Auntie M 一早都話左比我地知喺Fortnum & Mason訂位食High Tea，要一人叫一份，唔可以分黎食；雖然份量係好勁，因為食物離開餐廳會容易變壞，同埋唔係好得體，食剩o既食物係絕對唔可以打包返酒店o既。

普通o既Fortnum & Mason Afternoon Tea Set係GBP 38一份，另加服務費及稅。除左餐茶外，個套餐包有迷你三文治（Finger Sandwiches)，Scones，精美蛋糕，同Macarons，食物任添。

因為小弟唔係好食三文治，所以就選擇食貴GBP 2 o既Fortnum & Mason High Tea。依款套餐同之前嗰款唯一不同之處就係個迷你三文治換左做一款自撰熱食小點。XO仔當日揀左個龍蝦蛋包為熱食小點，嘩，正到dum幾聲呀，可惜依款熱食係冇得再添o既。小肥一向唔浪費食物，而且又見可以無限添食物，我就一於當左個下午茶係晚餐，食個"High Tinner"（即High Tea + Dinner），飽到攬住個肚走。用GBP 50食左兩餐高質食物，如果胃口好，食量勁，真係可以係幾抵食架。