-01 至 2012-02-06 ,  旅程性質: 觀光攝影)
 整個旅程  (共6篇遊記)
 分享至Facebook 
發表日期: 2012-03-25
第六天Dukes Coffee->Dead Man Espresso->St. Ali->La Belle Miette->The Little Royal
休閒的清早 笑臉2012-03-25
Scrambled eggs on sourdough toast
Scrambled eggs on sourdough toast
Scrambled eggs on sourdough toast
Scrambled eggs on sourdough toast
Scrambled eggs on sourdough toast
Scrambled eggs on sourdough toast
Cappuccino
Cappuccino
來到墨爾本之旅的最後一天,因早一天相約了K來一個咖啡馬拉松,而且時間較早,所以七時便起床獨自走到Prahran吃早餐了。雖然時間尚早,不過這天仍是正常的上班時間,所以店子的人流也不至於稀疏。

推門而進,找了一個燈光足夠,而且可以看到咖啡吧桌和烘焙咖啡機的位子,一個人在等食物就是這樣環顧四周去渡過的。甫坐下,店員已經即時詢問是否需要點飲品,結果咖啡和食物差不多是同時上桌,可能這天較多上班的人們來買外賣咖啡,製作時間較長罷了。

Scrambled eggs on sourdough toast(AUD 9)
K提及過這兒以蛋為主的菜式很不錯,這天早上來到點一客炒蛋便最適合不過了。這兒的出品蛋味香濃,和數天前到Proud Mary的出品不同,前者是以蛋本身的素質取勝,加上廚師的巧手控制炒時的火喉,而不是忌廉和牛油的幫助,製成滑溜的炒蛋。墊在炒蛋下的多士,烘得十分香脆,切開時有點難度,最後還得用手拿起來和蛋分開吃。 

Cappuccino(AUD 3.80)
咖啡不算十分香濃,但有淡淡的果香,也不錯。奶泡打得軟綿綿的,朱古力粉也不會灑得太過火,輕輕的一層,足矣。

呷一口咖啡,看著上班的人買了咖啡又衝衝離去,我卻享受著這一刻的休閒,相信他們應該很羨慕吧,哈哈! 
每人消費: 約12.8澳元 (早餐)
評分: 味道4   服務4   環境4   衛生4   抵食4
享受咖啡 笑臉2012-03-25
Cappuccino
Cappuccino
有時候,人就是這麼矛盾。當你希望獨自坐在咖啡店內,靜靜地享受咖啡,可是,待久了又會覺得很寂寞。這天在Dukes Coffee一個人吃早餐,其後便來到South Melbourne會合K,一嚐這區的咖啡店。到達時,剛好是上班人們的早上咖啡小休,所以店內的咖啡師Jane和Jackson都很忙碌。

接近門口的位置,放了一張可以容納接近十五人的大木桌,坐起來沒有旁邊小桌的逼,也可以觀看著咖啡師弄咖啡,倒也不錯。

Cappuccino(AUD 3.80)
奶泡打得很綿滑,而且咖啡的香味很突出。咖啡的溫度適合立即飲用,沒有悉尼咖啡店過熱的通病。拉花是葉片較寬闊的版本,倒是首次看到這肥大的葉子拉花。

放下咖啡杯,K提議到同區的另一間火熱的咖啡店,二話不說便起行了。


放下咖啡杯,K提議到同區的另一間火熱的咖啡店,二話不說便起行了。 
每人消費: 約3.8澳元 (其他)
評分: 味道4   服務4   環境4   衛生4   抵食4
Piccolo
Piccolo
Cappuccino
Cappuccino
墨爾本的咖啡店真的隨處可見,才和Dead Man Espresso數分鐘的步行距離,便有另一間人流不絕的咖啡店了。這家咖啡店和第一天到訪的Sensory Lab同屬同一位主理人,對著咖啡都是有一份不容易消失的熱情和心思。

店子是由一個貨倉改建而成,內裡的一桌一椅外型陳出不窮,加上裝潢都是不同的木板拼合而成,隨意中見心思。從K口中得知店內兩台咖啡機都更換了,而且咖啡的水準不及從前。沒有深入研究這方面的學問,我當然不敢評論這兩台新來的咖啡機是好與否,不過既然來到咖啡店,一試也無妨。 

 Cappuccino(AUD 4)/Piccolo(AUD 4) 
一如以往點了一杯卡布奇諾,咖啡的味道是我喝過的最甜。雖然它未甜至一個令人討厭的程度,但卻和一向的咖啡味道有很大差別。幸然奶泡打得綿密,表面沒有粗糙的氣泡,在打奶方面的水準仍算不錯。

咖啡的水準不算很高,不過店子的環境很好,早上即使坐在室內,陽光依然能夠灑在每一各落,個人認為這比起直接在室外曬太陽更為舒適。

評分: 味道2   服務4   環境4   衛生4   抵食3
美麗的軀殼 笑臉2012-03-25
Fleur de Sel Caramel/Hazelnut Belle Miette
Fleur de Sel Caramel/Hazelnut Belle Miette
身邊對墨爾本有一定認識的朋友,都提及過這家馬卡龍小店,去年十一月K從墨爾本來到悉尼時也帶來一盒(看更多),當時正值墨爾本杯,所以,盒子的設計也和平時的不同。這次親身來到墨爾本,當然要再拜訪這家店子,市中心的分店對我而言較方便,所以整個旅程也到訪過兩次。

第一次到訪時是午飯前的時間,店內雖然沒有人,但人流卻十分多,人們都是把馬卡龍帶走,所以我們要找一個位子坐下來吃也十分容易。店內四周放滿不同的馬卡龍,也有店子不同款式的盒子,而且店子的主調是柔色,坐下來休息吃馬卡龍也是很不錯的。

店內的口味很多,本來打算要一大盒帶回悉尼吃,可是馬卡龍的保存期不太長,所以最後沒有放肆地帶走一大盒。不過人們走進來買馬卡龍的時候,有不少客人是帶走三至四盒十二粒裝的馬卡龍,有些是帶回辦公室分享,另外的則是帶回家作為手信,可見它不論對當地人或是遊客也不陌生。

Mariage Freres Earl Grey Tea/Violet & Blueberry/Pistachio/Pink Grapefruit/ Raspberry/Rose (AUD 2.50@)
焦糖味很香濃,而伯爵茶味和開心果味都是我喜歡的口味。其實餘下的口味也是不錯,不過個人特別喜愛某些口味,所以推介以上三款的味道。至於馬卡龍的質感,兩次到訪都有少許不同,但都是離不開外脆內軟,個第一次的堂吃比起帶回來悉尼的質感較軟身。

墨爾本市內有多少馬卡龍店實在不太清楚,不過這家馬卡龍店,無論是墨爾本當地的人們或是遊客,都是值得刻意到訪的。 
推介菜式: 焦糖味,伯爵茶味和開心果味
評分: 味道4   服務4   環境4   衛生4   抵食4
皇家馬卡龍 ok喇2012-03-25
Macarons
Macarons
Pistachio
Pistachio
Vanilla
Vanilla
Vanilla
Vanilla
雖然手握La Belle Miette的馬卡龍,但也未有就此心息,到了另外一間朋友介紹的馬卡龍店。店子是在一個墨爾本歷史悠長的拱廊內,不是旁邊的小店,而是坐立在中心的長型櫃臺。

店子的佈置很簡單,由馬卡龍疊成的小塔,盛載馬卡龍的禮品盒,卡片整齊地排列在收銀處,還有色彩繽紛的馬卡龍櫃。所有的擺設都能一目了然,而店子的唯一店員靜靜地坐在櫃臺的中心,看守著她的馬卡龍。本來打算把它帶回悉尼才吃,可是購買的數量不多,包裝沒有保護性,所以最後在墨爾本機場等待時便把它吃光了。

