cho_bo
我是cho_bo。 我是一名Clerk。 我最喜愛到日本,韓國,泰國,新加坡及台灣旅遊 , 最鍾意遊覽歷史建築/遺跡,主要地標,民俗風情,動物園/植物園/水族館,食點, 住宿通常會揀3星酒店,經濟企理乾淨便可。
留言  留言給此旅遊家
  遊記數目 11
  上載相片 669
  上載影片 0
最近分享過的旅程
Hea 遊泡菜國
國家/地點: 韓國
旅程日期: 2014-09-30 至 2014-10-06
瘋迷曼谷
國家/地點: 泰國
旅程日期: 2013-08-16 至 2013-08-19
共找到 11 篇遊記, 正顯示第 1 至 10 篇遊記
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-02-08
終於去到最後一日了,我地晚機才回港,所以有大半日俾我地去埋梨泰院,以及戰爭博物館,這樣7日泡菜國之旅就完滿結束了!
前美軍機地 ok喇2015-02-08
條街咁影幾有味道
條街咁影幾有味道
後面條街好像成條酒吧街咁!
後面條街好像成條酒吧街咁!
這是區內有名的咸美頓酒店!
這是區內有名的咸美頓酒店!
這區以前有美軍駐紮,所以很多老外來這裡住,正因為多外國人,個人認為這區既消費相對較貴,找換店兌換率也較差,我去了韓國數次都沒去這裡,所以於去年10月的行程加了這區,總算是到此一遊了!
評分: 值得去3  
吸睛雪糕 ok喇2015-02-08
喺地鐵站看到這個即刻揾嚟食呀!
喺地鐵站看到這個即刻揾嚟食呀!
內有乾坤
內有乾坤
原本冇諗過嚟呢度,因為根本唔熟梨泰院,旅遊書也沒有太多篇幅介紹這區,我地係喺地鐵站上地面時看到海報才知有這店,海報內容當然就是放了這蜜瓜雪糕吸睛啦!因為五年前在北海道渡蜜月時吃過軟雪糕拼夕張蜜瓜覺得超好味,為了回味,我地就行嚟行去咁揾呢間店。

找了好一陣子,終於喺一條巷仔找到,店老闆都有點意外我地點解識嚟,解釋完一輪讓佢明白,佢在地鐵站貼海報是有作用的。初時以為店很細,原來往內行別有洞天,間了一間房可以同朋友包場咁呢!

蜜瓜軟雪糕定價唔平呀!要成19,000韓圜,軟雪糕味道唔錯,奶味夠又軟滑,但蜜瓜得面頭部份甜,食多少少未到皮已覺苦的,所以還是北海道的好吃!

幫襯嗰日除了我地及一枱客(2人),冇人嚟呢!甚至路過既也冇,人流麻麻,唔知係咪因為Weekday關係呢!這Cafe有免費Wifi,嚟開呢區可以嚟飲下咖啡上吓網,但就唔駛特登來了! 
評分: 味道3   服務3   環境3   衛生3   抵食2
抵食 笑臉2015-02-08
地方不小
地方不小
大醬湯
大醬湯
人蔘雞湯
人蔘雞湯
問我食店喺邊,真係唔知,去到憑記憶可能都仲識行既,食店係喺地下,要行落一層,落去地方寬敞,有好幾個老外(有啲穿軍服的)已在用餐,我地隨便坐低,翻開餐牌,點了我愛吃的大醬湯(7,000韓圜而已),老公則點了人蔘雞湯(12,000韓圜),食物好快就到,兩樣都好味,大醬湯夠濃,豬骨夠鬆化。蔘雞湯雞肉夠滑,湯既味道也不錯,起碼唔淡,定價合理,味道唔錯,值得幫襯呢!
評分: 味道4   服務3   環境3   衛生3   抵食3
兄弟情 ok喇2015-02-08
這是以戰爭作主題公園及博物館,吸引我去既係一個兄弟相擁既銅像,說是兩兄弟被分隔在南﹑北韓,內戰時兩兄弟喺戰場上以敵方身份相遇,繼而相擁既情景,雖然我對泡菜國歷史認識近乎零,但對於這一幕感受至深,覺得好感動,所以在最後一日唔太多行程安排下來了。

除了這銅像,還有很多舊時用過既戰機﹑坦克﹑戰艦供人拍照,另外,喺公園較入位置既博物館是要收費,對韓國歷有興趣既朋友可以一看。 
評分: 值得去3  
The Saem
The Saem
Primera
Primera
Beyond
Beyond
Innisfree
Innisfree
Etude House
Etude House
A'Pieu
A'Pieu
Primera
Primera
Tony Moly/ Missha
Tony Moly/ Missha
到了遊記尾聲,點都想同大家分享下每次買啲咩戰利品既,主要係護膚品及零食,呢篇先講前者。

大家對韓國護品牌一定唔會陌生,事關已有好幾家喺香港已有專門店,就算冇舖頭,喺水貨店或網購都可能看過,我唔係化妝既人,護膚也有點懶,所以唔算好有研究,買既都係大路既牌子,最喜歡既係較貴既Primera,這牌子跟雪花秀是同一間母公司的,所以對其貨品既質量絕對有信心,最出名既係西蘭花成份既去角質啫哩及磨砂洗面膏,前者相對温和。另外佢既面膜都唔錯。

繼而鐘意既牌子都係同母公司既Innisfree,重點係貨平,如大部份店既面膜入門價是1千韓圜,這店則平50韓圜,所以平平地粗用或送人都很不錯。其次係佢既綠茶成份既潔面用品﹑日霜﹑精華﹑眼霜嗰條線都係該店皇牌。

第三個要講既牌子係Etude House,品牌行公主路線,無論店舖裝潢,定產品包裝都少女到暈,店前影相也好,買包裝也好,啱哂行少女feel既粉絲。另外,我喜歡呢個牌子主要係佢既甲油,曾經賣得好平,1千韓圜已有交易,顏色也不少,不過現在買少左了,一來佢既價錢調番高了,二來市場上選擇太多嘛!

第四個會幫襯既係Beyond,點解?我既男神金秀賢代言嘛!買products會送SooMan既海報﹑扇等紀念品,唔係唔買呀!不過中肯的說,佢既產品定價唔算高,洗面用品不錯,另外佢有頸膜﹑小腿膜及肚腩膜,賣既產品跟其他店稍有不同(雖然已被抄了),所以都值得入去行一圈既!

下一個要講既就係Missha,因為喺香港無聲無色咁執左,唔想喺水貨店買,咁去到韓國自然就去入貨啦!朋友一般會幫襯其美思系列,而我則買甲油...是的,我愛塗甲!Missha既甲油顏色唔錯,個掃幾好掃,所以買得過既!

Tony Moly既特色是用蔬果造型作其包裝,如美白既面膜(要過水的)以蕃茄盛著,潤唇膏以桃﹑橙等盒包裝,去黑頭粉刺的雞蛋連蛋盒包裝也很吸睛,最新產品有香蕉造型既手霜及睡眠面膜,香到呢!我最近嗰轉就掃左10支呢!

G-Dragon 代言既The Saem我也買過,但產品一般,包裝只是在產品上加張包裝紙就算,定價平是主要賣點吧!至於A'Pieu,也好像跟雪花秀有關,我最記得買過一支Cool Gel係連按摩轆的,塗腳用,舒緩疲勞,才100港幣左右,幾抵玩。另外,沒有拍照的 Nature Republic也是多人搶購的,皇牌用品是蘆薈啫哩,但The Saem出品價錢更平宜,蘆薈成份更高,所以我會推介大家買The Saem。
評分: 值得去4  
購自首爾站樂天超市
購自首爾站樂天超市
購自龍頭站Home Plus
購自龍頭站Home Plus
購自首爾站樂天超市
購自首爾站樂天超市
大合照是不少得的!
大合照是不少得的!
日用品也很值得買
日用品也很值得買
購自首爾站樂天超市
購自首爾站樂天超市
購自龍頭站Home Plus
購自龍頭站Home Plus
購自明洞樂天超市
購自明洞樂天超市
送俾女性朋友就可以用護膚品,男性朋友﹑同事就梗係買食得架啦!想買平既主要去三大超市,分別係樂天﹑E-mart及Home Plus,但如時間太趕,喺便利店也會買到零食,另外,喺南大門也有紫菜天國(海苔天國)有大量手信俾你揀,但遊客區喎!梗會貴啲啦!自己度度啦!

樂天超市(Lotte Mart),常去既係首爾站的,夠大,其中有柚子茶既專柜,總之唔怕買唔到吃的喝的韓國產物啦!而且內有Daiso,買下文具或銅煲也不錯,我就買Lock Lock盒,好平,即使唔係Lock & Lock也好用,抵!(夠三萬韓圜可辦退稅)除了首爾站,蠶室站﹑明洞及清涼里站也有的。

E-mart,在龍山站的I Park Mall有,另外朋友說往十里站的E-mart既貨品最平,我冇去過,不肯定,有時間自己去格價吧!

Home Plus,龍頭站的Home Plus既貨品相對冇咁齊,如住在附近(近東大門)可以去行下既!

買既內容看相也看到,主要係薯片﹑送飯既紫菜碎﹑柚子蜜﹑各式韓國蛋糕﹑餅食等等,Market O, Dr. You, Crown, Lotte, Orion...每個牌子都有其特色零食,梗有一樣啱你呢!

希望前後7篇分享對大家首爾行有幫助啦!再會! 
評分: 值得去5  
  0 個留言    |  加入你的留言
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-21
嚟到第6天,接近旅程既尾聲,睇完大自然風光,係時候回歸石屎森林,做乜?梗係要最後衝刺,血拼個夠啦!先去高速巴士站地下街,然後學人去新沙洞林蔭道吸收潮氣,最後番去東大門商圈再拼過,雖然唔算大出血,但都買了幾件衫,嚟梗既行程會再去地下街拼過呀!
血拼重地 笑臉2015-01-21
這裡有吃的,也有櫈讓人小休
這裡有吃的,也有櫈讓人小休
彷彿看不到盡頭
彷彿看不到盡頭
一端主要賣時裝
一端主要賣時裝
另一邊賣家品多
另一邊賣家品多
由中段踏入這條江南地下商街,向左望好,向右望也好,彷彿看不到盡頭,冇頭緒由哪兒行起,就向Etude House方向(即背住地鐵站的左邊)行,一路店舖賣既東西差不多,褲﹑衫﹑鞋﹑美妝店﹑內衣褲等等,普通衫褲大部份一萬韓圜就有交易,也買到5千韓圜的,邊快行邊scan邊買,快極都要差不多半小時才到盡頭,盡頭有賣吃的,也有座椅讓人休息,唔怕行到攰冇得回氣。

至於另外一邊,主要係賣家品呀﹑床單呀﹑甚至係園藝擺設嗰啲,有需要就行,冇的可以skip,免得費時呢!這條地下商街主要係本地人行多,仍未被港人﹑強國人攻陷,不過人還是很多,掃貨時都要小心自己荷包呀! 
評分: 值得去4  
林蔭大道 ok喇2015-01-21
角度攞得不錯吧!
角度攞得不錯吧!
超多人的咖啡店
超多人的咖啡店
沒門口的,感覺開揚,賣點是也!
沒門口的,感覺開揚,賣點是也!
呢張也影得唔錯
呢張也影得唔錯
到晚上仍是很多人呢!
到晚上仍是很多人呢!
狎鷗亭也好,羅得里奧街也好,是江南那邊出名既潮服區,好多名店﹑時裝店都喺嗰區設旗艦呢!而最近開始竄紅既新沙洞,就喺林蔭大道兩旁開了很多型格店舖,時裝﹑ Accessories,型格家品也有。除此之外,Cafe也有不少,我們也有幫襯其中一家。

因為"來自星星的你"一劇,掀起左醬油蟹熱潮,新沙洞也有一條醬油蟹街,有名既PRO醬蟹也在此呢!還有,這裡有很多整形醫院,韓國真係好開明,視整容為美容,由地鐵站廣告,一路到大街建築都看到呢!

雖然我沒有潮流觸覺,來這裡純為見識,以及想看看林蔭大道兩旁綠樹(外子很喜歡這樣既大道),不過,當你去過南怡島後,就會覺得這裡失色了!對時裝潮流有興趣既,或同我一樣有時間純粹到此一遊既,可以來hea下呀!
評分: 值得去3  
好開揚
好開揚
座位寬敞,空間感夠
座位寬敞,空間感夠
蕃薯窩夫拼雪糕,仲要係Haagen Dazs,超讚!
蕃薯窩夫拼雪糕,仲要係Haagen Dazs,超讚!
杏仁芝士火腿多士也很好吃!!!
杏仁芝士火腿多士也很好吃!!!
一開始忘了拍咖啡店外觀,晚間再經過時才補拍
一開始忘了拍咖啡店外觀,晚間再經過時才補拍
其實成個首爾之旅好像成日食咁,喺高速巴士站行完一輪,老公則在咖啡店內坐住等,飲過咖啡,去到新沙洞,又被我帶去另一家咖啡店再吃過飲過,真係辛苦老公呀!

這間咖啡店名為Ginkgo,地方很大,裝潢以木為主,日間陽光從露台照入店內,晚上燈全開了,在大街上也看得到燈火通明,雖然店太光亮顯得不夠hea,但座位寬敞,坐得尚算舒服。

我們點了兩杯飲品,一客雪糕蕃薯窩夫,一客杏仁芝士火腿吐司,沒想到食物質素很不錯,韓國窩夫外脆內鬆軟是常識,但內裡竟有蕃薯蓉,口感層次豐富,而且任選兩球哈根達斯雪糕呢,好好味呀!繼而吐司無論火腿﹑芝士﹑杏仁片,所有材料份量剛好,都好夾,又係意想不到既好味呢!不枉我捉老公上嚟坐呀!
推介菜式: 雪糕蕃薯窩夫,杏仁芝士火腿吐司
評分: 味道4   服務3   環境3   衛生3   抵食3
東大門及明洞一樣,間中在商場門外搭舞台讓人表演
東大門及明洞一樣,間中在商場門外搭舞台讓人表演
商場老大哥Doota
商場老大哥Doota
還有Miligoze
還有Miligoze
一直想行的 Nuzzon
一直想行的 Nuzzon
Maxstyle這個場好靚,外邊... 但入面好吉的
Maxstyle這個場好靚,外邊... 但入面好吉的
喺商場群後還有這個機動遊戲
喺商場群後還有這個機動遊戲
雖然有多條地下街可以掃平貨,但東大門商圈仍然深受遊客歡迎,除了Doota﹑Miligoze﹑ Hello apm等,還有批發區中的U:US﹒Nuzzon等,總之要敗要拼既地方相當集中,有些地方還可講價。如第一次來首爾,或行程太趕去不到地下街的,仍會建議來東大門走一圈呀!
評分: 值得去3  
地下招牌
地下招牌
對面看過去
對面看過去
豬形處處
豬形處處
彩色卡片好靚
彩色卡片好靚
好震撼呀!
好震撼呀!
泡菜海鮮湯味道正,但海鮮唔係新鮮貨
泡菜海鮮湯味道正,但海鮮唔係新鮮貨
好多人幫襯
好多人幫襯
正
這家八色豚肉越做越好,名氣大到香港尖沙咀也開了一家,雖然不是有關連﹐但想止癮也不錯。講回八色豬肉,言下之意即有8款口味啦!分別為人參﹑紅酒﹑松叶﹑大蒜﹑花草﹑咖哩﹑大醬及辣醬,口味由淡至濃吃起,最好味是紅酒及大蒜,花草既香草味則太搶,而松叶則冇乜特別,應該話食唔出叫咩味呢!

