我們在 Bellevue Square 行完街之後，準備下班的太太兄及嫂打電話來，說晚飯的地點位於 Bellevue 的另一個商場。

幸有 GPS，這商場不難找。來到，這兒有一個非常空曠的停車場，食肆林立，而我們更在這兒發現了一個熟識的名字，那就是《元氣壽司》了。

在吃飯的一晚，我們發現了這一個 Mall 有好多好行的地方，於是，在臨回香港的前一天，我同太太二人再主攻這一個商場。我們找到了《TJ Maxx》、《Walmart》，仲有好多好多啱買大大小小東西的店舖。Happy Shopping。 

舊年去札幌時，與家人首次搭過香港航空後便一坐上癮，所以一收到風港航於暑假成功增設往返東京之航線，商務位仲要平過另外一間航空公司o既特選經濟客艙，大肥爸爸諗都唔洗諗即決定選搭香港航空。

多得哥哥再三提點，知悉香港航空o既搭客可以喺中環機場快線站辦理手續，將行李寄艙後，就可輕便地乘坐機鐵直達香港國際機場，同行六十五歲以上o既團友們更可尊享半價優惠，又抵又方便！由於手續簡易，地勤人員效率高，我地又預鬆咗時間，所以全體人員就應邀前往航空公司o既貴賓室「紫荊堂」，享用午膳並稍作休息。

離開出境檢查大堂不遠，藏於地下室o既「紫荊堂」光猛寬敞，接待處o既玻璃趟門印著香港靚景，感覺高雅大方，當真令身為港人o既XO仔十分驕傲。貴賓室面積廣，其中分開有梳化區、向窗獨立座、電腦區、用餐區等，各有各舒適。

我地咁多個人步入「紫荊堂」正門即由多位友善好客o既靚姐姐接待。佢地不但協助各人入座，更會主動講解廳內所提供之設備及餐飲，招呼十分周到！設施中最搞鬼o既必選大廳中央嗰座「住好啲」懷舊磅重機，原來真係郁得架，我地一人玩咗次，玩完仲有張紀念咭仔證明旅行前有幾fat添！

除咗有得玩，貴賓室當然唔少得自助餐區域。既然假期已經開始咗，大家就先向酒品埋手，襯太陽仍在高掛時先飲兩杯輕鬆吓！自選食物中有個唔係咁受歡迎o既凍肉及沙律吧；熱食中蕃薯uncle同小肥一樣最愛咖哩牛腩，蝦餃就一般啦；女士們每人要咗碗即叫即煮o既車仔麵同雲吞湯米粉，大家都話好夠熱，且唔油，都唔錯。最有驚喜就一定係個鮮製雞蛋仔，熱辣香脆，鬆化輕巧，雖然落單後要等成幾個字先有得食，不過絕對值得等！大家要留意，雞蛋仔煮製時間約十五至二十分鐘，供應時間每日限定中午12點至傍晚6點。

同行眾多長輩都係首次乘搭香港航空，其實訂飛時都唔係咁有信心，擔心平野唔會有好野。哈，點知未上機前，淨係喺港航貴賓室「紫荊堂」短短逗留咗四十五分鐘，享用過特色美食酒品、見證過港航優質o既服務之後，竟然足以令眾人放下心頭大石，期待即將展開o既空中旅程！

今次乘坐香港航空前往東京，經旅行社購買商務位，來回機票優惠價為HKD 5,536，除咗可以享用上述所提及到o既貴賓室「紫荊堂」之外，飛機上亦有晚餐提供，餐飲中不乏酒水，暑假旺季黎講真係好抵。

當日香港航空HX610 班機預定下午三點半起飛，用上商務艙以一、二、一排列o既新飛機型號，獨立座位空間足，乾淨企理，十分舒適，上機時長輩們仲每人影咗幅相留念，明顯好滿意。可惜飛行期間冷氣唔多夠，當XO仔想調節冷氣時先發現原來新機冇咗啲手調冷氣風口，咁唯有向空中小姐提出睇吓可唔可以開大啲個冷氣啦，點知佢好抱歉咁話已經開到最大，見到細佬真係滴哂汗，佢都好客氣咁話不如俾杯冰水我幫助降一降溫，態度極之誠懇體貼。