Pistachio/Vanilla (AUD 2.70) 
香草味可以清楚看到很多的雲呢嗱籽,而且味道十分香濃。相反,開心果味只能吃到最基本的杏仁味道,兩面的酥餅都不能發現到開心果的味道。馬卡龍的質地尚算不錯,不過和La Belle Miette比起來還是有點距離,所以兩者之間我還是較愛La Belle Miette的出品。 
每人消費: 約5.4澳元 (下午茶)
評分: 味道3   服務4   環境3   衛生3   抵食2
鴨片蕎麥麵 笑臉2012-03-25
Tempura Set
Tempura Set
miso soup & chawanmushi
miso soup & chawanmushi
Tempura
Tempura
Kamo nanban
Kamo nanban
 Buckwheat noodles
Buckwheat noodles
Sliced duck
Sliced duck
打從心底裡愛日本這個國家,除了文化和潮流,美食多不勝數,加上日本人的禮節,多方面的傳統都讓人敬佩。朋友推介這家日式餐廳,傢俱佈置簡潔,木製的餐桌,餐廳的給人感覺貫徹,而且店員的服務亦十分周到。 

Tempura Set (AUD 22)
A點了一份天婦羅套餐,當中包括味噌湯和茶碗蒸し。不知味道如何,不過看見A滿意的表情便可以略知一二了。 

Kamo nanban (AUD 17)
蕎麥麵爽口彈牙,配上熱騰騰的湯一起吃,湯底喝起來清新但又不會過淡。蕎麥麵對我而言並不陌生,但這個食法倒是第一次接觸。它對胃的負擔不重,完成一窩也不會過飽。假若早前天吃太多,以這碗蕎麥麵作休息的中途站,真的很不錯。切成薄片的鴨肉吸滿湯底的精華,肉質因浸泡在湯麵中,已經變得糢糊不清。起初提供小碗,讓客人可以把熱騰騰的麵和湯稍稍降溫再入口,不過後期已經沒有閒情再盛出來吃,乾脆從窩子裡夾起來放進口,更惹味。

在澳洲,無論是悉尼或是墨爾本,日式餐廳的數量多不勝數。由簡單的小店至高級的餐廳,提供不同類型的日式食品,但水準可以十分參差,Kuni's可算是當中較出眾的一間了。 
推介菜式: Kamo nanban
每人消費: 約17澳元 (午餐)
評分: 味道4   服務5   環境5   衛生5   抵食4
咖啡文化 笑臉2012-03-25
Cappuccino
Cappuccino
Filter Coffee
Filter Coffee
從飯店到機場只需要二十多分鐘,所以便打算找一間甜品店吃下午茶後才離開市中心。誰知大多的店子不是坐滿人,就是早就關門,所以繞了一大圈也找不到落腳點。正想離開到機場的時候,想起K提及過的咖啡店,位置不遠,只是沒有提供座位,需要站在咖啡台旁喝咖啡。既然時間不多,坐著喝咖啡也不能慢慢享受,倒不如站著來喝,又能看到咖啡師製作咖啡的過程,也是很不錯的。店子不大,腳踏入店內已經是下單的地方,付錢後便找一個地方站著(對,是站著的)。店員送上有氣水,不久咖啡師便送上咖啡了。

Cappuccino (AUD 3.50)
卡布奇諾的奶泡很對版,細密香滑。不過它的味道比咖啡的香味更突出,喝下去缺乏了香醇的咖啡味道。邊喝邊望著咖啡杯,想:「是哪兒的問題?」。咖啡豆是從Proud Mary丶Seven Seeds和Market Lane引入,我這杯剛巧用上 Proud Mary的咖啡豆,認識不多,腦子裡的問題越來越多。這一刻,我臉上的表情似乎告訴了咖啡師我的疑問。 

Filter Coffee
咖啡師突然送上一杯蒸餾咖啡,說這可能會更合我的口味。呷一口,咖啡味道十分突出,而且香醇,奶泡過份霸道,是卡布奇諾令人失望的原因。可能你會想,不懂咖啡豆丶製作方法和來源分別的人,會懂得評咖啡麼?的確,沒有相當的認知,是不能以十分專業的角度去評一杯咖啡,但我寫的只是當時喝咖啡的感覺。這次我較愛蒸餾咖啡,在另一家咖啡店可能會較愛奶系咖啡,這全也是我的感覺。和咖啡師談話,雖然個人對咖啡的知識不多,但咖啡師仍樂於一邊忙著弄咖啡,一邊和我對話,這也是墨爾本咖啡文化能夠發展的其中一個原因。

假如你要找一個地方坐上數小時,一邊看書或報紙,一邊享受著那份懶洋洋的氣氛,這兒不會是你的選擇。如果你只想找一杯咖啡,沒有別的,那便照著地圖上的指示來這兒吧。 
評分: 味道4   服務4   環境3   衛生4   抵食3
  1 個留言    |  加入你的留言
sharonangie
8篇遊記
罷工後機票大特價之旅 (澳洲)
(旅程日期: 2012-02-09 至 2012-02-17 ,  旅程性質: 消閒度假)
 整個旅程  (共7篇遊記)
 分享至Facebook 
發表日期: 2012-03-15
Today's Highlight: 朝聖Jamie Oliver
Eggs benedict
Eggs benedict
Fresh fruit with yogurt
Fresh fruit with yogurt
Latte
Latte

今日係最後一日喇, 一定要把握機會食好野, 哈哈~ 所有今日黎到 Le Monde呢間被當地人認為係 Best food café 既咖啡店食個正早餐~

大概十點前到達, 門口處竟然仲有一班office人係度嘆咖啡?!十點都唔洗返office?真係太令人羨慕喇~

Café 既裝修偏向樸素, 非常有木感, 門口有一幅大黑板寫有不同menu, 呢間café既落單方式有別於一般coffee café, 可以先坐底, 侍應會幫你order。今日我點左個鮮果沙律配乳酪, 見到佢既麵包就係之前食過既Sonoma所提供, 當然不能錯過encore既機會, 老公就叫左個 egg Benedict。

Egg Benedict 外表無咩驚喜, 跟香港可以食到既差唔多, 不過食落就知係高手, 一d醋味都無, 個荷蘭汁唔油, 好完美。我個鮮果沙律係用時令生果所做, 非常新鮮, 可惜無我想食既無花果, 乳酪質地好厚, 絕對唔係牛奶公司既質素, 最後食埋兩片Sonoma既酸種麵包多士, 好滿足呀!

雖然Le Monde被冠名為best food café, 食完個早餐我又唔覺得配得上呢個title, 澳洲既café 質素一般都好好, 但無可否認係好食既~ 我地一次過食咁多野, 隔離d澳洲男士都只不過食個多士或三文治就算, 攪到我地好似好怪, 好大食咁, 無辦法啦, 以家唔食, 唔知幾時再有得食喇~

每人消費: 約12澳元 (早餐)
評分: 味道4   服務4   環境4   衛生4   抵食4
Affogato
Affogato
無食既muffin
無食既muffin

呢間專業咖啡館我又係從雜誌上得知 (旅遊書亦有提及), 知道佢地有一個咖啡師傅係個好有個性既日本人, 當日去到見到舖頭除左原址間之外, 可能生意太好, 佢地係隔離多開左一間舖專負責外賣, 個位日本名星師傅就係度同佢d同鄉傾計。外表睇上去好cool呀!

