平時自己晌屋企整早餐，都喺簡簡單單，麵包果醬，餐蛋治，邊有今餐咁豐富架！其實未嚟之前，晌芒果屋民宿嘅網頁，已見唔少人讚崔姐姐嘅早餐豐富又好食，今早卒之一嚐夙願啦。

雖則話喺韓式早餐，其實小弟都唔喺太清楚點先至算喺韓式，總之眼前嘅早餐就豐富啦。有豆芽清湯、泡菜、煎豆腐乾、鹵牛展及雞蛋、炒雜菌，加埋一大碟炒飯，韮菜海鮮煎餅，整體味道唔錯，尤其個韮菜海鮮煎餅，表面帶點脆口，又好有韮菜香，只喺個鹵牛展鹹咗啲。查實，噚晚已見崔姐姐做定準備功夫架啦，好似牛展就更加要一早鹵定啦，夠晒誠意。

位處濟州市北面海岸嘅龍頭岩，離市心極近，兜一兜過去睇睇都好快，所以喺個有唔少人到嘅景點。

龍頭岩有成近10尺高，色澤灰灰黑黑，其實喺火山熔岩經過海浪、風化長年累月侵蝕而成嘅天然景觀，由於貌似龍頭破海而出，所以就叫龍頭岩。當朝海邊超大風，吹到頭暈，但為咗睇睇依個都頗為栩栩如生嘅「龍頭」，辛苦少少都要！但話時話，走落石灘行近啲睇，感覺無咁似，反而啱啱經石級落到石灘，遠睇仲神似。

神秘道路（或神秘之路）喺一條視覺反差嘅有趣路段，長約100米，原因由於周圍嘅丘陵地形跟附近樹木生長方向所做成嘅錯覺。當你明明望住條路好似落斜，但啲嘢反而會向上爬。其實當小弟身處路上，感覺唔明顯，都唔知邊面上邊面落，好似旅遊書中嘅「示範」咁，用水樽做吓實驗，無料到。如果有粒波子晌身，可能效果唔同啲！

由濟州市去西歸蒲市，如取道中部公道都順路可經，唔需要刻意車過去，所以依個景點順路到此一遊就無妨，「專燈」揸車過去睇就無謂喇。

「噢雪綠」喺韓國出名嘅茶葉生產商，又喺綠茶連鎖專賣店，而濟州因為它嘅氣候、降雨量、溫差都好適合綠茶樹生長，加上漢拿山具有有機物含量整高且滲透性極好嘅火山灰土，配合埋清澈嘅火山岩盤水，所以成為「噢雪綠」嘅主要生產地，故此晌度更開設咗韓國唯一以綠茶為主題嘅博物館。

博物館分幾個部份，有古董茶杯展示，世界唔同地方嘅茶具，亞洲各國特色嘅茶葉，以及泡茶相關工具，其實地方唔喺好大，基本上輕輕鬆鬆一陣就行晒。此外，仲有啲炒茶工作坊、茗茶班，樓上另設立一個展望台，可以眺望對出一片綠意盎然嘅茶園風火山，如遇上天氣好，望著綠悠悠嘅茶園，可以令人感覺舒暢。博物館內梗唔少得自家品牌茶葉嘅銷售，行入啲就會見到有好多茶葉嘅相關產品，如茶葉、化妝品、文具……等等，自用送禮皆宜。假若無時間嚟濟州，「噢雪綠」晌首爾都有好幾間專賣店，而晌全國好多大型百貨公司亦搵到佢嘅蹤影。

如果愛好茗茶嘅人故然要預留時間啦，不過對飲茶一般，但鍾意飲飲食食嘅朋友，不愁無「細藝」，因為博物館盡頭開設咗間咖啡室，有不同綠茶飲品及甜點，綠茶控晌度就更唔捨得走喇！

玻璃城堡晌2008年11月開幕，都算幾新，喺全韓國最大嘅玻璃主題公園，分室內及室外展覽區，共有6個唔同嘅主題，除獨創展品外，亦有搜集來自世界各地嘅珍貴玻璃藝術品，約有350多件作品。

走進依個與眾不同嘅玻璃世界，對住五光十色、絢麗閃爍嘅玻璃工藝品，盡情睇， 盡情影，真喺要預番多啲時間。因為作品實在好獨特，又有趣，而且款式超多，如傑克與魔豆嘅樹莖、玻璃石頭爺爺、玻璃鏡迷宮、灰姑娘玻璃鞋、玻璃花園……精巧細緻，實在擺唔到太多相同大家分享，只好掃瞄佢個平面圖俾大家參考，有興趣登入佢網址了解多啲。

除各式展品，亦有玻璃工藝體驗室，可學習玻璃吹製技術，不過要另外付費。至於尾站喺必然嘅手信店，不少玻璃精品，唔買睇下都好。由於玻璃城堡就晌噢雪綠茶博物館附近，相隔十來分鐘車程，好值得前往遊覽嘅一個主題公園。 

