Panoramic Nagasaki Tour首站為「長崎原爆資料館」（The Nagasaki Atomic Bomb Museum），即團友們最想到之景點。喺旅遊巴上，導遊小姐已經開始講解有關原子彈爆發o既歷史及戰後一啲感人故事，亦提醒大家於館內可能會睇到一啲令人情緒不安o既照片，好讓大家步入館前先收拾心情。

進入館內必先經過一條螺旋形o既樓梯，其白色o既牆身以千鶴摺紙「連鶴」（A String of Thousand Cranes）圍繞住，係由一位荷蘭摺紙藝術家Manno Ori先生以一張長達150米o既紙所手摺而成。相信好多人都有摺過紙鶴，但係此「連鶴」後面其實係有一個非常感人o既故仔，主角係一位名叫佐佐木禎子（Sadako Sasaki）o既小女孩。據導遊小姐所講，木禎子係原子彈爆炸事件中其中一位受害者，遇襲時僅僅兩歲，爆炸威力強大至令小女孩從家中飛出窗外，卻又出奇地仍然生還，而且表面無任何傷痕，看似健康地成長。奈何木禎子於十二歲時，身體突然產生外皮紅腫、出現紫色斑點等異狀，經診斷後証實因受到當年原子彈輻射感染而患上血癌。木禎子並無因此而放棄，因為佢深信日本相傳多年o既一個「千鶴傳說」會實現人間，只要佢誠心摺上一千隻紙鶴，神靈就會為佢實現康復o既願望。因為嗰個時代摺紙為奢侈品，木禎子只好用剩餘o既藥紙及其他廢紙摺紙鶴，亦感染到周邊其他病患者一齊摺，可惜當佢摺完第一千隻紙鶴後，奇蹟並未有發生，並不久離開人世，但其堅毅之心卻得以流傳，感動世人。

原子彈博物館內除咗圖文並茂地講述原子彈爆發前後o既歷史、長崎市重建o既過程、原子武器o既研製及其帶黎o既悲慘禍害之外，當中亦展覽出多件被破壞o既建築物遺迹，如停頓於案發時間十一點零二分o既牆鐘、瓦片、骸骨、原子彈模型等。看畢，大家都抱著沉重o既心情沉默離去。

離開原子彈博物館，導遊小姐就帶領團隊行去鄰近o既「平和祈念像」。平和祈念像（Peace Statue）十米高，其祥和之臉孔象徵著慈悲，緊閉o既雙眼意味著為死難者祈禱冥福。看似簡單o既雕像其實仲隱藏著多層意義：高舉o既右手正指向原子武器o既威脅，平舉o既左手代表永世和平，打坐o既右腳反映沈思冥想，伸展o既左腳則表現出其請救世人之主動性。

平和祈念像旁有個祈福塔「折鶴之塔」，其金鶴頂部同佐佐木禎子o既「千鶴故事」相連，因為當年木禎子臥病在床時，其好友正正就係摺咗一隻金紙鶴送贈祝福佢，並給其敘述「千鶴傳說」。塔內多隻七彩紙鶴全為供奉死難者之祭品。

平和祈念像位於「平和公園」內之「願望區域」（願いのゾーンZone of Hopes），顧名思義係象徵住和平與希望。從祈念像沿住公園一直行，會經過多國送贈之和平紀念碑，故此廣場又名「平和祈念像地区」（Peace Symbols Zone）。

廣場內有幾多個紀念碑就唔係好清楚，以上相片亦只係一小部份。當中喺「長崎の鐘」及「原爆殉難者之碑」旁，有位大叔不斷用日文講話，更聲稱自己為原子彈爆炸後其中一位生還者，記得當年只係搵乾淨水飲已經夠艱辛，能夠活到現在實屬僥倖，亦不介意與旅客們擁抱握手，希望為大家帶來幸運。

