由利苑出來一擡頭就望到俗稱小蠻腰的廣州電視塔. 反正下午無事做, 一行人搭咗十分鐘的士來看這目前全世界最高的電視塔.

電視塔收費分三層, 越高當然越貴. 買了票上頂層的可以兼埋參觀其他較低的樓層. 上最頂層的費用是150蚊, 收得貴的好處就是沒有洶湧的人群, 我都無幾可o係國內的旅遊點見咁少人. 上到去除了可鳥瞰整個廣州外, 其實並沒甚麼可以參觀. 可能夜晚上電視塔的話能夠看到城中璀璨的夜景, 會比日間的景觀好些. 有個向外伸出去的玻璃底平臺, 供遊人企上去影相. 我畏高的, 咁驚嚇的玩意千祈咪預我. 當時塔頂那個世上最高之摩天輪還在建造中, 還未有幸見識. 當然就算有得玩我都只會離遠望下, 倒貼十萬蚊俾我都唔會去坐.
 
從塔頂望下去, 發現廣州的市容越來越漂亮整齊, 新建築也越來越多. 比如上面相中那個黑色四方盒狀物體就很獨特, 它是新的廣東省博物館.

較低的樓層, 好像是30幾樓有個嶺南工藝品展覽, 例如木雕, 廣繡等, 都是沒甚麼特別, 隨處可見的東西. 以當時來講我就認為設施還不夠完備, 不值得花150蚊上去. 不知道現在有沒有改善.

現在寫著遊記才發現原來我無影到電視塔的內在環境, 真失敗.