由於晌「噢雪綠茶博物館」、「玻璃城堡」嗰邊無咩好食，所以包車司機梁先生車我哋去西歸浦市再睇睇，最後去咗emart個food court，貪方便，夠快趣，又可以順道晌emart買吓手信，因為依度價錢平，款式多吖嘛。

雖則話喺food court，但其實得一間鋪，只喺同時賣中、日、韓食物，而且所有指示全韓文，不過手指指點菜都應付到。穩陣啲，揀咗個吉列豬扒定食，賣7,000韓圜，為起港紙$50左右 ，抵食到痺啦，除咗大大件吉列豬之外，有飯又有烏冬，仲有泡菜、椰菜絲，而豬扒炸得鬆脆甘香，入口唔油膩，飯粒黏糯，整體質素不俗！

2002年舉行嘅韓日世界杯，濟州世界盃會場就喺當年世界杯比賽場地之一，場館可容納40,000多人，設計亦好有心思，成個公園外形喺根據濟州島獨特地形而設計，頂幕又參照濟州傳統捕魚嘅魚網而製成。世界杯之後，繼續用作各種球類及田徑比賽之用，內部部份地方改作綜合娛樂之用，例如：博物館、戲院、spa-saunal中心……等。

雖則小弟喺波牛一名，但個濟州世界盃會場嘅名氣又未至於吸引我入內朝聖，只喺由於佢正正晌emart隔離，行過對面馬路就喺，完全無刻意預算去，故此，晌門口影張相留個念吧！

濟州有三大瀑布：天地淵瀑布、天帝淵瀑布、正房瀑布，3個瀑布都可謂各有特色。

天地淵瀑布喺濟州島嘅代表，高22米，闊12米，極具震撼力；
天帝淵瀑布喺濟州島最大嘅瀑布，高22米，亦喺罕見嘅三段式瀑布；
正房瀑布喺全亞洲唯一直接流入大海嘅瀑布，高23米，闊8米。

今次揀嚟天帝淵瀑布，因為佢較多嘢睇。首先由入口一轉落去就喺第一瀑布及天帝淵（荷花池），瀑布高22米，而池深有成21米，不過當時正值冬天，無乜雨水，所以個瀑布都無乜嘢睇，但個瀑布外形又幾特別，形狀呈橢圓形，如一條條石柱砌成。可能你會問，咁依個瀑布都無水流，下面第二及第三瀑布一定無嘢睇啦，咁又唔喺喎，點解唔喺？臨尾先再解釋。此外，據講如夏天嚟，池子色澤鈷藍而清澈，特別靚。

順著指示，沿石級上上落落，距第一瀑布300米左右路程，就嚟到外形筆直嘅第二瀑布。如果雨水量足，飛瀑直瀉而下，氣勢磅礡，但如果冬天雨水不足，瀑布分三疊飛流而下。

晌第二瀑布及第三瀑布之間嘅溪谷上，架起一條橫跨河川兩岸嘅拱橋「仙臨橋」（別稱七仙女橋），橋嘅兩側有手執樂器嘅仙女乖雲飛翔嘅浮雕。過橋對面又有一個五福泉、七仙女傳說碑（記載七仙女下凡之傳說）及天帝樓（內牆、橫樑繪有仙女圖和神仙圖嘅傳說故事）。題外話，五福泉有5種動物嘅石雕，包括金魚（發財）、烏龜（長壽）、鴛鴦（愛情）、豬（生子）、龍（當官），都各有含意，亦喺韓國人最喜愛嘅5種動物。

要去第三瀑布除咗行得比較遠之外，上落石級也較多，還要計及回程，所以我哋無行到，當然相片更加欠奉。但行吓山，睇吓瀑布，幾舒服，值得推薦嘅景點。講番點解第一瀑布無水流，但下面兩個瀑布又有水流，原因喺水從第一瀑布右邊山谷隙縫中流入天然泉水，再不斷進入天帝淵，然後再向下流去第二及第三瀑布嘅！

是日最後一個景點，由天帝淵瀑布返去西歸浦市中心，順路可經過中文大浦海岸柱狀節理帶，一個似喺由六角形石柱堆疊而成嘅特殊山崖地貌，實際上喺由岩漿湧出地面冷卻時產生嘅收縮現象所形成，大多數為5邊或6邊形。

名氣唔算好大，但亦已被列入聯合國教科文嘅天然紀念物第443號，有興趣啲天然景觀，不妨順路過嚟走走！

從韓國觀光公社網頁所知，傳統市場晌全韓國有成1,500多餘個，其中具代表性嘅8個市場被選定為揉合地區觀光與文化結合嘅「文化觀光型市場」，讓市場變為既可參觀市場，又可遊覽週邊旅遊景點嘅傳統市場，包括：仁川新浦市場、春川浪漫市場、溫陽溫泉市場、光州良洞市場、麗水喬洞市場、釜山札嘎其市場、蔚山南倉市場及西歸浦每日多萊市場。

