不過酒店真係幾細, 有點似日本既酒店, 除左床之外就係洗手間, 只可打開一個行李, 打開2個都唔得! 另外佢冇上網, 有點唔方便! 而且亦沒有早餐提供, 要自己出去食呢~

整體酒店都算衛生, 不過最後一晚發現洗手間沖唔到水,但酒店話房間己滿, 唔可以幫我地換, 又要第日先搵到人幫我地整….好彩第日我地都走, 不過service唔算十分好啦~

下次再去我唔會住呢間, 雖然真係好方便同平, 不過真係細左d呢!

叫左一個set, 有招牌蝦仁肉圓, 芋頭果, 排骨湯, 不一會就整好了, 相信係一早整好的呢

芋頭果 – 原來係好多芋頭整成, 好似蒸既芋絲糕呢, 佢淋左d汁上去, 好傑的, 唔係太好味…

蝦仁肉圓 – 我未食過蝦仁肉圓, 唔知應該係點既呢~ 佢個皮好似粉果既皮, 都幾煙”un”既, 不過d汁又係芋頭果既汁, 所以個味好似一樣呢~

見到一幢的starbucks行入去就係淡水老街, 沿途2旁都係唔同既小食同手信呢! 而且有好多香港人去, 四圍都係講廣東話啊!! 我地慢慢行, 都行左成個鍾呢~ 我地一路一路好多人叫賣, 都有買到d南瓜酥做手信呢! 

出面對岸既另一條街望住個海, 可以望到日落呢! 景觀唔錯! 我地等左20分鐘船塔去情人橋, 不過船上好大風, 吹到要入室內呢! 情人橋只係普通一條行人橋, 過情人橋只要約5分鐘呢! 情人橋兩旁係餐廳, 如果有時間一路食野一路欣賞景色都唔錯呀! 

我地睇完日落就塔返26巴士去返淡水捷運站, 大約15分鐘就到了~

淡水老街大約行20分鐘就見到出名既可口魚丸, nt30有4大粒, 不過我覺得唔係好彈牙呢! 我覺得香港d魚蛋有魚味d啊! 魚丸其實係包心既, 入面有d肉+汁, 食既時候要小心啊~

今次係第一次食度小月, 一入去有個位係有個人坐著整緊麵線, 好有舊式既風味呢! 餐牌上好多食物都想試, 奈何我地得2個人, 唯有只試下招牌菜啦! 擔仔麵係招牌, 不過我鐘意食米粉多點, 所以叫左擔仔米粉呢~ 加左一隻滷水蛋呢! 另外叫了滷水豬手, 肉燥飯, 蕩青菜, 最好味係米粉, 佢加左肉碎及芽菜, 配上幼幼的新竹米粉, 真的很香啊! 而滷蛋亦十分入味! 滷水豬手也不錯, 滷水味濃豬手淋, 推介!!

最後因為太好味要加多隻粽試試, 粽細細隻已經有哂栗子, 蛋黃, 冬菇同肥肉, 比香港吃到的要豐富呢~

好開心的一餐, 可能因為之前2餐都唔悏意吧!

行左2條街都冇乜好靚既coffee shop, 就入去左周圍都有既丹提咖啡試試啦!

叫左2份早餐, 各包一杯野飲, 早餐套餐均附50元飲料, 叫latte都得呢, 真係抵!

1) 鮮奶厚片早餐nt60, 個toast好厚呀! 不過我掛住映相食時已經凍左少少呢~ 不過整體都ok既!

2) 肉鬆蛋袋餅nt80, 好似係wrap, 入面有肉鬆, 呢個幾特別, 香港冇食過呢! 好味呀!
配上latte及朱古力各一杯, 不過不失, 不過呢度環境舒服, 唔太多人又唔貴, 係早餐好選擇呢!

(題外話: 我地同另一對旅行既新加坡夫婦傾左陣, 佢地住華華既, 有得派呢度既早餐卷呢)

誠品旗艦書店是一整座的，好像有6層，十分大呢!

