Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 117
  上載相片 4013
  上載影片 3
最近分享過的旅程
2018年聖誕遊東京
國家/地點: 日本
旅程日期: 2018-12-23 至 2018-12-28
2019瑪麗皇后二號郵輪八天遊
國家/地點: 新加坡, 越南
旅程日期: 2019-03-05 至 2019-03-12
2018台灣四天美食之旅
國家/地點: 台灣
旅程日期: 2018-11-23 至 2018-11-26
2018美加探親兩週遊
國家/地點: 加拿大, 美國
旅程日期: 2018-03-27 至 2018-04-07
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
東京櫻花之旅 (日本)
(旅程日期: 2010-04-02 至 2010-04-06 ,  旅程性質: 飲食購物)
發表日期: 2010-04-20
今次東京之旅下午上機,晚上八時到達成田機場。我地選擇乘坐只有四站既Airport Limousine去新宿Hyatt Regency酒店。去到酒店check完in都已經係11點幾。大家都好肚餓,而且唔係好想浪費時間,所以就決定去一間朋友推介收1點既串燒店食晚飯。因為我地既日文係有限公司,所以出發前叫酒店幫我地訂定位,去到唔使等。嘩,真係好正,我地所有人都食到lam lam 利。喜歡食內臟既人一定要去試下。
sorry, 第一日因為已經好累啦,所以食完哂先記得影相
內臟萬歲! 笑臉2010-04-20
掛在牆上的餐牌
掛在牆上的餐牌
中文餐牌
中文餐牌
師傅燒食物+吧枱
師傅燒食物+吧枱

環境衛生:
大家黎之前一定要訂位,唔係有排等。依間串燒只有牛同豬,係冇雞食既。細細間,有兩層,上層牆上有個漢字餐牌,方便我地日文麻麻既人。雖然係一間串燒店,但係油煙比想像中少,而且店舖簡潔乾淨,我地食得好舒服。滿分。

服務:
喺日本係完全唔須要擔心服務既問題。由入門口歡迎我地光臨到坐下餐前第一條熱毛巾到走時向我地行鞠躬禮,真係好到有少少難以相信。所以都係滿分。

味道:
所有食物熱辣辣,正!醃料味道一流,甜咸適中,讚!
豬肝超爽,連我媽咪唔食肝既人都要encore。我地大家食得最多既一味。推介一。
牛利係厚嗰隻,但係唔硬唔刃,爽中帶啉,推介二。
軟骨好脆,唔怕咬崩牙,不過個人比較喜歡雞軟骨。都係值得推介既,推介三。
燒肉丸個皮脆脆地,肉身軟啉啉,好鍾意佢甜甜地既汁。推介四。
個牛肉好似一塊迷你牛扒咁,好鬆軟,唔會過生或過熟,真係好難挑剔。推介五。
(我地其實食左其他串燒,不過因為冇帶筆記又唔記得影相,所以記唔到。
食完串燒,哥哥仔問我地飲唔飲湯,食唔食飯。我地依班旅客就問佢係咪麵豉湯。佢好有耐性咁話比我地知個湯係用牛骨同豬骨同其他聽唔明既野餚出黎既,客人可以選擇加飯入去煮。白飯我地成日都有得食,所以我地就叫左幾個湯加飯黎share。認真dum dum dum!!! 好食到一滴都冇得剩。推介六。
插曲:一去到第一樣就叫腎,不過已經賣哂。跟住想食pork belly五花腩,不過因為語言問題,黎錯左豬腸,不過都ok。
因為怕熱氣,所以我地每人叫左杯啤酒飲。正!