「韓國刮起的健行風氣中心在濟州多萊健行路。濟州多萊健行風氣為傳統市場帶來活力朝氣，甚至變更市場名稱。1965年以5日市集開始的市場隨著每日開市，自然成為‘西歸浦每日市場。但因大型超市與現代化流通連鎖業者的入駐，使得人潮變得冷清的市場，因為想漫步於大自然中，享受健行的多萊旅客聚集，市場又開始恢復活力，並更名為”西歸浦每日多萊市場”。 

濟州島西歸浦市區內的西歸浦每日多萊市場位於漫步”濟州多萊6路線”(索沼溪谷 ~ 獨立岩)走著走著自然會抵達的地方。一邊漫步，一邊參觀蘊含平凡生活面貌的市場，可說是在人群當中體驗多萊健行。標榜‘多萊文化’的此市場所嚴格遵守的營業規則是”標明生產地制度”與”白天12點以後車輛禁止通行”，透過老實正直的交易，盡市場本來該有的本分，並創造可放心參觀市場的文化。橫跨市場中央的寬1公尺，長100公尺的清涼水道是全國傳統市場中，第1個設立的生態空間。」（擇自韓國觀光公社網頁）

其實小弟嚟之前都聽過「多萊健行徑」，不過「每日多萊市場」則無乜留意，今次純粹第一日到步，晌住宿地附近閒逛，誤闖哩個咁出名嘅「街市」。雖然話佢被定為文化觀光型市場，不過就眼見耳聽，都喺當地人居多，遊客則寥寥無幾。但感覺幾好行，乾淨企理，通道寬闊，攤販擺賣井然有序，傳統得嚟非一般市場，其實除蔬菜、肉食、海鮮，仲有小吃、生活百貨……等等。第一晚草草行完，第二朝我都有再嚟過！

飯卷天國晌韓國喺一間頗有規模嘅連鎖餐廳，有晒網站介紹，不過全韓文，唔識睇。室內裝修簡潔，感覺企理衛生，而佢哋所走嘅喺抵食路線，最平1,000韓圜都有交易，不過就只喺齋飯卷（即喺壽司卷），有餡嘅都只喺2,000韓圜起步，為起港紙15蚊左右。

供應飯卷一定唔少得啦，晌入門口位就見到位「阿豬媽」密密捲，不過因為天氣凍，我哋想食多啲熱嘢，所以就無點到。其次仲有餃子、炒麵、拉麵、碟頭飯、炒飯、炒年糕、吉列類、石鍋鍋飯……等等，頗多元化。

菜肉餃子 KRW3,000
一客有成17粒，包得結實多餡，菜跟肉嘅比例平均，味道唔算好突出，但天寒地凍食住熱辣辣嘅餃子就最好不過。

牛肉飯 KRW4,000
成個定食咁款，有泡菜，有牛肉清湯，個湯最啱用嚟暖暖胃。個「碟頭飯」都幾大碟，啲炒牛肉有唔少茨汁撈飯，正，內裡又有洋蔥、青瓜，味道不俗。

蝦炒飯 KRW4,000
相對其他似乎份量較為少啲，餡料亦唔算多，不過， 炒飯炒得唔錯，幾爽身。

嚟得依度，都唔喺打算食咩好嘢，質量屬中等，勝在抵食，又免加一，食得又輕鬆自在，所以，我哋兩晚都走咗過嚟食晚飯。

以往去旅行，晌整個行程上就算唔喺越住越好（唔喺豪呀），尾段總會住得舒服啲，因為行程近尾，難免因舟車勞動，身體狀況會疲憊啲，住番好少少當作鼓勵。不過，今次韓國之旅就一反以往常規，嚟到最尾兩日，揀咗間慳錢廉宿「Jeju Hiking Inn」，原先喺親友介紹，上網睇過好似幾好，又晌西歸浦市中心，交通都幾方便，兼且挺抵住，斷人頭計（下面房價KRW13,750喺指每人每晚房費），由1人房到4人房都有，所以就扑鎚試試。

先講講Jeju Hiking Inn嘅「環境篇」，包括旅館環境及外面環境，下一篇「住房篇」先再介紹房間內籠喺點。旅館環境，我想都可以用「噏耷」嚟形容，大堂、走廊、天台嘅設備及傢俬都幾殘舊，還好嘅喺都算乾淨，唔會一陣味，而且，勝在有免費wifi，雖然唔喺好強，但夠用就得啦。

外面環境方面，其實位置唔錯，上天台可以遠眺新緣島跨海大橋，又可以行到去天地淵瀑布，附近有間中型Family Mart，後尾仲發覺有條食街添，真喺走寶錯過咗，此外去每日多萊市場亦很方便，10min腳程就到。

