酒店內其實有兩個地方都可以用房費包咗嘅早餐券，其中一度就係三十二樓嘅行政酒廊，據悉該處座位及餐飲項目都比較少。深知大肥爸爸最愛多元化，所以哥哥就話不如喺酒店設於二樓嘅咖啡室「Checkers」內享用較多野食嘅自助歐陸式早餐。

餐室每朝早六點半開始就會開放俾啲住客食早餐，閒日收十點，週末收十一點。入座後服務生都會先呈上咖啡或茶，接著就由貴客自取食物。自助區有多款果汁、茶包、麵包、水果、咸點、熱食可選，當中個人主攻朱古力牛角包、燒賣、乳酪、粟米湯、同粥。開放式廚房內有位廚師哥哥即場煎蛋及炒蛋，當然大家亦可點奄列啦！

多得蕃薯Uncle每天都有細閱五份報紙嘅習慣，每份仲要係由頭版睇到尾頁，中間大小專欄及廣告都唔放過嗰隻，方才知悉大阪有間抵食高質嘅星級法國餐廳「La Cime」，肥肥家族當然係要第一時間見識吓啦！

從官方網站已清楚了解餐室午市只供一款8,500円嘅九道菜餐單，晚市則一率為18,000円嘅十二道菜餐單，另加稅。網上訂座流程由用餐日期一個月前開始，逢週日休息，小肥跟隨指示就輕而易舉地於一個月之前成功為午餐訂好位。負責人於二十四小內以電郵確認回覆，告知大廚會用節令食材烹調精美午餐，並問及各人有否對任何食物敏感，相當詳細，未到大阪已感其服務態度專業。

由梅田出發，乘坐地鐵往離餐店最近嘅本町站只需約五分鐘，由車站行去餐廳再要八至十分鐘，個人覺得絕對方便。身為地舖嘅西餐廳以不甚起眼嘅黑白色作門面，室內亦無花巧嘅裝潢，彷彿正要用極簡主義嘅室內設計向貴客道出相等於「請留意美饌」嘅訊息，有意思極！店子面積不大，但勝在樓底高，環境潔淨企理，簡單用上鮮花擺設已夠雅致，就連洗手間都寬廣舒適過人。

四口子初次光臨「La Cime」，官仔骨骨嘅經理哥哥眼見小肥手持相機，即友善地提點因店內有其他食客，希望細佬可喺不影響他人用餐嘅情況下拍照，XO仔話哂都係醒字派，當然明白點做啦！

餐桌上每個座位前面都有整齊嘅餐具及當日嘅精選餐單，另附一份飲品牌。食物早已喺訂座時選好，故大家只需點選飲品，當中可揀單杯美酒、汽水、原枝洋酒、甚至可任由侍酒師即玩配酒添。家中以靚靚媽咪最識飲同最飲得，外遊都唔怕會飲醉嗰隻，所以只有佢一人玩6,000円嘅「配酒套餐」。媽媽大讚餐廳所揀選嘅香檳、紅酒、白酒、清酒同啲菜式相合得黎唔會互相衝突，而且質量絕非等閒之輩，價錢實為超值也！

九道菜午餐先由鬼佬白蘿蔔所烹調嘅馬卡龍前菜作序。「White carrot & almond」鬆化潤滑得黎極之輕盈，以大大件假木高盤承載又增添份純樸，可謂美貌與美味並重。

第二道「Herring on the buckwheat chip」嘅木盒擺盤同樣有種大自然feel。一口吃下富彈性嘅鯡魚刺身及墊底超脆嘅蕎麥脆片，脆中帶韌嘅同時又散發著清香微甜。

冷盤最後一味為色彩鮮黃嘅「Squid & citrus fruit with dried mullet roe」。半透光嘅烏賊粒粒質感爽柔，以清新嘅日向夏及鮮濃嘅烏魚子點綴調味已夠芬芳醒神。

進入第二段嘅熱食環節，即由靚仔經理續一喺面前為「Oxtail with Scallop & Cauliflower」淋上熱熱嘅忌廉汁，於碟子上繪出一幅精美嘅食物圖。藏喺椰菜花幼絲下嘅牛尾極之軟腍，連同乾巧脆薄嘅椰菜花、香脆惹味嘅瑤柱碎及濃滑嘅忌廉汁食，口感有層次得黎味道非常和諧。