推介菜式: 牛利,豬肝,肉丸,牛肉,軟骨,湯+飯
每人消費: 約4000日圓 (宵夜)
評分: 味道5   服務5   環境5   衛生5   抵食5
方便舒服 笑臉2010-04-20
大門擺放着一瓶櫻花
大門擺放着一瓶櫻花

最欣賞酒店有來回新宿車站既巴士,每20分鐘一班。

酒店房間大,而且設備齊全。毛巾,牙刷,風筒,鬚刨,拖鞋,夾萬,電視,雪櫃,上網,應有盡有。

大堂,房間,餐廳,升降機,走廊,洗手間,所有地方都好闊落,好乾淨,而且唔會有任何異味。真係比到你一個一塵不染既感覺。

日本人既服務認真一流,去到邊都同你鞠躬,打招呼,開門,而且有問別答。酒店所有人都講英文,所以我地要訂位食飯全部靠哂concierge。

每晚價錢: 1950港元 (雙人房)
評分: 設備5   服務5   環境5   衛生5   抵住4
  0 個留言    |  加入你的留言
發表日期: 2010-05-05
早上:我地一早食完酒店包左既自助早餐,就出發坐地鐡去銀座。朋友介紹我地去Midori食壽司,講明要排隊,所以我地就10點正出門口,點知去到11:15,都要等成個幾鐘成埋到位。不過真係好值得等,我地每一個人都食得好開心好滿足。

下午:食完一頓咁豐富既午餐,我地就叫哥哥位靚女朋友帶我地去Tokyo Midtown食甜品(又係朋友介紹既)。嘩,又要排隊,不過今次好彩d,可以留定名,然後4點先返黎再等埋位。還掂要等,我地就喺六本木行,一路睇路邊既櫻花一路買手信。行到4點我地就返去食甜品,結果等左半個鐘我地十幾個人就慢慢一批批入去食。我地其中有幾個食得既朋友每人叫左幾個黎食,諗住排左咁內點都要食返夠皮

晚上:食完甜品都成六點幾,我地就搭返地鐡去銀座爸爸一早訂左位既"天一"食左一餐好貴既tempura。因為我地行得實在太多,有兩位朋友食完飯已經冇辦法行去地鐡站,要搭的士返酒店。依個時候我地先知道原來日本的士只係喺自己既區域走黎走去。要由銀座去到新宿真係考起嗰位的士哥哥,不過好彩所有的士都有部GPS,跨區都唔係一個太大既問題,佢地結果坐左成3000幾yen。
平,靚,正 笑臉2010-05-05
梅丘壽司美登利(銀座店)
梅丘壽司美登利(銀座店)
條龍好長,我地等左成個幾鐘
條龍好長,我地等左成個幾鐘
Sushi Bar(相中就係識講普通話既帶位姐姐)
Sushi Bar(相中就係識講普通話既帶位姐姐)
穴子壽司
穴子壽司
燒中拖羅壽司
燒中拖羅壽司
大拖羅壽司
大拖羅壽司
超正生蠔
超正生蠔
正豆壽司
正豆壽司
我地都唔係好相信自己對眼,當我地11:10喺條好靜既Ginza Corridor揾緊Midori既時候,離遠居然見到一條好長既龍,重要越黎越長,我地出於好奇既心理走過去睇睇先知原來就係我地要揾既壽司店,我地梗係立刻走去排啦。好彩帶位姐姐識講國語,我地就話佢知我地十一個人唔使一齊坐,有位分開都冇所謂。我地結果等左個半鐘先入哂去。所以大家如果諗住幫親就請11點前黎排隊啦。(請注意:門口寫明人齊先比入座)我地等緊期間見到3架唔同舖頭既van仔(都寫住築地...)送一箱二箱野黎,應該就係我地新鮮運到既午餐。

環境,服務,衛生滿分
有需要既人士唔需要擔心,店外有凳比部份排隊既人坐。當日有位孕婦,帶位姐姐重特登攞張高少少既凳比佢坐得舒服d,好感動。嗰日天氣涷,門口重有熱既綠茶供應,諗得真係周全。店內裝修簡單舒服,夠光猛。我地五個人都坐得落四個人既位,所以d位唔算係太窄。雖然店舖咁忙碌,但係唔會有一個人黑面,個個人都好落力,招呼認真周到。