我哋住晌4/F尾房，因為旅館無電梯，所以拎住重重嘅行李撐四層樓對部份人都幾甘。4人房都幾細吓，一入門口左邊就喺「簡潔」嘅廁所，除基本設備都無咩多餘嘢，只有一支唧唧裝梘液，洗頭水、護髮素、牙膏牙刷唔該自備。沖涼熱水都唔喺好夠，所以，到夜晚我哋都要分段隔開嚟沖。

再入就喺睡床，左邊有一張雙人床，右邊喺一張上下格碌架床，仲有一部老爺電視，空間唔多，我哋擺3個喼都喺勉勉強強，如需要再擺多個喼都唔知點好！所以，都有少少後悔訂一個4人房，早知訂兩個2人房感覺會好少少囉！幸好被鋪都夠乾淨，否則就大家都無覺好瞓，加上今日行程豐富，去咗唔少地方，大家都好攰，所以一沖完涼就瞓著。

Jeju Hiking Inn格局、環境始終都較適合單人或一啲想慳錢嘅背囊友。

老實講，頭兩次出遊曼谷都找不到這家多士，直到去年一月重遊舊地時才讓我找到！(5個月內去第三次，有足夠時間俾我揾啦！)店舖位於年輕人蒲點MBK，嗰度有點似我地既旺中，雖然次次我都要兜大圈才找到其位置，但佢已成為我每次回鄉必去既食店了！

MONT歷史悠久，不過我唔知佢幾多年了，店舖裝修有提的，地方企理，枱排得頗密，因為真係好多人幫襯架，本地人同遊客皆是！採自助形式，到水吧柜枱落單後(多士及飲品)，再移玉步向前行既多士"出菜位"取飲品同多士，然後自行找座位慢慢享用。

此店出名係多士，主要在於佢有好多口味供選擇，包括最基本既牛油砂糖﹑朱古力醬﹑果占﹑奶油﹑仲有好搶眼既咖央(綠色架)，曾經諗過為左影相靚啲而點咖央，但我唔愛蛋味，所以最後都係點番最基本既牛油砂糖﹑奶油同果占(分幾次試架)！除左選擇多外，多士外脆內軟，有炭香味，其中以牛油砂糖最能食出此味，所以以後幫襯我都只點油糖多呢！

試過Mont後，我喺其他地方食到既油糖多都好一般，有時甚至稱得上難吃，亦有試過買磅方包(Mont出品)回家自製，諗住回味下，但都係食唔番喺Mont既味道，我敢話佢既多士真係全曼谷最好味既，信我啦！至於佢既飲品，陪襯嚟既啫，口渴就飲水吧！
 

這是一家人氣長龍店，以賣泰式青木瓜沙律出名，除了青木瓜沙律，還有青芒果沙律，我是於此店愛上青芒果沙律的，佢既鹹香﹑辣味把原來酸酸的芒果中既甜味帶出，嗰啲汁喺口腔內咇出嚟嗰下真係好正！吃過一次，翌日去到其他餐廳都想再吃青芒果沙律呢！

除左泰式沙律，亦有好多人點燒雞，可惜份量太大，我地食唔哂，唔敢點。其他小食中我地試過札肉同泰式燒豬肉，後者勁辣，我地食到要點糯米飯送呢。價錢唔貴，味道OK，坐得尚算舒服，去開Mango Tango既可過對面試埋呢間呀！ 

未去泰國前，我是一個不吃芒果的人，自從喺曼谷吃芒果糯米飯時試了第一口芒果，嗰種鮮甜﹑果肉厚實既質感讓人一吃愛上，甚至係欲罷不能，從此去到曼谷就變成一日一芒果了。提起芒果，定必要介紹位於 Siam Square Soi 5 既 Mango Tango。 

店舖位於街角，裝修黃黃黑黑，幾有型，入到去先係被牆上圖案所吸引，跟住就會被精緻既芒果形餐牌迷住了。全部都係同芒果有關既甜品。其中最人氣既係跟店名一樣既 Mango Tango~即芒果雪糕﹑芒果布丁同芒果半個，另可選擇加糯米飯的。芒果迷一定要嚟朝聖呀！

此店採半自助形式，自行到櫃台落單兼俾錢，跟住店員就會把甜品送上。除了即造甜品同果汁外，還可購買芒果乾及以芒果做圖案既還保袋，送禮自用一流呀！ 

呢間Swensen's真係猶如7-11咁梗有一間喺你左近。各大小商場總會見到佢既出現。Swensen's 係美國品牌雪糕，裝修都幾靚。好多顏色，同 Haagen Dazs比較係兩個唔同既感覺。一坐低店員會奉上水一杯，個玻璃杯都好靚架，只係這裡上載相片數量有限﹐未能在此分享。

雪糕款式起碼有20幾款，餐牌已set了好多唔同既甜品﹑飲品。好似我最愛既 Banana Nutty，有個 waffle 底，上面有兩球自選口味既雪糕，香蕉同nuts，咁熱鬧都係百多泰銖，抵到冇朋友。又有食過佢既 Crepe，都唔錯。同其他雪糕店一樣，有期間限定款式，好似我之前都有試過既楊桃味雪糕咁。

