札幌晚上天氣有點冷, 去完大通公園啤酒節, 肚子感覺空空的, 於是向友人提議吃拉麵. 走來走去, 找來找去, 原來酒店樓下已有一間一風堂.

雖然已是差不多十時了, 還是有很多人在一風堂門外排隊, 証明一風堂的拉麵是很受歡迎的. 桌子上有四種不同的免費配菜, 其中辣芽菜是我覺得最好味, 不是太辣, 而且爽口, 我差不多把它吃光了.

吃了一碗溫暖的拉麵, 可以安心的睡覺了.

看過我們的引言也知道在當地搭的士要小心
特別是在出機場的那一程，最好不要一個人乘的士吧！

問過朋友，他到過胡志明市多次，而且當地的朋友告訴他到機場的的士公司先付車資才上的士會比較穩陣，因為可以避免司機再索取更高的車資（正如友人的經驗，請看引言），較可言的是這家叫Vinasun，或者認著它的電話號碼：38.27.27.27

因當地人能說流利英語，先上前說酒店名稱，店員會替我們安排好的士

在濱城市場逛了一會，在一家較多人的食肆坐下
坦白說，那裡的地方不算乾淨，最初是不習慣的，但之後卻發覺每家食肆都是這樣
不少食肆正在烤魚，串燒等，實在十分吸引呢！

坐下來點了
炒通菜
炒得非常香，落了蒜蓉去炒，但味道不太香
通菜亦較硬，質感一般

海鮮炒飯
用上魷魚，蟹柳，蛋來炒
魷魚味道新鮮，十分爽口彈牙
唯用蟹柳要扣分了，如配上蝦仁效果更好更合適

象耳魚
侍者先送上了幾碟的配菜
第一次到越南，當然不懂這個地道的食法
先說象耳魚，基本上在越南街頭隨處可見，一場來到，也必試的
先將米紙沾濕，再放入生菜、象耳魚肉捲起來，就可以吃
米紙煙韌，象耳魚肉不太嫰滑，但很鮮味
大家都來越南也要一試這道菜色！

    想像一下身處於 希臘的 Santorini 圓頂形的建築物內，望著碧海青天進餐感覺會是怎麼樣的呢？
今晚我哋都會係 Santorini 不過是 on Oxford Street 食呢一餐希臘菜 。。。
 
   燒烤區設於餐廳入口處面對大街，燒烤就好像是做 show 一樣，吸引一班過路行人駐足觀看，開放式廚房位於餐廳的最深處與燒烤區遙遙相對，桌子上的雪白檯布、牆壁上 Santorini 的手繪畫 和 掛畫、無論是廚師、領班、或者是侍應，清一色是希臘人，帶著非常濃厚的希臘口音用英語來講解每道菜的選料與製法 。。。
再也不去理會這個 Santorini 是在那裏了？
 
   先要了兩杯 出產自 Peloponnese 伯里克利 的 Retsina Lafkioti,  有股淡淡然的果香，入口香醇，用來配白肉、海鮮十分適合。
 
   今晚食 All-You-Can-Eat, 但並非自助形式，而是由侍應不停供應直至你叫停為止，限時一個半小時，率先出場的有 ⋯
 
   Trio dips，Olives & pita bread   -  三種不同顏色和味道的蘸醬：
白色的 Tzatziki 是蒜蓉、小黃瓜碎碎混合酸乳酪，配麵包略嫌過淡。Taramosalata 是粉紅色的魚子加橄欖油，不愛魚的會覺它有股微腥，但老公卻比較喜歡這個。
而 灰暗色的 Melitzanosalata 就是茄子、蒜蓉、檸檬，今天用上 美乃滋醬來代替 酸乳酪，所以質感更豐厚而且多了一份蛋香，是我的首選。
用地中海一帶愛吃的 pita bread 蘸點醬料，難得上桌時還保持溫度，麵糰煙韌軟糯好好食。
橄欖不是我喜歡的東西，但是夜的甘甜沒有苦澀味非常好吃。
 
   要食得健康先來一砵  Lahanika Me Giaourti  酸乳酪焗素菜，意大利青瓜、茄子、土豆，用酸乳酪包裹著焗煮並撒上香草紅椒粉，可惜微酸的乳酪味道未夠濃厚，經烹煮後變得有點黏糊糊的。
 
