doravicki 的遊記 - 旅遊指南 - 開飯遊蹤 - World Travel Guide

doravicki

我是doravicki。我最喜愛到日本，意大利，瑞士旅遊，最鍾意遊覽自然景觀，歷史建築/遺跡，鄉郊農田，動物園/植物園/水族館，住宿通常會揀公寓，民宿。

留言給此旅遊家

遊記數目 8

上載相片 396

上載影片 0

最近分享過的旅程

辛苦到暈嘅北海道7天遊...

國家/地點:

日本

旅程日期: 2010-10-21 至 2010-10-27

台北 (10年3月)

國家/地點:

台灣

新加坡 (10年7月)

國家/地點:

新加坡

台南,高雄 (10年5月)

國家/地點:

台灣

東京 09年8月

國家/地點:

日本

東京 (10年4月)

國家/地點:

日本

法國 (10年7,8月)

國家/地點:

法國

共找到 8 篇遊記，正顯示第 1 至 8 篇遊記

辛苦到暈嘅北海道7天遊... (日本)
(旅程日期: 2010-10-21 至 2010-10-27 , 旅程性質: 消閒度假)

整個旅程 (共2篇遊記)

分享至Facebook

遊記 : 第4日 - 第7日

發表日期: 2010-12-23

第4日，我哋由函館去登別，住左2晚，浸下溫泉! 第6日再由登別返札幌...
第7日, 本來係晏晝機, 我自己嘅習慣係買到最後1秒先上機, 但係今次因為落雪我又冇禦寒衣物, 所以我最後一日竟然"零行程", 一check out就坐車去機場! 機場免稅店都行勻幾次呀!!

希望下一次去北海道可以盡情食同埋盡情買啦!

服務好好, 不過一d都唔grand...

2010-12-23

登別グランドホテル (日本)

酒店門口

酒店房

食飯樓層

非常似酒樓嘅餐廳

dinner

好難食嘅沙律

早餐

成個trip最唔好就係呢間酒店喇...
我喺樂天見佢rating都ok所以book, 1落車行到酒店門口已經有人幫我地搬晒d行李, 我仲以為間酒店實好好! check in嘅時候個staff又好好, 幫我book埋2日後返札幌嘅500 yen巴士! 事實上佢嘅服務係好好...

間房呢...就唔算好細..不過好舊...corridor都好舊! 個浴室我幾乎冇用過, 因為日日都喺大浴場沖涼!

由於呢度係1泊2食, 大概5:30就食晚飯, 晚飯係buffet, 喺3/f grand hall度食...入到去真係嚇親!唔單止唔grand, 而且仲好似d大陸酒店咁! d凳係香港平時酒樓果d凳, 連水都要自己斟! buffet有供應蟹腳, 刺身, 有天婦羅, 牛扒, 飯, 湯, 雪糕,生果...等等! 全部都係非常一般貨色, 好似香港d平酒店的buffet咁...我只係食左少少野已經唔想食, d salad同d dressing仲要係非常難食添!

食完飯休息1陣我就1個人去浸溫泉, 其實我食飯前已經浸過1次, 不過冇野做又冇電視睇就再浸多round... 佢個溫泉幾好..有室內同室外...我通常去溫泉酒店都會揀室外浸...舒服d冇咁焗! 不過今次, 我都有浸過室內果個, 1落水就見到1隻dead mosquito...所以前後都唔夠2分鐘即刻上水!

至於早餐, 又係麻麻地! 佢供應埋d腸旦咁, 好奇怪! 同我上次去長隆動物園酒店d早餐差不多款!
我有食少少, 不過主要都係食燒三文魚+白飯+海苔!

到我地check out果日,又有個人上黎幫我推行李! 同埋仲幫我搬埋上車添! (呢樣幾好)

呢間酒店有人講英文, 同埋有人講國語, 可能做團客多! 我去到第1日就見到東瀛遊!

我覺得,如果間酒店hardware唔得,d野難食,用料cheap, d員工幾好都冇用!

所以呢間野我1定唔會再去,同埋亦都會叫人avoid...

每晚價錢: 20000日圓 (雙人房)
評分: 設備3 服務5 環境2 衛生2 抵住3

檢舉此評論

回到頁首

好味+抵食...

2010-12-23

北の漁場 (札幌)

呢日準備返香港, 離開之前嘅最後1餐早餐梗係要食我最愛嘅壽司啦...
我幾日前已經同酒店講定叫佢幫我book車, 我仲放棄埋酒店嘅早餐嚟食呢餐添...

約左司機8 am, 佢非常準時...上車就同我講要接多1個人..同埋約定我回程時間...(如果回程唔返酒店可以選擇去車站) 由酒店去北の漁場大概20分鐘車程, 我好慶幸我book左車,因為呢日雖然只係10月,但係都幾大雪..如果自己行可能會變雪條!

去到餐廳先8:30, 但係已經唔少人食緊...

我睇完1輪menu, 決定要11件壽司set(2940 yen), 而嫲嫲就要刺身set(1680 yen)..
2個set都跟個帆立貝set, 另外我個set有麵豉湯, 刺身set就跟個蟹湯!

我個set d壽司非常新鮮, 每一件都好好味 (不過當然冇壽司大咁好啦)
刺身set呢都好味, 其實有好多都係我食! 不過激死我, 因為我嫲嫲竟然attempted將個魷魚同八爪魚放落帆立貝度煮熟佢!..所以最後我費事煩, 好偉大咁食晒d野! 對刺身同壽司我嘅吞吐量係大d架.!

每人消費: 約2400日圓 (早餐)
評分: 味道5 服務3 環境3 衛生5 抵食5

檢舉此評論

回到頁首

平 + 酒店房夠大...

2010-12-23

Hotel Royal Stay Sapporo (札幌)

房

呢度可以開晒d喼, 其實仲有條走廊冇影到..

酒店早餐...

選擇唔多, 不過食得飽+味道okay

呢間酒店我係經樂天book嘅, 當時係見到佢平(8,000 yen包早餐)+rating 高所以揀!

其實我去到北海道第1晚都係住呢間酒店, 因為我要寄存d行李喺度, 所以由登別返札幌嘅最後一晚我都要住返呢度!

當我第1日check in上到房嘅時候, 真係覺得好驚喜! 因為呢間酒店雖然平同埋入面舊舊地, 但係d房好大間, 我住過嘅2間房都有張sofa, 有coffee table, 2個大喼仲可以開晒之後都仲有位行! 喺日本真係好少見! (以前試過住d酒店仔連喼都開唔晒添)

至於酒店service亦都好好, 我check in果陣個酒店職員見我咁多野主動用架行李車幫我搬晒d野上房....住d幾百蚊嘅酒店真係未試過有咁好服務!

到我走果日, 我地搭的士去札幌jr站....另外1個職員亦都同的士司機一齊幫我搬晒d行李上車! (我地2個人嘅行李差不多60 kg, 我覺得呢間酒店d staff真係超helpful!)

每晚價錢: 8000日圓 (雙人房)
評分: 設備3 服務5 環境4 衛生4 抵住5

檢舉此評論

回到頁首

第1次咁近見到bear bear..

2010-12-23

登別熊牧場 (日本)

呢度就係登山吊車..

坐纜車嘅時候影落黎.好靚...

未入到去就見到隻假野..

佢地係第1牧場嘅bear

有個人餵緊佢..

正面相...

打千秋.

仲識自己上千秋添..

1場去到登別住兩晚, 我當然唔齋會喺酒店hea啦! 所以第2日一早就出發, 去睇我最鍾意睇嘅動物同埋登別marine park! 我先去車站買3000 yen嘅nixe pass, 用呢個pass可以去晒熊牧場同marine park,比散買飛抵d!

我地朝早去完marine park, 晏晝3點幾坐巴士返黎睇bear! 落車之後行大概2分鐘就到吊車站, 我見個吊椅好似好刺激咁, 所以上去果程就揀左坐吊椅, 每人200 yen! 點知上到去原來其實冇乜高度, 1d都唔刺激, 而且1分鐘就到.. 咁就冇左400 yen喇!

坐完吊椅之後仲要坐多1程免費嘅登山欖車, 全程都幾斜幾高, 要坐大概7分鐘! 我去果陣係10月尾, d葉雖然未算紅, 但係由上面望落去見到滿山黃葉都幾靚!

我1上到去就去"第1牧場", 入面有好多隻好大嘅男bear...我嚟到呢度先知d bear真係大得咁緊要... 以前喺其他動物園都唔覺....不過唔知點解, 除左bear之外同時亦有好多烏鴉飛黎飛去, 我估烏鴉仲多過bear! 由於我超驚烏鴉, 所以影左2張相之後我就去左"人之籠"

"人之籠"係比人近距離睇bear, 只係隔住塊厚玻璃, 當我地望佢地嘅時候, 佢地亦都觀察緊我地, 好得意! 呢度仲可以買包餅餵佢地添, 我冇買到, 不過就見到有幾個日本人餵緊...d bear貼住塊玻璃個為食樣好可愛!

之後其實我已經準備走, 因為週圍都係烏鴉嚇到我暈低咁滯, 點知臨走見到有好多人圍埋等睇表演, 我見仲有5分鐘就開始, 所以就睇埋先走!

個表演大概10-15分鐘, 係睇隻bear自己識打千秋, 玩滑梯同埋識同人say goodbye! 好勁! 當然中間不斷有訓練員隔住鐵絲網餵佢食野同埋比水佢飲啦.!

睇完表演之後我地就落返去喇...回程我地坐完欖車就行落山, 2分鐘貨仔...! 跟住就返酒店浸..!

雖然唔係逗留左好耐, 不過我覺得呢個牧場好值得黎! 話晒bear bear都要好難先見到!

參觀時段: 下午
入場價錢: 每人2520日圓
評分: 值得去5

檢舉此評論

回到頁首

地方好細..唔去唔係損失.. ok喇

2010-12-23

Hokkaido Marine Park (日本)

正門..

散步嘅企鵝

dolphin pool

好可愛..

打緊交...

魔鬼魚...可以比人摸架....

sea lion pool

影相嘅nds

由於我去水族館果日係weekday, 由登別坐巴士黎到, 附近人都唔多個... 週圍又冇指示牌喎, 攪到我以為自己落錯車! 好彩仲有間郵局比我問下路...

我地由車站行去marine park正門大概5-10分鐘, 沿途係民居, 好靜..有d餐廳仔不過都好似冇開!
我一路行一路諗入到去唔知會唔會成個水族館得我地2個, 點知由正門一行入去之後完全係2個世界...入面人山人海超熱鬧, 好多人成家黎玩..亦到見到有1個旅行團!

1入去就見到好大班人圍埋等睇企鵝散步, 佢地好似鬥快咁...好攪笑...有d行下行下仲爭d撞落圍觀者度...