航班飛行時間約四個半鐘頭，起飛後大約一個鐘頭後就有晚飯食，亦即香港時間四點半（東京時間五點半），真係好早，不過搭客有要求絕對可以遲啲食，只係主菜選擇應該會少咗。點選食物時，由於機內室溫對細佬黎講實在過高，小肥就好唔客氣咁要齊冰水同香檳作餐前飲品，主菜就揀食「日式炸雞配蜜糖芥末薑汁配日本飯及季節時菜」。

晚餐由頭盤「日式冷麵」及「烤雞胸片伴菠蘿芒果沙沙」作序。雞胸片容易偏嚡同乾，飛機餐上o既雞胸薄片亦正是如此，幸好個菠蘿芒果沙沙尚算清新醒胃，日式冷麵又夠清涼甜美，成功挽回不少食物分。主菜「日式炸雞配蜜糖芥末薑汁」只可以話係中規中矩，因炸雞皮層過厚，即使雞肉軟嫩都難以補救。

肥肥家族遊日本，坐飛機首選香港航空商務座，因其獨立座椅闊落舒適，機艙服務員態度友善誠懇，而且價廉抵坐，唯一新機空調不足，有待改善。個人覺得港航晚餐質素當真不及其早餐「法式烤多士配鮮忌廉及藍梅醬」（上次食過）出色，建議其實可將如此美味o既「法式烤多士」長期列入餐牌供搭客選擇，成為港航標記後更可當作免費宣傳，可謂雙贏！

「鑽石公主號」郵輪定於橫濱出發，為安全起見，一行十二人早一晚就經已先抵橫濱，喺市中心一家最多團友可以賺取酒店分數o既「橫濱灣喜來登酒店及觀景塔」（Yokohama Bay Sheraton Hotel & Towers）度過一晚夜。

始終人多容易混亂，故XO仔一早已做足功課，了解過由東京成田機場前往酒店o既不同方法，包括的士、巴士、火車等。多得酒店職員Mikami小姐o既提點，並耐心地跟小肥多月來以電郵通訊，團長最終決定以最簡單及便宜o既途徑先搭九十分鐘巴士前往「橫濱城市航空總站」（Yokohama City Air Terminal - YCAT），然後再轉乘的士去酒店。酒店客戶可以4,000円獨享巴士加的士之套票優惠，六十五歲或以上o既長者則可憑護照以半價2,000円購買巴士車票；由於每張套票包咗一架的士，以長者優惠淨買巴士飛o既團友剛好可搭順風的士一齊去酒店，非常順利。

位於市中心o既「橫濱灣喜來登酒店及觀景塔」只需步行五至十分鐘就有購物中心及多間食肆，地點真係好方便。酒店房間同洗手間一樣咁大咁潔淨，各部門o既職員落力有禮，又樂於幫助客人，每間雙人房每晚21,500円絕對住得過！

由於喺飛機上，下午五點前已經食完晚餐，一直到午夜十二點到達酒店都未有再進食，喺巴士上大家已決意安頓好行李後就要馬上外出覓食。手持地圖行出街外，十二人就好求其地行咗入去一家營業至深宵o既「NIJYU-MARU」居酒屋，食到凌晨兩點先返回酒店。

居酒屋佔用面積全層，望落開揚寬廣。食客都係後生一族，全店就只有我地一班外國人。講真服務唔算差，叔叔同姐姐仔都冇話黑面，只係明顯冇平時見慣嗰啲服務生咁殷勤友善，幸好小肥可以勉強用簡單o既日文對答，電子落單又夠簡易，起碼溝通上冇乜大問題。

電子及紙造餐牌均附有彩圖，亦有清楚列明價格，長輩們睇完就講出想食o既菜式飲品，包括小食、刺身、飯麵等等，再交由細佬續一入機點菜。咁多款食物中，小食以大路o既蕃茄（299円）同枝豆（299円）最穩陣，帶子刺身（499円）平得黎亦好合格，炒飯（699円）同櫻花蝦拉麵（499円）都唔錯，最美味必選兩款香脆惹味o既炸雞（399円）及炸雞軟骨（499円），送酒一流！當中其實亦有唔係咁得o既牛肉飯（499円）同炸芝士（399円），不過睇在價錢份上，個人覺得冇野可以投訴囉！

