本想不提，但又好想和大家分享，真的是三亞美食，幸好有當地工作的老朋友帶領，才沒有錯過在三亞市有名的東海龍宮美食城，剛到東海龍宮美食城，已感 到環境和氣氛超正，面對大東海， 椰子樹上掛滿燈，又有現場歌唱表現。從沒試過在內地食海鮮會好過香港，今晚總算試過，我們點了：

清蒸生猛海青衣，一斤半重（香港重量約一斤），剛熟魚肉超滑嫩；

清蒸和樂蟹，蟹膏飽滿味香濃，蟹肉鮮甜；

青紅椒炒芒果螺（近似香港的花甲）；肉質肥美，一點沙都沒有，非常好食；

蒜蓉粉絲蒸象拔蚌，鮮甜肉脆;

白焯鮮魷魚，不用加任何調味都非常好食，魷魚鬚脆，魷魚身嫩；

青炒四角豆，感覺非常新鮮好食，是海南島特產，只有在海南島才有，所以一定要試呀!

廣東燒鵝，鵝燒得皮香脆，肉嫩多汁，係香港都很難食到；

椰子飯，很特色，是用椰子做器皿，放入糯米，蒸四小時已上，糯米吸了椰子汁，飯味清香，入口清甜，不覺滯；

炭燒雞全翼，加了少許孜然粉，好野味；

炭燒秋刀魚，肉質油潤，一點魚戥味都沒有，不用加青檸檬汁，已 好好食；

炭燒菠蘿，用錫箔紙包住燒，味道都可以。

總括而言，東海龍宮美食城雖然只用簡單的烹調方法，沒有多餘的調味，勝在夠鮮，食材及多方面都能見到老板都是用心去做的，所以覺得值得推介比香港的 朋友試試，下次去三亞一定再去試。

最初還擔心很難找，怎料當的士駛進雞鳴寺路，便見到路邊兩旁滿開的櫻花樹和人頭湧湧的場面，這時便知不用找了，「就是這裏啦!」

南京的櫻花主要種植於市政府前面廣場及比鄰的雞鳴寺一帶，大概有數百株之多，是日本國作為友誼的象徵贈送給南京市的。

聽說雞鳴寺裡面的素麵非常有名，我們當然要一試啦! 是半自助形式，我們要先到售票處購票，食物便會送到枱上，但當碗麵送來之後便相當後悔了，麵竟然只是微温，而且味道一般。