味道:無可爭辯既滿分
1) Anago Sushi (穴子壽司) ~ 店舖之寶,門口有個大牌介紹,所以我地都叫左個黎試下。嘩,好大件呀!我地有三個人好怕骨,不過其餘個個食到津津有味,連骨都清埋。必吃推介一。
2) 生蠔 ~ 係我食過最好食既生蠔!又肥又甜又新鮮,簡直係完美,我地當然要encore啦!!!重食到連塊紫蘇葉都唔放過。必吃推介二。

3) 大拖羅壽司 ~ mmm... 溶喺口既快感真係好難形容,真係好新鮮。必吃推介三。

4) 燒中拖羅壽司 ~ 中拖羅燒一燒後師傅掃左一層薄薄既秘汁,所以唔需要點豉油。拖羅夠新鮮,一D腥味都無。個汁係甜甜地,好似teriyaki咁,好啱我地口味。必吃推介四。

5) 海膽壽司 ~ 食完Midori既海膽壽司先知道原來喺香港食到既係有一陣味既。少左香港陣味,Midori既海膽超鮮甜,好似食極都唔夠咁。必吃推介五。

真係好奇怪,平時喺香港食刺身壽司,食完梗係飽到溜,但係今次喺Midori食到咁飽,一d都唔覺得溜,重覺得好清,真係好難得,重要只係3000yen一個人,真係超正超抵!!! 真真正正符合到"平,靚,正",爆哂燈
推介菜式: 生蠔,穴子壽司,海膽壽司,大拖羅壽司,燒中拖羅壽司,Amberjack 壽司
每人消費: 約3000日圓 (午餐)
評分: 味道5   服務5   環境5   衛生5   抵食5
只係遠望 2010-05-05
Tokyo Mode Gakuen Coccoon Tower
Tokyo Mode Gakuen Coccoon Tower
行人隧道內既講解圖
行人隧道內既講解圖
我地由酒店行去新宿站時見到棟大廈幾特意所以就影左幅相留念。點知行入行人隧道時有張poster介紹先知係間出名既設計學校。
門外有好多人排緊隊入黎買既餅店
門外有好多人排緊隊入黎買既餅店
門口及收銀處
門口及收銀處
開放式廚房
開放式廚房
鎧塚俊彦用妻子既愛犬為主題自製既記念甜品
鎧塚俊彦用妻子既愛犬為主題自製既記念甜品
Biscuit Coulant Chocolate Griottines
Biscuit Coulant Chocolate Griottines
Strawberry Mille Feuille
Strawberry Mille Feuille

真係巴閉~門口有兩條隊:一條排甜品餐廳,另外一條排cake shop。
餐廳只有14個位,但係唔會同一時間比你坐哂。因為我地同行有11個人,我地都係分批入既。叫好哂甜品,我同哥哥就走去cake shop行,買左好多野。請留意,所有野既賞味限期都唔超過兩個禮拜,証明d野夠新鮮。

1) Egg Soufflé: 差唔多所有人都叫左個黎試。(我叫左朱古力黎試,而且我掛住買小食,所以冇影到相)個個都話係佢地一生食過最好食既soufflé!!! 咁我都唔執輸,試左媽媽少少。好有驚喜,因為個Soufflé好鬆,一d都唔乾,味道清中帶甜,而且個蛋好特別。媽媽切開個Soufflé黎睇,發覺經過咁高温去焗,個蛋既形狀冇變之餘,個蛋黃重要係流心架,真係精彩。

2) Biscuit Coulant Chocolate Griottines: 作為一個朱古力愛好者,我就點左餐牌上唯一一款朱古力甜品。食完個咁好食既Soufflé,在比較只下對依個甜品有少少失望,因為佢太普通,同埋太甜。原本如果佢唔係咁溜,我真係好想叫番個Soufflé黎食。
個心太軟好夠軟,熱同流心。值得一讚既係個雪糕真係好滑。由于佢配milk chocolate既雪糕,如果係用dark chocolate黎做個心太軟效果應該會更好,因為唔會咁甜同咁溜。受到朱古力甜既味道影響,rasberry都變得好酸