除左調味,豬肉用五花腩,肥瘦相間,豬肉味夠但沒有臊味,包菜同吃或淨隊皆讚!而送既泡菜海鮮湯湯頭甜中帶辣,但入面既海鮮則不新鮮,不用浪費Quota呀!這個八色豚肉,唔止好食,又夠睇頭,這樣才三萬韓圜,影相都抵呀!如怕食唔哂,有雙拼或三拼可揀呢!
每人消費: 約15000韓圓 (晚餐)
評分: 味道4   服務3   環境3   衛生3   抵食3
名大於實 ok喇2015-01-21
吸煙房
吸煙房
出名之處是有燒蛋位
出名之處是有燒蛋位
唔覺意找到姜虎東,就上去開餐,其出名之處莫過於肉平,以及可以爐邊烤蛋。本來對此店有期望,但結果係,蛋要好cher咁食,唔滑而嚡口,豬肉定牛肉我已唔記得究竟係點左邊樣,所以你話味道如何?咪冇乜特別囉!如果唔係我點會唔記得自己食過咩呢!價錢仲要唔平,可能我地相對點得多啲或貴啲卦,總之唔會再有下次啦!
評分: 味道3   服務2   環境2   衛生2   抵食2
外形很太空館feel呢!
外形很太空館feel呢!
對面是Lotte Fitin
對面是Lotte Fitin
相信有看"來自星星的你"既人唔會唔識DDP這個東大門最新地標,冇錯,就係劇中千頌伊吊威也發生意外既拍攝場景呢!我也是來東大門時順便打卡追星呀!

所謂DDP,就是"Dream", "Design"及"Play"的簡稱,這裡有唔同既文化展覽,也有商店售買創意用品,更有數間餐廳,其中一間是以賣健康飲品有名的果汁店呢!可以一逛! 
評分: 值得去3  
  0 個留言    |  加入你的留言
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-20
嚟到旅程既第5天,感覺留在首爾好耐呢!(比起平時既3日4日trip,這次真係算耐)

今日一於出發去南怡島,為著唔會捱住餓去,我地先到新堂,為的是想吃Running Man主持劉在石代言既炸雞,點知去到未開門,咁新堂又名年糕鍋街,我地就諗住行個圈,睇下有冇好野食啦!最後去左一家名為"Red Mango"既乳酪雪糕店吃Waffle,首爾隨便一個地方吃窩夫都好得呢!食飽就向南怡島出發。

還好火車時間都算夾得唔錯,不至於要等好耐才可上車,去到加平站,又喺便利店買了漢堡,不過味道一般。吃飽八卦問下停在面前既巴士司機,原來佢架車開去南怡島乘船處的,急忙上車,終於順利到達南怡島,好開心咁遊島﹑影相﹑又食過!

上一趟行程冇去南怡島,但就去了追星既小法國村,兩個景點其實也可一天處理,所以我會在這裡分享埋小法國村呢!另外,還有一個地方叫晨靜樹木園,也是很值得去既地方,嚟梗出發既首爾血拼之旅,我就準備跟團友一次過掃呢三個地方呢! 
年糕一條街 ok喇2015-01-20
啱啱有啲節目,熱鬧但幾嘈下!
啱啱有啲節目,熱鬧但幾嘈下!
年糕公仔好得意呀!
年糕公仔好得意呀!
叫得新堂洞辣炒年糕街,賣年糕鍋既食店當然不少,但翻看旅遊書,很多都推介馬福林奶奶這家,話佢賣既辣中帶甜,年糕又煙韌彈牙喎!不過由於老公唔太好,所以我地冇試,而嚟到當日咁啱見到有啲表演,阿豬媽唱歌跳舞,非常熱鬧呢!
評分: 值得去3  
一早未有太多人客,店內好幽靜
一早未有太多人客,店內好幽靜
雖然唔係最想吃的香蕉窩夫,但這個也好味呢!
雖然唔係最想吃的香蕉窩夫,但這個也好味呢!
由於炸雞店未開,諗唔倒食乜,喺家鄉成日見Red Mango都冇幫襯過,所以就決定在此開餐,原意是想吃香蕉窩夫,但揀完一輪店員話冇做... 咁唯有食普通一級既杏仁窩夫啦!賣相冇香蕉的吸引,但窩夫一樣外脆內鬆軟,吃罷一口又接一口,超好吃,配埋芝士忌廉及果占更佳,首爾窩夫真係唔講得笑,好吃到不行呢!
評分: 味道4   服務3   環境3   衛生3   抵食3
辛苦也值得 笑臉2015-01-20
登島要坐船,圖為船飛囉!
登島要坐船,圖為船飛囉!
排隊上船呀!
排隊上船呀!
遊客可選擇以鋼索降落南怡島,快啲﹑風景靚啲,但貴啲!
遊客可選擇以鋼索降落南怡島,快啲﹑風景靚啲,但貴啲!
冬日戀歌既雪人公仔常現島上。
冬日戀歌既雪人公仔常現島上。
入公園了!
入公園了!
見到開始有紅葉,好興奮呀!
見到開始有紅葉,好興奮呀!
去之前沒有抱太大期望,見這地方未到過,又想試下有冇機會看到紅葉,加上本身喜愛綠色,即使冇紅葉,在兩旁綠樹下拍照也很滿足。

猶如引言及上述前往方法所示,去南怡島並不容易,雖然不算難,但相對平時地鐵可至既景點絕對轉折多了,不過,正因為沒抱超大期望,登島後驚喜處處。 首先,船未泊岸前遠遠看到翠綠樹林中有幾棵紅紅黃黃既植物,就讓我幻想它們是紅葉已讓人開懷。

登島後看到用綠色樽砌出來的樹也讓我拍了幾張照片,繼而看到唔太可愛既松鼠,影出來唔夠靚既湖,都讓我感覺舒暢。最讓人興奮的三件事來了,第一是在大草地上看到好幾棵紅葉,不用疑似了,根本就是,雖然同樣實景較美,但我仍是開心滿足地拍了好多張照片。

繼而就是一路想拍的兩旁綠樹作蔭既大道,青綠色的超美,無論自拍還是影景都相當喜歡。嚟梗既trip也會到這裡,不知會否有雪,會否更美!

最後讓我真的好意外既是有鴕鳥呢!我好鐘意動物,最愛遊動物園,在這裡看到唔怕人但又有點笨既鴕鳥覺得賺左呢!即使未能去兒童大公園看動物也很開心!

島上還有很多影相位,尤其是陳年舊劇冬日戀歌既拍攝情景,又有遊樂設施如Bike Centre﹑水上活動,也看到一家家木屋,看來是讓人留島居住的,遊客登島費8千韓圜,島上也有餐廳,總之夠你消磨大半天呢! 
參觀時段: 下午
入場價錢: 每人8000韓圓
評分: 值得去4  
晚上這條路會更美嗎?
晚上這條路會更美嗎?
差一點就想帶傘回家呢!
差一點就想帶傘回家呢!
這條路超美
這條路超美
這角度也不錯吧!
這角度也不錯吧!
意外看到鴕鳥,好開心!
意外看到鴕鳥,好開心!
這裡真的美到不行,要拍照既地方很多,小心用哂相機既電,到下一景點時冇得影相啊!
評分: 值得去4  
吃在南怡島 ok喇2015-01-20
又係冬日戀歌
又係冬日戀歌
好多雪人公仔
好多雪人公仔
辣魷魚拌米線
辣魷魚拌米線
傳統拌飯
傳統拌飯
這附近其實有其他食肆,我們太心急!
這附近其實有其他食肆,我們太心急!
還有千五韓圜既豆沙包
還有千五韓圜既豆沙包
雖然登島前已在新堂及便利店吃過東西,但在島上遊玩了一陣子有啲攰,又為食啦(主因)!所以就入去這間標榜韓式傳統美食的Country Restaurant吃東西了。

食店地方不算很大,但有多張長枱,約可容納80人,食物選擇不多,主要是傳統拌飯﹑湯麵﹑煎餅及一些鍋類,老公點了傳統拌飯,而我則點了辣魷魚拌米線,味道雖然沒有特別,但也稱得上美味,我們很快就把它們幹掉呢!而且價錢比想像的化算,值得進來小休。

如不想吃韓食,附近也有其他食肆(如西餐),又有一個賣豆沙包既涼亭,大家可以慢慢行,研究完才決定要吃什麼呢!
評分: 味道3   服務3   環境3   衛生3   抵食3
追星而來 ok喇2015-01-20
一落車就好興奮呢!
一落車就好興奮呢!
Poster大大張
Poster大大張
經典位置
經典位置
在來自星星的你一劇,男神同千頌伊在小法國村深深一吻訂情,因為中了男神毒,所以知道這裡很細,交通又用了不少時間,也要到此一遊。一場嚟到又係喺度喪影,總之一見到有小王子元素我就影,見到男神我又影,最後一路影一路擔心相機冇電囉。

嚟梗同團友都會再嚟,因為團友未嚟過呀!速遊後會到晨靜樹木園影燈飾,希望到時無論等觀光車或的左都唔會太嘥時間啦!
參觀時段: 下午
入場價錢: 每人8000韓圓
評分: 值得去3  
只有這些可醫肚呢!
只有這些可醫肚呢!
長期重温定情片段
長期重温定情片段
覺得呢度好靚,即使唔知影過未,見呢個角度唔錯又再影!
覺得呢度好靚,即使唔知影過未,見呢個角度唔錯又再影!
小法國村雖然地方小,但要影既地方都好多... 山長水遠嘛...點都要拍個夠!
評分: 值得去3  
燈飾超美
燈飾超美
隨意拍也很靚
隨意拍也很靚
一開始冇打算去的,又係花花草草,唔駛去啦!但最近看雜誌附送既旅遊書介紹,這裡於冬季會有燈飾,景色超美,朋友話隨意拍照已是一道好風景,所以嚟梗旅程加插了這地方,亦先在這裡跟大家介紹一下呢!

特別鳴謝 Swin Lo 提供兩張靚相
參觀時段: 晚間
入場價錢: 每人8000韓圓
評分: 值得去4  
  0 個留言    |  加入你的留言
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-18
嚟到旅程既第四日,原本係想到南怡島的,但因為遲左出門口,又怕落雨,所以臨時改變行程,改到仁寺洞三清洞一帶,今次係第二次到仁寺洞,可以行慢啲之餘,仲去左多年想試既 O'Sulloc Tea House,又陪老公吃了佢好掛住既牛骨湯。

喺仁寺洞食飽飽,就起行到三清洞,上一次行得一半就要折返趕去機場,這次就可以慢慢行,沿途有好多靚Cafe,好想喺嗰度嘆茶呢!(可惜喺"噢!雪綠"已飽了)有機會真係要在三清洞做下偽文青呀!

另外,也在此篇加插4月之旅到過充滿藝術氣息既大學路(惠化站既梨花壁畫村),又一影相影到好開心既景點呢! 
大街上也有不少車仔檔
大街上也有不少車仔檔
這空地間中有"民間"表演架!
這空地間中有"民間"表演架!
這條古大街既美妝品店既店名也用韓字,好特別!
這條古大街既美妝品店既店名也用韓字,好特別!
店舖蠻有特色呢!
店舖蠻有特色呢!
兩年前出遊時有對朋友夫婦住在鐘路附近,我地過去找佢地一齊玩時會先到佢地酒店,然後再出發,喺佢地酒店附近向右行,慢慢就可穿到仁寺洞,反而叫我由安國站行過去我未必識呢!(今年第二個 trip才知原來可由安國站行過去呢...haha) 而鐘路附近都多野食,所以我喺這日既行程也有提到兩家鐘路吃過既餐廳呢!

講番仁寺洞,主要大街可看到好多韓國傳統文化相關既店舖,如韓紙﹑韓國書法﹑民族手工紀念品等等,間唔中會見到韓國女士穿上傳統服飾出現,好像大長金咁!此外,這裡也有傳統茶居,可以品茗及吃韓式傳統甜點。走在大街上,如果遊客唔係太多,感覺好舒服,好有文化氣息﹑古早既味道,除了傳統店,還有兩個大型"商場",賣既東西集新潮及手工於一身的,我也會喺下一篇介紹其中一家。總之,如有時間的話,我都建議大家行下仁寺洞呢!

評分: 值得去3  
人人商場 笑臉2015-01-18
呢個便便紅豆餅好出名咁!
呢個便便紅豆餅好出名咁!
這朵花由地下延伸至頂樓,好特別咁!
這朵花由地下延伸至頂樓,好特別咁!
這個商場,由於韓文符號拼"SS"寫出來是"人人",故又被人稱為"人人商場",第一次到這商場逛時覺得好正,好新鮮,好舒服!除了有樓梯,還可由斜路慢慢繞圈向上行,沿路有很多特色商店,賣的東西不便宜,但好多都是手工貨,獨一無二。一路又看到好多塗鴉,也看到一些雕塑,總之成個環境好藝術。慢慢行到上頂是餐廳來的,陽光充足,喺冬天曬住太陽嚟個Brunch或Tea定必好寫意!
評分: 值得去4  
喺明洞時店面青綠色... 但在仁寺洞呢!則古雅啲!
喺明洞時店面青綠色... 但在仁寺洞呢!則古雅啲!
這裡暗啲,沒有陽光既刺眼... 但相反坐得耐又會覺得好眼訓囉!
這裡暗啲,沒有陽光既刺眼... 但相反坐得耐又會覺得好眼訓囉!
雪糕味道不錯,紅豆夠多,但冰太粗
雪糕味道不錯,紅豆夠多,但冰太粗
這是韓國有名既綠茶店,在濟州自設茶場,此店除了出售自家綠茶葉,也有很多跟綠茶有關既物品,如護膚品。二樓及三樓是茶室,除了綠茶,還有蛋糕及各式綠茶甜品。話明係綠茶控,我又點會唔嚟朝聖吖!

