以往好少花時間晌酒店啲設施上，酒店只係俾小弟瞓一覺嘅地方，但既然今次係輕鬆自由行，就要玩得輕鬆舒暢，唔好為景點趕趕趕，尋晚又瞓得咁好，就晌酒店游個早水，真係好彩有落一落嚟咋，如果唔係就走寶。

Hard Rock個泳池唔係標準嗰款直身長方形嘅泳池，係好休閒、好渡假感嘅一個圓形小泳池。泳池設計好特別，水深係分兩層，中間係較深嘅部份，不過都係1.2-1.3M左右，供人游水，加埋一啲吹氣道具，啱晒細路仔；外圍圓週就只得0.2M左右淺，但放滿晒籐椅，曬住太陽又輕軾浸住水，感覺真係好爽。此外，泳池一邊仲有個人造沙灘，同樣放有好多籐椅同太陽傘；另一邊就有個沙灘排球場，如果識打排球可以晌度一展身手。而且，泳池尾還有個poolside bar，坐晌籐椅嘆杯嘢又得，直情坐住吧位對開水池中嘅石凳都得。可惜晨咁早，未有服務提供。

游完水都仲有嘢玩，就係泳池隔離有個大型按摩池，衝擊力強勁，池水係熱嘅，被佢「衝擊」一陣，真係消除到肌肉嘅繃緊，最可惜係依家先發現，如果早知，尋晚已經預番早少少時間返酒店「衝擊」下！

上次行色匆匆，嚟到大利來記見超長人龍，就無試。今次住得咁近，當然要嚟會一會佢啦，其實睇食評都知到佢劣評如潮，但唔試過又唔心息，就等小弟犯賤下啦！

差唔多11:00am嚟到，唔算多人，同當日嘅超長人龍不可同日而語。瞄瞄餐牌，就晌推介嗰張餐牌度揀晒。因為招牌硬豬仔包要晏晝3:00pm先有，所以就點咗豬扒菠蘿包、豬扒甜餐包、一份咖喱魚蛋、一杯凍啡同一杯青檸柑桔蜜，一共MOP95，感覺有啲貴。

豬扒菠蘿包 MOP20、豬扒甜餐包 MOP20
豬扒菠蘿包同豬扒甜餐包係佢哋嘅新推介，有個疑問，究竟佢哋有無試過依個配搭呢？其實，個包都幾大個，豬扒肉質鬆軟又醃得入味，煎得都幾香，但係一夾埋個包一齊食，無論係菠蘿包，抑或甜餐包，包嘅甜味同豬扒嘅鹹香，係絕對唔襯囉！加上依兩款包係軟身包，一「扲」就會扁晒，唔曉得彈番起，尤其菠蘿包更甚，好影響口感，因為件豬扒都要用少少力咬，結果就一咬包身扁埋變咗糰粉！

咖喱魚蛋 MOP22
一客有8粒魚蛋，個人覺得好普通咋喎，魚蛋唔算話好差，只係無咩亮點，無話好彈牙，又無話好有魚味，總之就係普通啦！咖喱，講到係秘製，散買仲收到MOP80樽，小弟只係覺得有咖喱味，但無層次嘅香啫。

凍啡 MOP13、金皇蜂青檸柑桔蜜 MOP20
睇人寫佢無禮貌都略知一二，今次招呼就無乜嘢。相反，杯青檸柑桔蜜收到成MOP20，勁俾足料呀，老婆話第一口飲落，真係甜到爆，飲幾啖再叫人加番啲水溝溝先易入口。

我同太太都鍾意大自然景色多過金雕玉砌嘅景點，所以，就特別揀咗過嚟澳門第一個郊野公園「石排灣郊野公園」行吓，呼吸吓多點新鮮空氣。

由氹仔過嚟好快，搭巴士幾個站就到。面積雖則話約20公頃之大，但除非你行埋佢啲山徑，否則主打動植物公園部分唔係好大，個幾鐘都行晒。

園內設施都幾多樣化，有動物園（鴕鳥、山羊、獮猴、天鵝…）、趣異植物園、藥用植物園、觀鳥園、土地暨自然博物館（澳門農業同自然地理嘅濃縮版介紹），梗唔少得係2011年初先開放嘅大熊貓館及大熊貓資訊中心啦。基本上，石排灣郊野公園係免費開放，但大熊貓館就收費MOP10。當然唔係好多旅客願意嘥時間嚟依啲地方，但帶有小朋友嘅，就好應該帶佢哋過嚟行吓，親親大自然喇。