推介菜式: Egg Soufflé
每人消費: 約1500日圓 (下午茶)
評分: 味道4   服務5   環境5   衛生5   抵食5
銀坐站內既藥食韓式料理
銀坐站內既藥食韓式料理
銀坐站出口處一間食香港料理既餐廳wor
銀坐站出口處一間食香港料理既餐廳wor
六本木一家壽司店
六本木一家壽司店

行街時經過見到有趣所以影左幾幅相:

1) 銀坐站出口處見到一間叫"九龍"既餐廳,話係食香港料理wor。想問下乜野為之香港料理呢?

2) 真係想試下點樣韓國藥食法... 會唔會有鹿尾巴?

3) "Sushi To Dai For"係間壽司店既名。點解會用"dai" 而唔係"die"呢?係咪唔鍾意死死聲?定係唔試串字呢?不過最有形係佢18:00開到27:00

Tokyo Midtown 站
Tokyo Midtown 站
Tokyo Midtown 大士多啤梨蛋糕
Tokyo Midtown 大士多啤梨蛋糕
Roppongi Hills - Spider
Roppongi Hills - Spider
Roppongi Hills - Spider
Roppongi Hills - Spider
Roppongi Hills - 櫻花
Roppongi Hills - 櫻花
1) 我地等緊甜品既時候喺六本木行,見到甜品屋外出既Tokyo Midtown 大士多啤梨蛋糕幾應景,所以影左幅相留念。

2) Roppongi Hills入面見到隻好大好有形既蜘蛛,真係好野,佢d腳雖然好幼,但係好穩陣。

3) 六本木櫻花。
要落樓梯
要落樓梯
Salad,配料,蘿蔔蓉,前菜
Salad,配料,蘿蔔蓉,前菜
Tempura 蝦
Tempura 蝦
Tempura Shitake Mushroom
Tempura Shitake Mushroom
瀨尿蝦
瀨尿蝦
蘿蔔青瓜
蘿蔔青瓜
蝦餅
蝦餅
蜜瓜配熱綠茶
蜜瓜配熱綠茶
我地歩出地鐡時落住毛毛雨,天氣明顯涷左。入到天一,有成三個人服侍我地,幫我地收起所有大褸同我地今日shopping既戰果。個人對日本d暖氣好唔慣,有陣時真係好焗,不過同行既人就好受落。

環境,服務,衛生:
同所有日本餐廳一樣,由入門口到出門口每位顧客都係上賓,招呼周全,冇野可以挑剔。環境優雅闊落,一塵不染。雖然話係食tempura,但係佢唔會食到我地一陣炸野味或者覺得好油

味道:

牌上總共有三款套餐比大家選擇(日本料理常用既:松,竹,梅),三個既分別係越貴越多野食。因為我地啱啱食完甜品,所以就叫左個最少野既"梅"黎食,不過都食到我地攬住個肚
食tempura前先黎一個好清好醒胃既salad。所有天婦羅都好新鮮,即炸即食,熱辣辣而且唔油膩。咁多樣最正係個蝦, 瀨尿蝦,同個蝦餅。甜品係清甜既涷蜜瓜,mmmm... 超正。加杯消濟既綠茶,好舒服呀。

雖然今餐tempura真係好好食,不過喺香港四季酒店既稻菊都食過,而且水準價錢都差唔多。
每人消費: 約18000日圓 (晚餐)
評分: 味道5   服務5   環境5   衛生5   抵食4
  1 個留言    |  加入你的留言
發表日期: 2010-07-19

其實XO去日本旅行前腸胃炎病左成個禮拜,嗰日XO突然返發,病到七彩,所以只係記得朝早喺Tokyu Hands一路shopping一路揾洗手間。好彩日本到處都有,而且重好乾淨,如果唔係我諗我會好難受。真係要讚下日本既衛生,簡直係一流。

