離開大美帝國既最後一餐, 竟然都是Burger King. 我們去程時, 領教過 JAL既難食飛機餐, 所以異口同聲地, 決意要食左個早餐先上飛機. 係food court, 揀下揀下, 始終都是Burger King 好.

早餐, 我係香港一路都想試既牛角包終於有機會試到啦. 是bacon, Cheese, 用牛角包夾, instead of 普通漢堡. 食落感覺幾light, 煙肉又脆脆地, 包仔又熱熱地, 幾好食架.

另外齋妹的Veggie Burger, 不再評了. 不過, Burger King 既 Coffee, 都係淡左D, 意大利飲到的Americano, 就是這一個味道. 而係呢一個trip, 亦明白了, American, 真係喜歡咁既淡淡地coffee.

行到咁上下, 到了晚飯時候了. 係街繼續食小食...不好了, 好讓兩隻腳休息一下, 不如找家餐廳, 坐低食個餐舒服一點.

誤打誤撞, 又看見名字特別, 咁就入左黎呢度, 好求其咁, 食個拉麵烏東. 其實間野有三層, 不過我們被安排了坐在樓下. 店趴知我地係外國人, 首先俾一個英文Menu我地. 不過一看一對, 好似英文Menu內既選擇比起全倭文的Menu少好多.

首先要安頓好齋妹先, 我們事先做定功課, print 了一張要求素食既日語 print out, 我們未落order, 對比侍應小姐, 看看店方有什麼介紹同安排. 店員小姐, 聽到我們說中國話, 之後便用國語回答, 說食素的, 要看看麼廚房怎安排, 因為湯底有魚肉. 我們要了一個炸豆腐烏東, 店員小姐答廚房可以改用清水煮.....咁我們便安心叫下. 而我, 按其日文Menu order, 叫了一個海鮮烏東湯飯.

不過, 出來的, 只是一個鹽水湯烏東, 豆腐呢.....原來改oeder時, 改錯了....沒有, 想加番, 不過齋妹說算數. 就沒有再追加了. 不過, 味道....就是普通啦. 沒有做功課, 求其..就隨時中招.

而我的烏東湯飯, 雖有尚可既烏東麵條. 但湯飯.....搞到好似食潮州粥咁. 覺得係香港, 搵一間烏東店, 都可以好過佢..........不過, 我地唔識叫, 係食唔到好野既一個因素. 而且姓"謝"個位妹妹仔又唔識介紹, 當服務員的經驗可算是甚淺, 唔係幾識安排.

下次去日本, 都係要做下功課先.

果間旅行社仔, 安排的兩個住宿, 要求已經不高的我們都喊面左一間. 抱著驚驚地既感覺, 入到黎新宿呢一間係正歌舞伎町入面既小酒店, 反而覺得不錯.

說房間, Semi-double roome, 係人都知是細細房. 不過, size, 其實同一些我住過既cheap歐洲酒店差不多. 而且日本人講求整潔, 房間雖小, 但感覺骨子企理. 最開心就係....等了咁多日, 終於有一個Bath, 享用一下.

位置方便, 房間不錯, 而且, check out時, 更有廣東人服務. 正價房好似係8,000yen 一晚. 下次來東京, 又想住返新宿呢頭. 再住返呢間都唔錯.

晨早起身, 在上海最繁忙時間逼地鐵
(其實都唔係傳說中恐怖, 跌了東西落地會執唔到...)
為了就是在遠在佘山的上海歡樂谷

論上海地鐵,最不好地方可說是要出站轉乘
小弟路感算好,但在宜山路站換乘 都搵唔到入口
不過在2010年, 徐家匯站可直到, 大大便捷了

成個鐘才到佘山站,再轉free shutte
看一看手機, 都10時正了
花$200入場, 大家去的話, 記堅不要買門外的黃牛
因為門票是bar code0都, 小心得不償失!

入場啦~~ 面積很大, 明顯地參考深圳歡樂谷
也是圍繞著一個湖而建
園內有不同主題區, 例如上海灘(tvb影城?)for拍照用
也有個好大的室內螞蟻王國for小童
此外,跟長隆可一比高下的十幾個巨型超激機動遊戲
可以玩足一日, 不過當日為平日,
人影疏落,感覺就係包場!