接著嘅「Abalone sauter with lotus root & apios」係咁多味最綠色嘅一款，當中鮑魚鮮甜厚潤得黎帶陣陣香草嘅氣色，都幾得意。

試問法國大餐又點可以少舊魚呢，何況仲係兩星名法國料理嘅「La Cime」？！「Yellow Grouper "Aohata" with mountain vegetable & yogurt sauce」以鮮綠嘅蕗薹菜汁唧成葫蘆邊界綑著簾鯛魚件，菜式嘅外表實在吸睛。厚身嘅簾鯛魚肉白滑幼嫩，輕巧嘅乳酪泡沫剛好提升鮮度，效果極之簡潔！

整頓午餐以主菜「Pork from "AMAMI Island" with black radish & black rice」最為鮮紅艷麗。原來奄美大島正正係主廚嘅家鄉，唔怪得知主角會選以鄉下盛產嘅靚豬烹調。煮至粉色嘅島豚不單肥瘦均勻，而且爽口彈牙，兼肉汁豐盛，師傅以微酸嘅醬油及黑米點亮即減低膩感，何其精妙！

最後輪到甜品出場啦！打頭陣嘅「Compote kumquat with ginger flavored fromage blanc」外觀已夠橙光閃閃，亮麗晶瑩，入口更覺清甜爽潤，芳香柔滑。

味蕾以微涼嘅金橘及乳酪洗滌一番後，即由「Warm chocolate in baked pie with "Sakura" & "Sakekasu" sorbet」接棒。呈球狀嘅朱古力批外脆內軟，可可味香濃得黎完全唔會過甜，塗上清涼清新嘅酒粕櫻花雪葩未有互搶之餘，仲出奇地各自為對方突出其獨有嘅香氣，極之神奇！

法式九大簋以精美嘅法式小點配餐茶或咖啡劃上完美嘅感嘆號！

全因「Mの焼肉」喺多本旅遊刊物都有出現，當中主打嘅松阪牛肉插圖又相當吸引，眼見本店離入住嘅「希爾頓酒店大阪」唔遠，小肥唔洗多諗即以網上訂座，流程十分簡易。

餐店合共兩層高，環境雖然較為暗黑，但感覺仍不失衛生企理。四人被安排入座二樓之半獨立式廂房，好夠私人空間。店員中仲有位香港留學生，全晚可以廣東話溝通，份外親切。

打開餐牌一睇，最少有十一頁都係賣緊「松阪牛肉」，迅即明白到店名「Mの焼肉」中嘅「M」就係「松阪」（Matsuzaka）嘅縮寫。既然黎到松阪牛燒肉專門店用膳，肥肥家族就先點咗個包羅萬有嘅四人用「特選松阪牛のぜいたく盛り6種」（27,600円），另加壽司及飯麵。

1)      松阪牛赤身肉炙り寿司（480円/件）+ 松阪牛霜降り肉炙り寿司（580円/件）：餐店有兩款火炙松阪牛肉壽司，四人同屬牛魔王，故亦想即場試齊並作出比拼。平心而論，如果一次只係試一件，兩款獨立黎食都絕對肉香味佳。不過當同場加影時，如相所示，兩者色澤一鮮一暗，入口更覺赤身肉炙り寿司不及霜降り肉炙り寿司肥美軟潤，後者依100円真係抵加同抵俾架！

2)      特選松阪牛のぜいたく盛り6種（27,600円）：松阪牛肉拼盤上枱當真如餐牌上嘅彩圖般鮮紅奪目，非常吸睛。拼盤上合共有六種松阪牛肉，每款形狀不一，但厚度就差唔多。個人覺得松阪牛肉大多燒至四五成熟，仍帶少少紅就最軟熟香潤，不過其中亦有幾件真係學哥哥話齋要熟多少少先更富肉香同肉汁。總括黎講，松阪牛肉不同部位都一樣高質美味，點選拼盤可一次過品嚐多種款式，份量適中，個人誠意推介。

3)      塩タン（850円）：牛脷雖則超薄，但咬落勁爽脆柔潤，正！

4)      Mの肉丼（980円）：丼物嘅白飯底粒粒飽滿軟綿，只係舖面嘅牛肉肥膩咗少少，加上份量唔算好大碗，細佬會情願散叫松阪牛肉自己燒，想食飯就另點白飯。

5)      松阪牛すじラメン（680円）：拉麵個湯底清香熱辣且唔油膩，麵條亦煙韌彈牙，熟透嘅松阪牛肉薄片又一啲都唔乾嚡，680円可謂超值！

相信有睇開細佬寫作嘅朋友都會知道XO仔對阿根廷探戈熱愛嘅程度近年已開始國際化，去外國遊埠都會專登參加當地嘅晚會，務求一會各國舞林高手。

多得日籍好友穿針引線，小肥得以認識並參與大阪地下酒吧「Cafétin de Buenos Aires」舉行之週五晚阿根廷探戈舞會。駐場嘅探戈發燒友不但全為跳得之人，眼見生面口嘅XO仔初黎報到，更續一上前自我介紹及閒聊一番，面對著外出寒冷嘅天氣，感覺猶如雪中送炭般，既親切又溫暖。