放低行李後再搭酒店車前室往tesco lotus 超市，似類SOGO的地方，有好多店子、餐廳及一個大超市，我地先到食lunch。

Black Canyon Coffee
BACK COFFEE CHAMP,THB80,據聞是得獎的咖啡，第1啖幾濃咖啡味,但因為太多冰,越飲越淡。
BLACK CANYON HOT COFFEE,TBH65,有埋茶同餅,好精美呀。
BACK COFFEE FROST,THB80,KING的,試了點,呢個好飲呀。
FUSILLI TOM YUM GOONG,THB138,冬陰功湯底配纙絲粉,味道普通。
TOM YUM GOONG,THB145,冬陰功湯,唔算好辣,味道太酸太鹹了。
VEGETARIAN SPICY GLASS NOODLES SALAD,THB108,金邊粉,酸酸地幾醒胃。
PAN FRIED SPAGHETTI WITH SEAFOOD CURRY,THB138,唔係好濃咖哩香,味道普通呀。
咖啡水準不俗,食物一般呀。

LUNCH之後周圍行下，行超市,好大間呀，當然大掃貨。
買了好多，之後想接的士返酒店,中途有"van仔"兜客,THB500到酒店,懷疑左陣照搭了，搭van仔沿途的風景都幾靚，返到酒店,大家好多戰利品呀。

Room service
返到酒店,差不多天黑了，酒店房間突然出現的CAKE,為慶祝友人Areis生日^0^!係酒店，當然點Room service,即睇MENU有咩食。
cocktail and juice, each THB295,味道普通呀。
Amazing margherita,THB395,正常水準。
Satay ruam,THB375,串燒,燒菠蘿幾好味呀。
Angus Burger,THB515,漢堡拼炸蝦薯條,牛肉多汁,幾好味呀。
Kao pad,THB340,炒飯,正常味道。
第一次住villa同用Room service,雖然食物味道普通,但氣氛好正,有家的感覺好warm,4人柴娃娃好開心呀。
飯後坐係泳池邊吹水,見到天上好多星星,好靚呀,可惜我唔太識影相同冇大機,盡力影幾張先，ELAX的一晚,明天又去Shopping。

位於downtown的Sears Fine Food, 從外觀上就知道佢有d歷史.
附近有唔少酒店, 入到去坐滿遊客已經心知不妙...
天真以為早餐會有幾難食呀, 就叫左個美式早餐, 果然冇令我失望, 好大份. 心諗我一定食唔晒.
我敢講圖中只有隻蛋比較ok, hash brown太油冇薯仔味, corn beef離奇地咸仲要唔好味,
pancakes質感古怪, 好粉好林, 落埋糖漿十足一疊濕紙巾.
咖啡都唔見得好味, 只有溫度冇咖啡香.

 

為左彌補剛才的不快, 食完早餐就黎飲杯咖啡.
室內樓底勁高, 分2層, 空間感十足! 
我地分別叫左cappuccino同macchiato, 2杯都屬於中上.

 

因為某d原因黎到Santa Cruz已經2點, 睇yelp搵到這間風評不錯而未休息就決定試下.
可能過左午餐時間, 餐廳只有幾枱人.
印象中冇乜食過地中海菜, 望住餐牌都好難聯想到係咩味, 所以求其叫左個沙律,lamb kabob同埋flatbread.  個flatbread好食過naan, 食物調味較濃, 感覺似希臘菜.

Dandelion chocolate 有自己朱古力廠, 由可可豆到朱古力人手製造, cafe仲有咖啡, 曲奇及其他朱古力糕點. 如果想了解多d可以參加佢地的朱古力班或者參觀朱古力廠.

