八芳園：東京婚宴聖地

據導遊叔叔講，八芳園係東京最受歡迎既結婚熱點。碰巧當日係清明節，冇乜人結婚，所以我地可以盡情參觀。淨係睇相都知道地方優雅高貴，恍如置身於童話同小說入面既浪漫情景。

八芳園既婚宴服務非常專業同全面：
1) 可以選擇室外vs室內；傳統和式或西方教堂式，如果對新人要求，係可以兩款做哂。
2) 取景拍照簡直冇得彈：流水，涼亭，魚池，教堂，櫻花樹下更有櫻花地氈，應有盡有。
3) 聽講食物無論日式，西式，定自助式都係高質素，可惜我地依d觀光旅客冇份試。

雖然逗留既時間唔係好長，不過可以見識倒櫻花燈飾，粉紅色櫻花，金色既錦鋰，樹齡有五百年既盆栽，現實社會都可以發生既童話式婚禮，真係好有驚喜。