我們清早起床去泡温泉才收拾行李退房。然後先去巴士總站取了預約了的高山名古屋巴士票，雖然不是當天乘撘，但因為有時間又不用排隊，還是覺得先去取票比較安心。之後步行去桐生咖啡店吃早餐，試一下人家的炭燒咖啡。炭燒咖啡並不是自己喜歡的一種烘焙方式，而在香港的炭燒咖啡，只有死燒焦味，沒有其他風味，這一次點了一杯熱的一杯冰的，兩杯除了炭燒的甘醇，依然嚐到薄薄的果酸果甜，香濃的餘韻亦很長久。我沒有因此而喜歡上了炭燒咖啡，不過對於其風味有所改觀，相信很難在香港找得到。

吃飽了，在旁邊的超級市場買了愛知縣的無花果和一個蘋果，再步行往神社那邊參觀祭典的車（高山祭屋台會館），以這張入場券可以免費參觀旁邊另一個神社模型的展覽（桜山日光館），參觀後發現再旁邊原來有一個很舒服的休息室供遊客休息，於是在裡面吃了早上買的無花果。這包無花果又大又多汁，中心紫色的果肉甜度如同果醬！唯一的缺點是外皮的細絨毛比較長，多吃幾個會令舌頭小麻痺。

小休之後，在附近街道逛逛，隨便找了一家cafe「紀文」吃了一碗簡單的烏冬，雖然是帶點西式的一家店，烏冬都不是馬虎做的，很彈牙，鰹魚湯底很可口！

我們回到神社那邊的一家咖啡茶館，點了一個抹茶紅豆湯及一杯咖啡，店裡很多古玩擺設，氣氛優雅舒服。

時間差不多，我們要回去酒店取回行李，然後去巴士站坐車到平湯温泉鄉。高山往平湯的巴士是無需預約的，排隊上車就可以了。這條巴士其實是開往新穗高，平湯是中間一個可以轉車的站，去上高地的遊客要在這裡轉車，這裡也有巴士往乘鞍岳，不過如果從高山出發，可以在較早的朴之木平巴士站轉乘由平湯或朴之木平開出的巴士前往。選擇酒店時，本來希望住在上高地，可是原來鄰近巴士站的酒店選擇不多，很多間都要走山路5至10分鐘，如果拖着行李會很麻煩，又或是要一兩天前寄行李到酒店，都不太方便，後來發現平湯往上高地只要25分鐘車程，而每半小時就開出一班車，最後決定入住平湯。

到達平湯温泉站天已經黑了，幸好只要走幾分鐘的路就到達酒店。這間酒店的職員很多都懂流利英語，也有由中國過來日本實習日文的留學生，酒店會安排好主力接代客人的職員，希望客人更有親切感。不過這家酒店都不喜歡回答電郵，之前有關於晚餐選擇的疑問，花了個多月才得到可以upgrade的答案。酒店住宿是包括了早餐和晚餐的，通常最基本的晚餐都沒有特別，所以我們把兩晚都換了秋季限定的其中一款定食。如果直接由他們的網站訂房，是先選擇定食再選擇房間，即是說住多少天所吃的晚餐都一樣嗎？基本上是的，不過原來每晚的菜色會有少許改變，讓客人不會覺得每一餐都一模一樣。

想upgrade就是為了吃到飛驒牛肉，果然不枉花長時間要求upgrade，菜色多又豐富又好吃，飛驒牛肉是整個定食的亮點！不過原來這麼豐富，要吃完整頓晚餐真的有點累。

吃飽了才8點多，往外面走走了解一下四周，商店都關門了，沒有便利店，要買零食的話只有酒店的小商店。晚上最好的娛樂還是泡温泉吧，温泉的男女界出入口有一個小休區，那裡有免費泉水供客人享用，不妨用一個水樽添滿一樽，到外面遊覽時可以慢慢細嚐。

其實喺之前o既遊記都已多次介紹過香港航空商務艙o既獨立座位有幾舒適、服務有幾貼身、航班有幾準時，原本都冇諗住為今次大阪之旅再多作評論。無奈今次所搭o既HX 618班機o既飛機餐實在係大失水準，令細佬不得不在此向大家訴訴苦。