和平紀念碑廣場尾端有一個噴水池，係得到國內及國外多方o既贊助建造而成，名為「平和の泉」（讀音：Heiwaa no Izumi；Fountain of Peace）。受到原子彈突擊後，受難者好多都因缺水而渴死，噴水池內o既水正好用作獻祭給其之用，滋潤在天之靈。此外，泉水噴射出黎o既形態猶如和平白鴿拍翼飛翔，亦與長崎港口之鶴鳥外形相稱（長崎港又名「鶴之港」），具雙重意義。

和平之泉正前方有一塊石碑，上面刻有由九歲女受害者山口幸子所寫o既日記中o既一節：

「のどが乾いてたまりませんでした。水にはあぶらのようなものが一面に浮いていました。どうしても水が欲しくて、とうとう油の浮いたまま飲みました。」

"I was thirsty beyond endurance. There was something oily on the surface of the water, but I wanted water so badly that I drank it just as it was."

意思大概係：「口渴至再也無法忍受了。水面上浮有一層看似油的物質。奈何太渴求水了，即使有油浮於水面也得喝下去。」

平和公園四周都可見到一啲建築物o既遺跡，行近睇先知原來原子彈爆炸當時，該地為長崎監獄o既支所「長崎刑務所浦上刑務支所」，因被炸到粉碎，獄內所有職員、監犯、疑犯無一幸免，遺下o既只有地基、矮牆及鋼筋等。牆身現作圍牆之用，頂部就種上花草作為裝飾。

平和公園附近就只有一間售賣手信o既「被爆者の店」，位於長崎監獄圍牆側邊，入面不但有各式各樣o既手信、精品、書籍等，更有即飲酒品、即食熱點及蛋糕，歡迎試食，服務生亦落力友善，團友們都買得勁開心！

我地當日所參加o既Panoramic Nagasaki Tour其實仲有一個景點Glover Garden，但係由於長輩們實在無力再行斜坡，行到半路大隊就決定隨便搵間快餐店食碗拉麵或者飯物，稍作休息及充飢，而最愛旅遊o既哥哥則獨自一人繼續觀光。

大家都係第一次黎長崎，只好單憑商店門外之食物圖片而選擇用餐地點，結果就行咗入去一家叫「長崎マリア館」（Nagasaki Maria Kan）o既餐館入面。共兩層o既Maria Kan，地舖係一間大形手信店，地牢則改建成飯堂式o既中華料理餐廳，面積同樣咁大，地方亦覺簡潔衛生，但貼滿長崎照片及雪糕口味之牆身及紅色吊燈就較為俗套。當日除咗我地七個人之外，就只有一班日藉後生仔女，侍應姐姐雖然不懂以英語同我地溝通，但仍落力地為我地服務，給予熱茶熱水及附有圖片o既餐牌。

小肥叫咗一碗傳統日式中華料理丼物「親子丼」，即滑蛋雞肉飯，順道就考考團友們知唔知個餸名o既來由。哈，有「人肉百科全書」之稱o既大肥爸爸最愛搶答，其他人都未聽清楚個問題已經答出「蛋為雞之子也，雞為蛋之父或母親也」，真係恭喜佢答中冇奬。

親子丼套餐包有麵豉湯一碗及黃色醃蘿蔔一小碟，冇影到餐牌，不過記得一千日元有找，好似900日元咁上吓，屬正常日本價。外出天氣寒冷，第一口滑蛋熱飯暖至入心，就算雞肉有少少乾都只係懂得欣賞啲飯粒有幾香同幾軟熟，大肥更於五分鍾內食哂成大碗飯，真係誇張。

由巴士停車場步行往Glover Garden景點嗰條斜坡名為Glover-Dori，兩邊全為售賣長崎土產及精品之商戶，係區內著名o既手信街。團友八人並未有買下生果，大多集中購買Hello Kitty X長崎之精品及糕點小食。

其中一間店舖名為「カステラ神社」，「カステラ」讀音為「ka-su-te-ra」，係長崎特產蜂蜜蛋糕之名稱，「カステラ神社」等同「蜂蜜蛋糕神社」，個名改得夠搞鬼，夠突出！