到左lunch time,我地就去左友人一早介紹既江島食shabu-shabu。雖然係貴左少少,不過真係好好食。

因為XO當日真係太唔舒服,所以食完午餐就返左酒店休息。最遺憾既係,夜晚同10年冇見既舊同學食飯時,精神彷彿到唔記得影相留念。

豆腐前菜
豆腐前菜
醃左既前菜
醃左既前菜
魚生頭盤
魚生頭盤
鱈場蟹 shabu-shabu
鱈場蟹 shabu-shabu
和牛 shabu-shabu
和牛 shabu-shabu
鱈場蟹池
鱈場蟹池
好正既一碗清湯麵
好正既一碗清湯麵
杏仁豆腐
杏仁豆腐
環境衛生:
1) 裝修簡潔,間隔和式,但房間西式,所以唔洗除鞋或坐tatami。
2) 接待處對面有個好特別既鱈場蟹池。(見圖)
3) 店內共有8間房:最細4人房,最大10人房。我地同行有成十個人,佢最大間房先啱啱容納到。請留意:每人要多付525yen 房租費。
4) 房間既裝修同大堂差唔多都係較簡單,用既全部係木枱同木櫈。
5) 洗手間比較狹窄,不過好乾淨。

服務:一流
1) 一入門口自動幫我地掛外套。
2) 雖然有少少語言問題,不過大家都好落力地溝通。
3) 走時重陪我地撘lip落到地下送到大門口。

味道:
1) 櫻花涷豆腐:豆腐上既櫻花應景得好有意思。味道清甜,好refreshing。
2) 醃左既前菜拼盤:其中一味係魷魚,略咸,不過配碟內既酸菜又幾ok。
3) 魚生頭盤:魚生新鮮,拖羅夠肥美,蟹肉鮮甜,連塊紫蘇葉都特別香。
4) 鱈場蟹 shabu-shabu:份量十足,顏色亮澤,肉質嫩滑,味道清新鮮甜,跟本唔需要配任何醬汁,冇得彈。
5) 和牛 shabu-shabu:睇相就知夠哂marble,肉色鮮紅,雖然只有四片,不過每片打開先知好大好薄,食落重好有肉味。
6) 清湯麵:係姐姐用我地食shabu-shabu剩低既湯喺我地面前親自烹調既。佢先問我地想食邊款麵,我地就揀左佢提議既日式麵。嘩,好彈牙呀!味道清甜。食完咁多肉,依碗麵黎得剛剛好,好暖胃。
7) 杏仁豆腐:姐姐仔話係日本人最鍾意食既中式甜品。我地中國人食落去第一個感覺就係非常之日式,好似係開出黎咁,所以扣左分。

抵食: 
1) 最唔抵就係個房租費。其實有少少覺得比人屈,因為雖然係我地人多,但係打電話黎既時候訂位既姐姐係可以問我地分開坐會唔會有問題,如果唔分開坐就要坐有房租既房。(服務分被扣原因)
2) 咁高質素既食物收依個價錢都算合理,不過收得房租費會覺得房內裝修會high少少。
推介菜式: 鱈場蟹 shabu-shabu
每人消費: 約13000日圓 (午餐)
評分: 味道4   服務4   環境4   衛生5   抵食3
我地一家人所行既舖頭好唔同,所以就分道揚鑣各自各買完就去返門口集合。

爸爸最欣賞佢既睡衣,話佢質地好,又有佢既大size。
媽媽鍾意煮餸,所以就選擇去廚具嗰層買好多好得意既廚房野返香港。
我同哥哥就喺文具層同玩具層到流連。真係花多眼亂,不過都買到我地兩隻手都攞唔哂。

因為同行既親友黎過好多次,所以知道我地買咁多野係可以拎住個passport退稅既。我地靠佢既經驗,真係慳返唔少。
推介項目: 拎住個passport退稅
評分: 值得去5  
  0 個留言    |  加入你的留言
發表日期: 2010-11-16
早半年前哥哥已經開始為今次東京櫻花之旅喺網上搜集不同既旅遊資料。始終人生路不熟,我地d日文又唔係好掂,為左要用最短既時間欣賞倒最靚既櫻花,我地就決定參加個day tour。經過詳細既比較後,哥哥就為我地一行十人book左 "My Tokyo Guide" (http://www.mytokyoguide.com/) 既櫻花一日遊。

