要飽覽整個羅滕堡風光, 最好莫過於上這座全城最高的塔. 入口在市政府大樓內, 先走上一道螺旋形石樓梯, 再穿過一座陰森的大廳. 這些都無問題, 問題在於來到塔樓底望上去時, 大家立即呆住:樓梯勁窄, 稍為豐滿少少的保證會卡住轉不過去. 而且梯級全部直上直落, 難上又難落.

我們你眼望我眼, 已經到了這地步難道不上? 唉, 上就上喇. 一班成世唔做運動既人於是慢慢行上去, 越行越窄越行越斜, 到最後喘晒氣上到頂層時, 赫然發現坐在那裏收錢的是位典型歐洲大肥師奶, 那一刻我幾乎沖口而出:"呢位靚女, 你每日點爬上嚟番工ga!?"

付過每位2€的代價, 再沿著一條猶如專為小矮人而設的窄小樓梯, 我們終於爬(不錯, 是爬)上了塔頂. 一上到去我已經笑了出來--是驚到笑. 塔頂地方極小, 不用十步就兜完一個圈. 通道極窄, 只容一個瘦人走過. 我一向畏高, 雖然上來前已有了心理準備, 但沒想過上面是如此狹小, 再隔著疏疏的鐵欄望下去, 自然更加驚心動魄. 風越吹越大, 離遠更加閃埋電. 想落雨? 乜咁大整蠱? 座塔有無避雷針ga? 一眾人等依嘩鬼叫, 相都無影幾多張, 雞咁腳又由條小樓梯爬番落去.

塔頂的風景很美嗎? 一般般吧. 上塔過程對我們來說更是嚇死多過乜. 但一班朋友, 又驚又笑又叫玩咗半個鐘, 卻無疑是個難忘的經歷, 還是值得一個笑面的.