房間舒適,但熱水不足.
區內有小車免費接送,由房間行去温泉區,歺樓约5-10分鈡
按摩可到温泉區內使用或致電前台預约到房間.價錢一樣

今餐係"貴妃雞頭啖湯宴", 套餐包括:蟲草花燉竹絲雞湯,招牌貴妃雞,酥炸海鮮卷,家鄉煎釀三寶,什菌勝瓜魚滑煲,清蒸鮮鯇魚,上湯浸豆苗,芋頭扣肉,味菜驢肉,菜芯,煎餃子,白飯一大盤, 頭啖湯都好足料的,有蟲草花,烏雞,果皮,ok甜啦.....其它的都好味的,但係竟然有驢肉...都係第一次食炸,不過完全食唔到係咩味,因為味菜及胡椒味太重,所以已盖過了驢肉既味道.

入住五星級溫泉大酒店,我地還可以upgrade去別墅區添呀,溫泉區就係隔離好近好方便,這間酒店係新開的,所以都好新及平,環境都好大好靚的呀,房間夠乾淨及新,好舒服.
溫泉區可能真的係太新及太多人嚟浸,所以一點也不熱架,唔係好多個溫泉池選擇,有兩部份,一部份係普通溫泉,有些動力池等,另一部份係有治療作用的溫泉,有薄荷,紅酒,玫瑰,薰衣草,人參,仲有去死皮既魚池添呀!!!!我地第一晚浸得唔太暢快因為d水溫真的唔夠熱,可能太多人投訴的關係,第二朝食完早餐又去浸過,d水又熱到死喎.....

呢餐午餐好豐富呀!

有好出名的黃鱔飯,成大煲都好香好好味喎,黃鱔份量都好多好足粒呀. 其它餸菜包括雞,西洋菜湯好甜,白灼蝦都好爽口新鮮,有一個芹菜炒一些菘子都好好味好香口及可以送飯,芋頭燘鴨都好香,不過最唔賣得係呢碟.芋頭扣肉,賣相都好吸引,不過我不嬲都唔食扣肉的所以不能評論.還有蒸魚,唔知咩魚,切到一件件都幾方便食呀.

最後有蒸饅頭添呀,不過太飽都冇食到.

上下九路又是廣州一條必到的步行街。步行街兩旁的建築物仍然保留著當年的特色, 很像走進TVB 的文初街。 廣州人很愛運動嗎? 為何一路上有那麼多的運動品牌連鎖店?

路上有一個特色小食, 就是雞公欖。他一身雞公服, 手執一支喇叭吸引途人, 很多人都幫襯。 

十一點幾去到,好多人等緊位,成十二點先入坐。作為香港人,飲茶一點也不陌生,開左茶就叫野食。香港茶樓多數都轉晒剔點心紙,廣州茶樓仲係要拎住張點心咭自己出去拎點心。

兩個人拎左一籠流沙奶黃包,燒賣同蝦餃。其實味道沒有特別 ,只是飲茶真的是廣州人的習慣,因為真係好多人飲茶同好嘈。最後食多碟椰汁蛋白撻,不過超甜。

在公車總站附近，步行數分鐘便到達這景點群，我們買了套票，可遊南粵苑和寶墨園。南粵苑佔地面積一百多畝，大門建有嶺南建築特色之牌坊，華麗優雅，越過「龍翔鳳翥」璧，見一名字清雅之小建築「舒心閣」，門外有彩色璧畫，繪畫民間故事，踏進屋內，金碧輝煌，木器精巧，奐美高級酒樓的裝修，細看下，原來是洗手間，真慨歎文人多雅意，「探訪」後確是令人身心舒暢的地方。

捌了個彎，聽到不遠處傳來鑼鼓之聲，原來剛好碰正舞獅表演時間，三隻不同顏色的獅子，在高樁上表演難度極高之動作，令人歎為觀止。向前行，到了「雲岩疊翠」，流水瀑瀑在山石中飛湍，給人涼快而飄逸的感覺，而池中過千條的錦鯉翻起了浪花，亦將遊人的目光吸引，不得不買點魚糧報答它們。

珍寶館，玉器館等收藏的展品，用琳瑯滿目來形容是最貼切不過，是藝術的結晶。通過精雕細琢的長廊，看著簷廓上一幅一幅的歷史故事壁畫，邊享受著飄來的桂花香，確是輕鬆寫意。

廣州有很多食布拉腸粉的店舖,銀記係其中一間。先在門口收銀點菜,付錢,拿了一個號碼牌,便坐下等。

我兩口子點齋腸、豬腰腸粉、腩汁蘿白 。腩汁蘿白先到,蘿白很甜,偶有一兩舊會有渣。雖然細細碟,不過都有十件。之後腸粉到啦,齋腸餡有菜,粟米等;豬腰腸粉有好多豬肝,不過就有陣味,好似洗唔乾淨咁。總括兩款腸粉都好油,可能多油先會咁滑啦。