乘了約4個半小時的車程，終於到達日月潭水社了!先放下行李在民宿, 食完野就出發去日月潭的伊達邵了! 

伊達邵位於水社的另一邊, 我地買左觀光車票就由水社出發, 乘日月潭環湖公車大約30分鐘的車程就到達伊達邵碼頭了...雖然今天沒有下雨, 但都好大霧啊! 伊達邵碼頭完全看不到風景呢!亦因為這樣我地亦沒有乘遊湖船呢!

而碼頭附近是一條’’食街’’, 兩旁都是小吃呢! 有一些店有很多人排隊啊! 我們因剛吃過午餐,所以只買了一串山豬肉來吃, 都烤得幾好味, 不過nt40以當地物價計有少少貴呢~除了小食店外, 亦有一些賣貓頭鷹飾物的店舖, 原來貓頭鷹係當地的吉祥物呢! 仲整得好似日本的貓頭鷹公仔呀! 不過我地都冇買到~

行左一周約5點幾, 等最後一班車6點幾先有, 我地又再拍拍照, 等到6點就原路塔車返去日月潭水社了!

日月潭有很多民宿, 經過之前多番資料搜尋, 最後選左桂月村, 除了位置方便外, 就是房間數量並不多, 只有5間, 民宿主人會有時間同客人傾談呢~

6時半返到去民宿, 我地上去放低野時老闆媽媽王老太就幫我地預備晚餐了, 佢仲識講廣東話呢!15分鐘後我地落去地下就有得用餐了, 真好!

今日晚餐有4個餸, 分別係日月潭先有的”過猫”菜, 甜酸排骨,南瓜天婦羅同什菇呢~好豐富啊!唔夠仲可以加! 不過最後我地都食唔哂呢~ 

~

晚上的靜安寺, 在燈光映照下, 很華麗, 根本不像一座寺, 跟附近的百樂門亙相輝映, 令初到上海的我, 已經感覺到夜上海的魅力。

靜安寺的另一面, 有日資百貨公司「久光」, 其實跟香港的SOGO差不多, 不過在巴士車道外掛有很多星星燈飾,又有置身日本的感覺呢!

上車前當然要醫肚啦! 因為太早好多店都未開門呢~ 而又因為時間關係, 我地只外賣左一個老蔡水煎包的菜肉包, 個人覺得有點油, 唔係太好味…

食過就去台北西站上車了! 由於是日係星期六, 好多台灣人都會去郊外旅行, 所以我地架車係full哂呢~幸好車廂都幾舒服, 不一會就進入夢鄉了…..

我一向都鐘意食日本野, 剛好工作的地方近虹橋區, 這區多日本人居住, 自然多日本菜, 仲好正統呀! 今晚收工, 好累, 又過左正常食飯時間 (7:00-8:00pm )  食咩好呢~ 友人建議炸端燒/居酒屋，都好~ 講真上海的居酒屋好多好日式好正宗, 大多數係日本人開.  剛好記得上次坐車經虹梅路見到一間叫"龍之介" 的炸端燒. 講真我係覺得個多好似陣年的日劇男主角名, 所以記得....
入到去, 立即覺得'掂' 個炉係正中, 客人圍三邊坐, 有兩個師傅負責燒~ 成間鋪唔係太大, 但好舒服~ 好香~
點菜時, 我們點左個燒魚, 係是日精選, 不在菜單中~ 燒海胆鮑魚~ 燒鵝肝~醬汁燒蠔~ 當然入鄉隨族, 叫支啤酒飲飲~ 學吓日本上班族收工後習慣beer 一beer !