等左半個鐘左右,店員安排我地入座,留低餐牌後就行開了。這裡指示唔清晰,我排了好一陣隊,到我落單時佢話我可以坐下來,店員會嚟同我落單喎!你話係咪唔交帶清楚吖!算啦!坐低左後另一店員就過來幫我地落單, 我地點了綠茶雪冰﹑綠茶卷蛋及一杯綠茶Latte。

過一陣野食來了,賣相係唔錯,但比起弘大Be Sweet On就差一大截呢!而且又貴啲喎!味道方面,綠茶卷蛋不錯,忌廉滑,綠茶味夠﹑香濃而不澀。但個雪冰就唔得了,唔夠幼細,咬到小冰粒既刨冰口感,我都係鍾意好像雪既雪冰多一點。 Maccha Latte也是一般。

首爾好多甜品店﹑咖啡店,選擇多的是... 噢!雪綠嘛... 試一次就夠呢! 
評分: 味道3   服務3   環境3   衛生3   抵食2
難忘牛骨湯 笑臉2015-01-18
店前有食物模型,我們也是被模型所吸引的
店前有食物模型,我們也是被模型所吸引的
我諗我地唔識欣賞韓國拳頭咁大既餃子囉!
我諗我地唔識欣賞韓國拳頭咁大既餃子囉!
超得既炆牛肋骨
超得既炆牛肋骨
牛骨湯也很讚
牛骨湯也很讚
這是四人份
這是四人份
跟老公encore時的牛肉鍋
跟老公encore時的牛肉鍋
好好味呀!
好好味呀!
這家餐廳沒有中文名,我由韓文符號嘗試拼寫出來,如冇錯應為"Kam Nam Mkhn Ok",但第三字好怪,冇響音。此店地方不少,裝修平實,既有席地而坐既韓式座位,也有我們一般既枱櫈,兩者我都坐過。咁講係因為我們吃過番尋味呢!為著既,是一碗牛味濃既牛骨湯。

這裡定價唔貴,幾千韓圜已有交易,除了炆牛肋骨,分大﹑小份,價錢過萬韓圜,但味道不錯。講回牛骨湯,以韓式湯鍋盛著,湯呈奶白色,有三四件牛排骨,並有葱花裝飾,熱騰騰上桌,喝一口湯很甜﹑順喉,有牛肉味道,牛排骨肉質好軟腍,仍有肉味,邊吃邊喝,亦可拌飯同吃,到現在仍很回味。所以此行老公說明必要回來encore!!

另外我們也點了剛說到較貴的牛肋骨,調味很夠,但仍吃到牛肋骨既肉味,炆既火喉也夠,骨肉易於分離,細份都有8條骨,很快就給我們幹掉了。至於水冷麵味道一般。另外,我跟老公回去 encore時則點了牛肉鍋,才兩萬多韓圜,但配料多﹑菜及牛肉也多,吃得好痛快。這裡除了餃子,其他都非常好吃。有機會我們也會再來呢!
推介菜式: 牛肉鍋﹑牛骨湯﹑炆牛肋骨
評分: 味道4   服務3   環境3   衛生3   抵食3
必吃牛肉鍋 笑臉2015-01-18
這食店營業時間較長,我地去完夜街(過9點)如喺附近會嚟呢度食晚飯,除了牛肉鍋,這裡還有豬骨鍋,還有一個係人蔘雞定其他既鍋可揀。前後兩次我們也吃了牛肉鍋,相對剛才提既仁寺洞餐廳,這家牛肉鍋肉既份量雖然較少,但其他配菜就好足,湯頭夠甜,好似食梗壽喜燒咁,每次我地都會加個麵落去食,價錢又實惠,真係超讚!

註:這家店全部都是韓式座位,入店後要先除鞋,有鞋柜讓客人放鞋。 
推介菜式: 牛肉鍋
評分: 味道4   服務3   環境3   衛生3   抵食3
上桌時湯仍在滾呢!
上桌時湯仍在滾呢!
之前喺仁寺洞附近行完,諗唔到食乜,經過呢間,見到門口張易拉架有薯仔大骨湯,所以走入去吃。呢間食店真係好街坊,全部韓文字,冇譯既餐牌,我地手指牆上既圖嚟點單。全場幫襯既都係韓國人,既有阿積司,又有後生男女,有啲食客又飲酒,所以店內都幾熱鬧呢!

湯來了,見只有大骨沒有薯仔,以為嚟錯,但後來發現原來一開始係我地睇錯圖,根本係冇薯仔在內,咁唔緊要啦!就咁大醬湯也很好吃!湯帶辣,少少油,肉唔多但好入味,跟飯吃好飽肚,而且價錢平,好像7千韓圜一客,晚飯喎,抵到呢。

回港後我地都有試過整,但當然有加番薯仔啦!嚟梗去首爾希望可以食到有薯仔版本的。 
評分: 味道3   服務3   環境3   衛生3   抵食3
我很喜歡行這條路,樹加石牆感覺很美!
我很喜歡行這條路,樹加石牆感覺很美!
本地人也好﹑遊客也好,都會前來閒逛
本地人也好﹑遊客也好,都會前來閒逛
這家好像是有名的刀削麵店
這家好像是有名的刀削麵店
就是欣賞建築物都值得來呀!
就是欣賞建築物都值得來呀!
一般去完仁寺洞,我都會繼續向北行(我既前行而矣),往三清洞進發。由石牆大道慢慢前行,兩旁有樹作蔭,人不算多,在陽光下散步,感覺好舒爽。再向前行,兩旁開始出現性格小店,有賣衣服既,有賣飾物既,也有賣鞋履既,總之同時裝有關既都可看到。

除此之外, 也有很多咖啡店﹑小吃店﹑裝潢型格或簡潔既餐廳,行到攰可以隨意找個地方嘆茶,吃件餅,稍作休息後再行過。喺巷弄裡也可找到特色小店(門面﹑裝潢﹑或賣的東西都較吸睛)﹑餐廳,總之細心行逛,會有讓人尋寶既感覺。

整條大街約分三段,都是由不同小店﹑咖啡店﹑餐廳組成,連鎖店舖相對較少,感覺較新鮮,走在這裡,感到商業味少一點,氣質多一點。
評分: 值得去4  
在巷內又會出現店舖
在巷內又會出現店舖
這條又名三清洞咖啡街
這條又名三清洞咖啡街
這店賣公雞有關既精品呢!
這店賣公雞有關既精品呢!
我不吃蛋,但看到也覺吸引
我不吃蛋,但看到也覺吸引
這是回程路上,但又看到新既店舖...
這是回程路上,但又看到新既店舖...
其中一家小店,賣咖啡﹑輕食...
其中一家小店,賣咖啡﹑輕食...
再讓大家看多些三清洞既面貌吧...
評分: 值得去4  
尋畫路上 笑臉2015-01-18
各大旅遊書必見既裝置
各大旅遊書必見既裝置
這個甲蟲很可愛是吧!
這個甲蟲很可愛是吧!
很愛這樓梯畫呢!
很愛這樓梯畫呢!
由惠化站往駱山公園行去,沿路指示不多,但總算去到駱山公園,但喺公園行左一陣,也不知道怎可到達壁畫村,失望之餘又餓,唯有落山先醫肚。吃飽後厚著面皮問店員,原來我們仍要由公園繼續向右前行(我們有向前行,但見一路冇畫冇雕塑,以為行錯而折返),為了不帶任何遺憾回港,故再試試看,終於皇天不負有心人,讓我們找到了!(根本就是一開始笨笨呀!)

沿途由不少雕塑,到大大小小既塗鴉﹑壁畫,邊走邊像尋寶一樣,看到一幅又一幅畫作感覺很興奮,尤其是看到兩堂樓梯畫更是開心不已,相片拍完又拍,直到太陽準備落山才肯離開,聞說這裡既畫會定時變更,確實我們所見跟書本所展示的也有不同,下次到首爾想不到行程,即使再來尋畫也不錯的! 
評分: 值得去4  
另一堂樓梯也很美
另一堂樓梯也很美
藍白永遠是絕配
藍白永遠是絕配
梨花壁畫村畫作真的不少,兩個篇幅也未能盡錄,唯有由你自己去發掘吧!
評分: 值得去4  
魚定食5千韓圜,肉片湯4千5韓圜
魚定食5千韓圜,肉片湯4千5韓圜
要前往梨花壁畫村,大多會經過駱山公園,雖然我們沒有好深入遊園,但也拍了不少花花照片,園內更有"野兔",又可在公園遠眺首爾風光,是個不錯既休憩地方。

公園(山)腳下,有很多藝術館(有啲像公演亂打騷的),又有鎖博物館,更有很多大小食店,我們也在其中一家街坊格局既食堂用餐,相當便宜,才5千韓圜便有一個定食,相當抵! 
評分: 值得去4  
  0 個留言    |  加入你的留言
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-15
第三日既行程較為簡單,主要是到4月之旅錯過了的可樂洞吃長腳蟹,然後到樂天世界影相。雖然下雨,但樂天世界好大部份是在室內的,所以對我地不構成大影響。不過樂天世界也好,側邊既樂天百貨也好,都好快關門,想行完樂園再轉戰超市不遂呢!提起食蟹,在此也分享第一次跟老公嚟鷺梁津食海鮮及附近的汝矣島公園吧!
大但好吉
大但好吉
2樓是海鮮加工食堂,收人頭費及加工費
2樓是海鮮加工食堂,收人頭費及加工費
鮑魚10000韓圜3隻,蝦是送的
鮑魚10000韓圜3隻,蝦是送的
松葉蟹4萬5韓圜,鱈場蟹則講價到7萬
松葉蟹4萬5韓圜,鱈場蟹則講價到7萬
第一次到可樂洞時,我們出了地鐵站左望大大個區被圍板了,看到"市區重建"既圖片,以為整個市場暫停營業,我倆失望而回。後來從朋友既朋友口中得知圍板是另一地方。所以國慶假期決心再去一次。

這次揀啱出口,跟足指示而行,但四周人很少,去到市場所在地時... 嘩!好大呀!有一點一無望際既感覺(是的... 是誇了一點),但一路看到是蔬果標誌既市場,小販也不多,不是所有檔也有開,總之好唔對路咁。我地繼續行,再過條大馬路,咦!似樣了...我地找到像書介紹的加工食堂,樓下是禽畜既檔口呢!上到加工食堂望下,懂普通話既店員指一指海鮮檔既方向,原來要再往後行,經過有蓋停車場才到呢!於是我地馬上起行揀海鮮去。

其實冇乜心水,行了兩三檔,見其中一檔老細較友善,於是就幫襯了一隻鱈場蟹(講價到7萬韓圜)﹑又買了三隻鮑魚(1萬韓圜),老細送了4隻蝦給我們,跟住我們就再行,喺第二檔看到松葉蟹,4萬5韓圜一隻,買埋,就番去剛才的加工食堂了。

這個加工食堂附加費合理,油料加工費每kg5千韓圜,人頭費2千韓圜一人,汽水也是2千韓圜,所有海鮮用最簡單既方法-蒸嚟處理,以吃海鮮既鮮味,我地喺食堂額外俾左1萬8韓圜,成餐約港幣千一有找,價錢可以啦!

講回食堂,大部份是韓式的要席地而坐,得兩張枱配椅子的,整個格局好街坊feel。我們揀左韓式座位,之前無論在鷺梁津定釡山機張都有免費前菜的,但這裡卻沒有,所以我地只有乾等。先來既係鮑魚及免費蝦,前者新鮮,味道鮮甜,後者則是死蝦來的,猶幸肉質不至太脢。跟住兩隻蟹來了,如想像一樣,松葉蟹較鮮味,鱈場蟹雖較大隻兼啖啖肉,但味道較松葉蟹遜色。不過總結三次喺泡菜國食蟹既經驗,以喺機張食既最佳呢!
參觀時段: 下午
入場價錢: 每人550港元
其他消費: 買﹑食海鮮
評分: 值得去3  
頭兩次去首爾時完全冇諗過去樂天世界,一來冇時間,二來家人不怎麼愛樂園,到第四次踏足此地,就把這樂園編排在其中一日,一於做個typical 遊客啦!

出左蠶室站,跟住人群走,慢慢會看到樂園吉祥物,其實我個人係幾鐘意逛樂園的,所以看到吉祥物即拍了好幾張照片,遠遠看到樂天城堡,好興奮,即去買飛。入場票分幾種,全日票﹑下午4時後入場票﹑晚間票等,入場費請參考照片。

購票後衝入樂園,先往室內走...(其實當時已忘了有城堡那邊既"外島"),
地方較想像的大,大大個溜冰場,遠遠看到空中既熱氣球緩緩繞圈,不遠處也看到經典喊戲"天國的階梯"內既旋轉木馬,又有大舞台做表演,四處人來人往,氣氛熱鬧得很。邊行邊拍了幾張照片,我就拉著老公往熱氣球去。這室內熱氣球可算係人氣玩點,過左4點幾都有長長既人龍呢,等既時候我去了買什果冰條吃,味道不錯,但價錢不算平宜,3千韓圜1支呢!食完整支雪條隊仍在排,差不多一個小時後才到我們。看人玩得輕鬆,到自己喺上面時都有點怕呢!好像有4﹑5層樓高左右,繞一圈約10分鐘左右,對於唔玩機動遊戲既我們嚟講,有樣活動做下也不錯。

之後經過3D美術館,有幾幅畫讓人影相。由於十月是Halloween的月份,樂園內也設了鬼屋,不過每度都要排隊,所以我們沒有再玩其他野,只係食下熱狗,四圍影相咁。本來想買紀念品,但職業病發,硬係覺得啲禮品唔值咁貴,所以閃人。

出左樂園,我才發現漏左去城堡影相,為免帶住遺憾離開,厚住面皮問職員我地可否重新入園,重點係解釋俾佢知我地有幾白痴所以錯過左,仁慈既姐姐俾我地番入去,於是我又好興奮咁呢度影嗰度影,又同老公自拍咁,如果日頭都記得影就好了,另有一番味道呢!


評分: 值得去3  
檔口超齊,感覺好熱鬧
檔口超齊,感覺好熱鬧
韓國名產但我從不挑戰既海菠蘿
韓國名產但我從不挑戰既海菠蘿
當地人喜歡用菜包海鮮,再沾韓式辣醬吃呢!
當地人喜歡用菜包海鮮,再沾韓式辣醬吃呢!
鮮味得很!
鮮味得很!
我很醜,但我好味!
我很醜,但我好味!
可以加1500韓圜煮蟹蓋(羔)炒飯的
可以加1500韓圜煮蟹蓋(羔)炒飯的
講到喺首爾食海鮮,除了可樂洞,更多人去鷺梁津呢!這個漁市場除了大,檔口多,而且好集中,又喺地鐵站附近,較可樂市場佳及方便,時間緊迫既真係唔駛諗,去鷺梁津就啱哂!

