搜尋:
遊記日期:    發表日期:    
 
簡介形式      文章形式
共找到 104 篇遊記, 正顯示第 1 至 10 篇遊記
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-10-17

47日():洛杉磯的第八天

於美加輕鬆地渡過兩個星期後,假期終於結束,係時候要回港了因復活節遇上多人旅遊,家人買唔到機票搭同一班機,XO仔就獨自一人搭國泰航空中午班機CX 885。估唔到單獨飛反而有幸坐頭等,個位成個獨立休息室咁豪華,除咗有靚酒飲之外,中西膳食意外地竟然可以令小肥用「好食」黎形容,直頭搞到細佬連覺都唔捨得瞓咁激動呀
國泰航空CX 885之B777-300ER型號客機頭等機艙
國泰航空CX 885之B777-300ER型號客機頭等機艙
餐牌
餐牌
魚子醬
魚子醬
煙鴨胸紅莓乾鮮蔬沙律桑莓醋汁
煙鴨胸紅莓乾鮮蔬沙律桑莓醋汁
燴牛仔麵頰肉配芹根蓉及焦糖胡蘿蔔
燴牛仔麵頰肉配芹根蓉及焦糖胡蘿蔔
香橙梳乎厘伴焦糖牛奶雪糕
香橙梳乎厘伴焦糖牛奶雪糕
榨菜肉絲湯麵
榨菜肉絲湯麵
烤牛肉漢堡
烤牛肉漢堡

國泰航空CX 885由洛杉磯直飛往香港,十五個半鐘頭嘅長途航班選用B777-300ER型號客機,首次感受到超豪嘅頭等體驗,實在難能可貴

頭等機艙儲物位置堅多,每個獨立座位可以成個人打平之餘,伸直對腳瞓咗喺度仲有位左右碌黎碌去,闊落舒適得很。前方又有個座椅方便同行嘅友人埋黎傾計,搖身變成一個迷你客廳咁,私人空間勁足。

空中服務員態度誠懇,細心體貼。每位搭客都會送贈一套睡衣、拖鞋、眼罩及個人用品套裝,周到齊全。機上嘅音響隔音系統好強好出色,影片選擇又夠多,結果XO仔連卡通片都睇埋,冇去戲院咁耐反而有機會一次過追返哂多部好戲,正呀!

膳食方面亦相當豐富,只係平心而論,午餐小食比晚餐明確地高質吸引。一上機先有香檳飲,伴配雜錦果仁,不過小肥因有敏感問題未能進食。起飛後不久即為午餐時間,頭盤仲要係成盒魚子醬香檳,這份高級實在令人期盼接著嘅餐飲!蜆蚧周打湯及煙鴨胸均輕巧甜美,不過最有驚喜就係個超級軟腍入味嘅「燴牛仔麵頰肉配芹根蓉及焦糖胡蘿蔔」主菜。細佬一直冇瞓,狂煲電影,眼見晚餐選擇唔係咁啱心水,所以當其他客人都休息緊嘅時候,自己就續一食齊兩款心儀嘅西小食。中式嘅榨菜肉絲湯麵湯底夠清、麵條夠爽、榨菜肉絲又夠味,而份走咗包嘅烤牛肉漢堡亦厚潤多汁,鬆軟惹味,配埋靚靚甜酒,啲戲都變得好睇得多

是次旅遊完結前有幸享用空中上的頭等美食佳釀待遇,這個復活節真的令人十分難忘啊
推介菜式: 魚子醬,香檳,燴牛仔麵頰肉配芹根蓉及焦糖胡蘿蔔,榨菜肉絲湯麵,烤牛肉漢堡
評分: 味道4   服務5   環境5   衛生5   抵食4
  0 個留言    |  加入你的留言
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-10-04

46日():洛杉磯的第七天

臨離開美國前一日,XO仔一早起身就執定哂行李,食完個雲吞餐就同哥哥去還車。因為細佬終於唔洗揸車車,下午茶時間姨媽就請肥肥家族上佢屋企飲歡樂香檳。舅父同姨媽勁有靚靚媽咪心架,以餞行為名約哂區內所有親戚去相熟嘅「海天」晚聚,更悉心安排佳餚美饌,原來係順度為媽咪預祝壽辰,大家當然係盡興而
冬瓜盅
冬瓜盅
花膠鮑魚
花膠鮑魚
燒鴨
燒鴨
江南百花雞
江南百花雞
花菇扣海參
花菇扣海參
酥炸生蠔
酥炸生蠔
上湯龍蝦伊麵
上湯龍蝦伊麵
歡樂壽宴
歡樂壽宴

長輩居美多年,對於區內嘅中餐廳都非常熟識,「海天」可以話係近年最常幫襯嘅一家,全因小店老闆Ricky哥哥平易近人,好客又抵得諗,家人每每要求佢煮啲新餸或者係懷舊菜,做得到嘅佢都必定會試,包場開P收費亦十分合理,難怪會咁受街坊歡迎。壽宴當晚共有兩圍,以下大多功夫菜式並未列入餐牌上,故亦必先預訂,敬請留意。

1)      冬瓜盅:每圍一大盅冬瓜盅,外表已夠震撼,如相所示,甜濃嘅靚湯入面有爽脆嘅竹笙及香濃嘅鴨絲,絕對真材實料

2)      椒鹽鮮魷椒鹽鮮魷香脆惹味。

3)      花膠鮑魚:珍藏雙寶之花膠鮑魚均厚潤滑溜,鮮濃美味!

4)      燒鴨燒鴨大大隻,皮脆肉鬆軟。

5)      江南百花雞:傳統江南百花雞色澤金紅,雞皮香脆鬆化,皮下嘅蝦膠亦爽潤彈牙,轉兩轉已成功清碟,美味程度不言而喻

6)      酥炸生蠔酥炸生蠔香口皮脆,肥潤鮮美。

7)      花菇扣海參海參爽厚潤滑,花菇芳香厚腍,正到暈呀

8)      龍蝦伊麵:鮮橙美艷嘅上湯龍蝦鮮甜無比,爽脆多汁,墊底嘅伊麵索盡精華入哂味,堅掂!