睇完企鵝, 我地就係dolphin pool睇海豚表演..呢個表演最特別嘅地方就係呢個池係indoor喇...而且仲好細添...我覺得d海豚真係好鬼勁, d超高難度嘅動作都做到, 個波升到去天花咁高都1定頂到...所以我由細個開始已經好鍾意睇海洋劇場!
不過我去完北海道返到hk之後睇左<海豚灣>, 入面講d日本人原來對d海豚好殘忍...知道真相之後, 其實呢d表演唔值得鼓勵!

睇完dolphin pool, 我地就去一個室內館度睇龜! 我從來唔知道有咁多唔同品種嘅龜, 亦都唔知龜可以生長到咁大隻...我仲見到2隻大龜食食下野無啦啦打交添...

跟住就去sea lion pool, 之前睇dolphin pool果陣個工作人員話會有水花, 叫d人盡量坐高d....
所以我今次去到sea lion pool...懶醒目咁坐到最高, 點知1開場就話有好多表演係喺水底, 叫我地盡量坐低d! 睇sea lion主要睇佢同個trainer嘅默契, 點樣合作喺水度整d花式...拍手,擺尾...等等... 其實都好好睇, 不過唔知點解只係得幾個觀眾, 比起睇海豚嘅人爭好遠...

不過喺sea lion pool最吸引到我反而係有個細路用部類似 nds嘅野係咁影相, 我初初仲諗點解個細路入黎睇野仲掛住打機, 之後先發現佢果部係相機...好攪笑...唔知點解我部nds影唔到相呢!

之後, 我地就去城堡度睇魚, 呢座野好似海洋公園嘅海洋館咁 (其實世界各地d水族館都係咁上下), 不過呢座就比我地海洋館失色喇...我覺得佢只係1個個大魚缸, 入面放住好多魚, 我地1路行..有好多落斜位, 或者有好多路都係冇乜野睇...冇海洋館果種覺得自己行緊入深海嘅感覺, 同埋d魚亦都好似只係比人飼養緊咁囉, 比唔到身處大海嘅感覺佢地!

睇完魚之後, 我地就準備返去睇bear...本來想喺呢度求其食野, 不過真係揀唔落, 而且呢度得hot dog, waffle, 雪糕果d...天氣凍我地2個都唔想食fast food...

所以之後我地就去坐巴士返溫泉喇!

入場價錢: 每人2400日圓
評分: 值得去2

檢舉此評論

回到頁首

好味+抵食...

2010-12-23

Sushi-Zanmai (札幌)

980 yen...

1080 yen..

呢個我冇份食, 唔知得唔得..

追加嘅壽司同手卷..

晏晝冇乜人...

第1日去到薄野嘅時候經過, 見到呢度成10點都坐滿晒人..我已經打算走之前黎試下...

終於呢日去小樽之前, 我見時間好鬆動就喺酒店行過黎食個lunch先坐車去小樽...

個lunch set menu真係好平, 雖然唔係話平就等於好, 但係當我嘅order真係黎嘅時候, 我就覺得呢度真係又平又好喇... 900幾yen嘅set已經有tuna belly...喺香港, $90先啱啱夠去miso度叫1件toro, 仲要未計service charge添!

我地叫左2個lunch set, 1個天婦羅, 再加1個手卷....其實都幾多, 不過真係好好味..所以食左先算啦...

好攪笑, 個壽司司傅見到我食晒咁多野, 仲讚我勁...其實我估佢1定係嚇親!

　

比$嘅時候好神奇, 我都冇講出過聲個cashier就問我係咪香港人! 勁!

p.s.返到黎寫食評我先知呢間野係連鎖店, 不過我之前喺東京就冇食過...

每人消費: 約2200日圓
評分: 味道5 服務4 環境4 衛生4 抵食5

檢舉此評論

回到頁首

"十勝和牛" set 10個好味!

2010-12-23

かに家 (札幌)

其實1個set有成10,11樣野, 有好多影唔晒..

生食熟食都咁好味架...

呢個set只係4800 yen咋, 仲要有好多野添...

釀蟹蓋

食海鮮梗係要飲d酒啦...

好味...

呢碗粥好好味, 仲有蛋花添...

出發之前睇旅遊書同討論區, 見到有好多唔同嘅食蟹舖頭, 間間都有人話好同唔好...所以我一去到薄野就決定自己去視察下..睇下邊間多人似樣d...

最後去到かに家, 雖然佢明明同かに將軍同group...但係我見かに將軍門口有一班遊客擾攘緊(可能係好多中港台旅遊書介紹, 所以比較多遊客) 所以我就決定去かに家!

一入到去就有人帶我地上3樓, 去到3樓門口就換拖鞋... 跟住就帶我地坐低啦...好滿意, 環境好好...同埋3樓全層都係本地人! (我唔係唔鍾意見到香港人, 不過如果間舖淨係多遊客好可能只係旅遊書效應, 要多日本人先証明d食物真係好味!)

我打開menu, order左2個set, 1個食蟹, 1個食牛, 再加1個啤酒, 1個清酒!

好快就有個waitress黎set檯, 我地有2個鍋, 1個煮菜 (呢個鍋最後仲會用埋黎煮粥), 1個煮牛...

蟹就一如既往咁好味啦. 同平時喺蟹道樂食差不多...其實只要d蟹新鮮點整都咁好味架啦! 至於個"十勝和牛" set真係嚇死我...好味到暈低咁滯! 呢度食野真係好好, 有個waitress喺度幫你煮埋, 食得就夾埋比你, 所以一定唔驚d野overcook... 其實碟和牛上檯已經見到d雪花好靚, 但係我冇諗過就咁水煮都可以咁好味...wow!

食晒d 主菜個waitress就開始煮d菜, 蘿蔔, 豆腐..等等, 全部都好大portion! 因為我其實都幾鍾意食菜, 所以我覺得好好味...但係有d人如果入去淨係打算食蟹呢, 就應該揀d淨蟹set囉!

最後食完仲有個甜品添, 有1個係雪糕, 另1個好似係桂花糕!

我下次1定要再黎食和牛呀!!

每人消費: 約6500日圓 (晚餐)
評分: 味道5 服務5 環境5 衛生5 抵食4

檢舉此評論

回到頁首

4 個留言 | 加入你的留言

辛苦到暈嘅北海道7天遊... (日本)
(旅程日期: 2010-10-21 至 2010-10-27 , 旅程性質: 消閒度假)

整個旅程 (共2篇遊記)

分享至Facebook

遊記 : 第1日 - 第3日

發表日期: 2010-11-10

今次係我第一次去北海道(真係大鄉里), 亦都係歷年來最冇計劃嘅一次旅行, 因為我出發前幾日見到asiamiles有飛換先決定去, 2日前先揀酒店, 仲要係同嫲嫲去...我1個人搬2個人行李, 搬到周身骨痛, 腳又瘀晒咁...辛苦到暈低!

由於同老人家去, 我唔敢去太多地方,費事太exhausting...攪到好唔盡興, 所以我1月要再戰北海道!

第一次住民宿, 非常乾淨...

2010-11-10

Pension yumekukan 夢空館 (函館)

民宿外觀

要行呢條樓梯, 好彩我冇拖喼..

食早餐嘅地方

我間房...

浴室

洗面盆, 同埋有塊全身鏡..好方便

owner自己畫嘅地圖

其中1日早餐..

考慮左好耐先決定book呢度, 因為住呢度2個人每晚要10,800 yen, 貴就唔算貴,但係其實呢個價錢喺日本已經可以有好多選擇 (尤其係而家有好平好方便嘅樂天同jalan啦)

最後決定book呢度係因為我未住過民宿, 好想試下...同埋見到呢間酒店rating好高...

第1日check in嘅時候, 1入門口就覺得ventilation好差, 入到去有d好侷好難聞嘅味...不過check in之後聞慣左....個owner好nice咁教我點坐巴士上函館山睇夜景, 跟住就帶我上房!

我book左唯一一間有shower嘅房, 比普通房貴1,000 yen一晚, 如果我自己1個人就唔介意用shared bathroom, 不過同老人家呢...貴少少就算啦!

間房好乾淨, 1粒塵都冇! toilet同毛巾都係我鍾意的粉紅色, 個shower仲有按摩功能添...個電視就有d細, 同埋房好似冇wifi! (不過唔緊要,因為我部電腦放左喺札幌) 房入面有個heater, 有冷氣（不過封左), 有個唔work嘅迷你雪櫃...走廊仲有d茶包咖啡朱古力可以自己沖!

至於早餐, 網上面d comments話個owner煮野好好食, 我就覺得佢煮野係幾好嘅, 不過冇d人講到咁impressive! 佢煮嘅係比較西色嘅早餐, 有多士, 意粉, 蛋, 沙律等等...仲有miso soup...飲品就可以揀茶同咖啡! 而夜晚落樓下, 佢亦都會provide evening drink, 有1杯飲品, 1件cake! (呢樣我幾鍾意, 可以夜晚整杯凍啡!)

仲有1個優點就係夜晚週圍非常靜, 正常人一定唔會訓唔著(除左我之外)!

我喺呢度住左2晚, check out果陣個owner好熱情咁送我地出門口, 我本來想同佢影張相, 不過實在太多行李,太似走難喇....所以冇影到...睇下下一次去函館會唔會住呢度啦!

每晚價錢: 10800日圓 (雙人房)
評分: 設備3 服務5 環境4 衛生5 抵住3

檢舉此評論

回到頁首

今次竟然覺得燒魷魚最好味... ok喇

2010-11-10

海鮮俱樂部@西波止場 (函館) (函館)

呢杯係asahi

佢把蟹剪好鬼勁, 下次要買返把返hk食大閘蟹..

湯..好似話幾好飲喎..

毛蟹...

呢個係我嘅飯..ok啦..

10個好味呀!

朝早喺朝市同車站果邊行左半日, 夜晚費事行再行返出去食飯..所以就近近地去西波止場睇下有乜野食!

離遠見到咁光以為好多食肆, 點知原來係間好大的手信店, 乜都有得賣, 不過我已經喺朝市買晒! 舖頭隔離係間拉麵店, 但係我朝早先食完拉麵, 所以我死心不息咁再上樓上睇下, 終於比我見到呢間食海鮮嘅餐廳...個menu仲圖文並茂添!

由於我臨上黎之前見到對面街有旅遊書介紹嘅Lucky Pierrot..所以我決定喺"海鮮俱樂部"食住少少野先, 留肚再買burger返酒店食! 我地2個人, 叫左1杯啤酒(我冇份飲), 1碗湯, 1碗刺身飯, 1隻燒魷魚, 1隻毛蟹! 叫隻蟹果陣我本來指住個menu話要隻2,000 yen嘅, 點知個waiter話今日有d 1,800 yen, 所以又平到少少! 隻蟹好食 (不過唔夠我之後買返hk果隻咁好), 刺身飯都ok, 反而個燒魷魚最impressive, 魷魚上面有d薑, 有d荵, 仲有d蝦膏...真係超好味! 我1向都鍾意食魷魚, 不過只係鍾意sashimi, 第1次發現原來燒都可以咁好味, 仲要只係480 yen! 如果唔係食唔落真係想encore呀!