兩年前去既時候唔大貪,又或就住吃,我地只買了一隻松葉蟹(28,000韓圜)﹑1萬韓圜有6隻蝦及同樣係1萬韓圜有6隻既扇貝,松葉蟹清蒸,其他兩味則用烤的處理。前者雖然少左一隻蟹腳,但我地都好滿足,啖啖肉既蟹腳吃得好爽。後者用烤的但沒有烤的香味,勝在夠鮮,蝦夠彈牙,好吃!不過樓上既加工食堂收費好像相對唔老實,我記得當時埋單要7百多港幣,以為會較香港吃的平宜好多,但勝在夠新鮮,所以嚟梗都將會 encore!!!! 
評分: 值得去4  
汝矣島公園吸引人之處,主要係每年櫻花季節喺輪中路兩旁開滿櫻花既大道,屆時猶如嘉年華/櫻花祭咁好熱鬧。本來4月既行程就是想去睇櫻花,可惜今年花期早了,加上下了一場大雨,我地連櫻花屍骸都睇唔到呢!雖然有點失望,但我地喺公園租單車遊一圈,沿途停下睇下風景影相,輕輕鬆鬆就過了一個好寫意既下午,這裡又有遊樂場設施,好適合一家大細嚟遊玩呢!
其他消費: 租單車
評分: 值得去4  
  0 個留言    |  加入你的留言
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2015-01-03
第二日既行程,主要係去今年4月首爾 Trip 冇去過既梨大同新村,新村主要想吃朋友介紹既立食燒牛肋肉,佢話好味到佢唔食牛都要破戒偷吃呢!除此之外,諗住喺新村會途經新村食堂,結果沒看到!(不過我知新村食堂有點像連鎖店,喺東大門及其他地方也有)

至於梨大,上次冇嚟到,好想補飛去 Shopping,不過今次就冇頭兩次嚟首爾咁好彩俾我買到衫或鞋,反而買了手機套。去完呢兩個地方,我又點會放過機會再去弘大,回味四月所吃既抹茶甜品吖!仲有出名既橋村炸雞,雖然今日景點不多,但可以吃到好多美食,又做左偽文青泡Cafe,超滿足呀! 
舊舊的但內有乾坤
舊舊的但內有乾坤
大大件睇見都流口水
大大件睇見都流口水
差不多有得吃了!
差不多有得吃了!
超好味!
超好味!
朋友介紹必去既食點,說是不吃牛也會偷吃,所以牛魔王既我倆於這趟首爾行也到此朝聖。出了地鐵站向右直行,到有交通燈既地方過對面馬路(有間大大地既酒店的),然後上斜巷就會看到。還好我們早到,不用排隊便能入座,即被安排埋爐吃而已,沒多久門口開始有人等位。

店員除放了兩件牛肋肉在烤爐上,也遞上大膠袋讓我們放外套,細心。又...店員會定時過來幫忙燒肉及剪小塊,邊等邊燒,終於有得吃了。牛肋肉略有牛味,調味亦佳,基本上不點汁也好吃,肉汁豐盈。

初時我們覺得這牛肋肉是好吃,卻不像朋友說得那麼誇張,但相比喺打後數天既膳食,我們就覺得這立食牛肋肉確是不錯,而且不貴,每人百元左右便吃到烤牛,在韓國真的算賺到了!(打後吃的東西不是燒肉,只是我倆有點掛念燒肉而已:P)
每人消費: 約15000韓圓 (午餐)
評分: 味道4   服務3   環境3   衛生3   抵食3
窩夫冇得彈!!!
窩夫冇得彈!!!
首爾出名咖啡店多,而 BeansBins Coffee更有點像便利店般每區都有,其最出名既莫過於是雪糕窩夫,一份可自選兩球Haagen Dazs雪糕,味道有抹茶﹑士多啤梨﹑曲奇﹑比利時朱古力及雲呢拿五款,雖然選擇不多,但抹茶﹑士多啤梨及朱古力已是我最愛既味道,夠有餘呢!雪糕固然好味,但最重要既窩夫當然不可忽略,約7寸大既窩夫烘得剛剛好,外脆內鬆化,像吃蛋糕但又稍輕一點,蛋味不會過重,甜度適中,是我吃過最好既窩夫。除了雪糕,上面還有忌廉及朱古力漿裝飾,賣相相當好看!到現在仍非常掛住呢!(其實喺首爾其他咖啡店吃既窩夫也好好味,首爾既窩夫真係唔講得笑,就是好好吃!)

當時咖啡店還在做以芒果為題既甜品,喺海報上看到甜品賣相也好吸引,貪心的我當然唔放過啦,點了芒果牛奶刨冰,牛奶刨冰奶味唔強,除了芒果及漿,還有一球芒果雪糕,所有東西夾埋一齊好凍,不過芒果太酸,令此道甜品味道大打折扣。

喺梨大既分店環境很不錯,夠大,我地坐喺窗邊可以歎住冷氣曬太陽,超舒服。人又唔多,店員亦唔會趕客,我地喺呢度坐左好一陣子才走,超寫意啊! 
每人消費: 約14950韓圓 (下午茶)
評分: 味道4   服務3   環境4   衛生3   抵食3
不知是燈壞了還是慳電呢?
不知是燈壞了還是慳電呢?
惹味至極!!!
惹味至極!!!
星星熱還未過,炸雞依然熱爆,講起炸雞,又怎能不提橋村呢!上次路經弘大橋村時已吃飽甜品,肚已冇位容納一直想吃既炸雞,繼而當時整個旅程已吃了兩餐,故即使有cap也未必會吃,所以十月這趟特地前來朝聖。

炸雞店黑漆漆的,唔夠光,讓雙眼有點疲倦,甫坐下研究了餐牌一會便點菜,之前在別店吃過原味及蒜味炸雞,今次決定吃韓式炸雞,橙紅色既漿汁平均沾滿整份炸雞,熱辣辣既炸雞外脆肉嫩,絕不嚡口,韓式辣醬甜酸微辣,好滋味!每份雞都有10多件,兩人吃真的好飽,即使有前菜(椰菜絲)同吃也不能消滯,但這炸雞的確好吃,如多兩三個人,可多點其他口味就好了! 
評分: 味道4   服務3   環境3   衛生3   抵食3
露台座位景觀
露台座位景觀
震撼的抹茶甜品
震撼的抹茶甜品
內層是雪白綿滑既冰
內層是雪白綿滑既冰
招牌甜品之一
招牌甜品之一
榛子拿破崙
榛子拿破崙
來這店全是因為其中一個招牌抹茶甜品(WON17,800)太過吸引,喺超高大既抹茶刨冰上加了厚厚既紅豆蓉及一球抹茶雪糕,旁邊放了一件抹茶紅豆卷,一小瓶熱既抹茶,還有四粒小丸子,以及抹茶serum為刨冰調味,份量超大,好震撼!刨冰超細密,好綿滑,遠勝台灣既綿綿冰,撥開抹茶汁既外層,看到入面雪白既刨冰,仿如真既雪山一樣!抹茶味濃而不澀,可中和紅豆蓉既甜,又能為冇味既刨冰提味。由於雪糕及刨冰太好味,平時好鐘意既抹茶紅豆卷也被冷落了,味道也給比下去呢!

除了超巨型抹茶刨冰外,這裡還有好幾款造型靚既甜品,如另一款 Signature Dessert Tarte Tatin (WON10,900),像 Apple Crumble 的變奏版(或蘋果批+拿破崙餅),造型立體,最頂頭既蘋果脆片好香蘋果味,爽脆非常,custard 唔太甜,同鬆化酥皮及蘋果蓉頗夾。而另一款類似既甜品榛子拿破崙(WON10,800)則以焦糖﹑香橙及榛子cream為材料,餅沒前者鬆化,這個薄很多,所以較脆,但整體偏甜,嗜甜者及熱愛榛子的會大喜。

除了甜品,Be Sweet On也提供各式咖啡﹑茶, 地方大兼雅致既裝潢,確實係一個好好 hea 既地方呢!
每人消費: 約20000韓圓 (其他)
評分: 味道4   服務4   環境4   衛生4   抵食4
弘大商圈是指弘益大學向外行幾條街一帶,內裡有勁多咖啡店﹑甜品店﹑多國菜食肆﹑時裝及配飾小店﹑護膚品店等等等等,又有酒吧街,每星期有一日係Ladies Night,恕我現在修心養性,冇乜興趣所以冇記住邊日啦!仲有大熱既Trickeye Museum,約埋三五知己瘋狂影相可以玩半日呀!而由於弘大係有名美術大學,故好多地方又有學生塗鴉,所以話呢區係吃喝玩樂之地呢!

 
推介項目: 食﹑買﹑參觀Trickeye Museum
參觀時段: 全日
入場價錢: 每人0韓圓
其他消費: 食﹑買﹑參觀Trickeye Museum
評分: 值得去5  
其實要仔細行勻弘大商圈不易,前後嚟過三次,每次看都有不同,所以用了4個篇幅上載有關照片。
評分: 值得去5  
又有衫買,又有雪糕吃
又有衫買,又有雪糕吃
唔俾影相的蜂巢雪糕
唔俾影相的蜂巢雪糕
可以一試
可以一試
這間Spoon既雪條賣相好有趣
這間Spoon既雪條賣相好有趣
味道一般
味道一般
但影相一流
但影相一流
弘大梨大都有的大雞肉串
弘大梨大都有的大雞肉串
這個火腿餐肉三文治好吃
這個火腿餐肉三文治好吃
除了Be Sweet On及炸雞,這裡還有很多小吃及甜品啊!
參觀時段: 全日
評分: 值得去5  
貓痴必去 笑臉2015-01-03
懶洋洋曬太陽
懶洋洋曬太陽
比湯圓冇咁靚仔既忌廉貓
比湯圓冇咁靚仔既忌廉貓
貓貓也要開餐
貓貓也要開餐
完全唔怕人
完全唔怕人
同我家大王一樣霸道呀!
同我家大王一樣霸道呀!
2012年跟朋友夫婦一起行弘大,比我們更貓痴更貓奴既朋友一看到有貓Cafe logo即衝上去呢,飲品不怎麼樣,醉用之意不在酒嘛!
評分: 味道3   服務3   環境4   衛生3   抵食3
地標
地標
大學附近既商圈多大學生及年輕人出入,故附近無論食肆定小店,食的買的價錢相宜,故也吸引遊客前來。除此之外,因為全知賢主演既我的野蠻女友也在梨大拍攝,所以又吸引到一班粉絲來朝聖。這版就讓我上載梨大商圈既相片,下一篇幅才post梨大照片吧!
參觀時段: 全日
入場價錢: 每人0韓圓
評分: 值得去4  
因為一套韓劇,讓很多遊客來這裡拍照,男的可能看看有沒有像全知賢一樣漂亮的女生在這出沒,女的則幻想跟片中女角一樣在這裡番學﹑拍拖等。這裡環境很美,紅葉季節也吸引不少遊客來拍照,造成過嘈及多閒人,所以大學曾一度禁止遊客入內參觀,(我也不應標這裡是景點... 羞) 現在假日才讓男生入內"觀光"呢!
評分: 值得去4  
好大鍋!4人份
好大鍋!4人份
水煮開了!!
水煮開了!!
還跟飯同吃,你話夠抵吃冇?
還跟飯同吃,你話夠抵吃冇?
在明洞篇幅提過的一家街坊部隊鍋店,比明洞那名店更正宗,至少跟麵呀!價錢也便宜,味道也佳,不過坦白說不知此食店還在不在,純粹想跟大家分享而已!
評分: 味道4   服務3   環境3   衛生3   抵食4
  0 個留言    |  加入你的留言
Hea 遊泡菜國 (韓國)
(旅程日期: 2014-09-30 至 2014-10-06 ,  旅程性質: 觀光攝影, 飲食購物, 消閒度假)
 整個旅程  (共7篇遊記)
 分享至Facebook 
發表日期: 2014-12-13
第一次到首爾旅行是跟家姐們去的,出發前總覺得這地方好像悶悶的,吃也不太好,怕只得泡菜,(雖然蔡生成日話韓國好野食又點止泡菜同燒肉吖),但去過一次後發覺這地方無論食﹑買﹑玩同樣精彩,繼曼谷之後又一地方讓我著迷,之後都有再訪首爾(將會係第五次了),亦有到釡山旅行,但相比之下,本人還是較喜歡首爾,所以即使覺得寫遊記很吃力,還是想寫出來跟大家分享呢!

來首爾就像去日本一樣,一般會選坐零晨機,不過好多時在機上睡眠不足,落機後又未必能即時入住酒店,勁眼訓既我除了蒲cafe,也試過到汗蒸幕洗乾淨差差電。然後多去明洞唱錢,吃吃喝喝,買下零食護膚品,輕輕鬆鬆渡過第一日呢!不過這次較幸運,我們住既民宿約早上9點已可入住,故我跟老公可先補眠後再出發,所以在這篇打算介紹一下這家民宿,也介紹之前入住過的地方給大家參考,當然也會講下去首爾必到既明洞啦!
民宿正門
民宿正門
地下1樓的洗手間﹑毛巾柜及自助洗衣乾衣熨衫處
地下1樓的洗手間﹑毛巾柜及自助洗衣乾衣熨衫處
地下1樓的開放式廚房對出位置,提供desktop供人上網
地下1樓的開放式廚房對出位置,提供desktop供人上網
地下1樓的開放式廚房
地下1樓的開放式廚房
民宿裡的小花園
民宿裡的小花園
入房有條小走廊
入房有條小走廊
走廊側就是衞浴間
走廊側就是衞浴間
房間夠放二人床,沒入鏡頭的床邊有小雪柜﹑電視機及小梳妝台
房間夠放二人床,沒入鏡頭的床邊有小雪柜﹑電視機及小梳妝台
酒店位置很不錯,鄰近上往十里站,去其他地方都方便,建議坐機鐵到弘大轉2號線直到上往十里站去民宿。民宿主人友善,房間準備好可提早入住。基本用品如毛巾洗頭水等有提供,但要自備牙刷。往東大門商圈只需兩站,民宿附近又多食肆,其中一間叫Mapccal辛老闆好人兼略懂英語,食物好味又價錢合理,有英文餐牌(詳情請看同一日遊記另外篇幅)。民宿價錢便宜,地方雖小但算乾淨(雖然其中一晚看到不知從哪兒來的小強),要自行倒垃圾(我是在網上看到,所以出發前也帶了垃圾袋前往呀!),唯獨張床有點太腍,頭兩晚訓得不太好,但整體住宿經驗滿意。 
每晚價錢: 310港元 (雙人房)
評分: 設備3   服務3   環境3   衛生3   抵住4
光亮﹑乾淨﹑舒服
光亮﹑乾淨﹑舒服
免費前菜
免費前菜
紫菜飯團
紫菜飯團
正
牛肋骨鍋
牛肋骨鍋
水冷麵
水冷麵
勁辣芝士排骨
勁辣芝士排骨
正
喺旅程其中一晚夜番,但又未食飯,喺民宿附近找吃時看到這家光亮企理既食店,於是入去吃飯,這裡備有英文餐牌,老闆也懂一點英文,所以點菜不成問題。食物選擇不算多,有牛肋骨鍋(WON25,000)﹑水冷麵(WON4,000)﹑年糕﹑紫菜飯團(WON3,000)等,其中較特色既係芝士排骨(WON13,000 per head,二人份起),第一次看到人家吃還以為係鐵板飯,原來面頭一粒粒既係芝士,配伯爵薯仔,上面還有三色椒,豬肋骨有7-8條,份量多且賣相吸引!芝士勁足料,跟伯爵薯仔好夾,而豬肋骨也是卷芝士同吃的,其實這食法真的好 over,兩者均肥膩,真係貪新鮮呢,所以近日香港也出現這個了!不過這裡的豬肋骨只有一個辣度,而且超辣,老闆都擔心我們吃不到,嗜辣者必大喜!