三藩市有2間分店的Dandelion, 係Ferry Building個間較為就腳, 但就要行遠d先有得坐,
而且好多烏蠅飛. 雖然係咁都無阻我一次又一次咁食....真係肥都抵.
我最喜歡佢個 double shot cookie, 朱古力味濃沃, 食落唔苦但有d腻, 要分2次食. 

craftsman & wolves的蛋糕做得頗精緻, 一件件就好似放係寶箱咁, 非常賞心悅目. 
店內的糕點有朱古力都講明用 Valrhona, 講到尾食材很重要. 
曲奇偏脆, 甜度適中, 可以一囗氣食完, 我每次仲有衝動食多塊.
咖啡都好香好誘人, 不會比其他咖啡店差. 

第三日,今日的天氣終於似返點樣了!好天氣呀，今日可以晏點,8:30係酒店嘆個早餐，rustic brown bread幾好味，食左早餐抖一陣就出去了,BOOK左9:45酒店車前往查汶(Chaweng)， 10:20到查汶，查汶大街,又是周圍行的時候,原來大部分小店都是11:00才開門,係蘇梅的小店子買野,記得要講價呀。
711
因為好多店未開，去了7仔一趟，好多泰國象牌的飲品，見到有獨立包裝的小香蕉,似乎香蕉都幾多人鍾意，還見到個好可愛包裝的香蕉蛋糕,有點兒東京的影子呀，
查汶大街
係7仔hea之後開始行街,有太陽同時又下雨了-0-，沿途不少特色店子，去左BOOTS,泰國出名的藥妝，狂掃貨，行行下去到一個海灘，藍天白雲的好靚呀,玩左一陣,大約2:00搭的士回酒店擺低戰利品先,再坐酒店車到Eranda Herbal Spa。


 

到Eranda Herbal Spa,book左15:00，環境好靚，鳥語花香,充滿大自然氣息,心情因景色而變得平靜，坐著等候時的飲品,薑茶,十分清新呀。
 我們4人，分了二人一間房,會有兩位技師帶我地先入房換衫同放好財物,再去焗桑拿同浸浴,先是高溫焗桑拿5分鐘,然後即出去浸凍水5分鐘,來來回回幾次,好爽呀，之後開始按摩了,實在太舒服了,成個人鬆晒，按摩後的茶點,感覺特別好味，之後係Eranda book 車送我地去Cliff dinner。

 

到了The Cliff，book左6:00好早,冇乜人呀，餐廳都是分了室外及室內，室內是裝潢是型格的西餐廳，室外個view靚好多,真的是懸崖飯，即看餐牌，都是有中文的，聽聞出名的海鮮，必試下了。

Chang beer,THB150,來到就試下。

Mediterranean salad,THB320,g地中海沙拉,有青蘋果、腰果、芝士粒及沙律菜等,都幾清新,本身LIKE腰果,覺得不俗呀。

Carpaccio Di Manzo,THB480,澳洲生牛肉薄片佐波西米醋醬汁,真係好薄,好難夾得起,一夾即散的質感,口感鮮嫩,配上芝士粒粒及醋,酸酸鹹鹹幾好味呀。

Jumbo Seafood Platter,THB4980,大份海鮮拼盤,當日冇龍蝦的關係,換上其他海鮮...有大蝦、青口、帶子、炸魚、魷魚圈,好豐富呀，蒜香大蝦,口感爽彈好香口,燒帶子,都幾鮮味，青口,好少可食到好味的青口,夠新鮮,肉質爽口肥美，魷魚圈,爽口彈牙,不俗呀。

返到酒店,又去漁人村行雨下,見到Disneyland X 象，好有趣呀。
 時間尚早,一於去飲野,好想飲西瓜汁,又去Krua Bophut Restaurant，今次坐室內，窗外的景致,都好靚呀，大家都飲西瓜汁(團購?XD),飲野吹下水relax好正呀，走的時候...行行下落大雨-0-,好在有個帳篷避下,好大雨呀。
返到去沖個熱水涼舒服晒,睇下先己今日的戰利品，都好多呀，執定行李,住埋明天就轉酒店了，就訓時Aeris帶來的清熱氣沖劑,好窩心呀。

 

如果唔係暮名而來, 你可以能唔會入去, 因為佢係無招牌的.
舖入面好深, 3/4部分為開放式廚房配合bar枱, 放眼望去一張櫈都無!
落完單比左錢就去搵位企喇, 感覺這間餐廳頗受歡迎, 想搵個位埋枱都難.
店員會攞住d野食叫你個名, 所以唔可以掛住傾計.