   Grilled baby Calamari 烤魷魚仔，體積相當小的 BB 魷魚，但肉質非常鮮嫩多汁，灑上檸檬汁後更覺甜美。
 
    Char-Grilled pork belly 烤腩肉，礙於心理因素將所有皮切掉，但又想知道食味如何，所以放了一小段入口，質感頗鬆軟入口即化，而剩餘的瘦肉也肉味濃郁、濕潤嫩滑。
老公照單全收，然後把眼睛瞇成一線的對我說：＂我都唔知道係連皮上桌喎 ⋯ ＂    哈！可見得它是相當討人喜歡的。

   Grilled Halloumi 烤中東羊奶芝士配沙律，形狀似十足橫切面的花素卷，重疊一層層的、肉質粗糙帶咸香，入口有點像雞胸肉，又是配香草檸檬汁，喜歡吃雞胸肉的可能對它會有多些好感？

   Keftethes，希臘人的 肉丸子，燒完再回鑊用蕃茄、香草、蒜同燜，質感與形狀也有點像吃 獅子頭，可能因為這個原故，覺得它挺不錯的。
 
   再來一碟  El-Greco Garides 芥末忌廉蝦球，蝦肉夠爽脆但欠鮮甜，所以得分被大打節扣，忌廉醬加入芥末後，味道更鮮明，底下放入一片 pita 包，正好可以吸收汁液的精華 。。。至此肚皮再也容不下甜點了，所以就此收筆。
 
   初到澳洲之時，十分熱衷澳式燒烤親子樂，因為一般是由家中的男主人做主廚招呼客人，而我卻樂得清閒  。。。但久而久之被老公投訴。
今晚可以手到擒來地享受烤肉的味道，老公叮囑我在結案陳詞之時，不忘代他說聲：感謝煮！
 
歡迎到以下網站內緊貼我詳盡的飲食行蹤及互通資訊：
facebook.com/foodblogs84
 
微博
http://weibo.com/dancingqueen82
 
飯後感：（不錯）
推介菜式：   Trio dips，Olives & pita bread ，Grilled baby Calamari ，Char-Grilled pork belly ，Keftethes
消費 AUD  39 / 兩位
227 Oxford Street, Darlinghurst
 
Dancing queen 的飯後感：
色、香、味，俱佳  ~ （精彩）
色、香、味，頗佳  ~ （不錯）
色、香、味，欠佳  ~ （普通）

   坎培拉花展 於 9月15 至 10月14日舉行，璀璨盛開的鮮花正在告訴我們澳洲已經春回大地了，今年花展以「風格與設計」做主題，因為老公怕揸長途車 (約八小時來回）故此約定幾位朋友買了旅行社的巴士套票，今天上午八時集合，由旅遊巴司機帶領我們作一天的賞花遊。
「這個原本是 坎培拉一日遊 的行程，在花展期間將會撥出半小時，好讓團友可以順道參觀花展」
 
   因為時間緊迫關係「45分鐘吃午飯連參觀，小人國 Cockington Green Garden (澳洲名勝縮影）」只能從當地一間中國餐館 China Tea Club 茗趣居 外賣13澳元 的 什會飯盒、蛋白生粉芡湯，質素不值一提，要奉著個飯盒去參觀，enjoy 與否？ 見仁見智啦。我們因為已經去過多次，所以決定坐下來吃完個飯盒，然後搵杯咖啡飲好了。
 
   幾經辛苦才在歸隊前十幾分鐘找到一間像樣的咖啡店 Sweet Copper Cafe ,
買了 Mixed Nut Tartlet 和 Mini Tiramisu 各一個、兩杯 Chai Latte ，只能用餘下的五分鐘吃掉它們 ⋯
唔好睇小一條細細的鄉村，一間細細的咖啡屋，比許多悉尼著名咖啡店的甜品做得還要出色，每個賣澳元 3.50 的迷你版甜品非常好食，混合了核桃、碧根果、開心果、夏威夷果仁碎碎的 Mixed Nut Tartlet  入口甘香酥脆而撻皮亦非常鬆化。Tiramisu 好香酒味和芝士味，質感十分滑溜細膩，做飯後甜品一流。
嘆埋杯香濃順喉的 Chai Latte，（噢，我諗唔應該用個 嘆字？ 因為喝得實在太慌忙 ）便匆匆返回集合地點 。。。
「 回家後上網才知道它是一間歷史悠久、知名度什高的小餐館 ，感覺非常幸運可以誤打誤撞地找到它 www.sweetcopper.com.au 」
 
