行程撮要:
CAO DAI TEMPLE & CU CHI TUNNELS Day Tour -> Le Bordeaux

今日可以算係輕鬆既一天,因為我們會JOIN SHIN CAFE既1 DAY TOUR
早上七點就起來去吃酒店早餐，網上好多人說呢間酒店最差就係早餐，但係我發覺都唔差呀
雖然得幾張台，但係食物都幾足，基本野唔洗講，仲有蝦有蟹湯，又有水果，仲想點？
吃飽飽就出發，大約八點就到SHIN CAFE,場面好震撼,就好似羅胡城出面D旅行團等上車一樣,一團團人等上車
架架都係幾十既大巴,近至HCM既CITY TOUR,遠至河內既巴士都有!
等左大約十五分鍾就有人叫我地上車,點知我地個架係16人既小VAN? 點解...
我地架車上面,除左一家LOCAL越南人外,其他都係鬼佬!
細想之下,因為我揀呢個TOUR,係好深度,佢會去一個好特別既廟,要三個鍾車程! 我見GLOBAL Trekker有介紹過,所以就好想去睇下
上到車,導遊就出黎講話,純正越南人但一口流利英文,講得非常之好,而且很風趣,一個8usd既day tour竟然有咁好既tour guide,真係十個讚!!!

坐了三個鍾既車...再坐多一個鍾就可以去到cambodia....

來到CAO DAI TEMPLE,呢個廟係信奉一個好博愛大同既教,由道教,佛教...仲有兩個唔記得既教合併而成,聽說越南以前宗教受到外來既打壓,所以發展出一個集合幾個宗教既宗教,希望令到大家團結起來...
他們既logo係一隻左眼,因為左眼近心,所以更能看清所有事物...
信徒每日既十二點宦會入去教教,跟佢地既神溝通,我地就係上面觀賞既地神性既儀式

睇完之後,我地就去左一個附近local食lunch,叫左個肉肉srping roll同lemon grass chicken,但不知為什麼lemon grass係飯黎...咁熱既天氣,當然唔少得一支越南beer!

食飽飽就再兩個鍾車去古芝tunnel.
古芝tunnel係必去景點,你可以睇到越南人個份不屈既精神,同埋會令你更覺得其實美國人才是魔鬼!
古芝tunnel係越戰時越南人既避難所,佢地可以用簡單既工具加上一雙手,係好似石屎咁硬既地掘出一條又長又深既tunnel黎住,好讚嘆

去到一個比馬同仲細既隆到,所有鬼佬都唔敢入去,只有我敢入去試捐!!入面係黑到乜都見唔到,好鬼得人驚.
之後我地仲爬左幾十米既tunnel,入面有蜘蛛同好多其他昆虫,好得人驚呀,但係呢個經驗真係好難忘,係越南既回憶之一.

如果想試真槍既朋友,呢到仲可以玩ak47,但係成舊幾水10發子彈,有錢既可以試試!

玩完古芝都差唔多五點啦,我地就跟車返去市區,返到去都六點幾了
好多謝咁professional既tour guide,佢叫做kong fu...

回飯店梳洗後就打的士今晚既主菜法國餐Le Bordeaux,聽說呢家係由一位米芝連2星廚師打理既餐館
大約坐了15分鍾,約5usd的士才到,都幾裹下,一落車就有人黎幫我地開門,好專貴呀

食法國菜有一半都係食個氣氛,整體都不錯,只係聽到好多廣東話,勁多香港人黎食
我地叫左杯紅酒白酒,再黎一個SET DINNER和一個MAIN COURSE
因為友人生日,佢地準備了一個好靚既甜品,仲送多一份比我地,好細心好感動!
食左120 USD左右

吃飽飽就回飯店休息,完成今日美滿既行程

行程撮要:
Ho Chi Minh airport ->Hotel A&EM (Le Prince Hotel)-> 3a3 bun bo hue-> Vũng Tàu ->Fanny Ice cream->Pho 2000

下了飛機,首先要去入境大堂的左手邊弄VISA,填一張form和蓋一個stamp就要25USD,超貴的 (visa on arrival先要在網上先APPLY),越南關員的服務態度係超差,個個都黑面