不過一場黎到, 我當然選擇係元祖店坐低啦….由於早餐太豐富行程又好輕鬆, 我地都唔太肚餓, 雖然見到佢個muffin好似好好味, 我都只係叫左個Affogato試下。

係元祖店先發現仲有兩個「疑似」日本人, 睇黎日本人沖咖啡既專業係澳洲都似乎站得住腳, 店裡面亦會發現其他日本特色既擺設, 例如一幅寫有日文既細小啤酒旗。

舖頭每個禮拜用既咖啡豆都唔同, 旨在俾客人多d認識同接觸唔同地方咖啡豆既特質, 是日我地飲既咖啡好似係來至薩爾瓦多。

Affogato 裡面既咖啡係比較酸, 唔係我本人所好, 不過同個雪糕一齊食就ok, 如果單飲一杯espresso, 我諗我會唔鐘意。

從雜誌得知店內亦會提供就咖啡豆既特性配搭合適既沖調方法, 非常專業, 如果你係咖啡狂熱份子又有時間, 記得黎呢度同佢地交流下。

每人消費: 約5澳元 (下午茶)
評分: 味道4   服務4   環境4   衛生4   抵食4
幸會偶像 笑臉2012-03-15
人龍
人龍
Open kitchen
Open kitchen
Bread basket (on the house)
Bread basket (on the house)
Prosciutto pear salad
Prosciutto pear salad
Mussel pasta in white wine sauce
Mussel pasta in white wine sauce
Fish baked in a bag
Fish baked in a bag
Tiramisu
Tiramisu

好多年前我無意係電視節目睇到 <The naked chef> 呢個節目, 仲記得個時既播放時間係星期日朝早而且無字幕。覺得呢個後生廚師講野好有活力, 煮食既時候態度輕鬆, 睇得人好開心, 個時開始就愛上睇佢既節目, 有時見到有興趣既菜式就會自己抄地照做。估唔到多年之後佢愈來愈出名, 又受歡迎而且仲好有社會責任, 推動fifteen幫助邊青, 又提倡校內飯堂改革及社區食譜交流等等……咁多年黎我對Jamie Oliver既認識都係留於佢既cook book 及電視節目, 今次黎澳洲前知道佢係悉尼開左間意大利餐廳, 可以品嚐到佢親自設計及監督既菜色, 個種興奮真係難以形容。

又係從各大傳媒得知道Jamie’s Italy既定價中下, 但製作認真, 加上Jamie本身既人氣, 造就左呢間餐廳成為悉尼奇葩, 唯一一間人龍店。

我地大概6點半去到已經見到一大條長龍, 心諗排完隊就有得食, 點知, 只係排隊留名同電話, 有位就call back你。一場黎到, 點都要食喇, 如果好似我地呢d遊客唔想人地打漫遊 , 餐廳會俾你一個好似call 機既物體你, 一有位就會震, 到時返去餐廳入座就可以, call機可接收既範圍都唔細, 可以四處行下打發時間, 呢個咁貼心既安排好多年前係美國見過, 真係好好用。

行左大概半個鐘左右,終於有位喇。餐廳有兩層,地下個層對正大街有個造新鮮pasta既角落,不過當時無人整緊。返到去被侍應帶領到樓上坐,望落黎可以見到一大個open kitchen。餐廳內好多人,好熱鬧,serve我地既侍應親自介紹自己,係個意大利人。餐巾印有Jamie’s Italy字樣而且有得買走,碟仔既設計係有少少破舊既瑭瓷碟,貫徹佢輕鬆隨意既風格。

打開menu由我發板,喜見有好多菜式係以前既cook book見過,好有親切感呀。我叫左個Mussel pasta in white wine sauce (細 size), prosciutto pear salad及fish baked in a bag。點菜後餐廳送上麵包,驚喜係麵包上淋有pesto sauce,呢一個做法同香港好唔一樣,一般香港既西餐廳只會提供牛油/橄欖油/黑醋。麵包既質素都唔錯,但我竟然食見到有一條斷開既橡筋圈!最初我以為係蔥頭之類既物體,好奇下試食,真係橡筋,可能店內太忙又黑,偶有失手。

意粉先上,細細碟,手造既意粉果真不同,好有咬口,青口非常新鮮,個白酒汁好甜,好好味,我都試過係屋企整白酒煮青口但係無咁甜,用超新鮮既本地材料煮食真係無得比。

Prosciutto pear salad 好大碟,我地將細檯仔差少少放唔落,prosciutto好味,唔係太咸,火箭菜唔洗講又係好新鮮。

Fish baked in a bag, 又係好大碟,是日之魚配上蕃茄底既汁, 旁邊仲有青口同蜆仔,調味用上dill 同檸檬,想唔鮮味都幾難,魚下面仲有 couscous,  份量充足又好豐富,可惜個汁對我地黎講辣左少少,但都好好味。

最後又點少得甜品,我叫左個tiramisu (Jamie’s way), 呢個菜係佢本cook book都有,個twist就係加入橙汁。Tiramisu上面有一球雲尼拿雪糕,雪糕上灑有少少橙皮碎,加強橙味,賣相又靚。真材實料既tiramisu又點會唔好食,但個人喜歡mascarpone再軟身d。

 成餐飯都好好食,食材新鮮,烹調同調味配合,定價合理,氣氛熱鬧,服務可以,又點會唔成為人龍店呢?加油Jamie~

每人消費: 約40澳元
評分: 味道5   服務4   環境5   衛生4   抵食5
  0 個留言    |  加入你的留言
艾晨yoni
39篇遊記
六天五夜貓本自助行 (澳洲)
(旅程日期: 2012-02-01 至 2012-02-06 ,  旅程性質: 觀光攝影)
 整個旅程  (共6篇遊記)
 分享至Facebook 
發表日期: 2012-03-13
Anglesea->Cape Patton->Apollo Bay->Twelve Apostles->London Bridge->
City Wine Shop
Angelsea
Angelsea
大洋路
大洋路
大洋路
大洋路
Cape Patton
Cape Patton
十二使徒岩
十二使徒岩
十二使徒岩
十二使徒岩
十二使徒岩
十二使徒岩
斷開的倫敦橋
斷開的倫敦橋
Anglesea->Cape Patton->Apollo Bay->Twelve Apostles

行程倒數的第二天,參加了一個由華人帶領的一天團,AUD 74便可以遊覽十二門徒等景點,對於沒有駕駛執照的遊客的確很方便。從市中心到第一個景點,大約是七十五分鐘的車程,路途上司機(也是導遊)會介紹沿途的名勝景點,再稍息一會便很快到達了。

Angelsea是一個沿海而建的小區,我們沒有到小區的中心,而是停在公園外,休息一會再繼續行程。當天的天氣不太好,不過導遊說到達十二門徒時天氣便會有轉變,所以大家也沒有在這個地方久留,十多分鐘後便隨隨走回車子去了。 

不久,我們便到達大洋路的起首,這兒也是不少人拍照留念的地方,所以導遊也把車子停下來讓大家在大洋路的「大門」下拍照。

全長243公里的大洋路是連接維多利亞洲內的兩個城市的沿海公路,由一些回歸的士兵在1919至1932年間興建的,不少世界知名的自然景點也需要經過大洋路才可以到達。此外,大洋路亦是世界最大型的建築去紀念第一次世界大戰,所以在旁也立下一面碑。

另外的七十五分鐘車程,我們便到達Cape Patton。不過天色仍然不好,大家只看見朦朧一片,加上下著微雨,風吹過來帶點寒意,所以我們便繼續行程了。十五分鐘後,我們到達Apollo Bay這個小區,也是吃午餐的地方。接著的七十五分鐘車程,導遊都建議大家睡一會兒,因為山路較崎嶇,會較容易暈車。結果,我們到達十二門徒時天色更差,而且還下起大雨,直昇機觀景的服務也暫停。 

