min
我是min。 我是一名......。 我最喜愛到日本,葡萄牙,加拿大旅遊 , 最鍾意遊覽自然景觀,城市風貌,展覽館/博物館,戶外活動, 住宿通常會揀3星酒店。
留言  留言給此旅遊家
  遊記數目 42
  上載相片 256
  上載影片 0
最近分享過的旅程
地震翌日京都大阪之旅
國家/地點: 日本
旅程日期: 2011-03-12 至 2011-03-18
為食之旅@台北台中
國家/地點: 台灣
旅程日期: 2010-03-31 至 2010-04-05
德國+瑞士之freezing trip 1
國家/地點: 德國
旅程日期: 2008-12-27 至 2009-01-05
德國+瑞士之freezing trip
國家/地點: 瑞士
旅程日期: 2008-12-28 至 2009-01-05
東京箱根忙look 5 日遊~
國家/地點: 日本
旅程日期: 2009-04-25 至 2009-04-29
共找到 42 篇遊記, 正顯示第 1 至 10 篇遊記
地震翌日京都大阪之旅 (日本)
(旅程日期: 2011-03-12 至 2011-03-18 ,  旅程性質: 消閒度假)
 整個旅程  (共4篇遊記)
 分享至Facebook 
發表日期: 2011-04-29

最後一日朝早check out完, 由心齋橋慢慢行去難波方向, 行到去固力果標誌有一條大橋, 左面就係激安啦~ 有好大個老伯做model呢

午餐去食蟹, 難波附近共有4-5間店, 舉頭望見一大隻蟹就係啦~

我地12點去到, 去左樓上2樓, 一望係激安~

又去蟹道樂! 笑臉2011-04-29

又去蟹道樂啦~

已經係第3次食,覺得大阪比東京既好味呢!今次去到心齋橋總店,對住激安食呢haha!

叫左1個1900yen 同1個2500yen既定食,仲有再貴一點既定食係3千多yen既,不過太豐富呢!

以下就係2個定食食過既野(已經分唔到邊樣係屬於邊個定食),每一樣都有蟹架!


蟹蒸蛋:入面有蟹絲,好滑好味道!

蟹沙律:普通,冇乜印象啦

蟹腳:好似比以前細左少少,不過都好鮮味

蟹腳刺身:之前食過好好好鮮味架, 今次食覺得普通啦~

蟹飯:個飯一開始就要煲,到食哂其他野先開始食,好香呢!

蟹卷:呢個唔係太好味呀, 紫菜係淋既, 同埋個飯好大件呀!

芝士薯蓉蟹: 有點奇怪的配塔, 不過食落又幾得意呀

美中不足係個定食冇甜品,我記得上次有架!要貴既定食先有雪糕呀!

推介菜式: 蟹蒸蛋
每人消費: 約2000日圓 (午餐)
評分: 味道3   服務4   環境4   衛生4   抵食3
  0 個留言    |  加入你的留言
地震翌日京都大阪之旅 (日本)
(旅程日期: 2011-03-12 至 2011-03-18 ,  旅程性質: 消閒度假)
 整個旅程  (共4篇遊記)
 分享至Facebook 
發表日期: 2011-04-22
食完下午茶就行去錦天滿宮入面既錦市場+大丸百貨, 之後行一陣就食DINNER, 約9點幾就返酒店了 
本來想食SUSHI但行左一陣都唔見有, 見呢間門口都幾多人就入去睇下啦, 入面好多人食緊BOR! 好, 試下~
叫左80G 炸豬扒, 原來80g份量唔多, 早知就叫120g啦~ 好似仲有170G可以選TIM! 不過配菜既椰菜絲同味噌湯都好好味, 仲有3隻汁可以點TIM! 環境亦唔錯, 不過好似冇禁煙席就唔係幾好啦!

之後先知原桃呢間店有好多分店架! 
 
