沿途因為全程都是高速公路，所以感覺十分流暢、 盼望多時知芋圓終於得償所願吃過飽， 雖然下著毛毛細雨但旅客亦不算少 可想而知 在陽光燦爛底下這個小小的城鎮上有多麼的人。。

小街窄巷內全部都是以賣食物貨品居多，唔怪得朋友早早已說下午飯可以隨街吃到飽不用 刻意搜尋一些店舖來吃~

今次訪台七日中有五天是落雨，所以旅程中舉機拍攝其實不算十分多、所以總是覺得有點點缺失， 今日我們便(包車) 去到台灣一個譽為旅遊必選之地九份、 其實遇上一個好司機也是我們那次之緣份， 除了點對點的旅遊區外、他亦會建議一些我們沒有在旅遊書看過之地點和介紹，在驅車以外亦不是說說當地之特色其實是一個活歷史感覺真是不俗。。。

車子停在路邊， 放下我們以後拍下車、他便帶領我們往九份之入口處，而且指示我們怎樣在沿途搵食和哪一間比較富老店、 之後他便往車上等我們真是很感謝這位老伯伯師機之帶領， 謝謝你哦！

我們沿路口一帶走入不久便看上這間門面大大而且擺上多款芋圓之芋圓糖水店， 其實今次來台旅遊我亦有一個最大嘅希望便是吃到真正九份芋圓糖水、所以 眼前之一切真是很為吸力。。

店家除了有未經煮製師芋圓給予外賣，當然亦有堂食、 堂食區方面分有內堂與外圍， 即是以露台建設 而亦可以飽覽九份一大帶外圍景色、故此如果天氣放晴的話我建議坐露台位較為舒適，亦都可以看到周邊一帶之風景~

第一日落腳在途中已看上這位伯伯在街邊檔售賣之手工麻薯 、但回程時原來已經收舖 所以趁著早早地的時間 經過攤檔便買上兩包回旅館事事, 新鮮即製哪有不好味的, 紅豆、花生、芝麻回到房中各取其後好~

繼續編寫在台灣美食之旅的食物, 香港人來台 處處都是新鮮感 以我而言對於食更加會有加倍的期待。。。

今次選來是朋友推介之味道筋 、由於朋友上回嘗試過感覺不足 ，所以今日一行五人在午餐方面別無心多、鎖定目標地便大踏步的出發。。

店子不算大由老闆及太太兩人管理 ，一個負責內部一個負責外面開放式廚房合拍非常、 餐牌看畢還仍然憧憬著朋友口中的那片鰻魚飯所以一眾人均 叫來鰻魚丼飯及豚肉鰻魚當飯， 豚肉片是即場在半開放式的廚房內看著老闆娘一片一片的沾上醬油來烤。。

丼飯套餐內包上是一碟小小的沙律菜， 辣泡菜 、麵豉湯 、及主角鰻魚飯。

鰻魚味美,沒有細滑之下更顯鰻魚啖啖肉香， 份量適中、 加上軟糯之白米飯滲入鰻魚醬汁 , 一啖一口很快便給報銷了

由於我們在網站上訂購酒店時亦同時訂購上接送車之關係,所以我們一出閘便看上有人舉牌接送我們、 這個服務當然是要另加收費、以當日計算五個人之車埕 約價為台幣六千元平貴與否 就好純屬個人化， 不過勝在方便不用拖著行李 而且路不熟如由捷運站通往可能會找得比較困難、故此我們選擇去的時候找接送車會更為方便~

又因為是朋友之前住過所以他推介今次我們入住之台北 丹迪酒店， 車子直接駛到門前旅館大堂不算十分大、 精子企理 而且員工亦都十分有禮及有笑容， 酒店房就比預期大、 光猛及整潔亦很新淨， 亦可能是因為有露台之緣故、 開揚之同時亦感覺房間不會漆黑黑感到不舒服~

吃過午膳後我們便往承德路之京站時尚廣場開始我們第一站之旅遊購物點, 為食始終沒有變、最為吸引我還是底層資foodcourt美食亭, 這間位於美食亭上之一0八抹茶茶廊 便是在台北吃的第一餐甜品。。

今次之旅程中我們亦有走訪到位於承德路之(京站時尚廣場), 整座幾層之購物廣場
其實最為吸引我可算是 底層的美食 food court、 佔地亦十分大有著各式形式 主打食品，

甜品當然不能錯過, 在入口前不久之這個一0八抹茶茶廊。。。
食品包括上當然是抹茶為主打之抹茶冰淇淋， 大判燒、 抹茶沙及冰抹茶拿鐵等等~
其實款式選擇之多真令人花多繚亂, 剔開甜筒踢走沙冰 要上一個黃豆粉蕨餅抹茶約價為台幣135元.