食咁多野埋單只係4,720 yen咋.超抵!

食食下隔離檯2個日本人好熱情咁同我地傾計, 不過我唔知佢講乜...遲d有時間要學日文先得!

推介菜式: 燒魷魚
每人消費: 約2400日圓 (晚餐)
評分: 味道4 服務3 環境3 衛生4 抵食5

檢舉此評論

回到頁首

名過其實...

2010-11-10

Lucky Pierrot (函館)

有d swing seats...

我就係叫呢個no.1喇

之前睇旅遊書介紹, 話呢間burger好好味, 又話有時大排長龍...所以我好大期望咁留肚食!

我見佢有咁多款burger好難決定, 所以order人氣no.1的chinese chicken burger, 350 yen! 睇個名應該係用中式方法煮雞再變burger啦...我地仲叫左杯雪糕, 不過我冇份食! 因為佢個包係即叫即整, 所以可以好好人咁幫我一開二, 方便share!

我行到返酒店先食個包, 但係覺得呢個burger真係超級普通, 可能中國人唔應該揀返d中國煮法會好d...但係1st impression係mos burger好味好好好好多囉!

下次再見到呢間野,我可能會食多一次,比多次機會佢!

每人消費: 約350日圓 (晚餐)
評分: 味道3 服務4 環境3 衛生3 抵食4

檢舉此評論

回到頁首

好多野食, 好多野買...

2010-11-10

函館朝市 (函館)

呢間就係吉岡食堂..

呢個好味...1,500 yen..

呢個係貪平先叫, 好似每隻400 yen

呢個都好好味, 好似1,000 yen... 好大隻..

呢檔就係人地介紹嘅鮑魚喇..

好細隻...

前一晚嚟食完晚飯, 不過d舖頭閂晒, 所以第2朝再嚟行過.. 睇下有乜野食同埋買! (我好想1個人食1隻大蟹呀!)

首先我地去到吉剛食堂, 呢間主打炭燒野,如果唔想炭燒可以就咁sashimi! 我地就要左炭燒鮑魚, 2隻蝦, 同埋唔知北寄貝定乜野貝, 仲有1罐啤酒! (早餐飲啤酒真係好離奇) 除左隻蝦麻麻地之外 (我覺得係overcooked) 其他2樣都好好食...仲要個portion都ok大 (即係唔係每人得1片啦), 由於我地出嚟已經食晒民宿個早餐, 所以已經飽飽地! 呢度埋單係3千幾yen!

跟住撞到好nice嘅香港人夫婦, 佢地同我講話隔離街有檔燒鮑魚仔再好食d, 1,000yen 3隻...於是我地就行1陣再食過!

呢個朝市好多野行, 不過主要係賣食物...我買到好多野...例如魷魚飯啦..粟米啦..麵啦..燒三文魚啦...雖然呢d野就好多地方都有...但係呢度平好多嘛!

行個大圈之後, 就返去人地介紹果檔野度食鮑魚仔喇... 又係即叫即燒...講味道我就覺得2檔差不多, 不過我鍾意大鮑魚多d...話晒都貴d啦..!

食完飽魚之後, 初初打算去行1陣車站附近果2間百貨公司再返去朝市食蟹架...不過行完街之後我2隻手起碼有10幾個shopping bags...結果要即刻返民宿, 所以冇食到蟹...好失望ar..邊有人去北海道冇大蟹食架!

推介項目: 食蟹...食蟹...食蟹
參觀時段: 早上
評分: 值得去5

檢舉此評論

回到頁首

我愛海膽....

2010-11-10

うにむらかみ (函館)

門面, 不過好黑ar...

本來想坐呢d, 不過reserved...

心愛嘅海膽

1個人食晒都幾爽架....

初初未發現係海膽..

撈起之後...

好好味嘅魚

搵左好耐都搵唔到呢間野, 因為夜晚D舖頭閂晒, 呢度又燈都冇盞...結果係問路,等人帶我嚟!

入到去見到放晒reserved牌已經覺得冇揀錯地方, 除非係d超平食肆, 如果唔係我信多本地人去嘅餐廳通常都穩陣!

打開個menu, 初初想要海膽飯, 但係又想食三文魚子喎, 於是就雙拼啦! (後尾先知自己笨, 隔離檯同後面檯個個都係淨海膽, 應該跟風!) 跟住仲叫左半條魚, 1個粥, 仲有1份1-2人份量嘅刺身!

嚟到嚇死我, 我叫嘅時候已經個粥係普通嘅粥, 點知竟然係海膽粥, 仲要唔係1碗, 係1鍋! (即係2-3碗) 超好味, 第1次食海膽粥咁奢侈!

我個飯就當然非常好味啦...碟sashimi 9成都係我食嘅...超好味! 朝市食嘅刺身真係新鮮d 喎...
我幾後悔冇叫2-3人份呀, sashimi我食得晒架!

至於條燒魚亦都好大條, 680 yen...又好味!

埋單好似6千幾yen...簡直超值呀!

p.s.其實佢地方好乾淨, 不過因為冇toilet, 環境就扣少少分啦!

推介菜式: 海膽飯, 刺身
每人消費: 約6000日圓 (晚餐)
評分: 味道5 服務4 環境3 衛生4 抵食5

檢舉此評論

回到頁首

夜景係靚, 不過我唔識用個相機...乜都影唔到!

2010-11-10

函館山 (函館)

由車站去函館山, 大概20-25分鐘, 巴士上面沿途有人講解...架車超多人, 好多人冇位坐企響度...

開始上山果陣, 已經睇到少少夜景, d人喺度嘩嘩聲,好攪笑! 上到山頂已經有好多旅遊巴喇, 仲有東瀛遊架車添! 不過個山頭唔係好大, 其實唔會逗留到好耐, 因為唔係360度都睇到夜景!

我好快就發現我部相機根本乜都影唔到, 所以轉戰入面嘅手信店, 睇下有乜野可以買比自己先!

結果都買到唔少野wor, 差不多全部都係食!

anyways, 我覺得呢度其實幾靚, 同埋幾舒服, 好好風! 希望下次再黎果陣我學識影相啦...

參觀時段: 晚間
評分: 值得去4

檢舉此評論

回到頁首

2 個留言 | 加入你的留言

台北 (10年3月) (台灣)
旅程性質: 消閒度假

整個旅程 (共1篇遊記)

分享至Facebook

遊記

發表日期: 2010-11-05

本來2年前去過台北之後我話以後都唔去台灣, 因為我覺得台灣d地方實在太污穢喇, 只係比大陸好少少! 不過今次因為同屋企去, 太多人只可以去近近地...所以唯有再去多次...

成個trip都係食食食...幾乎冇觀光! 去完呢次, 我依然唔覺得台灣d野特別好食, 只可以叫做ok 同埋好平...同我心愛的日本爭得太遠喇!

p.s.因為已經係半年前, 我已經唔記得晒自己去過邊(話晒台灣都唔係好值得記),連d相都唔見埋...所以得返幾個地點...

以佢嘅價錢嚟講算ok ...可以再乾淨d ok喇

2010-11-05

捷絲旅西門町館 (台北, 西門)

間房好長架..

洗手盆喺門口位

用黎上網嘅檯

酒店早餐

呢次去台灣真係勁平, 4日3夜連機票(長榮)連稅先係$2500..所以我估呢間酒店其實係超低價嘅!

check in嘅時候,第1個印象係呢間商務酒店lobby好細, 做野好混亂...堆左1堆人喺reception唔知想點!

之後入到房, 估唔到間房都幾大幾長, 有張長檯比你上網 (好似以前library果d), 另外shower同toilet係分開嘅, 呢樣我覺得幾好! p.s.張床仲好舒服添...舒服到我屋企人走嘅時候買左2個酒店枕頭返屋企!

唔好嘅係間酒店表面好乾淨, 但係個冷氣出風口舖晒好厚嘅塵...我已經係大近視, 但係我每晚訓覺望住個天花板都望到d塵...唔知點解而家d商務酒店好多都係咁, 得個殼! 比人見到嘅地方先會乾淨, 覺得人地見唔到嘅就求其!

所以如果再去台灣 , 我應該唔會住呢度!

評分: 設備4 服務3 環境3 衛生2 抵住4

檢舉此評論

回到頁首

好多肉, 不過幾好味..

2010-11-05

熊一燒肉 (台北)

呢間野係1個當地人推介我地去嘅...價錢係399台幣, 任點任食, 有燒肉同火鍋...不過我地就加100台幣要d靚d嘅肉同埋少少海鮮!

佢個menu圖文並茂, 要order就叫d服務員過嚟take,好方便...

另外有飲品,菜, salad bar,泡飯同埋雪糕呢d就放喺出面，自己搞掂...

雪糕係haagen dazs,movenpick, 仲有meiji...

佢d肉同海鮮其實都好多選擇, 味道就ok啦, 再加埋d waiters非常helpful, 成日走埋黎幫手燒...我覺得絕對好過hk某幾間主打做燒肉嘅日式餐廳呀....再加埋折合港紙加埋一都唔洗150蚊...非常抵!

所以呢間野可以再去!

每人消費: 約499新台幣 (晚餐)
評分: 味道3 服務4 環境3 衛生3 抵食5

檢舉此評論

回到頁首

1次就夠...

2010-11-05

福州新利大雅餐廳 (台北)

睇樣已經唔得啦.

屋企煮野個樣仲靚過佢

呢碟係唯一ok嘅

好唔吸引嘅海鮮鍋

呢間飯店係台灣人帶我地去架...
一入到去見到staff多過客已經知好味極有限... 好似得3,4張檯有人!

我諗係得我地先會喺台北食福州菜囉...

叫左唔係好多野, 因為要留肚食街邊野...d野食嘅賣相嚇死人呀..好似屋企煮飯咁...又唔靚啦...味道亦都10個唔得...

我覺得呢間野真係1次都嫌多!

我唔記得食左幾多$, 不過我記得都唔係特別平架, 好似係1般酒樓價!

評分: 味道2 服務2 環境2 衛生2 抵食3

檢舉此評論

回到頁首

睇花行...

2010-11-05

陽明山國家公園 (台北, 北投區)

呢d糖我買完返去唔記得食...

我冇食, 不過好似話冇味架.

本來冇打算去陽明山, 不過行街果陣無啦啦有個馬來西亞人走黎話啲花好靚，又話成個花海咁，叫我地去睇下。。
於是我地第2日就山長水遠坐完捷運仲要坐巴士咁去睇花...去之前我expect d花係好似日本咁...成個山頭都係...
結果真係失望到暈, d花大部份都係一盆盆...極其量只可以叫做1堆花盆堆埋一齊...
個山度係有少少花, 不過望埋去都係普通翠綠的樹多d囉...

唯一嘅得著係喺山頭飲左杯即磨咖啡, 味道ok啦..好過冇咁啦!