不過喺咁寒冷o既天氣下，最懂得做生意o既一家就係「杉養蜂園」（http://www.0038.co.jp/ec/）；店內兩位姐姐不斷向途人免費派發熱飲，並推介飲品乃其自家釀製之果汁蜜簡單地以開水沖製而成。除咗冬天可熱飲、夏天可涷飲之外，果汁蜜可用作煮食用之調味品，例如調製果涷、雞尾酒、淋上刨冰、班戟等、甚至煮製排骨都一樣得！見佢地咁落力推銷，出名耳仔軟o既小肥一口氣更買下八款口味中之三款，每款各三枝，（嘻嘻，寓意「三三不盡，六六無窮，長長久久」），個人覺得，當中以「柚子味蜂蜜」（Yuzu Citron Honey）及「櫻桃味蜂蜜」（Acerola & Honey）汁製熱飲最為美味，絕對值得一試！

上文提到「カステラ」（讀音為「ka-su-te-ra」）為長崎特產之蜂蜜蛋糕，由於售賣此款蛋糕之商店實在太多，故小肥喺離港前已經做足資料收集功夫，知道港人大多愛吃「文明堂」品牌，更鎖定此家為目標店，購買手信。

創立於1900年o既「文明堂」係百年老字號，其蛋糕以高質及貴價為名，材料亦只用日本雞蛋「南蛮卵」、全國最嚴選o既純天然麥芽糖漿、頂級麵粉及糖粒，全為信心之保證。

據盒面所講，長崎蛋糕「カステラ」其實係十六世紀由一位葡萄牙傳教士引入長崎，「文明堂」門外亦貼有字句，講解蛋糕源於西班牙一個歷史王國Castile（西班牙文為「Castilla」），當時日本人以Castile之葡萄牙文「Castela」取名成「カステラ」（「ka-su-te-ra」）。因為清香甜美o既蛋糕深得長崎居民愛帶，故此亦試作模仿焗製，及後此味異國風味更逐漸演變成長崎特色土產。

雖然カステラ多被稱為「蜂蜜蛋糕」，但其實烤製過程當中並未有加入任何蜂蜜，原材料只有雞蛋、麵粉、砂糖及麥芽糖，味道則極似蜂蜜而已。

Panoramic Nagasaki Tour散隊後，小肥就同哥哥乘坐Crystal所安排o既免費穿梭巴士出長崎市中心逛街濕平。

相比起之前去過o既東京、橫濱同大阪，長崎市中心人流較少，街上所見到o既旅客好似全部都喺同我地同船o既。此外，到處都掛上「長崎燈會」o既紅燈籠，真係差啲以為自己仲係喺新地中華街。市內最受歡迎o既店舖似乎就係一百日元店「Daiso」及日本特有o既博采彈珠機店Pachinko，而外國品牌o既店舖看似為絕跡，感覺唔多潮囉。不過好在市內有不少超級市場，要購買新鮮魚生並不太難，而且價錢比其他城市更為便宜。

所有乘坐郵輪離開日本境o既搭客都必需正面與入境主任面談，辦理申報及離境手續。地點就位於碼頭，步行不需五分鐘，計埋輪候時間，全程約十至十五分鐘，簡易快捷。

郵輪預定傍晚六時駛離長崎鶴之港，下午五時半已有大批小朋友聚集船旁練習排出不同陣形，大約五時五十分更加插練鼓環節，搭客紛紛步出陽台觀看究竟。原來佢地係為歡送郵輪及到訪之旅客跳出鼓舞，準六時正式開始表演。眼見小朋友們雖然要挨涷，仍落力地打鼓跳舞，觀賞o既乘客都不斷拍掌歡呼以作鼓勵！