我地前後光顧了兩晚,其實第一晚吃了牛肋骨鍋,味道沒之前在仁寺洞吃的甜,少辣,但牛肋骨同樣炆得很腍,骨肉分離,價錢不貴,份量也夠。同時因為貪心,所以又點了紫菜飯團,見水冷麵不貴所以也點了,水冷麵味道一般,可能個人重口味左,所以冇以前咁鐘意食水冷麵了。反而紫菜飯團有驚喜,一碗盛著白飯﹑紫菜碎﹑蛋絲及蟹子,由食客自己搓飯團,感覺好新鮮,味道又好,我也買了好幾包紫菜回港自製手搓飯團呢!

總之這食店無論環境﹑食物均很不錯,定價合理,甚至稱得上經濟,老闆又友善,主動跟遊客﹑食客溝通,住在附近絕對幫襯得過。下次再住這裡我也會再來回味呀!

 
推介菜式: 芝士拉骨,牛肋骨鍋,紫菜飯團
每人消費: 約15000韓圓 (晚餐)
評分: 味道4   服務4   環境4   衛生4   抵食4
簡潔小Cafe ok喇2014-12-13
就在對面馬路呀!
就在對面馬路呀!
地方不大,一眼睇哂!
地方不大,一眼睇哂!
佈置簡潔
佈置簡潔
早餐set- Mocha及芝士火腿鬆餅 (WON6,500)
早餐set- Mocha及芝士火腿鬆餅 (WON6,500)
Americano WON3,000
Americano WON3,000
民宿附近其實有很多咖啡廳,有連鎖的,也有小店格局,Cafe Ciao就是其中一家。小店佈置簡單,以輕食及咖啡為主,選擇不多,其中一個早上我們到來吃早餐,點了一客芝士火腿鬆餅及Mocha,只係WON6,500,加點一杯 Americano (WON3,000),由於這區不算商業區,也跟旅遊熱點東大門分開,所以小店人氣不多,我倆可他條地過一個早上呢!

 
每人消費: 約5000韓圓 (早餐)
評分: 味道3   服務3   環境3   衛生3   抵食3
有木浴缸可浸浴
有木浴缸可浸浴
也有花灑沖涼
也有花灑沖涼
乾淨坐廁
乾淨坐廁
洗手盤加梳妝地方有兩邊
洗手盤加梳妝地方有兩邊
床舖舒適
床舖舒適
玄關位置
玄關位置
床尾地方大,可走動之餘夠放三大行李。有掛牆大電視及兩台 desktop上網
床尾地方大,可走動之餘夠放三大行李。有掛牆大電視及兩台 desktop上網
酒店外觀
酒店外觀
第一次跟家姐們去首爾,一切以方便行先,酒店位於東大門區,機場巴士6001在附近上落往返機場,方便一;用走的(酒店左方)大概5-10分鐘可到乙支路4街地鐵站,方便二;再用走的(酒店右方)也是10分鐘左右就到東大門血拼區(即東大門歷史文化公園站,doota, Good Morning City, Lotte Fittin, DDP etc.),方便三。所以這酒店雖然相對較貴,我們仍然選擇入住。

酒店於2009年開張,我地2010年去,相隔一年而已但酒店已唔新淨,像舊式酒店,我們三人住Triple Room,房間好大,有一張雙人床及一張單人床,至正係房內有兩部電腦
可免費上網。最唔好係冇梗窗,所以好暗,洗手間地台唔去水,冷氣唔夠,衣櫃細,如果怕侷促入住前一定make sure有梗窗!

普通2人房而家都去到差不多一千港幣,所以計番當時間三人房都係千五左右吧!只作參考呀!

 
每晚價錢: 1500港元 (三人房)
評分: 設備4   服務3   環境4   衛生4   抵住3
酒店外觀
酒店外觀
驚喜 check point 1
驚喜 check point 1
有大大支沖涼用品提供,慷慨
有大大支沖涼用品提供,慷慨
房間唔算好大,但走動有餘
房間唔算好大,但走動有餘
必需既上網設備
必需既上網設備
玄關位
玄關位
大堂免費小吃部,驚喜 check point 2
大堂免費小吃部,驚喜 check point 2
這家酒店嘛... 我就不太建議住的,佢唔算好近旅遊區(要6個站才到東大門商圈),就係同長漢坪站都有15分鐘以上既距離,當時我喺旅行社買自由行套票,揀最平既價錢所以住佢囉!(其實最平係慶南酒店,可惜冇位)

呢間酒店黑媽媽,由大堂黑到入房,所以我啲相影得唔好,請見諒。驚喜的是有自動洗pat pat馬桶,衞浴間超大,可以放一枱麻雀呀!房間(衞浴室以外)大小一般,同樣有兩台電腦可供上網。酒店大堂有免費熱飲如朱古力﹑咖啡及爆谷任飲任吃,當時係第一次見這些 offer,所以加左分! 
每晚價錢: 800港元 (雙人房)
評分: 設備3   服務3   環境3   衛生3   抵住2
舊招牌
舊招牌
舊招牌
舊招牌
雙人床僅僅夠訓,也是軟鋪
雙人床僅僅夠訓,也是軟鋪
一落床就貼牆了!
一落床就貼牆了!
小小衞浴間
小小衞浴間
除了地下上民宿,民宿內也要爬樓梯的!
除了地下上民宿,民宿內也要爬樓梯的!
很多地圖及Show既簡介提供
很多地圖及Show既簡介提供
熱水器﹑水機在二樓接待處
熱水器﹑水機在二樓接待處
第一次住民宿,房很細,不夠位開全喼(29"),但尚算乾淨,地點真的超讚,雖然坐機場巴士下車後要找好一陣子,但其位置超近乙支路3街站,去東大門﹑明洞均很方便,附近又多食肆,唯一不便是要爬樓梯,搬行李很辛苦啊!
每晚價錢: 385港元 (雙人房)
其他消費: 韓國插頭變換器WON5,000; wifi蛋租WON5,000,每日再加錢的!
評分: 設備3   服務3   環境3   衛生3   抵住3
其中一家找換店
其中一家找換店
大街上很多街頭小吃
大街上很多街頭小吃
此為明洞地標
此為明洞地標
街上很多宣傳公仔人,但好有老翻味道!
街上很多宣傳公仔人,但好有老翻味道!
超熱鬧既大家啊!
超熱鬧既大家啊!
曾興起蛇毒護膚品既Holika Holika!
曾興起蛇毒護膚品既Holika Holika!
韓式小吃種類不少,可以掃完街再拼過!
韓式小吃種類不少,可以掃完街再拼過!
又一個宣傳公仔人呢!
又一個宣傳公仔人呢!
去首爾不能不到明洞啦!首先,這區有好多找換店,兌換率較其他地區包括東大門好啲。這裡集齊食買玩既元素,要食既有名燒肉如王妃家﹑肉統領﹑部隊鍋等;整條明洞大街韓牌化妝品店雲集,又有大型百貨公司樂天及新世界座鎮,休閒服如Forever 21﹑Uniqlo﹑波鞋如 ABC Mart 等也在,還有大量潮牌,包你掃盡大小物品。又可以去M Plaza5樓免費借韓服拍照扮大長金閔大人喎!(男神李暄皇帝都得架!)

放慢腳步閒逛既又可到南山塔去,登上塔頂欣賞首爾全景,星星迷又可到星劇喺情人鎖等拍攝場景朝聖。總之,嚟明洞梗有啱你心水既活動啦!
推介項目: 喪買喪吃
參觀時段: 全日
評分: 值得去5  
差不多上到頂會看到正官庄專買店
差不多上到頂會看到正官庄專買店
纜車站
纜車站
等纜車時的風景
等纜車時的風景
公園內既風景
公園內既風景
南山烽燧臺
南山烽燧臺
情人鎖
情人鎖
情人鎖樹
情人鎖樹
晚上既首爾塔會變色架!
晚上既首爾塔會變色架!

南山塔(N首爾塔)就在南山公園內,這裡一年四季景色怡人,櫻花﹑紅葉﹑雪景,夾啱時節,攞啱角度,定能影出靚相。

這地方本身是拍拖勝地,尤以N Plaza內的情人鎖最為有名,很多情侶把鎖頭鎖在欄杆上,再把鎖匙丟掉,象徵兩人永不分離,好不浪漫。多得"來自星星的你"一劇,再度掀起情人鎖定情熱潮,除了遊客,來追星既本地人也不少呢!

除此之外,遊客也可登上N首爾塔欣賞首爾景色。而原來喺首爾塔內的Bear Bear熊博物館則搬到明洞去,地址為明洞2街55-16,2-3/F,喺明洞站6號出號行若6分鐘就到呢!

推介項目: 登塔欣賞首爾全景﹑夾啱時節賞花﹑參觀熊博物館
入場價錢: 每人9000韓圓
其他消費: 熊博物館入場費成人WON6,000(大小同價)
評分: 值得去4  
手信至齊 笑臉2014-12-13
首爾站
首爾站
以前係政府機關,現在已成博物館之餘此類呢!
以前係政府機關,現在已成博物館之餘此類呢!
Lotte Outlets
Lotte Outlets
超市內的炸雞(又係星劇效果,掀起炸雞熱潮)
超市內的炸雞(又係星劇效果,掀起炸雞熱潮)
炸雞以外的美食
炸雞以外的美食
一陣間就掃了一車呢!
一陣間就掃了一車呢!
近期熱愛整麵包,喺超市看到各式各樣麵粉好開心!
近期熱愛整麵包,喺超市看到各式各樣麵粉好開心!
臨上機掃既麵包蛋糕
臨上機掃既麵包蛋糕
去完N首爾塔,乘坐巴士落山,於首爾站下車,看到Lotte Mart二話不說即入內掃零食手信。除了樂天超市,首爾還有Home Plus﹑ Emart等超市,但我最愛還是逛首爾站樂天,地方大不在話下,有些手信更設專柜方便大手入貨,如柚子蜜,我在其他地方找不到,或只得一盒半盒,但這裡款式多,有時還做大特價兼很多贈品呢!附近又有 Outlet,又有可堂食既 Paris Baguette,所以大家可考慮留番時間喺呢度一次過掃手信啊!

 
評分: 值得去4  
正
一向喜愛壽司,尤以有紫菜包著的最愛,不過本人偏食,飯卷內通常包著很多我不愛吃既東西,所以忠武紫菜包飯真係開正我嗰路,只有紫菜包著白飯,靠另上既辣魷魚及辣蘿蔔提味,咁我就可以不用左挑右挑咁食魷魚同紫菜飯卷了!魷魚很辣,像我地既土魷加辣汁,好醒胃,配紫菜飯剛剛好,每份10件紫菜飯卷,蘿蔔好像可任加,魷魚則不肯定。另外點單時要先付錢,入座後店員會端上海帶湯,也是任飲,味道不怎麼樣,但可解辣勁十足既魷魚呀!

 
推介菜式: 紫菜包飯配辣魷魚同蘿蔔套餐
每人消費: 約3500韓圓 (午餐)
評分: 味道4   服務3   環境3   衛生3   抵食3
顏色好淡咁!
顏色好淡咁!
煮開左就有番啲色了!
煮開左就有番啲色了!
我是從旅遊書上認識部隊鍋的,說是打仗時美韓軍隊交換各自既糧食,包括公仔麵﹑火腿﹑年糕﹑茄汁豆等,開鍋煮成這個大雜燴充飢,自始一直流傳下來,而書中介紹既正正就是這家Nolboo。

去了多次首爾,這次終於可一試這裡既部隊鍋。餐牌照片所示,這裡有三款部隊鍋可供選擇,包括基本﹑海鮮等,我們點了最基本的,只有火腿﹑腸仔﹑年糕等,相中的芝士沒了,而且要另外加錢才有公仔麵及肉片,較我們之前在新村家庭店吃的貴之餘,公仔麵可是這個鍋重要一員,竟然不是包括在內,而要加錢才可吃,感覺欠傳神。至於味道就不過不失,始終所有材料基本上是醃製品﹑加工食品嘛,好難唔好味既,辣湯也可以。不過絕對唔會有下次了!
每人消費: 約15000韓圓 (午餐)
評分: 味道3   服務3   環境3   衛生3   抵食2
年糕包燒肉 ok喇2014-12-13
正
正
正
正
食店有兩層,地方算大,枱與枱之間既距離合理,座位尚算舒適,尤其我們坐在門口位置,較通風,不會食到一身油煙。

這裡提供牛﹑豬既燒肉套餐,也可散點。我們則點了豬肉套餐,內有兩隻海蝦﹑三層肉﹑豬脢肉及豬頸肉,亦有粥及凍湯,份量看似不多,但吃掉所有燒肉﹑前菜則很飽。

吃韓式燒肉一向會以生菜﹑芝麻葉或其他蔬菜包著同吃,但這裡較為特別,是以年糕代替生菜包肉吃,年糕顏色有白﹑粉紅及綠色三種,薄薄的有點透光,當然這裡也有提供生菜片。坦白講,味道不怎麼樣,只是吃法較為新鮮,貪得意既朋友可以一試。
 
每人消費: 約20350韓圓 (晚餐)
評分: 味道3   服務3   環境3   衛生3   抵食2
Orange Cider好靚
Orange Cider好靚
辛辣麵好味!
辛辣麵好味!
好芝既芝士蕃薯春卷
好芝既芝士蕃薯春卷
好飽
好飽
相信 SchoolFood 這個名字冇人不識,在香港可是很紅既店呢!主打 Fusion韓食,平時人龍多的是,怕排大隊既我一直未試,也沒太大意欲想試,誰知在明洞行行下看到,仲要唔駛排隊,於是入去朝聖一番。

這家 SchoolFood 地方頗大,枱與枱之間夠空間感,全部木式枱椅,整體裝潢不錯,係燈光相對較暗,對坐零晨機既我倆好有催眠作用。餐牌印刷相當精美,圖文並茂,食物種類未至於好多,但同一種類既食物卻因著唔同材料而變化出更多選擇。本來好想吃賣相好靚既紫菜飯卷,奈何內有太多我不吃既東西,較早前又吃過忠武飯卷,故就不在這吃了。最後芝士控既我點了芝士蕃薯春卷(WON2,500)﹑辛辣麵(WON4,000)﹑吉烈豬扒芝士辣炒年糕(WON13,000),以及點了一Jar Orange Cider。

整體而言,食物賣相吸引,當中芝士辣炒年糕相當大份,我地都食唔哂!但味道就不過不失,定價喺韓國算合理,但同價錢相信可以食到更多更美味既食物。所以呢!試一次就夠了,番到香港亦唔駛再幫襯呢! 
每人消費: 約13000韓圓 (晚餐)
評分: 味道3   服務3   環境3   衛生3   抵食2
想試好耐既炸粉絲卷
想試好耐既炸粉絲卷
3000韓寰而已
3000韓寰而已
超甜
超甜
簡單就是好味
簡單就是好味
正
出名鐵板辣炒雞扒
出名鐵板辣炒雞扒
加飯再炒
加飯再炒
又辣又惹味
又辣又惹味
喺明洞除了有大大小小不同既餐廳,街頭小吃亦不少,早前既篇幅就有兩張小吃相,這裡再加多數張小吃及街邊大排檔既美食吧!另外還有近期喺香港大熱既冰品呢! 
每人消費: 約4000韓圓 (其他)
評分: 味道3   服務3   環境3   衛生2   抵食3
好滑好濃抹茶味!
好滑好濃抹茶味!
平時去百貨只會去超市或免稅店,點解喺度提樂天百貨呢!就是如題所講,明洞樂天旁的Lotte Young Plaza 有Line精品出售,雖然價錢較貴,但台北站未開前只此一家,所以Line粉必來朝聖是也!