   開車後只需要十幾分鐘便到達花展的場地，只見人頭湧湧，大大小小的攤位售賣：咖啡、飲品、快餐、衣飾、香草 ⋯ 令人目不暇給。
要在短短的三十五分鐘內欣賞所有不同的娛樂節目、花卉展覽、馬戲團表演，跟本沒有可能，只好用相機、手機齊齊捕捉一些景物，好快就要趕回車上再去下一站。
   行程包括有： 每日 2pm - 4pm 也會射出高達147m 的噴泉、澳洲國會大樓、鑄幣廠 。。。
 
  
   陶醉於繽紛的花海當中，可惜時間實在太緊迫，只能走馬看花，足跡未能遍佈整個花展會場，非常可惜。回程在悉尼之唐人街解散，已經是晚上的八點十五分，辛苦了一整天肚皮在抗議著，趕快去一間頗雅緻的印尼餐廳吃晚飯 。

第六日, 朝早起身後去酒店餐廳食早餐. 內容都係最基本的麵包, 果醬, 生果, cereal之類. 選擇唔多, 味道普普通通無驚喜無驚嚇咁囉. Service你就靠自己喇, 侍應手腳非常慢的.

食飽飽後去海灘散步, 老土d叫踏浪. 藍天白雲, 尼斯有; 椰林樹影, 尼斯有(棕櫚樹都算椰樹啩?); 水清沙幼, sorry無噃. 呢度海水水質一般, 唔算清澈, 講到沙幼? 有鬼沙咩, 全部係石仔, 有d直情拳頭咁大, 行上去"銀"腳既. 好彩我地亦唔志在游水, 所以都無所謂的.

沿住岸邊的promenade直行就行到去舊城區. 尼斯舊城區其實唔係幾靚. 街道尚算乾淨, 但唔少房屋墻上都有污漬就有d令人反胃. 況且整體既建築亦無咩特色.

跟住我地行到一個叫Cours Saleya既市集. 呢度賣鮮花為主, 另外亦有蔬果, 香料等. 阿媽買咗樽rose jam帶返香港. 呢個市集十分熱鬧, 而且滿有歐洲風情, 可以一來. 

中午我地去咗Chez Freddy食野. 呢間餐廳網上好多人推薦, 名氣不小的. 地點就0係Cours Saleya市集旁.

生蠔: 有6隻, 我地大家分食. 海水味非常濃, 但可能當時未係季節, 所以蠔身偏瘦, 而且無咩鮮味.

海鮮鍋: 有青口, 蜆, 魚, 蝦, 薯仔, 一鑊熟. 個容器好得意, 下面係用來放空殼的. 食材新鮮, 味道自然唔差得去邊, 入面既薯仔索咗海鮮汁十分美味. 可惜貝類唔夠之前食過的咁肥美. 份量唔少, 再加埋薯條, 女仔來講一個人真係食唔曬.

阿爸唔跟我地點海鮮鍋, 要咗個燒鱸魚. 試咗少少, 皮脆魚香但肉唔夠嫩, 鞋咗d.

Overall來講呢間店都吃得過的, 雖然無前一日唔記得名果間咁好.

食完飯後我地返酒店休息, 跟住就出來上山頂. 尼斯面積唔大, 所有地方行都行到去. 山上有個人工瀑布, 風涼水冷係個欣賞夜景既好去處. 講燈火璀燦就梗及唔上我地山頂喇. 始終呢度唔係咩國際大都會, 無得比較既. 一家人0係上面吹風兼吹水, 都好耐無試過咁溫馨了.

上山前買咗Lac Chocolatier既蛋糕0係山頂食. 兩件分別係咖啡千層蛋糕及檸檬慕絲蛋糕. 前者咖啡味香濃, 蛋糕本身就實淨咗少少, 唔夠鬆軟; 後者既mousse就好滑. 兩件餅味道比較甜, 論味道係今次旅程中最遜色的, 不過仍算好味的.