從餐牌上得知航空公司正與酒店中菜廳「海景軒」合作，找來名廚炮製咗幾道特色菜餚供搭客於機上享用。肥肥家族四人因座位不同，故點菜時間亦不一致，結果只有哥哥一人可嚐到特色主菜「翡翠夜明珠」。自己未能一試當然係有啲失望，但當四人中只有一人可以叫得到o既時候，心諗如果香港航空有心推廣，係咪可以俾貴客預早訂定主菜呢？！

雞件過腍且偏嚡，當真唔係咁掂。成份餐最好食反而係個蒜蓉包。。。

由關西機場乘搭「関空快速列車」（KIX Rapid-service）前往大阪市中心只需1,190円，一個鐘頭左右即達梅田。由車站行去「希爾頓酒店大阪」路程其實不用花上十分鐘，無奈站內指示不甚清晰，四周多個通道又以梯級為主，手持行李搵路當真吃力非常。後來經過多次出入酒店後，方才發覺酒店位置原來好方便，除咗有地下通道直達車站外，更學會只要認住「梅田大丸」就可容易地找回酒店，周邊又有多個購物熱點，唔怪得知嗰區咁旺。

商務客房

我地所入住o既商務房間除咗包有自助早餐之外，四人更可於32樓o既商務貴賓室內免費享用精選下午茶小點及咖啡、歡樂時光酒品及小食。

先出街慢慢搵食。點知會所層早已坐滿貴客，必需排

及質素又認真麻麻，吸引指數奇低，結果未飲完第一輪大肥爸爸已忍唔住話要快啲去食飯。

由於冇人可以預料航班會有幾準時，為怕引起不愉快事件，哥哥早已吩咐細佬唔好訂定晚餐，免得遲到收場，阻到人地做生意就唔好啦。XO仔參閱過旅遊書，知悉離酒店不遠有條美食街「曽根崎お初天神裏参道」，步行只需八分鐘左右，街上有多間食肆任君選擇，旁邊仲有間開到深夜o既露天神社，所以就決定第一晚去嗰頭覓食。

黎到日本，父母都想第一時間食壽司，行到去「曽根崎お初天神裏参道」亦好順理成章地先搵壽司店。XO仔較單純，諗住喺大街o既地舖會最安全啦，所以當路經「市場ずし」鮮紅搶眼o既門面時，迅即提議入去試試。

兩層高o既壽司屋門外睇起上黎就好光鮮，但樓上環境較為簡陋，眼見店內有多枱醉客，茶餐廳格局又冇乜好影，為怕惹上不必要o既麻煩，細佬都冇刻意四周拍照。

離開咗壽司店即重踏上「曽根崎お初天神裏参道」，一直向著返回酒店o既方向走，離遠其實都已聽見有好多人聲，行近先知原來幾位年輕人正為樓上炸串屋「串かつじゃんじゃん」拉緊客。由於店子鮮黃色o既招牌實在吸睛，加上幾位店員咁落力，大肥爸爸又明顯唔想再行，小肥同哥哥打個眼色就決定一戰大阪名菜之一o既炸串。

樓上小店面積唔大，空氣又唔算好流通，室內油煙味都幾勁吓。當晚餐店因只剩餘榻榻米散座，七旬雙親都被迫要除鞋並屈膝而坐，見佢地用餐時不停更換位置都知佢地唔係咁自在，唯有希望食物美味可搭救，並且可速戰速決。地道小店只有日文餐牌，年輕o既服務生得知細佬只可以簡單日語溝通時，佢都好有耐性地講解炸串食法、翻譯餸名、及推薦人氣菜式，友善客氣得很。