 
 

其實入場係免費的, 不過要預先上網預約, 如果唔係就要係門口排長龍喇.
若果真係唔想排就要比$12一位囉.

由於此館冇放低袋同外套的地方, 所以背包太大, 職員會要求你揹係前面. 

館內有大量美國藝術家的展品, 包括 Jean-Michel Basquiat, Jeff Koons, Roy Lichtenstein 同幾乎每間館都有的Warhol等等, 個人認為收藏品比起 SF MOMA 好得多.
除左一般繪畫, 雕塑, 藝術裝置, The Broad 最吸引我的係䓍間彌生的 Infinity Mirror Room,
建議一入到去就要攞飛, 可以一邊睇其他野一邊等.
由於每次只會比你一個或同行的人入房, 所以絕對唔會影到其他人, 但係就只有短短的一分鐘, 然後職員就會好無情咁開門 

同The Broad只是一街之隔就是著重建築師 Frank Gehry的Walt Disney Concert Hall, 儘管已經起左13年, 但未來感仍然十足, 能夠近距離睇到咁特別的建築是一件興奮的事.
 

係The Broad對面有另一間藝術館MOCA, 同樣係展出當代藝術品.
逢星期四5至8免入場費, 其他時間就要比$12一位. 
相比The Broad, MOCA內部燈光偏黃, 藝術品的攞位較為疏落, 所以我覺得無咁好行, 但都有值得欣賞的藏品. 

因為去浮潛,活動時間是8:00-17:30,6:30到已經起身了,早上的天色還可以，先去食酒店早餐，餐廳有室外及室內，怕下雨還是坐室內好了，早餐buffet好多野食呀。
食物有水準，還有早餐主食-benedict，半熟的水波蛋,都OK，Hansar coffee不俗，生果必食,呢到的香蕉特別好食，傳聞中的蛇皮果,可以一試了，口感好似大樹菠蘿,味道好酸呀。

玩浮潛，由酒店幫你BOOK都可以，有專車接送。
因浮潛是係酒店BOOK,7:50係酒店大堂集合,由酒店專車接送去到碼頭，8:45到碼頭,要先去登記，手上綁上彩繩作記號，活動有提供輕食的早餐，大家等待的時候可享用，9:00上船出發了。

龜島浮潛
 開船之後突然多雲...下大雨呀@@oh no!不過活動如常，船上有飲品提供，導遊在整理浮潛用品。
大約10:30到達了龜島附近的海灣(Mango Bay, KohTao)仍是下雨,不過可以照玩,聽下導遊教導點戴潛鏡,就開始浮潛了,我第一次浮潛+唔識游水之下,先到海灘企到的位置視察，一踎低潛落水看,wa!已經見到好多魚,眼前一亮呀,我地有租水底相機,當然要不停影下相,多數都係king影的,影得不俗呀。

因為水底個景好靚,想去遠點睇下,但又唔識游水不斷係到浮浮沉沉(唔敢出海的樣),有個浮潛指導人員(應該是隔離船的,我簡稱佢為教練)睇狀,問要唔要帶我地去睇珊瑚,但我地唔太識游水,佢話不怕,猶疑左一陣之後照去了。 
有專業人員教練睇住,安心好多呀,見到d珊瑚,真係好靚呀,這幾張是教練影的,THX!我地就全力欣賞!教練真係好好人呀,帶我地睇珊瑚之餘,又游下我地學游水,仲要好風趣呢。

浮潛後lunch。

南園島浮潛
 lunch之後再搭船去南園島浮潛，又下大雨呀-0-，去了海灘,係岸邊潛左一陣,呢到的海水好清呀,不過就唔多魚睇，跟住只係周圍行下，14:45上船離開南園島,其實個島好靚,不過差唔多半日都是下大雨...影唔到靚相,搭船時仲大雨又大浪,因為4人坐最出的位淋晒雨+食晒強風@@...真係凍上加凍...我地簡稱係酷劫XD,雖然我地咁講,但都係另一番體驗,同對浮潛興趣大左,因為海底太靚了,同好在有租水底相機,下雨浮潛都用佢。