總之，每次去泰國，我都會幫襯佢啦！(多過一次) 唔係會囉囉攣唔安樂架！ 

其實一向都鐘意去Food Court，貪其選擇多，價錢唔貴，一個地方就可以試好多唔同種類野食。去到外地尤其係東南亞就更喜歡蒲 Food Court了。

喺曼谷基乎每個商場都有美食廣場，雖然可能每個地方賣既食物種類差不多，離唔開湯粉﹑雞飯﹑冬蔭功﹑串燒﹑鮮果吧等，但每度既食物味道﹑質素都有唔同。好似喺 JJ Mall內既 Food Court，其冬蔭功粉既湯底最好味，酸辣度適中，味道好過餐廳的。Emporioum Food Court 既牛肉湯河湯底最濃味，每次差不多都特登去食。

而環境方面，大致上差不多，Pier 21@Terminal 21 ﹑Emporium 同 Central World 既 Food Court 有一邊靠窗，景緻開揚。而 Pier 21個 theme 真係同碼頭有關，工作人員穿上水手服，佈置也有錨等。不得不提既係Paragon，由於該處有個水族館，所以個 Food Court 有大量魚缸，而魚缸內亦有魚兒暢泳，望住個缸食魚生都咪話唔搞笑！

曼谷既 Food Court 還有一個特別之處，就係付款形式，我地喺香港﹑韓國﹑新加坡等 Food Court 一般都係用現金找數，但曼谷的一係要買印有銀碼既飯票，一係喺入口派/買現金卡，到各食肆扣數，離開 Food Court 時才在出納處一併結算，免了現金找贖既麻煩。

總之，喺曼谷行街行到餓，去 Food Court 幫襯下都唔錯，除左多選擇，味道質素都唔錯，真係估唔倒喺 Food Court 都食到正野呀？！  

同 Swensen's 一樣， Hokkaido 又係好似7-11咁方便，去邊個商場都見倒佢咁滯， even 喺 Siam Square 同樣見倒 (Mango Tango 對面馬路)。我自己好鐘意飲牛奶，而北海道牛奶出名鮮濃，喺曼谷一見到我梗會幫襯。

一般嚟講我只買牛奶，但這個旅程我每日都有幫襯，所以除牛奶外，我亦試埋香蕉奶同抹茶牛奶，前者香甜，後者抹茶味濃，兩者都保留牛奶鮮味。除了牛奶，佢仲有牛奶布丁﹑乳酸/乳酪等。下次除左牛奶，我會試埋佢既錫蘭奶茶牛奶呢！ 

認識這個牌子，是從遊玩首爾時開始的。佢係美國牌子，東南亞如韓國﹑馬來西亞﹑甚至中國寧波都有分店，就是香港沒有。

BR雪糕款式多，水果味如芒果﹑椰子﹑熱情果﹑木瓜等，又大路既雲尼拿﹑草莓芝士蛋糕﹑焦糖﹑朱古力也有，特別既係棉花糖﹑三溝/雜果雪芭﹑及唔同地方既特式口味...總之讓你試勻咁多款都已吃飽啦！

我自己最愛朱古力﹑焦糖口味演變出嚟既雪糕，每次起碼吃兩球，一濃一酸，正！而且價錢唔貴，質感較 Swensen's厚濃，大家各有各好，如果喺香港開店我就有口福了！

網址：
https://www.baskinrobbins.com/content/baskinrobbins/en/products/icecream/flavors.html

登山前先參觀 「西部地礦」 與及 「藏茶店」 聽取＂小色魔＂為我們講解有關茶葉的知識 。
【 註： 藏族人稱美麗的未婚女郎 為 ＂小色魔＂】  

午餐 @ 川主國際飯店
電話： 0837-7242222

觀景區位於海拔 4,100米以上，暴雨和霜雪季登山會有危險，所以每年只從 五月一日 開放至 十一月三十日，想體會到大自然的鬼斧神工，九月尾至十月初的三個星期內將會是最好的時機，但人流亦相對地增加 。
 
隨著車子蜿蜒地向上爬，現在已經身處於海拔 3,525米以上，高山症 Altitude sickness 的魔爪可能向著你、我、他伸展過來，為免出現低氧的不良反應我們已經預備了一些高糖、含碳水化合物和優質蛋白食物，有利於克服低氧的不良作用 。
更提醒一向身體不太好的姐姐，購買了抗高原反應的保健品 「紅景天」 （一般國貨公司內有售） 早兩天已經開始服食 。
 

登山有兩個途徑  。。。
 
1。 搭乘車子抵達山腳後山，轉乘登山吊車幾分鐘升至半山，再步行三個多小時，返回前面景點入口處 。
 
2。 直接徒步從前山腳出發，全程來回約四、五小時 。
 
由於山頂低氧的關係，每一公里設置有一個免費吸氧站 （基於衛生問題氧氣罩需要自行購買）
 
領隊只給予短短三小時的時限，沒法子行畢全程，與山頂引人入勝之五彩池始終是緣慳一面，但沿途風景瑰麗要好好將它們收集於相簿之內 。
 
回程時天上落著毛毛細雨，司機要聚精會神駕駛以防天雨路滑發生危險，無驚無險總算返抵茂縣，已經是晩上九點半，領隊在毫無通知底下將原先的「茂縣國際酒店」改為「九頂山國際大酒店」

