每朝起床，食過早餐，如果船隻仍於海中行駛，太陽未升至頭頂，大家都似乎已經慣性地要嘆返杯morning mimosa或者係其他酒品好好享受。Crystal於最後一個航海日再一次請黎深受搭客愛帶o既A貨披頭四作最後演出，午餐前喺Crystal Plaza大派Today’s Drink Special之「Beatle-Juice」，襯托返披頭四洋名「Beatles」，有意思得很！

「Beatle-Juice」含Malibu Coconut Rum、Limoncello、Bacardi Rum及鮮榨橙汁，酒味酸甜醒胃。唔知係酒精o既影響力，定亦或係披頭四o既魔力，歌者奏起音樂不到半分鐘，一眾公公婆婆已紛紛步入舞池與演出者一同跳起勁舞，氣氛澎湃非常！

Crystal Serenity駛入香港，大肥就唱出「船兒彎彎入海港。。。」，貼切得黎亦逗得團友們笑聲四起。

講真住咗香港咁多年，XO仔從未仔細欣賞過香港聞名o既靚景。今次多得Crystal設計出此道東瀛航線，策劃香港為尾站，團友十人得以遊客身份細看「東方之珠」o既迷人色彩，由下午o既藍天白雲，直至傍晚時份日落西山，經過寂靜o既離島小屋，再達繁華o既市區高樓，親身體驗香港如何贏取美譽。良辰美景喺無酒精o既情況下都足以醉倒觀賞者，難怪甲板上o既旅客越企越多，嘩聲不斷！