相對於在港吃的這樣份量這樣形式便宜了大約兩成, 抹茶味濃而不過於甜、 身旁的黃豆蕨餅口感軟糯、 被滿滿的黃豆粉包圍下很是味美， 抹茶果凍與及底層之啫喱亦配合得相對有層次感、 一棉一滑 充斥著整個口腔之內, 而小丸子我便會夾著跟紅豆蓉一拼來吃、 讓淡淡無奇的小丸子加上一份紅豆香氣， 整體來說這杯甜品小雪糕、在於個人沒有挑剔可以， 只可惜肚皮有限、 還是要留下一點兒空隙給午飯餐哦～

親切的送餐員在開放式的吧檯忙於送遞食物,但亦有禮地給我們介紹拉麵及麵質選擇、
比對香港從事飲食上侍應 給遊客（我們）多一點點親切感~
我們要的是最基本麵屋拉麵點餐之時， 侍應會詢問麵質要QQ的（烟韌）還是稔身一點、 我們選擇了前者， 果然麵質入口有咬口之餘、 湯底濃厚棉密亦正好充份掛上於每一口麵條內， 肥厚均勻之豚肉 雖然只得一片但入口 油香充足， 很是味美~

至於半熟芝流心蛋 ，亦業醃製得相當入味、 如果可以全隻上那就更完美

Esplanade, Surfers Paradise QLD 4217澳洲
只在星期三, 五, 六晚上開放

在黃金海岸晚上除了手信店和超市, 酒吧之外, 其他店鋪很早便關門, 有些更早在五點便關門, 所以難得那天遇到有夜市開, 多數是售買一些特產手工藝, 食物等, 但最後完成整個旅程之後才發現夜市上售買的貨品是最抵買的, 例如袋鼠毛皮手袋等製品, 之後都無辦法才找到更平更靚了~~近酒吧區那邊會有表演~

Entertainment Dr, Oxenford QLD 4210澳洲

paradisecountry.com.au

從黃金海岸機場駕車到Paradise Country需時大約40mins, 首先抱樹熊影張相先, 周圍參觀動物, 有袋鼠, 羊駝, 馬, 綿羊等農場常見的動物, 有剃羊毛和騎馬表演, 但剃羊毛表演見到隻羊好驚, 仲剃損左有血, 好慘~騎馬表演完後還有自家焗蛋糕和泡比利茶供應~

其實有幾個樂園都是在同一位置, 如果大家會去幾個樂園, 可購買套票是會抵些, 可參考以下網址:

https://themeparks.com.au/box-office/theme-park-tickets/select-tickets.aspx

http://movieworld.com.au/

Movie world 最令香港人熟悉, 所以也來看看, 其實樂園很小, 細過香港Disney, 而且就算星期六日去都不需要太多時間排隊玩機動遊戲, 平均排隊10mins 便可玩一個game, 所以逗留5小時左右已很足夠了~ 如果喜歡刺激機動遊戲, 入面有3個過山車, 跳樓機, 等刺激game, 如想中度刺激, 可選擇滑浪飛船, 小型過山車, 完全唔想刺激就可玩4D影院game, 兒童樂園, 還有一個最吸晴既塞車show 一定要看 (反正時間多, HAHA) 和花車巡遊, 

園內有些餐廳, 但我選擇食了快餐, double 芝士漢堡包餐 AUD 27, 那一柸飲品是一個水壺 (可帶走自用) 可以在園內當天任斟任飲汽水~ 

3083 Surfers Paradise Blvd, Surfers Paradise QLD 4217澳洲

蠔王鮑魚: 好"林"一据就開, 好美味~

炒蟹:  夠味, 肉質普通多~

炒蝦:  夠厚肉, 汁料好味~

 