肥肥家族應推介點咗幾款炸串及小食：

1）　伝說の手羽先（180円/本）：餐牌上知悉「傳說中有款雞翼巧巧味。。。」，因深知靚靚媽咪最愛食雞翼，孝子當然係要叫俾媽媽食啦！傳說雞翼乾巧香脆又惹味，超正！

2）　エリンギ（杏鮑菇；100円/串）：杏鮑菇炸串每串均為原條菇菇，肥厚爽潤，芳香可口。

3）　豚バラ（豬肋骨肉；170円/串）：個人略嫌豬肋骨肉炸串乾嚡咗少少，係咁多條炸串中較為失色o既一道。

4）　チューリップ（雞槌；180円/串）：雞槌炸串鬆脆富彈性，香口味佳。

5）　エビ（蝦；160円/串）：蝦炸串皮脆蝦鬆爽，咬落真係索索聲架。

6）　若雞のから揚げ（炸雞；590円）：炸雞件脆巧肉嫩又夠肉汁，一樣咁掂！

沿着春日大社表參道，一路走走停停餵鹿，又在萬葉植物園內兜了一圈，途中再停了一會，吃了個沒什麼抹茶味的抹茶雪糕，不知不覺居然行了一個多小時，才到達奈良世界文化遺產之一的'春日大社'。

在表參道沿途兩旁有很多常夜燈，是由善信捐款建造，石製的燈籠上面有神鹿浮雕，稱為春日燈籠;每個燈籠都有不同造型，值得慢慢細心欣賞。

春日大社門口的伏鹿手水所，以白鹿叼筒吐水為造型，非常特別;用清涼的流水洗洗手，感覺十分舒服。

春日大社的御神籤，也是貫徹始終用神鹿的設計，十分可愛。

如果沒時間參觀萬葉植物園，見識何謂藤開花的話，春日大社內也有一棵巨型藤樹，大大串的藤花正燦爛地盛放着，吸引了大量的遊人欣賞和拍照。

吃過刨冰後，我們繼續前往春日大社。在參道口見到萬葉植物園的廣告横額，話藤開花，20品種藤の名所乜乜物物，好像很吸引的樣子;原本萬葉植物園並不在我們行程之內，結果又忍不住行去八卦一下，入場費¥500。

沒想過糾結紐纏一舊舊的藤開的花，出乎意料之外的漂亮，細細精緻的花瓣，一串串的垂下來，有着不同的顏色，有白色，粉紅色，淺紫色等;看來十分清麗優雅，另外，植物園亦佈置得很雅緻很有心思值得欣賞;可是，植物園內只是獨孤一味的藤花，即使很漂亮，望久了也覺得有點兒悶，故除非順路經過又有餘閒時間，否則我覺得不用專程入內參觀。

在前往春日大社途中，突然見到有個廣場上人頭湧湧非常熱烈，當然要立刻走過去八卦一下。

原來是奈良公園內的冰室神社舉辦冰神節，有多間甜品店在售賣刨冰，作為奉納贊助金；每一間都各有特色，每款刨冰看來都十分吸引，但間間亦超多人排隊，都不知道揀那一間才好。

最後我們選了這間最少人排隊的'甘いもん?咲良'，因為好口渴又好肚餓想快點有得試，並點了今年の新作枝豆餡¥700。

沒想到在户外都可以見識到刨冰的制作過程，工作人員手勢非常熟練，轉轉轉眨下眼便完成了一大碗刨冰，再加上各款配料，就大功告成了！

我們的枝豆味刨冰，除有真材實料的枝豆蓉之外，還加入甜甜的煉奶，底層更有煙韌的糯米團，味道不錯，尤其在大熱天時下在公園裡享用，就更是別有一番風味；但可能平常食慣咸味的枝豆，今次配上甜味的刨冰，感覺總是有點奇怪。

雖然奈良有N咁多個世界文化遺產，但'醉翁之意不在酒'，我最想見的當然是可愛的小鹿們；出發前腦海中一直期待著，一幅如童話般，被天真善良的小鹿們圍繞的畫面，實在沒想過，自己居然會有遭遇到被鹿襲擊的一刻。

一進入奈良公園門口，便會見到一塊以多國語言顯示的警告牌；大意是說奈良鹿是野生動物，間中會襲擊人要小心云云；我當時完全是'掉以輕心'，還覺得D卡通畫得好搞笑呀哈哈哈，但轉頭當意外發生在自己身上時，實在有晴天霹靂的感覺。

我們繼續前行經過'興福寺'，很快便會到達一大片草地，有十幾隻鹿在聯群結隊地自由活動；終於見到小鹿們，心情當然是極度興奮，立刻衝去買鹿煎餅要去餵鹿。

鹿煎餅是由奈良鹿保護會，以米糠和穀類特製，¥150十塊，成個奈良公園周圍都可以買到。

話說當我拿出第一塊鹿煎餅時，鹿群立刻蜂擁而上，我都未遞塊餅出去，已經有隻鹿撲上來，我隨即被'雙蹄出海'踢中；那一刻實在是來不及反應，鹿群仲繼續圍過來好恐怖，簡直有如Biohazard中，被喪屍纏繞的感覺；我們唯有立即收埋鹿餅，落荒而逃去驗傷。

