番薯Uncle退休後，每年遊日本嘅日數絕對多過小肥啲年假，對成田機場內有啲咩店舖食肆都可以用瞭如指掌黎形容呀！將行李寄好艙，佢就帶隊去「とんかついなば和幸」食炸豬扒做午餐。

Uncle一早已提到炸豬扒專門店「和幸」舖位唔算好大，午飯時間門外都會企滿人龍，我地人多必需分開入座，千祈唔好揀位坐。小店裝潢簡潔企理，門外嘅玻璃陳列架上可清楚睇到多款菜式套餐嘅模型，方便食客於候座時可預先選定食物。可能進出機場嘅多為外國人，餐牌全為日英對照，友善嘅店員更會以簡單英語溝通，不過最令XO仔感動嘅就係當收銀姐姐見到細佬手持大袋銀仔慢慢數出尾數時，佢仲主動提出幫忙用盡大銀，以減輕背包嘅負荷，父母見狀亦不禁連聲道謝。

鶏の唐揚（500円）：炸雞乾巧熱辣，皮脆肉嫩又多汁，500円有五件，絕對抵食！