Kogarah，如無特別事情要辦，一般也不會刻意乘火車到那邊。最近，姐姐都要在附近的地方辦事，所以在空閒時也把握機會跟姐姐到這兒來個午餐。到達時還不到十二時，戶外的座位只有數位客人在用餐，我們便找了一個陽光充足的二人桌坐下。

店員很快便送上餐牌，也介紹了掛在牆上的是日精選餐牌，我們好不容易才能選出心水。兩客主菜是一同送上，先吃的是 Pizza Con Salmone (AUD 21.90) 。薄切的煙三文魚加上一層沙律菜，先為味蕾帶來一點清新。​繼而是口感濃郁的芝士層和略厚但鬆軟香脆的薄餅層，加上此店的薄餅是用一座烤爐去烹調，薄餅弄出來特別香。

Spaghetti con Polpette (AUD 16.90) 的意粉煮得相當Al dente。不過略嫌蕃茄醬過酸，配上的牛肉球亦彈牙爽口，而且肉味濃郁。

吃畢午餐，我便獨自走回火車站。這條靜靜的小街，不繁華卻座立著很多的咖啡店，每一位客人都是輕鬆地享受著自己的咖啡和陽光的溫暖。但是習慣了繁忙生活的香港人，還是較習慣日程排得滿滿的生活，很奇怪吧？

陽光普照的下午，我和姐姐跳上火車，去一個較寧靜的地方，享受我們的午餐。到達時還未到中午時分，人客不多，那就找一張較寬闊的二人沙發小桌坐下，再研究一下餐牌。兩人都沒有吃早餐，乾脆便來個早午餐吧！

到櫃台點了餐之後，便可以拿著這個號碼牌坐下，不久兩杯咖啡便送上了。

姐姐的Cappuccino(AUD 3.6)表面的泡打得不算細滑，不過咖啡濃郁，喝起來味道豐厚。

我的latte(AUD 3.6)則奶香比咖啡香更重的一杯，口感較滑溜，是一杯喚醒疲累人們的良品。

接下來食物也送到了，姐姐的Egg benedict with bacon(AUD 13.5)相當豐富。兩隻蛋的中心同樣流心，加上香滑的荷蘭醬，配上微焦的多 士，是美味的一款。 

我的Creamy chicken and Mushroom Crepe(AUD 10.5)加入了忌廉，令雞肉和磨菇吃起來口感豐厚不少，加上薄薄的 蛋皮和忌廉菠菜，層次相當豐富。

完成早午餐後，該是顯露出女士的本性—逛街。

經過一天的工作，二人的精力也差不多耗完，做飯的決心更是零。不過辛勞的一天，總要有點食物下肚，才能儲蓄精力迎接新一天的工作。二人到達MENYA時，店員也快為關店而準備，所以也不敢慢慢地選餐，那就飯和烏冬各要一碗小的。

點餐後便看著師傅立刻為我們弄烏冬，另一店員也忙著盛飯給我們。食物預備好，便捧著餐盤到開放式廚房的另一邊付錢。

我們沒有選出其中一人先找個位子坐下等，是因為店子表明要付錢後才能找位子坐，這也能避免一些硬把位子霸佔的情況出現。

坐好後二人也迅速地開動，先吃的是小的Kake Udon(AUD 3.90)。剛才提及過烏冬是即點即煮，熟手的日本師傅弄烏冬時會不斷把烏冬用​力搖，質感相當煙韌，而且湯亦十分香濃。昆布浸在湯底吸滿了味道，也是不能錯過的一環。

另外點了一碗mini curry don (AUD 3.90)，日本咖哩加上牛肉，微甜中帶出香味，加上煙韌的日本米。

吃畢時，二人靜靜地離開，走到冰冷而熱鬧的George Street...

一入Shin-sen-gumi（漢字為「新撰組」，據說係日本以前一個武士組織個名）個門口就見倒兩位師傅企左喺左手邊既炭爐旁準備為客人燒野食。餐廳座位唔算多，大概坐倒三十人。顧客可以選擇坐近炭爐既位置既，不過個人覺得太煙同太熱啦。散枱就比較迫，坐到密麻麻，但亦因此氣氛變得非常熱鬧。

服務生大部份都係好夠中氣既後生仔女，雖然髮形同髮色都好前衛，不過態度絕對友善，而且超級落力。佢地成晚都喺度互相用日文大聲溝通，識少少扮代表既XO仔只聽得出有時佢地喺度歡迎客人，有時感謝顧客落單，其他就… 全晚最high既時刻就係當熟客既舅父請大家飲啤酒時，佢地會好有禮貌地行黎我地張枱前面一齊乾杯，大叫多謝，然後行個鞠躬禮。