另外,在地下超市及美食廣場可買超滑意大利雪糕及名店馬卡龍,還有好多好多吃的可揀,人有三急又可在此解決,小休一陣再拼過呢! 

註:這裡也有好多潮牌,入貨也可啊! 
參觀時段: 其他
入場價錢: 每人0韓圓
其他消費: 購物
評分: 值得去3  
  0 個留言    |  加入你的留言
瘋迷曼谷 (泰國)
(旅程日期: 2013-08-16 至 2013-08-19 ,  旅程性質: 觀光攝影, 飲食購物, 消閒度假)
 整個旅程  (共4篇遊記)
 分享至Facebook 
發表日期: 2013-09-22
一般喺最後一日,我都會到酒店附近商場作最後衝刺,今次都唔例外,由於行程緊湊,又唔係住喺 Asok,所以最後一日就到 Terminal 21 飲飲食食,睇下有冇野要補購。

除此之外,亦會喺機場,即臨上機離開曼谷前食最後一餐"正宗"泰菜。

我亦會喺本篇介紹其他到過或有影過既商場,並分享下住過既酒店俾大家。 
由BTS Station月台拍過去的
由BTS Station月台拍過去的
入口也稱作 Gate
入口也稱作 Gate
看到上面半架空中的電車嗎?
看到上面半架空中的電車嗎?
猶如航機班次水牌,其實係電影場次啊!
猶如航機班次水牌,其實係電影場次啊!
日本樓層
日本樓層
鳥居裝飾
鳥居裝飾
Samurai
Samurai
相撲手
相撲手

這個商場是於2010年Q4開幕,以旅遊/機場作主題,入口處以 Gate 來稱呼,職員打扮成空中服務員咁,接待處頭頂上有好幾個時區既時鐘,而看似航班資料既水牌則是電影場次,leaflet 制作成護照,玩味十足。

每層以唔同國家嚟佈置,如M層(即與BTS站連接樓層)為巴黎,1樓為東京,2樓為倫敦,3樓為土耳其伊斯坦堡,4樓﹑5樓係食肆同 Food Court樓層,有中國風及三藩市作主題,地下係羅馬等,就連每層既洗手間,其裝修都配合番該樓層既國家主題架,詳情可瀏覽網址。(http://www.terminal21.co.th/main/index)

除了可讓遊客大影特影,這裡既食肆包括 Food Court 都好正!此外,小老闆(紫菜)專門店也在此,大家可以喺度入貨。持有護照者只需到接待處登記,便可得到商場 wifi 既 login name and password,雖然收得麻麻,但喺曼谷僅佢一家慷慨提供,讚!

推介項目: 影相,食野,濕平
參觀時段: 全日
入場價錢: 每人0泰銖
評分: 值得去4  
這架電車其實係 Cafe,食 Cake 飲咖啡是也!
這架電車其實係 Cafe,食 Cake 飲咖啡是也!
這座橋好靚呀!
這座橋好靚呀!
戲院樓層稱為荷里活,故有奧斯卡奬橫誇數層!
戲院樓層稱為荷里活,故有奧斯卡奬橫誇數層!
羅馬 Theme
羅馬 Theme
倫敦樓層又點少得雙層巴士呢!
倫敦樓層又點少得雙層巴士呢!
唔同時區
唔同時區
倫敦仲有 Underground 啊!
倫敦仲有 Underground 啊!
由於每篇遊記只可放8張相,所以喺呢度加多一個篇幅,俾大家睇多啲 Terminal 21 既佈置!

http://www.terminal21.co.th/main/index
評分: 值得去4  
大愛 Taco 笑臉2013-09-22
有彩色Cushion
有彩色Cushion
最愛雞肉加芝士同酸忌廉,好鬼好味!
最愛雞肉加芝士同酸忌廉,好鬼好味!
Watermelon and Mango Smoothies
Watermelon and Mango Smoothies
Nachos with different sauce
Nachos with different sauce
位於置地附近的上枱賣相更靚。
位於置地附近的上枱賣相更靚。
正
炸雞柳
炸雞柳

因為朋友,才於曼谷吃這墨西哥餅卷,最開心係可以整車仔Taco,可選牛肉或雞肉,汁有數款,配菜有蕃茄﹑洋葱等,逐款計錢,另送車打芝士或酸忌廉,當然,肯加錢又係可以兩樣都要,餅卷可選麵粉或玉米,有硬同軟既分別,一般我都係食軟既。肉﹑汁﹑芝士同酸忌廉,連同餅卷一拼咬下去,正到冇朋友,自始我每次到曼谷總會找機會吃,又回味中呢!

網址:
http://sunrisetacos.com/

推介菜式: Build your own Taco/ Burrito
每人消費: 約120泰銖 (午餐)
評分: 味道4   服務3   環境3   衛生3   抵食3
Siam Paragon ok喇2013-09-22
第一次到覺得外型連燈光同噴水池是好靚呢!
第一次到覺得外型連燈光同噴水池是好靚呢!
唔同時間會有唔同佈置
唔同時間會有唔同佈置
有水族館,所以有企鵝 Figure
有水族館,所以有企鵝 Figure
仲有人扮企鵝宣傳架!
仲有人扮企鵝宣傳架!
雖然唔靚,但好 Sharp呀!
雖然唔靚,但好 Sharp呀!
只怪我太愛綠色同動物,所以還是影了!
只怪我太愛綠色同動物,所以還是影了!
同曼谷新型商場老大哥Emporium屬同一集團,相信佢既出現確實搶了Emporium唔少客源,不過如果係同氣連枝既話,應該唔會有太大問題既。

這個商場同一般大型百貨公司無異,吃喝玩樂濕平乜都有,其中最大特色係有個室內水族館,有得賞魚之餘仲可以俾錢餵鯊魚,熱愛水族館既朋友可以去啊!

官方網址~
http://www.siamparagon.co.th/
評分: 值得去3  
百變熊商場 ok喇2013-09-22
2012年1月攝
2012年1月攝
今年年頭的模樣
今年年頭的模樣
這是冇聖誕氣氛既聖誕裝飾呀!
這是冇聖誕氣氛既聖誕裝飾呀!
但熊仔依然可愛
但熊仔依然可愛
其他陪襯
其他陪襯
這幾隻疑似鹿總讓我想起五星戰隊呢!
這幾隻疑似鹿總讓我想起五星戰隊呢!
2011年7月攝
2011年7月攝
這個商場有點舊,燈光頗暗,其實冇乜野行,因為有啲店已執了。但佢近呢年開番同民族風有關既攤檔,叫做多啲野睇。唯一最好既係其中一層係合記林真香,大家可以買手信之餘,亦可唱錢,兌換率一般較銀行高呢。

每次喺天橋望落嚟,我都會停一停,為其門口既吉祥物熊人影相,因為佢猶如時裝表演一樣,每次都有新裝,好似有點心思咁呢!

網址~

http://www.amarinplaza.com/

 

推介項目: 林真香唱錢買手信
參觀時段: 全日
入場價錢: 每人0泰銖
評分: 值得去3  
戲院樓層有同電影有關的Figure
戲院樓層有同電影有關的Figure
這個本來在天橋出入口的,因為裝修,所以佢要移入商場內呢!
這個本來在天橋出入口的,因為裝修,所以佢要移入商場內呢!
看!這是未入場內的雕塑呀!(被30週年遮了,看到嗎?)
看!這是未入場內的雕塑呀!(被30週年遮了,看到嗎?)
其他雕塑
其他雕塑
機械人後是Tony Stark呀!
機械人後是Tony Stark呀!
Central World Ah!!!相信大家都識,好幾年前差點被紅衫軍破壞嗰度。2011年已維修完,連佢隔離完全被燒毁既ZEN去年都全面復工了!

Central World 真係好大,一個 ZEN 同一個ISETAN咁多啦!我睇既樓層梗係食同超市啦!不過呢度個超市相對偏細,冇行得咁過癮。反而6﹑7樓食肆真係讓我興奮不已,Shabu Shabu﹑泰菜﹑放題﹑中既西既﹑大量甜品雪糕,講得出都有,可恨既係我雖大隻,但胃口仍未夠大,未能試盡所有呀!

另外這裡有我至愛的 Naraya及 Cath Kidson既旗艦店,粉絲們帶夠彈藥嚟朝聖呀!

參考網址~
http://www.centralworld.co.th/en/index.aspx
參觀時段: 全日
其他消費: Eat!!!
評分: 值得去3  
除左Loft,最出名既店舖非 Propaganda 莫屬
除左Loft,最出名既店舖非 Propaganda 莫屬
玩具回收...香港都需要呀!
玩具回收...香港都需要呀!
第一次去時有好多鴨仔呀!
第一次去時有好多鴨仔呀!
此商場內有蠟像館
此商場內有蠟像館
呢期應係 Inception大Hit吧!
呢期應係 Inception大Hit吧!
內裡環境(應常替換的)
內裡環境(應常替換的)
這個商場與Siam Centre連著,隔條天橋就去到Tokyu Mall及MBK,而Siam Centre又與Siam Paragon為鄰,所以一次過去哂咁多個Mall也不為過。

而Siam Discovery Centre係一個充滿設計氣息既商場,除左因為商場外型設計特別外,這裡勁多有名家品或精品店,包括廣為人知既 Propaganda,香港已執但相信人人懷念既 Loft。

除此之外,這裡的 Naraya也是超大間的,幾好行。又這裡有杜莎夫人蠟像館。可以喺呢度消磨數小時呀!

網址~
http://www.siamdiscovery.co.th/main.php
推介項目: 買家品
參觀時段: 全日
入場價錢: 每人0泰銖
其他消費: 蠟像館
評分: 值得去3  
同位於BTS沿線既商場感覺好唔同呢!
同位於BTS沿線既商場感覺好唔同呢!
這家好像是露天餐廳來的
這家好像是露天餐廳來的
坐喺鞦韆椅度向天望既情景,好hea
坐喺鞦韆椅度向天望既情景,好hea
由於去曼谷次數唔少,我地其中一次就打的去交通冇咁方便既 K-Village行下。落車時見個正門幾唔錯,好hea 好relax呀!佢同一般商場唔同,並不是刻板幾層高既石屎商場,而係向橫發展,佔地不少既綠化商場,四周都有好多樹木美化環境,這亦係呢度既特色。

其實我冇好深入咁行,但印象好靜,唔係好多店舖做生意,又或有好多未入貨,食肆方面好似主打高檔既多,有北海道牛奶同 Ho-Mu既甜食店。也有一間唔算大既超市。我地喺度飲左牛奶,食左布丁同軟雪糕,休息一陣就走了。

由於位置欠方便,我地都未必會再去呢度呢!

網址~
http://www.kvillagebangkok.com/
參觀時段: 下午
入場價錢: 每人0泰銖
新和風商場 ok喇2013-09-22
這就是去年新開的 Gateway
這就是去年新開的 Gateway
喺月台已見到的大大招財貓,但見這個就知這商場吹日本風啊!
喺月台已見到的大大招財貓,但見這個就知這商場吹日本風啊!
車站連接商場既天橋都有和風裝飾
車站連接商場既天橋都有和風裝飾
這個樓層主要係日式餐廳,整體裝修都帶東洋風
這個樓層主要係日式餐廳,整體裝修都帶東洋風
空間感係有既,但未夠旺!
空間感係有既,但未夠旺!
當日做梗北海道食品節
當日做梗北海道食品節
連電梯口都有和風佈置
連電梯口都有和風佈置
這棵樹蠻特別吧!
這棵樹蠻特別吧!

這個商場是以和風做主題的,不過主要和風佈置只集中於地下及連接BTS站既樓層,由入口﹑電梯位﹑柱等,都有日系佈置,其中又以不同做型既公仔放置於商場既不同位置,就是要影齊所有公仔都用了我個幾鐘。

以M樓層最有東洋風味,全層既食肆都係日式的,包括拉麵店﹑日式蛋糕店﹑居酒屋串燒﹑燒肉料理﹑日式料理等,其實好想試勻每一間... 不過又係Mission Impossible,得個想字囉!

同一樓層有日式超市(主打日用品嗰隻),價錢唔貴,幾多野睇。地下又係Food Court 及其他大路食肆之類。至於其他樓層,其實一係電器﹑美容,就係上到最高既 Playgroup等,真正可shopping 既地方唔多,同埋未入哂伙,所以未算係必到之地,但冇乜特別野做,又或你係哈日族,咁就嚟囉!

網址~
http://www.gatewayekamai.com/

註:Ekkamai 附近有個Bus Terminal (East),來往芭堤雅﹑羅勇等其他城市

推介項目: Photo Shooting
參觀時段: 其他
入場價錢: 每人0泰銖
其他消費: Eat!!!
評分: 值得去3  
日本點可以冇相撲手呢!
日本點可以冇相撲手呢!
尤達都嚟湊熱鬧
尤達都嚟湊熱鬧
晴天布和尚真身
晴天布和尚真身
武士都有
武士都有
仲有忍者
仲有忍者

影左個幾鐘既公仔,係咁咦都show啲出嚟啦!