每人消費: 約1000日圓 (晚餐)
評分: 味道3   服務3   環境3   衛生3   抵食4
錦市場 ok喇2011-04-22
錦市場係一個魚市場, 又係一條商店街, 不過好早就收, 我地6點幾去到, 已經收得七七八八, 見到好多地道醃漬產品好似白菜呀, 魚呀等等, 唔係好岩口味, 有少少失望呢~ 冇時間可以唔去呀!
參觀時段: 晚間
評分: 值得去3  
以日本標準來講, 呢間酒店算大間呀, 一出烏丸站沿烏丸通行3分鐘就係, 好大棟呢!
我地朝早放左行李在LOBBY, 夜晚去到已經有人幫我地放左在房入面, 服務VERY GOOD!
房間都幾靚, 尤其係個洗手間好cyber 下呢!
不過價錢不包早餐,要加錢先有呀! 
每晚價錢: 15000日圓 (雙人房)
評分: 設備4   服務3   環境4   衛生4   抵住3
  0 個留言    |  加入你的留言
地震翌日京都大阪之旅 (日本)
(旅程日期: 2011-03-12 至 2011-03-18 ,  旅程性質: 消閒度假)
 整個旅程  (共4篇遊記)
 分享至Facebook 
發表日期: 2011-04-21

因為時間早, 所以由四條烏丸慢慢步行去袛園, 沿途2旁有好多小店, 但好多都10點先開, 只有幾間開左, 朝早行環境寧靜, 別有一番味道。

四條通一直行到尾見到"八阪神社"個牌, 就係祇園啦! 一入去有少少灘檔賣小食, 再入就係神社, 我地沿住神社行一周, 再為地震祈禱, 約半小時便行完了~然後就去到四條通行小店+醫肚啦!

參觀時段: 早上
入場價錢: 每人0日圓
評分: 值得去4  
在四條通先斗町食過午餐後就係甜品時間啦, 一直行10分鐘就係都路里, 好出名所以要排隊, 好彩只係排了40分鐘就有位

呢間專食綠茶甜品既店, 上次去京都都有去過, 今次第2次去, 一樣好好味呀! 我同bf叫左一個綠茶布丁, 一個綠茶雪糕+紅豆+Jelly既甜品, 綠茶味濃, 紅豆亦不算甜, 成個配合得好好呀! 不枉排隊半小時呀!

雖然價錢比較貴, 平均一個甜品都要800-1000yen, 不過難得去到都道里總店食綠茶, 一定要去呀!

推介菜式: 綠茶布丁
每人消費: 約800日圓 (下午茶)
評分: 味道5   服務4   環境3   衛生4   抵食3
  0 個留言    |  加入你的留言
地震翌日京都大阪之旅 (日本)
(旅程日期: 2011-03-12 至 2011-03-18 ,  旅程性質: 消閒度假)
 整個旅程  (共4篇遊記)
 分享至Facebook 
發表日期: 2011-04-19
在東京塔過7小時的長途巴士後, 13日早上終於去到京都, 時間尚早就去食個早餐先啦!
DOUTOR係四周都有既COFFEE SHOP, 好似香港既STARBUCKS敢, 我地因為好早, 8點幾入到去, 所以人不多, 叫了2份早餐, 各380yen, 分別係火腿蛋同吞拿魚三文治配熱咖啡, 加50yen 可upgrade至latte等, 都算抵食~

2份三文治都好多料, 尤其在寒冷的天氣下有一份熱食, 特別好味呢! 反而咖啡一般, 不似標誌住咖啡的咖啡店水準!

食完早餐過後就出發去袛園了!
每人消費: 約400日圓 (早餐)
評分: 味道4   服務3   環境3   衛生4   抵食3
  0 個留言    |  加入你的留言
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
發表日期: 2010-05-07

食完午餐後, 我們便在酒廠門口等車, 原先是乘全航客運, 約100分鐘會直達蓬甲, 可以直接去我們的酒店呢! 可是當天的全航客運不會直去蓬甲, 要在台中轉車啊! 所以我們就去台中中轉站, 順便去了之前有點想去的20號倉庫

