終於食到我恨左好耐ge草莓季啦!
自己要草莓法蘭奇 , 男友要紅豆波堤
草莓法蘭奇上面D果乾有少少酸, 但夾埋草莓巧克力就岩岩好!無令我失望呀!
紅豆波堤仲係咁煙un , 好味!

「壽山動物園」雖然位處高雄市壽山，但其實晌壽山東南方邊位，鄰近緊接著市區，所以交通相當之便利。原來，壽山動物園最早晌1978年成立於『西子灣風景特定區』，名為「西子灣動物園」，2年後因市政府想爭取中山大學設校，就將原處嘅動物園搬遷去現在嘅『壽山風景區』，所以都改埋名叫「壽山動物園」。1986年年中先完成園區內全部設施，隨後對外開放參觀，不過，個人感覺之前啲規劃有啲兒戲喎！

壽山動物園雖然佔地面積唔算好大，不過，園區內飼養咗成百多種來自世界各地嘅珍禽異獸，數量多達一千三百多隻，都算得上非常齊全，仲有啲稀有品種添，如台灣黑熊。而且，園區以多元化設計，有開放式（如「友禽天地」，以天網罩住上頂，所有雀鳥可隨意走動；或馬棚、羊棚）、半開放式（大部份動物區）、同封閉式（獅子、老虎、黑猩猩）。仲有，每個展區，都為每款動物製作介紹牌，各有故事，相當有寓教於娛樂嘅地方。加上動物園內仲有數百餘種嘅原生植物，所以令到「壽山動物園」環境更閒適！

上文介紹過打狗英國領事館環境真係幾正，而晌領事館側有個露天茶座，由Pu Lsate（舌尖舞芭蕾咖啡）經營，係度嘆番個英式下午茶，曬曬樹叢透下嘅陽光，望望海，望望山，幾賞心樂事呀！

雖然之前講到領事館個景點正點正，但露天茶座就縮晌一邊，景觀唔係咁全面，主要對住高雄市同旗津島，望正旗津渡輪站，不過，咁嘅景觀都好唔錯啦！但坐位你都要眼明手快，因為個場大概廿多張枱，只有近邊嗰6、7張至係揀手位，坐低都望到海，其他「內陸」位就當然差少少啦。之不過，整體個場都幾舒服，因為大樹好遮陰嘛，又架起咗太陽傘，唔怕有嘢跌落嚟。

講到食，其實唔單只嚟tea嘅，佢營業時間由朝到晚，選擇有風味餐點（如：義大利肉醬麵、和風咖哩雞腿飯……）、銅鑼燒、蛋糕、點心（如：東港鮮鮪魚捲、脆皮薯條……）、茶飲果汁（如：奶茶紅茶、有機鮮果汁、氣泡水……）、有機咖啡，所以話呢，食晏又得，晚飯開餐都得，得咗！

至於我同太太試嘅英式傳統下午茶，就只晌2:30om-5:00pm供應，TWD390一份兩人用，唔收10％服務費。傳統風格，三層架方式分層呈現，再配任何飲品兩杯，冷熱隨意，折番唔使港紙一百，有靚景睇，有嘢飲有嘢食，確係幾抵！

第一層（上層）：蛋糕加手工餅乾，而蛋糕三選一（重乳酪、提拉米蘇、黑森林），我哋揀咗重乳酪，即係焗嘅芝士蛋糕，質感就如同美國芝士餅，芝士打得頗挺身，芝味超濃；而手工餅乾係幾條朱古力餅乾條，唔算有咩特別。
第二層（中層）：時令鮮果拼盤，有哈蜜瓜、西瓜、菠蘿、提子、熱情果同番石榴（芭樂），都幾大堆頭！
第三層（底層）：一整份公司三文治，烘底麵包，餡料包括蛋、蕃茄、青瓜、火腿，用料較簡單。
老實講，整體食物唔算好突出，除咗件餅，其他只可用中不錯嚟形容。

反而，兩杯嘢飲又幾OK喎，一杯係熱嘅卡布奇諾咖啡，另一杯係凍嘅香柚綠茶；前者甘醇細滑、後者清甜有個性，正正各有所長。

小王子烘焙坊所賣嘅嘢都幾多元化，有歐陸麵包、特色麵包、西餅、蛋糕、手工曲奇……，應有盡有，仲以「精緻，天然，健康」製作忠旨。怪不得幫襯當日都唔少人買包買餅。

芒果慕斯蛋糕TWD55
長條形蛋糕，造型簡潔，牛油消化餅底，加一層芒果果肉，再上就係海綿蛋糕，面面唧出芒果忌廉花，簡單得嚟又見其心思，味道多層次，芒果果肉清甜，只係嫌佢少。

朱古力蛋糕TWD60
經典嘅朱古力蛋糕，黑朱古力來自比利時，以微微濕潤嘅朱古力蛋糕，配上黑朱古力同忌廉打做嘅朱古力醬，一層疊一層，再晌上面砌出朱古力裝飾，灑啲唂咕粉。味道苦甜而濃郁，柔軟而有質感，無可媲美嘅滋味。