喺郵輪上，每每歡樂時光一到，團友們好自然就會聚於Crystal Cove，先嘆返一、兩杯雞尾酒，離開長崎當晚亦不例外。

Today’s Drink Special之Japanese Slippers – Sauza Silver Tequila, Midori Liquer, & Fresh Lime Juice：可能綠色o既雞尾酒內有兩種不同o既酒品，酸酸甜甜o既青檸檬味下之酒精第一口已直達鼻樑，精神為之一振！

郵輪駛離日本，Crystal個廚房除咗提供一啲傳統o既西餐菜式，如牛扒，煎魚等之外，亦繼續試玩西日fusion，並烹調出幾道又西又日o既美食。

Chicken Consommé with Wild Rice Fritter (Low Sodium)：Crystal非常注重搭客o既健康，只要食客提出要求，所有食物均可以「low sodium」造出。此味清雞湯毫不油膩，雖然屬少鹽，但清香o既雞味無減，加上日式飯粒點綴，令腸胃更加實在。

Tempura Fried, Rare Ahi Tuna Roll – Mixed Lettuce with Cocktail Tomatoes, Nashi Pear, Cucumber, Carrot, Daikon & Pickled Ginger, Drizzled with Sesame-Lime Aioli： 伴碟o既沙律用料新鮮爽脆，主角天婦羅吞拿魚卷更為一絕！卷物中之吞拿魚餡鮮香軟嫩，其薄薄o既炸皮又夠鬆脆，點上秘製o既芝麻青檸醬汁更覺醒胃美味！

廚師推介之Japanese Bouillabaisse – Lobster, Salmon, Shrimp, Scallops, Clams & Mussels, Red Miso-Shellfish Broth, Vegetables, Shiitake & Soba Noodles：海鮮大雜會味道香濃而不太咸，龍蝦肉一啲都唔嚡唔老、蜆肉鮮甜、蝦身爽脆、三文魚同帶子同樣鮮嫩，底層o既蕎麥麵索滿湯汁，香濃入味，好一味西日混血兒！

Banana Flambé：甜品中之香蕉軟腍易入口，而且酒味香醇甜美，簡單配上朱古力碎及雲尼拿雪糕已教人醉倒！

當晚離開餐廳前，老師們贈咗小肥一句「Vitimo Se Casnie」，意思為「See u later！」

出門旅遊行程固然要計劃週詳，但住宿地方也是得很小心選擇。這次遠赴英倫，人生路不熟，瀏覽了許多個網站後，便決定在此台灣老闆主理的民宿落腳，度過兩宵。幸而，老闆熱心友善，雖然只留了短短兩晚，也感到這裡滿是家的感覺。

民宿位於Metro Northern line的Tufnell Park站出口不遠，附近是民居，環境甚優且安全。

進門地下的一層就是廚房和飯廳，飯廳架上除了放了食具等，還有CD和CD播放器。甫上樓梯就是兩間浴室和廁所，整潔通風。沿著樓梯的牆壁畫滿多姿多彩的圖畫。

我們二人住在二樓的三人房，房間內有三張床和一張梳化床。三樓另有比較狹小的一人房。每間房內都有大大的書架，放滿中文散文、小說及旅遊書。一進房看見我便滿心歡喜。房間內也有漂亮的壁畫。

早餐時間是八時至九時，吃的是老闆親自下廚煮的豐富英式早餐。從奄列、吐司、香腸到蛋糕都是十分的美味，本想為午餐留肚可是仍是忍不住口的吃。一邊吃早餐，一邊跟老闆和另外的台灣旅客聊天，交流一下旅遊資訊，更是愉快。

因為要趕乘早上的歐洲之星列車，第二天早上無法坐著享用早餐，老闆便預早幫我們備下了簡單美味的三文治、香蕉和朱古力蛋糕，讓我們可以帶上車享用。老闆亦十分信任我的讓我離開前把鑰匙放在桌上就可。

整體予人家的感覺，地方也整潔舒適。住宿費一晚一人為£35，需預先匯款半數到英國或台灣付訂金。不過提一下要求酒店級衞生者，還是別選住民宿好了。

香港曾是英國殖民地，受影響之下不少地方也有供應下午茶，吃下午茶甚至成為內地自遊行客或外國旅客來港的指定動作。所以這次難得到英倫，又怎能不感受一下地道英式下午茶的魅力呢？