如果十分是生仔最痛的話，其實那一踢只有兩三分；反而心靈創傷比較大，原來奈良鹿都很有攻勢性，如果是小孩子被踢中的話實在是不堪設想，跟著我都不太敢再拿出鹿餅來餵鹿。

如果真的要餵的話，我建議餵春日大社參道以後的鹿群，牠們比較守規矩，大部分都只會留守在草地，向遊人點頭示意討食，食完亦會點頭道謝，非常乖巧。

雖然間中也會有鹿走到行人道上，聞下遊客的背包，也會咬人大脾爭取注意和鹿餅，所以去奈良公園是要穿厚長褲的，但這兒的鹿群的侵略性絕對比門口那班低好多。

去到若草山的鹿，差不多對鹿餅已經毫無興趣，拿着鹿餅在它們面前揚來揚去都無動於衷，可能已是食得太悶，食番草好過。

番薯Uncle退休後，每年遊日本嘅日數絕對多過小肥啲年假，對成田機場內有啲咩店舖食肆都可以用瞭如指掌黎形容呀！將行李寄好艙，佢就帶隊去「とんかついなば和幸」食炸豬扒做午餐。

Uncle一早已提到炸豬扒專門店「和幸」舖位唔算好大，午飯時間門外都會企滿人龍，我地人多必需分開入座，千祈唔好揀位坐。小店裝潢簡潔企理，門外嘅玻璃陳列架上可清楚睇到多款菜式套餐嘅模型，方便食客於候座時可預先選定食物。可能進出機場嘅多為外國人，餐牌全為日英對照，友善嘅店員更會以簡單英語溝通，不過最令XO仔感動嘅就係當收銀姐姐見到細佬手持大袋銀仔慢慢數出尾數時，佢仲主動提出幫忙用盡大銀，以減輕背包嘅負荷，父母見狀亦不禁連聲道謝。

鶏の唐揚（500円）：炸雞乾巧熱辣，皮脆肉嫩又多汁，500円有五件，絕對抵食！

「香港航空」HX 609班機準下午3時55分起飛，由東京飛回香港只需五個多小時。客機商務機艙嘅獨立座位寬敞闊落，私人空間足，個人娛樂系統播放嘅節目又夠新，唯一親友都覺得機上嘅冷氣唔係好夠，就連一向怕凍嘅長輩都熱到出哂汗，仲罕有地要叫杯凍水黎降一降溫。

其實之前坐過「香港航空」好幾次都已經覺得機上嘅飛機餐好唔錯，尤其係早餐提供嘅法式西多士，確真令人一試難忘！真係估唔到今次坐下午機回港，居然有幸一嚐限量供應嘅「日式牛肉壽喜燒」作晚餐，美食配上航空公司嘅招牌雞尾酒「Bauhinia Blossom」，成功為旅途添上繽紛嘅色彩。

蒜蓉包及紫菜包：熱辣辣嘅蒜蓉包香脆惹味，同樣暖手嘅紫菜包則鬆軟甜美，各具特色。

頭盤之醃製三文魚及青瓜伴薄餅及柑桔鮮忌廉：頭盤三文魚有三塊之多，並以軟腍嘅薄餅墊底及爽脆嘅青瓜隔開，喺面塗上柑桔鮮忌廉，食落效果非常清新。

主菜之日式牛肉壽喜燒配黑芝麻飯卷及日式雜菜：日式牛肉壽喜燒香濃甜美，牛肉薄片軟潤唔嚡口，伴上白飯及芋絲可索盡靚汁，超好味！

機會，可謂雙贏。

第二天我們打算前往奈良，由於Swissotel位於南海電鐵站，故需要走5-10分鐘去大阪難波駅轉乘近鐵。雖說坐的是快速急行列車，但都差不多要40分鐘才到達奈良，車費¥560。