九頂山國際大酒店 於建築中融入濃郁的羌族情調，亦具備相對的設施如：中餐廳，茶樓、水吧，鄰近購物店舖，酒店大堂與房間均提供免費 Wi Fi 上網服務 。
 
 
✿  九頂山國際大酒店 Jiudingshan International Hotel（四星級酒店）
酒店地址： 阿壩茂縣鳳儀鎮大橋頭西部 [四川-阿壩州-茂縣]
酒店電話：0837-7410138
傳真：0837-7410108
房間數量： 300
每晚價錢： ¥280+  (雙人房、連早餐） *  九月份網站價格

 
明天將會向「峨眉山」出發，遊記待續 。。。
                 岷江遊船賞大佛【峨眉山 Mount Emei 】   

 
後記：
 
九月份、踏入初秋、天氣溫和乾爽，是探訪九寨溝最佳時機，十月紅葉遍山巒景觀更是一絕，但亦因而人流激增，那時到此旅遊要有心理準備並非一種享受喔！
 
旅行團提供之膳食，側重於蔬菜瓜果類、輔以少量劣質肉類與河鮮，但口味離不開四川省特色、濃油辛辣，幸好所到之處總有賣不完、吃不盡的天府水果補充滋潤 。
 
補充資料： 當地大部份酒店只接受「銀聯卡」不能刷國際信用卡，海外遊客要預備適量現金才好。
 
成都峨眉山九寨溝8天團（僅限美、加、澳華僑參與之優惠價）
Chengdu Mount Emei Jiuzhaigou 8 days Tour
八月份出團價格：AUD199 （團費）+ AUD180 （指定項目必須參加）+ AUD80 （小費） Total AUD459
另加 九寨溝環保包車遊覽 ¥300
與及 香港至成都 機票 HKD2,988 (中國國際航空) 連稅
人均消費:   約 HKD6,600
 
 
 
 
 
 

 

早餐後乘車前往九寨溝，從成都至九寨溝五百幾公里路，沿途經過著名景點 「都江堰」  >>>>  汶川縣南部薈萃漢族與少數民族的交融區，藏羌文化甚為顯著的 「水磨古鎮」  >>>>  隨後參觀五年前 五月十二日，汶川 8.1級地震遺址 「映秀村」   >>>>  因為 1933年地震後常年不息的溫泉噴湧，聞名遐邇之四川省風景名勝區 「疊溪海子」， 置身其中彷彿走進一幅精緻的山水畫廊之內 。
 

好明顯導遊擔心我們吃不慣濃重的川味餐，為我們一行 156人安排了今天的餐飲，細心之餘甚至可以說是清淡得有點過份，哈哈哈！ 

午餐後車子進入古代人運輸茶葉的 「茶馬古道」 ......
 
順道遊覽歷史名城，被稱為川西門戶、邊陲重鎮的 「松潘古城」，古城前的石刻見證了唐朝文成公主和親 吐蕃王朝松贊干布 的史跡，還有熱鬧的巿集、鎮民身穿藏族服裝別有一番景致 。
 
最後抵達 「岷江源頭」  實在難以想像眼前那條差點已經乾涸了的小溪，竟然就是浩瀚的岷江源頭 ？

經過 8小時斷斷續續的車程，終於抵達彷如  " 童話世界 "  的九寨溝，我們今晚入住 「新九寨賓館 New Jiu Zhai Hotel」
 
賓館建于1999年，2009年重新裝修改造，佔地26666平方米，建築主體羣呈戰鬥機型，坐落在青山角下、白水河畔，酒店大堂提供免費 Wi Fi 上網服務，宴會廳闊大舒適，提供中西式餐飲、川味膳食、典雅的酒店大堂、酒吧、茶室，整體來說硬件尚算不錯，可惜入住的房間面積狹小、坐廁墊鬆脫、沐浴房去水道堵塞，個人認為軟件仍然有待改善 。
 
 
✿  新九寨賓館 New Jiu Zhai Hotel（四星級酒店）
酒店地址： 中國四川省九寨溝縣九寨溝漳紮鎮風景區 623402
酒店電話：（86）0837-7734777
傳真：（86）0837-7734734
酒店網站： http://www.xjzhotel.com/
房間數量： 329套
每晚價錢： ¥459+  (雙人房、連早餐)  *  九月份網站價格

 

