酒店內的晚餐較中午的清淡, 但都很豐富的,有雞,菠蘿咕嚕肉好好味,好香口,味道又酸酸甜甜好開胃,正呀!!仲有豆角,勝瓜,青瓜,紹菜,還有炸魚仔,其它的都好清及味道都幾好,但炸魚仔好油及麻麻地呀.

因為當天晚上酒店的訂枱都滿晒,領隊說全晚有一百圍晚飯, 好誇張,所以起菜時間要等長少少,我們坐在幾圍唔知係咪公司飯局的附近,他們不停係度飲酒,真的飲得好勁,係咁飲xo都唔係食飯架.

整體感覺係酒店環境都幾大幾新幾靚,我們住的別墅區都很舒服,很近溫泉區.原來呢間酒店係新開業的,所以那麼新及抵住,但失色的係溫泉的泉水唔夠熱,可能真的太多人太爆所以泉水都已俾攪到凍晒,我們反映了給服務員聽,第二朝可能有調較那些泉水的溫度,但又調較得太熱.....