Entertainment Dr, Oxenford QLD 4210澳洲
paradisecountry.com.au

入場費已包午餐, 是半自助餐, 頭盤是自選, 其他配菜就自助形式, 有麵包, 意大利雲吞, 意粉, 飯, 薯菜等, 沙律, 西瓜等, 雖然餐廳是半開放環境, 但放置沙律等冷盤既雪櫃很凍的, 凍到有煙出, 因澳洲夏天都幾炎熱, 這樣就唔怕食物變質~我選了魚柳, 是即燒出來的, 味道普通, 需依靠醬汁去調味~薯菜是最好食的, 薯仔很林, 只有水供應, 其他飲品便要另外再購買~

http://www.sunlover.com.cn/tours/moore-reef-cruise/

 今日參加了Sunlover 遊船一天遊, 早上坐了大約二小時船到大堡礁, 途中是很大浪的, 大家記得一定要食暈浪丸, 我們出發前食了就無事, 但眼見船上其他人, 有一半都嘔, 所以記得要食暈浪丸~去到大堡礁浮台, 我們先吃個船上自助午餐, 海蝦非常新鮮, 好肥美, 好重海水味~咖哩薯仔飯夠惹味~沙律生果麵包也好~不要吃太飽, 馬上就要去浮潛~浮台上已提供救生衣和浮潛用品~我們是12月去已是夏季, 但仍感覺有點凍, 但落到水就很暖~其他活動如海底漫步, 深潛, 坐直升機等就再額外收費~

Harbour Lights, 3/1 Marlin Parade, Cairns City QLD 4870澳洲
 
dundees.com.au

生蠔一打 (AUD 42), 肥嘟嘟, 很新鮮~

卡邦尼意粉, 味道比較濃郁, 因有很多一塊塊芝士在意粉上~但本人喜愛芝士, 所以覺得美味~

飲品啤酒大約 (AUD 6-15) 一柸

食品主菜大約 (AUD 30-40) 一款 

函館為北海道第一大港口，盛產海鮮，本地人及遊客都愛於市內規模最大o既魚市場「函館朝市」購買及即食魚鮮。

「函館朝市」位於「函館駅」停車場旁，地點方便得很。顧名思義，「朝市」乃朝早營業之市場，場內過三百間室外及室內o既店子早上五、六點就開門，冬天時份亦即連太陽爸爸都未開工；到中午就陸續收工，下午仍開o既大多都係餐店食肆。因為無法控制郵輪到港時間，我地一點左右黎到好多店舖都已關門。市場內見得最多就係函館特產o既烏賊，有活生生o既，亦有烏賊模型及証書。

首次到臨函館，搵食就單靠旅遊書引導，喺「函館朝市」內一家老字號「道乃家」（Michinoya）度午膳。

兩層高o既食店地下為迫迫o既散座，十二人好好彩地被安排入座樓上大廳，空間感更足、更舒適，私隱度亦較高。估計餐店為家庭式作業，樓面位嬸嬸應為老闆娘，態度唔算惡劣，但就感覺唔多鍾意招待華人囉。

彩色o既餐牌圖文並茂，簡單易明，唔識日文都絕對可以用手指點菜。午市套餐同散叫項目價格一樣親民。個人覺得烏賊菜式只屬一般，反而幾款魚生丼就鮮甜美味得多，誠意推介2,000円o既人氣「道下丼」。

遊函館o既旅客早上都會選去「函館朝市」大擦海鮮，中午則會轉移往海邊散步及購物。近海除咗有多間有景睇o既餐廳之外，最多人出入o既就係中央幾座大型o既「金森紅磚倉庫」。

多年前「金森紅磚倉庫」的而且確曾為儲存貨物之倉庫，不過經過時代變遷，而家全部都已改建為美食及購物中心。每個倉館都有獨立o既名稱，入內o既商店食肆都要配合番個主題，例如「金森洋物館」裝潢西化，店子售賣來自多國o既洋物，包括雜貨、服裝、飾物、玩具、精品等，多元化得又名「異國夢之店」。其餘「函館ヒストリープラザ」（「函館歷史廣場 Hakodate History Plaza」）及「BAY HAKODATE」（「函館灣」）內有歷史展廳、教堂、浪漫館、工作坊、啤酒館等，當中最受肥肥家族歡迎必選甜品零食店，一邊試食一邊買手信（其實自己都有份。。。），整個下午好似食咗多輪下午茶咁，行街o既同時不斷補充體力，戰利品之多每人一個背囊真係唔多夠載架。

往返碼頭o既穿梭巴士站設於市中心o既「函館駅」旁，車站正門前方有個鮮紅色o既藝術品，當眼易認，係集合o既好地點。車站每天都有大量遊客進出，站內絕不乏手信商店。此外，長期企滿人o既旅遊資訊中心真係好多料；架上擺放出供大眾免費取閱o既旅遊小冊子，資料充裕；櫃檯亦有多位識講多國語言o既旅遊大使為旅客解答疑問及作出援助，首次訪函館都不必慌張。