一出站便會見到奈良的吉祥物’遷都君’，雖然有齊’鹿’加’寺廟大佛’兩大奈良的要素，但光頭加鹿角的外型實在不太吸引，不過，’到此一遊’照點都要影張既。

走出站外便會經過商店街，四處都可以見到鹿的標誌，其中必試的當然有’中谷堂’的杵草餅，¥390三件，外皮十分煙韌，內裡包著滿滿的紅豆餡，甜度適中，保鮮日期亦只有一天，絕對是’奈良限定’ ，尤其對未食早餐的我們簡直是超級的美味。

吃過杵草餅，再走一般短短的路程，便可到達奈良公園門口的’猿沢池’。

食飽飽周圍行，道頓堀川兩岸的店舖都關門得七七八八，唯有……一幢24小時營業的'激安之殿堂'吸引著我們的目光，門口的摩天輪，企鵝和惠比壽神非常易認，拿著購物袋等待我們去血拼。

'激安之殿堂'實在是一個極之可怕的地方，樓高六層，內裡商品，包括雜貨，藥妝，玩具，零食手信，電器，衣物服飾等應有盡有，一入到去什麼時間錢銀概念會完全消失，不可不提的還有激安之殿堂最出名的優惠劵，店內每個人都會手執一張，瘋狂血拼。

原本我們打算買到¥5000有得退稅便會收手，哪知道最後買多一倍到¥10000，而且仲有很多地方未逛，很多東西未買，但已經逛了兩個多小時到半夜十二時，有點兒擔心附近的治安，結果回程時果然道頓堀內已滿怖黑社會模樣的人，不斷招攬途人上酒店，雖然他們沒有理會我們，但感覺都十分恐怖。

以下是我們部份的戰利品:

耳環¥500一對，好抵呀！！！款式又好特別。

親子份子料理玩具¥250，可以訓練手眼協調超好玩，製成品像真度非常之高，玩完又有得食。

零食¥698大大包，tea房手信必選。

小兒沖涼用花灑¥1480，使用後保證小朋友沖涼沖到唔捨得走。

DHC潤唇膏¥660，買住先，等今年冬天乾燥時用。

極細毛洗面刷¥1980，用後感覺一般，沒什麼神奇的作用。

小朋友膠杯和毛巾盒¥600-700，遲些比妹豬返幼稚園時用，勝在是日本製造。

買夠¥10000送的是Donki Shopping企鵝，現在是阿仔每晚陪瞓的好朋友。

的士叔叔依照導航指示抵達餐店門前。嘩，大家真係冇諗過L’Osier個門面居然會如酒店般咁壯麗有氣派，大門仲要係由身穿制服嘅靚仔哥哥開關，唔怪得知店主要設下服裝限制，穿著牛仔褲、短褲或波鞋者均不得內進，當中男士更必需穿上西裝。

服務生衣觀整齊，有禮好客，每個動作都能反映出對用餐禮儀嘅講究及尊重。十三人被安排入座三張圓枱，雖然一早已訂好餐單，但經理哥哥依然喺送上每道餸菜時詳盡講解菜式嘅食材及烹調方法，而且有問必答，態度極之誠懇。最令人印象心刻都應該係每當貴客離座前往洗手間時，服務生都會第一時間換上全新餐巾，衛生分爆哂燈呀！

電話訂座時，XO仔好大擔地為男士點咗九道菜嘅Les Belles Gourmandes（14,000円）及為女士揀咗八道菜嘅Menu Dejeuner（10,000円）。兩款套餐都包有麵包、開胃前菜、粟米湯、海鮮頭盤、紅肉主菜、甜品、咖啡或茶，分別只在於前者多咗味魚，及頭盤主菜所選用嘅食材。

Amuse-Bouche：三件的骰嘅開胃前菜均由又薄又脆嘅外層包住，香脆得黎味道清香淡薄，輕盈健康，極易入口。

Corn Soup with Fresh Cornbread：未有列入餐牌上嘅粟米湯不單呈金黃色，師傅仲巧妙地加插咗不少蔬果為湯品繪添色彩，造成一幅美食圖咁，實令眼前一亮。粟米湯幼滑香甜，襯上同樣帶甜而又暖手嘅粟米麵包食用可謂完美！