基本上工作人員等人客來玩,
有幾個戲場項目,就等不夠人數而唔開!
係有一個最主打的木龍過山車,需要等一輪
3d 劇場好真實! 上海灘劇場比較公式化,ok啦!
西部礦場有個射擊訓練場, 好有迪士尼巴斯公年味道,
但唔駛排隊,一流!


呢$200入場,非常值得
又有d上海美女遊客睇下
比綿江樂團好太好, 工作人員都係年青活力一輩
加上新開幕,有heart好多....

但有幾個巨型超激機動遊戲,都係測試中
玩唔到了,而趕去下一站七寶古鎮,
三點多就要走了!

出發前老友看了openrice的遊蹤網頁後,
想去朱家角, 但我見行程太密, 騰不出一天時間去
於是去 大眾點評網 達2000人推介 七寶古鎮老街
上海歡樂谷的余山站之前4個站[七寶]
一出站,就見到有上海阿姨很惡死地趕行人,
原來是交通志工, 相信這就是上海人性格了
再行十分鐘就到,人聲沸騰, 熙來攘往
這個還未是港人熟識的地方令我十分期待

雖然沒有朱家角及杭州周莊的很具古樸氣息,
同是小橋流水縱橫古鎮, 七寶可算是很迷你的版本,
但交通便利, 平到笑的小吃, 都是推介的主因

鎮上分北大街和河後面的南大街,後是最熱鬧的小吃街,
滿是種類繁多, 琳瑯滿目的小吃
我點了$2有4件的臭豆腐!
$1一個板栗餅
$1.5一個的大湯圓(據說加價了不少)
1.5一個海棠糕,飽嚐口慾才抱著肚子走
才用了$9! 買了少許手信
可買個泥巴叫化雞,有網友帶回港,才$25!
行了約一個半小時,大飽口福後,
行程緊密,趕忙去下一站 陸家嘴

行完濱江大道,入偌大的正大廣場醫下肚
呢間Hooters係生果日報介紹
http://hk.apple.nextmedia.com/template/apple_sub/art_main.php?iss_id=20091127&sec_id=12187369&art_id=13462366
是我個人出發前心目中的必到地方!

Hooter字面係貓頭鷹,另一個意思係......自己估下啦
特色當然係火辣辣的啦啦隊女郎Hooters Girl啦
每半小時都全體跳一次節指強勁woobomba的舞蹈

雖然賣點係Hooters Girl,但食物水準都一流
美式super size 大到暈! 好肥但又好好味!
啤酒方面,最平是細樽青島,$28
最後埋單都係每人$120,
對比香港價錢, 算相當平啦~

每一台都有一位Hooters Girl專責既
我一台係一位叫christina的靚女
佢問我地係邊度人,當答係香港來時
後面有個Girl即刻用好不屑的面口話最僧香港人
嚇到我傻眼......後來才知道有時香港人去食野,
對班Hooters Girl都幾無禮,我估係講野把口太衰啦
唉,香港的朋友出去旅行, 記得記得要注重下香港人身份呀

christina知我地第一次來,
便按傳統, 叫所有Hooters Girl停止手上工作
圍住你唱首英文啦啦隊歌
大家諗下當時場面幾咁刺激難忘喇
不過, 見到有d Hooters Girl唔係咁落力
難道我地唔夠靚仔?

後來, 又識到位叫sunny的Hooters Girl,
即係片中捧雞翼的靚女
自學的英文, 講得很好
原來係香港迷, 熱愛香港8-90年代明星
連曾航生/黃凱芹都識(!)
傾計時聽佢講, 本身有d家底, 家人係專業人士
自己又係就讀專門科目
不過唔想家人媽媽費心照顧而返工

之後, 又識到北京店過來培訓的高經埋
幾健談好傾, 聽佢講Hooters Girl的獎金+人工
可以高過佢的薪金, 所以對Hooters Girl要求好高 (尤其是身材啦)
每年全世界的hooters店會有個Hooters Girl比賽
09年就係北京店代表win出
台中PROMOTION STAND都有她的相片
真係幾靚~

食完后,拎出層層疊一齊玩
咁餐廳就可以賣多2支啤酒啦, 不過我無買喇
就買了個canlander ($50內有coupon)
美國人真係識搵$$
當我們問chrisina email, 去Send番相時
佢好禮貌婉拒左, 相信係公司rule......