參觀時段: 其他
酒店由原來既All Seasons改名為VIC3
酒店由原來既All Seasons改名為VIC3
房間乾淨企理,亦好光猛
房間乾淨企理,亦好光猛
有簡單吧枱,地方唔算大,但夠用
有簡單吧枱,地方唔算大,但夠用
洗手間乾淨,要用既設備都齊了
洗手間乾淨,要用既設備都齊了
下面太陽傘既地方便是泳池
下面太陽傘既地方便是泳池
每天有自助早餐
每天有自助早餐
原名為 All Seasons Victory Monument,於2011年年尾改名為VIC 3,基本上房間設計沒有大變動,只是職員制服﹑地顫或掛牆等用色有點變了,但不算變化好大。

位置距離 BTS Sam Nampao 大約10分鐘內既步程,而車站側有7-11,頗方便。房間不算大,勝在乾淨企理,夠光猛。酒店設有泳池及小型健身室,也提供免費wifi,還有自助早餐,雖然附近沒有地方可供娛樂,但以佢特價時既價錢,已算是不錯了!
每晚價錢: 1800泰銖 (雙人房)
評分: 設備3   服務3   環境3   衛生3   抵住3
由 Asok站落去會見倒呢個指示牌,唔驚揾唔倒!
由 Asok站落去會見倒呢個指示牌,唔驚揾唔倒!
由月台望倒酒店呢!
由月台望倒酒店呢!
Twin Bedroom
Twin Bedroom
我冇買電視服務
我冇買電視服務
簡單整潔洗手間
簡單整潔洗手間
後面係花灑位呀!
後面係花灑位呀!
這個板可放落嚟做枱
這個板可放落嚟做枱
酒店正門
酒店正門

Tune Hotels Asok 係超方便超經濟既酒店,2012年8﹑9月左右才開,所以好新。佢既位置非常便利,就在BTS Asok站附近巷仔入面,距離車站步程10分鐘內,行番出大路上天橋就可到人氣商場 Terminal 21。

酒店之所以咁平係因為佢採用者自付既方針,每樣野都同客人計數,包括電視﹑冷氣﹑毛巾﹑wifi,早餐就唔駛講啦!雖然係咁,由於位置真係唔錯,價錢實惠,仍然好多人幫襯。對於我成日回鄉而言,酒店只係用嚟訓唔係嘆,冇電視冇上網又有乜所謂,一於慳家至上,最緊要夠乾淨同方便呢!推!

網址~
http://tunehotels.com/my/en/our-hotels/asoke-bangkok/

每晚價錢: 1200泰銖 (雙人房)
其他消費: 上述價錢包了毛巾及24小時空調
評分: 設備3   服務3   環境3   衛生3   抵住4
喺巷尾(條巷好短架咋),行番出去就係車站了!
喺巷尾(條巷好短架咋),行番出去就係車站了!
雖然冇景觀,但勝在床舒服,地方夠大
雖然冇景觀,但勝在床舒服,地方夠大
放多兩個喼都冇問題
放多兩個喼都冇問題
好寬敞吧!
好寬敞吧!
洗手間都夠空間呀!
洗手間都夠空間呀!

這酒店其實真的很不錯,距離BTS Nana站5分鐘路程左右,雖然位處酒吧樓上,但一啲都唔嘈,係見倒好多性感泰妹兜生意,又多老外揾食咁囉!單獨女子出入就要小心。

酒店大堂好細,但有間玻璃房提供電腦免費上網。大堂亦有免費提供熱飲如咖啡﹑泰式奶茶同朱古力,可以坐喺大梳化享用。對面有吃早餐既地方,全餐包蛋﹑煙肉﹑多士同飲品等都係100baht,好抵!

講番間房,地方算大,攤開哂啲行李都好鬆動。床同枕頭尚算舒服,地方乾淨企理,洗手間空間也夠。房間同大堂都可免費上網,整體很不錯。唯獨係房間冇雪櫃冇風筒,如果有提供會好好多!

網址~
http://www.icheckinn.com/hotel.php?sukhumvit

每晚價錢: 1600泰銖
評分: 設備2   服務3   環境4   衛生3   抵住4
酒店外型
酒店外型
房間超大,一看就知張床舒服吧!
房間超大,一看就知張床舒服吧!
床尾勁多位
床尾勁多位
露台
露台
洗手間超大,可開枱呀!
洗手間超大,可開枱呀!
仲有浴缸呢
仲有浴缸呢
豐富自助早餐
豐富自助早餐
仲有泳池
仲有泳池
其實一向出門住酒店唔算好講究,因為一般只係想有覺訓,第二日再嚟過,有早餐有泳池係 Bonus,如冇,都冇乜所謂。反而我好緊張間酒店乾唔乾淨,尤其係廁所。但今次呢間曼谷美人魚酒店對我嚟講都算靚。

地點唔算好方便,位於Asok站同Phrom Phong站之間,我地一般都會去Asok站坐車。行15分鐘左右吧。由於朋友用Agoda積分點upgrade左間房,所以間房超大,洗手間都超大,又有企缸又有浴缸,開枱打牌鬆動有餘。床同四周既距離有好多空間,再加兩張床都冇問題。房間有一個小露台,不過景觀麻麻。而酒店有一個泳池,亦有免費wifi。每日有免費自助buffet供應。不過如我自己再出門,就未必住番呢度,始終唔係喺車站側冇咁方便嘛!

網址~
http://www.hotelmermaidbangkok.com/
每晚價錢: 2400泰銖 (雙人房)
評分: 設備4   服務3   環境3   衛生3   抵住3
機場覓食記 ok喇2013-09-22
朋友至愛 Waffle,如有雪糕更佳
朋友至愛 Waffle,如有雪糕更佳
一般的冬蔭功
一般的冬蔭功
超好味雪糕吐司
超好味雪糕吐司
第一次食這個酸辣粉絲,正!
第一次食這個酸辣粉絲,正!
冬蔭功 again
冬蔭功 again
我不是想吃這些,成日點錯!
我不是想吃這些,成日點錯!
牛肉湯粉好味!
牛肉湯粉好味!
喺日本同首爾都愛既Mister Donut,每次走都會買上機食呢!
喺日本同首爾都愛既Mister Donut,每次走都會買上機食呢!
無論去邊樹,一向臨走之前都會喺機場作最後衝刺,食多一兩餐先走。味道未必係最好,價錢亦一定唔合理(因為喺機場),但抱住唔食冇乜機會食既心態,所以唔係負擔唔倒的話,我都會食餐飽。

這裡就記錄左我7次遊曼谷,喺機場起飛前食過既野,有辣既﹑甜既﹑湯粉既﹑乾撈既... 仲有唔少得我其中大愛既芒果(糯米飯)外賣!咁樣就讓我每次旅程畫上完美句號了!

註:機場內食肆大概有
1. The Pizza Company
2. Coffee World
3. The Cream and Fudge Factory
4. Mango Tree
5. Burger King
6. Others
 
http://www.suvarnabhumiairport.com/index_en.php 
推介菜式: 酸辣蝦粉絲(Caffe Nero),雪糕吐司 (The Cream and Fudge Factory)
評分: 味道3   服務3   環境3   衛生3   抵食2
  0 個留言    |  加入你的留言
瘋迷曼谷 (泰國)
(旅程日期: 2013-08-16 至 2013-08-19 ,  旅程性質: 觀光攝影, 飲食購物, 消閒度假)
 整個旅程  (共4篇遊記)
 分享至Facebook 
發表日期: 2013-09-21
咁大個人,第一次遊曼谷始於前年5月,被當地美食,平消費所吸引,從此愛上此地,3年來共去了7次,自覺曼谷已成另一個家鄉呢!由於大部份朋友都知我密遊曼谷,所以出遊此地時唔係問我借書就係問我攞有關資料,雖然距離神級泰國通有好大段距離,但我都想同大家分享一下個人覺得曼谷既好野食!
正!油糖多冇得頂,奶油多一般!
正!油糖多冇得頂,奶油多一般!
油糖多已成膽了,每次必點,果占多普通!
油糖多已成膽了,每次必點,果占多普通!
熱奶茶一般,還是港式的好!
熱奶茶一般,還是港式的好!
去得多都知飲品一般,所以這次點了牛奶喝!
去得多都知飲品一般,所以這次點了牛奶喝!
好味到要買佢既麵包回港自製回味一番!
好味到要買佢既麵包回港自製回味一番!
獨自出門都要歎番下!
獨自出門都要歎番下!
老實講,頭兩次出遊曼谷都找不到這家多士,直到去年一月重遊舊地時才讓我找到!(5個月內去第三次,有足夠時間俾我揾啦!)店舖位於年輕人蒲點MBK,嗰度有點似我地既旺中,雖然次次我都要兜大圈才找到其位置,但佢已成為我每次回鄉必去既食店了!

MONT歷史悠久,不過我唔知佢幾多年了,店舖裝修有提的,地方企理,枱排得頗密,因為真係好多人幫襯架,本地人同遊客皆是!採自助形式,到水吧柜枱落單後(多士及飲品),再移玉步向前行既多士"出菜位"取飲品同多士,然後自行找座位慢慢享用。

此店出名係多士,主要在於佢有好多口味供選擇,包括最基本既牛油砂糖﹑朱古力醬﹑果占﹑奶油﹑仲有好搶眼既咖央(綠色架),曾經諗過為左影相靚啲而點咖央,但我唔愛蛋味,所以最後都係點番最基本既牛油砂糖﹑奶油同果占(分幾次試架)!除左選擇多外,多士外脆內軟,有炭香味,其中以牛油砂糖最能食出此味,所以以後幫襯我都只點油糖多呢!

試過Mont後,我喺其他地方食到既油糖多都好一般,有時甚至稱得上難吃,亦有試過買磅方包(Mont出品)回家自製,諗住回味下,但都係食唔番喺Mont既味道,我敢話佢既多士真係全曼谷最好味既,信我啦!至於佢既飲品,陪襯嚟既啫,口渴就飲水吧!
 
推介菜式: 牛油砂糖多士
每人消費: 約50泰銖 (下午茶)
評分: 味道4   服務3   環境3   衛生3   抵食4
簡約風
簡約風
札肉同唔知咩沙律,啲炸豬皮幾好味!
札肉同唔知咩沙律,啲炸豬皮幾好味!
青芒果沙律,冇得頂!
青芒果沙律,冇得頂!
青木瓜沙律
青木瓜沙律
好味但辣到痴線既燒豬肉
好味但辣到痴線既燒豬肉
第二次食既青芒果沙律酸得滯
第二次食既青芒果沙律酸得滯
要食糯米飯解辣
要食糯米飯解辣
這是一家人氣長龍店,以賣泰式青木瓜沙律出名,除了青木瓜沙律,還有青芒果沙律,我是於此店愛上青芒果沙律的,佢既鹹香﹑辣味把原來酸酸的芒果中既甜味帶出,嗰啲汁喺口腔內咇出嚟嗰下真係好正!吃過一次,翌日去到其他餐廳都想再吃青芒果沙律呢!

除左泰式沙律,亦有好多人點燒雞,可惜份量太大,我地食唔哂,唔敢點。其他小食中我地試過札肉同泰式燒豬肉,後者勁辣,我地食到要點糯米飯送呢。價錢唔貴,味道OK,坐得尚算舒服,去開Mango Tango既可過對面試埋呢間呀! 
評分: 味道4   服務3   環境3   衛生3   抵食4
芒果迷必到 笑臉2013-09-21
精美餐牌
精美餐牌
Mango Thai Sundae (Baht 75)
Mango Thai Sundae (Baht 75)
左邊係 Mango Salsa Baht 85)
左邊係 Mango Salsa Baht 85)
有啲格調架!
有啲格調架!
Mango Delight (Baht 65)
Mango Delight (Baht 65)
Mango Cha Cha (Baht 65)
Mango Cha Cha (Baht 65)
Mango Tango with Sticky Rice (Baht 145)
Mango Tango with Sticky Rice (Baht 145)
Mango Tango w/o Sticky Rice (Baht 120)
Mango Tango w/o Sticky Rice (Baht 120)
未去泰國前,我是一個不吃芒果的人,自從喺曼谷吃芒果糯米飯時試了第一口芒果,嗰種鮮甜﹑果肉厚實既質感讓人一吃愛上,甚至係欲罷不能,從此去到曼谷就變成一日一芒果了。提起芒果,定必要介紹位於 Siam Square Soi 5 Mango Tango 

店舖位於街角,裝修黃黃黑黑,幾有型,入到去先係被牆上圖案所吸引,跟住就會被精緻既芒果形餐牌迷住了。全部都係同芒果有關既甜品。其中最人氣既係跟店名一樣既 Mango Tango~即芒果雪糕﹑芒果布丁同芒果半個,另可選擇加糯米飯的。芒果迷一定要嚟朝聖呀!

此店採半自助形式,自行到櫃台落單兼俾錢,跟住店員就會把甜品送上。除了即造甜品同果汁外,還可購買芒果乾及以芒果做圖案既還保袋,送禮自用一流呀! 


推介菜式: Mango Tango, Mango Salsa, Mango Thai Sundae
每人消費: 約120泰銖
評分: 味道4   服務3   環境3   衛生3   抵食3
真係隨處可見
真係隨處可見
朋友至愛Waffle
朋友至愛Waffle
有造型架!
有造型架!
Banana Nutty,每次都點
Banana Nutty,每次都點
大愛香蕉同焦糖雪糕配Crepe呀!
大愛香蕉同焦糖雪糕配Crepe呀!
雖然好 Heavy,但又靚又好味!
雖然好 Heavy,但又靚又好味!
呢間Swensen's真係猶如7-11咁梗有一間喺你左近。各大小商場總會見到佢既出現。Swensen's 係美國品牌雪糕,裝修都幾靚。好多顏色,同 Haagen Dazs比較係兩個唔同既感覺。一坐低店員會奉上水一杯,個玻璃杯都好靚架,只係這裡上載相片數量有限﹐未能在此分享。

雪糕款式起碼有20幾款,餐牌已set了好多唔同既甜品﹑飲品。好似我最愛既 Banana Nutty,有個 waffle 底,上面有兩球自選口味既雪糕,香蕉同nuts,咁熱鬧都係百多泰銖,抵到冇朋友。又有食過佢既 Crepe,都唔錯。同其他雪糕店一樣,有期間限定款式,好似我之前都有試過既楊桃味雪糕咁。

總之,每次去泰國,我都會幫襯佢啦!(多過一次) 唔係會囉囉攣唔安樂架! 
每人消費: 約105泰銖 (下午茶)
評分: 味道4   服務3   環境3   衛生3   抵食4
就是這裡讓我接受冬蔭功的!(JJ Mall)
就是這裡讓我接受冬蔭功的!(JJ Mall)
Emporium 的牛肉牛丸河係我喺曼谷內食過至濃至正的!
Emporium 的牛肉牛丸河係我喺曼谷內食過至濃至正的!
芒果補給站 (Pier 21@Terminal 21)
芒果補給站 (Pier 21@Terminal 21)
老公話這個Food court 食物最好味! (Siam Paragon Food Hall)
老公話這個Food court 食物最好味! (Siam Paragon Food Hall)
(Siam Paragon Food Hall)
(Siam Paragon Food Hall)
(JJ Mall)
(JJ Mall)
(JJ Mall)
(JJ Mall)
難得見倒咁多肉!(Tesco)
難得見倒咁多肉!(Tesco)
其實一向都鐘意去Food Court,貪其選擇多,價錢唔貴,一個地方就可以試好多唔同種類野食。去到外地尤其係東南亞就更喜歡蒲 Food Court了。

喺曼谷基乎每個商場都有美食廣場,雖然可能每個地方賣既食物種類差不多,離唔開湯粉﹑雞飯﹑冬蔭功﹑串燒﹑鮮果吧等,但每度既食物味道﹑質素都有唔同。好似喺 JJ Mall內既 Food Court,其冬蔭功粉既湯底最好味,酸辣度適中,味道好過餐廳的。Emporioum Food Court 既牛肉湯河湯底最濃味,每次差不多都特登去食。

而環境方面,大致上差不多,Pier 21@Terminal 21 ﹑Emporium 同 Central World 既 Food Court 有一邊靠窗,景緻開揚。而 Pier 21個 theme 真係同碼頭有關,工作人員穿上水手服,佈置也有錨等。不得不提既係Paragon,由於該處有個水族館,所以個 Food Court 有大量魚缸,而魚缸內亦有魚兒暢泳,望住個缸食魚生都咪話唔搞笑!

