顧名思義，「西班牙小碟」每款都好細碟，所以當晚我地食左成二十幾道菜，影相都影到冇哂電，真係幾誇張。

“LN2 Caipirinha”，USD 20：Caipirinha 係巴西既國酒，材料包括喺巴西出產既cachaça（一款由甘蔗提煉出黎既酒），青檸同糖。Bazaar既調酒師張依款雞尾酒稍為改製，以桌邊服務加入 LN2，即“Liquid Nitrogen”（液氮），成功地製造好有氣氛既視覺效果。製成品可以形容為酒精濃郁，味道香醇既清涼Caipirinha Sorbet。炎炎夏日，一款小弟極力推介既消暑特飲，不過就建議駕駛人士唔好飲用（因為一定超標）！

Pa’amb tomaquet Catalan Style Toasted Bread，USD 8：傳統代表之一，脆口既多士面搽左層薄薄既新鮮蕃茄蓉，帶有蒜香味，簡單清新。

Tortilla de Patatas “New Way”，USD 5/person：“Tortilla de Patatas”其實係傳統「西班牙厚切薯仔奄列」，一款唔係好啱XO仔口味既西班牙餸；廚師真係好有諗頭同心機，居然可以令到小弟食完之後覺得係全晚最精彩既一味！據哥哥仔講解，師傅先把主材之一既薯仔打成泡狀，再以攝氏63度烹調另一主材既雞蛋，最後喺面頭加上以焦糖煮過既洋蔥粒同蔥花點綴。值得拍手叫絕既係，師傅成功地保留原材，並以嶄新配方煮製，更以全身面貌上枱，簡直可以話係分子料理既代表作呀！大家千奇唔好以為得個樣呀，薯蛋口感香滑細膩，配上甜脆既焦糖洋蔥，味道真係非筆墨能夠形容，只可以話係無可爭辯既必吃推介！

King Crab Raspberries，USD 20：哥哥仔話餐廳用料絕對新鮮，用罐上只係視覺效果，想提醒大家西班牙出名生產高質素既罐頭食物wor。罐頭內用Raspberry Vinegar調味既蟹肉，講真食落係甜，不過似乎唔係蟹肉既鮮甜味，而係喧賓奪主既Raspberry味，糟蹋左Ｄ蟹肉！

Not Your Everday Caprésé，USD 12：小弟唔係一個芝士或蕃茄客，所以好難客觀地對依道菜評審。唯一覺得特別既係相中白色既波波原來係Mozzarella芝士薄層包住液體Mozzarella芝士既芝士水蛋，入口就滑嘟嘟，不過好快就穿到成口都係水，所以要好小心，合埋個口食；味道好芝士囉。

American Caviar Cone，USD 9/pc：冇乜功夫，只係放Ｄ魚子醬入個迷你甜筒入面，客人一口可以食哂，清脆利落。

Gazpacho New Way，USD 9：Gazpacho係涷飲既西班牙雜菜湯，但經大廚分解後再重組，主材蕃茄湯竟然變成透明既蕃茄味啫喱，酸酸甜甜既彩色雜菜粒就用黎拌碟。味道雖然唔係每個人都可以接受倒，不過淨係聽哥哥仔講解都已經係一種享受！

Papas Canarias，USD 8：另一傳統tapas，源自西班牙加那利群島，話說當地人係用海水煲乾Ｄ薯仔，直到薯仔皮皺哂紋，皮上結左層鹽喺面，再點mojo汁食既。好可惜，因為實在係太咸啦，全枱人都好反感；表弟話齋，再動聽既故仔都比Ｄ鹽沖洗哂！

Tuna Ceviche & Avocado Roll，USD 16：加插左日式料理去造出份Ceviche，西菜和食，幾有意思。利用Avocado卷住吞拿魚同其他配料，好似食緊一件冇飯既薄餅壽司咁。好彩層椰汁忌廉唔會太濃，所以整體能夠保持香滑清甜。

Tomato Watermelon Skewers，USD 2/pc：每串涷涷既蕃茄西瓜塊係就係好爽口，不過酸酸甜甜，個組合有少少奇怪囉。

Jicama Wrapped Guacamolé，USD 2/pc：賣相好靚，食落香脆，感覺好似墨西哥taco，越南春卷，同餃子既混合體咁。

Norwegian Lobster，USD 15/person：細細塊，輕輕燒過既龍蝦肉，鮮甜爽嫩，配上一細杯味道濃郁既龍蝦精華液，食完一口，再飲一淡，正到唔係好夠口！