酒店吃早餐的時間非常早，用餐的地方跟晚餐的一樣。打開廂房門後才知道原來窗外有山石景，只是晚上太黑看不見。

舒服的環境，加上豐富的食物，開始忘記早起床的疲倦。

吃完早餐，慢慢收拾當天必須品，還來得及趕上9:30的巴士，25分鐘後便到達上高地巴士總站，亦是很多公共車輛的停車處。來往平湯和上高地的巴士有往復券，比較兩程單程便宜一點，遊客可以在巴士站的售票處買票或是在它旁邊的售票機買票。

上高地跟一向看見的日本風景不太一樣，尤其是遊客中心，建築設計非常像紐西蘭、澳洲的郊外遊客中心，加上四周的樹木、河流、雪山，更加覺得自己不是身處日本。

回到出發地點–河童橋已經是午飯時間，我們在橋附近拍拍照，然後在橋旁邊找了一家餐廳，簡簡單單的吃了咖喱飯、蕃茄咖喱飯和炸薯餅，炸薯餅非常大個，點了一個已經很足夠兩個人分了！

吃飽後再在附近走走，看見很多猴子，當遊客中心見到附近的猴子數目太多時，他們會用一個發出開機關槍聲音的小東西嚇走牠們。最後我們在河童橋旁邊的商店買了一個上高地出品的蘋果蛋糕，味道跟聖誕蛋糕很相似，不過因為有新鮮蘋果肉，比聖誕蛋糕更爽口好吃！

4點半，天開始暗，山上的遊客開始離開，我們等候5點的尾班車返回平湯。

旅程最後一個在温泉區的早上，吃過早餐，收拾好東西，然後退房，把行李存放在酒店，出外走走，到附近的大滝瀑布參觀一下。

由酒店步行到大滝瀑布的公園大約15分鐘，不過由於四周都沒有其他人，只靠地圖的路線，其間有些車輛稍停一下看看我們，讓我們有點擔心會不會走錯路。

公園的前方有一大片山坡，有一群綿羊在吃草，這個畫面又看似去了紐西蘭了！到達公園，沒有遊客，只有一兩個職員和相信住在附近的居民在放狗。我們在唯一一家小商店買手信時，剛好有一團本地遊客進來購物，不過這群遊客離開後，四周又變得冷清了。

小商店旁邊有一家自家製蕎麥麵店，遊客可以參加他們自製蕎麥麵課堂，不過需要電話預約。再旁邊有一個足湯池和一家餐廳，可是足湯的水看似死水，水是冷的。

遊客可以選擇付100円乘坐shuttle bus到大滝瀑布，我們選擇了步行往上去，雖然斜坡要慢慢走，不過都只是10-15分鐘的路程便看見瀑布，其間都可以拍拍照。瀑布附近有落石注意的警告牌，所以觀賞的同時要當心落石啊！

我們乘撘12:30的濃飛巴士，1:31到達高山。我們先把行李放進locker。如果沒有零錢，就要到鐵路站內的小商店換零錢，因為其他地方的工作人員都會說沒有零錢找換，而小商店的嬸嬸看見大幣值的錢，就自動知道要換零錢給大家了！

放置好行李，想起一家之前經過聲稱薄餅得獎的小餐廳，便決定去試試看。 我們點了一個薄餅套餐和飛驒牛意粉套餐，薄餅的材料其實很簡單，不過蕃茄新鮮的甜味提升了整個薄餅的味道！飛驒牛意粉是最貴的套餐，不過都只是百多元港幣，我們以為意粉上的一大件超級嫩滑的炆牛肉就是主角，怎料原來還有一件小牛扒！ 牛扒外脆內軟，飛驒牛實在太太太美味了！這頓午餐真的大滿足！

下車的位置不是在我們酒店的那一邊，我們要穿過名古屋站往另一邊再多走幾分鐘才到我們的酒店。我們安放好行李後便外出吃晚飯。

我們回到名古屋站，到了高島屋的頂層，隨便找了一家壽司店（現在已經搬遷了）。很久沒有吃蟹膏壽司，於是吃了兩碟！吞拿魚腩壽司和納豆壽司當然也少不了！吃飽了，再到附近走走，喝了罐熱熱的紅豆湯暖暖身，附近的店舖已經開始關門，人群急步趕尾班車，我們兩個却可以慢慢的走，還在酒店旁邊一家蠻大的藥房逛了一會才回去酒店。