最後花$29(起碼平hk一半有多),打的過江返酒店
sunny教我們, 在上海可多搭[大眾].[強生]的士
另外,不要乘坐在停在門口等客的的士
改在街上截的更安全

老友和我都不是電車男
因為生果日報介紹過
(http://hk.apple.nextmedia.com/template/apple_sub/art_main.php?iss_id=20091127&sec_id=12187369&art_id=13462366)
大眾點評網對這評價一般
但我覺得非常值得一試~

食物絕對是有驚喜,
價錢就絕對絕對是激安!
套餐$48
一杯飲品,份量大大杯
點了一杯果茶,原來是全生果浸做
充滿果味!用品之作
唔好點薑汁奶,麻麻地, 叫果茶吧
有四件有餡窩夫配沙律, 好味道
仲加一杯New Zealand Natural,抵到笑

女僕們跟客人都不太互動
老友和我 後來跟她們熟了一點
就跟她們合照了一幅,其實規舉是不行
她們都不太放心,於是應承不會把照片放上網
女僕們才安心一點
(所以大家去 還是不好拍照了)

有一位cherry,蘇州姑娘,
熱愛動漫,店內的畫都她畫的

後來跟挺真又健談的老闊娘談了一會
她說定期都cosplay聚會
可惜商場9pm便關,
我地匆匆忙忙就走了

國立慶州博物館是僅次于漢城國立博物館的韓國另一座最高水平的博物館。它防照新羅石塔而建，有兩層高，由本館和古墳館組成，共收藏約2.9萬件物品，展示史前時代、古新羅、伽耶文化圈到統一新羅時代的各種文化遺產。

館外有用青銅鑄造的韓國最大的聖德大王神鐘，高3.36米，重23噸。傳說當年鑄鐘時曾將一名9歲的童女作為祭品，鐘鑄後發出“愛米萊”的聲音，聽起來像孩子叫媽媽（韓語）的聲音，故又稱愛米萊鐘。

此外，還有石佛、石塔等諸多古跡。

石窟庵位於吐含山，是韓國典型的石窟寺廟。
 
石窟庵是第24號國寶，其正式名稱為石窟庵石窟。1995年被聯合國教科文組織指定為世界文化遺産。它是一處以花崗岩建成的人工石窟寺院。新羅時期的751年由金大城開始建造，經24年後于774年 (惠恭王765－780在位)才完工。
 
據說石窟庵與佛國寺建于同一時期。高麗時期的史書《三國遺事》中記載，金大城為了現世的父母而建造了佛國寺，又為了前世的父母建造了石窟庵。
 
石窟庵位于吐含山（海拔745米）東面的山峰，是將花崗岩加工後人工堆砌的石窟寺院。主室呈圓形，內有本尊像等菩薩及弟子的像。石窟庵正是為了供奉本尊像而建造的。

本尊像坐在蓮花寶座上，姿態柔和，表情慈祥。屋頂呈半月形或弓形，上有蓮花紋的圓盤為蓋。這裏日出的景色十分美麗，因此有許多人都在清晨前來石窟庵。

不過，因為要保護石窟，所以庵內禁止攝影，因此要紀念品店買明信片作紀念。

石窟庵都有捐瓦祈福的服務，因為韓國每座佛教寺院都有捐瓦祈福的服務，只要花10,000won就可在瓦上寫下祈福字句，他日寺院修繕屋頂時就會把所捐的瓦鋪上。

是生床訓唔慣定係我們心情太興奮. 之前一日雖然是非常的疲倦, 但我們仍然可以一早6am起床. 兩個人你眼望我眼, 訓唔番. 咁就一於提早行動. 去 Shopping.

一大清早有什麼俾你shop呀. 別忘記美國有間全球最大的零售商, 沃爾瑪. 而美國的Walmart, 大多數都24小時服務. 所以我們一大清早去. 沒有問題.

