終於食到我恨左好耐ge草莓季啦!
自己要草莓法蘭奇 , 男友要紅豆波堤
草莓法蘭奇上面D果乾有少少酸, 但夾埋草莓巧克力就岩岩好!無令我失望呀!
紅豆波堤仲係咁煙un , 好味!

永康刀削麵開喺小巷 , 唔係有旅遊書ge話 , 真係唔會留意到呢間野

當晚無咩遊客 , 只係得D街坊幫襯

炸醬麵(大) NT75

一個人食ge話 , 細就應該夠

炸醬味道唔係好特別

刀削麵硬左D , 好似未熟咁

唔多鍾意呢度D麵ge質感

試過一次就夠, 唔會再食><

返到西門町十點幾 , 見Mister Donut仲未收鋪 , 即刻入去買兩個做宵夜!

因為就收鋪 , 所以得返唔係好多款><

白可可巧克力波堤NT35

巧克力波堤好煙un

面頭ge白可可好甜 , 但成個donut食就岩岩好

草莓歐菲香NT35

歐菲香望落好似好乾咁 , 但原來唔係

食落有D似蛋糕 , 幾有蛋香

加埋草莓巧克力醬 , 酸酸甜甜 , 好味!

新鮮出爐應該會更加好食!

上次黎台灣無食到 , 今次一定要食呀!

其實喺永康街已經食到好飽 , 但因為好想食 ,所以都係忍唔住買XD

呢晚雖然落住雨 , 但仲有好多人幫襯D街邊檔 , 好熱鬧!

成個西門町有幾檔許記蔥抓餅 , 唔知有咩分別 , 揀左最多人幫襯果檔

原味蔥抓餅加蛋 NT35

落左order之後 , 就會喺膠袋度拎舊麵團出黎

用部機壓一壓 , 然後就攞去煎

煎到咁上下就會拍隻蛋落去

等五分鐘到就有啦!

拎到返酒店仲好熱!

蔥抓餅好香脆 , 勁好味呀

特別係個醬呀 , 同個蔥抓餅好夾呀!

PS 一定要加蛋 , 加左好味好多架!