十二使徒岩是自然形成的石灰岩,由最初的十二座,至今只餘下七座,大多也是抵不過海水的衝擊而倒塌的。當天的天氣雖然不好,但照片看起來意境更好,倒是有不錯的效果。最後,我們看過斷開的倫敦橋後,便起程回市中心了。

經過三小時的車程,回到市中心的時候已經是六時多。這天在車上的時間比觀賞的時間還要長,但是可以看到世界奇景之一的十二使徒岩,也是很充實的。 
參觀時段: 全日
入場價錢: 每人74澳元
評分: 值得去4  
賣酒的餐館 笑臉2012-03-13
Roasted lamb rump
Roasted lamb rump
Roasted lamb rump
Roasted lamb rump
Roasted lamb rump
Roasted lamb rump
經過三小時的車程,到達市中心已經六時多,剛好又是用餐的時間了。本來打算和這次的旅行伙伴一起吃晚餐,可是她覺得待在酒店整天後很累,所以便獨自吃晚餐了。本來打算到城中熱話之一的西班牙餐廳Mamasita,可是當天餐廳不營業,便即時向當地的食友求救。最後到了離Mamasita不遠的City Wine Shop,沒有點酒(根本就不喝酒),也沒有點前菜,只因當天實在太累不想再考慮太多了。

Roasted lamb rump with smoked mushrooms,quinoa & harissa yoghurt(AUD 24.50)
店子的主菜是沒有特定的餐牌,而是要走到酒櫃旁向上望,菜式都寫在板上的。 肉是取自羊的臀部,肉質緊實,但又不會過韌,而且肉的顏色仍然帶點嫩紅,火喉掌握方面也不錯。藜麥丶菇菌加上Harissa的醬汁,令肉味更突出,不過吃起來會較容易感到飽足。

喜歡喝酒,更喜歡和朋友聊上一個晚上的話,這兒會是不錯的地方。 
評分: 味道4   服務3   環境4   衛生3   抵食2
  0 個留言    |  加入你的留言
sharonangie
8篇遊記
罷工後機票大特價之旅 (澳洲)
(旅程日期: 2012-02-09 至 2012-02-17 ,  旅程性質: 消閒度假)
 整個旅程  (共7篇遊記)
 分享至Facebook 
發表日期: 2012-03-12
Day trip to Blue Mountain & Jenolan Caves
眼看藍山 笑臉2012-03-12
Flat white
Flat white

今日又一早起身, 要揸車去藍山, 過左大概兩個鐘黎到一個叫做Leura既小鎮。可能地勢比CBD高加上仲未中午, 天陰有少少雨不過空氣好好, 好舒服。

Leura係一個揸車去藍山近乎必經之路, 小鎮都幾細, 只有一條大街, 不過兩旁所開既各樣店舖都非常精緻及有品味, 趁仲有少少時間我地就去位於大街一間比較大既Deli食個早餐。

一打開門, 左邊係擺賣乾貨既地方, 有不同既意粉, 果醬, 零食等等, 右邊就係賣各式沙律, 麵包, 小食既take-away, 再入少少就係堂食既地方, 一室用上綠色為主調, 正中擺放一大張木檯, 有少少綠蘋果做裝飾, 感覺唔錯。

再望出去, 嘩, 不得了, 景觀超好。原來堂食地方既盡頭係一個有玻璃窗既大露台伸延出去, 好似建築係個森林上面, 好開揚。

早餐我地要各左個煙三文魚牛角包及芝士菠菜蘑菇奄列配法式麵包。牛角包先到, 正想食既時候發覺原來三文魚同個包都有烘熱, 暖暖地之餘有少少脆邊, 而且仲有side salad, 坦白講真係有d感動, 大家係香港叫個三文魚牛角包你只會期望分別食到一兩片啱啱係雪櫃另出黎既煙三文魚, 再放係早已整好既凍牛角包上, 我地對普通餐廳既食物「唔敢」有太多既要求, 因為我地更怕失望。所以當我見到餐廳對呢d較易整既食物卻肯花心思去加工既,除左暖之外, 又配有side salad, 真係好窩心。

芝士菠菜蘑菇奄列配法式麵包都好好食, 夠哂份量, 係呢個環境食有誠意既早餐再加一杯正咖啡, 感覺真好。

每人消費: 約10澳元 (早餐)
評分: 味道4   服務4   環境5   衛生4   抵食4
  2 個留言    |  加入你的留言
sharonangie
8篇遊記
罷工後機票大特價之旅 (澳洲)
(旅程日期: 2012-02-09 至 2012-02-17 ,  旅程性質: 消閒度假)
 整個旅程  (共7篇遊記)
 分享至Facebook 
發表日期: 2012-03-09

是日行程︰Fish market + Taronga Zoo + Paddington 區

半熱龍蝦 笑臉2012-03-09
龍蝦半隻
龍蝦半隻

終於黎到 fish market 啦, 聽過好多人話呢度有好多海鮮, 又平又新鮮, 香港既雜誌<新假期>仲點名話Doyles係人生中必食, 哈哈, 又試下係咪真先。

Doyles位於主入口既第一間舖, 係右邊, 有個細counter仔做take-away, 裡面就係堂食, 一場黎到, 當然想試多幾間唔同舖頭, 所以只係買走左半隻芝士龍蝦。

賣相非常吸引, 用叉切開見d肉都算厚身, 一啖食落, 好重忌廉, 滑滑地, 芝士份量無想像中咁多, 蝦既味道已經唔係好食得出, 不過質地爽口, 唔錯唔錯, 係唔夠熱囉!

每人消費: 約4澳元 (午餐)
評分: 味道5   服務4   環境4   衛生4   抵食4
生蠔麻麻 ok喇2012-03-09
一打生蠔
一打生蠔

另一樣我好想係fish market食既海鮮就係蠔, 行均成個場都好似得Nicholas Seafood 有得賣, 有個亞裔女子係門口擺檔兼幫手執 order。當日有兩款蠔可供選擇, 有本地既Sydney rock同Tasmania 。

兩款蠔既size都好細, 有少少失望呀, 唔知係咪非養殖所以細隻d呢?我地每款要左半打, 坐低試試。識員只俾左好多檸檬我地,  無其他sauce, 我地絕無問題, 不過一向食蠔要點sauce 既人士就要留意喇!

Sydney rock 比Tasmania大隻少少, 味道較咸, Tasmania我就覺得好食好多, 比較甜身, 可惜兩者既新鮮度麻麻, 另我有個印象, 係Fish market 食海鮮都唔係d人講得咁好。

評分: 味道3   服務4   環境3   衛生3   抵食4

淨係食半隻龍蝦加一打生蠔, 我地又點會夠呢!行黎行去, 睇黎睇去, 都唔知叫咩好。最後買左1kg已烚熟既大蝦。有好多隻, 而且仲有跟sauce 。

蝦既size都好大, 好似好唔真實, 食左兩隻我已經有頂胃既感覺。攪笑既係size 咁大, 連條蝦腸都粗d, 我頂唔順, 一定要拎走佢, 哈哈。 新鮮程度都可以接受, 只不過擹檔擺放既方式有d奇怪, 將已烚熟同生既蝦左右並排, 雖然中間有塊膠板相隔, 始終有d唔知點咁。

總括以言, fish market既野都係新鮮既, 而且好多魚, 蝦, 蟹等等都好大隻, food counter內所有野我覺得都好貴, 本身澳洲既生活指數已經比香港高, 加上「食海鮮」呢個活動本身都唔平, 而且間間餐廳提供既食物煮法相似, 無太大驚喜, 除非你唔買已煮好個d, 買新鮮既, 叫餐廳幫你即刻煮, 任何中/西式煮法佢地都識。如果你極度瘋狂愛「食海鮮」, 又唔介意俾錢, fish market 會係你既選擇。

評分: 味道4   服務3   環境3   衛生3   抵食4
再遇獎門人 笑臉2012-03-09
Chocolate cinnamon babka & Cappuccino frappe
Chocolate cinnamon babka & Cappuccino frappe

如我所願去完動物園之後, 仲有少少時間可以去Paddington 行下, 之前去Bondi 既時候已經路過, 眼見有好多小店, 可惜今日下午黎到, 大部份又就黎關門, 唉~

呢個時候, 肚有d痛, 唔知係咪朝早食得太多海鮮(?), 見到有 Max Brenner 既分店, 呢個緊急既時候, 朱古力獎門人確係我既救星!