Sea Urchin Pipirrana，USD 14：海膽個樣好得，食落都好嫩滑，只係底下嗰Ｄ菜太過咸，咸味重滲入同搶走左海膽既鮮甜味，「口徒」料！

Japanese Grilled Eel Taco，USD 10 per 3 pc

Sauteéed Shrimp，USD 14：蒜味香濃，不過醃得過火，所以好咸，而且Ｄ蝦肉過熟，煮到又老又嚡又霉，咁簡單既一味搞到咁失敗，唔扣分唔得！

King Crab Sandwich，USD 6/pc：用中式既迷你饅頭，夾住蟹肉碎同Pickle，身為中國人既小弟唔多likE囉；Pickle太刺激，奪左蟹肉既味道，個包又乾，失敗！

Seared Redfish，USD 14：碟上用黑蒜畫成既畫筆痕好有藝術感。魚肉嫩滑，面層帶脆，蒜味唔算濃，反而有陣意想不到既炭燒煙味，非常香口，送酒一流。

Oxtail Sandwich，USD 4/pc：第一款蟹肉三文治已經唔係好掂，點知依件重衰，個牛尾又乾又嚡，重咸到我地儍左，食完要狂飲水解返，！

Seared Piquillo Peppers, Capriola Farm Goat Cheese，USD 11：對本身唔係好食芝士既XO仔，Goat Cheese個蘇味同咸味實在係太強烈啦，真係細嚐唔倒！

Seared Mary’s Farm Chicken，USD 11：話說，雞肉經真空煮熟，以確保肉質嫩滑多汁，但唔知點解，食落肉質竟然有少少嚡。拌碟既蜜棗本身好甜，蜜棗上既魚子醬芥辣雖然亦好特別，不過兩溝就奇奇怪怪咁，反而如果調配魚子醬芥辣放喺雞肉面呢，成個應該會唔同哂！

Grilled Beef Hanger Steak，USD 12：三成熟既牛扒，肉質軟腍，味道冇乜特別，加上完全冇分子料理既元素，所以頗為失望。

Croquetas de pollo，USD 10：招牌菜之一既炸雞絲薯仔卷，每客都係用隻Nike鞋上既。冇錯，上枱時係好震撼，成功地謀殺不少菲林，不過雖然個皮夠脆，但係層炸粉太厚，入面個醬味道又比較咸，而且太creamy，所以好溜。

Baby Japanese Peaches, Di Stefano Burrata，USD 18：BB桃好甜，不過同碟中一大pat既芝士好似唔係好夾囉。

Cotton Candy Duck Liver，USD 5/pc：姨姨極力推薦既一味。鴨肝就咁食味道會較濃同溜，所以西餐多數會跟甜生果一齊上去舒緩返；大廚諗倒用入口即溶既棉花糖，包住一細塊既鴨肝，去製造依個舒緩味覺既效果，可以話係創意無限！不但口感獨特，而係非常美觀，新潮得黎重好懷舊，食到大家都拍爛手掌！超級必吃推介！

Philly Cheesesteak，USD 8/pc：同小弟讀書時候食嗰Ｄ好唔同，因為完全唔油膩，又唔會滯住滯住。迷你欖球形既空心麵包皮層好脆薄，咬落以為自己食緊空氣咁，唔講真係唔知入面隱藏住淡薄既芝士溶！面層舖左四片輕輕燒過既和牛，唯獨唔係好夠味，不過大家不妨叫黎試下個質感。

咁多款既Tapas，食材同煮法都好廣泛，真係好難會樣樣都啱哂全部人既口味，不過依餐飯勝在夠潮，夠多花臣，又多故仔聽，包羅萬有。總括黎講，可以話係一個非常之好既體驗呀！

很久以前在電視節目上看過Mont St Michel的浩瀚, 日落時畫面是多麼震撼, 多麼動人, 那時我指著電視畫面跟另一半說 “我要去呢度!” 就是這一句說話, 促成了這次西法一日遊。

 根據維基百科記錄,  Mont St Michel 聖米歇爾山, 位於法國諾曼第附近, 距海岸约1公里的岩石小島, 為法國旅遊勝地, 也是天主教徒的朝聖地, 山頂建有著名的聖彌額爾山隱修院。聖米歇爾山及其海灣, 於1979年被聯合國教科文組織列為世界遺產。

 雖然很想享受日出和日落時份的美景, 但假如不住上一晚的話, 時間是配合不來, 無奈地放棄了, 只在島上遊玩了半天。雖然說是短時間旅程, 但我們也要在早上5點多起床, 於巴黎趕搭火車, 到埗後再轉乘巴士, 大概在中午十二點前到達目的地。