去到路環，逛過路環市區，搵個海堤旁樹陰位睇睇書，原來都成2:30pm，係時候下午茶去，一心一意想去安德魯花園咖啡餐廳嘅，同樣目標清晰。

下午茶時段唔算多人，唔使點等位就有得入。環境有啲逼，啲枱拍得無乜位行，被安排最埋牆嘅二人枱，感覺上冷氣有啲唔夠。幸好食物仍有水準，否則就要俾個喊面佢！

葡撻MOP8
依度嘅葡撻唔係即做，係附近街嘅老店做，再拎過嚟。有位落單先再放入焗爐輕輕翻熱，所以，效果應該會打咗折扣。

泰式雞肉沙律 MOP42
晌安德魯食泰式沙律，都算有少少破格啩。不過，唔好理，個泰式雞肉沙律確係正，有芹菜、青瓜、紅蔥頭、蕃茜、車厘茄，以及好多雞肉，配以魚露、酸醋，非常醒胃，啱晒今日咁大熱天時食。

木瓜奶昔 MOP20、紅蘿蔔蘋果汁 MOP18
木瓜奶昔好大杯，食唔飽都可以飲飽。雖然木瓜好夠，但質感比較水，可能加奶或雪糕加得少，而且唔夠凍，要問侍應再加加冰先OK。相反，老婆杯紅蘿蔔蘋果汁正好多，飲落紅蘿蔔同蘋果嘅味道比例50/50，好平衡，無話邊個搶邊個味！

栗子芝士餅 MOP18
咁嘅價一件芝士餅，真係好抵吓。栗子味勁重，相對地芝士味就比較薄，而且餅身口感稍為實咗啲，唔係擺得耐嗰種「硬」，覺得係魚膠落得多出嚟嗰種「實淨」，欠缺咗芝士餅一向嗰個柔軟感。

之前都未有認真考慮去睇太陽劇團依個表演，但啱啱遇到佢做推廣，除VIP票價（MOP1,288），原價成人一位由MOP388-MOP788，都咪話唔平，但依家推廣價最平只係MOP188咋，足足平一半有多，但只限星期六、日5:00pm嗰一場，其實時間仲啱我啦，反而睇8:00pm場次仲要搞到好夜先返到香港，結果，睇ZAiA就成為晌澳門最後嘅娛興節目。

ZaiA（薩雅）係一個少女嘅太空旅行之夢，個故事講到好玄，雖然睇落唔太覺得啲場景同個故事好有串連（可能小弟嘅領悟力低），但當中穿插好多獨特嘅舞蹈、創意嘅動作、飛行嘅特技同一啲輕巧嘅表演，足見70多名來自世界各地演藝家嘅真功夫。再配合燈光、音效，極盡視聽享受。全個表演大概90-100分鐘，無乜冷場，都可謂值回票價，絕對值得一睇。

由於掛住睇，現場又唔俾影相，所以無相提供參考，但可以去佢個網址細閱，小弟就掃描咗當日張飛以作留念！

嚟瑪嘉烈故然因為佢個名夠晌啦，雖然都唔有少劣評，但好評都佔一面倒，況且心想都只係試個葡撻啫，蝕得幾多丫。

係殷皇子大馬路轉入小巷就見，好易搵，人氣即係人氣，一望已十多廿人排緊隊，但流速快，因為個個都係買一兩件嘢就走。

好老實，佢哋嘅葡撻確實唔錯。首先葡撻去得快，自己個個手接住都熱辣辣，新鮮出爐嘅已佔咗少少優勢；其次，酥皮很鬆化，咬到一袋都係酥皮碎，又好有牛油香，因為無試過安德魯嘅，無得比較；蛋心方面，好軟滑，質感有啲似食炒鮮奶咁，不過覺得有少少偏甜，而撻面嘅焦香亦拿捏得不錯。只係$8一個葡撻，著實有啲偏貴。

撻雖好，但服務態度就欠奉喇。開始排到入鋪，舉起相機已鬧定你先：「依度唔俾影相架！」。去到買嘢位，如果你遲咗少少反應，佢又話你：「想要咩，快啲講先得架！」好彩唔係晌度食餐飯對佢哋成個鐘啫。

以往都好少去啲觀光塔，難得近近哋澳門有個，加上晌油麻地旅遊見到個套票「旅遊塔下午茶套餐連58及61觀光層門票」，都係HK$120位，因為事前睇過澳門旅遊塔本身觀光門票都要成舊水，就算同樣經油麻地旅遊買，都要HK$75，所以就諗住俾多少少可以晌60樓嘅旋轉餐廳嘆吓茶。

塔身最高處達338米之高，而觀光層分別晌58樓（室內觀光層223米）同61樓（室外觀光層233米）。以玻璃子彈升降機，僅1分鐘時間左右，就可以攀升到塔內主要觀光層，於觀光層可遠眺四周，飽覽澳門半島、氹仔，以至珠海，一覽無遺，今日天氣幾好，陽光充足，無霧無煙霞，所以睇景一流，賞心悅目！