4條友由日落睇到華燈初上, 餵完蚊後終於落山, 去Café de Turin食晚飯. 呢間餐廳我地之後會重臨, 食評請留意後面.

第七日我地去Phoenix Park. 呢個係一個有植物有動物既大公園, 兼有個好小兒科既音樂噴泉. 入場費係以旅遊區來講平到你唔信既2€! 嚟呢度你唔好期望有咩睇, 入來relax下, 訓下草地餵下鴨仔就得. 其實好多人來尼斯都係想咁樣放鬆下0者, 公園環境係十分清靜舒服的. 如果係第d月份嚟, 天氣無咁熱既話會更好. 我地當時係日日陽光普照的35度或以上.

印象最難忘的係果隻白色貓頭鷹, 你行去邊佢就擰個頭啤你啤到邊, 你都咪話, 個心真係有少少怯0架. 班鴨仔就好可愛, 完全唔怕人, 一入去就圍住你等你餵, 畢竟0係香港都好少同呢d非寵物類動物接觸, 幾好玩的.

0係巴黎我地行街食野為主, 嚟到尼斯就想放鬆下. 所以每日都係周圍行下坐下, 去海灘曬下太陽吹下海風, 話咁易又過一日.

中午我地又去返尋日去過的Café de Turin食飯.  呢間餐廳都是幾十年老字號了, 我地尋日來吃晚餐時覺得佢既海鮮盤除咗鹹咗少少外, 味道都唔錯. 所以今日打算來個翻兜. 兩位老人家一排無食中菜, 周身唔聚財, 走咗去搵中餐廳打救. 呢餐變咗得我同細佬兩個人食.

我又叫番上次食過的海鮮盤, 但今次一擺上嚟令我超失望. 首先隻蟹, 大家睇相都見到隻蟹係瘀黑色的, 唔係前一晚的紅潤鮮艷. Lunch價錢較平所以差D? No, 我兩次都係點同一味, 俾既價錢一樣, 約30€左右. 所有lunch的食物質素都咁差? 又唔係, 隔籬枱個海鮮盤的海鮮色澤光潤, 比我的新鮮得多. 味道方面亦較第一餐失色, 蟹肉超鹹, 雖然上次都偏鹹, 但至少入得到口, 今次則簡直鹹到吞唔落. 蝦既顏色亦比上次更暗啞, 又鹹, 同隻蟹一樣都好似用鹽水烚過咁. 海螺雖然唔鹹, 不過咬落好腥, 完全唔係新鮮貨.

細佬就點咗生蠔. 生蠔分normal or special, 兩款都有3個size可供選擇. 細佬揀咗special中最大的一款, 20,90€6隻. 我地一家少食生蠔, 所以都唔知係咩品種. 生蠔看上去都足夠新鮮的, 味道據細佬講蠔身肥美, 但同樣地極鹹.

而細佬食過生蠔後返到酒店開始覺得唔舒服, 嘔咗一陣. 好在嘔完後無事. 係咪同Café de Turin的食物有關我唔知, 但為免掃興, 我都係唔建議各位來呢度食.

第四日一早, 去咗位於酒店隔離既Tour Montparnasse. 呢座建築物號稱全巴黎最高, 堅定流就無從稽考喇. 門票每位13€, 0係酒店度都有得賣而且價錢更平, 10€就搞掂.

遊客嚟呢棟大廈只係為咗俯瞰巴黎全景. 呢度遊人相對較少, 如果嫌上鐵塔又貴又排隊排到海枯石爛既話呢度不失為一個好選擇. 同鐵塔一樣呢度都有間餐廳, 可以一邊食晚飯一邊欣賞巴黎夜景, 不過網上探子回報話食物味道不過爾爾, 所以我地無嚟吃.

由Tour Montparnasse落嚟後我地去咗紅磨坊, Moulin Rouge. 求其0係外面影張相證明到此一遊過就OK喇. 一來對表演興趣唔大, 二來入場費唔平, 唔包晚餐, 齋睇show都要約莫100€一位(唔知有無記錯).