地下是售賣傢俱的，擺放暮不同精品傢俱，好布設計風氣啊~

之後每層都行一行，真係好多書，仲有分開唔同的主題，好像是日本館、電影館、藝術館等等，而且擺放得十分疏落，比香港的書店要好行好多呢~

最後買左本香港未見過既旅遊書，相信如果有時間，可以o向呢度消磨一整天呢!

行完之後去新光三越, 分開A4, A11, A8 同A9館，不過賣既野差不多，我地主要去b1睇食物買手信，買左小林煎餅同新東陽呢! 反而上面既化妝品比香港要貴，可以唔駛去了...

去完誠品都已經1點幾，係時候去醫肚啦!上網做research時見好多人都讚呢間上閤屋自助餐，試下係o米真先!

一入去原來要比錢先既，下午時段只係nt598(另加一)，而食物同午市係一樣的，由2時開始，比香港的tea buffet要早呢~ 

一入去先行一圈睇睇有乜野食，原來食物種類好多，分開好多唔同的主題，如炸物、燒物、蒸物、熱盤、冷盤等等

繞場一周後就開始拿食物了! 天婦羅、炸軟殼蟹、燒3文魚頭同燒蝦等等係即刻整，好新鮮呢~ 燒蝦限了每人一隻，反而芝士龍蝦沒有限制，吃2隻已經回本了haha!

除了不同日本食物外，仲有一些台灣小食如筒仔米糕、麻糟等，不過唔係好岩我口味，都係日本野吸引呢~

刺身有3款，全都好新鮮，另外可以即整手卷，不過我怕太飽冇叫呢!

最後係甜品，有好多唔同既蛋糕，不過一般好味...反而最好係Hargandaz 雪糕，有8隻味啊!!!香港真係未見呢!

呢間buffet食物種類多，又好味新鮮，地方又夠大，價錢仲好平! 絕對值得推介呀!

探索館共有4層, 介紹台灣的歷史, 不過每一層其實唔太多展品, 可能由於台灣歷史唔算好長吧! 入面有點像香港歷史博物館, 只是比它要小呢!

我們並不是特地前往此探索館, 只花了約半小時便參觀完了! 所以如果有時間可以一去, 特地前往就不必了! 台北故事館比較多野睇呢~

京都屋同肥前屋真係好近, 大家都係在丹迪旅店附近, 不過京都屋就係一直行,而肥前屋就要轉入內街

因為下午食完自助餐仲好飽, 所以冇叫套餐(好像很豐富似的, 有蛋卷有沙律又有湯), 只單點了一客鰻魚飯。這裡環境比肥前屋舒服, 不用塔枱, 而且有人serve, 不似肥前屋o甘迫呢! 當然價錢也比較高了!

鰻魚飯約十分鐘就來到, 其間見鄰桌的天婦羅好像很新鮮呢! 這裡的鰻魚較肥前屋的要薄,

而且好像少了一陣碳香, 比肥前屋的遜色左少少呢! 不過仍然好味, 熱騰騰的, 如果不是太飽一定會encore呢!

京都屋同肥前屋各有所長, 論食物肥前屋比較好, 論環境京都屋比較舒服, 大家可以2間輪流試啦haha

良品牛肉麵就在我們住的桔子酒店附近, 昨晚因為太夜已經close左, 今晚特地早一點來, 9點幾來到了! 幸好沒有關門呢! 

呢度好多雜誌介紹過, 而且大部份都係香港雜誌, 貼滿哂個牆, 點解o甘多香港人鐘意黎呢度既呢?? 

原本想叫清湯牛肉麵, 不過老闆叫我地一定要叫紅燒牛肉麵, 因為好味一點, 而且在牛肉麵節曾經得過獎,係全台灣第二呢! 我話我怕辣, 佢話佢地既牛肉麵唔辣, 就試下啦! 