檀香山的Walmart, 位置方便, 因為就在Ala Moana Center旁邊. 從Waikiki坐巴士來, 一下車, 穿過Ala Moana Center, 再沿馬路行出另一邊既街道. Walmart, 就在眼前.

不過, 始終是市中心的Walmart, 比起建於市郊的Walmart, 一定細好多. 但係佔地一層應該有成萬呎的超市, 真的只有外國同國內才能有咁既空間, 黎做一間巨型超市.

行超市, 其實沒什麼好寫的. 去到外國, 當你要買手信時, 如果係遊客區, 酒店區, 一定要俾番一個"遊客價". 若是找到這些大型超市, 同本地人一齊買野, 可以看到更地道的食品, 品牌之外, 而且, 價錢都比較大眾化.

再者, 我們行行下, 竟然行到10點幾. 哇!!!係Supermarket, 行了4個鐘....Crazy....

一早到達Walmart, 我們二人係Walmart Building 內, 睇哂所有食肆, 決定你有你買, 我有我買時, 我是日的選擇是呢間 Hawaiian BBQ. 一心想試下"地道"食品.

說是地道, 當然有些似係夏威夷特色既食物啦. 不過, 早餐時段既選擇有限. 看了一看早餐Menu, 除了一個叫做Dry Sausage之外, 其他都只是一些烤肉之類的食物. 問問下, Dry Sausage是什麼, 店員說, 就是Chinese Dry Sausage.......臘腸...........!!!!

哈哈, 之前看過午餐肉飯團 (貌似日式), 呢個 Dry Sausage, 就是貌似中式的夏威夷特色菜吧. 可想而知, 夏威夷受中國同日本影響好深.

臘腸飯加蛋, 味道竟然不太中式. 雖是這樣簡單的一個早餐飯, 感覺非常之特別. 也許這就是臘腸既西式食法.....煎蛋加了香草, 飯半熱的, 感覺中式, 但味道西式....也許這就是夏威夷特色吧.....

上日遊唐人街, 發現了商間齋鋪. 於是是日, 直情唔駛諗啦, 環島遊回來, 就直指法華齋廚, 我們今天食素.

7點多來到, 原來齋鋪除Party包場之外, 晚市不做的. 我們多口問了一問當地的老華僑. 原來對面麗晶, 亦是齋鋪既老闆. 要食齋, 可以過去麗晶食. 齋妹開心地, 帶頭行入去麗晶海鮮酒家.

翻查了少少關於法華齋廚的資料, 原來是孝順的麗晶老闆, 特地為了信了佛, 清了口的母親大人, 方便她傳揚佛教同招待朋友而開. 我亦看了門口的介紹, 這裡於午市, 特製了精美的素食點心, 成篇野寫日文的, 相信都深受倭人歡喜.

入到去麗晶, 問侍應小姐有沒有素食Menu, 果然, 隨手找出一本完整, 封面寫著法華齋廚的一個素食菜牌. 齋妹開心地, 自己看. 而我, 因為已經不在素食店用餐. 就叫返肉食. 我們兩個, 都覺得炒粉麵簡單快捷, 不食小菜了, 一人炒一碟, 一人食一碟. 法華齋廚出品, 是素星州炒米, 麗晶海鮮酒家出品, 豉椒牛河. 我們既選擇, 非常非常之港式, 亦非常非常之唐人街, 因為, 呢兩味, 就是留學時, 出唐人街飲茶食飯, 周不時到會點的炒粉麵食.

素星州炒米, 比起我一碟牛河遲了好多才來, 是否因為素食料要解凍, 或是要開鎖過隔離擺貨同要分鑊煮呢, 老闆的老媽是素食人士, 應該會非常之細心. 想不到的, 是素星米的料, 是我們係香港齋鋪食開的齋肉, 齋火腿, 等等齋料. 可想而知, 若我們早知是做lunch only, 可以食到既素, 是非常的鄉式. 而且份量大, 味道, 當然有水準.