20號倉庫就在台中火車站後面, 一個很小的地方啊~幸好也不用收費呢~

20號倉庫原是台中火車站的貨倉, 現已改建成藝術展覽場地, 倉庫除了一些傳統式展覽外, 還有些互動式展覽, 要揮手者出聲才會有影像和音樂出現。不過地方不大, 轉眼便走完全館了~

反而倉庫外可看到火車路軌, 影下相都幾得意呢~

20號倉庫...有時間才去吧~

參觀時段: 下午
入場價錢: 每人0新台幣
評分: 值得去2  

酒店就在逄甲夜市附近, check in後我們便去到逄甲夜市吃晚餐了。

當天是星期天, 逄甲夜市好多人呀!!! 好多小食店也要排隊呢! 這裡沒有比較舒適的餐廳, 因此我們便以好多小食做晚餐呢~
胡椒餅, 蒙古烤肉飯, 串燒, 鴨肉湯…等等, 全都是台灣的特產呢~ 

不過最好味都係一個加左麻糬的燒餅, 有4隻口味, 其中紅豆最好味呢~ 它有點像sogo樓下的燒餅, 不過加左麻糬煙煙”un”un”好味好多啊!!!
想起都好想再食啊!! 

最後叫了10串蝦, 名為懶人蝦, 就在大腸包小腸的隔離, 我們等了1個小時呢! 見有人一買就買50多串…真的很好生意啊! 而我們選了蒜泥味道, 很香呢~ 

食完行返黎客酒店都係10分鐘, 好近呀haha

評分: 值得去3  
  0 個留言    |  加入你的留言
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
發表日期: 2010-05-06
拜別了桂月村的主人後, 我們便出發去埔里。第一站是紙教堂, 要乘南投的車, 等左大半小時先有呢~
紙教堂 笑臉2010-05-06

埔里紙教堂位置就在埔里往日月潭的中間, 我們由日月潭乘南投客運, 約20分鐘就到了! 

入去先買門票, 一張$50, 門票可全額抵教堂區消費, 即係不用錢呢! 

入到去教堂, 好多遊人啊! 這裡像休憩區多一點呢! 這座紙教堂遠從日本來的,整座教堂是由紙造成, 連座位和樑柱也是紙做的, 真的好犀利呀! 紙教堂園區規模不大, 一會兒我們便逛完了, 再出去外面的荷花池拍拍照, 就去看看有什麼紀念品可換的~ 

此區的紀念品分為2種, 食品和用品, 吃的都是南投名產, 如醃製品類, 用品則是紙製品, 如文具玩具等, 因為選不到喜愛的紀念品, 最後我們把門票拿來買了一件cheese cake及一杯紅茶, 想不到cheese cake很好吃呢! 

閒逛了1個小時後, 我們就繼續出發去埔里的酒廠了

參觀時段: 早上
入場價錢: 每人50新台幣
評分: 值得去2  

埔里酒廠是台灣第一座以酒文化為主題所設的博物館, 館中以典藏埔里酒業發展多年歲月的文獻及文物為主, 這裡樓分2層, 地下係展銷品, 樓上係講解酒廠歷史和做酒過程、酒的種類、營養、忌諱、還有醉酒分幾多種呢~很有趣啊! 另外還有酒的時光隧道, 兩旁放滿了一呈一呈的紹興酒, 難怪埔里又名為紹興酒的故鄉了!

行過樓上的博物館後, 我們便到地下的展銷場, 有很多不同的食品呢~比較有名的是下了酒的酒蛋, 酒鴨翅,酒香腸及印有馬英九的"馬英酒", 是台灣馬英九當選時取名的酒呢! 可是最後我們都沒有買, 只買了普通的台灣米餅呢~ =P

另外館外有3樽超及大酒,比人還要高很多很多…是拍照的好地點呢!

參觀時段: 早上
評分: 值得去3  
好滑的米粉 笑臉2010-05-06

去到埔里, 當然要一試有名的米粉, 埔里米粉只係一個檔口, 位於酒廠對面, 很易找呢!

