今次係2個人, 1開門就黎食放題....好大期望ar...因為幾年前已經聽過人話呢間野幾好味.

坐低之後發現原來男仔同女仔係唔同價錢嘅,女仔3000幾yen, 男仔要4000幾yen....好彩我地今次係2個女仔黎...即刻覺得自己好醒目...

呢度有2個服務員都係中國人黎架..所以溝通好方便(如果識講國語嘅話)...

d壽司ok啦..係一般日本壽司店嘅質素,唔差,亦都唔impressive...不過3000幾yen又唔貴..如果想喺日本試下放題或者食到好多壽司嘅都可以一試嘅

第1次睇櫻花睇得咁悠閒....
呢日係到步嘅第2日, 其實第1日我地已經去左上野恩賜公園睇夜櫻, 不過因為我唔識用部相機, 所以唔係好影到相...所以第2日要睇多次補數...

一去到公園附近已經覺得好好氣氛, 真係成個公園都係花...亦都成個公園都係人...仲見到好多人飲到成地酒樽醉到不省人事..仲目擊到有個男人嘔添ar...

d花銀色偏白, 其實我鍾意我上年睇果隻偏粉紅色嘅櫻花多d, 不過白色都靚啦...好過冇...
行行下見到櫻花軟雪糕, 我諗左好耐, 好驚係藥水味, 因為我喺hk試過有間餐廳serve過d有藥水味嘅櫻花水...飲到我想嘔 不過好彩最尾都係決定食咋, 原來呢個雪糕好好味架, 同hk果d 2回事呀...

我好鍾意吉祥寺架, 每次去東京都會黎呢度, 因為就算唔係櫻花月份都要黎食satou嘛,而且仲要黎呢區買skincare呢...平好多架...

幾年前經過呢個門口, 見到入面坐滿晒人, 煙霧彌漫好似好好氣氛咁...所以入去食下, 跟住覺得好好味..同埋個師傅好熱情..係咁同我地講d我聽唔明的日文...

今次再去呢度, 因為太多人所以冇得坐下面睇住佢燒lu...上面就係一張張檯咁坐嘅, 我地仲要坐toilet門口, 跟住好多人去toilet, 猛咁要讓開比人過... 

隔左幾年冇黎, 而家呢度請左個中國留學生(好多餐廳而家都請中國留學生,可能因為平) 不過對我黎講冇幫助, 因為我d國語溝通唔到... 所以我都係冇出過聲..淨係坐低等食...

我地好求其咁叫左d野,果然不負我所望...仍然係咁好食..仲要係樣樣都好食wor...

不過呢, 我鍾意坐下面多d...下面氣氛好好多..而且睇住佢燒好過癮..

呢間亦都係我的must-go...

本來打算去小田急HALC館果間敘敘苑, 點知未行到去已經見到呢間...咁梗係即刻上黎啦..費事行嘛 ..

上到黎先發現原來呢間店正好多, 每人有一個包廂, 好有privacy..同埋service超好, 一入門口就幫我地keep晒d shopping bags, 同埋掛晒d jackets...

我地叫左唔算好多野, 主要都係牛啦...佢d牛又真係幾好食嘅, 好似仲有叫到個豬...同埋少少菜...

呢間野水準好穩定架, 又好service, 成餐飯有個waiter過黎幾次幫我地換塊鐵板, 中間我地試過叫人加單, 個waiter 10秒就出現...好鬼勁...

我地叫左1個冷麵, 我初初expect係日本果d冷麵, 黎到似韓國冷麵多d...我見佢個menu又有kimchi比人order, 我上次去牛角食又係咁...唔知係咪日本d燒肉店都係韓國人開嘅呢?

我今次仲食左個蘋果雪芭, 都幾好味, 不過好冰, 等好耐都未解到凍, 所以我求其食左幾啖就冇要到喇...

呢間野聽人講話lunch黎平好多架, 不過我就未試過...

幾年前冇乜錢嘅時候發現呢間舖頭, 覺得好抵食,好新鮮,而且仲有set添.. 自次之後每次去東京都會黎...

落order好簡單, 因為佢個menu圖文並茂,如果睇唔明仲有英文添...
壽司逐件order, 不過全部都係145 yen (approximately), 所以我狂叫sea urchin同fatty tuna..好抵..雖然唔係壽司大水準, 但係已經好過晒hk果d連鎖店...