晚餐 @ 新九寨賓館餐廳

Day 3   1 Sept 2013   九寨溝
 
早餐後遊覽氣勢磅礡、引人入勝的九寨溝風景區： 長海、五花海、珍珠灘、樹正瀑布、諾日郎瀑布、熊貓海、日則溝、則查窪溝、樹正羣海溝 。。。 等，  剛柔並濟各備姿容，分不清哪裡是湖泉？ 哪裡是瀑灘？
 
旅行團為我們安排乘坐環保包車遊覽 （人均消費 ¥300） 一點也不便宜啊！
唯一的好處就是 （車等人、並非人等車）。

今天將會整天逗留於九寨溝之內，所以午餐亦安排於溝內的聚餐區，區內分不同收費的用餐廳，區內不設現金交易想吃東西便要購買餐飲卡，憑卡便可以自由選擇喜歡的風味小食 。
 
午餐 @  九寨溝用餐區 （旅行團安排了 A區 ¥60 ）

等得好心急吧？ 明白、明白！  借點空間同大家分享一下溝內部份別緻的風景先 。。。。

晚餐 @ 新九寨賓館餐廳
 
餐後夜賞藏羌歌舞表演，表演者更與現場嘉賓一起跳舞、玩遊戲，將氣氛推至最高峰 .......
 
九寨溝著名手信有： 藏羌手工藝品、藏茶、牦牛肉乾、野生蟲草、貝母
必試的有： 酥油茶、清炒野菜、高原青稞糖、青稞核桃酥
 
明天將會向黃龍出發， 遊記待續 。。。。
                    瑤池仙境降黃龍 【黃龍 Huanglong 】      
 
後記：
 
九月份、踏入初秋、天氣溫和乾爽，是探訪九寨溝最佳時機，十月紅葉遍山巒景觀更是一絕，但亦因而人流激增，那時到此旅遊要有心理準備並非一種享受喔！
 
成都峨眉山九寨溝8天團 （僅限美、加、澳華僑參與之優惠價）
Chengdu Mount Emei Jiuzhaigou 8 days Tour
八月份出團價格：AUD199 （團費）+ AUD180 （指定項目必須參加）+ AUD80 （小費） Total AUD459
另加 九寨溝環保包車遊覽 ¥300
與及 香港至成都 機票 HKD2,988 (中國國際航空) 連稅
人均消費:   約 HKD6,600
 
補充資料：  當地大部份酒店只接受 「銀聯卡」 不能刷國際信用卡，海外遊客要預備適量現金才好。
 
 

房間頗大, 有電腦及wifi供應(免費), 距離subway只係5分鐘路程, 兼具附近有convenient store 十分方便~ 而且去熱間景點如東大門都只需十幾分鐘, 夜晚冇野做隨時去行下都得~

唯一要彈既地方就衛生問題, 房間入面既物品如梳, 浴巾, 拖鞋等都唔太乾淨, 建議自備~

如果budget有限而又只需一個地方訓下覺, 呢間選係一個唔錯既選擇~

看似跟一般coffee shop無異, 估唔到佢地既窩夫咁好味, 外脆內軟, 加上雪糕同cream, 好邪啊~

俾錢後佢地會俾一舊野你, 當食物整就會震動提醒你出去取食物, 蠻有趣!

南大門比東大門隨意, 消費亦相對較低, 貨品種類繁多, 就如香港既旺角, 喜歡購物既朋友值得一去~

若非有日本朋友帶路, 我自己一人一定唔會踏足夜店~

韓國有一個term叫biboobiboo, 意思係跟異性跳貼身舞un下un下咁, 入到去當然要見識一下~

入面簡直係年青人把仔把妹既樂園, 想識韓國朋友又鐘意飲酒既朋友必去!

感覺遊完一個街巿似的，然後又走回出街外的店看看。

這間餅店，曲奇餅有得試食之外，還有些花茶試飲，味道也不錯的，但我就沒有買回來了。

這個火車站，其實電視也有介紹過，應為先有街市，後政府起火車站，但當地人唔肯搬走，雙方爭持不下，所以最後街市依然喺度，只係當火車埋站時，小販要迅速走鬼，清出火車軌讓火車駛過，短短10幾分鐘由收檔到火車經過後迅速開檔，這個情境煞是有趣。至於想知詳細背景﹑歷史，則請自行上網維基吧！

市場分兩邊，右邊主要係街市，同一般街市無異，生果﹑菜﹑肉﹑魚﹑海鮮都有得賣，唯一唔同係地方細，如賣魚既只會放喺個蘿度﹑或發泡膠箱內，較正常街市細啲。左邊則為火車站， 以及好幾檔賣吃的，我地都有幫襯，奈何每篇評論只能放8張照片，唯有另外補圖啦！

呢個地方都幾得意，如時間許可，都值得安排到此一遊，體驗一下當地人每日走鬼既"情趣"呀！ 

除左美功火車市場，這個水上市場也是重點行程之一，亦係我好期待既一個景點，主要俾大家見識下以前泰國人喺水上/岸邊點樣交易，無論係買既﹑食既乜都有，而曼谷出名既船粉，相信亦係由此命名。