埔里振松記米粉出名有米粉、滷肉飯、紹興醉雞等, 我們點了米粉、滷肉飯、凍豬手、燙青菜及豆腐, 先付錢, 等一回就送食物過來~ 最好吃的當然是米粉!無論是湯或是炒的, 加了點點肉碎, 很香呢~而米粉是新竹米粉, 好滑的米粉啊~凍豬手反而普通, 不及度小月的好吃。 

而這裡坐位沒有冷氣, 如夏天去吃會比較辛苦呢~ 幸好我們去那天不太熱, 坐在大掛檔也頗有風味呢!

推介菜式: 米粉
每人消費: 約200新台幣 (午餐)
評分: 味道4   服務3   環境2   衛生2   抵食5
  2 個留言    |  加入你的留言
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
發表日期: 2010-05-04
乘了約4個半小時的車程,終於到達日月潭水社了!先放下行李在民宿, 食完野就出發去日月潭的伊達邵了! 

乘了約4個半小時的車程,終於到達日月潭水社了!先放下行李在民宿, 食完野就出發去日月潭的伊達邵了! 

伊達邵位於水社的另一邊, 我地買左觀光車票就由水社出發, 乘日月潭環湖公車大約30分鐘的車程就到達伊達邵碼頭了...雖然今天沒有下雨, 但都好大霧啊! 伊達邵碼頭完全看不到風景呢!亦因為這樣我地亦沒有乘遊湖船呢!

而碼頭附近是一條’’食街’’, 兩旁都是小吃呢! 有一些店有很多人排隊啊! 我們因剛吃過午餐,所以只買了一串山豬肉來吃, 都烤得幾好味, 不過nt40以當地物價計有少少貴呢~除了小食店外, 亦有一些賣貓頭鷹飾物的店舖, 原來貓頭鷹係當地的吉祥物呢! 仲整得好似日本的貓頭鷹公仔呀! 不過我地都冇買到~

行左一周約5點幾, 等最後一班車6點幾先有, 我地又再拍拍照, 等到6點就原路塔車返去日月潭水社了!

參觀時段: 下午
評分: 值得去3  

日月潭有很多民宿, 經過之前多番資料搜尋, 最後選左桂月村, 除了位置方便外, 就是房間數量並不多, 只有5, 民宿主人會有時間同客人傾談呢~

6時半返到去民宿, 我地上去放低野時老闆媽媽王老太就幫我地預備晚餐了, 仲識講廣東話呢!15分鐘後我地落去地下就有得用餐了, 真好!

今日晚餐有4個餸, 分別係日月潭先有的過猫, 甜酸排骨,南瓜天婦羅同什菇呢~好豐富啊!唔夠仲可以加! 不過最後我地都食唔哂呢~ 

王老闆一家人真係好好人,因為第二天我們要去埔里教堂及紙寮, 問王老闆有否車去哂這兩個地方, 他因為不清楚新的埔里觀光車路線, 自己上網找了路線給我們, 仲列印了2份給我們參考呢! 他又教我們看日月潭最好的時間是早上日出, 如果唔係佢教我地一定唔識呢~
每晚價錢: 2700新台幣 (雙人房)
評分: 設備3   服務4   環境4   衛生3   抵住3
  0 個留言    |  加入你的留言
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
發表日期: 2010-04-30

第四日一早我地就離開台北, 塔4個小時車去日月潭, 本來塔國光客運去唔駛轉車, 不過之前2日買已經full左, 唯有塔去埔里再轉南投客運, 車程也是差不多~

唔係太好味 ok喇2010-04-30

上車前當然要醫肚啦! 因為太早好多店都未開門呢~ 而又因為時間關係, 我地只外賣左一個蔡水煎包的菜肉包, 個人覺得有點油, 唔係太好味…

食過就去台北西站上車了! 由於是日係星期六, 好多台灣人都會去郊外旅行, 所以我地架車係full哂呢~幸好車廂都幾舒服, 不一會就進入夢鄉了…..