我地對個私人櫻花一日遊非常滿意。佢地準時,有禮,友善,有求必應,架私人van仔好乾淨,個導遊叔叔重要係一個幽默既歷史資料庫:掂!我地可以話係行運一條龍,因為今年天氣涷左,所以個櫻花季節未完,我地重可以周圍睇倒好多櫻花。當日雖然全日都落雨,好彩我地去到每個景點既門口落車時d雨又唔大,完全冇損我地賞花既雅興。可以喺櫻花雨下漫步,認真high爆。

個tour包左個天婦羅定食午餐,ok啦。去完幾個櫻花景點,我地最後一站係淺草雷門。因為始終係神聖既地方,所以唔係好敢影相。我地只係行過條好擠擁既商店街,幫香港既親友祈完福,買完平安符,個tour大概傍晚就結束。

為方便我地行街,司機叔叔好人到放低部分人喺酒店後,再車其餘一半人去商場,真係唔話得。其實我地行左陣街都已經到食飯時間。當晚我地喺友人介紹既"人形町今半"食高級Suki Yaki。
(特別鳴謝哥哥為遊記提供部份相片。
八芳園:遍地櫻花
八芳園:遍地櫻花
八芳園:櫻花燈飾
八芳園:櫻花燈飾
八芳園:婚禮教堂
八芳園:婚禮教堂
八芳園:水亭
八芳園:水亭
八芳園:錦鯉
八芳園:錦鯉
八芳園:粉紅櫻花
八芳園:粉紅櫻花
八芳園:蝦夷松(樹齡約三百年)
八芳園:蝦夷松(樹齡約三百年)
八芳園:池
八芳園:池
八芳園:東京婚宴聖地

據導遊叔叔講,八芳園係東京最受歡迎既結婚熱點。碰巧當日係清明節,冇乜人結婚,所以我地可以盡情參觀。淨係睇相都知道地方優雅高貴,恍如置身於童話同小說入面既浪漫情景。

八芳園既婚宴服務非常專業同全面:
1) 可以選擇室外vs室內;傳統和式或西方教堂式,如果對新人要求,係可以兩款做哂。
2) 取景拍照簡直冇得彈:流水,涼亭,魚池,教堂,櫻花樹下更有櫻花地氈,應有盡有。
3) 聽講食物無論日式,西式,定自助式都係高質素,可惜我地依d觀光旅客冇份試。

雖然逗留既時間唔係好長,不過可以見識倒櫻花燈飾,粉紅色櫻花,金色既錦鋰,樹齡有五百年既盆栽,現實社會都可以發生既童話式婚禮,真係好有驚喜。
推介項目: 舉行婚宴
參觀時段: 早上
評分: 值得去4  
櫻花海 笑臉2010-11-16

上野恩賜公園:日本第一座公園

盛開既櫻花看似一片花海,美不勝收。我地賞花既時候落著毛毛細雨,花瓣隨即輕輕掉落身上,感覺非常浪漫。有部份櫻花既高度係我地可以用手觸摸得到添。當然,公園有告示牌禁止我地摸花同採花;我地都好聽話。

公園內到處都見到有流動洗手間,似乎預計遊客們都會逗留好一段時間咁。細心d睇,花徑兩旁既地下劃左好多格仔,導遊叔叔話係用黎"劃位"賞花同野餐,真係好有系統。途中重有熟食車賣煨蕃薯同"おでん"(Oden:關東煮,包括有獅子狗魚蛋,蘿蔔等)。唔知係咪因為天氣涷,當日食嗰d新鮮滾熱辣既煨蕃薯甜到入心,真係正到暈。櫻花季節期間,依個公園想必係情侶拍拖勝地。

