Shopping 完畢, 回酒店放下戰利品. 梳洗一番之後, 再回去Ala Moana Center等巴士, 開始我們的遊巴士河, 歐胡島的環島遊. 而環島遊既第一站, 便是馳名的菠蘿園. 我們坐了個多小時的巴士, 沿著環島的卡美哈梅哈大道 (Kamehameha Highway), 經過山上高原的一大片農地. 好好人的司機提了我們下一站就是Dole Plantation.

一下車, 就在荒蕪的公路旁邊, 一座美麗的木建大屋, 這就是是Dole 農場的入口, 我們終於來到, 菠蘿園.

坐完長途車, 首要任務當然要解決三急. 之後, 行了半間shop. 再出去外面的菠蘿花園. 此菠蘿花園是免費參觀的, 齋妹同我的宗旨一樣, 收費一過$10美元, 就寧願睇少一樣. 而且, 單是這個菠蘿花園, 已經令我們覺得非常之滿足. 再看看其他入場者, 10個有9個半都只係Shop+菠蘿花園. 坐火車遊佢既花園, 又不是入去睇佢種菠蘿, 覺得都係算了, 唔值. 另外有一個迷宮...我們不小了, 都是看看花園, 摸摸那些未熟的BB菠蘿吧.

入返去 shop, 本想食過午餐, 但胃裡仿佛仍殘留著早上的臘腸飯同Pizza. 而且見到人人拿著一杯雪糕. 我們行入Canteen, 呢一杯, 就是佢話係famous既 Dole Whip (菠蘿軟雪糕). 味道甜美, 充滿菠蘿味, 不過襯托的鮮菠蘿肉, 因為在雪糕的對比下, 顯得酸了少少.

另外一邊箱, 有菠蘿試食, 有原味, 有加了鹽的, 亦有加了一些香料的, 我們食完就走, 這不是一般的做法麼.

再看看精品, 得意公仔, 行出門口影多幾張相, 回到巴士站.....等等等等等等等等等等等等等等等, 等巴士, 去北岸小鎮同沙灘.