二龍喉公園，只係順路景點。賣點唔太多，只可叫做澳門半島依邊唯一放有動物園嘅公園，但其實動物不多，飼養咗多款哺乳動物、雀鳥同爬行動物，較特別咪有受保護動物，如黑葉猴、黑熊、獼猴等。驟眼所見都係附近嘅居民上山打吓波，行吓公園，跑吓步，無乜遊客到。

二龍喉哩個名來自公園門口嘅兩個獸頭噴泉，前身係個荒丘，後來成為早期澳門總督嘅官邸，1931年因附近嘅火藥庫發生爆炸，做成多人傷亡，而建築物又受損。結果富商何東購買咗部分土地，闢為公園，故又稱為何東花園，其後在公園擴建時再將此地贈予政府。澳門總督遷出後，庭園開放埋供公眾遊賞，並於1959年改建成公園，其後再晌1996、1997年擴建為依家嘅模樣。