推介菜式: 冬瓜盅,燒鴨,江南百花雞,酥炸生蠔,龍蝦伊麵
評分: 味道4   服務5   環境4   衛生4   抵食4
  0 個留言    |  加入你的留言
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-10-03

45日():洛杉磯的第六天

家中人口眾多,各人因立場不同,聚埋嘅時後其實都好少會談論政治,不過一講到飲飲食食就自然會好投契。話說第六日為「會所天」,中午先由姨姨好爭議性地揀咗喺現任美國總統名下嘅高爾夫球會「Trump National Golf Club Los Angeles」度請食午餐,有美酒佳餚相伴下,成餐飯非常和平;晚餐再由大表姐夫帶肥肥家族初訪市中心另一社交會所「Jonathan Club」,品嚐咗頓高質潮派西餐。
美景輕膳 笑臉2019-10-03
Trump National Golf Club Los Angeles
Trump National Golf Club Los Angeles
餐牌
餐牌
餐牌
餐牌
Garlic Bread
Garlic Bread
Traditional Caesar Salad
Traditional Caesar Salad
Trump's Famous Calamari
Trump's Famous Calamari
Classic Vanilla Bean Creme Brulee (USD 12)
Classic Vanilla Bean Creme Brulee (USD 12)
美景輕膳
美景輕膳

位於海邊嘅高爾夫球會「Trump National Golf Club Los Angeles」擁有無敵海景,環境十分優雅。大眾可享免費泊車,亦可於會所內兩間餐廳進食,其中「The Café Pacific」為較高級嘅選擇。西餐廳裝潢甚有格調,用餐大堂樓底高高,光線充裕,闊落舒適。服務生友善體貼,午市輕膳亦美味可口。

1)      Garlic Bread:免費贈送嘅蒜蓉包新鮮烘出,熱辣辣、香噴噴,皮脆包軟,清新醒神。

2)      Trump's Famous Calamari (USD 17):意式炸魷魚金黃乾巧,份量十足,咬落香脆有彈性,點上微辣嘅蛋黃秘醬更添惹味,個人誠意推介

3)      Traditional Caesar Salad (USD 17):凱撒沙律鮮綠爽脆,簡單味佳。
推介菜式: Garlic Bread, Trump's Famous Calamari, Traditional Caesar Salad
評分: 味道4   服務5   環境5   衛生5   抵食4
Jonathan Club
Jonathan Club
Chophouse in the Grill
Chophouse in the Grill
餐牌
餐牌
Rainbow Crudo (USD 22)
Rainbow Crudo (USD 22)
Maryland Crab Cake (USD 22)
Maryland Crab Cake (USD 22)
Miso-Glazed Chilean Sea Bass (USD 38)
Miso-Glazed Chilean Sea Bass (USD 38)
Matcha Crepe Cake (USD 11)
Matcha Crepe Cake (USD 11)
高級會所潮派西餐
高級會所潮派西餐

多得會員大表姐夫帶領,XO仔先有機會認識到洛杉磯市中心嘅私人會所「Jonathan Club。會所大廈十分宏偉,除咗有私人停車場外,亦有代客泊車服務,方便會員請客。舗上紅地毯嘅接待大堂以靚靚鮮花及洋畫作裝飾,玻璃枱擺放出一本有關會所歷史嘅彩圖書冊,睇黎好有來頭。會所不同範圍嘅服裝限制都有所不同,當中高級西餐廳「Chophouse in the Grill」更加屬嚴謹之列,男仕們最安全就係著西裝

會所餐廳嘅用餐大堂闊落華麗,燈光柔和,餐桌均配上厚墊紅色絨櫈,雅致大方,且氣派不凡。服務生態度誠懇,且體貼入微。潮派海鮮美食高質味佳,價格高得實有道理。

1)      East & West Oysters (USD 3/pc):兩隻東、西岸嘅生蠔都同樣鮮濃肥美。

2)      Rainbow Crudo (USD 22):彩虹刺身分別有三文魚吞拿魚油甘魚魚生顏色艷麗有光澤,鮮厚潤甜,簡單美味。

3)      Maryland Crab Cake (USD 22):雙層蟹餅芒果牛油果莎莎作底,清新醒胃,主角香煎蟹餅則幼嫩甜美,無敵呀!

4)      Miso-Glazed Chilean Sea Bass (USD 38):厚厚嘅智利海鱸魚肉質雪白嫩滑,鮮甜無比,師傅巧妙地伴配中式白菜日式枝豆韓式泡菜,另加白飯墊底,一次過可食到亞洲三國風味,當真有意思極

5)      Matcha Crepe Cake (USD 11):抹茶千層蛋糕層次分明,質感軟潤,茶味香醇嘅同時又帶出陣陣柚子嘅芬芳,連同白朱古力醬忌廉餅碎則增添脆滑之口感。
推介菜式: Rainbow Crudo, Maryland Crab Cake, Miso-Glazed Chilean Sea Bass, Matcha Crepe Cake
評分: 味道4   服務5   環境5   衛生5   抵食4
  0 個留言    |  加入你的留言
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-09-23

44日():洛杉磯的第五天

頭嗰幾日探完哂所親戚後,第五日女士們終於忍唔住要出城行街街。為怕塞車,大家就抱住早去早回嘅心態,朝早十點半鐘出發,先喺住宅區內一間人氣越式餐廳「Pho Hana」度快速醫肚。之後喺比華利山兩個名商場血拼到攰攰先去附近嘅「Nespresso Boutique」飲咗個下午茶,晚飯再轉場,一訪神秘密室,食咗頓超正嘅全牛宴主家菜
Pho Hana
Pho Hana
Caphe Sua Da - Espresso Milk Iced Coffee (USD 5)
Caphe Sua Da - Espresso Milk Iced Coffee (USD 5)
跟越南河粉之配菜
跟越南河粉之配菜
Fried Egg Roll (USD 9/四條)
Fried Egg Roll (USD 9/四條)
Rare Steak & Tendon Pho & Beef Meat Ball Pho
Rare Steak & Tendon Pho & Beef Meat Ball Pho
Beef Korean Tofu Hot Pot (USD 14.15)
Beef Korean Tofu Hot Pot (USD 14.15)
Beef Rice Plate (USD 13.74)
Beef Rice Plate (USD 13.74)
溫馨午餐
溫馨午餐

位於購物廣場「Peninsula Shopping Center」內嘅「Pho Hana」有個年輕落力又冇架子嘅老闆,係區內極受歡迎嘅越南餐廳,因有信心嘅保證,家人都經常幫襯

溫馨小店衛生潔淨,餐具醬油全為自助式。雖則合拼式散座都拍得好埋,但由於主要做街坊生意,熟客們都好自在。長輩每次光顧都離不開點越南凍咖啡炸春卷、及越式河粉

1)      Rare Steak & Tendon Pho (USD 11/大):大碗裝越南河粉新鮮滾熱辣,河粉麵條白滑量足,牛骨湯底清澈甜濃,生牛肉薄片亦軟腍可口。

2)      Fried Egg Roll (USD 9/四條):春卷即叫即炸,熱辣金黃,一客四條,上枱前已預先切好。春卷皮層巧薄香脆,豬肉餡料清爽幼嫩,用生菜包起,再點上秘汁,效果惹味醒胃,堅掂

3)      Caphe Sua Da - Espresso Milk Iced Coffee (USD 5):混入煉奶沖製嘅凍越南咖啡香滑醇濃,百喝不厭

越南餐廳「Pho Hana」家庭式經營,小食麵品價格合理且有水準,老闆Chris哥哥早已記得伴配嘅芽菜要為家中嘅姨媽們預先烚熟,體貼之情實在窩心
推介菜式: Rare Steak & Tendon Pho, Fried Egg Roll, Caphe Sua Da - Espresso Milk Iced Coffee
每人消費: 約18美元 (午餐)
評分: 味道5   服務5   環境3   衛生4   抵食4
樣就靚啦… 哭臉2019-09-23
Nespresso Boutique
Nespresso Boutique
餐牌
餐牌
甜品陳列雪櫃
甜品陳列雪櫃
Espresso Banana Shake (USD 8)
Espresso Banana Shake (USD 8)
Banana Caramel Latte
Banana Caramel Latte
Classic Grilled Cheese (USD 16)
Classic Grilled Cheese (USD 16)
Tiramisu Dome (USD 9)
Tiramisu Dome (USD 9)
下午茶樣就靚啦...
下午茶樣就靚啦...
名牌咖啡機專門店於洛杉磯比華利山之旗艦店「Nespresso Boutique」樓底高高,面積寬廣,光線充裕,十分有氣派。店子中央為咖啡室位置,有咖啡、小食、甜品等提供,服務生態度不錯,可惜香蕉咖啡特飲「Espresso Banana Shake」(USD 8)甜得好假,直頭好似開粉咁,甜品「Tiramisu Dome」(USD 9)更加係又硬又乾,請恕細佬直言,真係去唔過
每人消費: 約13美元 (下午茶)
評分: 味道1   服務3   環境4   衛生3   抵食1
  0 個留言    |  加入你的留言
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-09-19