參觀時段: 全日
評分: 值得去2

檢舉此評論

回到頁首

0 個留言 | 加入你的留言

新加坡 (10年7月) (新加坡)
旅程性質: 消閒度假

整個旅程 (共1篇遊記)

分享至Facebook

遊記

發表日期: 2010-10-11

因為未嚟過新加坡, 而且而家d人又咁興去呢度, 見cx holidays有平package, 我地咪嚟湊下熱鬧囉! 初初以為會有d悶, 點知原來都ok...d野仲幾好食添...爭d食到行唔郁ar..

令我非常滿意嘅酒店

2010-10-11

Mandarin Oriental Hotel Singapore (新加坡)

最初book package嘅時候, 我仲想湊下熱鬧住去santosa果邊新開嘅festive hotel...
後來覺得佢有d貴, 所以最後揀mandarin...穩穩陣陣...

check in嘅時候已經覺得service好好, 因為我地比check in時間早左好多, 佢都照比房我地..

上到房的時候, 更加估唔到有seaview, 同埋可以望到魚尾獅像...

酒店服務非常好...佢地1日執好多次房架...幾乎係你出去1,2個鐘再返黎佢都會再入黎執下...總之間房就唔會有機會亂...佢地連衫都接埋...

個泳池亦都好鬼正, 側邊有晒凳同床比你訓, 晒下太陽...超爽呀..

我下次再去singapore都會住返呢間酒店, 我想試埋今次冇試到的spa...!

每晚價錢: 300新加坡元 (雙人房)
評分: 設備5 服務5 環境5 衛生5 抵住4

檢舉此評論

回到頁首

好舒服, 平過hk jurlique

2010-10-11

Spa@Jurlique (新加坡)

見旅遊書話singapore做spa好出名, 所以出發前做定research..睇下邊度多人推介...
但係討論區又見唔到好多人講喎, 於是我就要靠估! 初初想試酒店嘅spa, 但係mandarin嘅spa果然係5星級嘅價錢呀, 我又冇乜$喎,唯有去平d嘅jurlique啦! (之前喺hk有去過jurlique spa度做massage, 好舒服, 不過好hardsell)

新加坡jurlique個女仔好好人ar, 我未出發已經send定email去做booking, 我改完時間又改treatment, 又問路, 來來回回10個8個email佢都好helpful!

去到果陣佢首先比茶我地飲, 跟住會比幾種香薰油我地揀, 仲會講明每種油嘅功效, 我求其揀左隻香嘅! 我揀個treatment係herbal mud body wrap + sea salt glow + aromatherapy facial..
做sea salt glow 好舒服, 跟住要去沖身 (treatment房入面有shower room) 做body wrap果陣有少少痕, 之後要再沖身..會有少少massage, 跟住先做facial...大概2個半鐘, 成個過程都好relaxed....不過呢, hk jurlique spa嘅treatment room係全海景嘅同埋好鬼大嘅,呢度就爭d...呢度好似普通美容院嘅facial 房大少少咁...

以1個唔算貴嘅價錢做度咁多野我就覺得都ok....但係最正嘅spa我仍然覺得係hk嘅半島酒店...
做嘅treatment係差不多, 但係環境再好9倍... 當然價錢都係成正比啦...

入場價錢: 每人300新加坡元
評分: 值得去4

檢舉此評論

回到頁首

出名嘅文華海南雞飯

2010-10-11

Melt@Mandarin (新加坡)

個水杯好靚

幾好味...

之前上網見到好多人讚嘅海南雞飯, 1場嚟到再加埋住呢度就梗係要食下啦...所以我地1 check完就落去餐廳食 (後尾先知道呢間餐廳其實係我地每日食早餐嘅地方)

1坐低個waiter就走嚟問我地a la carte定係buffet...但係佢話buffet其實仲有15分鐘就完!
咁我地3個人, 就order左2個海南雞飯啦, 1個炒貴刁啦... d食物未嚟果陣有碟熱辣辣嘅蝦片食住先...

首先酒店地方就梗係乾淨又靚啦, 又有晒table setting! 而且碟飯好似28蚊, 即係hkd 100蚊多d...我覺得係合理價錢....

至於d食物, 個海南雞飯我覺得賣相好靚, d飯都好香! 但係我唔係食家, 我食唔出同hk好少少嘅雞飯有乜分別! 不過佢2碟都係比雞胸肉, 我鍾意ar! 貴刁呢, 我喺hk冇食過, 所以比較唔到! 不過呢, 佢都幾夠味同埋唔會好油! 幾ok!

雖然overall幾好, 但係我又唔係好明點解d人會特登嚟食....除非係食環境啦...

每人消費: 約30新加坡元 (午餐)
評分: 味道4 服務5 環境5 衛生5 抵食4

檢舉此評論

回到頁首

好好好味..

2010-10-11

Newton Food Centre (新加坡)

food court外圍

呢碟唔知係乜野菜... 都ok.

胡椒蟹 - 好好味

燒蝦都好味.

蠔餅- 我鍾意潮州煮法多d..

第1次食魔鬼魚...

去新加坡梗係要飲tiger啦..

其實喺香港我係絕對唔會食呢d 大牌檔feel嘅food court...不過去旅行就可以試1試...

佢其實係由好多間舖頭組成, 可以去唔同舖頭order (但係其實個menu係間間都1樣), 再同佢講檯號, 跟住佢煮好就會送過嚟!

至於個環境就乾淨過台灣夜市少少啦...

我地order左幾樣野, 樣樣都好好味...好有鑊氣ar...同埋唔貴! 尤其係胡椒蟹, 第1次食真係估唔到咁好食

...同埋第1次食魔鬼魚, 我從來都唔知魔鬼魚係食得架...

overall當然好ok啦 (仲平過mandarin餐海南雞飯), 我鍾意佢洗手盆比人洗手.... 不過呢, 到走果陣等成半個鐘先等到的士, 有少少唔方便ar...

每人消費: 約25新加坡元 (晚餐)
評分: 味道4 服務2 環境2 衛生2 抵食4

檢舉此評論

回到頁首

一次就夠..

2010-10-11

黃阿細肉骨茶 (新加坡)

呢間野咁有名氣梗係要去下啦, 我以前未食過肉骨茶....所以好大期望!

我地1早去完魚尾獅象就坐的士嚟, 去到門口已經有人等緊, 我地登記完之後幾分鐘就入得...不過要坐外面!

一坐低嚇鬼死我, d檯凳都油淋淋, 檯邊有茶壺比你自己沖茶, 但係太污穢喇, 我寧願比$飲汽水! 以前d人成日話新加坡好乾淨, 吹水!

我地3個人, 叫左1個招牌肉骨茶$5.5, 1個招牌混合肉骨茶 $7, 2個的分別就係舊肉唔同, 我其實係唔食d肉嘅, 所以2兜都一樣..不過d湯就幾好味同埋有得refill... 菜就1般啦...

我覺得可以1試, 不過1次就夠....

推介菜式: 肉骨茶
每人消費: 約10新加坡元 (午餐)
評分: 味道3 服務3 環境2 衛生1 抵食3

檢舉此評論

回到頁首

只係mandarin的10分1價錢!

2010-10-11

天天海南雞飯 (新加坡)

food centre環境

望落去2碟差不多size

呢兜野喺隔離舖order..

去完mandarin食海南雞之後食返間平野先, 喺旅遊書見到話呢間係必食店之一, 再加埋佢只係2.8 1碟, 梗係要去啦...

去到maxwell food centre, 覺得ventilation唔係幾好, 有d焗ar...

我地坐低之後就去天天買野, 我地行過晒咁多條巷, 天天係唯一一間排隊食肆...梗係啦...$2.8咁平!

我地3個人要2碟, 1碟大1碟細,仲有1碟菜...大碟就$3.3, 細碟就$2.8... 仲有埋湯添...抵到暈...

佢setting冇文華咁靚,放得冇咁靚, 同埋佢d雞係冇皮嘅...當然亦都唔算乾淨同埋要自己捧啦...
但係味道okay..有雞味! 但係我仍然覺得唔算超好食...不過以$2.8的價錢, 已經係超值! 我下次會再嚟!

每人消費: 約3新加坡元
評分: 味道3 服務2 環境2 衛生2 抵食5

檢舉此評論

回到頁首

好好味, 1定會再去...

2010-10-11

無招牌海鮮 (新加坡)

香檳雞..好味

胡椒蟹..

扇貝

蒜容蝦..冇開邊不過都好味

翅..好味..不過要30蚊1盅

牛油蟹

菜...

tiger

去完newton food centre之後, 決定再食多次胡椒蟹...上網見到好多人話呢間好食, 就去呢度啦...

我地喺酒店搭的士去, 15分鐘就到...當時6點幾已經好多人!

我地打開menu, 見到樣樣都好想食...所以每樣都叫d, 有胡椒蟹啦, 牛油蟹啦, 蝦啦, 扇貝啦, 菜啦, 有個香檳汁嘅雞啦 (酸酸地好好味) ,翅啦..不過因為太好味, 成檯野全部都食晒!

埋單大概260蚊. 咁好味, 好抵ar! 我下次1定會再黎, 食埋今次未食到的野…

每人消費: 約87新加坡元 (晚餐)
評分: 味道5 服務3 環境4 衛生4 抵食4

檢舉此評論

回到頁首

durian lover 1定要試...

2010-10-11

101花果山 (新加坡)

我非常鍾意食榴槤...第1次見到咁多唔同品種, 都唔係好識揀...所以叫個店員幫手揀...

後尾佢幫我地揀左1個細嘅, 20蚊....佢話2個人食應該ok! (但係其實我想食個大架

)

$20嘅榴槤其實係貴過香港, 但係冇計...hk 冇咁多款....又冇咁好味...

我坐喺佢前面d檯度食, 打開得6,7舊....實在太少喇! 不過全部都好好味..好濃味! 點知仲比我見到隔離檯d當地人係1人1個捧住食...羨慕死人喇!

本來想買多1個架..不過已經食唔落!

推介菜式: 榴槤
每人消費: 約10新加坡元 (下午茶)
評分: 味道5 服務3 環境3 衛生3 抵食3

檢舉此評論

回到頁首

Weekend Champagne Brunch - 正!

2010-10-11

Dolce Vita@Mandarin (新加坡)

望住泳池食野

喺酒店個website度見到有2間餐廳都有brunch, 所以打算試下...初初想試MELT個international seafood buffet, 不過日日都喺MELT度食早餐, 已經有d悶...所以就試dolce vita...呢間話係michelin chef嘅餐廳...

間餐廳隔離就係泳池, 好好view!

佢係a la carte咁order野食, 佢首先比前菜個menu你, 會逐樣逐樣上, 如果你中間有邊樣想再order or 想skip就同佢講... 而d 前菜大部份都好好味,好精緻....有鵝肝,caviar..等等...

同時呢個brunch亦都包飲品, 有juice啦, beer, 紅白酒, champagne都有... 全部都係unlimited refill...