而我的炒牛河, 味道也不差, 河粉似是當地華人自設工場自製, 而且是傳統的粗條河粉, 新鮮粉, 有煙韌口感夠彈牙. 豉汁味道, 加上外國唐餐style見慣既槳粉, 味道淡淡地, 夠味. 而且一樣是大大碟. 非常之滿足. 呢一餐, 直情令大家回想起當年的大學生活.

滿足, 思鄉, 懷念....就是唐人街給于當地華僑, 於交流上, 生活上 同 飲食上, 一個仿似家鄉的感覺.

捉太太一早起身, 我準備的是日行程第一站, 就是要行行火奴魯魯既主要地標, 夏威夷的Diamond Head.

一早問酒店拿了一張bus map, 看見有個 4 days pass, 商量過後, 先去ABC Store, 買下bus pass, 好讓我們喪搭巴士.

在酒店門口, 乘搭22號巴士, 就在山腳, 夏威夷大學旁下車. 而對面, 就是是日我們準備行上去既, 鑽石山....此鑽石山, 並非有鑽石, 亦不同香港鑽石山既解法 "鑽"石....相傳是英國一位航海家, 因為火成岩的結晶, 反射陽光而令到該船長以為呢度有鑽石, 故起名Diamond Head.

從google map, 看此山, 是一座很完整的環形山, 若不是在旅遊書及維基看過資料, 真的以為是一個隕石坑. 經過研究同考證, 才知道這個環形山是一座死火山.

下了巴士, 在環形山外圍行上山腰, 再穿過一條什有James Bond feel 既隧道, 到達了原火山口既中心區. 入場費 (步行入園者) $1, 開始我們的登峰造極. 外國就是喜歡保留大自然, 若是在中國, 早已好似華山咁, 搞到面目全非, 全是人工近景. 這裡, 無論近景, 遠眺, 都是一個大自然的世界.

一路沿著石仔路, 九曲十三彎的行上去, 又要穿過隧道, 又有恐怖的長命樓梯. 行了一個多小時, 才到達山頂的要塞. 俾少少錢, 買了一張登山證書, 上到去, 一邊是一望無際的太平洋, 一邊是歐胡島的大自然景色, 另一邊就是火奴魯魯市的鳥瞰全景. 咁辛苦行上來, 感覺是值得的.

另外再說, 這個Diamond Head, 原來是二戰時的軍事重地之一, 因為夠高, 可以遠眺有沒有敵軍殺到, 同埋, 另一用途, 是監察市內有沒有火警.

我們9點上山, 逗留至11點. 下山, 回去酒店小休. 再出發...行街街.

前文說過, 夏威夷未被美國入侵時, 是一個主權獨立而臣服於美國的一個小小王國. 有國王, 女王, 當然有皇宮啦. 而 Iolani Palace, 就是島上唯一, 甚至美國境內, 唯一的皇宮.

皇宮前, 為了紀念女王 Queen Liliʻuokalani而豎立了一個銅像, 讓世人知道, 夏威夷女王的威水史.

小小皇宮, 不算華麗, 但設計是深受歐洲既建築風格影響. 我們因時間關係, 同要收錢既關係, 沒有入內了, 我們係外面拍幾張照片之後, 再向下一個景點進發.

係Chintown行到開始疲倦了, 而且兩個人都凍凍地, 感覺上係時候補充energy了, 我們就在唐人街, 就找家小店, 簡簡單單地, 食個late lunch.

唐人街小店, 粥店, 麵店, 點心店, 非常之多. 係外國唐人街, 想食一口中餐, 不是一定要上大茶樓, 外國不少唐人街, 尤其是比較大型的, 梗有專為華人而設, 非常home feel 既小食店麵檔. 而我們看了一看外面menu, 有腸粉, 有湯麵, 就地決定入黎林記. 讓雙腿休休息.

老細見我們是遠方而來的香港遊客, 服務多了一點親切, 齋妹叫下一碟豬腸粉. 而我, 本來是想要一碗雲吞麵的, 然而老闆同坐在我們旁邊的一檯華僑哥仔講牛腩剛炆好. 咁我就即時轉呔, 改食一個牛腩麵.