43日():洛杉磯的第四天

姨媽姨丈們真係勁有肥肥家族心架,四口子留喺洛杉磯成個禮拜,佢地不單每天陪伴,更一早安排好哂所有飲食節目,食盡中、西、日美食,極其豐富。第四日嘅中午先喺海膽專門店「Miyabi Uni」食潮派日式午餐,夜晚再揸去海邊,喺酒店餐廳「Mar'sel」邊睇日落邊食高級西餐。
Miyabi Uni
Miyabi Uni
Fresh Kumiai Oyster from Baja California (USD 27)
Fresh Kumiai Oyster from Baja California (USD 27)
Miyabi Uni Shooter (USD 14)
Miyabi Uni Shooter (USD 14)
Lunch Miyabi Kaisen (USD 29.95)
Lunch Miyabi Kaisen (USD 29.95)
Chef Select Sushi (USD 24.50)
Chef Select Sushi (USD 24.50)
Miyabi Uni Original (USD 19.95)
Miyabi Uni Original (USD 19.95)
Shrimp & Vegetable Tempura (USD 16.95)
Shrimp & Vegetable Tempura (USD 16.95)
潮派日式午餐
潮派日式午餐

洛杉磯Torrance區內不乏日本餐廳,要吸引到食客光顧真係要落啲功夫,「Miyabi Uni」就標奇立異地以海膽菜式作主打,實有諗頭

餐廳面積寬廣,正門兩邊為可吸煙嘅室外座。用餐大堂中央有個方形嘅開放式廚房,被十多個吧位圍繞著,其餘嘅散座均為合併式木造餐桌。室內並冇花巧嘅裝潢,只係用上假花及酒瓶擺設,十分簡潔。

中年服務生態度並非惡劣,但水平只可以話一般過一般!除咗明顯冇乜幹勁,落單時對餐牌上嘅項目亦不太熟識,每問佢一個問題,佢都要入去請教其他同事後先可作答,效率自然唔高。姨媽們點咗枝日本清酒,居然要等成十幾分鐘先準備好,家人見狀都唔敢勞煩佢中途換碟或者加茶。

八人分別點咗幾款頭盤、魚生、意粉及天婦羅黎分:

1)      Fresh Kumiai Oyster from Baja California (USD 15/半打; USD 27/一打):加州生蠔細細隻容易食,且每隻均爽甜鮮美。

2)      Miyabi Uni Shooter (USD 14/兩隻):每羮海膽Shooter連同一隻生鵪鶉蛋上,質感滑溜非常,無奈混入咗大量酸汁作調味,入口時未能食到海膽原有之鮮味,令菜式略為失色。

3)      Chef Select Sushi (USD 24.50):如相所示,所謂廚師精選嘅壽司色澤偏暗,不甚油潤,入口更覺蝦隻乾嚡,就連三文魚及吞拿魚都唔得肥美

4)      Miyabi Uni Original (USD 19.95):以店名取名嘅海膽意粉麵條煙韌彈牙,海膽鮮甜嫩滑,入口滲出陣陣紫蘇香牛油味亦甚為香濃,相當不錯。

5)      Uni Aglio e Olio (USD 18.95):另外一款冇用牛油煮嘅海膽意粉麵條海膽一樣出色美味,換配橄欖油則更為清新輕巧,簡單伴入蒜片紅椒已夠惹味

6)      Shrimp & Vegetable Tempura (USD 16.95):蝦及雜菜天婦羅係就係炸得好夠乾身,可惜炸漿偏厚且唔香脆,個人覺得唔係幾夠火喉囉。

摩登日式海膽專門店「Miyabi Uni」服務一般,午餐菜式價格不低,當中個人覺得最值得推介嘅就係生蠔及兩款海膽意粉
推介菜式: Uni Aglio e Olio,Miyabi Uni Original ,Fresh Kumiai Oyster from Baja California
每人消費: 約35美元 (午餐)
評分: 味道3   服務2   環境3   衛生3   抵食3
Mar'sel
Mar'sel
餐牌
餐牌
Cornbread
Cornbread
Amuse Bouche
Amuse Bouche
Diver Scallops (USD 26)
Diver Scallops (USD 26)
Snake River Farms Wagyu Shortrib (USD 48)
Snake River Farms Wagyu Shortrib (USD 48)
Spiced Chocolate Chiboust (USD 15)
Spiced Chocolate Chiboust (USD 15)
海邊高級西餐
海邊高級西餐

繼復活節喺假日酒店「Terranea Resort」嘅「Catalina Kitchen」食咗個唔係太得嘅自助餐後,XO仔即表示失望萬分,點知隔咗兩日,姨媽們話叫細佬俾多個機會,試埋酒店另外一間餐廳「Mar'sel」先

高級西餐廳以做晚餐為主,只有週日一天加設早午自助餐。店子嘅「Smart Casual」服裝限制唔可以話好嚴格,不過就絕對唔歡迎穿著短褲或人字拖嘅食客。餐店室內光線柔和,樓底唔算特別高,但勝在開揚通爽,左方有個闊落嘅酒吧區,同用餐大堂一樣都係用上厚墊皮櫈,十分舒適。選擇室外座嘅貴客可欣賞到無敵海景、太陽落山及黃昏嘅晚霞;入夜後吹住海風會感到有涼意,幸好餐店設有多個暖爐,大家不用擔心。

服務生友善客套,除咗送上餐牌時會主動推介節令美食,落單時亦有問及各人有否對任何食物敏感,聽到女士們怕主菜份量會過多,佢地仲提議安排廚房幫忙一開為二,當真細心得很!訂座時得知開瓶費為USD 40/樽,長輩研究過酒牌,計過條數後,覺得自己帶靚酒點都抵玩啲,所以就自攜佳釀,到步後即交由健談嘅型男侍酒師代為處理

小肥點咗帶子頭盤和牛主菜朱古力甜品三道菜,食埋奉送嘅麵包餐前小食份量剛剛好:

1)      Amuse Bouche餐前小食三文魚多士香脆清新。

2)      Cornbread:新鮮出爐嘅粟米麵包熱辣辣、香噴噴,皮脆包鬆軟,微甜可口,超正

3)      Diver Scallops, black truffle polenta, Norma’s tomato sofrito (USD 26):香煎帶子油潤軟嫩,鮮甜無比,蕃茄辣醬則惹味醒胃,墊底嘅松露粟米蓉清甜芳香,實屬必吃推介也