等左一陣就黎, 原來呢度既牛肉麵, 麵條好闊, 係刀削麵呢! 牛肉好, 肉味香濃, 話o甘快就食完一碗了!好滿足呢~

平溪小火車班次不太密, 約1小時一班車, 因此要睇準時間上車呢 

我們先去尾站青桐, 火車站並不大, 只有一家賣手信的地方, 內有不同的紀念戳章可蓋上作紀念呢~ 我地買左張木postcard寄返hk, 寫好比店員就可以了~ 再行前少少就係礦業生活館, 不過好細, 我地都對礦業歷史興趣不大, 都係影相留念就離開了~ 

而火車鐵路係另一個拍照的好地方, 我地仲見到有新人拍婚紗照呢~ 不過大風大雨好像會好凍啊!! 因為火車班次稀疏, 所以大家都走出去鐵路中央去拍照, 幾特別呢~ 

逗留左1/2小時我地就決定行去平溪車站, 因為走路只是約20分鐘, 不過行行下雨愈下愈大, 天氣又凍, 都幾辛苦呢~! 去到平溪其實與青桐差不多, 只是多了一條小巷係有店舖賣小食的, 以及有一些DIY許願小天燈賣, 不過雨很大, 我們都沒有買到來放呢! 真可惜啊!

去完平溪車站, 車也差不多來了, 我們便繼續去十分車站, 十分車站係今次旅行中我好期待的一個景點呢~今次路程遠少許, 也只是塔平溪小火車15分鐘罷了~

十分車站與先前的2個車站也是差不多, 又有許願小天燈賣, 手信亦都係迷你天燈及不同類型的明信片! 

車站一直走相信便是十份老街, 但多數的店是賣天燈的, 因為今天下大雨也沒有開門呢~! 而對面有一條很長的吊橋, 不過我地冇行到去對面呀! 

因為下一班車亦都係1小時之後先有, 我地唯有再入去店舖蓋印同睇手信, 買左2個小小的天燈, 希望可以帶來幸福啦~^___^

我們乘火車北迴幹線自強號, 約45分鐘就到達瑞芳中轉站啦!

一出車站對面有間”頂好”超市, 就係轉基隆客運去九份既地方了!雖然落緊雨, 不過仍然好多人去九份呢!而大部份都係香港人啊!

等左約10分鐘車就來了, 塔上去九份經過好多灣灣曲曲既路, 原來九份都幾高呢! 

落車行幾步就到九份老街, 老街2旁都係買手信及食物的地方, 好多人叫賣, 有點像街市呢! 不過由於雨愈下愈大, 我地都冇心機行, 好快地行左去街尾, 有分左右2邊既路, 我地行左去下面條鈄路落去, 見到有餐廳就入左去避雨及吃早餐了~

吃過早餐依然好大雨, 我地治著老街行返出去, 買左薑母茶返香港飲呢~

如果唔係落雨, 呢度一定會靚好多呢~

因為避雨, 所以衝左入阿妹茶樓隔離既一間茶樓, 真係飲茶既茶樓~

不過d茶幾貴, 而我地又唔係好茶既, 又未食早餐, 都係叫野食算啦~

叫左一個燒賣同一客朱古力toast, 等既期間出左去露台影相, 個景好靚, 對全”悲情城市”既大海報呢~

講返食物, 燒賣4粒盛惠nt100, 但原來只係魚肉燒賣!!! 我覺得香港6蚊串o個種仲好味呀!!!土司就幾好, 不過好難整得唔好既其實…

呢餐好唔值, 如果唔係個景幾好同要避雨, 仲唔值呢~

行行下見到阿柑姨，記得書上介紹係必吃竽圓，就走左入去了

店舖貌似街旁的小店，先付錢買了個紅豆竽圓，原來經過店內的迴廊係別有洞天，有一大觀景雅座，不過因為好大霧什麼也看不到啊!! 如果唔係可欣賞海景，吃著阿柑姨弄的芋圓，都幾寫意呢~