跟住就係main course, 有10幾款...因為實在太多喇... 我地叫佢每份都係要正常的1/3 portion, 個waiter好好人, 堅持話希望我地每樣都試真, 所以要出返咁多...結果全部都食唔晒...
不過全部都好好味....

跟住仲有dessert, 今次冇main course咁多喇...2,3款to share...

呢間野令我第1次覺得鬼佬野都原來幾好食wor, 我下次1定會再去! p.s. 佢d服務真係好好, 9唔9走過黎問下你d食物o唔ok呀...etc... 好滿意

每人消費: 約138新加坡元
評分: 味道5 服務5 環境5 衛生5 抵食5

檢舉此評論

回到頁首

7 個留言 | 加入你的留言

台南,高雄 (10年5月) (台灣)
旅程性質: 消閒度假

整個旅程 (共1篇遊記)

分享至Facebook

遊記

發表日期: 2010-09-29

呢次係無無聊聊去嘅旅行, 因為3月先去完台北, 見唔係好貴又有時間, 所以再去高雄,墾丁...
原來5月去台南係好鬼熱架...我幾乎比太陽曬熟...

location唔係幾方便, 酒店就不過不失啦... ok喇

2010-09-29

蓮潭國際會館 (高雄)

lobby

門口

有ucc飲..

食早餐的餐廳

酒店有個水池..

因為我地呢次係即興, 出發前一日先book酒店...市中心的酒店都book唔到, 1係就要book到成2000蚊港幣一晚...所以我寧願住偏僻少少, 的士出入...結果呢間野agent幫我book到, 大概500 1晚, 包早餐...(個早餐仲要係幾豐富架)

聽晚間酒店係新開, 入到去見佢都算新淨嘅, d 服務員都識英文&有禮貌...
不過同行嘅姑丈隻腳比虱咬到成腳都係, 所以佢後尾就換左房...

酒店附近都有d野行下架...有蓮池潭風景區同埋瑞豐夜市...

因為我地去果陣天氣太熱, 我地日日都係酒店的士來回, 費事行...我1 check-in完去行風景區果陣已經熱到狂滴汗...

其實佢各方面都ok, 不過我覺得ventilation唔夠好, 因為我地隔離房有個外國人食煙, d煙味飄晒過黎好耐都唔散...

呢度有免費上網, 不過就要插線囉...冇wifi...

每晚價錢: 2000新台幣 (雙人房)
評分: 設備4 服務4 環境4 衛生3 抵住3

檢舉此評論

回到頁首

叫乜冇乜..不過味道ok.. ok喇

2010-09-29

中菜廳@蓮潭國際會館.. (高雄)

呢個好味, 賣相又靚靚地

呢個超鹹

本來打算去食酒店個海鮮buffet, 我見好多人食又唔係好貴..但係食完lunch去到夜晚仲係好飽,所以求其落去中菜廳食...

我地8點幾落到去, 已經差不多收工...我地睇menu叫左幾樣野都話冇. 跟住後尾索性個waiter去睇下仲有d乜..我地就求其叫左以下幾樣:

叉燒 - 好好味, 夠瘦, 又切得靚.
西蘭花班片 - ok啦.
唔知乜野菜 - 好似煮唔熟咁. 咬落去有聲架...不過都ok.
蟹肉粉絲煲 - 好鹹...
白飯 - 完全係凍嘅, 我地叫佢換d暖嘅飯, 佢話如果要暖就要再煲過....所以後來冇收到個飯$

呢度就同好多酒店一樣, 係check out先比$嘅
我地咁樣食大概1200台幣....唔算貴, 同hk出去食小炒差不多價錢啦...

每人消費: 約300新台幣 (晚餐)
評分: 味道3 服務4 環境3 衛生4 抵食4

檢舉此評論

回到頁首

成個台南, 我比較鍾意就係呢個地方..

2010-09-29

旗津 (高雄)

我地坐船過對面鼓山, 不過架船焗到我死咁滯...

呢個天后宮唔知點解好多後生仔女拜緊神..

踩單車

呢個時候我仲以為上去砲台係平路黎架...

行到1半開始有d風, 不過我已經索晒氣

因為我太懶嘅關係, 我地去台灣咁多日都係包架的士周圍去...一次捷運都冇坐過...
包車一日大概係2000台幣, 簡直係超平...另外要供應埋司機的午餐,晚餐咁啦...

我地去到旗津之後見到人地沿海踩單車好似好舒服咁, 於是我地又去租單車踩, 踩果陣都有d驚架...因為有d路要踩到出馬路..而且仲要好多車添...2個鐘之後我地去還單車,因為睇旅遊書介紹話旗津港食海鮮好抵, 所以我地就叫單車店果個人介紹..佢指完比我地睇我地就即刻去食喇...話晒踩完咁耐都有d餓....

我地4個人, 叫左蝦, 蜆, 菜, 蟹, 炒飯, 仲有湯..非常飽.. d海鮮ok啦, 但係我覺得都係hk d海鮮正d... 不過呢, 餐廳果個人好好人, 我地食完之後本來已經行左出門口, 點知突然間落大雨, 佢叫我地入返去避雨...

停雨之後,我地就去d景點參觀, 有砲台呀..燈塔呀..廟咁啦...全部都係山路, 行到我死, 雖然上到頂之後就幾好風...但係總括黎講都係好辛苦...

我覺得呢個地方值得黎...都幾靚架...

評分: 值得去4

檢舉此評論

回到頁首

有時間可以去下... ok喇

2010-09-29

台南一天遊.. (台南)

第1次見人出海打魚..

呢個地方係好似hk的科學園咁..

呢度好似幾靚咁..

佢就係車我地週圍去的司機喇.

棺材板 - 好好味架.

呢堆唔知係乜.

有班人唔知拜完神定燒完砲仗...成地火.

上次去台北見到呢d成200幾蚊hkd唔捨得買..今次平7成..

我地臨走果日因為夜機有好多時間...所以就決定去台南...
由酒店去台南都幾遠, 我1上車就訓....爽ar...

其實台南我就覺得冇乜野睇, 有d 花花草草, 有個海影下相咁囉...
仲有d景點既..但係熱得滯我冇行到上去...

不過呢...台南買個棺材板同d蝦片都幾好食, 我本來買蝦片返hk做手信, 點知2包都自己食晒...

評分: 值得去3

檢舉此評論

回到頁首

呢個水族館好值得去..

2010-09-29

國立海洋生物博物館 (屏東)

熱到死...

Tuna

呢隻魷魚識噴水架..

隻蟹好得意, 好細隻.

兒童遊樂場

d魚係咁轉圈, 好攪笑

因為我非常鍾意動物園同水族館, 所以我喺旅遊書睇到介紹已經決定要黎...

入面好鬼大, 分幾個展區, 除左真係去睇魚之外, 仲有d educational嘅野...又有d標本...
我地見到好多中學生跟學校黎參觀, 如果hk都有呢d博物館level嘅水族館就好喇...雖然海洋公園個水族館都唔錯, 不過可以大返d spacious d 就更好!

不過呢度真係好好好熱, 我地行完幾個鐘之後上返的士, 架車熱到好似著火咁...

參觀時段: 全日
評分: 值得去5

檢舉此評論

回到頁首

not for me...

2010-09-29

墾丁 (台南)

竟然有d爛到咁的渠..

好耐之前就成日聽人講墾丁好靚...話陽光與海灘好relaxing...

於是我今次去海高雄就順便黎睇下...
一落車見到藍天白雲, 天氣好好...仲見到好多人衝浪同埋玩香蕉船...
我唔識游水又怕死所以乜都唔敢玩... 不過呢,作為1個遊客, 我覺得成個地方都好似好落後..好發展中咁.

但係如果淨係玩水上活動, 佢個海灘又唔夠靚唔夠乾淨wor...d路好凹凸不平, 同埋好多泥濘ar...
連個proper d的changing room都冇... 要比幾十蚊台幣去d舖頭租...好大陸ar..好似上大陸去toilet要比$咁...

如果要游水要望海, 可以有好多選擇... 所以我應該唔會再黎...

評分: 值得去2

檢舉此評論

回到頁首

0 個留言 | 加入你的留言

東京 09年8月 (日本)
旅程性質: 飲食購物, 消閒度假

整個旅程 (共1篇遊記)

分享至Facebook

遊記

發表日期: 2010-09-28

呢次係家庭旅行, 家庭旅行梗係去大家都非常鍾意的日本啦...
今次係食同玩...冇乜買野!

整體ok...

2010-09-28

東京凱悅酒店 (東京, 新宿區)

上年家庭旅行黎東京...因為見到呢間hyatt regency做緊promo咁鬼平..就決定住呢間...

佢其實location唔算方便,夜晚附近又冇乜街行,不過勝在有20分鐘一班嘅shuttle bus...

我個package本身冇包早餐, 我覺得貴又冇加到, 我地喺呢度住7晚, 我竟然到第6日先發現原來酒店嘅早餐係免費嘅,只要你入左會就得喇....話唔知去幾多樓show張member card就有d麵包,餅..同埋咖啡等等....當然如果入會你仲可以用埋佢嘅泳池...etc啦...

住呢度最好嘅係差不多所有staff都講流利英文,問乜都冇問題呀..同埋我有幾次買完好多野打算返酒店放低先再出去食飯, 咁我一落車未開聲,酒店d staff已經好主動走埋黎話幫我send上房,好helpful, 咁我又可以坐返同一班shuttle bus出去食飯喇....

不過其中一日,佢地執房嘅時候錯手掉左我一樣好緊要嘅野,簡直晴天霹靂ar...我即刻衝落去complain...後尾個concierge話比我知佢地d酒店垃圾其實會keep幾日...所以仲有轉機...
結果大概1,2個鐘,佢地響垃圾入面搵返我舊野返黎, 仲話徹底清潔消毒過...仲係咁apologize...
咁我當然明白佢地係1時唔小心架啦...咁梗係算數啦...

不過呢,作為1間5星級酒店,真係應該小心d囉...

評分: 設備4 服務4 環境4 衛生5 抵住4

檢舉此評論

回到頁首

有得玩有得食...

2010-09-28

釣り船茶屋ざうお (東京, 新宿)

喺旅遊書見到介紹呢間野,好似好過癮咁..所以黎玩下...
一入門口已經覺得個裝修好特別,成隻船咁...
首先要同職員講我地要釣魚, 有工具之後就可以去出面釣喇....個魚缸指示好清楚, 講明每種魚幾多$...而且都唔算難釣丫... 我地1陣就釣到兩條....

釣到之後就會有waiter走黎問你想點煮, 我地就2條都揀sashimi...
最好就係1釣完魚隔離就有個位比你洗手...即刻乾淨晒...

呢間餐廳有好幾個中國留學生的職員, 所以溝通都好方便..

佢其他食物大部份都ok...唔算勁好食, 不過都ok...而且氣氛好好...好早已經full house...