最有趣係晌58樓觀光層，有數段地板以特製玻璃舖設，可以直望到地面，令人有一種懸空嘅感覺，雖然明知係安全，但初時踩上去都有啲心慌慌，哈哈，老婆試咗好多次都係無唔敢踩上去。而61樓觀光層設有一系列挑戰膽量嘅冒險刺激活動：健力士世界紀錄最高的「笨豬跳」、「高飛跳」、「空中漫步」或「百步登天」，小弟年紀唔算大，都唔係好敢玩，或者有一大班老友同行壯壯膽可能唔同啲。雖然無玩，但睇人玩都多少感受到嗰份刺激同興奮。

初時買油麻地旅遊依個套票時，「旅遊塔下午茶套餐連58及61觀光層門票」，價錢HK$120位，個名係寫住「下午茶套餐」，加上比淨買觀光層門票俾多幾十，當期時啲食評又無乜人講過佢個下午茶套餐，所以一心諗住佢個下午茶套餐應該係一份三文治、蛋糕之類，再配杯熱飲。就算去到旅遊塔等lift時，見佢有個「下午茶套餐」廣告牌，寫住High Tea Set，有晒相，都仲係半信半疑，因為個High Tea Set成人每位就收MOP148+10%喇，我個套票邊有咁數呀？

準時上到餐廳，都未係好有人。登記好，安坐，好快侍應就送上食物，依刻仲唔嘩嘩聲咩，睇到我同老婆都眼突，原來個所謂「下午茶套餐」真係廣告牌上嘅High Tea Set嚟，完全會錯意呀！更喜出望外嘅係，除三層架嘅食物外，仲額外有另一碟嘅小食同甜品。我哋俾個套票價，真係連個下午茶套餐嘅價錢都未夠啦，兩公婆都覺得抵到暈呀。

無諗過個下午茶完全係兩回事，所以有少少打亂小弟部署。原先諗住食個下午茶半粒鐘內就走，但既然今日天朗氣清，又對住一大份High Tea Set，就決定慢慢嘆，由3:30pm嘆到5:00pm收場，邊食邊睇景，間餐廳慢慢轉，就鳥瞰澳門唔同景觀。

餐廳環境同景觀就一流架喇，靠窗全是4人枱，排得又唔密，絕對坐得輕鬆舒服。落地大玻璃，又身處二百多米高，景觀無遮無擋，飽覽無遺，因為樓上就係61樓室外觀光層，久唔久就見有班人玩「空中漫步」經過。

食物方面，三層食物架，分別有十多款食物，款款兩件，絕對同老婆唔使爭。最下層有：朱古力曲奇、紅桑莓蛋糕、芒果奶凍、迷你士多啤梨果撻、士多啤梨林明頓；中層有：迷你燒牛肉漢堡、蟹籽煙三文魚雪糕筒、迷你泡芙、壽司卷；而上層係多款新鮮水果；至於另一碟嘅係印度烤雞、咖喱豬肉卷、炸三文魚球、奶皇糯米糍，啡茶任斟。當中有幾樣嘢有較深印象，好似士多啤梨林明頓，中間加咗士多啤梨林果占做餡，味道鮮活咗；蟹籽煙三文魚雪糕筒，內裡加咗牛油果芝士醬，感覺濃郁；印度烤雞，香料頗入味；咖喱豬肉卷，皮薄口感鬆脆；炸三文魚球，醮咗黑白芝麻脆炸，味就層次豐富啲！相反，芒果奶凍質感較為削身；而迷你燒牛肉漢堡個包身有啲硬。整體質素算屬於中上，兼且食得飽飽，所以晚餐就順延晏啲先食喇。

松山纜車就晌二嚨喉公園入口處，連接東望洋山山頂位，係澳門唯一一個纜車系統，1997年落成啟用，全程186米，只得個1分多鐘嘅途程，非常短，有可能係全球最短嘅纜車。而車廂細細好得意，話就每架供4個人坐，但坐晒就覺有啲逼。都未睇得徹周圍景色，位都未坐暖，就到咗頂喇！

松山有兩個公園，山腳就係二龍喉公園，山上就係依個松山市政公園。整個區域話大唔大，話細唔細，晌度有出名嘅東望洋燈塔（中國南岸最古老嘅燈塔）、聖母雪地殿小教堂，仲有一座古舊炮台、松山防空洞展示廊，又有大型露天劇場、小型足球場、回力球場（不過睇唔明點玩 =.=!）、多款康樂器械（又幾好玩架喎），真係估唔到山上有咁多嘢喎。此外，唔少得係依度景觀廣闊，另一鳥瞰澳門全市靚位之一。

不過，有樣可惜，就係求先晌360 café嘆得耐，再嚟到東望洋燈塔就閂咗門，無得入去睇燈塔同參觀聖母雪地殿小教堂。行完松山市政公園，可以沿石級落山，松山算係城市綠洲，係輕鬆散步、呼吸一下新鮮空氣之選，再順路逛埋二龍喉公園。

二龍喉公園，只係順路景點。賣點唔太多，只可叫做澳門半島依邊唯一放有動物園嘅公園，但其實動物不多，飼養咗多款哺乳動物、雀鳥同爬行動物，較特別咪有受保護動物，如黑葉猴、黑熊、獼猴等。驟眼所見都係附近嘅居民上山打吓波，行吓公園，跑吓步，無乜遊客到。