之後大家去咗Sacre Coeur, 聖心教堂. 呢度離Moulin Rouge好近, 只係相距一個地鐵站. 教堂位處一個叫Montmatre的小山坡上, 未有鐵塔之前呢度係全巴黎最高既地方嚟0架.

第二張相中條斜路就係通往聖心教堂之路. 我地由地鐵站一上來, 即時嚇咗一跳: 撞鬼咯咁多人既? 家陣趁墟咩? 著實令我憶起內地旅遊景點既盛況.   

之前提過我地對教堂無咩認識, 所以入內行個圈, 睇咗一陣就走. 而且入面唔准影相. 反而外邊仲多野睇, 有個日本人表演唱歌, 又有個黑人徒手爬上電燈柱, 猿猴咁兩手抓住上面, 然後用膝頭及雙腳輪流頂波! 精彩. 而且坐0係外面草地休息都幾舒服的.

另外想講下教堂外邊有好多黑人, 一見遊客經過就綁條彩繩0係人手上, 跟住就梗係要你磅水喇. 我一行過就有條友拉住我隻手想綁條繩落去, 我梗唔制喇, 豈有此理信唔信阿姐我告你非禮吖嗱. 即刻掙脫咗繼續行. 旁邊有個十幾歲既台灣男仔就無咁醒, 傻傻下任人綁咗條彩帶, 俾咗2€對方竟然仲嫌少. 後來佢點甩身就唔知喇.

由教堂出來後我地去咗Galerie Lafayette, 呢, 即時大名鼎鼎既名牌集中地老佛爺. 同一條街上仲有同老佛爺一樣既百貨公司Au Printemps, 都係賣名牌為主的. 老實講呢兩間公司人多到似街市, 要買名牌既話去Rue St. Honore行得仲舒服. 不過如果時間無多既話呢度都算係shopping好去處, 因為牌子夠多夠集中, 而且兩間公司位處的街上仲有無數時裝店可供選擇.

行咗一陣我地就開始去食晚飯. 呢間餐廳叫Le Train Bleu, 位於火車站Gare du Lyon裏邊, 好易搵, 亦都係一間百年老字號了, Mr. Bean電影版都0係度取過景呢. 環境超靚, 金碧輝煌到差 d以為自己坐0係凡爾賽宮享受晚宴.

先來麵包. 侍應拎住一籃麵包俾我地揀, 有原味, 黑麥同橄欖麵包三款. 我要咗原味既, 之前講過法國餐廳既麵包都偏乾硬, 呢度既亦不例外. 但麵粉味係幾香的.

頭盤方面, 我要咗佢地自家製既煙三文魚. 三文魚肥美可口, 但就唔算驚為天人. 配上的兩件鬆餅我覺得同煙三文魚唔係咁夾. 旁邊仲有用煙三文魚加奶油打成既souffle, 放0係一塊薄脆上面, 呢個就好好味, 豐腴鮮美.

細佬叫咗青蘆筍凍湯, 佢話夠滑味道又夠清新. 阿媽就點咗鴨肝醬. 鴨肝醬幼滑, 而仍然食得出粒粒鴨肝的口感. 中間夾咗一層杧果茸, 食起嚟無咁膩.  旁邊配上燒菠蘿粒及淋上蜜糖既waffle. 兩樣都好味但後者同鴨肝唔多夾, 我地一致認為怪怪地咁.

阿爸叫咗個咩頭盤我地無人記得, 包括佢自己. 好似係個裏面係蘑菇餡既酥皮圓球, 旁邊仲放上一片燒香咗既煙肉. 只記得佢食既時候都讚幾好味的.

主菜兩老都要咗燒羊腿, 我地兩個就點咗燒鴨胸. 侍應推來一架車, 揭開蓋後一隻壯觀的羊腿誘人地呈現在眼前. 侍應由羊腿上切三片下來, 就係一份了. 羊腿非常好味, 七分熟, 鮮嫩多汁. 有應有的羊騷味但又未至於太過分, 很合兩老心意. 配上的是加咗blue cheese的薯茸, 好吃.