今次order左我上次見到好吸引既麵包卷, 叫Chocolate cinnamon babka , 仲淋上朱古力sauce,  質感鬆軟, 暖暖地, 而且帶少少肉桂味, 唔錯唔錯。

另外叫多杯drink, 就係見人成日飲既frappe, 老公揀左Cappuccino 味, 可惜呢個可能係 ice shake, 對我黎講太多冰, 好凍, 麻麻地好飲。

係Paddington呢間分店就比CBD人少, 間隔又四正D, 比較好坐, 食完野仲可以去舖內既零售小角落睇下, 有好多款唔同既朱古力產品, 仲有特別既杯售賣, 例如 frappe 杯, 上次飲 suckao隻杯等等都可以買走, 我見仲有一本cook book, 包含仲好多朱古力做甜品既食譜, 好有趣呀~

推介菜式: Chocolate cinnamon babka
每人消費: 約7澳元 (下午茶)
評分: 味道4   服務4   環境5   衛生4   抵食4
高級精肉 笑臉2012-03-09
牛扒
牛扒
我們的晚餐
我們的晚餐

食完下午茶又閒逛左一陣, 晚餐又食唔落, 記得係Woollahra區有一間高級精肉店, 係雜誌同旅遊書得知兩年前舖頭特意花左成好多錢裝修, 刻意擺脫傳統肉店既形象, 而且仲攞左個best in retail既室內設計獎項。

揸車前立即打開旅遊書, 嘩, 不得了, 7點關門, 我地只有15分鐘既時間, 真係分秒必爭, 拿拿聲去, 快快手泊車 (好彩附近有車位), 去到既時候係6:55pm!!! 係澳洲旅遊, 真係要適應下佢地個時間表。

Anyway, 入到舖頭, 燈光帶少少紅色, 右邊有一個有鎖大凍櫃, 裡面擺賣左好多唔同既菜色, 方便人買走, 除左肉類之外, 仲有前菜同甜品, 大部份需要返屋企加熱或加工。所以我地就只選擇左唔洗加熱既take-away, 店員話有好靚既牛扒同燒雞 (其實可能只賣淨呢d, 唉), 一如試試啦。牛扒要左幾百克,  燒雞要左半隻 (我見佢地好似唔賣半隻架, 我問佢, 好彩佢又賣俾我, 我估可能賣唔晒都係唔要, 不如賣半隻俾我, 哈哈), 最後仲要左4粒用鴨油煮既薯仔。

返到B&B, 雖然已經凍左, 不過都好好食, 個牛扒有肉味, 唔似和牛肉味較薄,  肉質帶少少咬口, 我最鐘意佢外層既黑胡椒, 調味剛好。

燒雞都唔錯, 肉質唔算太淋,  調味亦到位, 薯仔有驚喜, 鴨油有香味, 薯仔皮脆脆地, 呢一餐好唔錯呀!

每人消費: 約20澳元
評分: 味道5   服務4   環境4   衛生4   抵食4
  0 個留言    |  加入你的留言
艾晨yoni
39篇遊記
六天五夜貓本自助行 (澳洲)
(旅程日期: 2012-02-01 至 2012-02-06 ,  旅程性質: 觀光攝影)
 整個旅程  (共6篇遊記)
 分享至Facebook 
發表日期: 2012-03-07
第四天:Monk Bodhi Dharma->Victoria Barracks->Royal Botanic Gardens
->Kenzan@GPO->Roule Galette->Bar Americano->Parliament->Huxtaburger
尋吃的旅程 笑臉2012-03-07
Cappuccino
Cappuccino
Madagascan french toast
Madagascan french toast
Madagascan french toast
Madagascan french toast
身邊有很多朋友曾經問我,經常到處找吃的,不辛苦嗎? 何不到家附近找個地方吃便好,這樣車費也能省下來。當然不會,尋找不同的餐館,路途上期待的心情,來到一個陌生的小區,穿越大街小巷,至到達餐館,整個旅程都是樂在其中的。

不過這旅程並不是人人也樂意去參與,來到行程的第四天,獨自跳上電車,四十五分鐘的車程便從市中心到達St.Kilda了。咖啡館的位置不顯眼,需要從大街轉入小巷,而店子只在小巷的牆上貼上小小的指示牌,找店的時候要集中精神了。

Cappuccino(AUD 3.80) 
甫坐下,先點一杯咖啡,再細閱餐牌。這兒不提供脫脂奶,而是選用在Timboon的Schulz農場的有機牛奶。泡沫咖啡的奶泡相當軟綿,而且奶的味道亦相當突出,顯現牛奶的品質也能影響一杯咖啡的水準。咖啡味香醇,而且當中帶點果香,是我很喜歡的咖啡味。

Madagascan french toast(AUD 15.50)
法式長麵包切成片狀,再塗上滿滿的楓蜜糖漿,再把兩面煎至香脆。雖然和傳統的浸在蛋漿裡然後炸的製法不同,不過這製作方法是經過改良再引入澳洲,還是入鄉隨俗吧。多士的味道不會過甜,配合檸檬味的Ricotta,味道更清新。至於放在一角的梨子,是浸泡在玉桂裡,吃起來有玉桂的甜,也有梨子本身的清甜,吃起來不會太甜膩。

步出咖啡店,拿出電話,利用電話裡的地圖找午餐的位置。對,又是尋吃的旅程了... 
推介菜式: Cappuccino
每人消費: 約19.3澳元 (早餐)
評分: 味道4   服務4   環境4   衛生4   抵食4
域多利軍營 ok喇2012-03-07
域多利軍營(Victoria Barracks)是一座帶有十九世紀建築特色的建築物,它的歷史不用我去介紹,這些資料在現今的網絡世界早己存在。不過我最愛的是它的外牆,繽紛但不失軍營的嚴肅感,適合我這些最愛把相機的記憶卡填到滿滿的人。

這天陽光普照,建築物看起來顯得更突出,那倚在牆上的植物,加上蔚藍的天空,照片拍出來像油畫般柔和。 
參觀時段: 早上
評分: 值得去3  
皇家植物園 笑臉2012-03-07
從域多利軍營到皇家植物園(Royal Botanic Garden)不過是兩分鐘的路程,既然午餐時間還未到,到植物園繞一個圈,令人心曠神怡,何樂而不為?