4)      Snake River Farms Wagyu Shortrib (USD 48):和牛方塊質感雖則夠鬆,但可惜煮得過熟,所以就偏嚡同乾。其實食完個粟米麵包香煎帶子都經已幾飽吓,好在和牛牛仔骨肉只有四件磚塊之多,吃畢仲可以食埋甜品。

5)      Spiced Chocolate Chiboust, dulce de leche, cocoa nib tuile, cinnamon milk crumble, horchata gelato (USD 15):朱古力甜品柔潤軟滑,香甜濃郁,伴配雪糕一球即增添清涼。

渡假酒店高級西餐廳「Mar'sel」環境高雅,室外座有靚景睇,服務佳,海鮮菜式美味可口,係情侶玩燭光晚餐嘅好地方。
推介菜式: Cornbread,Diver Scallops
每人消費: 約120美元 (晚餐)
評分: 味道4   服務5   環境5   衛生5   抵食4
  0 個留言    |  加入你的留言
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-09-02

42日():洛杉磯的第三天

原來喺美國,復活節後嘅星期一並非公眾假期,親友們都要返工,所以嗰日肥肥家族就同退哂休嘅姨媽姨丈去咗濕平,順便買手信。買到咁上吓,見到商場內竟然有間「鼎泰豐」喎,人龍明顯比台灣啲分店短好多,見狀當然係排隊食小籠包啦;個個食完都見牙唔見眼,美味程度不言而喻。因表弟收工後帶同可愛嘅BB拜會長輩們,不便外出用膳,結果太陽未落山,不用工作及揸車嘅一群就先喺家中享受歡樂時光,之後就一齊打邊爐。
鼎泰豐
鼎泰豐
小籠包(USD 10.25/一打)
小籠包(USD 10.25/一打)
粽,糖醋排骨,上海炒年糕,芋泥小籠包
粽,糖醋排骨,上海炒年糕,芋泥小籠包
餐牌
餐牌
小黃瓜(USD 4.75)
小黃瓜(USD 4.75)
酸辣湯,排骨麵,紅燒牛肉麵
酸辣湯,排骨麵,紅燒牛肉麵
羽衣甘藍(USD 10.25)
羽衣甘藍(USD 10.25)
上海菜午餐
上海菜午餐

鼎泰豐」位於「Del Amo」商場內,面積開揚寬廣,裝潢十分型格。正門左方可見透明度極高嘅廚房內有多位師傅忙碌地包製小籠包,個個帶哂頭巾同口罩,相當衛生。店子樓底高高,大堂中央有個酒吧位置,食客可邊飲邊食點心,氣氛輕鬆熱鬧得很!除咗吧位之外,中間仲有排卡位,圍牆嘅散座則全為合併式,一大班人去都唔洗分開坐。

年輕嘅服務生落力有衝勁,有問必答,有求必應。兩頁點菜紙及彩圖食物餐牌有齊中英對照,但酒牌就只得英文。XO仔別號「小籠包王」,巧遇台灣名牌小籠包(USD 10.25/一打)新鮮熱辣辣,皮薄餡幼嫩,而且湯汁豐沛,三兩吓手勢自己就食哂成籠,亦即一打,堅掂呀!餐廳有最靚嘅小籠包之餘,仲俾哥哥發現咗兩款超級精美同清爽嘅蔬菜菜式添,就係「羽衣甘藍」(USD 10.25)同埋「小黃瓜」(USD 4.75),相信大家淨睇咁鮮綠嘅相片都會睇到流哂口水
推介菜式: 小籠包,羽衣甘藍,小黃瓜
每人消費: 約18美元 (午餐)
評分: 味道4   服務5   環境5   衛生4   抵食4
  0 個留言    |  加入你的留言
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-08-26

41日():洛杉磯的第二天

喺洛杉磯嘅第二日剛巧為復活節,家中兩位虔誠嘅教友長輩朝早先帶XO仔去山上一間特色小教堂「St. John Fisher Church」度望咗一場十分有內涵嘅彌撒,中午再會合其他親戚去區內一間渡假酒店「Terranea Resort」食自助餐。旅遊勝地個景就超靚啦,無奈節慶日嘅復活大餐水準卻油麻地過油麻地,令人大失所望!幸好晚餐喺「Torihei」食咗頓有高質嘅日式串燒,肚肚總算開心返
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church
St. John Fisher Church

位於山上嘅「St. John Fisher Church」環境幽靜,空氣清新,四周圍走走已覺心曠神怡,心靈舒暢。外表樸實嘅教堂擁有不少設施,包括骨灰龕位、學校、禮堂、活動室等,教會更不時舉辦親子、教學、傳道活動,喺區內可算相當活躍。

教堂室內光猛潔淨,空調充裕。場內嘅信徒們對小肥依個陌生人照顧有加,氣氛絕對溫馨又感動。當日由Father Francis主持嘅感恩復活彌撒非常有系統,除咗有多位義工協助帶位及領聖體,就連唱詩班都超有水準。最印象深刻就係Father Francis幽默且富啟發性嘅說道,令週日彌撒變得生動有活力,其感染力確真令人享受每一分,每一秒
參觀時段: 早上
入場價錢: 每人0美元
評分: 值得去5  
Catalina Kitchen
Catalina Kitchen
西餐廳嘅座位全為室外座
西餐廳嘅座位全為室外座
西餐廳嘅座位全為室外座
西餐廳嘅座位全為室外座
飲品牌
飲品牌
復活節自助早午餐
復活節自助早午餐
復活節自助早午餐
復活節自助早午餐
復活節自助早午餐 - 甜品法式可麗餅
復活節自助早午餐 - 甜品法式可麗餅
復活節自助早午餐
復活節自助早午餐

復活節係西方大節日之一,為隆重其事,名度假村「Terranea Resort」入面嘅「Catalina Kitchen」專登搞咗個比平時更大型嘅復活節自助早午餐。酒店有提供收費嘅代客泊車服務,但行少少路就有好多免費車位,不過節日預咗會多人,想泊到免費位就要早啲到

「Terranea」擁有優雅嘅環境,最殺食就係個無敵海景,可謂又靚又夠氣派!為咗可以俾貴客盡情欣賞靚景,西餐廳嘅座位全為室外座,頭頂均有大大嘅太陽遮,四周亦擺有高高嘅暖爐,絕對唔需要擔心會被猛烈嘅太陽曬親、大雨弄濕、或寒冷嘅天氣凍病。

