親友全為酒客，個個退哂休後太陽未落山都已經可以嘆返幾杯，晚飯時間更加唔洗講啦，所以大多都愛食香口野。記得家人最近都話想試多幾間不同o既食肆，喺日本又冇乜點食過天婦羅，今次就專登揀咗間離酒店不遠，而且有成八十幾年歷史o既老店「天ぷら新宿つな八 総本店」，一嚐聞名o既天婦羅美食。

內外同為木造o既小店和風味濃厚，直入已可見師傅喺左方o既開放式廚房忙碌地炮製天婦羅菜式，令人期待萬分。由於我地一行成十二人，訂座時接線生已道明必需預訂埋套餐，以便師傅準備餸菜，小肥就應推介為全團人點咗個「江戶前膳」。到步並埋位後，各人都只需點上飲品就可以等待飯來張口。

出品高質又抵食！