 因下車地點過於接近山峰, 想拍攝聖米歇爾山的全貌, 唯有往回頭路走, 行了約十分鍾, 終於拍到了想拍的。

 望望時間已經是中午一點多, 是時候找地方午飯, 事前沒有特別查看Mont St Michel有甚麼名菜, 但原來不用擔心, 到達後你自然能猜到, 一定是巨型奄列。登上島上還沒有走多遠, 已經看見了外型雅緻的奄列餐廳, 可惜那天的營業時間是下午四點多, 唯有先訂下位置, 中午便吃了其他地方。

 吃飽了便繼續登山, 終於到達隱修院範圍; 這裡處處充滿歷史遺跡, 置身其中, 感覺時間的概念模糊了…

 差不多到達預約時間, 我們從山頂慢慢地往下走, 預備享用聖米歇爾山名物。為何是名物, 看報導介紹, 在未有道路通往島上時, 朝聖人士需要待潮水退卻後, 徒步走往彼岸, 到達後大都已經筋疲力竭, 好心的餐廳創辦人便在山腳位置, 烹調巨型奄列, 待一眾善信飽餐過後, 恢復體力再登山頂。

我們雖然沒有涉水而行, 但卻剛剛上山下山, 體力都消耗了不少, 或多或少也能體會到當年信徒的心情。一進入餐廳先行吸引目光的是開放式廚房, 穿著古代服飾的廚師專心地烹調唯一的料理... 奄列. 雖然這裡祇賣奄列, 但供配搭的配料也蠻多, 而且有咸有甜, 可以滿足不同口味的朋友.

我們咸甜都各點了一款, 之後便四處拍照. 在通往二樓的階梯, 可以看見很多名人曾經光顧這裡的照片, 有荷里活明星, 各國元首, 知名藝術家… 等等, 從中可以感受到世界遺產名店的人氣!

等了一會, 咸和甜的奄列同時上檯, 看見如斯巨型的奄列, 我們不禁從心裡驚訝出來, 能全部吃完嗎? 出現了一個問號!

先嚐咸的一款, 配料選了火腿, 但不是我們慣常的吃法, 廚師沒有把火腿弄進蛋醬裡面, 而是分開另上; 奄列口感細密, 但不是我們香港吃慣的半熟滑溜類型, 喜歡與否, 實屬見仁見智; 火腿很乾身, 肉的纖維較堅韌, 不是我們喜歡的種類.

之後品嚐甜的, 同樣是巨型奄列, 這次配搭的是朱古力醬和雪糕, 把兩款調味均勻地塗抹在蛋餅上, 噢, 細密度甚高的奄列和醬料十分配對, 雪糕和朱古力醬把原來不太滑溜的蛋餅滋潤, 口感變得juicy起來, 甜的比咸的更能得我們歡心!

吃過晚飯, 還有半小時便要坐回程車了, 沒有再四處遊逛, 祇在上車位置拍拍照, 吹吹海風, 和欣賞滑行飛翔的海鷗風姿, 感覺輕鬆自在!

又一次乘巴士再轉乘火車, 回到巴黎差不多晚上十一時; 少許勞累是難免了, 但能夠完成夢想之旅, 感覺還是滿足的.   

除了羊还有很多新疆菜,不吃羊的也有很選擇

地方殘舊

那天遊人不多,玩了很次,很方便専車佳來供北

第2歺海鲜,都是冇歺牌跟服務員到魚池点菜
不可不吃中山乳鴿19.8元

艦内展示這艦的戦績,前穌联的軍隊组職,內部設備好多都冇番新展出
入口广場和甲板都展出多隻舊戦机及直升機

如家快捷是國內大集团,價錢合理,房間很大床都很大很乾淨
服務員很親切講解清楚,大堂有旅遊地方便自由行
洒店附近購物飲食应有尽有
重要是旁邊是医院身体有事也不怕

原來Bugis 除了有條Haji lane .周圍都有好多嘢食;好似zamzam印度嘢又好似呢間蝦麵.
為起嚟飲嘢同要碗三寶麵要成50蚊港紙...但係真係幾好食喎.大蝦一隻開邊..蝦羔爆滿加上彈牙的豬尾.湯頭又滿有蝦味加多杯檸檬冰...爽爽

終於食到我恨左好耐ge草莓季啦!
自己要草莓法蘭奇 , 男友要紅豆波堤
草莓法蘭奇上面D果乾有少少酸, 但夾埋草莓巧克力就岩岩好!無令我失望呀!
紅豆波堤仲係咁煙un , 好味!