每人消費: 約12新台幣 (早餐)
評分: 味道2   服務3   環境2   衛生3   抵食4
  2 個留言    |  加入你的留言
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
發表日期: 2010-04-29

原本計劃係去完十分後, 乘火車至松山站約35分鐘去饒河街夜市食野, 不過因為大雨又凍, 都係返去台北酒店先~

去酒店換衫後就出去食dinner, 因為已經好累, 就去左附近既新光三越樓上睇下有乜好食

之前做過research, 都知好多新光三越有勝博殿, 原來呢度都有呢! 真開心~

新光三越12/f食聿肆唔多, 而只有勝博殿係要排隊! 原來勝博殿1966年始創於新宿,係日本最大規模的日式豬排連鎖店呢~ 難怪多人啦! 

等左約20分鐘就入得了, setting唔錯, 好有日本feel呢! 我地睇左餐牌, 叫左個招牌炸豬排set 同一個蝦+炸豬排set, 比香港世貿中心o個間平好多啊!! 只係約一百就有一個set了!仲有甜品呀! 

點菜後就來了前菜以及大量椰菜, 前菜有白蔔白同olive, 2樣我都唔食呢haha!椰菜加上醋都幾好味, 可以消去肥膩的感覺
磨好芝麻2份餐都來了, 炸豬排set約有6件, 好似唔係太夠呢~ 不過炸得好鬆脆, 好好味呀! 而大蝦都好鮮味呢~雖然2份set的豬排係2個唔同的部位, 不過我唔係好識分, 只知其中一份既豬排係淋一點呢!

飯後送上雪糕作甜品, 選了的綠茶雪糕奶味多於綠茶味,一般呢! 不過overall都好滿足了~

每人消費: 約400新台幣 (晚餐)
評分: 味道5   服務3   環境4   衛生4   抵食4
  0 個留言    |  加入你的留言
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
發表日期: 2010-04-29
去完九份就原路走, 去返瑞芳塔火車, 因為平溪小火車可去到十分, 平溪及青桐3個地方, 所以買平溪一日卷比較划算呢~只係NT54!
青桐火車站 笑臉2010-04-29

平溪小火車班次不太密, 約1小時一班車, 因此要睇準時間上車呢 

我們先去尾站青桐, 火車站並不大, 只有一家賣手信的地方, 內有不同的紀念戳章可蓋上作紀念呢~ 我地買左張木postcard寄返hk, 寫好比店員就可以了~ 再行前少少就係礦業生活館, 不過好細, 我地都對礦業歷史興趣不大, 都係影相留念就離開了~ 

而火車鐵路係另一個拍照的好地方, 我地仲見到有新人拍婚紗照呢~ 不過大風大雨好像會好凍啊!! 因為火車班次稀疏, 所以大家都走出去鐵路中央去拍照, 幾特別呢~ 

逗留左1/2小時我地就決定行去平溪車站, 因為走路只是約20分鐘, 不過行行下雨愈下愈大, 天氣又凍, 都幾辛苦呢~! 去到平溪其實與青桐差不多, 只是多了一條小巷係有店舖賣小食的, 以及有一些DIY許願小天燈賣, 不過雨很大, 我們都沒有買到來放呢! 真可惜啊!

參觀時段: 下午
評分: 值得去3  
來到十分 笑臉2010-04-29

去完平溪車站, 車也差不多來了, 我們便繼續去十分車站, 十分車站係今次旅行中我好期待的一個景點呢~今次路程遠少許, 也只是塔平溪小火車15分鐘罷了~

十分車站與先前的2個車站也是差不多, 又有許願小天燈賣, 手信亦都係迷你天燈及不同類型的明信片! 

車站一直走相信便是十份老街, 但多數的店是賣天燈的, 因為今天下大雨也沒有開門呢~! 而對面有一條很長的吊橋, 不過我地冇行到去對面呀! 

因為下一班車亦都係1小時之後先有, 我地唯有再入去店舖蓋印同睇手信, 買左2個小小的天燈, 希望可以帶來幸福啦~^___^

參觀時段: 下午
評分: 值得去3  
  0 個留言    |  加入你的留言