不過，紅豆竽圓對我來說太甜，而竽圓有地瓜、竽頭同唔知乜野味，煙煙unun的，但好甜，我都係鐘意普普通通既紅豆沙多一點呢~

之前做過research, 都知好多新光三越有勝博殿, 原來呢度都有呢! 真開心~

新光三越12/f食聿肆唔多, 而只有勝博殿係要排隊! 原來勝博殿1966年始創於新宿,係日本最大規模的日式豬排連鎖店呢~ 難怪多人啦! 

等左約20分鐘就入得了, setting唔錯, 好有日本feel呢! 我地睇左餐牌, 叫左個招牌炸豬排set 同一個蝦+炸豬排set, 比香港世貿中心o個間平好多啊!! 只係約一百就有一個set了!仲有甜品呀! 

點菜後就來了前菜以及大量椰菜, 前菜有白蔔白同olive, 2樣我都唔食呢haha!椰菜加上醋都幾好味, 可以消去肥膩的感覺
磨好芝麻2份餐都來了, 炸豬排set約有6件, 好似唔係太夠呢~ 不過炸得好鬆脆, 好好味呀! 而大蝦都好鮮味呢~雖然2份set的豬排係2個唔同的部位, 不過我唔係好識分, 只知其中一份既豬排係淋一點呢!

飯後送上雪糕作甜品, 選了的綠茶雪糕奶味多於綠茶味,一般呢! 不過overall都好滿足了~

上車前當然要醫肚啦! 因為太早好多店都未開門呢~ 而又因為時間關係, 我地只外賣左一個老蔡水煎包的菜肉包, 個人覺得有點油, 唔係太好味…

食過就去台北西站上車了! 由於是日係星期六, 好多台灣人都會去郊外旅行, 所以我地架車係full哂呢~幸好車廂都幾舒服, 不一會就進入夢鄉了…..

乘了約4個半小時的車程，終於到達日月潭水社了!先放下行李在民宿, 食完野就出發去日月潭的伊達邵了! 

伊達邵位於水社的另一邊, 我地買左觀光車票就由水社出發, 乘日月潭環湖公車大約30分鐘的車程就到達伊達邵碼頭了...雖然今天沒有下雨, 但都好大霧啊! 伊達邵碼頭完全看不到風景呢!亦因為這樣我地亦沒有乘遊湖船呢!

而碼頭附近是一條’’食街’’, 兩旁都是小吃呢! 有一些店有很多人排隊啊! 我們因剛吃過午餐,所以只買了一串山豬肉來吃, 都烤得幾好味, 不過nt40以當地物價計有少少貴呢~除了小食店外, 亦有一些賣貓頭鷹飾物的店舖, 原來貓頭鷹係當地的吉祥物呢! 仲整得好似日本的貓頭鷹公仔呀! 不過我地都冇買到~

行左一周約5點幾, 等最後一班車6點幾先有, 我地又再拍拍照, 等到6點就原路塔車返去日月潭水社了!

日月潭有很多民宿, 經過之前多番資料搜尋, 最後選左桂月村, 除了位置方便外, 就是房間數量並不多, 只有5間, 民宿主人會有時間同客人傾談呢~

6時半返到去民宿, 我地上去放低野時老闆媽媽王老太就幫我地預備晚餐了, 佢仲識講廣東話呢!15分鐘後我地落去地下就有得用餐了, 真好!

今日晚餐有4個餸, 分別係日月潭先有的”過猫”菜, 甜酸排骨,南瓜天婦羅同什菇呢~好豐富啊!唔夠仲可以加! 不過最後我地都食唔哂呢~ 

~

埔里紙教堂位置就在埔里往日月潭的中間, 我們由日月潭乘南投客運, 約20分鐘就到了! 