一到埗就見倒鹹蛋超人﹑蜘蛛俠等1:1人型裝飾，再望下河景，感覺好 relax，一路向前行就見倒有好多小檔，好像一個市集咁。可以行既地方唔算多，志在俾你感受一下個環境吧！另外有一邊行行下會通向一個小店集中地，嗰邊有風扇又有座位供人休息，清涼好多，而四周感覺好有韓國首爾三清洞 feel，好唔同！

出發前我諗住可以大吃大喝，完全投入呢個風俗，之但係去到時發現賣吃的都有好多烏蠅，所以不敢隨便吃，只能找家環境較為衞生既食店去醫肚，猶好湯粉味道仍然不錯。我地除左行水上市場，亦有參與晚上坐船睇螢火蟲既行程。喺船度望番上岸既感覺同由陸上望落嚟既有唔同，而且日間跟晚上風景也不一樣，總括嚟講，這個都係一個幾特別既體驗呀！

同樣係水上市場，但跟之前既 Amphawa感覺有點唔同，一早約10點多到埗，先坐船遊河感受下。可能這個係泰國政府極力推介既水上市場，所以兩岸商販主要賣手信，當佢同船上遊客有眼神交流，船夫就會將船隻靠近，讓遊客購物。不過我估船家同部份小販有協議的，因為佢係選擇性泊岸呢。

不過我地全船旅客都係淨坐冇幫襯，遊左大半個鐘後就上岸，再行市場了。一上岸第一時間找吃的，雖然出發前已吃了麥當當，還是想大吃一餐。轉頭就俾入口餐廳既老闆娘捉住了，見佢咁主動又話開大風扇俾我地，於是我地坐低了。前後點左媽媽麵﹑雞飯﹑冬蔭功﹑炒通菜...除左冬蔭功好味外，其他唔得，價錢亦偏貴，冬蔭功要成300匹呢！

之後係咁2行下個市集，真係冇乜野行，但勝在佢啲食檔冇咁多烏蠅，我地都食得安心啲，最後去了另一檔河邊既食檔吃船粉，但我地點左撈麵，好平，30匹但超好味，有點回味呢！

兩個水上市場比較...其實各有各好，多野睇係喺 Amphawa 但你有神仙肚才可去大吃大喝呀！至於 Damnoen Saduak，坐船遊河既體驗唔錯。亦可放膽喺嗰邊開餐呢！ 

這是一座喺樹幹內既金佛，其實唔知係後人加金上去定一開始已有呢！都幾多人去架，不過我唔信佛，所以係咁易影左啲相就算。

喺樹中廟側邊既係泰拳公園，有啲雕像展示泰拳既招式﹑對打咁...但日久失修，有啲斷手斷腳咁，總之，如果唔係行程已包，我諗我唔會去，亦唔建議特登去。
 

前後參加兩次 local tour 都有騎大象既環節，初時以為係同一個地方，原來唔同架，不過兩邊都一樣，騎大象走一至兩圈，期間會有工作人員幫你影相，最後賣番俾你。另外兩處都會喺尾段行落水，俾你感受下大象過河。

園區有一籮籮香蕉售賣，等你可以餵大象食，以示鼓勵喎！另外，也有小食亭賣飲品同椰子雪糕，兩個象園比較，我會喜愛這個(即 Chang Puak Camp) ，有傘遮頭不在話下，上次個象夫會向人兜售象牙製用品，姑勿論真定假，我唔鐘意呢啲銷售模式。繼而係今次個象夫幾好，見其他遊客叫象夫影相，佢便主動問我地駛唔駛拍照，(雖然我地冇影到)，所以我地都比多少少 tips 佢，真係以示鼓勵嘞！

這個夜市係喺2011年4月開始營業的，到去年8月我回鄉時已開左7﹑8成，當時還未有摩天輪，但已覺得個夜市好靚，好迷人。自始每次回鄉定必到此一遊。

夜市以貨倉為主題，劃分4個區域共10個倉吧！買野食野喺哂度，其中6號貨倉係 food court ，不過唔係有 common area 食飯嗰種，入面既食肆係有自己既區域開餐的。9同10好似係 fine dining既地方，詳情可參閱下面網址。

我自己每次去都會買下平衫，去 food court 食野，今次同朋友就食貴啲，食燒肉放題，價錢合理，款式都多，值得幫襯！(其實喺曼谷無論係 Shabu Shabu 定燒肉放題都好抵架！)

夜市同翟道翟一樣，都係好大，唔會太認得自己行左去邊，所以都係睇啱﹑價錢啱就買啦！因為唔知你番唔番到轉頭呀！其中有間賣番梘絲瓜囊幾抵，見得人又唔貴既手信。雖然喺MBK或翟道翟都有，但好似只有夜市分店才有特價。而有啲貨喺翟道翟有既，嗰度又會平啲。不過唔緊要啦！唔算相差好遠既，最緊要買得開心呀！

http://www.asiatiquethailand.com/index.php/th