燒鴨胸用既係嫩鴨, 同樣燒得七八分熟, 吃起來軟嫩無渣, yummy!  旁邊同樣配上薯茸, 不過係無加cheese的版本. 卷起成筒狀的青瓜片內係炸脆的麵包小粒, 帶有濃濃的芝士香, 好得意.

食完兩道菜後大家都相當飽了, 不過都試咗兩份甜品. 一份係朱古力及柚子mousse , 一濃甜一微酸加起來恰到好處. 另一道係熱情果白朱古力mousse cake配熱帶水果沙律. 蛋糕濕潤鬆軟, 味道清新輕巧, 唔錯.

呢餐消費大約240€. 我0係網上訂位, 有八折, 未折前大約300€左右. 唔算平, 但巴黎呢d旅遊城市消費肯定偏高, 只要一家人吃得滿意就好. 今次比之前L´absinthe果餐貴大概50€, 但今次大家食得開心得多. 

第五日. 之前一日0係Au Printemps買咗件cake, 留返做今日既早餐. 細細件要成7,90€, 唔平呀. 間店叫Café Pouchkine, 買呢件係因為睇中佢話有茉莉味, 查實有鬼咩, 只係朱古力蛋糕夾一層梅子果醬. 味道都唔錯, 今次旅程我食過既法國cakes水準都好好. 唯一係外層塊朱古力片唔夠香滑, 唔係就perfect喇.

之後大家執行李去機場, 去下一站, 尼斯. 機程大約個半鐘左右. 到達後由於我地唔識點去酒店, so搭的士去, 用咗38€. 但原來如果搭巴士既話機場出市區每人只需4€, 路程亦並唔算遠. 而尼斯市區內巴士車費一律每人每程1€.

呢間酒店119 €一晚, 包早餐. 位於市區內, 交通方便. 房間比巴黎的Hotel Le M寬敞d, 顏色亦較colorful, 衛生程度都令人滿意的. 兩間酒店相同既係soap之類同樣無得refill, 唔相同既係Hotel Le M 牙刷要問先有, 呢間直情問都無, 要自己去買.

抵唔抵住我唔知, 但至少我訂房果段時間以3星酒店來講呢間算較平的了.

Btw, 尼斯的物價比巴黎有過之而無不及. 巴黎既水蜜桃1kg售2€, 尼斯就賣到4, 5€. 超市的日用品亦相對上較貴.

Check in後一家人出去周圍行下, 見到呢間餐廳好似OK咁就坐低咗. 父母對巴黎食過既青口念念不忘, 而家嚟到海邊近水樓台當然要大吃特吃. 我地要咗白酒汁, 番茄汁等唔同調味既青口, 同0係巴黎食過的既一樣咁肥嫩無渣.

另外仲點咗個煙三文魚沙律做前菜, 三文魚肥美, 不過d蝦仔就好鹹.

Restaurant Asperges是米芝蓮一星, 出名是用當地最新鮮, 最合時令的食材, 以簡單的調味做出美味的菜色. 午市套餐分了五個價錢, 最平的是JPY 2,100, 最貴的是JPY 7,400. 我們當天選了JPY 2,650, 這個套餐完全是夠吃夠飽的, 而且是超美味 (真的是吃到每一種蔬菜的天然味道).

五道菜, 每一道也很出色. 但第二道菜的“二十道美瑛地產野菜的沙拉”, 是給予視覺及味覺超級驚喜. 這沙拉的賣相, 美得像圖畫, 怎麼能捨得吃下肚子裡?

其他的菜式也很好味. 如果去美瑛, 這家餐廳絕對一定要去.

ps: 記住定位

Premier Cru 的裝修和氣氛是一間浪漫的餐廳. 可恨的是, 和一位女生來吃飯, 如果和我的 Mr. Right, 可能感覺是更浪漫, 更完美.

出發前已上過Premier Cru 的網站, 得知有一個以用才超過JPY 10,000 的Summer Set JPY 4,500. 所以還沒出發己決定要吃.

最難忘的是海膽粟米冷湯. 不用多說, 海膽是鮮甜, 帶少少海水味. 粟米冷湯是把粟米磨碎煮成Creamy 的湯, 而湯內有很細小的杏仁粒, 所以除了吃到清甜的粟米味, 湯中有一粒粒的杏仁, 口感一流.