來到最後一天的旅程，我們會乘搭下午4點幾的班機回港，於是把握時間吃過早餐，在旁邊的大藥房掃貨，再回酒店收拾好行李，退房，就出發到外面走走！

在日本很多大藥房，買滿5000円，持外國護照（當然以該本護照入境），都有免稅服務。服務員會把所有貨品都放進大透明膠袋內，膠袋上面有一條紅色的封條，只要一打開膠袋，紅色的封條會出現『開封了』的字樣。 所以如果在出境前被發現開封了，就要交回沒有計算的稅款，不過由於很多貨品都是液體，需要放進行李，海關很少檢查。當然作為一個誠實的遊客，還是建議不要開封，而在機場check in時，最好也通知航空公司職員免稅貨品在行李內。

一個小貼士，店舖職員可能只是隨便把膠袋封口，膠袋可能充着很多空氣不方便放入行李內，這時，可以在不顯眼的底部開一個小洞擠壓裡面的空氣，整袋東西就好放多了！

我們坐地下鐵到市役所駅參觀名古屋城，剛好有些建築需要修建，在施工地點旁邊有一個小屋展示建築結構和如何重修，讓遊客更加清楚明白這些古建築的美學！

我們沿着主城樓，即大天守閣的階梯一層一層往上走，其間參觀一些用作展覽廳的樓層，了解古城的種種文化。最頂層可以環顧四周境色，看見一些綠葉開始換上紅色黃色了，很漂亮！

之後回到地面，在古城內的庭園四處逛逛，到小商店買了一點手信，已經差不多要回酒店那邊吃午飯，然後去機場了！

我們在酒店取回行李，拖着行李趕忙又回到名鐵站，坐列車到機場。買票方式已經在第一天行程記錄了，需要的話請參考第一天的遊記。

我們過關後到貴賓室再吃過一點東西，休息了一會，到了唯一一間有日本特產的手信店買了一盒多啦A夢人形燒，只是1000円而已！ 餡料是吉士打，非常美味。相信另一款Hello Kitty的紅豆人形燒都應該很好吃， 有機會要買來試試。這樣就結束了8天的名古屋、高山、北陸之旅！

參觀完春日大社已是差不多下午二時，我們沒有食早餐，又連續走了幾小時的路，現在已快要餓扁了，於是衝入第一間我們遇到的餐廳--春日野。

春日野食堂位於2/F，可以望到對面的若草山，今日陽光普照草地青葱翠綠，景觀不錯。

一直都想試試奈良公園著名的茶粥，以為公園內間間餐廳都會提供，哪知道打開餐牌翻來翻去，都找不到茶粥好失望;但雙腿實在太酸痛，沒氣力再前往其他餐廳了，唯有揀選另外的菜式，點了'春日野御膳'¥1500，'親子丼'¥1000和'黑糖葛粉條配抹茶'¥700。

實在非常喜歡在日本食'親子丼'，雖然好老土，但都要講句，日本的雞特別有雞味，蛋特別有蛋味，一大碗親子丼熱騰騰香噴噴的上桌，雞肉嫩滑可口，蛋味濃郁，加上甘香綿軟的白飯，還有麵豉湯以及清爽的醃菜，食完令人感覺温暖又滿足。

'春日野御膳'出場時令人眼前一亮，漂亮精緻的三層便當盒，每一層的菜色都擺設得賞心悅目，令人胃口大增。三層分別為前菜，主菜以及甜品，前菜有清新的蔬菜沙律，生果，醃菜和輕盈的肉食，主菜有蛋，蝦，昆布卷和新鮮的野菜，甜品則有不同味道的和果子，醃漬物和果涷。我覺得日式便當的感覺有些像份子料理，單從外觀是沒法子估計到食物的味道，必須放入口中品嚐，才能親'口'體會，充滿驚喜。雖然款款菜色的味道都不錯，但始終全部都是涷食，我還是偏愛熱食的'親子丼'。

甜品'黑糖葛粉條配抹茶'也十分美味，葛粉條雖沒什麼味道，但煙靭可口，質感滑溜溜的像麵條，配上香口的黑糖漿甜度剛剛好。但抹茶的濃度實在接受不了，我需要加些清水才能入口。

吃飽了又欣賞完漂亮的景色，我倆繼續起行，前往參觀公園內的其他寺廟。