朋友幫忙之下,訂了這所華美國際酒店
地點算是方便,大概在新天地,淮海中路,豫園之中間
老西門站(8號線)步行5分鐘, 大世界站步行9分鐘
東台路古玩街-對面
新天地-15min
豫園-25分鐘

我們住的是豪華客房(朋友upgrade),應是新裝修過,很新淨;
因為四周是平房,所以全酒店的景觀不錯,
環境清潔寬敞 早餐味道一般, 但可以一吃.

不過酒店的房務有點問題,打開茶杯,竟有半杯水...(welcome drink????)
地下又有個塑膠筷子套,兩日後沒有補充茶包....

旁聽就是龍蝦一條街

整體而言,這酒店都可以.........到放下行李,出去玩,天竟然下起雪來

搭地鐵,立即買張公交卡,這是今次很聰明的決定,非常方便!上海交通費用之高雖為全國之前列,但比香港還是平了許多,今次4日行程,地鐵+幾程的士都唔駛充值.

先去虹口體育場,行下魯遜公園,下的雪越來越大,加上少許雨,氣溫寒風!
雪中的魯遜公園有群師奶打花鼓,遠處另一邊,有大群老人家在唱[我的袓國],沁靜的公園傳出空蕩蕩的回嚮...很有種悲慟的感覺

天氣唔好加上上海天黑得好快,行程趕急令我們搵來搵去都係搵唔到魯遜記念館.於是直出行去多倫路, 在香港,肯定沒有多倫路這種充滿文化地方,兒時家人在上海買了個手刻印章,之今還保存著,今次在多倫路買了個刻章,問一下價錢$20,牛角章$30,幾平! 原來係觀塘工業區的激光侵蝕機整,仲用mon問我用邊種電腦字體!頓時無晒feel......

那兒的名人銅像在四周角落,很自然融入街頭巷尾....不過白茫茫的天雪上加霜,天氣太冷,我們走馬看花後就離開

一出大世界站,買了手套
很多書都介紹的雲南中路-小紹興小食街
[黃長興]小紹興,還有燕雲樓,上海小食店雲集
看看價錢並不貴

不過趕去豫園關係,無食過就走!

第一日去到上海,好像處處都因為世博而大興土木
無處好地,終於到豫園-就見到翻身後的美態
盡目都是金碧輝煌,很有滿城盡帶黃金甲feel
想起香港的旅遊點,真有點自形慚愧.......

買了上海小食的手信:梨膏糖+花生酥+雲片糕
每款$20

到了湖心亭,竟又在裝修之中,無癮呀!
見到南翔饅頭店大把人排隊,當然不去排啦
上樓上,又有大把人排隊,唔食!
但fd又想去食小籠包,於是去旁邊的上海小吃人家
見門面傳統,正宗一點,又結果是.....難食到喊
的店員見我地坐低,愛理不理.
.結果之後一路上都不時遇到

買了冰糖葫蘆,$5,有豆沙,好好食!

跟北京的王府井大街一樣,都係南京路步行街展示世界大都會的一面
感覺係超級繁華! 耀眼套目!


乘坐觀光小火車,載你街頭到街尾都係$2,超抵!
天氣為0'c,減低了興緻
但當地只有座上海食品中心,好行一點外
其他無甚特別!無野好買.....

行過沈大成,外買了2件糕點,$6,軟綿綿,好食!

之後行去外灘,沿途很好人賣老翻喜羊羊及世博海寶(醜!)

南京路步行街直行一會,就到達外灘, 一如其他朋友,都外灘都工程進行中.....
爛地處處,木板圍住江邊,加上到十時,結果看不到對岸浦東的現代化景致

但暗黑之中,仍看到東方明珠電視塔及及的巨大暗影,
黑壓壓  上海金融中心一下下的閃燈,仍然在心頭震撼

行下影下已到上海半島酒店,低調靜靜的外灘盡頭
走過外白渡橋,手指已經凍到無法按照相機快門
打的返酒店.......$15

就在入住的華美酒店旁,
小小一條街就有30-40多間貝殼燒烤/小龍蝦店
比深圳路邊燒烤貴一點,生蠔,扇貝$5一隻,但質素高一點
啤酒$10略貴.....
不時見香港人去

第一晚見街頭左面的西北狼燒烤店,
enocre又encore
見左佰幾人仔, 之前在廣東食左咁次都係幾十蚊0乍

第二數去,入左間小龍蝦店
又係狂點路邊燒烤食物(有人寄賣),
給果受到小龍蝦店主店員黑面
(本身佢地都幾無禮貌)
咁我地唔好意思,問一斤小龍蝦好幾多隻
原來有成20隻,唯有作罷........

旁邊有一家香港人食,
見佢地點d海鮮真係好正
比香港鯉魚門有得比下

同行老死出發前要求一定要走錦江樂園
80蚊玩6個game, 面積相當細小
入去時包場, 最多只有10-20個遊客在內

這個錦江樂園在上海心中跟香港的荔園一樣
是上海大眾集體回憶
其實keep得好新,幾靚有樂園feel,你話新開都有人信

但問題係好悶/game都係小朋友玩
貴/80蚊玩6個game已經貴,仲有最吸引的幾個活動eg skywheel 跟 3d theater都唔包
要另外畀$20,搞錯呀

咩都唔開/幾個僅有的激game,
都話1,昨日積雪2,檢查3,下午先開(一日只開4個鐘?!)
但收$的百米skywheel,一路轉一路半空掉下積雪照開無礙....暈....

老上海人的服務態度在這樣又一次得以體會
d員工唔理你,後生打手機,老員工食飯,大聲話你

入左去個半鐘之後,經已想走......

但有個最特別地方令我難忘就得
skywheel 旁有間大屋
入去仿迪迪尼的小小世界(樂園講明係)
但一入到去, 可愛的兒童竟然變成魔鬼怪嬰
媽呀~~