二龍喉哩個名來自公園門口嘅兩個獸頭噴泉，前身係個荒丘，後來成為早期澳門總督嘅官邸，1931年因附近嘅火藥庫發生爆炸，做成多人傷亡，而建築物又受損。結果富商何東購買咗部分土地，闢為公園，故又稱為何東花園，其後在公園擴建時再將此地贈予政府。澳門總督遷出後，庭園開放埋供公眾遊賞，並於1959年改建成公園，其後再晌1996、1997年擴建為依家嘅模樣。

澳門有好多葡萄菜館，上次去澳門未有機會試到，今勻就揀定幾間心水，全部都無訂枱，視乎時間同玩到去邊區。最後，就決定去試吓晌大堂街嘅Restaurant Escade，位置就在郵政局後面上梯級，唔難搵。

今日係星期五，都幾旺，由於無訂位，要多等半粒鐘，啱晒啦，因為晌360café食咗個好飽嘅High Tea Set，係估唔到咁飽，所以已經將食晚飯時間推晏啲，再等多陣都無妨。

之前已晌openrice做咗少少功課，所以點菜時雖睇勻個餐牌，但查實心裡有數，都無乜懸念。

紅酒雜飲 Sangria 0.5L/MOP78, 1L/MOP148
澳門好多葡國餐廳都無免費開水供應，依間都無例外，所以索性先嚟半公升Sangria。我都係第一次飲依種葡式雞尾酒，本身小弟同太太都唔係好酒之人，可以飲，但唔多，而半公升大概倒到5-6杯（以每杯為半杯份量計），所以今晚都叫飲大咗，但因為隻酒係由紅酒再加啲蘋果、橙嘅果皮果肉，酒味少許濃，味道帶甜，易入口，真係唔錯唔錯，值得一試，所以清晒半公升Sangria無難度。

檸檬炒蜆 MOP95
炒蜆堆滿一大碟，份量頗大無呃秤，雖然蜆隻唔算好大，但感覺蜆肉肥厚、鮮甜無霉無爛，無乜死蜆，食落亦唔覺有沙。以檸檬同炒，所以蜆肉帶有一朕檸檬清爽鮮香，我哋連汁都唔放過，以麵包醺嚟食！

葡式焗鴨飯 MOP128
另一滿意嘅菜式，上枱時個賣相平平無奇，飯面就只有兩大塊煙肉、兩片葡式肉腸、蕃茜、黑橄欖而矣。但一滔起個鴨飯，真係禾稈冚珍珠，飯裡面鴨肉多到不得了，啖啖都有鴨肉絲，而且個飯又焗得夠香夠乾身，確係意外咁好食。唔好睇佢好似細細缽，查實份量可不少。

整晚食物好好味，環境亦都一流，餐廳設於一幢舊樓之中，樓高三層都係餐廳。內裡裝修古雅，一室潔白，懷舊吊燈，加上昏黃燈光，實在幾有氣氛。美酒，佳餚，浪漫情調，為今日行程畫完整美句號。

位於澳門新濠天地嘅Hard Rock Hotel，屬4星嘅精品酒店，由於係獎品關係，所以可免費晌度住番一晚，舒舒服服瞓一覺，感覺真係好正。

酒店嘅客房類型大致分為標準大床客房、標準雙人客房、雙連標準客房，除基本設施外，房內還配有多功能iPod播放器、視頻點播系統、視頻遊戲……等服務，當然，衛星電視頻道、吹風機、免費寬頻、無線上網依啲增值服務就唔使多講啦！

另一亮點係房間幾大吓，我住嘅係1673號房（雙床房，實質房租要成千三、四），一入門口左邊係超大入牆衣櫃、小酒吧，右邊就有個迷你吧台，放有兩張高腳凳，坐吓飲杯嘢都不知幾爽。話就話係雙床房，房中嘅單人床同我屋企張雙人床差唔多大咋，真係瞓4個人都得呀！房尾仲有一張復古風格嘅梳化，好鬼好挨啫。個房真係好鬼大，放咗咁多嘢，都仲係覺得啲空間好寬鬆。雖然有落地大玻璃窗，但我住嘅房就無乜景，對住新濠天地同澳門君悅酒店，其次就係路氹啲爛地盆。

洗手間都好正，乾淨企理，同樣設備齊全，紅啡配搭，好夠型格。不過有個大疑問，沖涼房同廁所係分開嘅，其實咁設計都無問題，有時仲有啲方便，但奇在廁所無洗手盆，咁去完開大又好，開細又好，點都要洗洗手啩？

去到湖南,沒有一餐是有全雞吃的,就算是有,是將雞切得很碎.