推介項目: 賞櫻花,食煨蕃薯
評分: 值得去5  
"Denki Bran" (デンキブラン)
"Denki Bran" (デンキブラン)
"Denki Bran" (デンキブラン)
"Denki Bran" (デンキブラン)
"Denki Bran" (デンキブラン)
"Denki Bran" (デンキブラン)

神谷バー:"Denki Bran"始祖

導遊叔叔帶我地去雷門參觀同祈福之前,話如果我地唔抗拒杯中物既話,就一定要買返樽"Denki Bran"返香港同朋友試下。此乃Kamiya Bar特產,以前酒精含量高達45%,不過而家就分兩種:30%或40%。顧名思義,"Denki Bran"係以Brandy(白蘭蒂)為基礎所調製既雞尾酒,味道亦比較甜。酒內既其他成份包括Gin(氈酒),Vermouth(苦艾酒),草藥等。飲得,又唔怕溝酒既朋友不妨試下。就算唔飲酒既人都可以買黎做手信:

(40%)720ml = 1,120yen
(40%)360ml = 630yen

除左我地光顧既外賣部,Kamiya Bar本身有三層樓:第一層為酒吧式,專招待單獨光臨既客人;第二層為餐廳,專招待一家大細或喜歡熱鬧既客人們食西餐;第三層都係餐廳,有獨立房間,氣氛比較靜,提供既係傳統日式料理。

推介菜式: "Denki Bran" (デンキブラン)
評分: 味道4   服務5   環境5   衛生5   抵食5
前菜
前菜
茶碗蒸し(日式蒸蛋)
茶碗蒸し(日式蒸蛋)
特上牛肉
特上牛肉
蔬菜
蔬菜
烹調中
烹調中
Sukiyaki + 生雞蛋
Sukiyaki + 生雞蛋
雪糕
雪糕

人形町今半:高質素牛肉火鍋

今半係一家非常出名食日式牛肉火鍋既老字號。爸爸既老友記極力推介,話香港係冇可能食倒咁高質素既Suki Yaki,所以我地未出發前已經訂定位,真係誠意十足架。

因為天氣涷,一入到門口就已經感覺到強勁既暖氣,怕熱既我心想:食火鍋時唔知會唔會調低d呢,sorry ~ 原來係冇得調既。室外室內裝修都好有傳統日本味道,連幫我地煮野食既姐姐仔都係著和服既。黎左東京幾日,終於漸漸地習慣佢地殷勤既服務態度:不停既鞠躬禮,自動幫我地除外套,餐前既熱毛巾,不停地清理餐桌,真係好難唔比滿分架。

我地當晚叫左配特上牛肉既"集 TSUDOI"Suki Yaki套餐:
前菜:全部係綠色既蔬菜,非常清。

茶碗蒸し(日式蒸蛋):味道比港版清,可能係因為蛋以外既配料冇香港既咁多。

唔知係咪見到我地班外國人唔係好識日本文化,言語又唔係好通,姐姐們好細心地幫我地煮其餘既食物:如圖所見,佢地烹調得非常整齊,好有系統。
特上牛肉Suki Yaki
:咁marble既牛肉唔單止睇得,重好食得。小弟唔怕生,所以半生熟已經放左入口:第一口完全唔需要咬,牛肉自然溶喺口,肉質軟棉棉,好嫩,食到我要眯埋眼慢慢享受。怕生既老人家就選擇食熟d,我都試左塊:個人比較喜歡冇咁熟,因為牛肉口感唔同哂,變得冇咁嫩,而且要咬多幾次。

蔬菜:好新鮮乾淨;用返煮牛肉既汁黎煮,好入味,yummy!!!

柚子雪糕:酸酸甜甜,幫助消化。

唔知係咪自己大食呢,食完個餐都好似唔係好夠飽。雖然牛肉質素高,不過要成過萬yen一個人又唔飽,真係覺得幾貴囉。

評分: 味道5   服務5   環境4   衛生5   抵食3
  1 個留言    |  加入你的留言