植物園內有很多不同的花,而且每一個季節可以觀賞到的種類都會不同,進園前可以提取當季的小冊子,那便可以更清楚行走的路線了。

對食物照可算是有點心得,可是植物照和風景照真的是一曉不通。不過要是愛拍花草,這兒絕對是勝地。即使是情侶來到植物園,二人慢慢地在兩旁的大樹下散步,或是坐在草地上談心,這兒都是十分適合。當然,植物園也適合一家大小散心,花上一個週末的下午在這兒野,也是很不錯的。 
參觀時段: 下午
評分: 值得去4  
日式麵店 ok喇2012-03-07
Sushi roll
Sushi roll
Hiyashi negi shio
Hiyashi negi shio
Hiyashi negi shio-Egg
Hiyashi negi shio-Egg
Hiyashi negi shio-Noodles
Hiyashi negi shio-Noodles
Hiyashi negi shio-Chicken Breast
Hiyashi negi shio-Chicken Breast
「あいうえお...」現在對日本的第一印象,已經再不是從日文的響音開始,食物丶文化或是漫畫都有可能是人們接觸有關日本的第一樣事物。作為愛吃之人,日本給我第一個印象當然是不同的美食。

在澳洲這個多元文化的國家,有不少日本人在此定居,所以墨爾本也有不少日式餐廳是由日本人打理。不過當中不是全部也會經過很專業的訓練,所以大多的食物也只是帶有家庭風味,Kenzan則是其中一個例外。

Sushi roll(AUD 4.50@)
在墨爾本開店二十九年,把傳統的壽司製成一條長筒型的手卷,在香港倒是很少見,在這兒便可以找得到了。A選了兩款手卷,顏色看起來很鮮艷,不過聽說味道一般。 

Hiyashi negi shio(AUD 16)
這款冷麵是夏日精選,炎熱天氣下在植物園走一圈後來一碗,冰涼十足。冷麵的麵條曲度不高,吃起來味道比彈性更令人深刻。雞胸肉的肉味很淡,加上旁邊的蔬菜搭配,整體的感覺是十分清淡。

一家很有溫情的日式麵店,即使店員多忙也不忘走過來詢問食物的意見,拍照時主理人也會很好奇照片的用途,清楚後便讓我繼續。這些服務看似很容易提供,不過是在澳洲來說我認為是很好了,日本的禮俗總是讓人很舒服。 
每人消費: 約16澳元 (午餐)
評分: 味道3   服務4   環境4   衛生4   抵食3
可麗餅次遇 ok喇2012-03-07
Virginie
Virginie
Virginie
Virginie
Caramel
Caramel
Caramel
Caramel
Caramel
Caramel
第一次接觸可麗餅是在去年四月,那次到LA Creperie一嘗不同的款式,對我而言十分新奇。可麗餅可以作為主食或是甜品,而且麵糊也會有分別,配搭五花八門。此外,因為其柔軟的質地,可以製成不同的型,如方便外帶的甜筒型丶把餡料放到中心再形成信封型,也會直接捲成圓筒型或是把餡料直接疊起來,外帶Roule Galette的可麗餅會以甜筒型為主,堂吃則是簡單的把餡料放在中心,疊在平坦的薄薄的餅上。

Virginie(AUD 8)
其實可麗餅是聖蠟節(La Chandeleur)的主角,人們都會在每年二月二日吃可麗餅,當中的意義有很多個版本,但都離不開為來年帶來好運的理由。柔軟口感的可麗餅,煎至金黃色的,舖上新鮮的草莓,A很滿意自己的可麗餅。

Caramel(AUD 6) 
焦糖加入有鹽牛油,薄薄的塗在餅上,甜味不算十分突出。加上店子的出品不算穩定,例如我的可麗餅便和A的厚度相差很遠,差別已經不能接受為一時的人為錯誤,這方面可能還需要更多的練習了。

店子佔地不多,加上燈光較暗,環境不太適合聊天,所以我們吃畢也得找個另一個地方坐著了。 
每人消費: 約6澳元 (下午茶)
評分: 味道3   服務3   環境3   衛生3   抵食3
笑臉2012-03-07
Piccolo
Piccolo
Cappuccino
Cappuccino
你曾經到過一些店子,可是它周邊的環境靜如深海,閒時是絕不會有人經過的地方嗎? Bar Americano不是在墨爾本的偏遠地區,座立在市中心,可是卻在一個垃圾收集站旁邊,人們也不會閒時走到這兒觀光吧?咖啡師是一位半工讀的年輕女孩,對談中她也說了不少對咖啡的認知和意見,又說了不少工作時的經歷。在這小小的店子裡,沒有陽光的洗禮,也沒有人們嘻嘻哈哈的聲音,有的只是這女孩對咖啡的熱誠,和無限的夢。

Cappuccino(AUD 3.50)
店子不大,所以咖啡機的震動停下來,我們的咖啡也送到了。沒有精緻的拉花,奶泡也沒有一般的卡布奇諾厚,喝下去盡是咖啡的味道。喝了朋友的咖啡一口,皮克諾拿鐵更令人上癮,要是愛咖啡的味道更濃但又怕喝濃縮咖啡的話,皮克諾拿鐵便會很適合了。 

坐在吧桌上喝咖啡,看見咖啡師從身旁的小窗望出去,原來她不單希望每天弄咖啡給客人,也很想把咖啡的文化帶出去,而不是只停在這小小的窗戶。夢可以很天馬行空,但當一個人是帶著決心去把夢實現,這再不是不可能的目標。 
每人消費: 約3.5澳元 (其他)
評分: 味道4   服務4   環境3   衛生4   抵食4
Huxtaburger
Huxtaburger
Huxtaburger
Huxtaburger
Fries
Fries
圓形麵包內夾著漢堡排,加上蔬菜丶芝士和調味料,看起來簡單不過的食物,為甚麼能夠征服全球的人呢? 小時候,下學後必定會拖著外婆的手,大嚷要到連鎖店吃漢堡包。那時候,為的不是食物,而是附送的玩具。

離開香港前,在家打掃時便發現這些留下來的玩具,多不勝數。沒有想過把它們丟掉,反之,我花上一整個下午把它們分開再包起來,把這些回憶都包起來... 

Huxtaburger(AUD 8)
小時候拿起漢堡,便狼吞虎嚥地把它完成,為的只是趕快拆開附送的玩具。這次獨個兒來到Huxtable的姊妹店Huxtaburger,到這家在墨爾本開張不久的漢堡店放肆地來一頓漢堡晚餐,也很久沒有晚上吃漢堡了。

圓形麵包兩面都烘至香脆,加上漢堡排丶生菜丶蕃茄丶芝士丶蛋黃醬和芥末,漢堡排的中心還是嫩紅色的。漢堡排保持應有的韌度,芝士完全地溶化,生菜則是當中的平衡點,簡單不造作。店員走到身旁要把鐵盤拿走的時候,問我食物怎麼樣,我對她微笑,她也回了我一個微笑。

長大後,只有相片中的自己,才看見嘴角揚起的我。小時候,可以因為一個漢堡,一件玩具而哈哈大笑,可是,這些歡樂似乎都已經和玩具一起被收起來了。 

Fries(+AUD 2.50/small)
薯條是粗身的版本,有些炸得十分通透,可是有些卻好像火喉不到位,不夠香脆。吃罷漢堡,整體感覺好像不夠邪惡,要是再來,點Bills(AUD 9),加入煙肉丶蛋和菠蘿,相信口感和飽足感會加倍。

原來,一頓簡單不過的晚餐,也可以把收起來的歡樂帶回來,把久違的笑容露出來。 
每人消費: 約10.5澳元 (晚餐)
評分: 味道3   服務3   環境3   衛生3   抵食3
  0 個留言    |  加入你的留言
sharonangie
8篇遊記
罷工後機票大特價之旅 (澳洲)
(旅程日期: 2012-02-09 至 2012-02-17 ,  旅程性質: 消閒度假)
 整個旅程  (共7篇遊記)
 分享至Facebook 
發表日期: 2012-03-05