腸粉, 雖食得出不是即拉的, 但一定不是中國或香港運來的雪藏貨. 加上花生醬, 甜醬, 甜豉油. 食一下, 就是香港的味道. 而且夠熱, 好食. 有時總覺得, 係外國食到家鄉既野食, 除非好差好差, 點都會份外的, 覺得好味道.

牛腩麵, 美國華僑搞既唐人街食肆, 同英國華僑搞既唐人街食肆一樣, 份量碟頭都非常之大. 是否同樣迎合大胃的老外呢? 沒研究. 我的大大碗牛腩麵, 就是香港的兩倍份量. $5美金一客, 係size方面, 值回既. 味道, 只是五香粉不夠, 牛腩是腩根邊. 其他麵條, 菜心等, 都不錯.

溫飽了身子, 我們又繼續我們的喪逛行程.

Alan Wong, 只看名字, 好多人只會應為呢間只是一家中國人開既中國餐館. 其實呢間, 是一間非常特別的一家餐廳. 老闆叫Alan Wong, 當然有中國菜食. 之前說過夏威夷有不少日本僑民, Mr. Alan Wong, 有日本人血統, 亦帶有夏威夷人血統. 所以他的菜式, 是混合了中、日、美、夏, 四個地方的精粹, 來創出此餐廳的獨特口味. 看過不少夏威夷的旅遊書, 有不少都極力推介, 尤其是英文書添.

此餐廳非常之旺場, 本來想book 7點的我們, 接電話的小姐已經一開口就說, 9點才有位. 我們特地而來, 9點就9點, 事前已經知道難book, 難得有位, 幾點都制.

9點上到來, book了位, 一樣要等等. 是否預先知道我們是honeymoon, 店方安排了一個位於角落, 在窗邊, 比較寧靜的一個位. 而且, 帶位阿姐亦特別向我們介紹, 是晚為我們服務的Brendan哥哥. Menu沒有什麼純素食的, 問了帶位姐姐, 同服務哥哥, 他們非常之細心地同廚房講, 有位客人是 vegetarian, allergic with onion and garlic.

問了廚房, 姐仔介紹, 我們可以從menu中的Sautéed Shrimp and Clams, Linguine Pasta, 改為 Fry vegetable Tofu Linguine Pasta. 而我就點下一個fusion的, Twice Cooked Short Rib, Soy Braised and Grilled "Kalbi" Style (Gingered Shrimp, Ko Choo Jang Sauce). 說真, 兩個菜都非常之, Fusion.

我們中國人, 比起外國人細食, 所以不叫頭盤甜品. 按外國慣例先點下飲品, 齋妹例牌地要可樂一杯, 而我就試試什麼叫 Alan Wong's Favourite Beer. 這個啤酒, 原來是日本啤酒, Brendan介紹說, 除了用麥釀製之外, 亦加有用米釀製的成份. 的確啊, 支啤酒, 真的有米香.

說食物了, Fry vegetable Tofu Linguine Pasta, 味道同做法, 看得出是中式, 但出來的意粉, 一點也不中式. 味道有少少豉油香, 豆腐都算嫩滑, 不過, 因為係炒既關係, 油左少少.

Twice Cooked Short Rib, Soy Braised and Grilled "Kalbi" Style, 煮兩次的豬排肉, 問了Brendan, 原來是經高湯烚過, 再用豉油汁去煎多一次的. 塊扒, 切開時, 一絲絲的, 而且非常之入味, 外層的豉油汁, 煎得非常的香脆, 而且是甜豉油的味道. 造種做法, 真的是第一次食. 雖然要等到肚餓等到9點幾先食野, 但在味道上, 服務上, 環境上, 已經覺得不枉此行. 再加上是晚"突"別的驚喜, 更加覺得物有所值.

"突"別驚喜是什麼? 當店內一位客人進場時, 即時引起全場的注目, 那位客人是誰....? 當然是明星啦, 沒想到, 我們竟然在夏威夷, 見到Elton John, The Osborne..... 同另有一檯客人, Elton John不時走過去聊天的...我們當時想不起是誰, 事因呢位明星走樣得太利害了, 再度發福的 John Travolta, 不容易應出來.

開心浪漫的晚餐仲有明星睇......非常之難忘.