由於假期比平時多人,店子請咗不少臨時服務生幫手,佢地雖然態度唔係差,只係明顯唔係咁熟手,開酒、叫汽水、收碟等基本功夫都好似好難度高咁囉。平心而論,自助餐係有好多款色嘅麵包、芝士、沙律、水果、冷盤、熱盤、海鮮、烤肉、壽司等,不過最失望嘅就係食物水準勉強只屬一般,唯一美味嘅請恕XO仔只能數新鮮煎出嘅甜品法式可麗餅,因可自選配料,而且夠巧薄熱辣。
推介菜式: 甜品法式可麗餅
評分: 味道2   服務2   環境4   衛生3   抵食1
Torhei Yakitori Robata Dining
Torhei Yakitori Robata Dining
沙律,啤酒,前菜
沙律,啤酒,前菜
Chicken wings (USD 3.30/串)
Chicken wings (USD 3.30/串)
Chicken Thigh (USD 1.80/串) + Gizzards (USD 2.70/串)
Chicken Thigh (USD 1.80/串) + Gizzards (USD 2.70/串)
Pork Belly (USD 3.30/串)
Pork Belly (USD 3.30/串)
Torihei’s Meat Ball (USD 1.80/串)
Torihei’s Meat Ball (USD 1.80/串)
點菜紙
點菜紙
高質抵食日式串燒
高質抵食日式串燒

日式串燒店「Torihei Yakitori Robata Dining」同早一晚去嘅「Manpuku Tokyo BBQ Dining」位於Torrance區同一個日本店聚居嘅廣場內,泊車全為免費,方便得很。地舖面積唔算特別大,樑上及牆身只用酒樽及幾幅畫作簡單裝飾。室內抽氣算係唔錯,起碼唔會好煙,圍繞著開放式廚房有十多個吧位,其餘圍牆嘅散座全為合併式,人多可以拍埋坐,只係會迫少少。日籍服務生可以講流利嘅英語,溝通完全冇問題,而且友善有禮。長輩請客,所點嘅串燒菜式優質美味,送埋啤酒梗係冇得頂啦

1)      Sapporo Draft Pitcher 64oz(USD $12):喺香港飲生啤有啤酒塔可選,去到洛杉磯每人一渣,感覺更爽,美金$12可以飲成餐,可謂超值

2)      Chicken wings (USD 3.30/串):每串雞翼都有兩件,每件均皮脆肉軟嫩。

3)      Chicken Thigh (USD 1.80/串):雞肶肉厚潤多汁,同樣味佳。

4)      Gizzards (USD 2.70/串):雞腎每串都有成七、八粒,無論大粒細粒都一樣咁爽脆。

5)      Liver (USD 2.70/串):雞潤油潤有光澤,軟潤得黎好有彈性。

6)      Torihei’s Meat Ball (USD 1.80/串):以店名取名嘅雞肉丸大大粒,但容易食,肉質嫩中帶脆,甜甜嘅調味十分討好。

7)      Pork Belly (USD 3.30/串):豬腩肉惹味鬆爽,肉汁豐盛,冇得彈呀

8)      Ground Chicken on Rice with Soup (USD 7):最後黎碗窩蛋碎蔥免治雞肉飯飯品集軟、嫩、幼、滑、濃、甜於一身,跟埋碗熱湯上更覺窩心暖胃。
推介菜式: 雞翼,雞肶肉,雞腎,雞潤,雞肉丸,豬腩肉,窩蛋碎蔥免治雞肉飯
評分: 味道4   服務4   環境3   衛生4   抵食4
  0 個留言    |  加入你的留言
Handsome XO
117篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-08-06

331日():洛杉磯的第一天

移居美國嘅親戚長輩大多都住洛杉磯,所以肥肥家族非常幸運地唔洗入住酒店,只需租車代步,每日出街以食探親,中間有空檔仲可以加插啲購物環節,輕鬆得很。第一日先揸咗入去最遠嘅San Gabriel探望最年長嘅長輩,同佢地喺區內一家中餐廳「彌敦閣」食咗個晏後,黃昏就同姨媽舅父幾家人喺「Manpuku Tokyo BBQ Dining」食咗餐好豐富嘅日式燒肉,早食早休息。
Nissan Armada
Nissan Armada
Nissan Armada
Nissan Armada

哥哥深知洛杉磯機場超級繁忙,出入塞車又麻煩,所以就安排入咗城後第二朝早先去玩租車。純粹因為大肥爸爸出發前喺網上發現「Enterprise Rent-A-Car」有復活節優惠,見間公司口碑都幾好,結果就預訂咗架七人車。

小肥兩兄弟預鬆咗時間去排隊攞車,點知撞啱租車公司嘅洗車服務有故障,原本訂咗嗰架車未黎得及清潔,為怕二人要等好耐,哥哥仔就好友善地建議不如轉租第二架車。有契妹喺電話旁教路,得知被推介嘅「Nissan Armada」雖則馬力好,但更食油時,XO仔當然係扮哂識野咁即場提出啦,點知哥哥仔好客氣地自動減低租車費,以作抵消超出預算嘅油費,相當識做

Enterprise Rent-A-Car」洛杉磯分店嘅員工經驗豐富,待客如賓,而且轉數快,所有文件已轉為電子化,租車流程方便快捷之餘,仲十分環保,包埋保險平均每日約一千港幣,真係算幾抵
參觀時段: 早上
評分: 值得去5  
彌敦閣 Embassy Kitchen
彌敦閣 Embassy Kitchen
彌敦閣 Embassy Kitchen
彌敦閣 Embassy Kitchen
齋腐皮卷(USD 44/十六件)
齋腐皮卷(USD 44/十六件)
脆皮江南百花雞(USD 46/隻)
脆皮江南百花雞(USD 46/隻)
蒜香煎鱈魚(USD 49.98)
蒜香煎鱈魚(USD 49.98)
鎮江骨(USD 16.99/煲)
鎮江骨(USD 16.99/煲)
彌敦焗蟹(USD 55/隻)
彌敦焗蟹(USD 55/隻)
甫渝雞絲湯麵(USD 32.99/大鍋)
甫渝雞絲湯麵(USD 32.99/大鍋)

彌敦閣」係長輩們經常光顧嘅一間中餐廳,食客可於門外嘅免費停車場泊車,區內算係幾易搵位。店子並無花巧嘅裝潢,但勝在空調足,十多人用餐可於廂房內進行。家人係熟客仔,與服務生嘅關係十分良好,亦清楚知道某幾款招牌菜式必需預訂,故質量有一定嘅保證

1)      齋腐皮卷(USD 44/十六件):腐皮卷皮層巧薄,素菜餡心量足飽滿,整體香口爽脆。

2)      脆皮江南百花雞(USD 46/隻):講真香港都唔係度度肯做江南百花雞,因為要先將原隻起哂骨,再釀入蝦膠,功夫實在好多,又唔賺得多,喺美加食得到可以話係好有驚喜,仲要真係做到金紅脆皮雞肉蝦膠個組合鬆軟彈牙,確真難能可貴,值得一讚再讚!平心而論,如果隻江南百花雞同十六件齋腐皮卷差不多價的話,細佬絕對會要多隻百花雞,呵呵呵!

3)      鎮江骨(USD 16.99/煲):用煲上嘅鎮江骨熱力十足,肉質軟腍惹味。

4)      彌敦焗蟹(USD 55/隻):蟹肉鮮甜幼嫩,墊底嘅焗飯濕潤且入哂味,冇得頂呀!