Thin Sliced Akagai, Mirugai, Hokkigai w/ Sea Scallop Mousse Topped w/ Seaweed Jelly “Barbajuan” Fried Squid Ink Small Ravioli：海鮮頭盤用上幾款貝類刺身，混入海藻啫喱及帶子慕絲組合而成，口感軟潤爽嫩，清新鮮甜。應經理哥哥介紹，喺另上黑墨墨、熱烘烘嘅墨魚汁雲吞塗上刺身啫喱，雲吞頓變得腍潤帶脆，鮮美可口，確真一絕！

Onagadai-Fish – Vegetables, Tomato-Confit, Black Olive and Basil Soup, Lettuce Balls Zucchini, Lemon, Shiso Flower：廚師選以大大件尾長鯛作第一道熱食，鮮色嘅外觀已夠吸睛，食落嚐到魚皮嘅香脆、魚肉嘅嫩滑、及汁液酸甜中散發出陣陣紫蘇香，清爽得很是醒胃。

Akaushi Beef from Kumamoto – Roasted, Girolles Mushrooms & Green Asparagus-Fricassee, Summer Truffle, “Violine” Red Wine Sauce：經理哥哥唔講真係唔知，原來此道赤牛和牛乃熊本縣名產，因牛隻毛色呈啡紅而被名為「赤牛」。如相所示，碟上嘅赤牛鮮紅潤澤，毫無半點雪花油脂！可以話俾大家聽，三成熟嘅赤牛入口鬆軟柔滑，而且肉味香濃，吃畢亦不感到絲毫溜滯，係整頓午宴嘅亮點，美味程度實難以用筆墨形容，一定要親嚐方才領略得到。

Pre Dessert：柚子雪葩伴上柑肉墊底，視覺上明亮得好似個發緊光嘅太陽咁，味道則倍感清爽甜美。

Different Texture of Raspberry/Lychee, Rose Ice-Cream：據說，此道火紅色嘅紅莓荔枝玫瑰雪糕甜品係師傅從「資生堂」化妝品系列中極人氣及有名嘅紅色唇膏取得靈感所創製而成，望落又真係幾似個抽象嘅紅唇喎。甜品o既紅莓荔枝味濃甜但不過火，中間夾入清涼芳香嘅玫瑰雪糕，加埋底層嘅朱古力就更添脆口，質感同味道豐富得好和諧。

Petit Fours：由於甜點應用手直接食用，拼盤旁亦早已放置一碗清水給賓客於食用甜點之作洗手之用，周到得很。

Sweet Delicacy Trolley：大家嘆緊咖啡之際，型男哥哥從側旁再推出甜點小車仔，車上擺放有琳瑯滿目嘅糖果、餅乾、朱古力，雖則話係任食，但經過八道餸後，XO仔都只能小試四件，睇黎下次再黎一定要玩空肚食法國餐。

親友，滿意程度明顯係超哂級嗰隻啦！

為咗要喺舞前快速充飢，旁晚時份日籍舞友就帶咗XO仔及團友們去酒店附近一家人氣連鎖店「すしざんまいSushi Zanmai」食壽司作晚飯。

二十四小時營業兼全年無休嘅壽司屋佔用面積全層，晚飯時段壽司吧內嘅師傅門都忙得團團轉，門外企滿食客輪座，幸好我地一早已訂定位，方才免去等候嘅時間。食店其實有少少半快餐店形式經營，除咗壽司吧位外，散座全為合併式，餐具亦全為自助式，上菜速度高，忙碌嘅服務生態度都尚算良好友善。

由於飯後諗住會狂跳熱舞，小肥就同哥哥及舞友分咗幾個壽司拼盤，佢地唔夠就各自點咗啲熱食及湯品：

うるおい set （1,980円）：只售二千円嘅雜錦拼盤有成十幾件壽司卷物，多款壽司雖未為頂級貨色，但魚材絕對新鮮味佳，單睇價錢已覺抵食。

まぐろざんまいset （3,000円）：比雜錦拼盤貴一千円嘅吞拿魚壽司拼盤同樣有成十幾件之多，當中用上吞拿魚嘅不同部位，包括中卜口及大卜口，極之豐富，其中亦有兩件火炙壽司，質高肥美，全桌人都大讚價廉物美！