我地今次旅行..黎呢度玩左2次...第2次因為冇訂位, 喺門口等左成45分鐘呀...

我好鍾意呢度..以後每次黎東京都要黎釣魚..

每人消費: 約3000日圓 (晚餐)
評分: 味道4 服務4 環境4 衛生4 抵食4

檢舉此評論

回到頁首

台場1:1 高達

2010-09-28

潮風公園 (東京, 台場)

雖然我對高達冇乜興趣, 不過睇雜誌見到有個咁大嘅高達,好似幾得意咁...又咁啱去開東京,即管黎睇下...

一去到就覺得好impressed, 個gundam真係超大....仲好多人睇添, 好辛苦先迫埋去影到幾張相...

影完相就排隊埋紀念品, 明明又唔鍾意又唔識砌, 但係一場黎到. 又話台場限定, 又有咁多人排...梗係買左先算啦..

結果..就買左6盒模型喇..

評分: 值得去5

檢舉此評論

回到頁首

去旅行咁啱可以睇到恐龍展....

2010-09-28

恐龍 - 沙漠之奇跡 (東京)

出發之前喺新假期見到有恐龍展, 仲要喺幕張咁近, 梗係要去啦... 我最鍾意睇呢d動物野...
沿途已經見到地下有d恐龍貼紙, 好得意...

入到去展館, 當然要先買飛啦.. 大人要2500 yen,小童1200 yen...可以睇到恐龍化石, 我覺得2500 yen超抵...但係除左我之外, 個個都覺得貴...(而家d人個個都淨係鍾意shopping架咋)

每個恐龍骨前面都有個牌介紹,不過淨係得日文我當然唔識睇啦...結果我淨係睇d恐龍...
見到有好多人帶d小朋友黎睇同埋影相...

我地喺呢度行左大概2個鐘先走...走之前本來想買d紀念品比自己, 但係得d恐龍公仔呀...puzzle呀...key chain同恐龍蛋果d..全部都唔係好啱我...

1行出去, 佢地就即刻去幕張outlet又買過喇...

參觀時段: 全日
入場價錢: 每人2500 日圓
評分: 值得去5

檢舉此評論

回到頁首

我愛kitty..

2010-09-28

kitty 35th anniversary 攤位 (東京)

撈kitty

釣kitty

我本來去Sunshine city係為左去Vivitix買kitty...點知未行到去已經見到有個kitty booth喺商場中間, 有好多小遊戲玩...仲有得抽獎添...

我睇左好耐, 玩果d全部都係小朋友, 仲要係得幾歲嘅小朋友添...
最尾我都係冇玩到...費事陣間仲渣過d小朋友ar..比人笑就唔好啦...

於是我入去Vivitix求其買左d kitty就走喇...

評分: 值得去5

檢舉此評論

回到頁首

好好玩...不過太遠...

2010-09-28

Mother Farm (東京, 千葉縣)

呢個好好味.

呢個都好好味..

呢d係參加比賽嘅豬..

比賽進行中

呢d可以餵..

呢個係比人騎架..可以騎佢兜圈12分鐘

喺旅遊書上面見到mother farm, 講到好似好田園咁, 梗係要黎下啦...
我地預早去lawson買定飛,好似平幾十yen, 同埋張飛有張券話入場之後可以換雪糕架...不過我就唔知如果即場買有冇果張雪糕券..

我地呢個trip住新宿, 其實過黎千葉其實好鬼遠, 坐車都坐成3個幾鐘, 跟住走果陣又要好早走, 因為d車唔算好密...其實喺入面只可以玩3,4個鐘...所以我本來想去摘藍梅最尾都去唔到, 但係就睇左好多動物, 有牛呀, 羊呀, 豬呀, 馬呀, 兔仔...等等..d兔仔仲可以抱下, 同埋可以騎馬添...我2樣都唔敢, 不過我有餵d羊...

入場果陣有個時間表, 話比你知幾多點有d乜野表演睇...我地有好多都去唔到, 因為地方太大, 我又要睇動物, 所以費事行黎行去...我地淨係去左睇剪羊毛個show, 同埋臨走之前睇賽豬..個賽豬好攪笑架...d工作人員仲揀d小朋友去帶住d豬添...

我地喺個農場入面, 除左食雪糕之外, 仲有飲到佢d牛奶, 真係好好味架...仲好味過3.6好多ar...

呢度好好玩, 我應該會再黎, 不過下次黎希望可以安排到喺千葉住一晚...咁就可以多d時間玩喇...

參觀時段: 全日
入場價錢: 每人1500日圓
評分: 值得去5

檢舉此評論

回到頁首

超好味...

2010-09-28

かに道楽 (東京, 新宿)

好有privacy

好靚嘅ashtray

好耐冇黎過呢間店, 我對上幾次都係去關西...我鍾意呢間多d, 裝修好cozy, 有d"千與千尋"feel, 可能心理作用我覺得呢間d野好食d...

我地6個人, 叫左5個餐再加我最愛嘅蟹膏壽司...因為佢每次上菜都係上少少, 所以食極都有...好攪笑 .

蟹道樂真係好好, 又唔係貴, service又好,又乾淨, 又有privacy....toilet仲有得刷牙添...雖然我1次都冇刷過, 但係都覺得好impressed... 喺香港就算酒店餐廳toilet都未必乾淨啦....

希望快d可以再黎日本啦...

每人消費: 約5000日圓 (晚餐)
評分: 味道5 服務5 環境5 衛生5 抵食4

檢舉此評論

回到頁首

第1次同獅子咁近...

2010-09-28

多摩動物公園 (東京)

比人拖住散步的袋鼠

斑馬

長頸鹿

勁近.

超臭

我通常去旅行都會去動物, 如果有動物園就最好啦..冇就水族館我都鍾意...

今次去tama zoo...天氣好熱, 再加埋地方算幾大(大過我上次去的天王寺好多), 所以行到喘晒氣...
一入門口就見到有工作人員拖隻袋鼠出黎散步, 好攪笑, 好似人地拖狗散步咁...
之後見到好耐冇見過嘅斑馬, 好似好少動物園有斑馬咁...
其他動物就冇乜特別, 都係1般動物園見慣果d啦...

比較特別係老虎同獅子, 隻老虎困喺個籠度, 喺間房入面, d人就排隊入去睇佢..未入到去已經聞到超臭, 我5秒就衝返出黎...我覺得如果可以比個open area佢. 對佢對遊客都好d啦...

最後我地走之前坐巴士去睇獅子, 初初想慳錢唔坐架(要成350 yen 1個人)..不過原來行唔到去獅子區架..要睇就要去lion bus station坐車... 架車係個個座位都係向窗, 保證個個都睇到, 個窗出面見到原來有幾塊生肉掛喺度吸引d獅子走埋黎比d遊客近睇...我去果日冇獅子撲埋黎呀...不過個司機開得好慢, 同埋就算d 獅子訓晒喺地下, 個司機都會駛架車埋去...好刺激... 我未上車之前幾擔心會危險ar... 原來安全到暈...

真係好好玩...

參觀時段: 全日
入場價錢: 每人600日圓
其他消費: lion bus: 350 yen 1個人
評分: 值得去5

檢舉此評論

回到頁首

0 個留言 | 加入你的留言

東京 (10年4月) (日本)
旅程性質: 消閒度假

整個旅程 (共1篇遊記)

分享至Facebook

遊記

發表日期: 2010-09-28

今次去東京主要係食野同埋睇櫻花,當然仲有shopping啦....

排左2個半鐘先有得食嘅早餐 ok喇

2010-09-28

寿司大 (東京, 築地)

簡簡單單的卷物都好好味

就係佢彈到我成身豉油喇.

個湯好好味

壽司大係我每次去東京都會食嘅...我次次都晨咁早就黎...通常都唔洗點排, 平時食完出黎見到d人打晒蛇餅我仲會諗排得咁辛苦我寧願唔食呀..點知今次輪到自己排...原來排得咁辛苦完之後係會覺得d野特別好味架

我地5個人去,全部都叫chef's menu...好似又加過價咁...
食物就當然同平時一樣咁好啦...不過如果塊toro可以厚切d就好喇...

好攪笑...果舊好新鮮嘅北寄貝,郁下郁下咁跌落個豉油碟度..再彈到我成身豉油囉...

個蛋我麻麻地鍾意食,因為我唔食甜野嘅...但係其實個個都話好好食....

呢間野真係10個good呀...正...

推介菜式: 乜都好味...
評分: 味道5 服務4 環境3 衛生4 抵食5

檢舉此評論

回到頁首

放題..

2010-09-28

築地玉寿司 (東京, 新宿)

今次係2個人, 1開門就黎食放題....好大期望ar...因為幾年前已經聽過人話呢間野幾好味.

坐低之後發現原來男仔同女仔係唔同價錢嘅,女仔3000幾yen, 男仔要4000幾yen....好彩我地今次係2個女仔黎...即刻覺得自己好醒目...

呢度有2個服務員都係中國人黎架..所以溝通好方便(如果識講國語嘅話)...

d壽司ok啦..係一般日本壽司店嘅質素,唔差,亦都唔impressive...不過3000幾yen又唔貴..如果想喺日本試下放題或者食到好多壽司嘅都可以一試嘅

每人消費: 約3500日圓 (午餐)
評分: 味道4 服務4 環境4 衛生4 抵食4

檢舉此評論

回到頁首

雖然呢間新d,但係北口間super好d...

2010-09-28

Super Hotel City Ikebukoro Nishiguchi JR池袋西口 (東京, 豐島區)

之前我係住開北口間super嘅,見到西口開左間新野所以試下...

location呢...行出西口...1分鐘就到....不過就唔算好顯眼....樓下好靜...有d coffee shop...另外夜晚有好多拉客嘅人囉...

當然d房新d modern d啦....但係呢間細好多...reception 隔離就係食早餐嘅地方,得幾張長檯, 我有1日朝早落黎連位都冇添..而elevator亦都得1部...朝早d繁忙時間食完早餐要上返去要等幾個字....所以我通常都行樓梯...

同其他super酒店一樣,佢有部免費電腦同埋免費電話比你用啦...呢樣好方便呀...可以得閒打電話返hk吹下水...

另外,check in嘅時候亦都有d mask呀...shower gel呀...cotton pad呀...紮頭髮橡筋呢d比你用啦...好似只限女仔...

佢每日包嘅早餐好豐富架...有麵包,salad,意粉,雞蛋...仲有大量飲品添....

以佢嘅價錢黎講算係非常抵喇...

評分: 設備4 服務4 環境3 衛生4 抵住4

檢舉此評論

回到頁首

睇櫻花之旅..

2010-09-28

吉祥寺井之頭恩賜公園 (東京, 武藏野市)

第1次睇櫻花睇得咁悠閒....
呢日係到步嘅第2日, 其實第1日我地已經去左上野恩賜公園睇夜櫻, 不過因為我唔識用部相機, 所以唔係好影到相...所以第2日要睇多次補數...