在網上找了好多家有供應下午茶的餐廳或酒店(建議大家瀏覽http://www.afternoontea.co.uk/，一個很好的下午茶網頁)，最後被Chesterfield Hotel – Mayfair優雅的庭園環境及為音樂劇Charlie and the Chocolate Factory而推出的朱古力下午茶吸引了，便在它官網訂了最早的入座時間一時半。

下午茶用餐區就是在酒店大門直入的Butlers Restaurant，我們甫走進去，男侍應便笑著說女士們一定是來下午茶的，親切地引領我們入座。

早就在網上讀過它的下午茶餐牌 (http://www.chesterfieldmayfair.com/bar-and-dining/~/media/rch/ch/pdfs/130501_ch_afternoon%20tea.pdf)。所以聽笑容可掬的女侍應介紹了一下茗茶，我們便很快點餐。除了傳統下午茶，餐廳還有供應素食下午茶和無麩質下午茶，全都是收費£32.5+12.5%，想喝香檳的話則是£39.5+12.5%。

Welcome drink 甜甜酸酸的，加入了爆炸糖在中，挺有趣的。

先上來我倆所選的茶，看著女侍應單手捧著兩壺茶，還要一邊用另一隻手倒茶，實叫我們替她擔心。不過她最後當然很順利的把茶準備好再放在我們面前。Willy Wonka Chocolate Tea是特地為朱古力下午茶而設的錫蘭黑茶，濃厚茶味中滲透黑朱古力的香氣，很是有趣。

另外一款Afternoon Blend是它酒店的名物，以秘方混合了阿薩姆茶和錫蘭茶，入口甘醇順喉，我們都十分喜歡。

接著便是三層架登場。先嚐新鮮熱暖的鬆餅。自家製的朱古力鬆餅和提子鬆餅都好吃得沒話說，質感鬆而不散不乾，塗上幼滑無比濃縮忌廉更是滋味。另外還有帶果肉的果醬，但也不及忌廉入口細膩曼妙。吃畢忍不住refill了，最後我一人整整吃了兩件朱古力鬆餅和三件提子鬆餅。

第二層是甜點，有看過Charlie and the Chocolate Factory就會知道每款甜點都有加入故事內的原素。不過可能英國人就是吃得較甜，那種甜度有點兒超過媽能接受的程度。藍莓macaroon皮偏輕脆。macaroon pop表面黏了爆谷，中間夾了焦糖。檸檬蛋糕清香。Golden egg朱古力層中裹了夾心，甜上加甜。最喜歡Chocolate Wonka bar，朱古力與脆米完美配合。

Oompa Loompa cupcake依照了Charlie and the Chocolate Factory中的Oompa Loompa小矮人的模樣而製，橙色皮膚蓋上綠色頭髮，稍甜但挺討好的。

雖然甜食不是太對我們胃口，但三文治又是驚喜的好吃。簡單的青瓜忌廉芝士配白麵包、甜美的蛋黃醬雞蛋西洋菜配香草包、經典的煙三文魚忌廉芝士配麥包、殊不簡單的茄醬蜜糖火腿車打芝士配洋蔥包及特色的烤雞芥末蛋黃醬杏仁粒配白麵包，每款都精緻美味，猶愛最後兩款。雖然客人可以任意refill，但我們實在吃不下。鄰桌兩位女士refill三文治後吃不完，餐廳竟然替她們打包好讓她們帶走，我和媽都不禁嘖嘖稱奇，想是在香港不可能發生的吧。

結帳時女侍應拿了一個黑袋給我抽出一個金信封，她說封內是項下午茶優惠，不過我必須待下次光臨才可打開來看和使用。

整體環境和服務都值滿分，食物也叫人很享受，是在香港付再多錢也換不到的體驗，誠意推介給大家。