淩晨一點多才拖著行李,因為旅遊車不能駛進鳳凰古城裡頭,沿路一直走,看見在城門外有很多的小食攤檔,很熱鬧.但進入城內之後,就沒有攤檔了,所以會變得很寂靜.放好行李後,大約2點多我們由旅店出來,可惜有些攤檔己走了,留下一大堆的垃圾.有小部分還在營業.

吃早餐的地方在旅店旁,早餐有粥,有米線,有饅頭,米線和粥是任吃的,味道不錯

吃完早飯,便遊古城.

鳳凰古城位於湖南西邊,建於清康熙時，因有一山酷似展翅而飛的鳳凰,古城因此而得名.

鳳凰的風景將自然的、人文的特質有機融合到一處，小到城内僅有一條像樣的東西大街，可它却是一條綠色長廊,是一個以苗族,土家族為主的少數民族集縣.

街道上有林林種種的店舖,有賣銀器的,有賣奇異果干, 腊肉.有些店播著同一首音樂,裡面的人利用鼓,拍著一樣的節奏,挺有趣的.

原本要自費148元的景點,包括沈從文故居,熊希齡故居,東北門城樓,沱江泛舟,楊家祠堂,萬壽宮,虹橋藝術樓,崇德堂,陳寶箴博物館等等.導遊說可以省回,因為裡頭的都是看看枱椅,沒什麼特別,反而留些時間看古城還好.所以省回了這筆錢.

行古城,到差不多到集合時間,看見有竹桶飯,便買來一個大家試(竹桶飯8元),竹桶飯很熱,打開來沒什麼香味,而味道也沒有去桂林時那裡的竹桶飯好吃,但勝在夠熱,也算不錯了.

而臨走時,還打包了一隻叫化雞.承惠50元

袁家界名稱相傳來源於後唐時期，黄巢起義失敗後，朝庭為彻底肅清亂黨，四處張榜，捉拿義軍。當時黄巢手下有一名將士，姓袁，為躲避追捕，便來到這遠離人世的深山野嶺——青岩山隱居，他在這裡結廬為舍，墾荒種粮，井以自己的姓氏為這裡命名，起名“袁家界”。

遊袁家界要自費乘坐百龍天梯上山,來回費用為人民幣112元,由張家界百龍天梯旅游發展有限公司投資建設，1999年9月動工，2002年4月竣工井投入營運，歷時三年，耗資1.8億元人民幣，因“世界上最高、運行速度最快、載重量最大的觀光電梯”而被載入健力士世界紀錄。電梯垂直高差335米，運行高度326米，由154米山體内竪井和172米貼山綱結構井架等组成，採用三台雙層全暴露觀光電梯并列分體運行，全程僅需要118秒，被譽为“世界第一梯”。

乘坐百龍天梯時，可以欣賞又一處張家界十大绝景之一——神兵聚會。神兵聚會位于百龍天梯正對面，由四十八座相對獨立的石峰組成，是當年土家族的起義領袖向王天子率兵起義的地方，所以被稱為为四十八大將軍岩。在神兵聚會的山頂上，有些散落的小房子，那里居住着當地的土家居民，他們世世代代在山上耕種生活，繁衍生息，所以有着“空中田園”的美稱。

　十里畫廊廊長5公里，有奇峰異石、千姿百態、象一幅巨大的山水畫，進入十里畫廊沿途有轉閣樓、壽星迎賓、採藥老人、夫妻抱子、三姐妹峰等景點。

走十里畫廊可以選擇步行,來回大約個半鐘,或可以乘搭觀光小火車,來回40元,單程30元.

夢幻張家界是一場集於風土人情,雜耍,於一身的表演.

火是土家族敬仰的神靈，是他們對付野哭的重要防衛工具。在與火相伴的日子裡，他們練就了抗火的神奇本領。男表演者赤著腳，用火燒熱的鐵片,用腳踩著,之後還背上一名女士再次表演，腳板上却没有任何損傷;三人合一的功夫更是讓人叫絶。兩人騎坐在一人的身上，同時吹响蘆笙，最下面的人一邊慢慢轉身，一邊使勁跺腳，他腳下的啤酒瓶碎片不斷發出咔嚓咔嚓的碎裂聲。

　土家族非常重視哭嫁，新娘出嫁，一定要哭，并有“不哭不發，越哭越發”的觀念。土家族把哭嫁的水平作為女子才能和賢良與否的標準，能出口成章、女子哭得越好，在婆家就越有地位。

除即將出嫁的姑娘自己哭外，親人及女友同伴也要陪哭，陪哭的人也要有一定的水平和經驗。哭嫁已經成為土家人一種别開生面的祝福和歡送

 是值得一看的.

看完夢幻張家界,回到酒店旁,看看有什麼好吃的,一嚐當地的美食.

看見有2間店,看第一間,便進入去看看,感覺還不錯,就選定這間店,4個人選了4餸1湯,4款菜式包括淮山炒瘦肉,腊肉香腸炒大蔥,和2碟炒菜,味道不錯,而三鮮湯就比較一般,沒什麼味道.