接著就要去排隊過海關,但千萬要找一個有人排的,因為聽說沒人排的counter都會暗中問你拿錢才會給你過關

入境後就找了一家不收commission的找換店換錢(在最左手面), 1USD = 200400 VND
換好錢後當然是找車出市區了
越南很多黑心的士,網上和旅遊書都說只可以選 VINASUN和Mai Linh這兩家, 在換錢旁就有VINASUN的COUNTER了,出市區要7USD,價錢也合理 (但後來發現,如果按METER的話,大約只要6USD)
而且雖然係正當的士,但係都要小心,當的士出機場個閘時,的士佬竟然一直說taxi no money,問我拿錢交機場停車費,我們就不懂英文不理他,他才自己付錢

的士由機場坐去酒店,只需要大約要30分鍾

一落的士,酒店的BELL BOY就出來幫我們拿行李了,服務真的不錯
但check in 小姐服務態度就很差,好像五行欠打一樣
越南酒店超怪,都要留你passport係counter,checkout先比返你,我地當然唔肯
只要你肯比晒錢先住就可以拎返passport架啦

酒店休息一會後就先出發去sinh cafe(已改名做the sinh tourist)買我地未來幾日既車票同local tour

sinh cafe係自由行必去既地方,位置於鬼佬街,有去越南其他地方既open bus同埋local tour,而且價朮便宜,買飛join tour首選, walkin買比網上買既價便宜

我地買左聽日去cu chi既local tour(8usd), 後日去mui ne既車飛(7usd)

買完飛就出發去今日第一站行程,去頭頓市既耶穌山
估唔到第二次坐的士就比的士佬昆,一上車佢扮晒識路,最後兜左去其他地方,要我指佢返去碼頭佢先識去,落車比錢時仲找唔足錢,雖然係幾千vnd,但係真係唔老實

距離下一班船仲有一個鍾,所以先去附近醫飽個肚,是但搵左間食越南野既店,叫左個扎肉河同紙卷,普通啦,叫做食得飽

食完就返去碼頭等上船, 船飛200,000 一個人,超貴,但係呢個係去頭頓市最快既方法,1.5hr就到,坐車要2hrs
隻船衛生好差,同大陸差唔多,但係訓下訓下就到,都唔洗太mind

到左頭頓市後,冇兩家大既taxi 公司,我們問價,他們開5usd去耶穌山,心想不妙,一定又係騙人,最後找了一家叫petrol taxi,跟meter的,花了2usd就到了!! 大約5分鍾車程

brazil有一個耶穌山,越南也有一個,要上耶穌像那裡,先要走過千級樓梯,大熱天時走真的很辛苦,足足花了三十分鍾才走上去
耶穌像可以進去看的,但不可以穿鞋子和帶背包
經過一條長長的樓梯就去到耶穌像的臂膀,大約只可以容下三個人,而且很大風,所以站在那真的有點害怕,但可以一飽覽頭頓的景色,真的值的去上一下的,原來越南也有那樣美的海和沙灘...

行完有時間,我地決定行路返碼頭,點知坐車好快,行路好遠,行左30分鍾先到,真係腳都斷,在船上睡飽飽準備下一個景點, fanny ice cream

每個月既第一個星期五,fanny ice cream都有buffet, 喝要11萬vnd,大約40hkd,咁便就可以任食法國雪糕當然不可錯過
買左飛入到場先知咁癲!位都冇得著,全部人就瘋狂咁去counter搶雪糕,呢個真係一個好特別既經驗,唔食都要黎睇下越南人對雪糕既瘋狂

我地食左十五分鍾就返酒店休息一下,再去SINH CAFE換錢,個價仲好過機場

休息過後就去附近既檳城市場夜市走走,旁邊就係克林頓都有食過既pho 2000,當然不可以錯過
叫左個牛河同313 beer,吃完我相信克林頓係亂揀的,極之普通的牛河,但價錢不貴位置方便,也可以來一試
吃飽飽就回酒店休息了