連轉機, 我們足足坐了10多個小時的飛機. 原本 on plan 既行程係去到酒店放低行李後, 直接去Pearl Harbor. 因為看過旅遊書, 說要上Airzona, 一定要早去, 越早越好, 事因有入場人數限制. 不過壤消息....原來Airzona內部裝修, 成個1月暫停開放....酒店職員勸我們不要浪費時間去....

之後, Plan B, 去 Honolulu Zoo...在排隊買飛時, 我看到......獅子館不開放, 長頸鹿館暫停, 河馬館暫停............兩次去旅行, 兩次想入Zoo....都係因為咁而...費事入.

之後, Plan C, 就地遊Waikiki呢一個超級遊客區了. Waikiki, 出名有個長沙灘, 不過我們只是在沙灘小休. 二人志不在"撻"沙灘, 點都要行下街, 看看Waikiki區既環境才開心.

氣溫不高, 但陽光猛烈, 行行下沙灘, 都係"攓攓"沙, 行返入內街. 圖中有一銅像, 是紀念夏威夷最出名的滑浪者.....名字不記得了. 之後, 行行非常Commercial既名店商場, 同一個冇乜野啱買既Internation Market Place.....呢個Market Place....同女人街賣既野差唔多. 而且, 夏威夷係超多日本遊客的.....我地成日俾人當做"倭人"....囧...

經香港芒果網買深圳來回上海-虹橋機場:hkd$1480, 一早去皇崗乘坐機場巴士(rmb20),一早去到check in先,食點東西,經過漫長的排隊時間及非常嚴密的保安,慘被摸足全身後,終於可以去登機;點知道去到閘口,飛機目的地去杭州??原本飛機唔等人,又不會有announcement,嚇壞了我!好彩航空公司立排下一班飛機.


到達上海虹橋機場, 當地氣溫為4'c, 又下大雨, 非常寒冷! 之後打的到華美國際酒店, 只是25分鐘,rmb50.

這間店子是BOKO無意間發現的... 當時被那張貼於玻璃窗上的抹茶甜品的竹筒賣相深深吸引著，於是在剛吃完炸豬扒套餐極飽的情況下也忍不住到這間新發現的甜品店試試~

店子雖小，但卻懂得善用顏色和光線，讓人有一種和諧而舒服的感覺。而店子的裝潢、餐具、以至食物均有著濃厚的傳統日式風味。後來於網上查看，得知這間店子的總店位於京都的嵐山，名為"嵯峨野湯"。這間樓高2層的建築物於大正時期曾為「錢湯」(即大眾浴場)，被廢置後有心人希望把它那份昔日情懷好好保留下來，故此把它改建為CAFE+GALLERY+SHOP。網頁上看到CAFE處處充滿昔日錢湯的特色，有機會真的很想親身到訪一遊呢~~~ 

而這間位於惠比壽的甜品店採用了總店售賣お土産的副線JAPANESE ICE OUCA作為名字，而暫時全日本亦只有這間分店。

店子設有堂食及外賣，主要是售賣日式雪糕，有牛乳、抹茶、黑胡麻、櫻小豆、かぼちゃ(南瓜)、かりんとう(花林糖)、きなこ黒蜜(黃豆粉黑蜜)等等。由於當時我實在太飽了，吃不下雪糕，於是叫了一杯"コーヒーフロート"(Coffee Float)，DEKO則叫了poster上的甜品"抹茶三昧ゼリー"。

別小看只是一杯咖啡加上一個雪糕球這般簡單，店子特意用了一塊跟雪糕一樣大的冰塊盛著雪糕，減慢雪糕沉下的速度，讓客人可以慢慢品嚐牛乳雪糕。另外溶掉的雪糕當作牛奶流入咖啡，咖啡也因而變得香濃，實在是一個十分巧妙的配搭。

到了冬天，我們2個抹茶迷又忍不住要來這間小店子。本來打算一試DEKO上次點的那個甜品，發現原來是夏日限定的甜品... 於是我有點失望的再點"コーヒーフロート"，DEKO則點了這個冬日限定的白玉あんみつ+抹茶牛乳~

這間店子是DEKO+BOKO的私人推介!!!