Day trip to Hunter Valley

Kingfish Carpaccio with a scattered citrus
Kingfish Carpaccio with a scattered citrus
Dried hot beer beef with sriacha dipping sauce
Dried hot beer beef with sriacha dipping sauce
Seafood hot plate
Seafood hot plate
今日揸車黎hunter valley, 經過差唔多3個幾小時既車程我地第一站去左McGuigan Winery, 參加左個winery tour, 諗住可以係佢隔離個間<Cheese Room>參觀之餘又買下芝士當午餐, 好可惜Cheese Room個日不設參觀只可以買芝士, 我見芝士既種類唔算多又唔太特別, 最後我地決定去餐廳食晏。 

係Hunter Valley個本guidebook見到有介紹呢間Goldfish, 距離唔遠又可以對住個vineyard 食飯, 感覺應該唔錯。 去到門口, 幾乎一個人客都無, 但隔離個間日本sushi 同 pizza 餐廳就比較多人, 入到去bar裡面終於見到個waitress 姐姐。

餐廳有個lunch promotion, AUD45可以係前菜及主菜內任揀三款+兩杯酒精飲品, 似乎啱哂我地個胃納兼荷包。前菜叫左兩款, 包括Kingfish Carpaccio with a scattered citrus同Dried hot beer beef with sriacha dipping sauce。

魚既Carpaccio我未試過, 估唔到又幾好食, 配埋帶少少酸既汁, 好開胃。個dried beef 真係炸到好乾又真係好辣, 但係味道好好味, 呢兩個頭盤原全做到叫人開胃, 正!係澳洲又點可以唔食炸魚/海鮮呢, 呢個Seafood hot plate有數款海鮮, 有炸帶子, 食得出帶子味, 係個炸皮有少少唔係好上身, 炸墨魚亦唔錯, 炸蝦同炸魚就用吉列既方法 (即係有麵包糠係面), 都幾好食而且份量都幾大, 食完好滿足!

唯一既唔好處, 就係有蒼蠅, 一路食有三兩隻一齊join, 而且張檯好多屍骸呀!可能位近vineyard, 少不免會有呢個情況, 不過都可以接受既~
推介菜式: Dried hot beer beef with sriacha dipping sauce
每人消費: 約22澳元 (午餐)
評分: 味道5   服務4   環境4   衛生3   抵食4
Fig & parma ham salad
Fig & parma ham salad
"Filetto"
"Filetto"
去完Hunter Valley已經好攰, 好彩之前check定呢間pizza舖唔算好早收工, 出返黎仲有野好食。Lucio Pizzeria係我係澳洲既大報SMH度搵到既, 話說係「最好食既pizza」, 一場黎到又點可以錯過呢?位置都幾好搵, 係CBD內既Palmer Street, 有一個少少既露天廣場, 有3間不同既餐廳, 以Lucio就係最開邊, 而且另外兩間餐廳毫無人氣, 所以幾易搵。

由於我地唔算太肚餓, 只叫左一個前菜加一款pizza, 前菜係一個用Parma ham 包住無花果既warm salad再加少少parsley, 無記錯的話個汁係用Gorgonzola芝士做既, 帶少少咸香。

呢款Pizza叫做Filetto, 包含左好幾個我鐘意既材料, 有cherry tomato, prosciutto, rocket同mozzarella & parmesan 芝士, 一次過可以滿足哂我。批底係那不勒斯既style, 比較chewy, 厚薄其實幾適中, 不過如果你唔肚餓的話,  都幾飽~ 所有材料都好新鮮, 即叫即整, 確實係間誠意小店!

推介菜式: Filetto
每人消費: 約15澳元 (晚餐)
評分: 味道5   服務4   環境3   衛生4   抵食4
  0 個留言    |  加入你的留言
sharonangie
8篇遊記
罷工後機票大特價之旅 (澳洲)
(旅程日期: 2012-02-09 至 2012-02-17 ,  旅程性質: 消閒度假)
 整個旅程  (共7篇遊記)
 分享至Facebook 
發表日期: 2012-03-01

閒逛住宅區 + Darling Harbour

dried fruit sour dough 多士
dried fruit sour dough 多士
羊奶芝士奄列配蕃茄及酸麵包
羊奶芝士奄列配蕃茄及酸麵包

係澳洲我一日裡面最期待既一餐就係早餐,  最期待既節目就係去café食早餐, 本地人去café食早餐我覺得就好似香港人去食茶餐廳一樣。不過人地既心思就多好多, 一般黎講地方大d (香港本身太細, 租金又貴, 無計), 裝修有品味d (香港舊式既冰室仲叫做有d集體回憶, 唔舊唔新既就好污衊, 太新既又無人情味, 唉) , 人家出品有心思又健康。我地既早餐幾時先可以好似人地咁呢?

話說回來, 呢間bakery café 又係從雜誌<飲食男女>得知, 出名造酸種飽包, 我年紀輕d既時候唔係好識欣賞又或者個時仲未遇到啱自己口味既sour dough,  唔記得幾時開始我慢慢會食酸種飽包, 造得好的話確實別有一番風味。

聽講呢間bakery café所造既酸種飽包係店主從美國三藩市學藝再帶返黎悉尼, 口啤慢慢建立直到以家個工場大到可以為市中心其他既café提供飽包。

我地靠GPS系統帶路揸車黎到另外一個住宅區 Alexandria, Sonoma 既位置確實有d難搵, 沿路都有唔少路牌指引。café隔離有一間好大既工場, 可惜我地應該太遲去到, 見唔到工人造麵包既情況。Café面積都幾大, 樓底高, 用上黑色做主調, 加上冷氣充足, 係一個避開澳洲夏天猛烈陽光既好地方。

今次我叫左一份dried fruit sour dough 多士另加牛油及果醬, 兩片乾果酸麵包上佈滿不同乾果, 烘得好脆, 其實都有少少硬, 不過仍可接受, 自家製的藍莓果醬好食, 可惜甜左少少。另外一份早餐係黎至café 既summer men, 名字無記低, 大概係羊奶芝士奄列配蕃茄及酸麵包。奄列既質感有別一般既出品, 羊奶芝士跟雞蛋充分混合, 切開後可見到一個個細窿仔, 好有趣, 真係唔知點煮, 小蕃茄依舊咁新鮮。

咖啡的水準又係不用懷疑地好飲,好一個旱餐呢。

每人消費: 約20澳元 (早餐)
評分: 味道5   服務5   環境5   衛生5   抵食4

食過早餐後我地到Rozelle 區閒逛, 可惜個 flea market 無咩特別, 只係一個小地方俾區內人市將自己唔再鐘意既舊物拎黎擺賣, 我見無咩尋寶機會, 不於都係食下野好過, 哈哈~

糕餅師Adriano Zumbo 係澳洲甚至全球有播MasterChef既地方都爆紅, 佢意想不到既配搭, 大膽既用色都係佢signature, 黎佢既café 絕對係此旅程既其中一個亮點。

Adriano 係附近有兩間分店, 一間係Rozelle 另一間係Balmain, 兩區其實好近, Rozelle 區係一間有位坐既小café, Balmain店就只做take-away。我當然想好好坐底, 慢慢品嚐啦, 所以就先去café 。Café 既位置唔算好搵, 無左 GPS都唔知點算, 牆外有一大幅graffiti, 色彩好繽紛, 十分配合佢既風格,  入內發現店舖超細, 只有6至8個bar 檯式既坐位, 原來入面有個大工場, 用作樓面既地方變得好少。去counter 一睇, 好失望呀, 因為mini-cake 已經賣完, 只有macron, muffin同其他pastries, 唯有只攻 macrons啦~