5)      甫渝雞絲湯麵(USD 32.99/大鍋):焗飯得之外,連個雞絲湯麵都好清好甜,堅有水準
推介菜式: 齋腐皮卷,脆皮江南百花雞,鎮江骨,彌敦焗蟹,甫渝雞絲湯麵
每人消費: 約32美元 (午餐)
評分: 味道4   服務4   環境4   衛生4   抵食4
Manpuku Tokyo BBQ Dining
Manpuku Tokyo BBQ Dining
PRIME for 4 Course (USD 175)
PRIME for 4 Course (USD 175)
PRIME for 4 Course (USD 175) - Black Tiger Shrimp
PRIME for 4 Course (USD 175) - Black Tiger Shrimp
PRIME for 4 Course (USD 175) - Ribeye Steak
PRIME for 4 Course (USD 175) - Ribeye Steak
PRIME for 4 Course - Assorted Prime Marinated Beef
PRIME for 4 Course - Assorted Prime Marinated Beef
PRIME for 4 Course - Ishiyaki Garlic Rice
PRIME for 4 Course - Ishiyaki Garlic Rice
PRIME for 4 - Pork Belly with Wrapping Lettuce
PRIME for 4 - Pork Belly with Wrapping Lettuce
PRIME for 4 Course (USD 175)
PRIME for 4 Course (USD 175)

日式燒肉店「Manpuku Tokyo BBQ Dining」位於Torrance區內一個勁多日本餐廳嘅廣場內,泊車全為免費,十分方便。地舖面積寬廣,店內簡單以和式嘅擺設點綴,雅致大方,最重要就係抽氣良好,室內完全冇話煙霧迷漫。年輕嘅日籍服務生態度溫婉,友善好客,嘻嘻,知悉XO仔識講幾句日文仲嗲多兩咀添。長輩有成十多個,後輩四人就分開自己坐,好隨意地咁點咗個有齊前菜沙律虎蝦豬腩肉牛肉牛扒石頭飯雪糕嘅「PRIME for 4 Course」(USD 175)。嘩,個四人餐份量可真謂超強,十二道菜均用料新鮮,調味堅掂,咁嘅價錢絕對係大件夾抵食

1)      PRIME for 4 Course (USD 175) – Edamame枝豆翠綠清脆。

2)      PRIME for 4 Course (USD 175) - Assorted Kimchi三色泡菜香辣惹味,濕潤得黎仍能保持脆卜卜。

3)      PRIME for 4 Course (USD 175) - Cabbage Salad椰菜沙律淋面嘅蒜香秘醬份量恰到好處,菜式輕巧清爽,正爆!

4)      PRIME for 4 Course (USD 175) - Wakame Salad:拌入咗薄薄嘅青瓜片及幼幼嘅蔥絲麻醬海藻沙律爽脆醒胃,同樣味佳。

5)      PRIME for 4 Course (USD 175) - Prime Short Rib "Kalbi Shio":用鹽醃過嘅牛肉薄片面層舖滿東京洋蔥碎,哥哥熟手地燒煮一邊,約三、四成熟即續件捲起分派俾各人,牛肉洋蔥卷清新爽潤,滋味無窮

6)      PRIME for 4 Course (USD 175) - Assorted Prime Marinated Beef - Sliced marinated prime ribeye, short rib, outside skirt三款靚牛色澤鮮紅,紅白紋理清晰,肉味香濃,口感雖有不同,有啲部位較鬆軟,有啲更為爽潤,但全部肉汁豐沛,各有各美味。

7)      PRIME for 4 Course (USD 175) - Pork Belly with Wrapping Lettuce:真係不得不再讚大廚哥哥手勢好,可以將靚靚嘅豬腩肉燒得咁香脆,捲入泡菜後以生菜包住,效果尤其爽脆香口

8)      PRIME for 4 Course (USD 175) - Ribeye Steak:調好味嘅肉眼扒厚潤有彈性,夾上脆薄嘅蒜片確真冇得彈!

9)      PRIME for 4 Course (USD 175) - Black Tiger Shrimp虎蝦爽脆彈牙水份足,都係咁掂。

10)  PRIME for 4 Course (USD 175) - Yukke Jan Soup - Spicy soup with beef, vegetable & tofu:細佬因為怕辣冇試到。

11)  PRIME for 4 Course (USD 175) - Ishiyaki Garlic Rice石燒香蒜飯當真以石鍋上,並由姐姐仔熟巧地即場加工撈製,熱力沒法擋!石鍋飯粒粒飽滿肥潤,混有適量嘅醃菜香蒜足以令飯品暖胃消滯,索咁之前啲靚肉嘅油份,妙哉!

12)  PRIME for 4 Course (USD 175) - Green Tea Ice-cream:要一解熱氣,最好就係食雪糕作甜品,結尾嘅綠茶雪糕香濃軟滑,清涼消暑,為燒肉餐劃上完美嘅句號。
推介菜式: PRIME for 4 Course
每人消費: 約60美元 (晚餐)
評分: 味道5   服務5   環境4   衛生4   抵食5
  0 個留言    |  加入你的留言
kinlau529
1篇遊記
New York 2018 (美國)
(旅程日期: 2018-01-18 至 2018-02-06 ,  旅程性質: 遊學增值)
 整個旅程  (共1篇遊記)
 分享至Facebook 
發表日期: 2019-02-13
圖書館食既朱古力包同熱朱。非常creamy, 好重朱味。
評分: 味道4   服務4   環境4   衛生4   抵食4
  0 個留言    |  加入你的留言
陳真
65篇遊記
冬日的美國東 (加拿大, 美國)
(旅程日期: 2015-12-08 至 2015-12-24 ,  旅程性質: 觀光攝影, 探訪親友, 消閒度假)
 整個旅程  (共9篇遊記)
 分享至Facebook 
發表日期: 2016-11-07
Portland 的一天遊,另一天大家休息,但我同太太就選擇了外出。之後,就要回香港了。
小瀑布 ok喇2016-11-07

我們的美國之行,接近尾聲了,本來想在西雅圖附近玩,但後來因為我們來回三藩市的路途中都經過 Portland,所以對這一個俄勒岡城市深感興趣。於是,由太太的兄長帶路,我們就開三個小時的車來了。

入去 Portland 之前,太太的兄長說要去看瀑布,說要去找一個在美國境內數一數二高的瀑布。我們繞過了市中心,再沿著哥倫比亞河向內陸進發,途中找到一個瀑布了,太太兄長興奮地停低。我看了水牌,得知這一個叫《Wahkeena Falls》。

看了一會,太太兄長說要再去,要找的不是這一個瀑布。不過,這一條說高但不太宏偉的瀑布,也是值得去拍幾張照片了,於是,就拍拍照,留念一下,說是到此一遊吧。

評分: 值得去3  
離開了 Wahkeena Falls 不久,我們就到達了是日行程的最主要目的地《Multnomah Falls》了。

說《Multnomah Falls》是全美國數一數二的瀑布,根據一些資料,這更是全美國第二高的非季節性瀑布。

這一個瀑布特別之處,就是有一個大瀑布,沖落中央的水池之後,另有一個小瀑布再流入小河,再流入哥倫比亞河。

這,也許是 Portland 近效的其中一個熱門景點。有很方便的 car park,也有一個精品店及餐廳。可是,當日餐廳停電,不然我們是準備在瀑布旁的這家百年老店用餐的。