我通常黎到叫1個set再加壽司, 食好多先係2000幾yen....

真係超抵... 所以無論lunch同dinner都迫滿日本人..

今天有机會穿正宗的日本浴衣, 好興奮~  過程比想像中複雜, 因為浴衣很長, 要先在腰間摺起多出的長度, 用布條和繩子緊緊扎實, 最後以顏色鮮艷的腰帶打個漂亮蝴蝶結, 連里佳也說要靠媽媽幫忙才穿得上.

名古屋地道美食很多, 午餐先在當地熱店吃味噌豬和味噌吉列豬扒飯.  我較喜歡前者, 因為啖啖肉汁, 麵豉味道濃郁吸引.  食店還有麵豉醬供購買, 我可以把好吃的帶回香港和家人分享了 ^^

午餐吃味噌豬, 晚餐吃味噌烏冬.  第一次品嚐以高濃度紅麵豉做湯底的烏冬, 還要用煲仔上, 熱騰騰得冒煙.  最特別, 就是半熟的烏冬麵條, 里佳說她從小吃到大, 是名古屋的烹調方法.  配料有名古屋品種的鷄和蛋 コーチン, 難得吃到.

名古屋 コーチン http://nagoya-cochin.jp/

臨睡前的節目, 除了交流2國情誼之外, 就是吃里佳兒時喜愛的零食, 繼續為食

豐富午餐後, 開始細意感受馬籠宿, 一個古色古鄉的地方, 像京都一樣, 給人遠離繁塵的感覺.  沿途特色的店子很多, 有充滿日本色彩的工藝品, 有充滿懷舊風味的小飾物, 有當地熱賣的各式煎餅手信, 有消除暑氣的刨冰店, 琳瑯滿目...  總之就跟城市不一樣~

馬籠宿的行程滿載而歸, 回到城市, 里佳就開車帶我到她家附近的一間鷄料理食店.

到日本, 很多人都會找壽司/刺身/拉麵/和牛... 吃的當然比香港地道, 然而名古屋吃的就跟東京或北海道不一樣.  當地以鷄料理聞名, 還有名古屋獨有的紅麵豉豬扒, 紅麵豉烏冬, 炸蝦及之前提過的碳烤鰻魚飯...

在月来坊吃得令我最印象深刻的, 就是味噌鶏串和手羽先唐揚.  味噌一定是紅麵豉, 顏色較深, 味道帶甜, 融入鷄肉之中, 吃起來更 juicy, 滋味無窮.  手羽先唐揚炸得非常脆而且不乾身, 外面的芝麻令鷄翼吃起來十分香口.  聽說香港首間名古屋餐廳<鳥羽>也有這些特色美食, 真的要找机會去回味一番

今天的節目是去看花, 出發前里佳的媽媽為我們預備豐富早餐, 還有我最愛的溫泉卵, 超級滑~~~

去 Blue Bonnet 睇花的必經之路, 除左睇花, 名古屋港也有個很大的水族館, 是當地一大景點, 只是時間就不到, 唯有留待在下一次.

去 Blue Bonnet 要坐船, 趁著有一點時間, 就到一家賣煎餅手信的店子入貨, 味道很多, 每款都有試食.  吃得口乾, 店子內還有 Ice Cream, 為食的我和里佳二話不說買來吃.

瀬戸是個手工藝店鋪林立的城市, 以陶磁器為主, 還有少量玻璃飾物.

初次手作陶磁, 很有趣, 在體驗室裡花了2個多小時, 有點熱, 因為只能開風扇, 免得未成形的陶磁被冷氣抽乾水份.

陶磁器中心每日有指定時段教授陶磁製作, 可選擇自己喜愛的製作方法及款式, 完成後只需選色, 上色/上光油/焗乾均有專人代勞, 作品要1個月後到中心親自取回.

體驗室外還有各式各樣的陶磁玻璃售賣, 一邊看一邊聽著陶磁風鈴的清脆聲調, 透心涼~

價格合理, 仲有溫泉浸. [IMG http://hk.l.yimg.com/hk.yimg.com/i/icon/16/1.gif]  晨早起床, 浸溫泉, 特別精神 ~~  .

旅客評分很高, 誠意推介.

訂dormy inn酒店, 需要先網上登記成為會員, 而會員名,要為日文名. 所以要準備一個日文名, 才可以成為會員.