曼谷既 Food Court 還有一個特別之處,就係付款形式,我地喺香港﹑韓國﹑新加坡等 Food Court 一般都係用現金找數,但曼谷的一係要買印有銀碼既飯票,一係喺入口派/買現金卡,到各食肆扣數,離開 Food Court 時才在出納處一併結算,免了現金找贖既麻煩。

總之,喺曼谷行街行到餓,去 Food Court 幫襯下都唔錯,除左多選擇,味道質素都唔錯,真係估唔倒喺 Food Court 都食到正野呀?!  
每人消費: 約60泰銖 (午餐)
評分: 味道4   服務3   環境3   衛生3   抵食3
位於 K- Village,仲有幾個吧位
位於 K- Village,仲有幾個吧位
牛奶味濃的北海道牛奶同牛奶布丁
牛奶味濃的北海道牛奶同牛奶布丁
終於肯試香蕉奶,好味!
終於肯試香蕉奶,好味!
第一次飲抹茶牛奶,奶味同抹茶味同樣咁濃呀!
第一次飲抹茶牛奶,奶味同抹茶味同樣咁濃呀!
每次必飲既牛奶
每次必飲既牛奶
同 Swensen's 一樣, Hokkaido 又係好似7-11咁方便,去邊個商場都見倒佢咁滯, even 喺 Siam Square 同樣見倒 (Mango Tango 對面馬路)。我自己好鐘意飲牛奶,而北海道牛奶出名鮮濃,喺曼谷一見到我梗會幫襯。

一般嚟講我只買牛奶,但這個旅程我每日都有幫襯,所以除牛奶外,我亦試埋香蕉奶同抹茶牛奶,前者香甜,後者抹茶味濃,兩者都保留牛奶鮮味。除了牛奶,佢仲有牛奶布丁﹑乳酸/乳酪等。下次除左牛奶,我會試埋佢既錫蘭奶茶牛奶呢! 
推介菜式: 所有牛奶,牛奶布丁
每人消費: 約50泰銖 (其他)
評分: 味道4   服務3   環境3   衛生3   抵食3
又一平雪糕 笑臉2013-09-21
這個就係焦糖雲尼拿溝雜果(木瓜/紅桑莓)雪芭
這個就係焦糖雲尼拿溝雜果(木瓜/紅桑莓)雪芭
青檸雪芭同椰子
青檸雪芭同椰子
特濃朱古力
特濃朱古力
這個簡單既朱古力火鍋,有任選5球雪糕,好抵!
這個簡單既朱古力火鍋,有任選5球雪糕,好抵!
這兩個都係焦糖底嚟架!Yeah!!!
這兩個都係焦糖底嚟架!Yeah!!!
認識這個牌子,是從遊玩首爾時開始的。佢係美國牌子,東南亞如韓國﹑馬來西亞﹑甚至中國寧波都有分店,就是香港沒有。

BR雪糕款式多,水果味如芒果﹑椰子﹑熱情果﹑木瓜等,又大路既雲尼拿﹑草莓芝士蛋糕﹑焦糖﹑朱古力也有,特別既係棉花糖﹑三溝/雜果雪芭﹑及唔同地方既特式口味...總之讓你試勻咁多款都已吃飽啦!

我自己最愛朱古力﹑焦糖口味演變出嚟既雪糕,每次起碼吃兩球,一濃一酸,正!而且價錢唔貴,質感較 Swensen's厚濃,大家各有各好,如果喺香港開店我就有口福了!

網址:
https://www.baskinrobbins.com/content/baskinrobbins/en/products/icecream/flavors.html
每人消費: 約100泰銖 (其他)
評分: 味道4   服務4   環境3   衛生3   抵食3
  0 個留言    |  加入你的留言
瘋迷曼谷 (泰國)
(旅程日期: 2013-08-16 至 2013-08-19 ,  旅程性質: 觀光攝影, 飲食購物, 消閒度假)
 整個旅程  (共4篇遊記)
 分享至Facebook 
發表日期: 2013-09-15
又一次參加 local tour,繼續支持 AK House,此為台灣人喺曼谷開既民宿,兼辦旅遊團,所定既行程不錯,有幾個選擇,付款形式簡單,詳情可到下列網止呀!

http://www.akhousebkk.com/ 
司機指我地去呢個位,說明這就是有名既火車市場了!
司機指我地去呢個位,說明這就是有名既火車市場了!
路軌上好多檔口呢!
路軌上好多檔口呢!
另一邊係火車站,真係上落客的,所以相對企理同冇咁多阻礙物,但左邊係好幾間食檔
另一邊係火車站,真係上落客的,所以相對企理同冇咁多阻礙物,但左邊係好幾間食檔
左側有火車站/市場既介紹架!
左側有火車站/市場既介紹架!
疑似火車時間表
疑似火車時間表
火車嚟嘞!
火車嚟嘞!
佢同我地真係好貼近架!
佢同我地真係好貼近架!
這個火車站,其實電視也有介紹過,應為先有街市,後政府起火車站,但當地人唔肯搬走,雙方爭持不下,所以最後街市依然喺度,只係當火車埋站時,小販要迅速走鬼,清出火車軌讓火車駛過,短短10幾分鐘由收檔到火車經過後迅速開檔,這個情境煞是有趣。至於想知詳細背景﹑歷史,則請自行上網維基吧!

市場分兩邊,右邊主要係街市,同一般街市無異,生果﹑菜﹑肉﹑魚﹑海鮮都有得賣,唯一唔同係地方細,如賣魚既只會放喺個蘿度﹑或發泡膠箱內,較正常街市細啲。左邊則為火車站, 以及好幾檔賣吃的,我地都有幫襯,奈何每篇評論只能放8張照片,唯有另外補圖啦!

呢個地方都幾得意,如時間許可,都值得安排到此一遊,體驗一下當地人每日走鬼既"情趣"呀! 
推介項目: 睇小販迅速收檔開檔!
參觀時段: 早上
入場價錢: 每人0泰銖
評分: 值得去4  
市集入口
市集入口
見倒啲船已好興奮呢!
見倒啲船已好興奮呢!
兩邊賣吃的賣手信的應有盡有。
兩邊賣吃的賣手信的應有盡有。
船泊岸煮吃的,遊客就坐在岸邊小櫈等吃,但好多烏蠅飛來飛去,我唔OK。
船泊岸煮吃的,遊客就坐在岸邊小櫈等吃,但好多烏蠅飛來飛去,我唔OK。
行往小店區途中有座位提供之餘,仲有大蕉免費供應,名副其實既請你吔蕉!
行往小店區途中有座位提供之餘,仲有大蕉免費供應,名副其實既請你吔蕉!
賣時裝既小店,給人感覺好首爾呀!
賣時裝既小店,給人感覺好首爾呀!
又係好慷慨咁請你坐下小休!
又係好慷慨咁請你坐下小休!
除左美功火車市場,這個水上市場也是重點行程之一,亦係我好期待既一個景點,主要俾大家見識下以前泰國人喺水上/岸邊點樣交易,無論係買既﹑食既乜都有,而曼谷出名既船粉,相信亦係由此命名。

一到埗就見倒鹹蛋超人﹑蜘蛛俠等1:1人型裝飾,再望下河景,感覺好 relax,一路向前行就見倒有好多小檔,好像一個市集咁。可以行既地方唔算多,志在俾你感受一下個環境吧!另外有一邊行行下會通向一個小店集中地,嗰邊有風扇又有座位供人休息,清涼好多,而四周感覺好有韓國首爾三清洞 feel,好唔同!

出發前我諗住可以大吃大喝,完全投入呢個風俗,之但係去到時發現賣吃的都有好多烏蠅,所以不敢隨便吃,只能找家環境較為衞生既食店去醫肚,猶好湯粉味道仍然不錯。我地除左行水上市場,亦有參與晚上坐船睇螢火蟲既行程。喺船度望番上岸既感覺同由陸上望落嚟既有唔同,而且日間跟晚上風景也不一樣,總括嚟講,這個都係一個幾特別既體驗呀!
推介項目: 坐船遊河,感受下岸兩邊擺賣及小船兜售既氣氛
參觀時段: 下午
評分: 值得去4  
我地坐既係電動船,這個係只有船夫努力划既舊式船
我地坐既係電動船,這個係只有船夫努力划既舊式船
河道窄窄的,好考船家功夫呀!
河道窄窄的,好考船家功夫呀!
我地最後好像係幫襯呢檔
我地最後好像係幫襯呢檔
好多生果呀!
好多生果呀!
又平又好味既撈麵呀!
又平又好味既撈麵呀!
同樣係水上市場,但跟之前既 Amphawa感覺有點唔同,一早約10點多到埗,先坐船遊河感受下。可能這個係泰國政府極力推介既水上市場,所以兩岸商販主要賣手信,當佢同船上遊客有眼神交流,船夫就會將船隻靠近,讓遊客購物。不過我估船家同部份小販有協議的,因為佢係選擇性泊岸呢。

不過我地全船旅客都係淨坐冇幫襯,遊左大半個鐘後就上岸,再行市場了。一上岸第一時間找吃的,雖然出發前已吃了麥當當,還是想大吃一餐。轉頭就俾入口餐廳既老闆娘捉住了,見佢咁主動又話開大風扇俾我地,於是我地坐低了。前後點左媽媽麵﹑雞飯﹑冬蔭功﹑炒通菜...除左冬蔭功好味外,其他唔得,價錢亦偏貴,冬蔭功要成300匹呢!

之後係咁2行下個市集,真係冇乜野行,但勝在佢啲食檔冇咁多烏蠅,我地都食得安心啲,最後去了另一檔河邊既食檔吃船粉,但我地點左撈麵,好平,30匹但超好味,有點回味呢!

兩個水上市場比較...其實各有各好,多野睇係喺 Amphawa 但你有神仙肚才可去大吃大喝呀!至於 Damnoen Saduak,坐船遊河既體驗唔錯。亦可放膽喺嗰邊開餐呢! 
推介項目: 坐船遊河
評分: 值得去4  
遠遠看到金光閃閃的佛像
遠遠看到金光閃閃的佛像
旅遊巴好東瀛呀!
旅遊巴好東瀛呀!
有點流既泰拳公園
有點流既泰拳公園
也是用來拜祭既擺設
也是用來拜祭既擺設
超多呢!
超多呢!
這是一座喺樹幹內既金佛,其實唔知係後人加金上去定一開始已有呢!都幾多人去架,不過我唔信佛,所以係咁易影左啲相就算。

喺樹中廟側邊既係泰拳公園,有啲雕像展示泰拳既招式﹑對打咁...但日久失修,有啲斷手斷腳咁,總之,如果唔係行程已包,我諗我唔會去,亦唔建議特登去。
 
兩度騎大象 ok喇2013-09-15
首次騎象原來都有影低個象園名的!
首次騎象原來都有影低個象園名的!
50匹一個椰子雪糕,冇翟道翟咁好味
50匹一個椰子雪糕,冇翟道翟咁好味
第二次去的象園
第二次去的象園
這隻小笨象讓人付錢合照的,這個size讓我想起 Tom Yum Gong 電影內的小象康仔呀!
這隻小笨象讓人付錢合照的,這個size讓我想起 Tom Yum Gong 電影內的小象康仔呀!
遠遠見倒隻象好似同我地微笑咁,而咁啱得咁橋我地就係坐佢了!
遠遠見倒隻象好似同我地微笑咁,而咁啱得咁橋我地就係坐佢了!
同上次唔同好快見倒第二甚至第三隻象,冇咁靜!
同上次唔同好快見倒第二甚至第三隻象,冇咁靜!
前後參加兩次 local tour 都有騎大象既環節,初時以為係同一個地方,原來唔同架,不過兩邊都一樣,騎大象走一至兩圈,期間會有工作人員幫你影相,最後賣番俾你。另外兩處都會喺尾段行落水,俾你感受下大象過河。

園區有一籮籮香蕉售賣,等你可以餵大象食,以示鼓勵喎!另外,也有小食亭賣飲品同椰子雪糕,兩個象園比較,我會喜愛這個(即 Chang Puak Camp) ,有傘遮頭不在話下,上次個象夫會向人兜售象牙製用品,姑勿論真定假,我唔鐘意呢啲銷售模式。繼而係今次個象夫幾好,見其他遊客叫象夫影相,佢便主動問我地駛唔駛拍照,(雖然我地冇影到),所以我地都比多少少 tips 佢,真係以示鼓勵嘞!
其他消費: 騎象照片,約300匹
評分: 值得去3  
對我而言,這個地方真的很美呀!
對我而言,這個地方真的很美呀!
大部份店舖都好有特色咁呢!
大部份店舖都好有特色咁呢!
還是覺得美!
還是覺得美!
Food Court
Food Court
Shuttle Boat Service Hours
Shuttle Boat Service Hours
就是這家賣番梘呀!
就是這家賣番梘呀!
白天也很美!
白天也很美!
這個夜市係喺2011年4月開始營業的,到去年8月我回鄉時已開左7﹑8成,當時還未有摩天輪,但已覺得個夜市好靚,好迷人。自始每次回鄉定必到此一遊。

夜市以貨倉為主題,劃分4個區域共10個倉吧!買野食野喺哂度,其中6號貨倉係 food court ,不過唔係有 common area 食飯嗰種,入面既食肆係有自己既區域開餐的。9同10好似係 fine dining既地方,詳情可參閱下面網址。

我自己每次去都會買下平衫,去 food court 食野,今次同朋友就食貴啲,食燒肉放題,價錢合理,款式都多,值得幫襯!(其實喺曼谷無論係 Shabu Shabu 定燒肉放題都好抵架!)

夜市同翟道翟一樣,都係好大,唔會太認得自己行左去邊,所以都係睇啱﹑價錢啱就買啦!因為唔知你番唔番到轉頭呀!其中有間賣番梘絲瓜囊幾抵,見得人又唔貴既手信。雖然喺MBK或翟道翟都有,但好似只有夜市分店才有特價。而有啲貨喺翟道翟有既,嗰度又會平啲。不過唔緊要啦!唔算相差好遠既,最緊要買得開心呀!

http://www.asiatiquethailand.com/index.php/th 
評分: 值得去5  
  0 個留言    |  加入你的留言