獲稱為「東方之珠」o既香港擁有亮如明珠o既靚景，參閱過旅遊指南先知原來「函館」同香港一齊並列為「世界三大夜景」之一，而且同時亦為「日本三大夜景」及「北海道三大夜景」之一，來頭咁猛當然要去睇睇啦！

正當團友諗住坐的士前往「函館山ロープウェイ」（Mt. Hakodate Ropeway「函館山空中纜車」）搭纜車上「函館山」欣賞靚景時，頭髮灰白o既的士叔叔隨即告知因已接近黃昏時份，纜車站必定擠滿人群，恐怕團中年長o既親友排上個幾鐘頭隊會有感吃力，所以就建議由佢同另外一部六人的士載我地上山，可以節省不少時間之餘，大家又可以舒服啲，可謂一舉兩得。

天未黑齊，「函館山」o既瞭望台已企滿遊客等睇日落及夜景。的士叔叔真係叻，深知山上風勢強勁，及已預料太陽落山時間，故亦計好逗留上十五分鐘經已好足夠。「函館山」人山人海，猛風又增加影相難度，好在山頂上有幾位年輕壯漢帶同高梯、射燈等工具，擺好哂陣為旅客捕捉「函館」最靚o既景色，九人得以用五分鐘時間拍下兩張團體靚相，連埋郵費都只係收取2,800円，當真物有所值。結果兩架車照錶收費，來回五十分鐘合共9,000円，計落條數仲抵坐過每人1,200円o既登山纜車，意外地慳咗唔少。

「函館駅」附近餐廳唔多，午市時間想為晚餐預先訂座又唔成功，睇完函館夜色後大隊就約好已返回郵輪o既三位團友於主餐廳集合用餐。由於上船時喺碼頭發現有拉麵車擺檔，我地幾個愛吃湯麵o既為食貓就決意飯後再戰拉麵，當晚「鑽石公主」o既「Chef’s Dinner」（廚師晚餐）亦只能輪為配角，即該晚晚餐之序。

1)      Oshizushi - elegantly pressed prime tuna and salmon sushi：喺西餐廳不時都會食到刺身，食壽司都係第一次。洋化咗o既壽司以甜醬喺碟上繪出花紋，外表新穎雅致，無奈飯中夾入咗青瓜，再混入埋甜醬及山葵食用，組合o既味道好怪囉！

2)      Strawberry Sorbet - infused with lemon and wild thyme：上完頭盤同湯，每人都有一球士多啤梨味雪葩，清新又涼快。

3)      Hotate Gai No Kimiyaki - broiled scallops with sweet Japanese wine sauce, mushrooms, & asparagus：因為有下場，小肥就點咗個較為輕盈o既海鮮主菜。輕輕煎過o既五件帶子底面香脆，中心幼嫩，配上帶甜o既清酒汁醬，效果鮮甜香口。

今次函館一日遊，真係估唔到高潮位居然係臨離港前一刻喺碼頭食嗰碗「元祖バスラーメン」（元祖巴士拉麵）！小小o既巴士拉麵檔只有三人主持，屬家庭式作業；老伯伯喺車尾忙碌地不停煮製拉麵小食，巴士上及室外o既食客就交由兩位熟手友善o既姐姐同嬸嬸招待，整晚爆場運作都十分流暢。

我地一行六人剛好坐喺巴士內之散座，應該都算係最元始o既拉麵車風味。車上貼有餐牌及剪報介紹「元祖バスラーメン」，食過啱口味更可即場購買盒裝即食拉麵，送禮有特色，自己食都好有意思。小店貴精不貴多，只提供一款炒飯、兩款冷麵、六款拉麵、幾味小食及追加配料，價格100円至1,000円，相當便宜。

人家小本經營，座位不多，大家亦好識做地每人叫咗一碗拉麵黎食，細食o既長輩就揀咗500円o既細碗版鹽味拉麵黎試。XO仔點咗客份量都幾勁o既特製拉麵，鹽味湯底香濃而不油膩，拉麵麵條煙韌彈牙，除咗薄薄o既叉燒之外仲伴上大蝦及干貝，整體鮮味無窮，1,000円絕對抵食！

由老伯伯大廚掌舵o既「元祖バスラーメン」出品窩心暖胃，其家人齊心合力更顯溫馨，肥肥家族有緣於函館遇上並可一嚐巴士上嘆拉麵o既滋味，確真令人難忘！