自駕遊在 Portland 附近的話,值得來看一看。
評分: 值得去4  
在美國,我們本有機會在三藩市品味一次美食車,但該車只買飲品輕食,我們決定 give it a miss。這一天的旅程,來到了波特蘭,太太的兄長說波特蘭有一個美食車的集中地,於是,我們一到達,泊好車,大伙兒就到了這一個充滿了小食車的爛地停車場進發。這一個美食車集中地,旅遊網站的介紹叫做《Portland Food Cart》。

地點,是位於 Portland 的 Downtown,我們泊在市中心的停車場就行過來。本來,是可以泊在該爛地停車場的,可惜停車場早已經爆滿,我們只好泊回市中心,downtown 的多層停車場。

我要說一說明,這不是食評,因為我與美食又擦身而過。原因就是在公投之下,留在街食的票數低過入餐廳食,而且是 marginal failed.....雖然,老人家的決定不代表我,但我們應當尊重比數,尊重老人家的決定,尊重公投結果。

於是,美食的環節就變成了一個旅遊景點。

說是要立食,其實並不是間間都要立食,有一些半固定的食檔,地方亦當然地比較大,不過,當日風大,而且天氣凍,是眾老人家們不願意的其中一個原因。始終,立食,不是大眾的所好。

這兒的食店,絕大部份都不是美式的,當中,有不少是中國美食,越南,印度,泰國等,當然,美國人最喜愛的外國食品都可以在這兒找到。

身為中國人,不知為何總會流連中國食品的小檔附近,也許,我們來時,日子已經很近聖誕節,太太兄長問過該停車場的管理人員,好多檔不開的原因,是有不少的檔主,已經回家過聖誕了。

當天,留在開檔的,好多都是亞洲人,另還有一些墨西哥小食,所以,不太合大家的口味,而且當日的風太大,所以大家都沒有幫襯,而我們逗留了不到15分鐘,已經人人叫走,我們又錯過了美國的美食車了。

簡單當旅遊景點介紹一下算了,美國的 Food Cart,還是留待下次遊美時再次去感受吧。
參觀時段: 下午
評分: 值得去4  

本來,波得蘭唐人街不是我們行程 plan 之內,是因為大家不想立食美食車而轉身來《唐人街》找中餐食。

《唐人街》位置是波得蘭的 Old Town,是市中心的舊區,因此,唐人街也顯得特別的舊,而且沒有人氣。

這唐人街是於1922年左右開發的,相比於美加西岸的其他唐人街,顯得細及不繁華。而且我可以說,唐人街大多都是呃鬼佬的食肆。單是大大個餐廳招牌,仲可以大大聲用 "Chop Suey" 做招徠.......好....大家食雜碎吧.....

明顯地,波特蘭的唐人街沒什麼人氣,而且帶出了一種西部小鎮的滄桑感。這一種滄桑感,可能是這區的華人人口已經不比以前的,而且,更完善的唐人街,只是位於三小時車程的西雅圖。

評分: 值得去3  
來到唐人街,太太的兄長很可惜地說,昔日大學時期的唐人街好店已經人去樓空,而唐人街亦已經失去當年的風光了。畢竟,西雅圖只是三個多小時的車程,相信好多當地的華人,都去了西雅圖尋食了。

沒有了目標,當然就只能在依然留守在唐人街的食肆作選擇,而面前的選擇有兩個,在兄嫂的細心觀察及選擇之下,選中了這《House of Louie》(漢宮酒家)。好讓我為大家介紹一下,甚麼叫做呃鬼佬的中國餐。

不得不相信,這餐廳已經有多年的歷史,這一間餐廳,同唐人街一樣,隨著歲月,出現了一種令人不開心的滄桑感。畢竟,這一個唐人街,十室九空,毫無生氣。

入內,單是看收銀機,立即令我們感受到80年代的歲月,而且,亦令我們感覺到,美國的非一線城市,非旅遊城市的那一種落後同鄉下的感覺。

餐廳的地方大,也許我們來到時間尚早,除一、兩檯老外之外,完全沒有其他食客。相信,不單只是這餐廳令人感覺一般之外,也是因為唐人街人氣太過少的原因。

我們點一些炒粉麵,也點了一些小菜。說這是一間以老外為服務對像的中國餐館是沒有錯的。因為當我們一打開 menu,發現可見到的菜式,都是以外國人口味為主的東東。

幸運地,有一個叉燒雲吞湯麵,味道感覺尚可,麵條不錯,雲吞不錯,就是叉燒太瘦。

干炒牛河,算是做得有板有眼的炒粉麵食,之不過,河粉有點粗,感覺上牛肉多過粉。味道雖好,但唔係幾夠分。

炒了一個宮保雞丁,很醬油的炒雞絲,帶點辣,但味道極濃,感覺就是上海館子的四川菜出品。

茹素的有這個很簡單的羅漢齋,有菜,有豆腐,有玉子豆腐,有粉絲等等的,味道亦夠豉味,感覺是還可。

之後,我們有一個雜錦煲,是典型的外國唐餐的招牌煲,也就是雜碎煲。在外國,食雜碎其實是最穩陣,因為乜都有,中外人士都啱食,而且在凍冰冰又大風的波特蘭,吃上這一個熱辣辣的煲,送飯,非常之好。

在外國,咕嚕肉應該冇得輸.....奈何,這咕嚕肉的確是輸了....不想評.....

早知我們見一見叉燒才單點叉燒....全瘦肉的叉燒,就算我當年在尼斯湖食過的謀人寺唐餐,都燒得靚過佢......

我叫了一個回鍋肉,少少辣,多菜少肉,感覺又是非常之上海館子 feel,而且是我食慣的多菜少肉,多黑醬油的版本,令我相信,此餐廳的大廚,以前有可能是在香港開上海館子的。

時菜雞球,用上了西蘭花同荷蘭豆來爆炒雞肉。味道廣東式,送飯食不錯。

Fortune Cookies,是美國的華僑發明的,同行的親戚在三藩市唐人街的始祖店買了一包,但我沒有同行,所以不報導了。而 Fortune Cookies,早已經成為了中國餐的象徵,所以在一般的氹鬼佬食飯的餐廳,都會在飯後時送上 Fortune Cookies,也即是簽語餅,餅中間有字條,說出了是日運程,因而得名。

說真,在美國、加拿大吃了多次的唐餐,這一餐算是最差勁的一次了。幸好,這並非是我在外國吃過的最差唐餐。而且,也給我體驗了一次,美國的呃鬼佬中國餐是怎樣的。

每人消費: 約10美元 (下午茶)
評分: 味道2   服務3   環境2   衛生3   抵食2
老商場 笑臉2016-11-07
我們在 Portland 的唐人街用過膳後,發現天氣開始轉差了。本來想到河邊看看城市風光的我們要轉移陣地。原因除了是下雨之外,Portland 的天氣又凍又濕又大風,完全不適合戶外活動。