一間食客多到要成日排隊既餐廳，食材自然用得快，所以差唔多日日有貨黎，擔保新鮮。Shin-sen-gumi既串燒全部都係用炭爐燒，可以話係Ichiban中既Ichiban！雖然餐廳室內既燒肉味道比較濃烈（一Ｄ都冇誇張架：喺依度食完飯，返到屋企一定要沖涼洗頭兼洗衫！），不過因為師傅不斷喺度睇火，撥扇，先之可以保證食物唔會出現「外熱內涷」或者「外熟內生」既情況。

個爐咁近，食物上枱時夠哂熱辣辣，爸爸勁讚。師傅喺大部份既串燒面都輕輕搽左層甜甜既燒汁，好啱我地屋企人口味。哥哥仔好有心機地教我地用餐廳秘製既Yuzu Kosho（柚子青椒醬）點Ｄ串燒食；雖則好有特色，不過在下覺得個醬有少少喧賓奪主，所以唔係每樣串燒都適合點。我地全部人對當晚既食物都非常滿意，而家就等小弟推介一下啦：

串燒雞腎（每串USD 1.95）：爽口得黎唔乾，而且比香港食倒既大粒。

串燒雞肝（每串USD 1.95）：都係好大隻，咬落好軟熟，同最重要係一Ｄ都唔乾同唔粉。

串燒雞丸（每串USD 2）：「賣飛佛」之一；肉質幼嫩，又夠肉汁，加上甜甜既燒汁，無得彈呀！

串燒雞翼（每串USD 2）：燒雞翼其實好考耐性既，因為好容易燒燶左層皮而內部既肉都未係全熟得哂。師傅既手勢真係一流，能夠做出皮脆，肉嫩，多汁，真係拍爛手掌呀。

串燒雞軟骨（每串USD 1.95）：埋到位重聽倒Ｄ吱吱聲既油聲，好high！雞軟骨非常香脆。師傅只係用左鹽黎調味，所以就點左哥仔介紹既柚子青椒醬，mmm… 味道更覺清香醒胃。

串燒豬五花（每串USD 1.95）：聽落好似好唔健康，不過食完包你讚；大家諗下呀 ~ 連怕肥同怕油既媽咪都要encore，可想而知好味程度好成點啦！因為用炭爐慢慢燒，其實好多肥膏已經溶解哂，所以入口唔會覺得成口油。再者，應該就係依Ｄ肥膏先可以令到串豬肉咁香嫩。

串燒牛脷（每串USD 2.35）：牛脷厚度適中，爽滑香口。

Soboro Don（細碗USD 3；大碗USD 6）：家中有幾位都係冇飯不歡既，所以我地就叫左碗招牌雞飯食。飯面既雞肉碎同串燒雞肉丸既味道差唔多，都係咁嫩同帶Ｄ甜味既，超級受小朋友歡迎。

後記：

1)      唔記得左邊個食家曾經講過，一間餐館既衛生分唔可以單靠餐桌同樓面既清潔程度，一定要睇埋個洗手間，因為負責處理食物既廚師都要用架嘛。其實日本人經營既餐廳都已經係一個信心既保證；小弟用既洗手間係男女共用既，真係好大好乾淨，而且抽氣好勁，唔讚唔得！

2)      睇睇卡片背面先知道Shin-sen-Gumi喺加州有成十間分店，當中有麵店，串燒店，同火鍋店，真係唔講得笑。

改變目的地後交通也變便利了,一程鐵路到蠶室就可以了.出閘後就是個大商場,一直走走,很快走到一個溜冰場(溜冰場的上方也就是樂天世界的室內部分).看了一會溜冰,看看錶也快中午,便決定先吃午飯再買飛入場.

我們看了數間餐廳,最後選了吃日本菜的這家味笑屋.價錢不貴,裡面客人不多,地方闊大,坐得算舒服.友人點了這裡有名的吉列豬扒,味道果真美味.我則要了一客壽司烏冬set.

雖是吃日本菜的餐廳,但前菜仍少不了泡菜和酸漬蘿蔔片,另外還有2顆喬頭,真是有點分不清中日韓.用碗盛著的則是西方的代表,奶水狀的沙律醬沒有酸味,甜甜的帶乳味,貼服的黏在粒粒冷冷的粟米,青豆和甘荀粒.

烏冬是暖的,上面有點菜和金菇.湯頭蠻清甜,上面泛著蔥花和油揚粒.烏冬是扁身的,軟滑但欠了點Q感,不是我喜愛的那種. 

在韓國吃壽司當然不能要求太多,set包括三種魚的壽司,熟蝦壽司另加4件加州卷.魚片都是薄的,當中的三文魚更是淺色得出奇,魚味淺淡.熟蝦反而不錯,沒有被冰過的那股水味.加州卷內容一目了然,包得夠緊不鬆散,咬下去又不太實.不過壽司飯的醋勁不足,然而這也是意料中事.

整個set不過W7500,約港幣55元,吃得甚飽,自己出去結帳後,滿足的到樂天世界買票入場.