在白雪映襯的合掌屋 突顯了它的孤寂

呢次要推介既就係呢個團最後一餐﹗

去o了o能館食「了能私房菜」 ，唔係講少，真係好好食﹗估不到跟團都有好野食，我估我同食家以後放假都跟定「美食之旅」。

一入去見到有個阿姐0係度包稯，好多人排隊買呢﹗應該是呢間野出名的美食﹗

十人一圍，齊人就上菜，味味都唔洗搶，因為根本唔會食得哂﹗

第一味來了，水晶雞﹗

雞味超濃郁，這就是走地雞的味道，肉質實淨，脂肪不多岩哂我﹗

根本唔洗蘸任何醬汁，細味那雞肉的味道已十分足夠﹗

是我吃過最好吃的白切雞呢﹗

掛爐燒鵝，每圍有半隻﹗

半隻也不少，因鵝種超大隻，鵝皮尚脆肉味濃郁，想不到在大陸食親野個味都咁鬼濃厚﹗

食完兩味，飲湯時間，了能的重點出品，豬肚湯﹗

呢兜就係湯料，足料非常，有豬肚、豬骨、豬雜等

胡椒味不算濃，反而喝得出豬肚的清香，導遊話呢個湯係煲足六粒鐘架，怪不得咁好飲﹗

呢個是蒸肉丸﹗

味道有點似山竹牛肉。

順德小炒王。

是韭菜花炒魚仔，香口好吃，如有啤酒就正了﹗

清蒸白飯魚﹗

下了薑絲蔥絲同蒸，平時椒鹽就食得多，就咁清蒸腍腍地幾得意喎﹗

之前講門口有人包稯，呢個煎稯真係不得了﹗

將稯切件之後煎香兩面，完成品十分香口，脆卜卜之餘仲提升左米既香味﹗

我一個人吃了三件，最後食剩兩件阿姐直頭忍唔住攞張廁紙出來打包，話帶俾香港老公食，好味程度可知一二﹗

大豆芽炒精肉，芽菜吸了肉汁，香口﹗

雞紅，我同食家都無咩興趣。

呢個係七彩炒蝦條。

蝦條是用蝦肉打出來的蝦膠，彈牙爽口，蝦味濃﹗

唔係講笑架，跟美食之旅真係餐餐都十個餸架﹗

10個人唔食飯都食唔哂呢﹗

蒜蓉豆豉蒸蝦﹗

蝦新鮮，肉實淨，估唔到用蒜蓉豆豉蒸又幾好味喎﹗

炒通菜作結，食咁多肉真係要食番多少少菜﹗

跟團每位送一碗大良雙皮奶﹗

極甜極重奶味，好此道者亦很欣賞﹗

我地十個盡哂力，都有0的食物浪費了﹗

跟團有0的咁正既野食都係第一次，打破左跟團一定無啖好食既定理，仲要住既係四星級極新酒店，訓得舒服﹗

熱情推介美食之旅短線大陸團，行得深圳多，想去下其他近近地既地方﹗唔洗諗有野食有野玩之選﹗

更多相: http://hk.myblog.yahoo.com/smallsmalllin/article?mid=23808

我的飲食微博: http://t.sina.com.cn/smallsmalllin

因為爸爸太大隻，要坐15個鐘頭既經濟客位太辛苦，所以一家人遠行就益埋小肥既XO仔有得坐商務機艙。

座位用cubicle式隔開，打斜形設計，腳向住路口，好夠私人空間。張櫈更可以180度平訓，對腳可以伸展得非常舒服。不過請留意：體重二百磅（二百頭嗰隻wor），身高5尺10既爸爸有個大肚腩，佢都只係覺得個位既size啱啱好，所以唔知道如果再肥Ｄ坐唔坐得落架。

電視機喺座位既內側撳出黎，好容易操控。機上提供既影片，音樂，遊戲，夠新夠多選擇，訓唔着都大把野可以做。Headphone既隔音亦做得好好，成功地增加左喺飛機上睇戲同聽歌既享受，讚。

上機後，擺放好行李，扣好安全帶，空中小姐好快就比杯飲品我地（共有四種選擇：橙汁，蘋果汁，香檳，水）。起飛後冇耐佢就攞左個 "agnès b." 既 Amenity Kit同餐牌比我地睇。唔知印刷費係咪好貴呢，定係個餐牌有寶，揀完食乜做午餐，佢好快就收左個餐牌，搞到我要上網抄錄返食左Ｄ乜。

中午前空中小姐們就開始忙碌地派上我地揀左既午餐同餐飲：

1)     Duck Confit & Goose Liver Terrine：一款涷到我牙都震埋既頭盤，係人都有既；雖然味道唔錯，不過因為涷得滯所以硬左少少。

2)     Tomato Salad：都係涷，不過好在唔酸，所以都食哂。

3)     Steamed Chicken w/ Yunnan Ham & Bamboo Shoot：中式主菜；雞肉同飯都夠熱，不過Ｄ飯就硬左Ｄ，雞肉個汁就太過味精，搞到XO仔要食藥同飲可樂去解返。

4)     Fresh Seasonal Fruits：唔甜唔酸，不過就好涷好硬。

食飽後睇左陣電影，再午睡片刻，大概六點半又有得食啦，今次係晚餐：

1)        Garlic Bread：成程機最美味既一味；麵包熱辣辣軟腍腍，蒜味好香濃。

2)        Flat Egg Pasta w/ Pumpkin, Mushrooms & Cheese：西式主菜；味道淡，麵條偏硬，個汁又杰又槳住個口，非常之溜，食完重有少少胃痛添，失敗！

除左用餐時間，全程都好少見倒有空中小姐經過；只係關大燈後攞過樽水黎就失哂蹤。因為個晚餐唔係好得，大概深夜時個肚就喺到叫，諗起餐牌中提及過有燒鴨瀨粉同雲吞麵食，所以就撳左個制問空中小姐。唔知係咪嘈醒左佢呢，佢個樣好兇地話要睇下有冇wor。等左佢成十分鐘後先返黎話我知機上有燒鴨同雲吞，不過冇瀨粉，燒鴨只可以配雲吞麵。（唔怪得知要咁快收返個餐牌啦。）因為曾經喺機上食完雲吞眼都腫埋，所以今次就叫左碗燒鴨跟雲吞麵；意外地鴨肉好嫩，不過個湯同麵就太勁味精，食完喉嚨又乾又粉。

總結：對我個人黎講，座位舒適，娛樂豐富，不過膳食太過依賴味精，最差勁既就係空中小姐既服務態度，不單唔會睇下乘客有乜需要，有需要時重要黑面神上身，惡劣中之惡劣！

又夠鐘Happy Hour！原來China Town唔興Happy Hour亦無酒吧，只有酒樓食店。早點食晚飯吧！去了T&K Seafood Restaurant（後來至知原來幾多香港人去食飯）。
坐在室內，有冷氣，小小迫。看似老闆娘的女仕招呼我們坐下。我們點了啤酒後想了好一會才落單，又改變主意兩次，她也笑住說ok！叫了燒蟹和燒蝦。兩樣都新鮮，但燒蟹好貴呀！成一百蚊港紙一隻，得6～7両，兩啖就食完！有D唔值wor！燒蝦無特別。見隔離檯的香港夫婦叫了抄菜，青咖喱等泰菜，口中也說著唔係特別好味。而且這裡是純遊客區，食野都唔平啊！
跟識食的香港人說這裡主打海鮮?!.....行唔通wor