「The David Duncan House」外觀看似為一間教堂，室內四周可見金光閃閃嘅擺設及燈飾，兩層高嘅西餐廳裝潢傳統典雅有氣派。地上有華麗吸音嘅地毯，餐桌與餐桌間夠空間，厚墊椅櫈十分舒適，年長嘅服務生亦非常客套，淨坐都覺得好享受。西式午餐各有各點，個人因宗教理由只係食咗半份沙律同焗蠔，質量相當不錯：

1)      Fresh Oysters (CAD 26/6pc)：生蠔可選半打或一打，大肥教落外遊最好食熟蠔，所以就揀以芝士菠菜焗製。熱辣辣嘅芝士菠菜焗生蠔肥美滑溜，香濃鮮甜。