金鞭溪位於張家界，因流經金鞭岩而得名，全長5710米，金鞭溪沿綫是武陵源風景最美的地界，從張家界森林公園門口進入後，往前步行300米左右就是金鞭溪的入口。主要景致有醉羅漢、神鷹護鞭、金鞭岩、花果山、水簾洞、劈山救母、千里相會、楠木坪、水繞四門等。

最著名的莫過於“劈山救母”。這緣於一個古老的傳說：一个叫沉香的孩子，他的母親因觸犯天條被壓在了山腳。小沉香為救母親，苦練本領，最終用利斧劈開山峰，救出了母親

一路走的時候,原來這裡有很多猴群,可能有花果山齊天大聖在這看守著.

導遊跟我們推介黃石寨,因為張家界有鬼斧神工的自然風光，而一句“不到黄石寨，枉到張家界”.

這一句沒錯呀,因為一路乘搭纜車上山,一路欣賞窗外的雪景,上到黃石寨,更發現雪從天上降下來,每個團友都顯得很興奮,到處拍攝留念.

黃石寨亦名黄獅寨，原名黄氏寨、黄絲寨。位於森林公園西部。相傳漢留侯張良隱居此地受難被其師黄石公搭救，故名黄石寨。黄石寨位于森林公園中部，為一方山台地，海拔1080米，是雄偉高曠的觀景台。

基本的團餐,但這餐味道已算不錯了,尤其酥炸魚仔.

土司城景區總佔地地面積80餘畝，總投資7500万元，土司城原為永定土司城，是一座古老的土家山寨，土司城内有醉人的土家攔門酒，神秘的土家祭祖活動、土家歷史文物展示、土家民俗演出,我們當天就看過雜耍和哭嫁2個表演.

這是第五天最後一個景點,因為要趕著搭高鐵回廣州.

爱晚亭，位于湖南省岳麓山下清風峡中，始建於1792年，名字來源於杜牧的《山行》。與醉翁亭、西湖湖心亭、陶然亭并稱中国四大名亭，是革命活動勝地，為省级文物保護單位。亭形為重檐八柱，琉璃碧瓦，亭角飛翘，自遠外觀之似凌空欲飛状。内為丹漆園柱，外檐四石柱為花崗岩，亭中彩繪藻井，東西兩面亭欞懸以紅底鎏金“爱晚亭”額，是由當時的湖南大學校長李達專函請毛澤東所書手迹而制。

岳麓山除了愛晚亭外,是一個大型的墓園,裡頭都是名將或列士的墓園,包括出名的蔡鍔都是葬於這裡.

酒店外觀OK，傍海依山而建，有居高臨下的景緻優勢，唯到市區要轉車有點不美。房間算整潔寬敞，有海景，服務生態度尚可，只從口袋給了幾塊"港幣"，見諒!哈哈!看看貴賓樓那邊，感覺比較豪華，亦多了一個有高貴氣派的無邊泳池，一目舒泰。

到了山下走一趟，大東海沙灘名不虛傳，有不少沿海酒吧和餐廳，打响頭炮跟內子吃了一只炭火即燒大春雞(￥28)，齒脥留香難忘。

有想過要在北京最傳統的四合院住一晚嗎？

籌劃北京之旅時，在網上看到不小關於四合院的資料。看着看着，慢慢被那種北京古舊傳統之美所吸引，最後執意要在改建的四合院酒店住一晚，感受一下最具北京地道風味的酒店。

提起四合院，就想到北京的四合院。其實，四合院早於西周時代已出現，不過於明清兩代才逐漸成熟。現在說的四合院，大多為京城的四合院。四合院為單層建築,，以圍牆構成正形建築群，四面和房獨立，院門多開在東南方位。

只要在Google輸入四合院，成千上萬的四合院介紹和酒店立時出現在屏幕上。查看過幾家，也搜羅了不少意見，最後決定於網上訂了吉慶堂的正廂房。

訂房程序不難，就在吉慶堂網頁(http://www.jihousecn.com)輸入訂房資料就可以。不久，電郵就會收到確認和信用咭授權書。大家要留意，不少電郵箱都把簡體字電郵區分為垃圾電郵，最初一直以為沒有回覆。過了幾天，才在垃圾箱中找到回覆。三個廂房大小有點不同，價位也有差異，以正廂房最大也最昂。大家可以按自己喜好決定那一種房型。

地理位置方面，吉慶堂剛好在旅遊景點「南鑼鼓巷」對面的「北鑼鼓巷」中的紗絡胡同，南鑼鼓巷走進去，大家十五分鐘就到。換一個方向，從安定門地鐵站上來後，也是走十五分鐘左右，就可到達。交通還算方便，最適合要在南鑼鼓巷和五道營胡同活動的朋友。