一去到公園附近已經覺得好好氣氛, 真係成個公園都係花...亦都成個公園都係人...仲見到好多人飲到成地酒樽醉到不省人事..仲目擊到有個男人嘔添ar...

d花銀色偏白, 其實我鍾意我上年睇果隻偏粉紅色嘅櫻花多d, 不過白色都靚啦...好過冇...
行行下見到櫻花軟雪糕, 我諗左好耐, 好驚係藥水味, 因為我喺hk試過有間餐廳serve過d有藥水味嘅櫻花水...飲到我想嘔不過好彩最尾都係決定食咋, 原來呢個雪糕好好味架, 同hk果d 2回事呀...

我好鍾意吉祥寺架, 每次去東京都會黎呢度, 因為就算唔係櫻花月份都要黎食satou嘛,而且仲要黎呢區買skincare呢...平好多架...

推介項目: 睇櫻花..
參觀時段: 全日
評分: 值得去5

檢舉此評論

回到頁首

第3次黎喇...仍然好玩..

2010-09-28

釣り船茶屋ざうお (東京, 新宿)

呢個係魚獲, 今次試下鹽燒

呢個都係魚獲

上年黎過兩次之後, 今次再去東京仍然念念不忘...plan行程果陣已經決定要黎...

今次因為一早叫酒店幫我book定, 所以好好彩有間房坐下...可以靜d...不過掉返轉, 去釣魚果陣出出入入就麻煩d...

今次我決心要釣2條, 不過唔知係咪生疏左, 等左好耐都釣唔到, 個蝦餌仲比d魚食左好多次..我又心急入去食野wor...攪到我幾乎想用網撈...好彩最後都釣到...如果唔係我係唔會罷休架..

因為好驚會食唔飽, 我釣魚之前已經order定好多野食...

結果當然全部都好好食啦...不過最尾埋單果陣發現佢計錯數, 唔知點解有4個甜品, 好彩呢度d人溝通到...同佢講聲佢已經即刻取消返喇..

我仍然好推介呢間餐廳, 不過就有d嫌個地點唔夠就腳...

每人消費: 約3700日圓 (晚餐)
評分: 味道4 服務4 環境4 衛生4 抵食4

檢舉此評論

回到頁首

好好氣氛嘅居酒屋

2010-09-28

三福本店 (東京, 池袋)

門口

menu的一小部份

幾年前經過呢個門口, 見到入面坐滿晒人, 煙霧彌漫好似好好氣氛咁...所以入去食下, 跟住覺得好好味..同埋個師傅好熱情..係咁同我地講d我聽唔明的日文...

今次再去呢度, 因為太多人所以冇得坐下面睇住佢燒lu...上面就係一張張檯咁坐嘅, 我地仲要坐toilet門口, 跟住好多人去toilet, 猛咁要讓開比人過...

隔左幾年冇黎, 而家呢度請左個中國留學生(好多餐廳而家都請中國留學生,可能因為平) 不過對我黎講冇幫助, 因為我d國語溝通唔到... 所以我都係冇出過聲..淨係坐低等食...

我地好求其咁叫左d野,果然不負我所望...仍然係咁好食..仲要係樣樣都好食wor...

不過呢, 我鍾意坐下面多d...下面氣氛好好多..而且睇住佢燒好過癮..

呢間亦都係我的must-go...

每人消費: 約1000日圓 (晚餐)
評分: 味道5 服務4 環境3 衛生4 抵食5

檢舉此評論

回到頁首

次次都要搵1輪先黎到..

2010-09-28

Quil-fait-bon (東京, 銀座)

第1次黎果陣, 我去完crystal ball行過黎..明明好近, 但係我搵左起碼1個鐘先搵到...
今次我去完築地行過黎, 又係搵幾個字先搵到...

本身我算係唔鍾意食甜品嘅, 喺hk唔會主動要食, 就算自己整嘅蛋糕我一樣一啖都唔食架..但係去旅行就可以食少少嘅, 尤其係我最愛嘅日本添, 再加上我上次去完呢間野覺得佢裝修好靚...所以今次即管黎坐下...

我地每人叫左1件cake, 1杯飲品, 我梗係要咖啡啦....因為1早起身去築地, 我眼訓到幾乎企喺度都訓著呀... 估唔到佢d咖啡又幾好飲, 本來想叫多杯, 不過貴ar...

d cake黎到件件個樣都好普通, 不過食落又幾好食, 同埋最緊要係唔會好甜...

我地食完之後就落樓下買d 餅同cake做手信, 不過呢...最後返到hk好似係自己食鬼晒....

p.s.唔知點解有d相唔見左,得返幾張...

每人消費: 約800日圓 (下午茶)
評分: 味道5 服務4 環境4 衛生4 抵食4

檢舉此評論

回到頁首

好味...

2010-09-28

敘敘苑 (東京, 新宿)

本來打算去小田急HALC館果間敘敘苑, 點知未行到去已經見到呢間...咁梗係即刻上黎啦..費事行嘛 ..

上到黎先發現原來呢間店正好多, 每人有一個包廂, 好有privacy..同埋service超好, 一入門口就幫我地keep晒d shopping bags, 同埋掛晒d jackets...

我地叫左唔算好多野, 主要都係牛啦...佢d牛又真係幾好食嘅, 好似仲有叫到個豬...同埋少少菜...

呢間野水準好穩定架, 又好service, 成餐飯有個waiter過黎幾次幫我地換塊鐵板, 中間我地試過叫人加單, 個waiter 10秒就出現...好鬼勁...

我地叫左1個冷麵, 我初初expect係日本果d冷麵, 黎到似韓國冷麵多d...我見佢個menu又有kimchi比人order, 我上次去牛角食又係咁...唔知係咪日本d燒肉店都係韓國人開嘅呢?

我今次仲食左個蘋果雪芭, 都幾好味, 不過好冰, 等好耐都未解到凍, 所以我求其食左幾啖就冇要到喇...

呢間野聽人講話lunch黎平好多架, 不過我就未試過...

每人消費: 約5000日圓 (晚餐)
評分: 味道4 服務5 環境5 衛生4 抵食4

檢舉此評論

回到頁首

好靚, 好impressed...

2010-09-28

自由の女神像 (東京, 台場)

非常手震...

之前每次黎台場都係shopping, 今次終於淨係為睇自由神像而黎...

我去到果陣有個唔知大陸定台灣團, 好多國語人....所以我要等d人走晒先有個位影到相...

但係我又唔識用個相機啦...唔識影夜景兼手震...好艱難咁將部相機綁住個欄杆先影到2,3張冇震嘅相...

都ok架...

我地睇完神像之後, 仲行過去坐摩天輪添...不過呢..其實坐摩天輪真係有d貴架...仲有d焗添..不過一場黎到就算啦...

參觀時段: 晚間
評分: 值得去5

檢舉此評論

回到頁首

1張靚嘅相都影唔到... ok喇

2010-09-28

上野公園 (東京, 上野)

呢張算最清楚架喇..

有人表演緊玩火..

1落機就特登去睇夜櫻, 去到先發現原來夜晚真係好黑架...燈都唔多盞..但係依然有好多日本人坐晒喺度賞花同傾計...

我淨係睇到d花係白色, 同埋睇到有好多人, 好多小販...其他乜都睇唔到....

不過我係第1次黎上野恩賜公園咋, 當行下囉...

唯一得著係食到好好味嘅八爪魚丸..正!

評分: 值得去3

檢舉此評論

回到頁首

每次去日本都會去嘅平價壽司店..好好味架..

2010-09-28

小田急壽司店 (東京, 新宿)

舖頭名

幾年前冇乜錢嘅時候發現呢間舖頭, 覺得好抵食,好新鮮,而且仲有set添.. 自次之後每次去東京都會黎...

落order好簡單, 因為佢個menu圖文並茂,如果睇唔明仲有英文添...
壽司逐件order, 不過全部都係145 yen (approximately), 所以我狂叫sea urchin同fatty tuna..好抵..雖然唔係壽司大水準, 但係已經好過晒hk果d連鎖店...

我通常黎到叫1個set再加壽司, 食好多先係2000幾yen....

真係超抵... 所以無論lunch同dinner都迫滿日本人..

每人消費: 約2000日圓 (晚餐)
評分: 味道4 服務4 環境4 衛生4 抵食5

檢舉此評論

回到頁首

0 個留言 | 加入你的留言

法國 (10年7,8月) (法國)
旅程性質: 背包旅遊, 消閒度假

整個旅程 (共1篇遊記)

分享至Facebook

遊記

發表日期: 2010-09-28

今次係第3次黎法國,但係之前2次都淨係去過paris,今次終於可以去到其他好多地方喇...
希望下1次,可以留耐d啦再去多d地方啦...

好好味...

2010-09-28

Léon de Bruxelles (巴黎)

呢間leon有好多分店架...我就揀黎Champs Elysées呢間...方便嘛..

我2年前喺Saint-Germain分店食過之後,就覺得好好味喇..每人approximately eur 20, 又唔算貴,正...

今次係去完outlet shopping之後過黎,本來係打算去凱旋門影下相先, 點知勁大雨,所以一落車就開餐...

我地3個人,叫3個唔同嘅set, 其中2個set要前菜,另1個就要甜品...

個前菜都好好味架...1個係salad, 1個係smoked salmon,甜品我地就要waffle...

3個青口黎到, 全部都好好味,其實我唔係好知邊個打邊個...不過都冇所謂啦..我地都係share食架啦....

d薯條好正,仲熱辣辣添....而家喺HK D fast food shops,要好好彩先會有熱辣辣嘅薯條食囉...
雖然leon d薯條係可以不斷refill,不過我地食完3兜已經飽到暈...所以冇refill到..

跟住我地仲order左1個iced coffee,1個coke....個iced coffee都好好飲架...

埋單euro 71...都ok啦....

每人消費: 約24歐元 (晚餐)
評分: 味道5 服務5 環境4 衛生4 抵食4

檢舉此評論

回到頁首

又平又好味...食飽飽先開始行街...

2010-09-28

La Vallée Village (Shopping mall入面嘅pizza店) (巴黎)

我地一早由paris坐成9個字車黎行outlet....張車飛成eur 6呀...所以未黎到已經決心要滿載而歸架喇...

去到outlet成12點, 見到個mall入面有好多餐廳, 行完1輪睇晒咁多間嘅menu之後決定揀呢間平平地嘅pizza....(不過最衰唔記得餐廳個名,喺outlet個網又search唔到wor)

我地3個人叫左2個set, 每個set 好似大概eur 14..包1杯飲品 (仲可以叫啤酒添), 我地叫左1個pizza, 1個長通粉,2杯啤酒, 再加1杯earl grey...非常飽...

個pizza好好味呀...仲有隻蛋, 令我聯想起細個成日食嘅窩蛋牛肉飯...