丹麥酥麵包TWD75
見佢一磚磚金磚丹麥酥麵包新鮮出爐，一袋袋大概好似平時晌超市見嘉頓隻8片方包份量，只係賣TWD75，即係廿蚊唔使，真係撞鬼囉，抵食到咁。你晌香港出晒名嗰間博洛尼亞度買，都成十幾蚊先得一片，所以，順手買一袋走，拎返香港當第二朝早餐啦。雖然隔咗一日先食，但依然咁好食，外層丹麥酥外皮，酥香非常，裡面包身帶點嚼勁，烘番熱，搽點果醬，簡單而好味嘅早餐，雖然杯咖啡係三合一，但麵包先係主角，都無所謂啦！

另一間看旅遊書找到的，雖沒醉的小品般強烈推介，但也絕對推介大家一試。

在永康街附近，過了大馬路，轉入橫街，也要找一找才找到。不算很難，因為附近，幾乎都是住宅。

店裡賣的，都是預先準備好的，不是滷味，就是煙燻。

買了半只燻雞，實在很香，其實是想回港才吃的，但當時間在很香，忍不住吃了一件，當時的感覺，是很有煙燻香味，但卻偏咸了點。但沒想到拿回香港後，連香飯一起吃，味道卻剛好，實在值得推介。

另外還買了幾件素雞，這個不是不好吃，但就是不值得山長水遠帶回香港，即場吃就可以了。我還買了一件老爸喜歡的燻魚，個人覺得味道很不錯，不偏咸，也很有燻的味道。

最後看到一只只的滷蛋，實在也吸引，但吃不下了，還是留待下次吧。

一個月之前,不停地看看有關台灣旅遊資訊,當中當然留意台灣的民宿啦. 由於台灣的民宿真的太多了,想要揀一間又特別,又靚,又舒服,又有意義,有意思的,真的很頭痛,真的太多選擇了.

在七天的台灣旅程中,我住了台北市五日四夜的民宿. 打算其中三日兩夜是住在九份裏.目的都是想離開台北的繁榮城市,來到九份這一個偏遠離城市的地方,再散散心吧!

不知什樣,我對九份的民宿特別有另類要求,要求的,除了希望給我寧靜的感覺之外,也希望有一些得著回到香港的. 記得我在香港上網收集九份民宿資料時,剛好看見風爭博物館民宿時,也寫著,如在風爭博物館民宿住宿,可以免費參觀風爭博物館.見到這一段,真的很想來參觀一下,所以這旅程及景點也放在我今次獨個兒背包之旅行程的最後一天,讓我可以行程最後,拿著最多的得著回家.

很快地,今天是我七天旅程之中的最後一天. 今早,我已比之前早起了床. 起床的時間是8:30. 起床後便立即洗頭及梳洗之後,便馬上吃完早餐,之後便告訴風箏博物館這位職員帶我到他的風箏博物館參觀.

入住風箏博物館民宿,便可以免費參觀風箏博物館,我當然不會放過這個機會啦.

 相信,如果我來台灣之前沒有充足的時間讓我搜集資料,相信我也錯過了今次的機會.

風箏博物館有兩層, 當我一看見他的風箏博物館我不敢”嘩一聲”.


一樓是展覽國外的風爭,二樓是展覽中國風爭區.

看看他的風爭,真的栩栩如生,十分生動,也有來自很多不同的國家,很多都是參加比賽後,他的老爸主動要求不同國家的參選者把風爭買回來,很多風爭都有不同的意思. 起初,我還以為半個小時內可以參觀完風箏博物館,詁不到聽他的用心介紹每一個風爭的內容故事,加上我又問問他的東西,談談天都已經接近兩個小時了. 

原來,風箏博物館不只是給旅客,民宿裏的住客參觀,還有學生校外教學導覽,對外風爭表現,自學風爭DIY......

走的時候差不多12:00了. 我走的時候還和他談了10多分鐘,最後他還教我不用再轉車搭台鐵回台北,只需在上面路口搭回基隆巴士便可. 所以最後我也是直接搭基隆巴士回台北捷運站.

