最近分享過的旅程 |
整個旅程 (共4篇遊記)
分享至Facebook
2月25日(晴)
翻閱香港出版嘅旅遊報刊雜誌,都會留意到介紹親大阪例必提到濕平熱點「心斎橋」內有咩新店開幕、新食肆登場、及旅客專享優惠。旅程嘅第三日,我地就以此為主要購物地帶,喺酒店食完個自助早餐後,即出發前往揚名海外嘅商店街。一如所料,喺「心斎橋」淨係逛一個早上係絕對唔夠皮嘅,結果當然係行到傍晚啦!
中午時份,小肥其實係應美人姐姐推介,於「心斎橋」附近一家頗洋化嘅「ステーキ オクソンOx On」食鐵板燒作午餐。個多小時嘅餐飲雖然高質,但就唔多夠飽,食甜品前大肥爸爸仲因行落樓梯時失足,誤傷咗喺佢前面嘅靚靚媽咪。。。幸好家母為習武之人,都叫做食過吓夜粥,不過要頂住過二百磅嘅無情力,傷勢幾唔嚴重極都唔可以再行得太耐街街囉。
由於翌日將返港,晚餐就決定喺梅田一間燒肉店「焼肉の牛太本陣」度搞掂。飯後小肥兩兄弟送咗父母回酒店後,先再走咗去「Hep Five Mall」度玩咗轉摩天輪,再嘆埋杯日本「星巴克」專有嘅「櫻花忌廉星冰樂」先捨得返房執行李。不甚飽肚法日鐵板料理 2018-03-23
高質親民燒肉店 2018-03-23
摩天輪可播放自選音樂 2018-03-23
擋不住的粉紅櫻花誘惑 2018-03-23
如要加入留言, 請先登入