再說環境和設施，走到紗絡胡同，就看到吉慶堂的大門。搖着金色門環，已感受到那種犀於老北京的味道。服務人員打開門，抱着行李走過石屎門檻，接着眼波上流轉的盡是古舊建築。店員引領着到北廂房，推開門，木家具，木床，所有都是只曾在電視劇出現。相大家會擔心，四合院會很舊很髒嗎？吉慶堂感覺古舊，但所有家具都乾淨企理，一點破舊感覺都沒有。房間設置空調，在古色古香的裝潢下吹冷氣，感覺真特別。最難得是全四院都有免費wifi覆蓋，大家可於房間跟網上世界保持緊密聯繫。住宿晚還包含了一頓最地道的北京早餐，不過由於胃痛來襲，個人就跟那個風味早餐無緣了。

經過這次吉慶堂的住宿經驗後，個人愈來愈愛旅行之時，在地道的古舊民居中，來一次文化體驗。下個目標是再訪首爾，希望也能住進韓式大宅！

你喜歡旅行時泡咖啡館嗎？

有人愛旅行時把行程填得滿滿，早上從酒店出發，從南到北跑遍六七個景點，才叫不枉此行。我是個怪人，旅行，通常只排早午晚三餐，定下整個旅行必去的一兩點景點，其餘時間就隨心隨逛。行程之外的空閒時間，最愛找家心儀咖啡館，點杯咖非，幽幽的咖啡香，讓人暗自出神。雖說能放下工作，已是旅行一大快事；若在異地小咖啡館，呷口用異地水泡出來的咖啡，真的連靈魂也流落在異鄉，不願回來。

出發前只想到五道營胡中一家小甜點店，吃片蛋糕，作個小休。走到五道營胡同，才發現，三步一小店，五步一咖啡館，真有如發現寶藏一樣，怎會想到誤打誤撞間找到這樣天地。每家咖啡館都別具心思，一個下午，總不成泡四五家咖啡館。在店外眺望，在門縫窺探，終於找了兩家最別緻的享受一段下午悠閒時光。

舊日的小胡同，慢慢發展成飄逸着文化風情的咖啡街。西九那種堆砌出來的假情假意，還是早點安息吧。

五道營胡同就在安定門站上地面後，轉兩個彎就到。第四天搬到吉慶堂後，從吉慶堂走十五分鐘，也可抵達五道營胡同。北京的胡同，就是我們香港叫的小巷，上海人叫的弄堂，還有台灣人叫的巷弄。短短一條胡同，藏住幾十幾家各有特色的小店。有帶法國風情的咖啡館，有地道西班牙餐館，更有富西藏韻味的茶室，你想到的都有。眾多之中，就挑一家跟大家分享。

「十九日」，非常古怪的名字，不知十九日是店東的生日，還是他十九日是一個循環，在窗外窺探時，深深被店內的簡約感覺吸引。沒甚麼刻意擺設，幾張小木檯，白茫茫的幾面牆，就是「十九日」的裝潢了。最可愛是其中一面牆，畫上了像巴黎鐵塔的塗鴉，置身其中，恍惚換成在香榭麗舍大道喝咖啡。也忘記點了甚麼來喝，是咖啡還是熱巧克力，但就記住了五道營胡同這個名字。或許，就是那種讓人富文化又具活力的空氣，讓人連靈魂都得以放鬆。

五道營胡同，這裏有着新北京的感覺。

在北京，總要吃頓京菜。

說實話，最地道京菜真的不適合我們廣東人的胃口。猶記得，十幾年前跟隨遊學團在北京玩了七天。第一個晚上單位就準備了京菜給我們，飯後導遊就來細問，味道還好嗎？不禁說，有點太鹹太油。導遊笑着說，我已事先囑咐廚師要少油少鹽。

出發前細讀旅行書，讀到一家融匯京湘粵菜又不失傳統的餐廳。其中一味怡園霸王雞，更是起源於香港已故名人梅艷芳。最重要是這餐廳的出品能保持北京風味之餘，又作出適度調節。

除了食物外，花家怡園還有讓人更驚喜的心思設計。

花家怡園在北京總共設有五家分店，兩家VIP會所，為了遷就行程，這次挑選了簋街店。位於東直門內大街，在東直門地鐵站上地面，走不夠十分鐘就到，算十分方便。到達門外，看到富京北味道裝潢的門面，已深深被吸引。報上名字，店員引領着穿過餐廳的長廊。店內保持四合院格局，在各廂房擺房餐桌，空出庭院別有用途。沒有事先說要樓下位置，所以給帶到樓上。看着又厚又重的餐牌，也是胡亂點一些比較特別的菜吧。

先來怡園霸王雞。這道菜真有段故，話說我們的梅姐最初在點了一道涼拌雞，她特別愛那個醬汁，邊蘸雞吃邊叫好，更特意再點來小黃瓜、麵條、雪梨等，跟剩下的醬汁拌好，作為沙律吃。廚師便把這個吃法改良，用上三黃雞，在這道菜中加入涼拌麵條，小黃瓜片，麻辣帶酸的醬汁，既是涼拌雞，又是麻辣沙律。早說過在大陸吃雞特別滋味，能吃到久未嘗到的雞味。雖是冷盤，但雞肉嫰滑鮮美，實在討喜。還有配菜的小黃瓜、麵條和香菇，配上麻辣汁後，也變得不平凡。