記得第一次吃港記，是那芝士蛋糕條，香濃的芝士味，真的很令人回味。心想下次來台北，也必定要買回港做手信。

上一回來台北，找到了港記，卻沒想到留貨。心想去買完其他東西再回來，也不算太遲吧！怎料再回來，芝士蛋糕已經售罄！只是短短一小時，原來芝士蛋糕是每日有限額的！

今次醒目了，一早已經找老闆娘留貨，說下午回來取，老闆娘是香港人，很健談，也很幫忙，試吃當然少不免！

還有港記的鳳梨酥也是很不錯，牛油味香但不會很膩，傳統鳳梨酥我比較喜歡這裡和維格呢！

上一次來台北，在永康街鼎泰豐和高記之間，選了鼎泰豐，因為剛巧不多人。但吃了那一次，完全覺得不外如事，還連香港鼎泰豐都不敢試。

今天，在忠孝復興，竟然偶遇高記，沒想到原來開了分店！心想今次來台北沒吃過小籠包，就算肚皮很飽，也試試吃吧！

正值下午茶時間，但原沒店裡沒分下午茶，且大部份都是一客十隻，兩個人實在是吃得有點吃力。所以，我們就好像包場一樣，大部份時間只得我們兩人。

原盅土雞湯湯頭鮮甜無味精，土雞也料多，但正如女友所說，好味還好味，但香港，甚至家裡也能煲到。

原味小籠湯包皮薄多汁，夾上來不易穿，老實說，比鼎泰豐好多了，而且這一間高記只是分店，更加令我想到總店去吃吃看！

最驚喜要數上海鐵鍋生煎包，侍應強烈推介，圓圓的十隻連鐵鍋上，可以慢慢等一下，讓皮面慢慢自然煎香，皮子軟熟，中間的豬肉不過熟有肉汁，果然無介紹錯，甚至覺得比小籠包更有特色呢！

雖然價錢貴了點，但我喜歡高記更多於鼎泰豐，是不是所有店變成遊客區後都會變成宿命呢？

抄少少網上嘅介紹資料俾大家睇睇先：「旗后山頂上的旗津燈塔，又稱高雄燈塔，是台灣少數僅存的清代燈塔之一。建於西元1883年，是台灣本島上的第二座燈塔（第一座為屏東鵝鑾鼻燈塔）。1918年整修過後，塔身為磚造八角形白色建築，黑色圓形頂，高15.2m。」

由碼頭行過嚟，計埋上山到燈塔，大概預20min左右。不過，通往旗津燈塔嘅路隱身晌老街、巷弄內，啲指示被人塗鴉得唔太清楚，不過一般都搵到上山條路，因為山腳有大大個嘅圖形牌。燈塔位處旗津島嘅盡頭，一眼望晒成個島係點，而最正係晌眺望台上可以盡覽台灣海峽、高雄港、柴山、西子灣美景，以及近距離望到進出港口嘅大型船隻，景致真係一流。我哋仲晌燈塔旁嘅樹下吹吹風，幾鬼寫意，係差咗杯凍啡同件cake啫。

此外，燈塔園區裡其中一幢建築物開闢為小小博物館，有燈塔園區模型，燈塔嘅不同景觀相片及一啲相關物品嘅展示，所以，絕對值得一遊。

夜市就唔一定凈係食，瑞豐依度仲有玩嘅（懷舊玩意彈波波贏獎品）、買嘅（衫褲鞋襪、流行飾品），商品五花八門。不過，檔口雖多，但就過於擠逼，所以，總係人山人海，還好嘅係嚟到嘅人都頗有秩序，唔會左推右擠，算係好有氣氛，非常熱鬧。

無數過有幾多檔小食，總之就多，粗略斷估都上百檔，就係唔知點抉擇，真係心緒交戰。反正小弟食乜都無所謂，重任就交晌老婆手上，由佢發辦，我俾錢。

食過以下幾款，未必係最好，只係想食就想嘅決定：
日式鹽燒雞腿 - 慢工出細貨，等好耐，拎住個籌食完一兩樣嘢返去攞都未遲。TWD40一串，雞肉燒我鹹香惹味，肉質都唔錯，只係唔算太特色！
水煎餃 - 水煎變奏，餃底香脆，肉餡OK，此外就唔算有咩特別。
鹵味大雜會 - 色澤頗深，滷得入味，而無過鹹。
鮮果汁 - 飲嘢晌台灣永遠係最抵，真才實料，睇住佢落，又夠晒大杯喎。芭樂汁（即係番石榴）TWD25、芒果汁TWD30，前者味道帶酸，冰凍醒神；後者味道鮮甜，濃郁果香，正呀！

仲有好多嘢想試，但老婆話夠皮，而且都成十點幾，就咁算住先。

想也沒想過的沒想過的杏仁豆腐專賣店。

在香港，就連在甜品店／街邊檔也不易找到杏仁豆腐。杏仁豆腐的記憶，還殘留著中學家政堂，女生們弄的，再分給男同學的出品。杏仁豆腐，可說是家政堂的必修科。

兩口子回到西門，先在這裡買了杏仁豆腐，是準備在酒店吃的，不坐著吃，除了想先吃正餐，就是因為累。

說句老實話，實在累的不得了。一整天的拍照，除了感覺像明星，伴隨著開心的，就只有累的感覺，自己也不期然對吃娛樂圈這行飯的，原來賺的也是辛苦錢！

早點回到酒店梳洗，也為了明天的行程，早點保留體力。

這裡的杏仁豆腐，包裝實在精美。一盒小小的豆腐，再有另一包杏仁漿汁，吃的時候才倒進去。包裝上有寫杏仁的好處，不說真的不知。當然，信不信由你，因為始終是加工品。

吃一口，實在是意想不到，兩口子不期然齊聲說了一聲『好味』。的確，豆腐滑，杏仁香，不太甜，新台幣$45，價錢合理。

比起家政堂的回憶，這個比自家做的好吃多了，哈哈！