食食下隔離有1 pair法國夫婦,見到我地係遊客傾左1輪,好好人...仲話佢地都好鍾意香港添...跟住比埋個孫仔張相我睇...好得意架...

食完歐洲d pizza, 返到hk真係好唔想食pizza hut囉...

每人消費: 約15歐元 (午餐)
評分: 味道5 服務3 環境4 衛生4 抵食5

檢舉此評論

回到頁首

間酒店ok...夠平...

2010-09-28

Hotel Normandie (尼斯)

喺reception隔離,食早餐嘅地方

可以借佢個電腦上網, eur 2 1次

第1次黎Nice...滿懷希望以為係好似monaco果類渡假天堂...話晒Nice呢個地方由細聽到大...
點知一去到有d失望囉...個車站超混亂..條街亦都好似一般歐洲街道咁污穢...又係周街醉酒佬...

anyways...呢間酒店咁鬼平黎講算好ok...因為佢有免費wifi, 有elevator...(我地喺另外幾個城市住..有d平酒店真係冇elevator架,我搬行李都要搬半個鐘), 佢個toilet好夠大,個bath tub仲有個門等d水唔好整濕個地下,而且佢仲日日執房同換毛巾添...

酒店個receptionist好好傾架...我見到佢好似負責serve埋早餐架...身兼數職

酒店行過2條街已經有超市同埋laundry...

本身酒店自己有早餐, 不過要加$..好似eur 6 per pax...咁貴,我梗係冇加啦...
因為呢次旅程係慳$團黎架....6蚊個早餐太貴喇...

每晚價錢: 84歐元 (三人房)
評分: 設備4 服務5 環境4 衛生4 抵住5

檢舉此評論

回到頁首

非常平...仲要包早餐的酒店.

2010-09-28

Hotel Mignon@Avignon (法國)

個浴室有小少窄..

搬到傻嘅樓梯

telephone corner

好豐富嘅早餐

呢間酒店個owner好helpful, 好information..我地住左大概1個星期,除左冇elevator,搬條非常迂迴嘅樓梯搬到我死之外,其他各方面都好令人滿意...

我地以avignon為中心點,住喺呢度嘅時候去埋monaco, marseille, orange, nimes等等地方,好方便..

喺呢度住仲有早餐食添,d麵包好好食,仲有1杯果汁同1杯熱飲,杯飲品仲要係即刻整架.熱辣辣,好warm...有1日我因為要一早出發去sault睇lavender,個owner仲特登早半個鐘整早餐比我地食添...好好人呀...

講返間房, 1星酒店就當然唔會好靚啦...不過算好乾淨, d毛巾日日換同埋日日執房...
不過就有d細囉...但係ventilation好好...冷氣好夠..而且有好大個窗, 我地多數都開窗就算喇..好好風...

呢度有free wifi, 非常stable.

不過浴室d熱水唔係好穩定, 有時凍有時熱..所以要快沖....

每晚好似eur 80多d...

每晚價錢: 80 歐元 (三人房)
評分: 設備3 服務5 環境4 衛生4 抵住5

檢舉此評論

回到頁首

芝士火鍋好似好味過喺瑞士食..

2010-09-28

Le Carlina@Chamonix (法國)

好味道..

呢個另外叫嘅沙律好味d.

跟餐嘅沙律

山長水遠黎到瑞士邊界,梗係要食下呢度d芝士火鍋啦..雖然我以前喺St Moritz食過1次之後話以後都唔會再食, 不過即管比多一次機會佢....

我地喺chamonix住3日,咁多時間所以我為左慳$,就揀lunch黎食fondue,因為有幾間餐廳set lunch都包fondue...

呢間餐廳有2款芝士火鍋,一款係傳統, 一款係磨菇底..set lunch包果款係傳統嘅! 同好多餐廳一樣,如果叫芝士火鍋嘅話,就要叫2個人嘅portion先得...即係我地其中2個都要叫呢個set lunch....
個waiter好好人,我話想要磨菇底果個火鍋佢都冇收我extra $....仲pose埋叫我幫佢影張相添...

個set lunch仲有1盆肉, 好鬼大盆, 聞落去就好香, 不過食唔慣呢d風乾嘅肉, 最尾冇食晒..

我地另外叫左個麵, 1個沙律, 2樣都好好味....
另外佢個set仲有2個甜品, 我要左choco mousse, 阿姨要雪糕...佢話藍梅雪糕好酸wor...

呢餐飯最尾埋單好似大概eur 80 ....

我覺得chamonix呢個地方好旅遊區呀, 氣氛好好, 好似瑞士嘅zermatt咁,如果係為左睇雪山我就覺得瑞士方便d...不過如果好得閒都可以黎下呢度嘅

推介菜式: cheese fondue
每人消費: 約25歐元 (午餐)
評分: 味道4 服務5 環境4 衛生4 抵食4

檢舉此評論

回到頁首

坐車坐到頭都暈先黎到...

2010-09-28

Mont St Michel (巴黎)

勁多人..

上去之前仲係泥地..

走嘅時候變左條河

我黎之前諗過唔同嘅方法黎呢度,但係要轉車我又覺得好煩,所以最尾係報local tour,喺羅浮宮附近上車,回程又係喺羅浮宮解散.

local tour其實好貴ar...好似要成eur 180 per pax,不過就包埋你個lunch, 同埋有個guide沿途講解,跟我地個guide都算講得好detailed....算係咁啦...

不過我地去程坐左5個幾鐘, 回程又5個鐘 (因為有d塞車同喺油站停一停), 中間再食2個鐘頭飯...
喺山上面嘅時間好少...再加埋我地行上去嘅時候又塞下人咁...到個guide講解完話free time...果陣距離集合時間得返1個鐘都冇... 所以呢...如果唔想走馬看花最好就係住1晚...再慢慢行...

anyways,其實我對個修道院興趣唔大..我只係想睇潮漲...因為之前睇過人地d相覺得好amazing..

果然, 我地黎嘅時候原本係泥嘅地方到我地回程嘅時候條路已經變成條河...好神奇...
淨係見到咁樣,我已經覺得呢個地方好值得去喇...

我去果日仲比天氣報告呃左,話會得12度....等我著左2件外套去...點知去到我估有30度...
見到d人個個著吊帶囉...

參觀時段: 下午
評分: 值得去5

檢舉此評論

回到頁首

Lyon係1個好值得去嘅城市

2010-09-28

舊城區 (里昂)

棟building出面有輻畫..

呢棟樓好似中空咁,喺歐洲好少見.

天氣好好呀..

話晒係法國第2大城市wor..我梗係要黎行下啦...
而且我去完lyon之後就會去paris, 喺呢度走坐TGV就非常順路喇...

Lyon地方唔係好大,應該留1日就夠喇....不過我喺度住左3晚

呢個城市最靚就係舊城區...好多巷仔,建築物都好有特色....仲有幾條街集中晒好多餐廳...
我晏晝行過旅遊局附近果陣,仲見到d街市攤檔,賣菜賣肉...連牛奶都有得賣...
我最鍾意行呢d架喇...

如果唔鍾意睇建築唔鍾意睇風景,lyon都有d shopping area架...乜都有得賣呀...
有d 舖頭仔仲賣d好得意嘅家品添...

我下次黎歐洲,都會再黎呢度...去埋睇我今次冇去到嘅miniature museum ...

評分: 值得去4

檢舉此評論

回到頁首

喺法國隔離嘅一個小國

2010-09-28

Monte Carlo@Monaco (法國)

水族館入面嘅紫海膽

明明去緊法國, 無啦啦睇旅遊書見到呢個喺南法隔離嘅小國即刻去埋...
喺avignon上車, 坐20分鐘車就到喇...仲快過我喺屯門出荃灣.

我地一去到就坐低食飯...之後再慢慢行...

首先去參觀皇宮, 買飛果陣有隻飛係包埋隔離個博物館同水族館...好似eur 18...於是我地就參觀晒3樣喇...皇宮入面都好靚架, 不過皇宮同museum入面唔比影相嘅, 而水族館就可以影,不過唔可以flash...

monte carlo呢個地方,周圍都係環海...身處任何位置望出去都係好靚嘅海,同埋泊晒好多遊艇喺度...

我地參觀完之後就行去賭場果邊, 未行到去已經見到門口有隊live band表演緊..好多人圍觀....
跟住見到門口個停車場好似車展咁...最cheap嘅車已經係Mercedes...
因為傍晚過後入賭場有dress code, 所以我想入去見識下都唔得...我見d 人男嘅就著suit/tux...女嘅有d戴埋headpiece添...

呢度真係好靚... 好值得去!

評分: 值得去5

檢舉此評論

回到頁首

呢個以前係救濟院, 而家都幾多野睇丫...

2010-09-28

Vielle Charite (馬賽)

而家變成睇藝術品的地方, 有畫啦...雕刻品啦..木乃伊等等. you will need to spend like 2 to 3 hrs here, 不過遊客就唔算多, 唔會好似羅浮宮咁人迫人..所以可以慢慢睇, enjoy...

馬賽成個城市都幾靚, 尤其係個舊港...港口有好多遊覽船,不過好貴..所以冇坐到..另外沿住海邊有好多攤檔賣唔同種類嘅野, 有soap啦...porcelain啦.. 飾物啦....衫啦....麵包啦...仲有個女仔幫人紮dreadlock...好型

我地去左食出名嘅馬賽魚湯啦..不過望落去好似香港嘅番茄魚湯咁...只係佢用左幾隻唔同嘅魚再加青口再加麵包....anyways...都幾ok..唔算貴..no harm trying...

如果要買soap嘅話, 馬賽d攤檔應該係最平嘅..(比起其他城市)...

評分: 值得去4

檢舉此評論

回到頁首

Avignon真係好值得去...

2010-09-28

Avignon (法國)

Pont du Gard, 我去之前1個星期先有人跌落橋byebye左

好多街頭畫家..

仲有好多賣藝的人..

lavender field in sault

雖然avignon冇nice, paris呢d城市咁出名, 但係真係1個好舒服嘅城市...d人仲好nice添...

我初初主要係用avignon做中心點, 因為由avignon去其他地方都好方便, 後尾發現其實avignon本身已經有好多野睇: Palais des Papes 教皇宮，斷開1半Pont St Benezet 嘅聖班納齊橋, 仲可以坐車去sault睇薰衣草添....

如果唔鍾意睇景嘅人可以shopping....我發現avignon嘅skincare平過paris好多好多,我之前喺bordeaux買過1轉,已經覺得平過paris好多, 但係點知去到avignon再平多好多..
除左skincare之外, avignon買衫褲鞋襪都好平好多選擇架...我喺呢度買到大概係hk retail price 4折嘅mulberry袋,仲有平hk 1半嘅birkenstock boston...仲有好多其他brands架...

我下一次再去paris嘅時候(next yr hopefully) , 應該都會特登過黎1轉買野同埋睇太陽花...

推介項目: shopping...sight-seeing
評分: 值得去5

檢舉此評論

回到頁首

1 個留言 | 加入你的留言