醬汁燒蠔 - 冇我想的咁驚喜, 由於之前是店長特別推介. 但也十分香濃及新鮮.
燒海胆鮑魚- 好好好好味!  海胆經火輕輕燒表面, 立時香氣逼人~ 真係九里都聞到.好濃的味  加上鮑魚都燒到好爽仲有海水鹽燒過的味道, 正! 我連食兩客.
到燒鵝肝~ 嘩救命~ 成塊鵝肝Size 唔細, 起碼我覺得大過法國/意大利菜食的煎鵝肝, 首先望落覺得佢地唔孤寒, 成大塊~ 個样就普通啦, 冇之前見到個海胆鮑魚咁興奮, 誰不知~ 一食落口~ 唔該唔好同我講野! 唔好阻住我感受個塊鵝肝係口裏面嗰種味道， 我相信你係愛食鵝肝的一定會鐘意, 因為佢冇法式煎鵝肝咁油, 你知啦煎的火候唔好太生, 都好鬼死難食~ 好似食緊豬油咁. 但係這個燒鵝肝我食左兩客!  真係好好味. 起碼我係香港未食過! 
其他食物都好新鮮, 不過勸大家唔好試佢地個推介燒牛油果, 因為真係唔值....
有機會去上海可以試下虹橋區, 唔駛成日都去淮海中, 浦東咁~ 嗰區除左日本菜多, 法國意大利菜!
如果係深圳坐飛機係虹橋機場落仲近! 加上虹橋機場因為世博關係加大係好多. 好靚~ 又近市區.

之前做過research, 都知好多新光三越有勝博殿, 原來呢度都有呢! 真開心~

新光三越12/f食聿肆唔多, 而只有勝博殿係要排隊! 原來勝博殿1966年始創於新宿,係日本最大規模的日式豬排連鎖店呢~ 難怪多人啦! 

等左約20分鐘就入得了, setting唔錯, 好有日本feel呢! 我地睇左餐牌, 叫左個招牌炸豬排set 同一個蝦+炸豬排set, 比香港世貿中心o個間平好多啊!! 只係約一百就有一個set了!仲有甜品呀! 

點菜後就來了前菜以及大量椰菜, 前菜有白蔔白同olive, 2樣我都唔食呢haha!椰菜加上醋都幾好味, 可以消去肥膩的感覺
磨好芝麻2份餐都來了, 炸豬排set約有6件, 好似唔係太夠呢~ 不過炸得好鬆脆, 好好味呀! 而大蝦都好鮮味呢~雖然2份set的豬排係2個唔同的部位, 不過我唔係好識分, 只知其中一份既豬排係淋一點呢!

飯後送上雪糕作甜品, 選了的綠茶雪糕奶味多於綠茶味,一般呢! 不過overall都好滿足了~

平溪小火車班次不太密, 約1小時一班車, 因此要睇準時間上車呢 

我們先去尾站青桐, 火車站並不大, 只有一家賣手信的地方, 內有不同的紀念戳章可蓋上作紀念呢~ 我地買左張木postcard寄返hk, 寫好比店員就可以了~ 再行前少少就係礦業生活館, 不過好細, 我地都對礦業歷史興趣不大, 都係影相留念就離開了~ 

而火車鐵路係另一個拍照的好地方, 我地仲見到有新人拍婚紗照呢~ 不過大風大雨好像會好凍啊!! 因為火車班次稀疏, 所以大家都走出去鐵路中央去拍照, 幾特別呢~ 

逗留左1/2小時我地就決定行去平溪車站, 因為走路只是約20分鐘, 不過行行下雨愈下愈大, 天氣又凍, 都幾辛苦呢~! 去到平溪其實與青桐差不多, 只是多了一條小巷係有店舖賣小食的, 以及有一些DIY許願小天燈賣, 不過雨很大, 我們都沒有買到來放呢! 真可惜啊!

去完平溪車站, 車也差不多來了, 我們便繼續去十分車站, 十分車站係今次旅行中我好期待的一個景點呢~今次路程遠少許, 也只是塔平溪小火車15分鐘罷了~

十分車站與先前的2個車站也是差不多, 又有許願小天燈賣, 手信亦都係迷你天燈及不同類型的明信片! 

車站一直走相信便是十份老街, 但多數的店是賣天燈的, 因為今天下大雨也沒有開門呢~! 而對面有一條很長的吊橋, 不過我地冇行到去對面呀! 

因為下一班車亦都係1小時之後先有, 我地唯有再入去店舖蓋印同睇手信, 買左2個小小的天燈, 希望可以帶來幸福啦~^___^