我們駱車過返河的對岸,來到太太的兄長建議的《Lloyd Center》,我們一於購物吧。而且,俄勒岡州是一個免銷售稅的州,買野食野,相對來說,可打一個九折。

這一個《Lloyd Center》不細小,有溜冰場在中央,有好多好多不同的店鋪。可是,商場的硬件同軟件明顯地非常之舊。

行到某一處,原來商場準備翻新,工程亦會在 2016年進行。幾年後若有機會再來,希望會有另一番的新景象啦。
參觀時段: 下午
評分: 值得去4  
到了我同太太二人自由活動的一天,我們去到位於 Bellevue 的 Factoria Mall 進行最後衝刺的 shopping 活動。而就在該 mall 的停車場一角,有一間《Burger King》,太太頓時懷念起當年在英國常食的 Veggie Burger,以及上次我們在夏威夷蜜月,天天都有食的 Veggie Burger,我們,就決定先把車子停在《Burger King》門口,食左先至行街。

要說美國的飲食文化,一係就大大份,一係就是充滿了時下人日日說的垃圾食品。當然,也有真正的美式西餐,高檔的海鮮餐等等,但速食的文化,的確,是美國的特色。此外,太太的 veggie burger 沒有套餐,而且在美國快餐,飲汽水幾乎係唔駛錢的。因為,買一個杯就任飲。

MorningStar Veggie Burger,主要就是一片西式的素肉扒。雖然,內含洋蔥及大蒜,不太適合佛修行者食用,但在外國生活,好多時都顧不了那麼多。總之,素扒香口,夾包的蔬菜蕃茄甜美,真希望香港會有這樣的 Veggie Burger 在連鎖快餐店出現。

在外國食漢堡包,其實我是偏好《Burger King》的,我最喜歡的《Burger King》包,不是 Whopper,而是 Mushroom Double Swiss,不過,西雅圖的天氣冷,一心想食飽D,所以我要了這一個Bacon Double Cheese Burger。

煙肉香,肉扒更香,在美國比較過《麥當勞》、《Wendy's》 及《Burger King》,始終覺得,《Burger King》的確如其名,是漢堡包界的皇者,也許,是國際連鎖漢堡包店的皇者,主要原因,就是他們的牛肉扒,的確是肉味香濃,是次加上了煙肉,就更美味,更香,更邪惡。

好味,雖是人人所說的垃圾食物,但深深地思考多一個層次,美國人的漢堡包連鎖店,是他們的文化所在,也是在美國穿州過省開長途車,休息的好地方。一個漢堡,一杯黑咖啡,小個便,繼續趕路,這就是美國人的生活寫照之一。
每人消費: 約5美元 (午餐)
評分: 味道4   服務4   環境3   衛生3   抵食3
這是我們在西雅圖的一個晚餐,也是我們兩星期行程中最後的一個晚餐。這一夜,太太的哥堅持同家人說不在家食飯,我們一行四人來到西雅圖北部的對岸,目標就是一間馳名的奄列店,名字叫《Beth's Cafe》 。

這《Beth's Cafe》 為何會那麼出名,為何會令到內子的兄長專程要帶我們來呢? 原因,就是這一家店的特大奄列。在是次行程中的最後一個晚上,我們4人行,來到北部的對岸 Aurora Avenue,找來這一個門面一點也不光鮮的24小時早餐奄列店。

門面的招牌很古舊,同樣,店字的內內外外都很古舊,是名符其實的一間老店。晚上來,沒有燈光,感覺不到其門面的老感覺,但在網上看過一些此店的大白天照,這的確是一個老地方,老牌的老美咖啡店,也即是同我們香港的茶餐廳一樣。

有卡位,仲唔係茶餐廳! 仲要係老牌冰室的樣子。不過,店子的古舊感,就被牆上的圖畫取替了。之前去過一間餐廳,他們會給小朋友一張圖畫紙,小朋友畫好了,就會貼在餐廳門口的牆壁上展示。然而,《Beth's Cafe》 的圖畫就不是由小朋友所畫,是由我們一眾成年人食客畫的,而且可以自由發揮,畫上對這一間餐廳的感想,或其他你喜歡的東西。

牆貼滿了,就連餐牌也不放過。單是我手上的 Menu,已有忍者龜同一個很奇怪的菜頭人來做封面同封底。

同好多在電視劇中見過的舊美式餐廳一樣,餐廳有一座流聲機,可供客人們點歌仔之用。仲有,小店有一個機房,喜愛打 pinball,打槍 game 的朋友,這兒有三部機可以讓你大顯身手。

此店馳名的是奄列,所以我們只看 Omelette 的那一頁 menu,一共有六款 Omelette 可選擇,若是不喜歡指定口味的話,同 pizza 一樣,可以自行配搭。而且他們提供了兩個 size,一個是 6 egg, 另一個是 12 egg。在此,我領會到多一樣野,美國除薯仔、糖同牛奶之外,雞蛋都係唔值錢的東西。說開著仔,Omelette 配一份 Hash Brown,而且這Hash Brown是任食的。

小小溫提,Omelette 原意是每人一份,若是大家要 share 的話,每一位要吉碟用來分享的朋友,要多收 US$1.50。

煎雞蛋的地方,就是正門對著的 open kitchen。N 多盤的雞蛋準備就緒,廚子們的最主要工作,就是煎 Omelette。

6隻蛋的是太太要的 The Veggie,淨是 Omelette 本身,已經佔用了一整個大碟。再計埋底層的一大片 Hash Brown,加上兩片多士,這,絕對是兩個中國人的份量。素食版的 Omelette,餡料有蕃茄、蘑菇及黑橄欖,亦因為有黑橄欖在內,味道不會太過單調。幸好這東西沒有加入芝士,若是有......沒可能食得晒。

我們另外點了一份 12隻蛋的,味道是 Southwestern Exposure,這一個 Omelette 已經不能用碟食盛載,店方用的,是一個圓形的 Pizza 盤。美國南部的口味,帶辣,而他們說,其所用的辣醬是以胡椒、洋蔥、蕃茄、辣椒及牛肉去煮成,入口份外的有味道,餡料再加上了邪惡的芝士,墨西哥辣醬,同 sour cream,味道十分之野性。

切開一看,我早說過了,這 Omelette 不單是蛋,內心餡的份量也好勁,是日我們4個人分一份6隻蛋的及12隻蛋的,兩份都要....打包。

食 Omelette 想要惹味多一點,此店有不同的辣醬供你選擇,而辣醬全都是勁野,喜歡辣的,落一落,入口的味道感覺更爽。

此店的更甚最,是這一個 Chocolate Peanut Butter Brownie Milkshake,店方早說明了,這一杯飲料是兩人份量,至少要兩個人飲。我們一行四人,就弄出了4支飲管、4隻匙羹的這個怪模樣。

Cream,勁大,兩件 Brownie,勁大,整杯飲品,又大又漏,而且其朱古力味其實不重,最重的,是花生醬味,我們4人都覺得,我們正在飲一杯花生醬落肚。

來美國,食的正宗美餐不多,但我感覺到,這一個簡單,簡陋的 24小時 breakfast 店,是最具風味的。來西雅圖玩的朋友,值得抄低地址,自行找方法來啊....公交辨法教不到大家了,因為,我們是開車過來的。

每人消費: 約12美元 (宵夜)
評分: 味道4   服務3   環境3   衛生3   抵食4
  0 個留言    |  加入你的留言