八爺鴨方

這道菜又有段故，當年慈禧太后遊園回來較晚，御膳房剩下材料不多，值班的御廚靈機一觸，便把剩下的烤鴨去皮，鴨肉切成小丁，包上豆皮，煎成金黃香脆的鴨卷。太后吃過後十分喜歡，並賜宮獎賞御廚。今天，花家怡園以故事為基礎，再加入香菇、芹菜等材料，使鴨方口感更豐富，風味更卓絕。

花家白菜

又是以店家名字為題的菜式。所謂的白菜，是北方的大白菜，即是我們廣東人說的津白。以青蒜、薑片、乾辣椒為調味，用想像就知道是惹味的一道菜。再加入特製酸辣汁，最適合在盛夏時節來一口，又酸又辣，甚麼暑氣都給迫出來。

八旗小羊排

到北京，怎能不吃羊？原份羊排骨乾烤至金黃，送上來後，侍應便幫忙分成小份。羊排骨只以辣椒為調味，烤過的羊肉皮脆肉嫰，香辣無比。也因調味不多，每口都吃盡羊肉的原始風味。吃到帶肥膏的部位，羶味盡出。你說這是羶味嗎？我說這才是羊肉的真味！

最後來個花家涼點拼盤作為完結。拼盤包括了京糕、豌豆黃、驢打滾、雲豆卷和艾窩窩。來到北京，怎能錯過最具地道風味的京式小點。以山楂製成的京糕，甜酸平衡得當。貴為慈禧最喜愛的點心：豌豆黃，質感綿密細緻，豆香濃郁不膩。雲豆卷軟滑甘香，跟香甜的豆沙是個美妙配搭。驢打滾香甜煙韌，讓人不禁吃又吃多一片。艾窩窩有點像我們的糯米糍，中間塞白糖、芝麻、果仁等材料。從前是春夏才有的甜心，現在一年四季也可嘗到這種美味。

在引言時就說過，花家怡園除了美食外，還有另一項絕活。是夜這頓飯吃到一滿，到樓下洗手間時，剛好碰上表演。原來樓下四合園中間的庭園，每晚都有現場表寶。碰上的是現奏現唱的京劇，雖不太懂欣賞，但在北京平白看到京劇，實在是件賞心樂事。離開時，舞台又換了表演，這次變成變臉。黏在台邊駐足看了十幾分鐘，第一次現場看變臉，其中的震憾，難以形容。

下次，到花家怡園，記住訂樓下的位子！

花了3小時逛完那個南京路，之後我們來到了上海的一個全新景色，就是世博。世博會結束了，展館群，關的關，搬的搬，相信只有我們的中國館仍然開放。

不過，cheap的團，入園就入了，入館就沒有我們的份兒。於是，大伙人就在岸邊的世博公園，看展館，看盧浦大橋，看黃埔江。

雖然冇得入任何的館，但在公園內外觀，中國館，奔馳館是多麼的宏偉。奔馳館，時代感豐富；中國館，以傳統的顏色拼出了一個好特別的味道，這個館，不論座落於世上任何一個地方，其獨特的設計，其壯觀的外表，都會是一個非常突出的建築物。

回頭再看，中國其中一個令老外O咀的土木工程，盧浦大橋，由下向上望，此橋也是標榜出中國的工程同設計師的偉績。

大開眼界，大上海，新上海，舊上海，一樣是令人驚訝的。

此遊記的title是 "上有蘇杭‧下有義烏" 說明了，義烏，是是次行程的重要目的地之一，一心想搞搞小生意的我們，就是因為 "義烏‧小商品的攻堂" 而特地找到這一個旅行團，來體驗一下義烏這一個舉世聞名的批發市場。

可是，行程有大阻滯，首先碰到自家的旅遊巴同另一旅遊巴發生爭執、之後在公路上遇上兩次大塞車，原先預計3點能到達義烏，結果要4:30才能到，而導遊又誤導我們說商店6點才關，實際上5點已經關門口了。想全面的看清楚一點也不行。

我們來的其實只是冰山一角的批發市場，以這個國際商貿城，這只是6個區中的其中一個。可是，已經大到沒可能在兩、三個小時內行哂.....

由日用品開始，家庭用品，gadget小商品，皮帶，絲巾，頸巾，絲襪....幾乎每一類型的商品各佔一大層。若是有心機去看，相信，每一層，你都可以行上半日..怪不得像我阿姨這些商人....一說來義烏，便可以留足一個星期或以上。

其實行得唔夠喉的，不過，總算是大開眼界。

離開了商城，沿途依然有大大小小的批發市場，各有主題，各有商機。做買賣的人，義烏，的確是處處都有貨源。