Order左6件, 有情人節限定既雲尼嗱味, 外層包有朱古力既emo-macron, 美綠味, 青檸配薄荷味, 以及店員推介既海鹽焦糖味。

雲尼嗱味好真, 外型係心情 , 睇到都心甜, emo-macron可以揀公仔樣, 味道要咬開朱古力先知, 可惜我地食唔出係咩味, 美綠味好有創意而且造得好真, 材質既比例十分精準, 青檸配薄荷味好有驚喜, 好夾, 好清新, 至於係香港都成日食到既海鹽焦糖味反而變得無特別。整體既口感中規中矩, 無chewy既感覺又無一咬即散既弊病, 好在唔係好甜。

每人消費: 約15澳元 (下午茶)
評分: 味道4   服務4   環境4   衛生4   抵食4
再戰mini-cake ok喇2012-03-01
Grandma's soap
Grandma's soap
Ssnowmanorr
Ssnowmanorr

係心有不甘既心情下, 我叫老公車我去Adriano係Balmain既店, 澳洲既café同takeaway (或者賣食物既店舖) 一般都收下午4點, 好險我地4點前去到, 好彩仲有mini-cake賣。

食得太多, 太密, 我驚會食壞肚皮, 所以只揀左兩款買走。”Grandma’s soap” 名字得意, 外層一抹淡紫色, 好靘, 原來係薰衣草味既忌廉, 裡面係藍莓批而且仲有少少杏仁cream。藍莓批有好多藍莓粒粒, 酸酸地, 中和面層忌廉既甜味, 其他方面無大印象。

另外一個外型好似雪人既叫 "Ssnowmanorr”; 外層係 coconut crunch, 外面係荔枝加茶味既custard, 荔枝加茶味原來好夾而且唔係好甜, 幾清新。試完澳洲餅神既出品, 我發覺原來香港既甜魔好有福氣, 有好多比Adriano更好既選擇, 而且澳洲既糕餅一般size 較大, 我地兩個人都食唔哂, 有少少浪費, 可能晚餐食得太飽喇。
每人消費: 約25澳元 (其他)
評分: 味道4   服務4   環境4   衛生4   抵食3
籠內晚餐 笑臉2012-03-01
Mojito
Mojito
Sangria
Sangria
Squid
Squid
Reef & Beef
Reef & Beef
晚飯前特登到Darling Harbour行下,因為出發前做過功課,聽聞Darling Harbour附近呢間Blackbird既食物質素唔錯,一如試下。

星期日既Sydney較香港平靜得多,睇黎消費主意係澳洲並唔受歡迎,一般鋪頭唔會特別晏關門,食肆都無咩人幫襯。Blackbird位於二樓,雖然見樓下有好多食海鮮既餐廳,見到人地既seafood platter好似好好味,不過我都決定忠於我既選擇。

被安排坐好後,我地先叫杯野飲,酒係澳洲可能好平(甚至係必需品),兩杯drink都好大杯!!由於口不停,全程成日食野,我地只order一個appetizer及一個main course。個炸魷魚好好味,尤其係個汁,辣辣地,真係開胃,魷魚本身都新鮮。Reef & beef,包括一塊牛扒同一雙大蝦,兩者質素OK,可能食材本身唔差,無咩失手,但亦無驚喜。

係Blackbird望出去見到Darling Harbour呢個內灣,我地係度諗究竟香港有無類似既地方,最後既結論係無,硬要講的話,可能係尖東既海滂,不過望既都係維港但欣賞維港仲有好多更好既選擇,而且我估以家尖東海滂既食肆都搵到強國人士既足跡,我地仲可以安安靜靜咁一邊食飯一邊欣賞維港嗎?

 
每人消費: 約30澳元 (晚餐)
評分: 味道4   服務4   環境4   衛生4   抵食4
  0 個留言    |  加入你的留言
sharonangie
8篇遊記
罷工後機票大特價之旅 (澳洲)
(旅程日期: 2012-02-09 至 2012-02-17 ,  旅程性質: 消閒度假)
 整個旅程  (共7篇遊記)
 分享至Facebook 
發表日期: 2012-03-01
Bondi + The Rocks + The Harbour Bridge + The Opera House
breakfast egg roll
breakfast egg roll
tomato & sausage panini
tomato & sausage panini
Hot mocha
Hot mocha
第二日去Bondi區, 首先去住完宅區搵早餐食。呢度真係好靚, 好舒服, 好開揚, 真係無咩見過咁長既海岸線, 可以係度住, 我估人都開心D正面D~

M Deli 係我係類似"悉尼open rice" 既website搵到, 係一個小斜坡上, cafe 出面有好多小檯小櫈, 有人帶小狗黎一齊食早餐, 好多人, 好熱鬧~

好彩係cafe入面仲有位, 係cashier位置order食物, 拎走啤仔隨後侍應會幫手奉上~ Cashier個counter 櫃內有好多款色既三文治同麵包, 最適合我呢D麵包精!!

我叫左一個breakfast egg roll及一個tomato & sausage panini (正確名字無記低), 尋日無飲到澳洲既靚咖啡, 早晨時份又點會錯過機會, 黎一個mocha + latte先~

Order後, 侍應立即放底一支tap water加兩隻杯, 真體貼~ 香港都係咁, 就好喇~

Breakfast egg roll 最吸引我既一定係佢個hollandaise sauce, 好味呀, 不過係heavy左少少, 所以配一杯mocha就最正喇~ 澳洲既咖啡我覺得最impressed既係沖調既溫度 (60 - 70度), 暖暖地, 唔似香港一般出品咁熱, 好舒服~

個tomato & sausage panini都唔錯, 少少hot & spicy, 澳洲cafe內售賣既麵包通常都會有跟沙律, 呢個做法令到成個 presentation好好, 而且對食客黎講好體貼~

好食又滿意既早餐 set my good mood for the day~

每人消費: 約20澳元 (早餐)
評分: 味道5   服務4   環境4   衛生4   抵食4
名不虛傳 笑臉2012-03-01
Beef ribs
Beef ribs
Vanilla & Choco surprise
Vanilla & Choco surprise
"Never Closed"
"Never Closed"

晚飯時間終於黎到聞名以久既 Pancakes on the Rocks, 因為之前既景點都好快行完而且我地想避開唔排隊, 唯有早d食, 5點半就食晚飯, 唉, 無計啦~

侍應9成係亞洲人, 可見係餐廳做兼職係唔少留學生既選擇, 我估貼士多少少, 收入比較可觀。Menu選擇都幾多, 除左我地一般應為pancake 店要有既甜 pancake, 仲有crepe, 而且又可以用 pancake 配早餐常有既蛋, 煙肉, 腸仔等等。我見有個beef ribs 無食過, 係香港又唔多見有得食, 就叫黎試下,配菜跟薯條我地另外再order左cream cheese 同sweet & sour sauce用黎點。

個 beef ribs 幾好味, 少少軟身, 好易離骨, 可惜bbq醬唔係好夠, 因為太早食飯, 所以甜品都唔可以叫得太大份量但又想試多d花款, 唯有叫個一碟有齊原味(配雲尼嗱雪糕)及朱古力味(配朱古力味雪糕)既pancakes。Pancakes既 size十分適中, 外觀亦好完美, 厚度又剛好, 食落好有質感, 質地鬆軟, 確實名不虛傳, 唯獨原味有缺乏蛋香, 反而朱古力味pancake好有朱古力味, 唔錯唔錯。

每人消費: 約60澳元 (晚餐)
評分: 味道5   服務5   環境4   衛生4   抵食4
  0 個留言    |  加入你的留言