入去先買門票, 一張$50, 門票可全額抵教堂區消費, 即係不用錢呢! 

入到去教堂, 好多遊人啊! 這裡像休憩區多一點呢! 這座紙教堂遠從日本來的,整座教堂是由紙造成, 連座位和樑柱也是紙做的, 真的好犀利呀! 紙教堂園區規模不大, 一會兒我們便逛完了, 再出去外面的荷花池拍拍照, 就去看看有什麼紀念品可換的~ 

此區的紀念品分為2種, 食品和用品, 吃的都是南投名產, 如醃製品類, 用品則是紙製品, 如文具玩具等, 因為選不到喜愛的紀念品, 最後我們把門票拿來買了一件cheese cake及一杯紅茶, 想不到cheese cake很好吃呢! 

閒逛了1個小時後, 我們就繼續出發去埔里的酒廠了

埔里酒廠是台灣第一座以酒文化為主題所設的博物館, 館中以典藏埔里酒業發展多年歲月的文獻及文物為主, 這裡樓分2層, 地下係展銷品, 樓上係講解酒廠歷史和做酒過程、酒的種類、營養、忌諱、還有醉酒分幾多種呢~很有趣啊! 另外還有酒的時光隧道, 兩旁放滿了一呈一呈的紹興酒, 難怪埔里又名為紹興酒的故鄉了!

行過樓上的博物館後, 我們便到地下的展銷場, 有很多不同的食品呢~比較有名的是下了酒的酒蛋, 酒鴨翅,酒香腸及印有馬英九的"馬英酒", 是台灣馬英九當選時取名的酒呢! 可是最後我們都沒有買, 只買了普通的台灣米餅呢~ =P

另外館外有3樽超及大酒，比人還要高很多很多…是拍照的好地點呢!

去到埔里, 當然要一試有名的米粉, 埔里米粉只係一個檔口, 位於酒廠對面, 很易找呢!

埔里振松記米粉出名有米粉、滷肉飯、紹興醉雞等, 我們點了米粉、滷肉飯、凍豬手、燙青菜及豆腐, 先付錢, 等一回就送食物過來~ 最好吃的當然是米粉!無論是湯或是炒的, 加了點點肉碎, 很香呢~而米粉是新竹米粉, 好滑的米粉啊~凍豬手反而普通, 不及度小月的好吃。 

而這裡坐位沒有冷氣, 如夏天去吃會比較辛苦呢~ 幸好我們去那天不太熱, 坐在大掛檔也頗有風味呢!

20號倉庫就在台中火車站後面, 一個很小的地方啊~幸好也不用收費呢~

20號倉庫原是台中火車站的貨倉, 現已改建成藝術展覽場地, 倉庫除了一些傳統式展覽外, 還有些互動式展覽, 要揮手者出聲才會有影像和音樂出現。不過地方不大, 轉眼便走完全館了~

反而倉庫外可看到火車路軌, 影下相都幾得意呢~

20號倉庫...有時間才去吧~

酒店就在逄甲夜市附近, check in後我們便去到逄甲夜市吃晚餐了。

當天是星期天, 逄甲夜市好多人呀!!! 好多小食店也要排隊呢! 這裡沒有比較舒適的餐廳, 因此我們便以好多小食做晚餐呢~
胡椒餅, 蒙古烤肉飯, 串燒, 鴨肉湯…等等, 全都是台灣的特產呢~ 

不過最好味都係一個加左麻糬的燒餅, 有4隻口味, 其中紅豆最好味呢~ 它有點像sogo樓下的燒餅, 不過加左麻糬煙煙”un”un”好味好多啊!!!
想起都好想再食啊!! 

最後叫了10串蝦, 名為懶人蝦, 就在大腸包小腸的隔離, 我們等了1個小時呢! 見有人一買就買50多串…真的很好生意啊! 而我們選了蒜泥味道, 很香呢~ 

食完行返黎客酒店都係10分鐘, 好近呀haha