漁人村dinner
16:30返到碼頭再坐車回酒店,梳洗一下,又出去漁人村食DINNER，Krua Bophut Restaurant,行左一陣揀左呢間。
室內環境大樓底高,有空間感,以深啡木色為主,充滿古典味。
室外的環境,是向沙灘的,燭台內的貝殼及沙石,同沙灘好合襯。好浪漫同有情調呀，我們揀室外。

COCONUT,THB140,冇咩特別。

WATERMELON,THB140,田會長的,好飲呀。

RED CURRY WITH CHICKEN,THB250,紅咖哩雞配飯,味道濃郁,唔太辣,都ok。

TOM YAM POH TAK,THB240,用椰青殼盛裝的,個湯睇落好清,味道是酸酸辣辣的,有好大舊魚肉,都不俗呀。

SHRIMP EMPURA,THB180,大蝦來的,都幾好味呀。

DEEP FRIED SPRING ROLLS,THB180,味道普通。 

FRIED FISH WITH HERD SALAD,THB180,都幾好味呀。

 食物正常水準,環境取勝呀。

 之後買了零食回酒店,4人又邊食邊吹水,好正呀,今日運動左一日又早瞓左,聽日去做SPA,期待呀。

 

Starfish and Coffee
行左陣漁人村，去了呢間,都幾近酒店呀，店子環境面積寬敞,裝潢以紫金色為主,有不少的特色擺設,感覺relax,係蘇島的餐廳,多數都有露天位置,是賣點呀，menu有中文字,覺得方便的同時,又覺得有點兒.......之後叫了數款食品,太好了可試真正的泰國菜。 
starfish,THB240,賣相好吸引,味道似fruit punch。

涼拌柚子沙律,THB170,味道不俗。

炸蝦餅,THB250,有4件,剛好呀,同平時食的蝦餅不同,平時果款多是蝦膠而成口感彈牙的,呢個蝦餅裡面真的是蝦肉,同夾雜左少少魚肉,香脆又好味呀。

冬蔭功湯,THB230,去泰國必試呀，好足料的冬蔭功,好大隻蝦,最喜歡酸酸辣辣的味道,不過呢個比想像中酸,唔太辣,椰香味較濃,未到好美味,但都不俗呀。

咖哩牛肉配飯,THB250，椰香味比較重的咖哩,不太辣的。

燜菠蘿飯(蝦子),THB250,好足料的菠蘿飯,不過唔算太香菠蘿味,普通呀。

食物上正常水準,不算太突出,但環境不俗,服務態度幾好,侍應識攪下笑,感覺輕鬆又親切呀。


 

返酒店遊泳抖一陣,17:30又出左去漁人村,每逢星期五漁人村都會有夜市,就好似小販檔一樣,有好多小食及飲品,仲有一些小檔灘,十分熱鬧呀。

小食有好多選擇,特別炸物同串燒較多，眾多美食之下,幫襯了幾檔。

燒魷魚,燒完的魷魚再切粒,然後撈埋醬汁即食,魷魚口感腍腍地,少少爽口,幾特別,味道酸酸辣辣,仲要都幾辣下,幾好味呀。

大椰青,THB50,果然好大個,味道同平時飲的椰青差唔多。

燒薯仔,THB20,熱騰騰又大件的燒薯仔,口感夠腍,配上牛油及蒜茸,味道香口,好味呀。

鱷魚肉,THB100,口感好似霉了的雞肉,好鬆散,只有沙嗲調味料的味道,唔太好食呀。

雪糕,THB40,有6-7小球雪糕,用椰殼盛裝著,好有特色呀,雪糕有椰香同炎煉奶味,好香甜呀,加上配料及椰肉,真係好美味呀

串燒,THB50有8串,要了4串雞肉及4串豬肉,味道普通。

banana-nutella pancake,THB40,香蕉榛果朱古力,好多醬同香蕉,果然好味呀。

行到好攰之後去左一間Dusita Spa按腳，ralex，之後回酒店訓過好的，第一日去玩呀。